Tag: thesamikhsya

Categories
ଆଜିର ଖବର

ବିଜେପିର ୨ ଲୋକସଭା ଓ ୯ ବିଧାନସଭା ପ୍ରାର୍ଥୀ ଘୋଷଣା

bjp candidate list
bjp candidate list

ଭାରତୀୟ ଜନତା ପାର୍ଟି ପକ୍ଷରୁ ଆଜି ୨ ଲେକସଭା ଏବଂ ୯ ବିମଧାନସଭା ଆସନ ନିମନ୍ତେ ପ୍ରର୍ଥୀପତ୍ର ଘୋଷଣା କରାଯାଇଛି । ଏହି ପ୍ରାର୍ଥୀ ଘୋଷଣାରେ ଦଳରେ ନୂତନ ଭାବେ ଯାେଗଦେଇଥିବା ତଥା ଅନ୍ୟ ରାଜନୈତିକ ଦଳରୁ ଆସିଥିବା ପ୍ରାର୍ଥୀଙ୍କୁ ପ୍ରାଧାନ୍ୟ ଦିଆଯାଇଛି । ଆଜି ବିଜେପିକୁ ଫେରିଥିବା ପୂର୍ବତନ ସାଂସଦ ଖାରବେଳ ସ୍ୱାଇଁ କନ୍ଧମାଳ ଲୋକସଭା ଆସନରୁନିର୍ବାଚନ ଲଢ଼ିବେ। ସେହିପରି ଗତକାଲି ଦଳରେ ସାମିଲ ହୋଇଥିବା ପୂର୍ବତନ ପୋଲିସ ଡିଜି ପ୍ରକାଶ ମିଶ୍ର କଟକ ଲୋକସଭା ଆସନରୁପ୍ରତିଦ୍ୱନ୍ଦ୍ୱିତା କରିବେ।

ଲାେକସଭା ପ୍ରାର୍ଥୀ

୧-ପ୍ରକାଶ ମିଶ୍ର : କଟକ

୨-ଖାରବେଳ ସ୍ବାଇଁ : କନ୍ଧମାଳ

ବିଧାନସଭା ପ୍ରର୍ଥୀ

୧-ଝାରସୁଗୁଡା: ଦୀନେଶ ଜୈନ୍‌

୨-ଭଣ୍ଡାରୀପୋଖରୀ : ବଦ୍ରି ନାରାୟଣ ଧଳ

୩-ଫୁଲବାଣୀ : ଦେବ ନାରାୟଣ ପ୍ରଧାନ

୪-ପାରଦ୍ବୀପ : ସମ୍ପଦ ସ୍ବାଇଁ

୫-ଜୟେଦବ : ନରେନ୍ଦ୍ର ନାୟକ

୬-ଜଟଣୀ : ବିଶ୍ବ ରଞ୍ଜନ ବଡଜେନା

୭-ବେଗୁନିଆ : ଋଷଭ ନନ୍ଦ

୮-ରେଢାଖୋଲ : ଦେବେନ୍ଦ୍ର ମହାପାତ୍ର

୯-ଭଦ୍ରକ : ଡକ୍ଟର ପ୍ରଦୀପ ନାୟକ

 

