The Samikhsya Odia
ଭୁବନେଶ୍ବର : ଆଜିଠୁ କଟକରେ ଖୋଲିବ ସମସ୍ତ ପାର୍କ । ସକାଳ 7ଟାରୁ 10ଟା ଏବଂ ଅପରାହ୍ନ 4ଟାରୁ 6ଟା ପର୍ଯ୍ୟନ୍ତ ପାର୍କ ଖୋଲିବା ପାଇଁ କଟକ ମହାନଗର ନିଗମ ପକ୍ଷରୁ ଘୋଷଣା କରାଯାଇଛି । ତେବେ ପାର୍କରେ ରହିଥିବା ଜିମ୍ ଉପକରଣର ବ୍ୟବହାର ଉପରେ ରୋକ୍ ଲଗାଯାଇଥିବା ବେଳେ ମାସ୍କ ପିନ୍ଧିବା ଏବଂ ସାମାଜିକ ଦୂରତ୍ବର ପାଳନକୁ ବାଧ୍ୟତାମୂଳକ କରାଯାଇଛି । ସେହିପରି ଛୋଟ ଛୁଆଙ୍କ ପାଇଁ ଉଦ୍ଦିଷ୍ଟ ଦୋଳିର ବ୍ୟବହାର ଉପରେ ମଧ୍ୟ କଟକଣା ଜାରି କରାଯାଇଛି ।
ଭୁବନେଶ୍ବର : ଆଜିଠାରୁ ରାଜଧାନୀରେ ପରୀକ୍ଷାମୂଳକ ଭାବେ କିଛି ପ୍ରମୁଖ ପାର୍କ ଖୋଲିଛି । ଆଇଜି, ଫରେଷ୍ଟ ଓ ବୁଦ୍ଧ ପାର୍କ ଆଜିଠୁ ଖୋଲିଛି । ସକାଳ 7ରୁ ଦିନ 10, ଅପରାହ୍ନ 4ରୁ ସନ୍ଧ୍ୟା 6ଟା ଯାଏଁ ପାର୍କ ଖୋଲା ହେଉଛି । ପାର୍କରେ ସାମାଜିକ ଦୂରତ୍ବ ମାନିବା ସହ ମାସ୍କ ପିନ୍ଧିବାକୁ ବାଧ୍ୟତାମୂଳକ କରାଯାଇଛି । ପାର୍କରେ ଛେପ ପକାଇବା, ବ୍ୟାୟାମ ଉପକରଣ ବ୍ୟବହାର କରିବାକୁ ସମ୍ପୂର୍ଣ୍ଣ ବାରଣ କରାଯାଇଛି । କରୋନା ପାଇଁ ମାର୍ଚ୍ଚ 22 ତାରିଖରୁ ରାଜଧାନୀର ସମସ୍ତ ପାର୍କକୁ ବନ୍ଦ କରାଯାଇଥିଲା ।
ସୂଚନାଯୋଗ୍ୟ, ଗତ ଦୁଇ ଦିନ ତଳେ ଭାରତର ରାଜଧାନୀ ଦିଲ୍ଲୀରେ ମଧ୍ୟ କିଛି ପାର୍କକୁ ସର୍ତ୍ତମୂଳକ ଖୋଲିବା ନେଇ ଅନୁମତି ମିଳିଛି । ସେଠାରେ ମଧ୍ୟ ମାସ୍କ ଓ ସାମାଜିକ ଦୂରତ୍ବକୁ ବାଧ୍ୟତାମୂଳକ କରାଯାଇଥିଲା । ଦିଲ୍ଲୀଠାରେ 60 ବର୍ଷରୁ ଉର୍ଦ୍ଧ୍ବ ଓ 10 ବର୍ଷ ବୟସ୍କରୁ କମ୍ ବୟସ୍କଙ୍କୁ ଅନୁମତି ଦିଆଯାଇନାହିଁ ।
କନ୍ଦର୍ପ ବେହେରା
ରେଢାଖୋଲ : ସରକାର ଗ୍ରାମାଂଚଳର ବିକାଶ ପାଇଁ ଲକ୍ଷ ଲକ୍ଷ ଟଙ୍କା ଖର୍ଚ୍ଚ କରୁଛନ୍ତି । ହେଲେ ସରକାରଙ୍କ ଏହି ଜନହିତକର ଯୋଜନା ସଠିକ୍ ଭାବରେ ଜନସାଧାରଣଙ୍କ ନିକଟରେ ପହଞ୍ଚୁ ନାହିଁ । ଏହି ଯୋଜନା ଗୁଡିକ ସଠିକ୍ ଭାବରେ କାର୍ଯ୍ୟକାରୀ ହେଉ ନଥିବାରୁ ଗ୍ରାମାଞ୍ଚଳରେ ଅସନ୍ତୋଷ ବଢୁଛି ।
