Tag: ହତ୍ୟା ଧମକ

ନୂଆଦିଲ୍ଲୀ: ଉତ୍ତରପ୍ରଦେଶର ବରେଲିରେ ଅନସ ଅଂସାରୀ ନାମକ ଜଣେ ଯୁବକ ବାଗେଶ୍ୱର ଧାମର ମୁଖ୍ୟ ଧିରେନ୍ଦ୍ର କୃଷ୍ଣ ଶାସ୍ତ୍ରୀଙ୍କୁ ହତ୍ୟା କରିବାକୁ ଧମକ ଦେଇଛନ୍ତି। ଏହି ମାମଲା ହାଫିଜଗଞ୍ଜ ପୋଲିସ ଷ୍ଟେସନ ଅଞ୍ଚଳର ରିଠୋରାରେ ଘଟିଛି। ଏଠାରେ ଅନସ ଅଂସାରୀ ଇନଷ୍ଟାଗ୍ରାମରେ ଏକ ଧମକପୂର୍ଣ୍ଣ ପୋଷ୍ଟ କରି ଲେଖିଛନ୍ତି ଯେ, ବାବାଙ୍କ ମୃତ୍ୟୁ ଆସୁଛି। ହିନ୍ଦୁ ଜାଗରଣ ମଞ୍ଚ ସନାତନ ଧର୍ମ ଏବଂ ଏହାର ପ୍ରଚାରକ ଧିରେନ୍ଦ୍ର ଶାସ୍ତ୍ରୀଙ୍କ ସମ୍ପର୍କରେ ବିବାଦୀୟ ପୋଷ୍ଟ ଉପରେ ପୋଲିସ ନିକଟରେ ଅଭିଯୋଗ କରିଛନ୍ତି।

ହିନ୍ଦୁ ଜାଗରଣ ମଞ୍ଚ ସୋସିଆଲ ମିଡିଆ ସାଇଟ୍ ‘ଏକ୍ସ’ରେ ପୋଷ୍ଟ କରି ଏହି ସମଗ୍ର ମାମଲା ସମ୍ପର୍କରେ ଅଭିଯୋଗ କରିଛନ୍ତି। ହିନ୍ଦୁ ଜାଗରଣ ମଞ୍ଚ ବରେଲି ବ୍ରଜ ଖଣ୍ଡ ସ୍କ୍ରିନସଟ ସହିତ ପୋଷ୍ଟ କରି କଠୋର କାର୍ଯ୍ୟାନୁଷ୍ଠାନ ଦାବି କରିଛି। ଏହା ପରେ ପୋଲିସ ଏକ ମାମଲା ରୁଜୁ କରିଛି। ଏହା ସହିତ ପୋଲିସ ଅଭିଯୁକ୍ତ ଯୁବକଙ୍କୁ ଖୋଜିବା ଆରମ୍ଭ କରିଛି।

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ମୃତ୍ୟୁ ଧମକ ଦିଆଯାଇଛି। ଆଜି ଦିଲ୍ଲୀ ପୋଲିସର ବାହ୍ୟ ଜିଲ୍ଲା PCR ଏକ କଲ ପାଇ କହିଛି ଯେ, ବିହାର ମୁଖ୍ୟମନ୍ତ୍ରୀ ନୀତୀଶ କୁମାର ଏବଂ ଦେଶର ଗୃହମନ୍ତ୍ରୀଙ୍କୁ ହତ୍ୟା କରାଯିବ ବୋଲି ଧମକ ଦିଆଯାଇଛି। ପ୍ରଧାନମନ୍ତ୍ରୀ-ଗୃହମନ୍ତ୍ରୀ ଓ ବିହାରର ମୁଖ୍ୟମନ୍ତ୍ରୀଙ୍କୁ ଧମକ ମିଳିବା ପରେ ଦିଲ୍ଲୀ ପୋଲିସ ଏହି ଘଟଣାରେ ଏକ ଟିମ୍ ଗଠନ କରି ତଦନ୍ତ ଆରମ୍ଭ କରିଛି।