Categories
ଆଜିର ଖବର

ବିଜେପିକୁ ଖାରବେଳଙ୍କ ପ୍ରତ୍ୟାବର୍ତ୍ତନ : କନ୍ଧମାଳରୁ ବିଜେପିର ଲୋକସଭା ପ୍ରାର୍ଥୀ

kharavel swain joins bjp
kharavel swain joins bjp

ଉତ୍କଳ ଭାରତ ସଭାପତି ଖାରବେଳ ସ୍ୱାଇଁ ଆଜି ବିଜେପିରେ ମିଶିଛନ୍ତି। ରାଜ୍ୟ ବିଜେପି କାର୍ଯ୍ୟାଳୟରେ କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଓ ବିଜେପି ରାଜ୍ୟ ଉପସଭାପତି ସମୀର ମହାନ୍ତିଙ୍କ ଉପସ୍ଥିତିରେ ସେ ଆନୁଷ୍ଠାନିକ ଭାବେ ବିଜେପିରେ ସାମିଲ ହୋଇଛନ୍ତି। ସେ କନ୍ଧମାଳ ଲୋକସଭା ଆସନରୁ ପ୍ରାର୍ଥୀ ପାଇଁ ମନୋନୀତ ହେଇଛନ୍ତି। ଖାରବେଳ ୧୯୯୮ରୁ ୨୦୦୯ ମଧ୍ୟରେ ବାଲେଶ୍ୱରରୁ ବିଜେପି ଟିକେଟରେ ୩ ଥର ଲୋକସଭାକୁ ନିର୍ବାଚିତ ହୋଇଥିଲେ। ୨୦୦୯ ଲୋକସଭା ନିର୍ବାଚନ ପରେ ସେ ବିଜେପିରୁ ଇସ୍ତଫା ଦେଇ ଉତ୍କଳ ଭାରତ ଦଳ ଗଠନ କରିଥିଲେ।ବିଜେପିରେ ସାମିଲ ହେବାପରେ ଖାରବେଳ ସ୍ୱାଇଁ କହିଛନ୍ତି,“ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ୱରେ ଉତ୍ସାହିତ ହୋଇ ମୁଁ ବିଜେପିରେ ଯୋଗ ଦେଇଛି। ” ସେ ଆହୁରି କହିଛନ୍ତି,“ ରାଜ୍ୟରେ ବିଜେଡି ସରକାର ଅପାରଗ, ଭ୍ରଷ୍ଟାଚାର। ନବୀନଙ୍କୁ ହଟାଇବା ଲକ୍ଷ୍ୟରେ ନିଜ ଇଛାରେ ବିଜେପିକୁ ଫେରିଛି। ଆସନ୍ତା ନିର୍ବାଚନ ପରେ ରାଜ୍ୟରେ ବିଜେପି ସରକାର ଗଠନ କରିବ। ସୂଚନା ଯୋଗ୍ୟ ଯେ ଗତକାଲି ପୂର୍ବତନ ପୁଲିସ ଡିଜି ପ୍ରକାଶ ମିଶ୍ର, ପୂର୍ବତନ ବିଧାୟକ ଦେବୀ ପ୍ରସନ୍ନ ଚାନ୍ଦ ବିଜେପିରେ ମିଶିଥିଲେ। ଏହି ମିଶ୍ରଣ ପର୍ବରେ ଧର୍ମେନ୍ଦ୍ର ପ୍ରଧାନ, ବିଶ୍ବଭୂଷଣ ହରିଚନ୍ଦନ, ଦାମୋଦର ରାଉତ ପ୍ରମୁଖ ଉପସ୍ଥିତ ଥିଲେ ।

Categories
ଆଜିର ଖବର

ଟସ୍ ଜିତି ଫିଲ୍ଡିଂ ନିଷ୍ପତ୍ତି ନେଲା କେକେଆର

kkr won toss and elected to field first
kkr won toss and elected to field first
ଚଳିତ ଆଇପିଏଲରେ ରବିବାର ଦୁଇଟି ହାଇଭୋଲଟେଜ ମ୍ୟାଚ ଖେଳାଯିବ। ଇଡେନ ଗାର୍ଡେନରେ କୋଲକାତା ନାଇଟ ରାଇଡର୍ସ ଓ ସନରାଇଜର୍ସ ହାଇଦ୍ରାବାଦ ମଧ୍ୟରେ ଦିବସର ପ୍ରଥମ ମ୍ୟାଚ୍ ଖେଳାଯାଉଛି। ଏହି ମ୍ୟାଚରେ କେକେଆର ଅଧିନାୟକ ଦୀନେଶ କାର୍ତ୍ତିକ ଟସ୍ ଜିତି ପ୍ରଥମେ ଫିଲ୍ଡିଂ କରିବାକୁ ନିଷ୍ପତ୍ତି ନେଇଛନ୍ତି। ହାଇଦ୍ରାବାଦର ନିୟମିତ ଅଧିନାୟକ କେନ ଓ୍ବିଲିୟମସନ ଆହତ ଥିବାରୁ ଭୁବନେଶ୍ବର କୁମାର ପ୍ରଥମଥର ନେତୃତ୍ବ ନେଇଛନ୍ତି। ଡେଭିଡ ଓ୍ବାର୍ଣ୍ଣର ଆଇପିଏଲ ଦ୍ବାରା କ୍ରିକେଟକୁ ଫେରିଛନ୍ତି। ବଲ ଟ୍ୟାମ୍ପରିଂ ଅଭିଯୋଗରେ ବର୍ଷକ ପାଇଁ ବାସନ୍ଦ ହୋଇଥିବା ଓ୍ବାର୍ଣ୍ଣରଙ୍କ ଦଣ୍ଡୋଦେଶ ଚଳିତମାସ ଶେଷଭାଗରେ ଶେଷ ହେବ। ଏହା ପରେ ସେ ଅନ୍ତର୍ଜାତୀୟ କ୍ରିକେଟକୁ ମଧ୍ୟ ପ୍ରତ୍ୟାବର୍ତ୍ତନ କରିପାରିବେ। ହାଇଦ୍ରାବାଦ (ଚୂଡ଼ାନ୍ତ ଏକାଦଶ): ଡେଭିଡ ଓ୍ବାର୍ଣ୍ଣର, ଜନି ବାୟାରଷ୍ଟୋ (ଓ୍ବିକେଟକିପର), ମନିଷ ପାଣ୍ଡେ, ଦୀପକ ହୁଡା, ସାକିବ ଅଲ ହାସନ, ବିଜୟ ଶଙ୍କର, ୟୁସୁଫ ପଠାନ, ରଶିଦ ଖାନ, ଭୁବନେଶ୍ବର କୁମାର (ଅଧିନାୟକ), ସିଦ୍ଧାର୍ଥ କୌଲ, ସନ୍ଦୀପ ଶର୍ମା। କେକେଆର (ଚୂଡ଼ାନ୍ତ ଏକାଦଶ): କ୍ରିସ ଲିନ, ସୁନୀଲ ନରିନ, ରବିନ ଉଥାପ୍ପା, ଶୁଭମାନ ଗିଲ, ନୀତୀଶ ରାଣା, ଦିନେଶ କାର୍ତ୍ତିକ (ଅଧିନାୟକ), ଆନ୍ଦ୍ରେ ରସେଲ, ପୀୟୂଷ ଚାଓ୍ବଲା, କୁଲଦୀପ ଯାଦବ, ଲୋକି ଫର୍ଗୁସନ, ପ୍ରସିଦ୍ଧ କ୍ରିଷ୍ଣା।
Categories
ଆଜିର ଖବର