ସମ୍ବଲପୁର ଜିଲ୍ଲା ରେଢାଖୋଲ ବ୍ଲକର ଗରଗଡବାହାଳ ପଂଚାୟତରେ ନିର୍ମିତ ହୋଇଛି ଏକ ଗ୍ରାମୀଣ ପାର୍କ । ଗ୍ରାମୀଣ ପାର୍କ ନିର୍ମାଣରେ ବ୍ୟାପକ ଅନିୟମିତତା ହୋଇଥିବା ଗ୍ରାମବାସୀ ଅଭିଯୋଗ କରିଛନ୍ତି । ଅଭିଯୋଗରୁ ପ୍ରକାଶ ଯେ, ଗରଗଡବାହାଳ ଗ୍ରାମପଂଚୟତର ସଦର ମହୁକୁମାରେ ପାର୍କ ନିର୍ମାଣ ନକରାଯାଇ କରଡାପାଳ ନାମକ ଏକ ଜନଶୂନ୍ୟ ସ୍ଥାନରେ ନିର୍ମିତ ହୋଇଛି । ଜନଶୂନ୍ୟ ସ୍ଥାନରେ ପାର୍କ ନିର୍ମାଣ କେବଳ ଅର୍ଥ ତୋଷାରପାତ ପାଇଁ କରାଯାଇଛି ବୋଲି ଗ୍ରାମବାସୀଙ୍କ ପକ୍ଷରୁ ଅଭିଯରୋଗ କରାଯାଇଛି । ଗ୍ରାମବାସୀ ମାନେ ଅଭିଯୋଗର ଗୋଟିଏ ଲେଖାଏଁ କପି ସମ୍ବଲପୁର ଜିଲ୍ଲାପାଳ ଓ ରେଢାଖୋଲ ଉପଜିଲ୍ଲାପାଳଙ୍କୁ ପଠାଇଛନ୍ତି ।
ନୂଆଦିଲ୍ଲୀ : ପ୍ରାୟ 2 ମାସ ପରେ ଦିଲ୍ଲୀରେ ପାର୍କ ଖୋଲିବାକୁ ଅନୁମତି ମିଳିଛି। ଲକଡାଉନ୍ 4,.0ରେ ରହିଥିବା କିଛି କୋହଳ କଟକଣାକୁ ଆଧାରେ ଦିଲ୍ଲୀରେ ପାର୍କ ଓ ଗାର୍ଡେନ୍ ଖୋଲିବା ନେଇ ଆଦେଶ ଜାରି ହୋଇଛି। ତେବେ କିଛି ସର୍ତ୍ତ ମୁତାବକ ପାର୍କ ଖୋଲିବାକୁ ଅନୁମତି ମିଳିଛି । ପାର୍କ ଖୋଲିବା ସମୟ ମଧ୍ୟ ନିର୍ଘଣ୍ଟ କରାଯାଇଛି। ସକାଳ 7ଟାରୁ ସକାଳ 10ଟା ପର୍ଯ୍ୟନ୍ତ ଖୋଲା ହୋଇପାରିବ ସେହିପରି ଅପରାହ୍ନ ତିନିଟା 30ରୁ 6.30 ପର୍ଯ୍ୟନ୍ତ ପାର୍କ ଖୋଲାଯିବ ବୋଲି ସୂଚନା ରହିଛି।
ତେବେ ଏହି ସମୟ ମଧ୍ୟରେ ପାର୍କରେ କେବଳ ଜଗିଂ ଓ ମର୍ଣ୍ଣିଂଓ୍ବାର୍କ କରାଯାଇପାରିବ। ଓପନ୍ ଜିମ୍ ବା ଯୋଗ କରିବା ପାଇଁ ଅନୁମତି ମିଳିପାରିନାହିଁ। ସେହିପରି ପାର୍କ ମଧ୍ୟକୁ 65 ବର୍ଷର ଅଧିକ ବୟସ୍କ 10 ବର୍ଷରୁ କମ୍ ବୟସ୍କ ପ୍ରବେଶ କରିପାରିବେନି ବୋଲି ନିୟମ କରାଯାଇଛି।
ଦିଲ୍ଲୀର ପ୍ରସିଦ୍ଧ ଲୋଧି ଗାର୍ଡେନ୍, ତାଲକୋଟରା ଗାର୍ଡେନ୍ ଓ ନେହେରୁ ପାର୍କ ସହିତ ଅନ୍ୟାନ୍ୟ ପାର୍କ ମଧ୍ୟ ଖୋଲାଯାଇଛି। ଆଜି ପାର୍କ ଗୁଡିକରେ ଗହଳ ଚହଳ ଦେଖିବାକୁ ମିଳିଥିଲା । (ଏଜେନ୍ସି)