Tag: india

ଆଜି ଅନ୍ତିମ ଟି 20 : ହ୍ବାଇଟ୍‌ ଓ୍ବାସ୍‌ ଲକ୍ଷ୍ୟରେ ଭାରତ

Post author By Samikhsya Bureau
Post date February 2, 2020

ବେ ଓଭାଲ୍‌ : ଆଜି ବେ ଓଭାଲ୍‌ରେ ଅନୁଷ୍ଠିତ ହେବାକୁ ଯାଉଛି ଭାରତ ଏବଂ ନ୍ୟୁଜିଲ୍ୟାଣ୍ଡ ଟି 20 ଶୃଙ୍ଖଳାର ଅନ୍ତିମ ମ୍ୟାଚ୍‌ । ଏହି ମ୍ୟାଚ୍‌ରେ ବିଜୟୀ ହୋଇ ଭାରତ ଶୃଙ୍ଖଳା ହ୍ବାଇଟ୍‌ଓ୍ବାସ୍‌ର ଲକ୍ଷ୍ୟ ରଖିଥିବା ନ୍ୟୁଜିଲ୍ୟାଣ୍ଡ ନିଜର ସମ୍ମାନ ବଞ୍ଚାଇବାର ଚେଷ୍ଟା କରିବ । ଅନ୍ତିମ ଦୁଇ ମ୍ୟାଚ୍‌ ସୁପର ଓଭରକୁ ଯାଇଥିବାରୁ ଏହି ମ୍ୟାଚ୍‌ ମଧ୍ୟ ରୋମାଞ୍ଚକର ରହିବା ନେଇ ଆଶା କରାଯାଉଛି । ଏହି ମ୍ୟାଚ୍‌ ପାଇଁ ଭାରତ କୋହଲି ଏବଂ ରାହୁଲଙ୍କୁ ବିଶ୍ରାମ ଦେଇ ପାରେ । ସେହିପରି ନ୍ୟୁଜିଲ୍ୟାଣ୍ଡ ଅଧିନାୟକ କେନ୍‌ ଓ୍ବିଲିୟମ୍‌ସନ୍‌ ଏହି ମ୍ୟାଚ୍‌ରେ ପ୍ରତ୍ୟାବର୍ତ୍ତନ କରୁଥିବାରୁ ଡାରିଲ୍‌ ମିଚେଲ୍‌ଙ୍କୁ ବାହାରେ ବସିବାକୁ ପଡିବ ।

Tags 5tht20i, bayoval, india, nz

ଆଜିର ଖବର ଖେଳ

ଓ୍ବେଲିଙ୍ଗଟନ୍‌ ଟି20 : ନ୍ୟୁଜିଲ୍ୟାଣ୍ଡ ସମ୍ମୁଖରେ 166 ରନ୍‌ର ବିଜୟ ଲକ୍ଷ୍ୟ

Post author By Samikhsya Bureau
Post date January 31, 2020

ଓ୍ବେଲିଙ୍ଗଟନ୍‌ : ଭାରତ ଏବଂ ନ୍ୟୁଜିଲ୍ୟାଣ୍ଡ ମଧ୍ୟରେ ଅନୁଷ୍ଠିତ ଟି 20 ଶୃଙ୍ଖଳାର ଚତୁର୍ଥ ମ୍ୟାଚ୍‌ରେ ଭାରତ 165 ରନ୍‌ ସଂଗ୍ରହ କରିଛି । ସିରିଜ୍‌ ବିଜୟୀ ହୋଇ ସାରିଥିବା ଭାରତୀୟ ଦଳ ଏହି ମ୍ୟାଚ୍‌ ନିମନ୍ତେ ରୋହିତ ଶର୍ମା ଏବଂ ରବୀନ୍ଦ୍ର ଜାଡେଜାଙ୍କ ସ୍ଥାନରେ ସଞ୍ଜୁ ସାମ୍‌ସନ୍‌ ଏବଂ ଓ୍ବାଶିଂଟନ୍‌ ସୁନ୍ଦରଙ୍କୁ ଖେଳାଇଥିଲା । ନିର୍ଭରଯୋଗ୍ୟ ଭାରତୀୟ ଟପ୍‌ ଅର୍ଡର ଏହି ମ୍ୟାଚ୍‌ରେ ଫେଲ୍‌ ମାରିଥିବା ବେଳେ ମନୀଷ ପାଣ୍ଡେଙ୍କ ଚମତ୍କାର 50 ରନ୍‌ ବଳରେ ଭାରତ ନିର୍ଦ୍ଧାରିତ ଓଭରରେ 165 ରନ୍‌ ସଂଗ୍ରହ କରିଥିଲା । ଚମତ୍କାର ଫର୍ମରେ ରହିଥିବା ଓପ୍‌ନର କେଏଲ୍‌ ରାହୁଲ୍‌ 26 ବଲ୍‌ରୁ 39 ରନ୍‌ ସଂଗ୍ରହ କରିଥିବା ବେଳେ ଶେଷ ଭାଗରେ ଶାର୍ଦ୍ଦୁଲ୍‌ ଠାକୁର 15 ବଲ୍‌ରୁ 20 ରନ୍‌ର ଉପଯୋଗୀ ଇନିଂସ ଖେଳିଥିଲେ । ଗୋଟିଏ ପଟୁ ଓ୍ବିକେଟ୍‌ ଖସି ଚାଲିଥିଲେ ମଧ୍ୟ ମନୀଷ ପାଣ୍ଡେ 36ଟି ବଲ୍‌ର ସମ୍ମୁଖୀନ ହୋଇ 3ଟି ଚୌକା ସହାୟତାରେ 50 ରନ୍‌ ସଂଗ୍ରହ କରିଥିଲେ । ନ୍ୟୁଜିଲ୍ୟାଣ୍ଡ ପକ୍ଷରୁ ଇଶ୍‌ ସୋଧୀ 26 ରନ୍‌ ବିନିମୟକରେ 3ଟି ଓ୍ବିକେଟ ଅକ୍ତିଆର କରିଥିବା ବେଳେ ହାମିସ ବେନଟ୍‌ ଦୁଇଟି ଓ୍ବିକେଟ୍‌ ଅକ୍ତିଆର କରିଥିଲେ । (ଏଜେନ୍ସୀ)

Tags india, manishpandey, nz, wellington

ଆଜିର ଖବର ଜାତୀୟ ଖବର

ବିଶ୍ୱର ସର୍ବାଧିକ ଟ୍ରାଫିକ ଭିଡ଼ ରହୁଥିବା ଦଶଟି ଦେଶ ମଧ୍ୟରେ ଭାରତରୁ ୪ଟି ସହର

Post author By Samikhsya Bureau
Post date January 30, 2020

ନୂଆଦିଲ୍ଲୀ : ରାସ୍ତାରେ ସର୍ବାଧିକ ଟ୍ରାଫିକ୍‌ ଭିଡ଼ ହେଉଥିବା ବିଶ୍ୱର ଶ୍ରେଷ୍ଠ ୧୦ଟି ସହର ମଧ୍ୟରେ ଭାରତର ୪ଟି ସହର ସାମିଲ ହୋଇଛି । ଏହି ତାଲିକାରେ ବେଙ୍ଗାଲୁରୁ ପ୍ରଥମ ସ୍ଥାନ ଅଧିକାର କରିଛି । ଆଠ ଲକ୍ଷରୁ ଅଧିକ ଲୋକସଂଖ୍ୟା ଥିବା ୫୭ଟି ଦେଶର ୪୧୬ ସହରକୁ ସର୍ଭେରେ ସାମିଲ କରାଯାଇଥିଲା । ଟ୍ରାଫିକ ମାମଲାରେ ଭାରତର ବେଙ୍ଗାଲୁରୁ ସହର ପ୍ରଥମ ନମ୍ବର ପାଇଛି । ଏଠାରେ ହାରାହାରି ୭୧ ପ୍ରତିଶତ କଞ୍ଜକଶନ ରେକର୍ଡ କରାଯାଇଛି। ସେହିଭଳି ୬୫ ପ୍ରତିଶତ ସହିତ ମୁମ୍ବାଇ ଚତୁର୍ଥ ସ୍ଥାନ ଅଧିକାର କରିଥିବାବେଳେ ଓ ୫୯ ପ୍ରତିଶତ ସହିତ ପୁଣେ ପଞ୍ଚମ ସ୍ଥାନରେ ରହିଛି । ଭାରତର ରାଜଧାନୀ ଦିଲ୍ଲୀ ଏହି ତାଲିକାରେ ଅଷ୍ଟମ ସ୍ଥାନ ଅଧିକାର କରିଛି । ତାଲିକାର ଶ୍ରେଷ୍ଠ ୧୦ରେ ସାମିଲ ଥିବା ଅନ୍ୟ ସହରଗୁଡ଼ିକ ହେଲା ଫିଲିଫାଇନ୍ସର ମନିଲା (୨ୟ), କଲମ୍ବିଆର ବଗୋଟା (୩ୟ), ରୁଷିଆର ମସ୍କୋ (୬ଷ୍ଠ), ପେରୁର ଲିମା (୭ମ), ତୁର୍କୀର ଇସ୍ତାନବୁଲ (୯ମ) ଓ ଇଣ୍ଡୋନେସିଆର ଜାକର୍ତ୍ତା (୧୦ମ) ପ୍ରମୁଖ ରହିଛନ୍ତି । ଏସିଆ ମହାଦେଶର ଟ୍ରାଫିକ ଭିଡ଼ ତାଲିକାରେ ଭାରତର ବେଙ୍ଗାଲୁର ସହର ଶୀର୍ଷରେ ଅଛି । ଅର୍ବାନ ମୋବିଲିଟୀ କ୍ଷେତ୍ରରେ କାମ କରୁଥିବା ସ୍ୱାସ୍ଥ୍ୟ ଏବଂ ଲୋକେଶନ ଟେକ୍ନୋଲୋଜୀ ବିଶେଷଜ୍ଞ ଟମଟମ ଦ୍ୱାରା ଏହି ରିପୋର୍ଟ ପ୍ରସ୍ତୁତ କରାଯାଇଛି । (ଏଜେନ୍ସି)