ବେଗୁସରାଇରୁ ନିର୍ବାଚନ ଲଢିବେ କହ୍ନେୟା କୁମାର

kanheya kumar may fight in ls poll from bihar
kanheya kumar may fight in ls poll from bihar

ବିହାରର ବେଗୁସରାଇରୁ ପ୍ରତିଦ୍ବନ୍ଦିତା କରିବେ କହ୍ନେୟା କୁମାର। ଜେଏନ୍‌ୟୁର ଏହି ଛାତ୍ର ନେତା ସିପିଆଇ ପକ୍ଷରୁ ବେଗୁସରାଇରେ ନିର୍ବାଚନ ଲଢିବେ ବୋଲି ଘୋଷଣା କରିଛନ୍ତି ବିହାର ସିପିଆଇ ସମ୍ପାଦକ ସତ୍ୟନାରାୟଣ ସିଂ। ସିପିଆଇ ପକ୍ଷରୁ କହ୍ନେୟା ଲଢିବା ସ୍ଥିର ହେବା ପରେ ଏହି ଆସନରେ ତ୍ରିମୁଖୀ ଲଢେଇ ଦେଖିବାକୁ ମିଳିବ। ପୂର୍ବରୁ ଏହି ଆସନ ପାଇଁ ବିଜେପି ପକ୍ଷରୁ ଗିରିରାଜ ସିଂ, ଏବଂ ଆରଜେଡି ପକ୍ଷରୁ ତନ୍‌ବୀର ହସନ ନିର୍ବାଚନ ଲଢିବା ସ୍ଥିର ହାେଇଛି। ଏହି ତିନି ନେତା ବେଗୁସରାଇର ଅଟନ୍ତି। କହ୍ନୈୟା କୁମାର ଭିଟା ଗ୍ରାମରୁ ଆସିଥିବା ବେଳେ, ଆାରଜେଡି ପ୍ରାର୍ଥୀ ବାଲିଆର ଲଖ୍‌ମିନିଆ ଗ୍ରାମରୁ ଏବଂ ଗିରିରାଜ ସିଂ ଲଖିସରାଇ ଜିଲ୍ଲାର ବରହୈୟା ଗ୍ରାମର ଅଟନ୍ତି। ଏହି ଆସନରେ ପୂର୍ବରୁ ବିଜେପିର ଭୋଲା ସିଂ ୬୦ ହଜାର ଭୋଟ ବ୍ୟବଧାନରେ ହସନଙ୍କୁ ପରାସ୍ତ କରିଥିଲେ। ଆରଜେଡି ଏବଂ କଂଗ୍ରସ ମଧ୍ୟରେ ହାେଇଥିବା ମହାମେଣ୍ଟ ଅନୁଯାୟୀ ଲାଲୁ ଯାଦବଙ୍କ ଦଳ ୨୦ ଆସନ, କଂଗ୍ରେସ-୯, ଆରଏଲଏସପି-୫, ଜୀତନ ରାମ ମାଞ୍ଝୀଙ୍କ ହମ୍‌-ଏସ୍‌ ଏବଂ ବିକାଶଶୀଳ ଇନ୍‌ସାଫ୍‌ ପାର୍ଟିକୁ 3ଟି ଲେଖାଏଁ ଏବଂ ସିପିଆଇଏମ୍‌ଏଲ୍‌କୁ ଗାେଟିଏ ଲେଖାଏଁ ଆସନ ମିଳିଛି।