ଦିଲ୍ଲୀ ପୋଲିସ କହିଛି ଯେ, ଆଜି ସକାଳେ ଜଣେ ବ୍ୟକ୍ତି ବାହାର ଜିଲ୍ଲା ପୋଲିସକୁ ଫୋନ କରି ବିହାର ମୁଖ୍ୟମନ୍ତ୍ରୀଙ୍କୁ ହତ୍ୟା କରିବାକୁ ଧମକ ଦେଇଥିଲେ। କିଛି ସମୟ ପରେ ଦ୍ୱିତୀୟ ଫୋନରେ ପ୍ରଧାନମନ୍ତ୍ରୀ ଏବଂ ଗୃହମନ୍ତ୍ରୀଙ୍କୁ ମଧ୍ୟ ମୃତ୍ୟୁ ଧମକ ଦିଆଯାଇଥିଲା। ଦିଲ୍ଲୀ ପୋଲିସର ସୂଚନାନୁସାରେ ଯୁବକ ଜଣକ ଚିହ୍ନଟ ହୋଇଛନ୍ତି, ତାଙ୍କ ନାମ ସଞ୍ଜୟ ବର୍ମା ଏବଂ ସେ ଦିଲ୍ଲୀର ମାଦୀପୁର ଅଞ୍ଚଳର ବାସିନ୍ଦା।

ମୁମ୍ବାଇ: ମହାରାଷ୍ଟ୍ର ମୁଖ୍ୟମନ୍ତ୍ରୀ ଏକନାଥ ସିନ୍ଦେଙ୍କୁ ମୃତ୍ୟୁ ଧମକ ଦିଆଯାଇଛି। ମହାରାଷ୍ଟ୍ର ପୋଲିସର କଣ୍ଟ୍ରୋଲ ରୁମକୁ ଫୋନ କରି ଜଣେ ଦୁର୍ବୃତ୍ତ କହିଛି ଯେ, ସେ ଏକନାଥ ସିନ୍ଦେଙ୍କୁ ଉଡ଼ାଇ ଦେବେ ଏବଂ ଏହା କହିବା ପରେ ସେ ତୁରନ୍ତ ଫୋନ କାଟିଦେଇଥିଲା।

ମହାରାଷ୍ଟ୍ର ପୋଲିସ ନିୟନ୍ତ୍ରଣ ନମ୍ବର ୧୧୨ ରୁ ଏକ ଫୋନ ଆସିଥିଲା। ଏହି ଫୋନ ସୋମବାର ବିଳମ୍ବିତ ରାତିରେ ଆସିଥିଲା।

ମୁଖ୍ୟମନ୍ତ୍ରୀଙ୍କୁ ଧମକ ଦେବା ପରେ ପୋଲିସ ତୁରନ୍ତ ସକ୍ରିୟ ହୋଇ ଅଭିଯୁକ୍ତଙ୍କ ସ୍ଥାନ ଖୋଜିଥିଲା। ଏହା ପରେ ପୁଣେ ପୋଲିସ ଅଭିଯୁକ୍ତକୁ ଗିରଫ କରିଥିଲା। କଲ୍ କରୁଥିବା ବ୍ୟକ୍ତି ମୁମ୍ବାଇର ଧରାବୀ ଅଞ୍ଚଳର ବାସିନ୍ଦା। ପଚରାଉଚରା ବେଳେ ଜଣାପଡିଥିଲା ​​ଯେ, ଫୋନ କରିବା ସମୟରେ ଅଭିଯୁକ୍ତ ମଦ୍ୟପାନ କରିଥଲା।

ନୂଆଦିଲ୍ଲୀ: ବିହାର ମୁଖ୍ୟମନ୍ତ୍ରୀ ନୀତୀଶ କୁମାରଙ୍କୁ ହତ୍ୟା କରିବାକୁ ଧମକ ଦେଇଥିବା ବ୍ୟକ୍ତିଙ୍କୁ ସୁରଟରୁ ଗିରଫ କରାଯାଇଛି। ଗୁପ୍ତ ସୂଚନା ପରେ ବିହାର ପୋଲିସ ସୁରଟ କ୍ରାଇମ ଶାଖାରୁ ସାହାଯ୍ୟ ମାଗିଥିଲା। କ୍ରାଇମ ବ୍ରାଞ୍ଚ ଲସ୍କାନାରୁ ଯୁବକଙ୍କୁ ଧରି ବିହାର ପୋଲିସକୁ ହସ୍ତାନ୍ତର କରିଛି। ଏଥି ସହିତ ଅଭିଯୁକ୍ତଙ୍କୁ ଗଣମାଧ୍ୟମରୁ ଲୁଚାଇବାକୁ ମଧ୍ୟ ଉଦ୍ୟମ କରାଯାଇଛି। ଅଭିଯୁକ୍ତଙ୍କୁ ବିହାର ପୋଲିସ ଗିରଫ କରିବା ମାତ୍ରେ ସେ ଗଣମାଧ୍ୟମଠାରୁ ଖସି ପଳାଇବା ଆରମ୍ଭ କରିଥିଲେ।