Tags india, trafficcongestionindex

ଆଜିର ଖବର ବ୍ୟବସାୟ

ଭାରତୀୟ ବଜାରରେ ଉପଲବ୍ଧ ହେଲା ଗାଲାକ୍ସି ଏ 51

Post author By Samikhsya Bureau
Post date January 29, 2020

ମୁମ୍ବାଇ : ଭାରତୀୟ ବଜାରରେ ଲଞ୍ଚ ହୋଇଛି ସାମସଙ୍ଗର ନୂତନ ଗାଲାକ୍ସି ଏ 51 । ବୁଧବାର ଭାରତୀୟ ବଜାରରେ ଲଞ୍ଚ ହୋଇଥିବା ଏହି ଫୋନ୍‌ର ମୂଲ୍ୟ 23999 ଟଙ୍କା ରହିଛି । ବ୍ଲୁ, ହ୍ବାଇଟ୍‌ ଏବଂ ବ୍ଲାକ୍‌ ପ୍ରିଜ୍‌ମ ରଙ୍ଗରେ ଏହି ଫୋନ୍‌ ଉପଲବ୍ଧ ହେବାକୁ ଯାଉଛି । ଆଜିଠାରୁ ଏହି ଫୋନ୍‌ ଅନ୍‌ଲାଇନ୍‌ ଉପଲବ୍ଧ ହେବାକୁ ଥିବା ବେଳେ 31 ତାରିଖଠାରୁ ଏହା ରିଟେଲ ଷ୍ଟୋରରେ ଉପଲବ୍ଧ ହେବାକୁ ଯାଉଛି । ସାମସଙ୍ଗ ପକ୍ଷରୁ ଏହି ଫୋନ୍‌ରେ ଇନ୍‌ଫିନିଟି ଓ ସୁପର ଆମୋଲେଡ୍‌ ଡିସ୍‌ପ୍ଲେର ବ୍ୟବହାର କରାଯାଇଛି । ଫୋନ୍‌ରେ 4ଟି କ୍ୟାମେରା ରହିଛି । 48 ମେଗାପିକ୍ସେଲ୍‌ର ମୁଖ୍ୟ କ୍ୟାମେରା ସହିତ 5 ମେଗାପିକ୍ସେଲ୍‌ର ତିନୋଟି କ୍ୟାମେରା ରହିଛି । 15 ଓ୍ବାଟ୍‌ର ଫାଷ୍ଟ ଚାର୍ଜର ସହିତ 4000 ଏମ୍‌ଏଏଚ୍‌ର ବ୍ୟାଟେରୀ ରହିଛି ।

Tags GalaxyA51, india, samsung

ଆଜିର ଖବର ଖେଳ

ସୁପର ଓଭର ବିଜୟ ସହିତ ସିରିଜ୍‌ ଜିତିଲା ଭାରତ

Post author By Samikhsya Bureau
Post date January 29, 2020

ହାମିଲଟନ: ସୁପର ଓଭରରେ ଚମତ୍କାର ପ୍ରଦର୍ଶନ ସହିତ ପ୍ରଥମ ଥର ପାଇଁ ନ୍ୟୁଜିଲ୍ୟାଣ୍ଡରେ ସିରିଜ୍‌ ବିଜୟୀ ହୋଇଛି ଭାରତୀୟ ଦଳ। ଭାରତୀୟ ଦ୍ରୁତ ବୋଲର ମହମ୍ମଦ ସାମିଙ୍କ ଚମତ୍କାର ବୋଲିଂ ଫଳରେ ମ୍ୟାଚ୍‌ ଟାଇ ହୋଇଥିଲା। ବିଜୟ ସହିତ ପ୍ରଥମ ଥର ପାଇଁ ନ୍ୟୁଜିଲ୍ୟାଣ୍ଡରେ ଟି-୨୦ ସିରିଜ୍‌ ବିଜୟୀ ହୋଇଛି ଭାରତ। ବୁମ୍‌ରା ସୁପର ଓଭରରେ ୧୭ ରନ୍‌ ପ୍ରଦାନ କରିଥିବା ବେଳେ ପ୍ରଥମ ଦୁଇ ବଲ୍‌ରେ ଭାରତ ତିନି ରନ୍‌ ସଂଗ୍ରହ କରିଥିଲା। ତୃତୀୟ ବଲ୍‌ରେ ରାହୁଲ୍‌ ଚୌକା ମାରିଥିବା ବେଳେ ପରବର୍ତ୍ତୀ ବଲ୍‌ରେ ଏକ ରନ୍‌ ନେଇଥିଲେ। ଅନ୍ତିମ ଦୁଇ ବଲ୍‌ରୁ ୧୦ ରନ୍‌ ଆବଶ୍ୟକ ରହିଥିବା ବେଳେ ଅନ୍ତିମ ଦୁଇ ବଲ୍‌ରେ ଛକ୍କା ମାରି ରୋହିତ ମ୍ୟାଚ୍‌ ସମାପ୍ତ କରିବା ସହ ଭାରତକୁ ବିଜୟୀ କରାଇଥିଲେ।

ମ୍ୟାଚ୍‌ର ଅନ୍ତିମ ଓଭରରେ ବିଜୟ ପାଇଁ ୯ରନ୍‌ ଆବଶ୍ୟକ ସାମିଙ୍କ ବେଳେ ପ୍ରଥମ ବଲ୍‌ରୁ ଟେଲର 6 ରନ୍‌ ହାସଲ କରିଥିଲେ। ତୃତୀୟ ବଲ୍‌ରେ ଓ୍ବିଲିୟମ୍‌ସନ୍‌ ଆଉଟ୍‌ ହେବା ସହିତ ଭାରତ ପ୍ରତ୍ୟାବର୍ତ୍ତନ କରିଥିଲା। ଚତୁର୍ଥ ବଲ୍‌ ଡଟ୍‌ ହେବା ସହିତ ପଞ୍ଚମ ବଲ୍‌ରୁ ୧ ରନ୍‌ ସଂଗୃହୀତ ହୋଇଥିଲା। ଅନ୍ତିମ ବଲ୍‌ରେ ୧ ରନ୍‌ ଆବଶ୍ୟକ ଥିବା ବେଳେ ସାମି ରସ୍‌ ଟେଲର୍‌ଙ୍କୁ ବୋଲ୍ଡ କରି ମ୍ୟାଚ୍‌କୁ ସୁପର ଓଭରକୁ ନେଇଥିଲେ। ଅଧିନାୟକ କେନ୍‌ ଓ୍ବିଲିୟମ୍‌ସନ୍‌ଙ୍କ ଦୁର୍ଦ୍ଦୁଷ ବ୍ୟାଟିଂ ସତ୍ତ୍ବେ ଦଳ ମ୍ୟାଚ୍‌ ବିଜୟୀ ହେବାରେ ସକ୍ଷମ ହୋଇ ନଥିଲା। ୧୮୦ ରନ ବିଜୟ ଲକ୍ଷ୍ୟର ପିଛା କରୁଥିବା ନ୍ୟୁଜିଲ୍ୟାଣ୍ଡ ଓ୍ବିଲିୟମ୍‌ସନ୍‌ଙ୍କ ୯୫ ରନ୍‌ ସହାୟତାରେ ୧୭୯ ରନ୍‌ ସଂଗ୍ରହ କରିଥିଲା। ଓ୍ବିଲିୟମ୍‌ସନ୍‌ ୪୮ଟି ବଲ୍‌ର ସମ୍ମୁଖୀନ ହୋଇ ୮ଟି ଚୌକା ଏବଂ ୬ଟି ଛକ୍କା ସହାୟତାରେ ରନ୍‌ ସଂଗ୍ରହ କରିଥିଲେ। ଟସ୍‌ ହାରି ପ୍ରଥମେ ବ୍ୟାଟିଂ କରୁଥିବା ଭାରତ ରୋହିତ ଶର୍ମାଙ୍କ ୬୫ରନ୍‌ ଏବଂ ବିରାଟ କୋହଲିଙ୍କ ୩୮ ରନ୍‌ ସହାୟତାରେ ୫ ଓ୍ବିକେଟ ହରାଇ ୧୭୯ ରନ୍‌ ସଂଗ୍ରହ କରିଥିଲା। ନ୍ୟୁଜିଲ୍ୟାଣ୍ଡ ପକ୍ଷରୁ ହାମିଶ ବେନେଟ୍‌ ୫୪ ରନ୍‌ରେ ୩ଟି ଓ୍ବିକେଟ୍‌ ଅକ୍ତିଆର କରିଥିବା ବେଳେ ଦୁଇ ସ୍ପିନର ଇସ୍‌ ସୋଧୀ ଏବଂ ମିଚେଲ ସାଣ୍ଟନର ଗୋଟିଏ ଲେଖାଏଁ ଓ୍ବିକେଟ୍‌ ଅକ୍ତିଆର କରିଥିଲେ। ନ୍ୟୁଜିଲ୍ୟାଣ୍ଡ ପକ୍ଷରୁ ଓ୍ବିଲିୟମସନ୍‌ଙ୍କ ବ୍ୟତିତ ମାର୍ଟିନ୍‌ ଗପ୍ତିଲ ୩୧ ରନ୍‌ର ଇନିଂସ ଖେଳିଥିଲେ। ଭାରତ ପକ୍ଷରୁ ରବୀନ୍ଦ୍ର ଜାଡେଜା ଦୁଇଟି ଓ୍ବିକେଟ୍‌ ଅକ୍ତିଆର କରିଥିଲେ। (ଏଜେନ୍ସୀ)