Categories
ଆଜିର ଖବର

ସ୍ବାଧୀନ ଭାବେ ଲଢିବେ ଅଭିନେତ୍ରୀ ସୁମାଲତା, ବିଜେପି ଦେବ ସମର୍ଥନ

sumalatha may contest ls polls as a indipendate candidate
sumalatha may contest ls polls as a indipendate candidate

କର୍ଣ୍ଣାଟକର ମାଣ୍ଡ୍ୟା ଲୋକସଭା ଆସନ ପାଇଁ ସ୍ବାଧୀନ ଭାବେ ନିର୍ବାଚନ ଲଢିବେ ଅଭିନେତ୍ରୀ ସୁମାଲତା। ତେବେ  ସୁମଲତାଙ୍କୁ ବିଜେପି ସମର୍ଥନ କରିବ ବୋଲି ଘୋଷଣା କରିଛି। ସୁମାଲତା ଦିବଙ୍ଗତ ନେତା ଏଚ୍‌ ଅମ୍ବରୀଶଙ୍କ ପତ୍ନୀ। କଂଗ୍ରେସ ତରଫରୁ ତାଙ୍କୁ ଟିକେଟ ନ ମିଳିବାରୁ ସେ ସ୍ବାଧୀନ ଭାବେ ସେହି ଆସନରୁ ଲଢିବେ ବୋଲି ସୂଚନା ଦେଇଛନ୍ତି। କଂଗ୍ରେସ ମାଣ୍ଡ୍ୟା ଲୋକସଭା ଆସନକୁ ସହଯୋଗୀ ପାର୍ଟି ଜେଡିଏସ୍‌କୁ ଦେଇଥିବାବେଳେ ଏହି ଆସନରୁ କର୍ଣ୍ଣାଟକର ମୁଖ୍ୟମନ୍ତ୍ରୀ କୁମାରସ୍ବାମୀଙ୍କ ପୁତ୍ର ନିଖିଲ ପ୍ରାର୍ଥୀ ହୋଇଛନ୍ତି। ତେବେ ବିଜେପି ତା’ର ଆଶାୟୀ ପ୍ରାର୍ଥୀଙ୍କ ଲିଷ୍ଟ ଜାରି କରିସାରିଛି। ଏଥିରେ ପ୍ରାୟ ୨୮୬ଜଣଙ୍କ ନାମ ଘୋଷଣା କରାଯାଇଛି। ଆଉ ଅବଶିଷ୍ଟ ପ୍ରାର୍ଥୀ ତାଲିକା ବହୁତ ଶୀଘ୍ର ଘୋଷଣା କରାଯିବ ବୋଲି ବିଜେପି କହିଛି। ଚଳିତ ଥର ବିଜେପିର କିଛି ବରିଷ୍ଠ ନେତା ନିର୍ବାଚନରେ ଲଢିବେ ନାହିଁ ବୋଲି ସୂଚନା ରହିଛି। ସେମାନଙ୍କ ମଧ୍ୟରେ ରହିଛନ୍ତି କେନ୍ଦ୍ରୀୟ ମନ୍ତ୍ରୀ ସୁଷମା ସ୍ବରାଜ, ଉମା ଭାରତୀ, ପରେଶ୍‌ ରାଓ୍ବଲ୍, କଲରାଜ୍‌ ମିଶ୍ର ପ୍ରମୁଖ। ଚଳିତ ଥର ବିଜେପି କେତେକ ସାଂସଦଙ୍କ ଟିକେଟ ମଧ୍ୟ କାଟିଛି।