ଗଣମାଧ୍ୟମ ରିପୋର୍ଟ ଅନୁଯାୟୀ, ଧମକ ଦେଇଥିବା ଅଭିଯୁକ୍ତଙ୍କ ନାମ ଅଙ୍କିତ ମିଶ୍ର, ଯାହାର ବୟସ ୨୮ ବର୍ଷ ବୋଲି କୁହାଯାଉଛି। ଏପର୍ଯ୍ୟନ୍ତ ଅନୁସନ୍ଧାନରୁ ଜଣାପଡିଛି ଯେ, ଅଙ୍କିତ ମିଶ୍ର ମାର୍ଚ୍ଚ ୨୦ ତାରିଖରେ ଇଣ୍ଟରନେଟ ମାଧ୍ୟମରେ ଏକ ମିଡିଆ ଚ୍ୟାନେଲ ସହ ଯୋଗାଯୋଗ କରିଥିଲେ। ଫୋନରେ ଅଭିଯୁକ୍ତଜଣଙ୍କ ୩୬ ଘଣ୍ଟା ମଧ୍ୟରେ ମୁଖ୍ୟମନ୍ତ୍ରୀଙ୍କୁ ବୋମାରେ ଉଡେଇଦେବାକୁ ଧମକ ଦେଇଥିଲେ।

ମିଳିଥିବା ସୂଚନା ଅନୁଯାୟୀ ବିହାର ପୋଲିସର ଟିମ୍ ଅଭିଯୁକ୍ତ ଅଙ୍କିତ ମିଶ୍ରଙ୍କ ସହ ସୁରଟରୁ ବିଦାୟ ନେଇଛନ୍ତି। ପୋଲିସ ଅଭିଯୁକ୍ତମାନଙ୍କୁ ପାଟନା ଜିଲ୍ଲାର ସଚିବାଳୟ ପୋଲିସ ଷ୍ଟେସନକୁ ଆଣିବ ଏବଂ ଏହା ପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ଧମକ ଦେବାର କାରଣ ଏପର୍ଯ୍ୟନ୍ତ ବିହାର ପୋଲିସକୁ ଜଣାପଡିନାହିଁ।

ମୁମ୍ବାଇ: ପୂର୍ବତନ ମନ୍ତ୍ରୀ ତଥା ବରିଷ୍ଠ ରାଷ୍ଟ୍ରବାଦୀ କଂଗ୍ରେସ ପାର୍ଟି (ଏନସିପି) ନେତା ଛଗନ ଭୁଜବଲଙ୍କ ବିରୋଧରେ ମୃତ୍ୟୁ ଧମକ ଦେଇଥିବା ଅଭିଯୋଗ ହୋଇଛି। ଦୁବାଇ ଲିଙ୍କ ବ୍ୟବହାର କରି ହତ୍ୟା ଧମକ ଦେଇଥିବା ଅଭିଯୋଗ ହୋଇଛି। ସାମାଜିକ କର୍ମୀ ଲଲିତ କୁମାର ଟେକଚନ୍ଦାନୀଙ୍କ ଅଭିଯୋଗରେ ଚେମ୍ବୁର ପୋଲିସ ୫୦୬ (୨) ଅଧୀନରେ ଏକ ଏଫଆଇଆର ପଞ୍ଜିକରଣ କରିଛି।

ଅଭିଯୋଗ ଅନୁଯାୟୀ, ଛଗନ ଭୁଜବଲଙ୍କ ମୋବାଇଲ ନମ୍ବରରେ ଲଲିତ କୁମାର ଦୁଇଟି ଭିଡିଓ ପୋଷ୍ଟ କରିଥିଲେ, ଯେଉଁ ଭିଡିଓରେ ଛଗନ ଭୁଜବଲ ହିନ୍ଦୁ ଧର୍ମକୁ ଅପମାନିତ କରିଥିଲେ। ଏହା ପରେ ଲଲିତ କୁମାରଙ୍କୁ ହତ୍ୟା କରିବାର ଧମକ ଦେଇ ବିଭିନ୍ନ ନମ୍ବରରୁ କଲ ଆସିବା ଆରମ୍ଭ ହୋଇଥିଲା।