Tags india, newzeland, rohitsharma, shami

ଆଜିର ଖବର ଖେଳ

ହାମିଲ୍‌ଟ୍‌ନ୍‌ ଟି 20 : ନ୍ୟୁଜିଲ୍ୟାଣ୍ଡ ସମ୍ମୁଖରେ 180 ରନ୍‌ର ବିଜୟଲକ୍ଷ୍ୟ

Post author By Samikhsya Bureau
Post date January 29, 2020

ହାମିଲଟନ୍‌ : ଭାରତ ଏବଂ ନ୍ୟୁଜିଲ୍ୟାଣ୍ଡ ମଧ୍ୟରେ ଅନୁଷ୍ଠିତ ଟି20 ଶୃଙ୍ଖଳାର ତୃତୀୟ ମ୍ୟାଚ୍‌ରେ ପ୍ରଥମେ ବ୍ୟାଟିଂ କରି ଭାରତ 179 ରନ୍‌ ସଂଗ୍ରହ କରିଛି । ସିରିଜରେ ଜୀବନ୍ତ ରହିବା ପାଇଁ କର ବା ମର ମ୍ୟାଚ୍‌ରେ ବିଜୟ ପାଇଁ ନ୍ୟୁଜିଲ୍ୟାଣ୍ଡକୁ 180 ରନ୍‌ ଆବଶ୍ୟକ । ଭାରତ ପକ୍ଷରୁ ରୋହିତ ଶର୍ମା ସର୍ବାଧିକ 65 ରନ୍‌ ସଂଗ୍ରହ କରିଥିବା ବେଳେ କୋହଲି 38 ରନ୍‌ ସଂଗ୍ରହ କରିଥିଲେ । ରୋହିତ 40ଟି ବଲ୍‌ର ସମ୍ମୁଖୀନ ହୋଇ 6ଟି ଚୌକା ଏବଂ 3ଟି ଛକ୍କା ସହାୟତାରେ 65 ରନ୍‌ ସଂଗ୍ରହ କରିଥିଲେ । କୋହଲି 27ଟି ବଲ୍‌ର ସମ୍ମୁଖୀନ ହୋଇ 2 ଚୌକା ଏବଂ 1 ଛକ୍କା ସହାୟତାରେ 38 ରନ୍‌ ସଂଗ୍ରହ କରିଥିଲା । ଦୁଇ ଓପନର ଓଭର ପିଛା 12 ରନ୍‌ ହାରରେ ରନ୍‌ ସଂଗ୍ରହ କରୁଥିବା ବେଳେ ଭାରତ 200 ରନ୍‌ ଅତିକ୍ରମ କରିବାର ଆଶା କରାଯାଉଥିଲା । ମାତ୍ର କ୍ରମାଗତ ଓ୍ବିକେଟ ପତନ ସହିତ ଦଳର ରନ୍‌ ହାର ଧୀମେଇ ଯାଇଥିଲା । ଅନ୍ୟ ମାନଙ୍କ ମଧ୍ୟରେ କେ ଏଲ୍‌ ରାହୁଲ(27), ଶ୍ରେୟସ ଆୟାର(17) ଏବଂ ମନୀଷ ପାଣ୍ଡେ (14*)ର ଉପଯୋଗୀ ଇନିଂସ ଖେଳିଥିଲେ । ନ୍ୟୁଜିଲ୍ୟାଣ୍ଡ ପକ୍ଷରୁ ହାମିଶ ବେନେଟ୍‌ 54 ରନ୍‌ରେ 3ଟି ଓ୍ବିକେଟ୍‌ ଅକ୍ତିଆର କରିଥିବା ବେଳେ ଦୁଇ ସ୍ପିନର ଇସ୍‌ ସୋଧୀ ଏବଂ ମିଚେଲ ସାଣ୍ଟନର ଗୋଟିଏ ଲେଖାଏଁ ଓ୍ବିକେଟ୍‌ ଅକ୍ତିଆର କରିଥିଲେ । (ଏଜେନ୍ସୀ)

Tags HAMILTONT20, india, nz, rohitsharma

ଆଜିର ଖବର ଖେଳ

ହାମିଲ୍‌ଟ୍‌ନ୍‌ ଟି 20 : ଟସ୍‌ ଜିତି ନ୍ୟୁଜିଲ୍ୟାଣ୍ଡର ବୋଲିଂ ନିଷ୍ପତ୍ତି

Post author By Samikhsya Bureau
Post date January 29, 2020

ହାମିଲଟନ୍‌ : ଭାରତ ଏବଂ ନ୍ୟୁଜିଲ୍ୟାଣ୍ଡ ମଧ୍ୟରେ ଅନୁଷ୍ଠିତ ଟି20 ଶୃଙ୍ଖଳାର ତୃତୀୟ ମ୍ୟାଚ୍‌ରେ ଟସ୍‌ ଜିତି ନ୍ୟୁଜିଲ୍ୟାଣ୍ଡ ପ୍ରଥମେ ବୋଲିଂର ନିଷ୍ପତ୍ତି ନେଇଛି । କର ବା ମର ମୁକାବିଲାରେ ତୃତୀୟ ଥର ପାଇଁ ଓ୍ବିଲିୟମ୍‌ସନ୍‌ ଟସ୍‌ ଜିତି ଥିବା ବେଳେ ବୋଲିଂର ନିଷ୍ପତ୍ତି ନେଇଛନ୍ତି । ଭାରତ ପକ୍ଷରୁ ଚୂଡାନ୍ତ ଏକାଦଶରେ କୌଣସି ପରିବର୍ତ୍ତନ କରାଯାଇନଥିବା ବେଳେ ନ୍ୟୁଜିଲ୍ୟାଣ୍ଡ ପକ୍ଷରୁ ବ୍ଲେୟାର ଟିକ୍‌ନରଙ୍କ ସ୍ଥାନରେ ସ୍କଟ୍‌ କ୍ଲୁଗେଜିନ୍‌ଙ୍କୁ ଖେଳାଯାଇଛି । ଉଲ୍ଲେଖଯୋଗ୍ୟ ଯେ, ପ୍ରଥମ ଦୁଇ ଟି20ରେ ବିଜୟୀ ହୋଇ ଭାରତ 2-0ରେ ଅଗ୍ରଣୀ ରହିଛି । ସିରିଜ୍‌ରେ ଜୀବନ୍ତ ରହିବା ପାଇଁ ଏହି ମ୍ୟାଚ୍‌ରେ ବିଜୟୀ ହେବା ନ୍ୟୁଜିଲ୍ୟାଣ୍ଡ ପାଇଁ ଗୁରୁତ୍ବପୂର୍ଣ୍ଣ ହୋଇପଡିଛି । (ଏଜେନ୍ସୀ)

Tags HAMILTONT20, india, nz, viratkohli

ଆଜିର ଖବର ଖେଳ

ଇଡେନ୍‌କୁ ପ୍ରତ୍ୟାବର୍ତ୍ତନ କଲେ ଷ୍ଟିଭ୍‌ ଓ୍ବ

Post author By Samikhsya Bureau
Post date January 27, 2020

କୋଲକାତା : ପୂର୍ବତନ ଅଷ୍ଟ୍ରେଲୀୟ ଅଧିନାୟକ ଷ୍ଟିଭ୍‌ ଓ୍ବ ପୁନର୍ବାର ଐତିହାସିକ ଇଡେନ୍‌ ଗାର୍ଡେନ୍‌ସକୁ ପ୍ରତ୍ୟାବର୍ତ୍ତନ କରିଛନ୍ତି । ମାତ୍ର ଷ୍ଟିଭ୍‌ ଓ୍ବ ଏଥର ଭିନ୍ନ ଦାୟିତ୍ବରେ ଇଡେନ୍‌କୁ ପ୍ରତ୍ୟାବର୍ତ୍ତନ କରିଛନ୍ତି । ବେଙ୍ଗଲ ଏବଂ ଦିଲ୍ଲୀ ମଧ୍ୟରେ ଅନୁଷ୍ଠିତ ରଣଜୀ ଟ୍ରଫି ମୁକାବିଲାରେ ଷ୍ଟିଭ୍‌ ଫଟୋଗ୍ରାଫର ଭାବରେ ପଡିଆରେ ପ୍ରବେଶ କରିଥିଲେ । ସ୍ପିରିଟ୍‌ ଅଫ୍‌ କ୍ରିକେଟ୍‌ ନାମକ ପୁସ୍ତକୁ ଲେଖୁଥିବା ଷ୍ଟିଭ୍‌ ଭାରତୀୟ କ୍ରିକେଟର ମକ୍କାରେ ପ୍ରବେଶ କରିବା ସହିତ କିଛି ଫଟୋ ଉତ୍ତୋଳନ କରିଥିଲେ । ଏହି ଷ୍ଟାଡିୟମ୍‌ରେ 1987ରେ ଅଷ୍ଟ୍ରେଲିଆ ବିଶ୍ବକପ୍‌ ବିଜୟୀ ଦଳର ସଦସ୍ୟ ରହିଥିବା ବେଳେ 2001 ଐତିହାସିକ ଟେଷ୍ଟ ସିରିଜ୍‌ରେ ଅଧିନାୟକ ରହିଥିଲେ । ଦ୍ରାବିଡ-ଲକ୍ଷ୍ମଣଙ୍କ ଭାଗିଦାରୀ ଏବଂ ହରଭଜନଙ୍କ ହ୍ୟାଟ୍ରିକ୍‌ କାରଣରୁ ଭାରତ ଏହି ଟେଷ୍ଟରେ ବିଜୟୀ ହୋଇଥିଲା ।