Categories
ଆଜିର ଖବର

ନୟାଗଡ଼ରୁ ନବୀନଙ୍କ ପ୍ରଚାର ଆରମ୍ଭ : ୨୧ ରୁ ୨୧ ଏମ୍‌ପି ଆସନ ଜିତିବା ନେଇ ଦୃଢୋକ୍ତି

naveenpattanaik in nayagada rally
naveenpattanaik in nayagada rally

ନିର୍ବାଚନୀ ବିଗୁଲ୍‌ ବାଜିସାରିଛି । ସବୁ ଦଳମାନେ ନିଜର ରଣନୀତି ପ୍ରସ୍ତୁତ କରିସାରିଛନ୍ତି । ଏହି କ୍ରମରେ ଓଡ଼ିଶାର କ୍ରମାଗତ ୪ଥର ସରକାର ଗଠନ କରି ରେକର୍ଡ ସୃଷ୍ଟି କରିଥିବା ବିଜୁ ଜନତା ଦଳ ଆଜି ନୟାଗଡ଼ରୁ ନିଜର ନିର୍ବାଚନୀ ପ୍ରଚାର ଆରମ୍ଭ କରିଛି । ଏହି ପ୍ରଚାରର ମଙ୍ଗ ଧରିଛନ୍ତି ଦଳର ମଙ୍ଗୁଆଳ ନିଜେ ନବୀନ ପଟ୍ଟନାୟକ । ନୟାଗଡ଼ରେ ଆୟୋଜତ ଏକ ସାଧାରଣ ସଭାରେ ସେ ଓଡ଼ିଶାବାସୀଙ୍କୁ ସମ୍ବୋଧିତ କରିବା ସହିତ ୨୧ର ଏମ୍‌ପିରୁ ୨୧ ଏମ୍‌ପି ସିଟ୍‌ ଜିତିବା ନେଇ ଦୃଢୋକ୍ତି ପ୍ରକାଶ କରିଛନ୍ତି । ଏହି ଅବସରରେ ଉଭୟ ବିଜେପି ଓ କଂଗ୍ରେସ ସରକାରକୁ ଟାର୍ଗେଟ୍‌ କରିଛନ୍ତି । ଗତ ଥର କଂଗ୍ରେସ ଅଧ୍ୟକ୍ଷ ରାହୁଲ୍‌ ଗାନ୍ଧି ବରଗଡ଼ ଅବସରରେ ନବୀନ ସରକାରଙ୍କୁ ରିମୋଟ୍‌ କଣ୍ଟ୍ରୋଲ୍‌ କହିଥିବାବେଳେ ଆଜି ନବୀନ ଏହାର କଡ଼ା ଜବାବ୍‌ ଦେଇଛନ୍ତି । ନବୀନ କହିଛନ୍ତି ଯେ, ଆମର ହାଇକମାଣ୍ଡ ହେଉଛନ୍ତି ଓଡ଼ିଶାବାସୀ ।  ଓଡ଼ିଶାବାସୀଙ୍କ ପାଖରେ ରିମୋଟ୍‌ କଣ୍ଟ୍ରୋଲ୍‌ ରହିଛି । କେନ୍ଦ୍ରରେ ସରକାର ଗଠନରେ ଓଡ଼ିଶାବାସୀ ନିର୍ଣ୍ଣାୟକ ଭୂମିକା ଗ୍ରହଣ କରିବେ । ସେହିପରି କାଳିଆ ଯୋଜନାରେ ସରକାର ଚାଷୀଙ୍କ ଉନ୍ନତି ପାଇଁ ସବୁପ୍ରକାର ଚେଷ୍ଟା କରୁଥିବାବେଳେ ୩୫ ଲକ୍ଷ ପରିବାର ଏହାର ସୁବିଧା ପାଇଛନ୍ତି ।  ମିଶନ ଶକ୍ତି ଜରିଆରେ ମା‘ମାନଙ୍କୁ ବିନା ସୁଧରେ ଋଣ ଯୋଗାଇ ଦିଆଯାଉଛି । ସେହିପରି ଚଳିତ ନିର୍ବାଚନରେ ୩୩% ମହିଳାଙ୍କ ପାଇଁ ସଂରକ୍ଷଣ ଆସନ ରଖିଥିବାବେଳେ ଆସ୍କାରୁ ମିଶନ୍‌ଶକ୍ତିର କର୍ମକର୍ତ୍ତା ପ୍ରମିଳା ବିଷୋୟୀଙ୍କୁ ଲୋକସଭା ଟିକେଟ ଦେଇଛି ।  ମହିଳାଙ୍କ ଶକ୍ତି ବୃଦ୍ଧି ହେଲେ ଦେଶ ପ୍ରଗତି କରିବ ବୋଲି କହିଛନ୍ତି ନବୀନ ।  ସେହିପରି କେନ୍ଦ୍ରର ଓଡ଼ିଶା ପ୍ରତି ଅବହେଳାକୁ ନେଇ ବର୍ଷିଛନ୍ତି ନବୀନ । ସ୍ବତନ୍ତ୍ର ରାଜ୍ୟପାହା ପ୍ରସଙ୍ଗକୁ ସେ ଗୁରୁତ୍ବାରୋପ କରିଛନ୍ତି । ଓଡ଼ିଶାରୁ କେନ୍ଦ୍ର କୋଇଲା, ଓ ରେଲ୍‌ଓ୍ବେ ବାବଦରେ ବହୁଳ ଅର୍ଥ ପାଉଥିବାବେଳେ ଓଡ଼ିଶାକୁ ଅଣଦେଖା କରାଯାଉଛି ବୋଲି ନବୀନ କହିଛନ୍ତି ।