ସୂଚନାଯୋଗ୍ୟ ଯେ ବରିଷ୍ଠ ରାଷ୍ଟ୍ରବାଦୀ କଂଗ୍ରେସ ପାର୍ଟି (ଏନସିପି) ନେତା ଛଗନ ଭୁଜବଲ ଦୁଇ ଦିନ ପୂର୍ବେ ମହାରାଷ୍ଟ୍ର ବିଦ୍ୟାଳୟରେ ଦେବୀ ସରସ୍ୱତୀଙ୍କ ମୂର୍ତ୍ତି ସ୍ଥାପନ ସମ୍ପର୍କରେ ସରକାରଙ୍କୁ ପ୍ରଶ୍ନ କରିଥିଲେ। ମହାରାଷ୍ଟ୍ର ମୁଖ୍ୟମନ୍ତ୍ରୀ ଏକନାଥ ସିନ୍ଦେ ଏବଂ ଉପମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ୍ ଏହି ଘଟଣାରେ ତୀବ୍ର ପ୍ରତିକ୍ରିୟା ପ୍ରକାଶ କରି କହିଥିଲେ ଯେ ସରସ୍ୱତୀ ଜ୍ଞାନର ଦେବୀ ହୋଇଥିବାରୁ ମୂର୍ତ୍ତିଗୁଡ଼ିକୁ ହଟାଯାଇ ପାରିବ ନାହିଁ।

ଏହି ସପ୍ତାହ ପ୍ରାରମ୍ଭରୁ, ମୁମ୍ବାଇରେ ଏକ କାର୍ଯ୍ୟକ୍ରମରେ ଭୁଜବଲ କହିଥିଲେ ଯେ, ବିଦ୍ୟାଳୟରେ ସାବିତ୍ରୀ ଫୁଲେ, ଜ୍ୟୋତିବା ଫୁଲେ, ଶାହୁ ମହାରାଜ, ଭାଉରାଓ ପାଟିଲ ଏବଂ ଭୀମରାଓ ଆମ୍ବେଦକରଙ୍କ ପ୍ରତିମୂର୍ତ୍ତି ସ୍ଥାପନ କରାଯିବା ଉଚିତ। “ଏହି ସାମାଜିକ ସଂସ୍କାରକମାନଙ୍କ ବଦଳରେ ବିଦ୍ୟାଳୟରେ ଦେବୀ ସରସ୍ୱତୀ ଏବଂ ଶାରଦାଙ୍କ ପ୍ରତିମା ସ୍ଥାପନ କରାଯାଇଛି। ଆମେ ସେମାନଙ୍କୁ ଦେଖି ନାହୁଁ ଏବଂ ସେମାନେ ଆମକୁ କିଛି ଶିଖାଇ ନାହାଁନ୍ତି। ଆମେ କାହିଁକି ସେମାନଙ୍କ ସମ୍ମୁଖରେ ପ୍ରାର୍ଥନା କରିବା ଉଚିତ୍?”

ଏକନାଥ ସିନ୍ଦେ ଏବଂ ଦେବେନ୍ଦ୍ର ଫଡନାଭିସ୍ ଏହି ପ୍ରସଙ୍ଗରେ ଦୃଢ ଆଭିମୁଖ୍ୟ ଗ୍ରହଣ କରିଥିଲେ ଏବଂ ସରସ୍ୱତୀ ମୂର୍ତ୍ତିଗୁଡ଼ିକୁ ବିଦ୍ୟାଳୟରୁ ହଟାଯିବ ନାହିଁ ବୋଲି କହିଥିଲେ।

ନୂଆଦିଲ୍ଲୀ: ସୋମବାର ଦିନ ବିଜେପି ନେତା କପିଲ ମିଶ୍ର ଦାବି କରିଛନ୍ତି ଯେ, ତାଙ୍କୁ ଇମେଲ ମାଧ୍ୟମରେ ହତ୍ୟା ଧମକ ଦିଆଯାଇଛି। ସେ ଏହା ମଧ୍ୟ କହିଛନ୍ତି ଯେ, ସେ ଏଥିରୁ ଭୟଭୀତ ନୁହଁନ୍ତି ଏବଂ ‘ଜିହାଦି’ ହିଂସା ପୀଡିତଙ୍କ ପରିବାରକୁ ସାହାଯ୍ୟ କରିବେ। ରବିବାର ସନ୍ଧ୍ୟାରେ ମିଳିଥିବା ଇମେଲକୁ ଟୁଇଟ୍ କରି ସେ ଦିଲ୍ଲୀ ପୋଲିସ କମିଶନରଙ୍କୁ ଟ୍ୟାଗ୍ କରିଛନ୍ତି।