Tags Australia, edengardens, india, stevewaugh

ଆଜିର ଖବର ଖେଳ ଜାତୀୟ ଖବର

ଇଡେନ୍‌ ପାର୍କର ଦ୍ବିତୀୟ ଟି ଟ୍ବେଣ୍ଟି ମ୍ୟାଚ୍‌ରେ ଟସ୍‌ ଜିତି ବ୍ୟାଟିଂର ନିଷ୍ପତ୍ତି ନେଲା ନ୍ୟୁଜିଲାଣ୍ଡ୍‌

Post author By Samikhsya Bureau
Post date January 26, 2020

ind vs nz

ଭାରତ ଓ ନ୍ୟୁଜିଲାଣ୍ଡ ମଧ୍ୟରେ 5 ମ୍ୟାଚ୍‌ ବିଶିଷ୍ଟ ଟି-20 ଶୃଙ୍ଖଳର ଦ୍ବିତୀୟ ମ୍ୟାଚ୍‌ ଆଜି ଅକ୍‌ଲାଣ୍ଡ୍‌ର ଇଡେନ୍‌ ପାର୍କଠାରେ ଅନୁଷ୍ଠିତ ହେଉଛି। ଟସ୍‌ ଜିତି ନ୍ୟୁଜିଲାଣ୍ଡ ବ୍ୟାଟିଂ କରିବାକୁ ନିଷ୍ପତ୍ତି ନେଇଛନ୍ତି ଅଧିନାୟକ କେନ୍‌ ଓ୍ବିଲିୟମସ୍‌। ତେବେ ଭାରତ ଓ ନ୍ୟୁଜିଲାଣ୍ଡର ଦୁଇ ଅଧିନାୟକ ଚଳିତ ମ୍ୟାଚ୍‌ରେ କୌଣସି ଖେଳାଳିଙ୍କ ପରିବର୍ତ୍ତନ କରିନାହାନ୍ତି। ଭାରତର ନ୍ୟୁଜିଲାଣ୍ଡ ଗସ୍ତ ବେଶ୍‌ ଭଲ ରହିଛି। ପ୍ରଥମ ଟି-20 ମ୍ୟାଚ୍‌ରେ ଭାରତ ବିଜୟ ସହିତ ନିଜର ଯାତ୍ରା ଜାରି ରଖିଛି। ପୂର୍ବ ମ୍ୟାଚ୍‌ ପରି ଚଳିତ ମ୍ୟାଚ୍‌ରେ ମଧ୍ୟ ପୁଣି ଥରେ ଏକ ବଡ ସ୍କୋର ଦେଖିବା ନେଇ ପ୍ରଶଂସକ ଉତ୍ସାହିତ ରହିଛନ୍ତି।

ନ୍ୟୁଜିଲାଣ୍ଡରେ ଭାରତୀୟ ଦଳର ରେକର୍ଡ (ଟି 20 ଇଣ୍ଟରନ୍ୟାସନାଲ୍‌ ସିରିଜ)

ଭାରତ ବନାମ ନ୍ୟୁଜିଲାଣ୍ଡ – ଦୁଇ ମ୍ୟାଚ୍‌ର ଟି-20 ଇଣ୍ଟରନ୍ୟାସନାଲ ସିରିଜ (2008-09) ନ୍ୟୁଜିଲାଣ୍ଡ 2-0ରେ ବାଜିମାତ୍ କରିଥିଲା ।
ଭାରତ ବନାମ ନ୍ୟୁଜିଲାଣ୍ଡ – ତିନି ଟିକିଆ ମ୍ୟାଚ୍‌ର ଟି-20 ଇଣ୍ଟରନ୍ୟାସନାଲ ସିରିଜ (2018-19) ନ୍ୟୁଜିଲାଣ୍ଡ 2-1ରେ ବାଜିମାତ୍ କରିଥିଲା।

ନ୍ୟୁଜିଲାଣ୍ଡ୍‌ ମାଟିରେ ଭାରତ କେବଳ ଦୁଇଟି ଟି -20 ଇଣ୍ଟରନ୍ୟାସନାଲ୍‌ ମ୍ୟାଚ୍‌ ଜିତିଥିବାବେଳେ ଚାରିଟି ମ୍ୟାଚ୍‌ରେ ନ୍ୟୁଜିଲାଣ୍ଡ୍ ଭାରତୀୟ ଦଳକୁ ପରାସ୍ତ କରିଛି।

Tags india, nz, t20

ଆଜିର ଖବର ଖେଳ

ଟି 20 ବିଶ୍ବକପ୍‌ ବର୍ଜନ ନେଇ ପାକିସ୍ତାନର ଧମକ

Post author By Samikhsya Bureau
Post date January 25, 2020

ଲାହୋର : ପାକିସ୍ତାନରେ ଆୟୋଜିତ ହେବାକୁ ଥିବା ଏସିଆ କପ୍‌ ପୂର୍ବରୁ ପିସିବି ପକ୍ଷରୁ ଏକ ବଡ ବୟାନ ପ୍ରଦାନ କରାଯାଇଛି । ଯଦି ଭାରତ ପାକିସ୍ତାନରେ ଆୟୋଜିତ ଏସିଆ କପ୍‌ରେ ଅଂଶ ଗ୍ରହଣ ନକରେ ତେବେ 2021ରେ ଭାରତରେ ଅନୁଷ୍ଠିତ ହେବାକୁ ଥିବା ଟି 20 ବିଶ୍ବକପ୍‌କୁ ପ୍ରତ୍ୟାଖ୍ୟାନର ଧମକ ଦେଇଛି ପାକିସ୍ତାନ । ବାଂଲାଦେଶ ପକ୍ଷରୁ ପାକିସ୍ତାନ ଗସ୍ତ କରାଯିବା ପରେ ପାକିସ୍ତାନ ଅନ୍ତର୍ଜାତୀୟ ମ୍ୟାଚ୍‌ ଆୟୋଜନ କରିବାର କ୍ଷମତା ହାସଲ କରିଛି । ମାତ୍ର ସୁରକ୍ଷାଗତ କାରଣ ଦର୍ଶାଇ ବିସିସିଆଇ ଖେଳାଳିଙ୍କୁ ପାକିସ୍ତାନ ପଠାଇବାକୁ ଚାହୁଁନାହିଁ । ଯଦି ବିସିସିଆଇ ଭାରତୀୟ ଟିମ୍‌କୁ ନପଠାଏ ତେବେ ପିସିବି ମଧ୍ୟ ଟି 20 ବିଶ୍ବକପ୍‌ ବର୍ଜନ କରିବ ବୋଲି ପିସିବି ମୁଖ୍ୟ ଓ୍ବାସିମ୍‌ ଖାନ୍‌ ପ୍ରକାଶ କରିଛନ୍ତି । (ଏଜେନ୍ସୀ)

Tags asiacup, india, pakistan, T20WorldCup

ଆଜିର ଖବର ଖେଳ

ବିଜୟରୁ ନ୍ୟୁଜିଲ୍ୟାଣ୍ଡ ଶୃଙ୍ଖଳା ଆରମ୍ଭ କଲେ ବିରାଟ ବାହିନୀ

Post author By Samikhsya Bureau
Post date January 24, 2020

ଅକଲ୍ୟାଣ୍ଡ: ବିଜୟରୁ ନ୍ୟୁଜିଲ୍ୟାଣ୍ଡ ଗସ୍ତ ଆରମ୍ଭ କରିଛି ଭାରତ। ବିରାଟ କୋହଲିଙ୍କ ଭାରତୀୟ ଦଳ ନ୍ୟୁଜିଲ୍ୟାଣ୍ଡକୁ ୬ ଓ୍ବିକେଟରେ ପରାସ୍ତ କରିବାରେ ସକ୍ଷମ ହୋଇଛି। ଏହି ବିଜୟ ସହିତ ଭାରତ ସିରିଜ୍‌ରେ ୧-୦ରେ ଅଗ୍ରଣୀ ହାସଲ କରିଛି। ୨୦୪ ରନ୍‌ ବିଜୟ ଲକ୍ଷ୍ୟର ପିଛା କରୁଥିବା ଭାରତୀୟ ଦଳ ୧୯ଓଭରରେ ବିଜୟ ଲକ୍ଷ୍ୟ ହାସଲ କରିନେଇଥିଲା। ଭାରତ ପକ୍ଷରୁ ଶ୍ରେୟସ୍‌ ଆୟାର ସର୍ବାଧିକ ୫୮ ରନ୍‌ ସଂଗ୍ରହ କରିଥିବା ବେଳେ ରାହୁଲ ୫୬ରନ୍‌ର ଇନିଂସ ଖେଳିଥିଲେ। ଟସ୍‌ ଜିତି ପ୍ରଥମେ ବୋଲିଂର ନିଷ୍ପତ୍ତି ନେଇଥିଲେ କୋହଲି। ଭାରତୀୟ ବୋଲିଂକୁ ନ୍ୟୁଜିଲ୍ୟାଣ୍ଡ ବ୍ୟାଟ୍ସମ୍ୟାନ୍‌ ଅନାୟାସରେ ଆକ୍ରମଣ କରିଥିଲେ। ଦୁଇ ଓପନର ମାର୍ଟିନ୍‌ ଗପ୍ତିଲ(୩୦) ଏବଂ କଲିନ୍‌ ମୁନ୍ରୋ (୫୯) ପ୍ରଥମ ଓ୍ବିକେଟ୍‌ରେ ୫୯ ରନ୍‌ ସଂଗ୍ରହ କରିଥିଲେ। ମୁନ୍ରୋଙ୍କ ୪୨ ବଲ୍‌ ଇନିଂସରେ ୬ ଚୌକା ଏବଂ ଦୁଇ ଛକ୍କା ସାମିଲ ଥିଲା। ଅଧିନାୟକ କେନ୍‌ ଓ୍ବିଲିୟମ୍‌ସନ୍‌ଙ୍କ ୫୧ ଏବଂ ରସ୍‌ ଟେଲରଙ୍କ ୫୪ ରନ୍‌ ବଳରେ ନ୍ୟୁଜିଲ୍ୟାଣ୍ଡ ନିର୍ଦ୍ଧାରିତ ଓଭରରେ ୫ ଓ୍ବିକେଟ ହରାଇ ୨୦୩ ରନ୍‌ ସଂଗ୍ରହ କରିଥିଲେ। ଭାରତ ପକ୍ଷରୁ ୬ ଜଣ ବୋଲର ନିୟୋଜିତ କରାଯାଇଥିବା ବେଳେ ମହମ୍ମଦ ସାମିଙ୍କ ବ୍ୟତିତ ସମସ୍ତ ବୋଲର ଗୋଟିଏ ଲେଖାଏଁ ଓ୍ବିକେଟ ଅକ୍ତିଆର କରିଥିଲେ।