Categories
ଆଜିର ଖବର

ପୁଲଓ୍ବାମା ଆକ୍ରମଣକୁ ନେଇ ମୋଦିଙ୍କୁ କଡ଼ା ସମାଲୋଚନା କଲେ ଓଓ୍ବେସି

ପୁଲୱାମା ଆତଙ୍କୀ ଆକ୍ରମଣକୁ ନେଇ ମୋଦିଙ୍କୁ କଡ଼ା ସମାଲୋଚନା କରିଛନ୍ତି ଏଆଇଏମ୍‌ଆଇଏମ୍‌ ମୁଖ୍ୟ ଅସୁଦ୍ଦିନ୍‌ ଓଓ୍ବୈସି। ପୁଲ୍‌ଓ୍ବାମା ଆକ୍ରମଣ ସମୟରେ ମୋଦି ବିଫ୍ ବିରିଆନୀ ଖାଇ ଆରାମରେ ଶୋଇଥିଲେ ବୋଲି କହିଛନ୍ତି ଓଓ୍ବୈସି। ହାଇଦ୍ରାବାଦରେ ଏକ ନିର୍ବାଚନୀ ସଭାକୁ ସମ୍ବୋଧନ କରି ଓୱୈସି କହିଛନ୍ତି ଯେତେବେଳେ ପୁଲୱାମାରେ ସିଆରପିଏଫ୍ ଉପରେ ଆତଙ୍କବାଦୀ ହମଲା ହେଉଥିଲା ସେତେବେଳେ ପ୍ରଧାନମନ୍ତ୍ରୀ ମୋଦି ଶୋଇରହିଥିଲେ। ସେହିପରି ବାଲାକୋଟରେ ବାୟୁସେନା ଆକ୍ରମଣରେ ମୃତକଙ୍କ ସଂଖ୍ୟାରେ ବିଜେପିର ରାଜନେତାମାନେ ଭିନ୍ନ ଭିନ୍ନ ତଥ୍ୟ ଦେଇଛନ୍ତି। କଂଗ୍ରେସ ଓ ବିଜେପି ମଧ୍ୟରେ କୌଣସି ପାର୍ଥକ୍ୟ ନାହିଁ ବୋଲି କହିଛନ୍ତି ଓଓ୍ବେସି। ସେହିପରି ଗୁରୁଗ୍ରାମ ସଂଖ୍ୟାଲଘୁ ପରିବାର ଉପରେ ଆକ୍ରମଣ ଘଟଣାକୁ ନେଇ ବିଜେପି ଉପରେ ଖୁବ୍‌ ବର୍ଷିଛନ୍ତି ଓଓ୍ବେସି। ଚଳିତ ନିର୍ବାଚନରେ ଓଓ୍ବେସି ହାଇଦ୍ରାବାଦ ଆସନରୁ ଲଢୁଛନ୍ତି।