ऐसी धमकियों से हम ना डरने वाले हैं, ना रुकने वाले हैं

कन्हैया लाल जी, उमेश कोल्हे जी जैसै जिहादी हिंसा के शिकार परिवारों के लिए हमारा अभियान और तेजी से चलेगा

हमारे साथ श्री रघुनाथ तो किस बात की चिंता

? https://t.co/4XiiOuVEZ0

— Kapil Mishra (@KapilMishra_IND) July 4, 2022

କପିଲ ମିଶ୍ରଙ୍କ ଦ୍ୱାରା ସେୟାର କରାଯାଇଥିବା ଇମେଲରେ ଲେଖାଅଛି ଯେ, “କପିଲ ମିଶ୍ର ଆତଙ୍କବାଦୀ, ଆପଣଙ୍କୁ ଅଧିକ ଦିନ ବଞ୍ଚିବାକୁ ଦେବ ନାହିଁ। ତୁମକୁ ଗୁଳି କରିବା ମୋ ଲୋକଙ୍କର ଯୋଜନା ରହିଛି। ମିଶ୍ରଙ୍କ ଦାବି ଉପରେ ଦିଲ୍ଲୀ ପୋଲିସର କୌଣସି ପ୍ରତିକ୍ରିୟା ମିଳିପାରି ନାହିଁ। ମିଶ୍ର ଲେଖିଛନ୍ତି ଯେ, ଆମେ ଏଭଳି ଧମକକୁ ଭୟ କରିବୁ ନାହିଁ। କହ୍ନେୟା ଲାଲ ଜୀ, ଉମେଶ କୋହ୍ଲେ ଜୀ ପରି ଜିହାଦି ହିଂସା ପୀଡିତଙ୍କ ପରିବାର ପାଇଁ ଆମର ଅଭିଯାନ ଦ୍ରୁତ ଗତିରେ ଚାଲିବ।”

ସୂଚନା ଥାଉକି ରାଜସ୍ଥାନର ଉଦୟପୁରରେ କହ୍ନେୟା ଲାଲଙ୍କ ହତ୍ୟା ପରେ ବିଜେପି ନେତା କପିଲ ମିଶ୍ର ମୃତକଙ୍କ ସମ୍ପର୍କୀୟଙ୍କୁ ସାହାଯ୍ୟ କରିବା ପାଇଁ ୧ କୋଟି ୭୦ ଲକ୍ଷ ଟଙ୍କା ସଂଗ୍ରହ କରିଛନ୍ତି। ପରିବାରକୁ ଭେଟିବା ପରେ ସେ ଏହି ରାଶି ହସ୍ତାନ୍ତର କରିଥିଲେ। ଜୁନ୍ ୨୮ ତାରିଖରେ କହ୍ନେୟା ଲାଲଙ୍କୁ ତାଙ୍କ ଗଳା କାଟି ହତ୍ୟା କରାଯାଇଥିଲା କାରଣ ସେ ପୂର୍ବତନ ବିଜେପି ମୁଖପାତ୍ର ନୁପୁର ଶର୍ମାଙ୍କୁ ସମର୍ଥନ କରିଥିଲେ। ଏହି ମାମଲାରେ ସମସ୍ତ ଅଭିଯୁକ୍ତଙ୍କୁ ଗିରଫ କରାଯାଇଛି ଏବଂ କାର୍ଯ୍ୟାନୁଷ୍ଠାନ ଚାଲିଛି।

ମୁମ୍ବାଇ: ରବିବାର ଦିନ ବଲିଉଡର ଭାଇଜାନ ସଲମାନ ଖାନଙ୍କୁ ହତ୍ୟା ଧମକ ମିଳିଛି। ସଲମାନଙ୍କ ପିତା ସଲିମ ଖାନ ଯେତେବେଳେ ଜଗିଂ କରିବାକୁ ଯାଇଥିଲେ ସେତେବେଳେ ଏକ ଧମକପୂର୍ଣ୍ଣ ଚିଠି ମିଳିଥିଲା। ଏହି ଚିଠି ପାଇବା ପରେ ପୋଲିସ ଅଜ୍ଞାତ ବ୍ୟକ୍ତିଙ୍କ ବିରୋଧରେ ମାମଲା ରୁଜୁ କରି ତଦନ୍ତ ଆରମ୍ଭ କରିଛି। ସୂଚନାନୁସାରେ, ବର୍ତ୍ତମାନ ମୁମ୍ବାଇ ପୋଲିସ ଏହି ମାମଲାରେ ସଲମାନ ଖାନ ଏବଂ ତାଙ୍କ ପିତା ସଲିମ ଖାନଙ୍କ ସୁରକ୍ଷାକୁ ବୃଦ୍ଧି କରିଛି।