ଜବାବରେ ଭାରତର ଆରମ୍ଭ କିଛି ଠିକ୍‌ ନଥିଲା। ଦଳୀୟ ସ୍କୋର ୧୬ ରନ୍‌ରେ ନିର୍ଭରଯୋଗ୍ୟ ରୋହିତ ଶର୍ମା (୭) ପ୍ୟାଭିଲିୟନ୍‌ ଫେରିଥିଲେ। ଅନ୍ୟତମ ଓପ୍‌ନର କେ ଏଲ୍‌ ରାହୁଲ(୫୬) ଏବଂ ଅଧିନାୟକ ବିରାଟ କୋହଲି (୪୫)ଙ୍କ ମଧ୍ୟରେ ୯୯ ରନ୍‌ର ଭାଗିଦାରୀ ହୋଇଥିଲା। ରାହୁଲ ୨୭ଟି ବଲ୍‌ରୁ ୪ ଚୌକା ଏବଂ ୩ ଛକ୍କା ସହାୟତାରେ ୫୬ ରନ୍‌ ସଂଗ୍ରହ କରିଥିଲେ। ଲଗାତାର ବ୍ୟବଧାନରେ ଉଭୟ ଆଉଟ୍‌ ହେବା ପରେ ଶ୍ରେୟସ୍‌ ଆୟାର (୫୮) ଭାରତକୁ ବିଜୟ ରେଖା ପାର କରାଇଥିଲେ। ଆୟାର ୨୯ଟି ବଲ୍‌ର ସମ୍ମୁଖୀନ ହୋଇ ୫ଟି ଚୌକା ଏବଂ ୩ ଛକ୍କା ସହାୟତାରେ ୫୮ ରନ୍‌ ସଂଗ୍ରହ କରିଥିଲେ। (ଏଜେନ୍ସୀ)

Tags india, indiawon, newzeland, t20

ଅନ୍ତରାଷ୍ଟ୍ରୀୟ ଆଜିର ଖବର ଜାତୀୟ ଖବର

ଆନୁଆଲ ଡେମୋକ୍ରାସୀ ଇଣ୍ଡେକ୍ସରେ 10ଟି ସ୍ଥାନ ତଳକୁ ଖସିଲା ଭାରତ

Post author By Samikhsya Bureau
Post date January 22, 2020

ନୂଆଦିଲ୍ଲୀ : ସିଏଏକୁ ନେଇ ସମଗ୍ର ଦେଶରେ ଆନ୍ଦୋଳନ ଚାଲିଥିବା ବେଳେ ଏହାର ପ୍ରଭାବ ବାର୍ଷିକ ଗଣତନ୍ତ୍ର ସୂଚକାଙ୍କ ଉପରେ ପଡିଛି । ଏହି ତାଲିକାରେ ଭାରତ 10ଟି ସ୍ଥାନ ତଳକୁ ଖସି 51 ତମ ସ୍ଥାନରେ ପହଞ୍ଚିଛି । 2018ରେ ପ୍ରକାଶିତ ତାଲିକାରେ ଭାରତର ସ୍କୋର 10ରୁ 7.23 ରହିଥିବା ବେଳେ 2019ରେ ଏହା 6.90କୁ ଖସି ଆସିଛି । 2006ରୁ ଏହି ତାଲିକା ପ୍ରକାଶିତ ହେଉଥିବା ବେଳେ ଏହା ଭାରତର ନିକୃଷ୍ଟତମ ପ୍ରଦର୍ଶନ । ଭାରତ 2017ରେ 42 ତମ ସ୍ଥାନରେ ରହିଥିବା ବେଳେ 2018ରେ ଗୋଟିଏ ସ୍ଥାନ ଉପରକୁ ଉଠି 41 ତମ ସ୍ଥାନରେ ରହିଥିଲା । ଭାରତର ଏହି ଖରାପ ପ୍ରଦର୍ଶନ ପାଇଁ ଧାରା 370 ଉଚ୍ଛେଦ, ସିଏଏ ଏବଂ ଆସାମରେ ଏନ୍‌ଆରସି ବୋଲି ବ୍ଲୁମ୍‌ବର୍ଗ ପକ୍ଷରୁ କୁହାଯାଇଛି । ଧାରା 370 ଉଚ୍ଛେଦ ସମୟରେ ଜମ୍ମୁ କାଶ୍ମୀରରେ ଇଣ୍ଟରନେଟ୍‌ ସେବା ବନ୍ଦ, ସଂଖ୍ୟାଧିକ ଫୋର୍ସ ମୁତୟନ ଏବଂ ଆସାମରେ ଏନ୍‌ଆରସି ଲାଗୁ କରିବା ଦ୍ବାରା ଦେଶରେ ଗଣତନ୍ତ୍ରର କଣ୍ଠରୋଧ କରାଯାଇଥିବାରୁ ଭାରତର ମାନ୍ୟତାରେ ହ୍ରାସ ଘଟିଥିବା ଏହି ରିପୋର୍ଟରେ ଉଲ୍ଲେଖ କରାଯାଇଛି । ସେହିପରି ସିଏଏକୁ ଦେଶର ସଂଖ୍ୟାଧିକ ମୁସ୍‌ଲିମ୍‌ଙ୍କ ପକ୍ଷରୁ ବିରୋଧ କରାଯାଉଥିବାରୁ ମଧ୍ୟ ଏହି ହ୍ରାସ ଘଟିଥିବା ଜଣାପଡିଛି ।

ସେହିପରି ସମଗ୍ର ବିଶ୍ବରେ ଗଣତାନ୍ତ୍ରିକ ମୂଲ୍ୟବୋଧରେ ହ୍ରାସ ଘଟିଥିବା ଏହି ରିପୋର୍ଟରେ ଉଲ୍ଲେଖ କରାଯାଇଛି । 2018ରେ ଏହାର ହାରାହାରି 5.44 ରହିଥିବା ବେଳେ ଚଳିତ ବର୍ଷର ସୂଚକାଙ୍କରେ ଏହା 5.48 ରହିଛି । 2006 ପରଠାରୁ ଏହା ସର୍ବନିମ୍ନ ସ୍ତରରେ ରହିଛି । ନରଓ୍ବେ, ଆଇସଲ୍ୟାଣ୍ଡ, ସ୍ବିଡେନ୍‌, ନ୍ୟୁଜିଲ୍ୟାଣ୍ଡ ପୂର୍ବପରି ପ୍ରଥମ ଚାରି ସ୍ଥାନରେ ରହିଥିବା ବେଳେ ତିନୋଟି ସ୍ଥାନ ଉପରକୁ ଉଠି ପାଞ୍ଚ ନମ୍ବରରେ ପହଞ୍ଚିଛି ଫିନଲ୍ୟାଣ୍ଡ । ଉତ୍ତର କୋରିଆ ଏହି ତାଲିକାର ଅନ୍ତିମ ସ୍ଥାନରେ ରହିଛି । (ଏଜେନ୍ସୀ)

Tags democracyindex, india, noroway, northkorea, slipped

ଆଜିର ଖବର ଜାତୀୟ ଖବର

ଭାରତରେ ହ୍ରାସ ପାଇଛି ସାଇବର୍‌ ଆକ୍ରମଣ!

Post author By Samikhsya Bureau
Post date January 21, 2020

ମୁମ୍ବାଇ : ଭାରତରେ ସାଇବର୍‌ ଆକ୍ରମଣ ହ୍ରାସ ପାଇଛି । ମଙ୍ଗଳବାର କାସ୍ପରସ୍କାଏ ପକ୍ଷରୁ ଏହି ତଥ୍ୟ ପ୍ରକାଶ ପାଇଛି । 2018 ତୁଳନାରେ 2019ରେ ସାଇବର ଆକ୍ରମଣରେ 40.4 ପ୍ରତିଶତ ହ୍ରାସ ପାଇଛି । 2018ରେ ଦେଶରେ ସାଇବର ଆକ୍ରମଣ 38.8 ପ୍ରତିଶତ ବୃଦ୍ଧି ପାଇଥିବା ବେଳେ 2019ରେ ହ୍ରାସ ପାଇବା ଏକ ଭଲ ସଙ୍କେତ ବୋଲି କାସ୍ପରସ୍କାଏ ପକ୍ଷରୁ ପ୍ରକାଶ କରାଯାଇଛି । କାସ୍ପରସ୍କାଏ ବ୍ୟବହାରକାରୀଙ୍କୁ ବାର୍ଷିକ ଅନ୍ତତଃ ଥରେ ଆକ୍ରମଣ କରାଯାଇଛି ଯାହାକି ବିଗତ ବର୍ଷ ମାନଙ୍କ ତୁଳନାରେ ସର୍ବନିମ୍ନ ବୋଲି କାସ୍ପରସ୍କାଏ ଦକ୍ଷିଣ ଏସିଆ ଜେନେରାଲ ମ୍ୟାନେଜର ଦୀପେଶ କରୁଆ ପ୍ରକାଶ କରିଛନ୍ତି । (ଏଜେନ୍ସୀ)

