ସୀତାରାମ ଅଗ୍ରୱାଲ
ବାଣପୁର: ସାମ୍ପ୍ରତିକ ପରିସ୍ଥିତିରେ ସମଗ୍ର ବିଶ୍ବ କରୋନା ମହାମାରୀ କବଳରେ କବଳିତ। ଏଥିରୁ ବାଦ୍ ପଡ଼ିନାହିଁ ଓଡିଶା। ଖୋର୍ଦ୍ଧା ଜିଲ୍ଲାର ବାଣପୁର ଅଞ୍ଚଳରେ କରୋନା ମହାମାରୀ ଏହାର କାୟ ବିସ୍ତାର କରିଚାଲିଛି। ଏହାକୁ ଦୃଷ୍ଟିରେ ରଖି ଗତକାଲି ସାମାଜିକ ସ୍ବେଛାସେବୀ ସଂଗଠନ ‘ ୟୋର୍ସ ହୋପ ଫାଉଣ୍ଡେସନ’ ର ପ୍ରତିଷ୍ଠାତା ଶ୍ରୀମତୀ ରୀନରାଣୀ, ଖୋର୍ଦ୍ଧା ଜିଲ୍ଲା ସମ୍ପାଦକ ସିମାଞ୍ଚଳ ସ୍ୱାଇଁ, ବାଣପୁର ବ୍ଲକ ସମ୍ପାଦକ ମୁକେଶ କୁମାର ଜେନା, ଚିଲିକା ବ୍ଲକ୍ ସମ୍ପାଦକ ସଂଗ୍ରାମ ରଣା ଏବଂ ସଦସ୍ୟା ସଙ୍ଗୀତା ସ୍ୱାଇଁ, ପୁନମ୍ ସ୍ୱାଇଁ ପ୍ରମୁଖଙ୍କ ପ୍ରଚେଷ୍ଟାରେ ବାଣପୁର ଏନ.ଏ.ସି ଅନ୍ତର୍ଗତ ରଙ୍କନାଥ ପାଟଣା, ବାଣପୁର ଉପ କାରାଗାର ଏବଂ ଲଡ଼ୁକେଶ୍ୱର ଵୃଦ୍ଧାଶ୍ରମକୁ ସମ୍ପୂର୍ଣ ବିଶୋଧନ କରାଯାଇଥିଲା।
ଏହାପରେ ରଙ୍କନାଥ ପାଟଣାର ଯୁବବାସିନ୍ଦା ଦେବୀପ୍ରସାଦ ଦଳାଇ, ସନ୍ତୋଷ ଜେନା, ବିଚିତ୍ର ଦଳାଇ, ସୁଚିତ୍ରା ଦଳାଇ ଏବଂ କିଛି ଭଦ୍ର ବ୍ୟକ୍ତିଙ୍କ ସହାୟତାରେ ଗ୍ରାମରେ କରୋନା ମହାମାରୀ ସମ୍ବନ୍ଧୀୟ ସଚେତନତା କାର୍ଯ୍ୟକ୍ରମ କରାଯାଇଥିଲା। ଆଗାମୀ ଦିନରେ ଉକ୍ତ ସଂଗଠନ ତରଫରୁ ପର୍ଯ୍ୟାୟ କ୍ରମେ ବାଣପୁର ଏନ.ଏ.ସି ର ଅନ୍ୟାନ୍ୟ ଅଞ୍ଚଳ ଏବଂ ବାଣପୁର ବ୍ଲକ ଅଫିସ ସହ କିଛି ଗ୍ରାମକୁ ବିଶୋଧନ କରାଯିବାର ଲକ୍ଷ୍ୟ ରଖାଯାଇଅଛି ବୋଲି ସଂଗଠନର ପ୍ରତିଷ୍ଠାତା ଶ୍ରୀମତୀ ରୀନାରାଣୀ ସୂଚନା ଦେଇଥିଲେ।