ପଞ୍ଜାବୀ ଗାୟକ ସିଦ୍ଧୁ ମୁସେୱାଲାଙ୍କ ମୃତ୍ୟୁ ପରେ ଏହି ଚିଠି ସଲମାନଙ୍କୁ ପଠାଯାଇଛି। ଯେତେବେଳେ ସଲିମ୍ ଖାନ୍ ସକାଳେ ଜଗିଂ ସାରି ବେଞ୍ଚରେ ବସିଥିଲେ, ସେତେବେଳେ ତାଙ୍କୁ ଏବଂ ତାଙ୍କ ପୁଅ ସଲମାନ ଖାନଙ୍କୁ ଧମକପୂର୍ଣ୍ଣ ଏକ ଚିଠି ମିଳିଥିଲା। ଏହି ଚିଠିରେ ଲେଖାଥିଲା ଯେ, ସଲମାନ ଖାନଙ୍କୁ ମଧ୍ୟ ସିଦ୍ଧୁ ମୋସେୱାଲା କରିଦେବେ।

ସଲମାନ ଖାନଙ୍କୁ ଧମକପୂର୍ଣ୍ଣ ଚିଠି ପାଇବା ପରେ ତାଙ୍କ ପ୍ରଶଂସକମାନେ ଅସନ୍ତୋଷ ପ୍ରକାଶ କରିଛନ୍ତି। ଯେଉଁଥିପାଇଁ ସେମାନଙ୍କ ସୁରକ୍ଷା ବୃଦ୍ଧି ପାଇଁ ନିଷ୍ପତ୍ତି ନିଆଯାଇଛି। ସମ୍ପ୍ରତି ପଞ୍ଜାବୀ ଗାୟକ ସିଦ୍ଧୁ ମୁସେୱାଲାଙ୍କୁ ଦୀବାଲୋକରେ ଗୁଳି କରି ହତ୍ୟା କରାଯାଇଥିଲା। ସେବେଠାରୁ ଇଣ୍ଡଷ୍ଟ୍ରିରେ ଶୋକକୁଳ ପରିବେଶ ସୃଷ୍ଟି ହୋଇଛି।

ନୂଆଦିଲ୍ଲୀ: ମହାରାଷ୍ଟ୍ରରେ ହନୁମାନ ଚାଳିଶା ବିବାଦକୁ ନେଇ ନିର୍ଦ୍ଦଳୀୟ ସାଂସଦ ନବନୀତ୍ ରାଣାଙ୍କୁ ମୃତ୍ୟୁ ଧମକ ଦିଆଯାଇଛି। ଏହି ମାମଲାରେ ଦିଲ୍ଲୀ ପୋଲିସ ଏଫଆଇଆର ପଞ୍ଜୀକୃତ କରିଛି ଏବଂ ତଦନ୍ତ ଆରମ୍ଭ କରିଛି। ସାଂସଦଙ୍କ ତରଫରୁ ଦାବି କରାଯାଇଛି ଯେ ହନୁମାନ ଚାଳିଶା ପଢିବାକୁ ନେଇ ତାଙ୍କୁ ଏହି ଧମକ ମିଳିଛି, ଯେଉଁଥିରେ ହତ୍ୟା କରାଯିବ ବୋଲି କୁହାଯାଇଛି।

ଦିଲ୍ଲୀ ପୋଲିସ ନିକଟରେ ଦେଇଥିବା ଅଭିଯୋଗରେ ନବନୀତ ରାଣା କହିଛନ୍ତି ଯେ, ତାଙ୍କୁ ଫୋନ୍ ମାଧ୍ୟମରେ ଏପରି ଧମକ ଦିଆଯାଇଛି। ଯେଉଁଥିରେ କୁହାଯାଇଛି ଯେ, ଆପଣଙ୍କୁ ମହାରାଷ୍ଟ୍ରକୁ ଆସିବାକୁ ଦିଆଯିବ ନାହିଁ। ଯେ ଯଦି ଆପଣ ହନୁମାନ ଚାଳିଶା ପଢନ୍ତି, ତେବେ ଆପଣଙ୍କୁ ଜୀବନରୁ ମାରିଦିଆଯିବ। ଏହି ମାମଲା ଦିଲ୍ଲୀର ନର୍ଥ ଏଭେନ୍ୟୁ ପୋଲିସ ଷ୍ଟେସନରେ ପଞ୍ଜୀକୃତ ହୋଇଛି। ବର୍ତ୍ତମାନ ପୋଲିସ ଏଭଳି ଧମକ ଦେଇଥିବା ଲୋକଟିକୁ ଖୋଜିବା ଆରମ୍ଭ କରିଛି।