Tags cyberattack, india, kaspersky

ଆଜିର ଖବର ଖେଳ

19 ବର୍ଷରୁ କମ୍‌ ବିଶ୍ବକପ୍‌ : ଜାପାନକୁ 41 ରନ୍‌ରେ ଅଲ୍‌ଆଉଟ କଲା ଭାରତ

Post author By Samikhsya Bureau
Post date January 21, 2020

ବ୍ଲୋଏମ୍‌ଫାଣ୍ଟନ୍‌ : ଦକ୍ଷିଣ ଆଫ୍ରିକାରେ ଅନୁଷ୍ଠିତ 19 ବର୍ଷରୁ କମ୍‌ ବିଶ୍ବକପ୍‌ରେ ଭାରତୀୟ ଦଳ ନିଜର ଅଭିଯାନ ଆରମ୍ଭ କରିଛି । ନିଜର ପ୍ରଥମ ମ୍ୟାଚ୍‌ରେ ଭାରତ ଜାପାନ୍‌କୁ ,ମାତ୍ର 41 ରନ୍‌ରେ ଅଲ୍‌ଆଉଟ୍‌ କରିଛି । ଭାରତ ପକ୍ଷରୁ ଲେଗ୍‌ ସ୍ପିନର ରବି ବିଷ୍ଣୋଇ 5 ରନ୍‌ ବିନିମୟରେ 4 ଓ୍ବିକେଟ ଅକ୍ତିଆର କରିଥିବା ବେଳେ କାର୍ତ୍ତିକ ତ୍ୟାଗୀ 10 ରନ୍‌ ବିନିମୟରେ 3ଟି ଓ୍ବିକେଟ୍‌ ଅକ୍ତିଆର କରିଛନ୍ତି । ଅନ୍ୟମାନଙ୍କ ମଧ୍ୟରେ ଆକାଶ ସିଂ 2ଟି ଏବଂ ବିଦ୍ୟାଧର ପାଟିଲ ଗୋଟିଏ ଓ୍ବିକେଟ ଅକ୍ତିଆର କରିଥିଲେ । ଭାରତୀୟ ଅଧିନାୟକ ପ୍ରିୟମ ଗର୍ଗ ଟସ ଜିତି ପ୍ରଥମେ ବୋଲିଂ କରିଥିବା ବେଳେ ଭାରତୀୟ ବୋଲରଙ୍କ ଚମତ୍କାର ପ୍ରଦର୍ଶନ କାରଣରୁ ଜାପାନର 5 ଜଣ ବ୍ୟାଟ୍ସମ୍ୟାନ୍‌ ଖାତା ଖୋଲି ପାରିନଥିଲେ । ଜାପାନ ପକ୍ଷରୁ ସୁ ନୋଗୁଚି ଏବଂ କେଣ୍ଟୋ ଓଟା ସର୍ବାଧିକ 7 ରନ୍‌ ଲେଖାଏଁ ସଂଗ୍ରହ କରିଥିବା ବେଳେ ଅତିରିକ୍ତ 19 ରନ୍‌ ମିଳିଥିଲା । ଉଲ୍ଲେଖଯୋଗ୍ୟ ଯେ ଜାପାନ ଦଳ ସର୍ବନିମ୍ନ ସ୍କୋର ତାଲିକାର ତୃତୀୟ ସ୍ଥାନରେ ରହିଛି । ସ୍କଟଲ୍ୟାଣ୍ଡର 22 ରନ୍‌ ଅଲ୍‌ଆଉଟ ଏହି ତାଲିକାର ପ୍ରଥମ ସ୍ଥାନରେ ରହିଛି ।

Tags india, japan, kartiktyagi, ravibishnoi, under19worldcup

ଆଜିର ଖବର ଜାତୀୟ ଖବର ମନୋରଂଜନ

ଭାରତରେ ଅଚଳ ହେଲା ହ୍ବାଟ୍ସଆପ୍‌ !

Post author By Samikhsya Bureau
Post date January 19, 2020

ନୂଆଦିଲ୍ଲୀ : ହ୍ବାଟ୍ସଆପ୍‌ ବ୍ୟବହାରକାରୀଙ୍କ ପାଇଁ ଦୁଃସମ୍ବାଦ । ଭାରତରେ ଅଚଳ ହେଲା ହ୍ବାଟ୍ସଆପ୍‌ । ରବିବାର ଦିନ ଅପରାହ୍ନ 4.15ରୁ ଏହି ମେସେଜିଂ ପ୍ଲାଟଫର୍ମରେ ସମସ୍ୟା ଦେଖାଦେଇଛି । ଷ୍ଟିକର ଏବଂ ଫଟୋ ପଠାଇବାରେ ବ୍ୟବହାରକାରୀ ଅସଫଳ ହୋଇଥିଲେ । ଏହା ପରେ ହ୍ବାଟ୍ସଆପ୍‌ ପକ୍ଷରୁ ଏକ ସ୍ପଷ୍ଟୀକରଣ ସହିତ ବିଶ୍ବର କେଉଁ କେଉଁ ସ୍ଥାନରେ ମେସେଜିଂ ଆପ୍‌ରେ ସମସ୍ୟ ଦେଖାଦେଇଛି ତାହାର ଏକ ଫଟୋ ସେୟାର କରାଯାଇଥିଲା । କେବଳ ଭାରତ ନୁହେଁ ବରଂ ୟୁରୋପ୍‌, ମାଲେସିଆ, ଇଣ୍ଡୋନେସିଆ ଏବଂ ବ୍ରାଜିଲରେ ମଧ୍ୟ ହ୍ବାଟ୍ସଆପ୍‌ ଅଚଳ ରହିଥିଲା । ଫଟୋ, ଭିଡିଓ ଏବଂ ଷ୍ଟିକର ଯାଉନଥିବା ବେଳେ ଏହି ସମସ୍ୟାର ସମାଧାନ ପାଇଁ ପ୍ରୟାସ ଜାରି ରହିଛି ବୋଲି ହ୍ବାଟ୍ସଆପ୍‌ ପକ୍ଷରୁ କୁହାଯାଇଛି । (ଏଜେନ୍ସୀ)

Tags india, whatsapp

ଆଜିର ଖବର ଖେଳ

ନିର୍ଣ୍ଣାୟକ ମୁକାବିଲାରେ ଟସ୍‌ ଜିତି ଅଷ୍ଟ୍ରେଲିଆର ବ୍ୟାଟିଂ ନିଷ୍ପତ୍ତି

Post author By Samikhsya Bureau
Post date January 19, 2020

ବେଙ୍ଗାଲୁରୁ : ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ଚାଲିଥିବା ଦିନିକିଆ ଶୃଙ୍ଖଳାର ନିର୍ଣ୍ଣାୟକ ମୁକାବିଲାରେ ଟସ୍‌ ଜିତି ଅଷ୍ଟ୍ରେଲିଆ ବ୍ୟାଟିଂ ନିଷ୍ପତ୍ତି ନେଇଛି । ବେଙ୍ଗାଲୁରୁର ଏମ୍‌ ଚିନ୍ନାସ୍ବାମୀ ଷ୍ଟାଡିୟମ୍‌ରେ ଅନୁଷ୍ଠିତ ଶୃଙ୍ଖଳାର ନିର୍ଣ୍ଣାୟକ ମୁକାବିଲାରେ ଭାରତ କ୍ଷେତ୍ରରକ୍ଷଣ କରିବ । ଅଷ୍ଟ୍ରେଲିଆ ପକ୍ଷରୁ ଏହି ମ୍ୟାଚ୍‌ରେ କେନ୍‌ ରିଚାର୍ଡସନ୍‌ଙ୍କ ସ୍ଥାନରେ ଜୋଶ୍‌ ହାଜେଲ୍‌ଉଡ୍‌ଙ୍କୁ ଖେଳାଯାଇଛି । ଭାରତାର ଚୂଡାନ୍ତ ଏକାଦଶରେ କୌଣସି ପରିବର୍ତ୍ତନ କରାଯାଇନାହିଁ । ଘରୋଇ ପରିବେଶରେ ପ୍ରଥମ ଥର ପାଇଁ କେ ଏଲ୍‌ ରାହୁଲ୍‌ ଓ୍ବିକେଟ୍‌ କିପିଂ କରିବାକୁ ଯାଉଛନ୍ତି ।
ଭାରତୀୟ ଦଳ : ରୋହିତ ଶର୍ମା, ଶିଖର ଧଓ୍ବନ୍‌, ବିରାଟ କୋହଲି (ଅଧିନାୟକ), ଲୋକେଶ ରାହୁଲ, ଶ୍ରେୟସ୍‌ ଆୟାର, ମନୀଷ ପାଣ୍ଡେ, ରବୀନ୍ଦ୍ର ଜାଡେଜା, ମହମ୍ମଦ ସାମି, ନବଦୀପ ସାଇନି, କୁଲଦୀପ ଯାଦବ, ଯଶପ୍ରୀତ୍‌ ବୁମ୍‌ରା ।
ଅଷ୍ଟ୍ରେଲିଆ ଦଳ : ଡେଭିଡ୍‌ ଓ୍ବାର୍ଣ୍ଣର, ଆରୋନ୍‌ ଫିଞ୍ଚ(ଅଧିନାୟକ), ମାର୍ନସ୍‌ ଲାବୁଶ୍ଚାଞ୍ଜେ, ଷ୍ଟିଭେନ୍‌ ସ୍ମିଥ୍‌, ଆଷ୍ଟନ ଟର୍ଣ୍ଣର, ଆଲେକ୍ସ କେରୀ, ଆଷ୍ଟନ ଆଗର୍‌, ପ୍ୟାଟ୍‌ କମିନ୍‌ସ, ମିଚେଲ୍‌ ଷ୍ଟାର୍କ, ଜୋସ୍‌ ହାଜେଲ୍‌ଉଡ୍‌, ଆଡାମ୍‌ ଜାମ୍ପା । (ଏଜେନ୍ସୀ)