Categories
ଆଜିର ଖବର

ସମାଜବାଦୀ ପାର୍ଟିର ୪୦ ଜଣିଆ ଷ୍ଟାର ପ୍ରଚାରକଙ୍କ ନାମ ଜାରି : ବାଦ ପଡିଲେ ମୁଲାୟମ

sp releases star campaigner list
sp releases star campaigner list

ସମାଜବାଦୀ ପାର୍ଟି ଗତକାଲି ନିଜର ଷ୍ଟାର ପ୍ରଚାରକଙ୍କ ତାଲିକା ପ୍ରକାଶ କରିଛି। ଚଳିତ ଥର ସମାଜବାଦୀ ପାର୍ଟିର ସଂସ୍ଥାପକ ତଥା ଅଖିଳେଶ ଯାଦବଙ୍କ ପିତା ମୁଲାୟମ ସିଂ ଯାଦବଙ୍କୁ ଏହି ତାଲିକାରୁ ବାଦ୍ ଦିଆ ଯାଇଛି। ଏହା ପୂର୍ବରୁ ଏସପି ଲୋକସଭା ପାଇଁ ନିଜର ପ୍ରାର୍ଥୀ ତାଲିକା ଘୋଷଣା କରିଥିଲା। ଏସପି ଦ୍ୱାରା ଜାରି କରାଯାଇଥିବା ଷ୍ଟାର ପ୍ରଚାରକଙ୍କ ମଧ୍ୟରେ ଅଖିଲେଶ ଯାଦବ, ଡିମ୍ପଲ ଯାଦବ, ଜୟା ବଚନ, ରାମ ଗୋପଳ ଯାଦବ, ରାଜେନ୍ଦ୍ର ଚୌଧରୀ, ଆଜମ ଖାନ ଆଦି ସାମିଲ ଅଛନ୍ତି। ସୂଚନାଯୋଗ୍ୟ କି, ଏସପି ୪୦ଜଣ ଷ୍ଟାର ପ୍ରଚାରକଙ୍କ ନାମ ଜାରି କରିଛି। ଏଥିରେ ମୁଲାୟମଙ୍କ ନାମ ନାହିଁ। ସେ ମେନପୁରୀ ଆସନରୁ ଦଳର ପ୍ରାର୍ଥୀ ହୋଇଛନ୍ତି। ଅଖିଳେଶ ଯାଦବ ଆଜମଗଡ଼ରୁ ନିର୍ବାଚନ ଲଢିବାକୁ ଥିବାବେଳେ ବରିଷ୍ଠ ନେତା ଆଜମ୍‌ ଖାନ୍‌ ରାମପୁର୍‌ ସିଟ୍‌ରୁ ନିର୍ବାଚନ ଲଢିବେ। ଚଳିତ ଥର ଉତ୍ତରପ୍ରଦେଶରେ ଏସ୍‌ପି-ବିଏସ୍‌ପି–ଆର୍‌ଏଲ୍‌ଡି ମିଳିତ ଭାବରେ ନିର୍ବାଚନ ଲଢିବାକୁ ଯାଉଛନ୍ତି। ଏସ୍‌ପି ୩୭, ବିଏସ୍‌ପି ୩୭ ଓ ଆର୍‌ଏଲ୍‌ଡି ୩ ସିଟି୍‌ରେ ନିର୍ବାଚନ ଲଢୁଛନ୍ତି। ତେବେ ୟୁପିର୍‌ ଦୁଇଟି ଆସନ (ରାୟବରେଲି ଓ ଆମେଠି)ରେ ମେଣ୍ଟର କୌଣସି ପ୍ରାର୍ଥୀଙ୍କୁ ଟିକେଟ୍‌ ଦିଆଯାଇନାହିଁ।

Categories
ଆଜିର ଖବର

ବିଜେଡ଼ିର ୪୦ ଜଣିଆ ଷ୍ଟାର୍‌ ପ୍ରଚାରକ ତାଲିକା : ନବୀନଙ୍କ ସହ ଅନେକ ହେଭିଓ୍ବେଟ୍‌ ନେତା ଓ ସେଲିବ୍ରେଟି ମାନେ ସାମିଲ୍‌