ମୁମ୍ବାଇ: ଏମଏନଏସ ସଭାପତି ରାଜ ଠାକରେଙ୍କୁ ଫୋନରେ ମୃତ୍ୟୁ ଧମକ ଦିଆଯାଇଛି। ଗୃହମନ୍ତ୍ରୀ ଦିଲୀପ ୱାଲସେ ପାଟିଲଙ୍କୁ ଏମଏନଏସ ନେତା ବାଲା ନାଦଗାଭକର ଭେଟି ରାଜ ଠାକରେଙ୍କ ସୁରକ୍ଷା ବୃଦ୍ଧି କରିବାକୁ ଦାବି କରିଛନ୍ତି। ଗତ କିଛି ଦିନ ହେବ ରାଜ ଠାକରେ ମସଜିଦରୁ ଲାଉଡ ସ୍ପିକର ହଟାଇବା ପାଇଁ ମହାରାଷ୍ଟ୍ରରେ ଆନ୍ଦୋଳନ ଆରମ୍ଭ କରିଥିଲେ।

ପ୍ରକାଶ ଯୋଗ୍ୟ ଯେ ନିକଟରେ ଲାଉଡ ସ୍ପିକର ବିବାଦ ମଧ୍ୟରେ ଏମଏନଏସ ମୁଖ୍ୟ ରାଜ ଠାକରେ ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କୁ ଆକ୍ରମଣ କରି ଏକ ଖୋଲା ଚିଠି ଲେଖିଛନ୍ତି। ଏହି ଚିଠିରେ ରାଜ ଠାକରେ ମହାରାଷ୍ଟ୍ରର ଉଦ୍ଧବ ସରକାର ଉପରେ ଆକ୍ରମଣ କରୁଥିବାବେଳେ ଲେଖିଛନ୍ତି ଯେ, ରାଜ୍ୟ ସରକାର ମୋ ଦଳର କର୍ମୀଙ୍କ ଉପରେ ପୋଲିସ୍ ଫୋର୍ସ ବ୍ୟବହାର କରୁଛନ୍ତି, ମୁଁ ଆଶ୍ଚର୍ଯ୍ୟ ହେଉଛି ଯେ ସେମାନେ ମସଜିଦରେ ଅସ୍ତ୍ରଶସ୍ତ୍ର ଏବଂ ଆତଙ୍କବାଦୀ ସନ୍ଧାନ ପାଇଁ ଏତେବଡ ତଲାସି ନେଇଛନ୍ତି କି?

ବେଙ୍ଗାଲୁରୁ: କର୍ଣ୍ଣାଟକ ହାଇକୋର୍ଟର ବିଚାରପତିଙ୍କୁ ମୃତ୍ୟୁ ଧମକ ଦିଆଯାଇଛି। ମାର୍ଚ୍ଚ ୧୫ ତାରିଖରେ ହିଜାବ ଉପରେ ରାୟ ପ୍ରକାଶ କରିଥିବା ବିଚାରପତିଙ୍କୁ ଏହି ଧମକ ଦିଆଯାଇଛି। ଖବର ମୁତାବକ ସୋସିଆଲ ମିଡିଆରେ ଏକ ଧମକପୂର୍ଣ୍ଣ ଭିଡିଓ ସାମ୍ନାକୁ ଆସିଛି। ହ୍ଵାଟସ୍ ଆପ୍ ରେ ଏକ ଭିଡିଓ ମେସେଜ୍ ପାଇଥିବା ଆଡଭୋକେଟ୍ ଉମାପାତୀ ଅଭିଯୋଗ କରିଛନ୍ତି। ଯେଉଁଥିରେ ପ୍ରଧାନ ବିଚାରପତି ରିତୁ ରାଜ ଅବସ୍ତିଙ୍କୁ ହତ୍ୟା ଧମକ ଦିଆଯାଇଛି।