Tags Australia, bengaluru, india, kohli

ଆଜିର ଖବର ଖେଳ

ରାଜକୋଟ ଦିନିକିଆରେ ବିଜୟ ସହିତ ସିରିଜକୁ ପ୍ରତ୍ୟାବର୍ତ୍ତନ କଲା ଭାରତ

Post author By Samikhsya Bureau
Post date January 17, 2020

ରାଜକୋଟ : ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ଅନୁଷ୍ଠିତ ଦିନିକିଆ ଶୃଙ୍ଖଳାର ଦ୍ବିତୀୟ ଦିନିକିଆରେ ବିଜୟୀ ହୋଇଛି ବିରାଟ କୋହଲିଙ୍କ ଭାରତୀୟ ଦଳ । ଏହି ମ୍ୟାଚ୍‌ରେ ବିଜୟୀ ହେବା ସହିତ ଭାରତ ଶୃଙ୍ଖଳାକୁ ପ୍ରତ୍ୟାବର୍ତ୍ତନ କରିଛି । ପ୍ରଥମେ ବ୍ୟାଟିଂ କରି ଭାରତ 6 ଓ୍ବିକେଟ ହରାଇ 340 ରନ୍‌ ସଂଗ୍ରହ କରିଥିବା ବେଳେ ଅଷ୍ଟ୍ରେଲିଆ ଦଳ ବିଜୟ ଠାରୁ 36 ରନ୍‌ ଦୂରରେ ରହିଥିଲା । ଭାରତ ପକ୍ଷରୁ ଶିଖର ଧଓ୍ବନ୍‌(96), ବିରାଟ କୋହଲି(78) ଏବଂ କେ ଏଲ୍‌ ରାହୁଲ(80) ଅର୍ଦ୍ଧଶତକ ହାସଲ କରିଥିଲେ । 340 ରନ୍‌ର ପିଛା କରି ଚତୁର୍ଥ ଓଭରରେ ନିର୍ଭର ଯୋଗ୍ୟ ଡେଭିଡ୍‌ ଓ୍ବାର୍ଣ୍ଣରଙ୍କୁ ଆଉଟ କରି ମହମ୍ମଦ ସାମି ଭାରତକୁ ପ୍ରଥମ ସଫଳତା ଦେଇଥିଲେ । ମାତ୍ର ପୂର୍ବତନ ଅଧିନାୟକ ଷ୍ଟିଭେନ୍‌ ସ୍ମିଥ ଏବଂ ଅଧିନାୟକ ଆରୋନ୍‌ ଫିଞ୍ଚ(33) 62 ରନ୍‌ର ଭାଗିଦାରୀ କରିଥିଲେ । ରବୀନ୍ଦ୍ର ଜାଡେଜା ଏହି ଯୋଡି ଭାଙ୍ଗିବା ପରେ ଇନଫର୍ମ ଲାବୁଶ୍ଚାଞ୍ଜେ(46) ଏବଂ ସ୍ମିଥ୍‌ (98)ଙ୍କ ମଧ୍ୟରେ 96 ରନ୍‌ର ଭାଗିଦାରୀ ହୋଇଥିଲା । ଲାବୁଶ୍ଚାଞ୍ଜେଙ୍କୁ ଆଉଟ୍‌ କରି ଜାଡେଜା ପୁନର୍ବାର ଏହି ଯୋଡି ଭାଙ୍ଗିଥିଲେ । ଏହାପରେ ସ୍ମିଥ ଗୋଟିଏ ପଟୁ ଆକ୍ରମଣ କରୁଥିବା ବେଳେ କୁଲ୍‌ଦୀପ ଯାଦବ ଗୋଟିଏ ଓଭରରେ ଆଲେକ୍ସ କେରୀ ଏବଂ ସ୍ମିଥ୍‌ଙ୍କୁ ଆଉଟ କରି ଅଷ୍ଟ୍ରେଲିଆକୁ ବ୍ୟାକ୍‌ଫୁଟ୍‌କୁ ଠେଲି ଦେଇଥିଲେ । ପରେ ମହମ୍ମଦ ସାମି ଲଗାତାର ବଲ୍‌ରେ ଟର୍ଣ୍ଣର ଏବଂ କମିନ୍‌ସଙ୍କୁ ଆଉଟ କରିବା ପରେ ବିଜୟ କେବଳ ଔପଚାରିକତା ରହିଥିଲା । ଶେଷରେ ଅଷ୍ଟ୍ରେଲିଆ 304 ରନ୍‌ରେ ଅଲଆଉଟ ହୋଇଥିଲା । ଭାରତ ପକ୍ଷରୁ ମହମ୍ମଦ ସାମି 77 ରନ୍‌ରେ 3ଟି ଓ୍ବିକେଟ ଅକ୍ତିଆର କରିଥିବା ବେଳେ କୁଲଦୀପ ଯାଦବ, ରବୀନ୍ଦ୍ର ଜାଡେଜା ଏବଂ ନବଦୀପ ସାଇନି ଦୁଇଟି ଲେଖାଏଁ ଓ୍ବିକେଟ୍‌ ଅକ୍ତିଆର କରିଥିଲେ । ଜାମ୍ପାଙ୍କୁ ଆଉଟ କରି ବୁମ୍‌ରା ମ୍ୟାଚ୍‌ ସମାପ୍ତ କରିଥିଲେ । ଶିଖର ଧଓ୍ବନଙ୍କୁ ମ୍ୟାଚ୍‌ର ଶ୍ରେଷ୍ଠ ଖେଳାଳି ଘୋଷଣା କରାଯାଇଥିଲା । (ଏଜେନ୍ସୀ)

Tags Australia, dhawan, india, shami, smith

ଆଜିର ଖବର ଖେଳ

ଧଓ୍ବନ୍‌,ରାହୁଲ ଏବଂ କୋହଲିଙ୍କ ଅର୍ଦ୍ଧଶତକ : ଅଷ୍ଟ୍ରେଲିଆ ସମ୍ମୁଖରେ 341 ରନ୍‌ର ବିଜୟ ଲକ୍ଷ୍ୟ

Post author By Samikhsya Bureau
Post date January 17, 2020

ରାଜକୋଟ : ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ଅନୁଷ୍ଠିତ ଦିନିକିଆ ଶୃଙ୍ଖଳାର ଦ୍ବିତୀୟ ଦିନିକିଆରେ ଅଷ୍ଟ୍ରେଲିଆ ସମ୍ମୁଖରେ 341 ରନ୍‌ର ବିଜୟଲକ୍ଷ୍ୟ ଧାର୍ଯ୍ୟ କରିଛି ଭାରତ । ଟସ୍‌ ହାରି ପ୍ରଥମେ ବ୍ୟାଟିଂର ଆମନ୍ତ୍ରଣ ପାଇଥିବା ଭାରତ ପକ୍ଷରୁ ଶିଖର ଧଓ୍ବନ୍‌(96), ବିରାଟ କୋହଲି(78) ଏବଂ କେ ଏଲ୍‌ ରାହୁଲ(80) ଅର୍ଦ୍ଧଶତକ ହାସଲ କରିବାରୁ ଭାରତ ନିର୍ଦ୍ଧାରିତ ଓଭରରେ 6 ଓ୍ବିକେଟ ହରାଇ 340 ରନ୍‌ ସଂଗ୍ରହ କରିଛି । ପ୍ରଥମ ଓ୍ବିକେଟ୍‌ରେ ରୋହିତ ଶର୍ମା(42) ଏବଂ ଧଓ୍ବନ୍‌ 81 ରନ୍‌ର ଭାଗିଦାରୀ କରିଥିବା ବେଳେ ଜାମ୍ପା ରୋହିତଙ୍କୁ ଆଉଟ କରି ପ୍ରଥମ ସଫଳତା ଦେଇଥିଲେ । ତୃତୀୟ ଓ୍ବିକେଟ୍‌ରେ ଧଓ୍ବନ୍‌ (96) ଏବଂ କୋହଲି (78) 103 ରନ୍‌ର ଭାଗିଦାରୀ କରିଥିଲେ । ଶତକରୁ ଚାରି ରନ୍‌ ଦୂରରେ ଧଓ୍ବନ୍‌ ଆଉଟ୍‌ ହେବା ପରେ ଶ୍ରେୟସ୍‌ ଆୟର(7) ବିଫଳ ହୋଇଥିଲେ । ପଞ୍ଚମ ସ୍ଥାନରେ ବ୍ୟାଟିଂ କରିବାକୁ ଆସିଥିବା ରାହୁଲ ଆକ୍ରମଣାତ୍ମକ ବ୍ୟାଟିଂ କରିଥିଲେ । ରାହୁଲ 52ଟି ବଲ୍‌ର ସମ୍ମୁଖୀନ 6ଟି ଚୌକା ଏବଂ 3 ଛକ୍କା ସହାୟତାରେ 80 ରନ୍‌ ସଂଗ୍ରହ କରିଥିଲେ । ଅଷ୍ଟ୍ରେଲିଆ ପକ୍ଷରୁ ଆଡାମ ଜାମ୍ପା 50 ରନ୍‌ରେ 3ଟି ଏବଂ କେନ୍‌ ରିଚାର୍ଡସନ୍‌ ଦୁଇଟି ଓ୍ବିକେଟ୍‌ ଅକ୍ତିଆର କରିଥିଲେ । (ଏଜେନ୍ସୀ)

Tags Australia, dhawan, india, kohli, rahul

ଆଜିର ଖବର ବ୍ୟବସାୟ

2025 ସୁଦ୍ଧା ଭାରତରେ 10 ଲକ୍ଷ ନୂତନ ନିଯୁକ୍ତି ନେଇ ଘୋଷଣା କଲେ ଏହି ବ୍ୟକ୍ତି । ଜାଣନ୍ତୁ କିଏ?

Post author By Samikhsya Bureau
Post date January 17, 2020

ମୁମ୍ବାଇ : ଭାରତୀୟ ବଜାରରେ ଆସନ୍ତା 5 ବର୍ଷ ମଧ୍ୟରେ 10 ଲକ୍ଷ ନୂତନ ନିଯୁକ୍ତି ପ୍ରଦାନ ନେଇ ଘୋଷଣା କରିଛନ୍ତି ଆମାଜନ୍‌ ସିଇଓ ଜେଫ୍‌ ବେଜୋସ୍‌ । ପ୍ରାଥମିକ ଭାବରେ ଭାରତରେ 71 ହଜାର କୋଟି ନିବେଶ ନେଇ ଘୋଷଣା କରିଥିଲେ ବେଜୋସ୍‌ । ଆମାଜନ୍‌ ମୁଖ୍ୟ ଜେଫ୍‌ ବେଜୋସ୍‌ ଶୁକ୍ରବାର ନୂତନ ନିଯୁକ୍ତି ନେଇ ଘୋଷଣା କରିଛନ୍ତି । ଆସନ୍ତା 5 ବର୍ଷ ମଧ୍ୟରେ ଆମାଜନ୍‌ ଭାରତରେ ନିରନ୍ତର ନିବେଶ କରିବ ଯାହା ଫଳରେ ଅନ୍ୟୁନ 10 ଲକ୍ଷ ନୂତନ ନିଯୁକ୍ତି ସୃଷ୍ଟି ହେବ । ଏହି ସମସ୍ତ ନିଯୁକ୍ତି ପ୍ରତ୍ୟକ୍ଷ ଏବଂ ପରୋକ୍ଷ ଭାବରେ କରାଯିବ ବୋଲି ବେଜୋସ୍‌ ସୂଚନା ଦେଇଛନ୍ତି । ଭାରତର ସମସ୍ତ କ୍ଷୁଦ୍ର ବ୍ୟବସାୟକୁ ମୁଖ୍ୟ ଧାରାରେ ସାମିଲ କରାଯିବା ସହିତ ଅନ୍‌ଲାଇନ୍‌ କରାଯିବାର ପ୍ରୟାସ କରାଯିବ ବୋଲି ବେଜୋସ୍‌ କହିଛନ୍ତି ।

Tags amazon, india, jeffbezos

ଆଜିର ଖବର ଖେଳ

ମଙ୍ଗଳବାର ପ୍ରଥମ ଦିନିକିଆ : ଟିମ୍‌ ଚୟନକୁ ନେଇ ଦ୍ବନ୍ଦରେ ଭାରତ

Post author By Samikhsya Bureau
Post date January 13, 2020

ମୁମ୍ବାଇ : ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ଅନୁଷ୍ଠିତ ହେବାକୁ ଥିବା ଦିନିକିଆ ଶୃଙ୍ଖଳାର ପ୍ରଥମ ମ୍ୟାଚ୍‌ ମଙ୍ଗଳବାର ମୁମ୍ବାଇରେ ଖେଳାଯିବ । ମ୍ୟାଚ୍‌ ପାଇଁ ଉଭୟ ଦଳ ପ୍ରସ୍ତୁତ ରହିଥିବା ବେଳେ ଟିମ୍‌ ଚୟନକୁ ନେଇ ଭାରତୀୟ ଦଳ ଦ୍ବନ୍ଦ୍ବରେ ରହିଛି । ରୋହିତ ଶର୍ମାଙ୍କ ପ୍ରତ୍ୟାବର୍ତ୍ତନରେ ଓପନିଂ ସ୍ଥାନକୁ ନେଇ ଟିମ୍‌ ମ୍ୟାନେଜମେଣ୍ଟ ଅଡୁଆରେ ପଡିଛି । ରୋହିତଙ୍କ ସହିତ ଉଭୟ ଧଓ୍ବନ୍‌ ଏବଂ ରାହୁଲ ସଫଳ ହୋଇଥିବାରୁ ମ୍ୟାନେଜମେଣ୍ଟ କାହାକୁ ଖେଳାଇବ ସେ ନେଇ ଅଡୁଆରେ ପଡିଛି । ସେହିପରି ଦ୍ରୁତ ବିଭାଗରେ ଯଶ୍‌ପ୍ରୀତ୍‌ ବୁମ୍‌ରା ଏବଂ ମହମ୍ମଦ ସାମିଙ୍କ ଖେଳିବା ଏକ ପ୍ରକାର ନିଶ୍ଚିତ ହୋଇଥିବା ବେଳେ ତୃତୀୟ ବୋଲର ଭାବରେ ନବଦୀପ ସାଇନି କିମ୍ବା ଶାର୍ଦ୍ଦୁଲ ଠାକୁରଙ୍କ ମଧ୍ୟରେ ଜଣେ ସ୍ଥାନ ପାଇବେ । ମଧ୍ୟକ୍ରମରେ ଶ୍ରେୟସ ଆୟାର ଏବଂ ଋଷଭ ପନ୍ତଙ୍କ ସହିତ କେଦାର ଯାଦବ /ଶିବମ ଦୁବେଙ୍କ ମଧ୍ୟରେ ଜଣେ ସ୍ଥାନ ପାଇବାକୁ ଯାଉଛନ୍ତି । (ଏଜେନ୍ସୀ)

Tags aus, india, odi

ଆଜିର ଖବର ଖେଳ

ହରମନପ୍ରୀତ୍‌ଙ୍କ ନେତୃତ୍ବରେ ଟି 20 ବିଶ୍ବକପ୍‌ ପାଇଁ ଭାରତୀୟ ଦଳ ଘୋଷଣା : ରିଚା ଘୋଷ ନୂଆ ମୁହଁ

Post author By Samikhsya Bureau
Post date January 12, 2020

ମୁମ୍ବାଇ : ଟି 20 ବିଶ୍ବକପ୍‌ ପାଇଁ ଭାରତୀୟ ମହିଳା ଦଳ ଘୋଷଣା କରାଯାଇଛି । ହରମନ୍‌ପ୍ରୀତ୍‌ କୌର୍‌ଙ୍କ ନେତୃତ୍ବରେ 15 ଜଣିଆ ଦଳ ଗଠନ କରାଯାଇଛି । ବିଶ୍ବକପ୍‌ ସହିତ ଅଷ୍ଟ୍ରେଲିଆ ସିରିଜ୍‌ ପାଇଁ ମଧ୍ୟ 16 ଜଣିଆ ଦଳ ଘୋଷଣା କରାଯାଇଛି । ଏହି ଦଳରେ ରିଚା ଘୋଷ ଏକମାତ୍ର ନୂଆ ଚେହେରା ରହିଛନ୍ତି । ରିଚା ଚ୍ୟାଲେଞ୍‌ଜର୍ସ ଟ୍ରଫିରେ ଗୋଟିଏ ମ୍ୟାଚ୍‌ ଖେଳି 36 ରନ୍‌ ସଂଗ୍ରହ କରିଥିଲେ । ରିଚାଙ୍କ ବ୍ୟତିତ ଶେଫାଳି ବର୍ମା ନିଜର ପ୍ରଥମ ଅନ୍ତର୍ଜାତୀୟ ଟୁର୍ଣ୍ଣାମେଣ୍ଟ ଖେଳିବାକୁ ଯାଉଛନ୍ତି ।

ବିଶ୍ବକପ୍‌ ଦଳ : ହରମନ୍‌ପ୍ରୀତ୍‌ କୌର(ଅଧିନାୟିକା), ସ୍ମୃତି ମାନ୍ଧନା, ଶେଫାଳି ବର୍ମା, ଜେମିମା ରୋଡ୍ରିଗ୍‌ସ, ହରଲିନ୍‌ ଦେଓଲ୍‌, ଦୀପ୍ତି ଶର୍ମା, ବେଦା କ୍ରିଷ୍ଣମୂର୍ତ୍ତି, ରିଚା ଘୋଷ, ତାନିଆ ଭାଟିଆ, ପୁନମ ଯାଦବ, ରାଧା ଯାଦବ, ରାଜେଶ୍ବରୀ ଗାଏକ୍ବାଡ, ଶିଖା ପାଣ୍ଡେ, ପୂଜା ବସ୍ତ୍ରକାର ଏବଂ ଅରୁନ୍ଧତୀ ରେଡ୍ଡୀ ।

ଅଷ୍ଟ୍ରେଲିଆ ସିରଜ୍‌ ଦଳ : ହରମନ୍‌ପ୍ରୀତ୍‌ କୌର(ଅଧିନାୟିକା), ସ୍ମୃତି ମାନ୍ଧନା, ଶେଫାଳି ବର୍ମା, ଜେମିମା ରୋଡ୍ରିଗ୍‌ସ, ହରଲିନ୍‌ ଦେଓଲ୍‌, ଦୀପ୍ତି ଶର୍ମା, ବେଦା କ୍ରିଷ୍ଣମୂର୍ତ୍ତି, ରିଚା ଘୋଷ, ତାନିଆ ଭାଟିଆ, ପୁନମ ଯାଦବ, ରାଧା ଯାଦବ, ରାଜେଶ୍ବରୀ ଗାଏକ୍ବାଡ, ଶିଖା ପାଣ୍ଡେ, ପୂଜା ବସ୍ତ୍ରକାର ଅରୁନ୍ଧତୀ ରେଡ୍ଡୀ ଏବଂ ନୁଜହତ୍‌ ପରଓ୍ବିନ୍‌ ।

Tags HARMANPREETKAUR, india, RICHAGHOSH, T20WorldCup