କର୍ଣ୍ଣାଟକର ଅଧିକାଂଶ ଅଞ୍ଚଳରେ ହିଜାବ ବିବାଦର କେନ୍ଦ୍ରବିନ୍ଦୁ ପାଲଟିଛି। ଏହା ପରେ କୋର୍ଟ ତାଙ୍କ ନିଷ୍ପତ୍ତିରେ କହିଛନ୍ତି ଯେ, ହିଜାବ ଏକ ଜରୁରୀ ଧାର୍ମିକ ପ୍ରଥା ନୁହେଁ। ଓକିଲ ଗଣମାଧ୍ୟମକୁ କହିଛନ୍ତି ଯେ, “ଭିଡିଓ ଦେଖି ମୁଁ ଆଶ୍ଚର୍ଯ୍ୟ ହୋଇଗଲି ଏବଂ ତେଣୁ ମୁଁ ତୁରନ୍ତ (ହାଇକୋର୍ଟ) ରେଜିଷ୍ଟ୍ରାରଙ୍କ ସହ ଯୋଗାଯୋଗ କଲି। ତାମିଲ ଭାଷାରେ ଏହି ଧମକପୂର୍ଣ୍ଣ ଭିଡିଓ ବାର୍ତ୍ତା ମିଳିଲା।

ଓକିଲ ଅଭିଯୋଗ କରିଛନ୍ତି ଯେ, ଏହି ଭିଡିଓ “ତାମିଲନାଡୁ (ବୋଧହୁଏ ମଦୁରାଇ ଜିଲ୍ଲା) ରୁ ପଠାଯାଇଛି। ଏହି ଧମକରେ ଝାଡଖଣ୍ଡର ଜଣେ ବିଚାରପତିଙ୍କ ହତ୍ୟା ବିଷୟରେ ମଧ୍ୟ ଉଲ୍ଲେଖ କରାଯାଇଛି। ପ୍ରକାଶ ଥାଉ କି ହିଜାବ ଉପରେ କୋର୍ଟଙ୍କ ନିଷ୍ପତ୍ତିକୁ ସୁପ୍ରିମକୋର୍ଟରେ ଚ୍ୟାଲେଞ୍ଜ କରାଯାଇଛି।

ନୂଆଦିଲ୍ଲୀ: ପୂର୍ବ ଦିଲ୍ଲୀ ନିର୍ବାଚନମଣ୍ଡଳୀରୁ ବିଜେପି ସାଂସଦ ତଥା ପୂର୍ବତନ କ୍ରିକେଟର ଗୌତମ ଗମ୍ଭୀରଙ୍କୁ ମୃତ୍ୟୁ ଧମକ ଦିଆଯାଇଛି। ବାସ୍ତବରେ, ଗମ୍ଭୀର ଦିଲ୍ଲୀ ପୋଲିସ ସହ ଯୋଗାଯୋଗ କରି କହିଛନ୍ତି ଯେ, ତାଙ୍କୁ ‘ଆଇଏସ୍ କାଶ୍ମୀର’ ପକ୍ଷରୁ ମୃତ୍ୟୁ ଧମକ ଦିଆଯାଇଛି। ଡିସିପି କେନ୍ଦ୍ରୀୟ ଶ୍ୱେତା ଚୌହାନ କହିଛନ୍ତି ଯେ, ଏହି ବିଷୟରେ ସୂଚନା ପାଇବା ମାତ୍ରେ ଆମେ ଏହି ଘଟଣାର ତଦନ୍ତ ଆରମ୍ଭ କରିଛୁ। ଏହା ସହିତ ସେ ତାଙ୍କୁ ହତ୍ୟା କରିବାର ଧମକ ଦେଇ ଏକ ଇ-ମେଲ ମଧ୍ୟ ସେୟାର କରିଛନ୍ତି। ଏହି ମେଲର ପ୍ରେରକଙ୍କ ନାମ ହେଉଛି ଆଇଏସ୍ କାଶ୍ମୀର।

ବର୍ତ୍ତମାନ ଘଟଣାର ତଦନ୍ତ ଚାଲିଛି ବୋଲି ଡିସିପି କହିଛନ୍ତି। ଏହା ବ୍ୟତୀତ ସୁରକ୍ଷା ପାଇଁ ଗମ୍ଭୀରଙ୍କ ଘର ବାହାରେ ସୁରକ୍ଷା ବୃଦ୍ଧି କରାଯାଇଛି ବୋଲି ସେ ସୂଚନା ଦେଇଛନ୍ତି।