bjd releases star campaigner list
bjd releases star campaigner list

ନୟାଗଡ଼ରୁ ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପ୍ରଚାର କାର୍ଯ୍ୟକ୍ରମ ଆରମ୍ଭ କରିଛନ୍ତି। ବିଜେଡ଼ି ପ୍ରଥମ ଓ ଦ୍ବିତୀୟ ପର୍ଯ୍ୟାୟ ପ୍ରାର୍ଥୀ ତାଲିକା ପ୍ରକାଶ କରିସାରିଥିବାବେଳ ତୃତୀୟ ଓ ଚତୁର୍ଥ ପର୍ଯ୍ୟାୟ ପାଇଁ ପ୍ରାର୍ଥୀ ତାଲିକା ଘୋଷଣା କରିବାକୁ ରହିଛି। ଏହି ସମୟରେ ଦଳ ଏନେଇ ପୂର୍ବରୁ ତା’ର ୪୦ ଜଣିଆ ଷ୍ଟାର ପ୍ରଚାରକ ତାଲିକା ପ୍ରସ୍ତୁତ କରିଛି । ପ୍ରଥମ ୨ଟି ପର୍ଯ୍ୟାୟରେ ବିଜେଡ଼ି ସୁପ୍ରିମୋ ନବୀନ ପଟ୍ଟନାୟକ ପ୍ରଚାର ମଙ୍ଗ ଧରିଛନ୍ତି। ଏହି ତାଲିକାରେ ଅନେକ ନୂଆ ଓ ପୁରୁଣା ନେତାଙ୍କୁ ସାମିଲ୍‌ କରାଯାଇଛି।  ନବୀନଙ୍କ ବ୍ୟତୀତ ଅନଙ୍ଗ ଉଦୟ ସିଂହଦେଓ, ପ୍ରସନ୍ନ ଆଚାର୍ଯ୍ୟ, ସୌମ୍ୟରଞ୍ଜନ ପଟ୍ଟନାୟକଙ୍କୁ ଦଳ ଷ୍ଟାର ପ୍ରଚାରକର ଟ୍ୟାଗ୍ ଦେଇଛି। ସେହିଭଳି ସେଲିବ୍ରିଟି ଭାବେ ରାଜ୍ୟସଭା ସାଂସଦ ଅନୁଭବ ପଟ୍ଟନାୟକ, ଟିକେଟ ରେସରୁ ବାଦ ପଡିଥିବା ସିଦ୍ଧାନ୍ତ ମହାପାତ୍ର, କୁନା ତ୍ରିପାଠୀ, ଆକାଶ ଦାଶ ନାୟକ, ଅରିନ୍ଦମ ରାୟ ପ୍ରମୁଖଙ୍କୁ ଏହି ତାଲିକାରେ ସାମିଲ୍‌ କରାଯାଇଛି। ସେହିଭଳି ଦଳର ହେଭିଓ୍ବେଟ୍‌ ନେତା ଭାବେ ପ୍ରଣବ ପ୍ରକାଶ ଦାଶ, ପ୍ରତାପ କେଶରୀ ଦେବ, ପ୍ରତାପ ଜେନା, ସଞ୍ଜୟ ଦାସବର୍ମାଙ୍କୁ ଦଳ ଏହି ଷ୍ଟାର ପ୍ରଚାରକ ତାଲିକାରେ ସାମିଲ ହୋଇଛନ୍ତି।

Categories
ଆଜିର ଖବର

୬୪ତମ ଫିଲ୍ମଫେୟାର୍‌ ପୁରସ୍କାର ଉତ୍ସବ : ଆଲିଆ ଓ ରଣବୀର୍‌ ପାଇଲେ ଶ୍ରେଷ୍ଠ ଅଭିନେତ୍ରୀ ଓ ଅଭିନେତାର ପୁରସ୍କାର

FILMFARE AWARD
FILMFARE AWARD

୬୪ତମ ଫିଲ୍ମଫେୟାର୍‌ ଆଓ୍ବାର୍ଡରେ ରାଜି, ଅନ୍ଧାଧୁନ୍‌, ପଦ୍ମାବତ୍‌ ବାଜି ମାରିନେଇଛନ୍ତି। ପଦ୍ମାବତ୍‌ ୧୭ଟି ଶ୍ରେଣୀରେ ମନୋନୀତ ହୋଇଥିବାବେଳେ ୪ଟି ଆଓ୍ବାର୍ଡ ଜିତିଛି। ସେହିପରି ଆଲିଆ ଭଟ୍ଟଙ୍କ ଅଭିନୀତ ‘ରାଜି’ ଫିଲ୍ମଟି ସର୍ବାଧିକ  ୫ଟି ବିଭାଗରେ ପୁରସ୍କାର ହାତେଇଛି। ମୁମ୍ବାଇଠାରେ ଆୟୋଜିତ ଏହି ଭବ୍ୟ ସମାରୋହରେ ବଲିଉଡ୍‌ ଷ୍ଟାରମାନଙ୍କର ଜଲ୍‌ଓ୍ବା ଦେଖିବାକୁ ମିଳିଥିଲା।

ଫିଲ୍ମଫେୟାର୍‌ ପୁରସ୍କାର ତାଲିକା

ଶ୍ରେଷ୍ଠ ଫିଲ୍ମ : ରାଜି

ଶ୍ରେଷ୍ଠ ଫିଲ୍ମ (କ୍ରିଟିକ୍) : ଅନ୍ଧାଧୁନ୍‌

ଶ୍ରେଷ୍ଠ ଅଭିନେତା : ରଣବୀର କପୁର୍‌ (ସଂଜୁ)

ଶ୍ରେଷ୍ଠ ଅଭିନେତ୍ରୀ : ଆଲିଆ ଭଟ୍ଟ (ରାଜି)

ଶ୍ରେଷ୍ଠ ଅଭିନେତା (କ୍ରିଟିକ୍‌) ରଣବୀର ସିଂହ (ପଦ୍ମାବତ), ଆୟୁଷ୍ମାନ ଖୁରାନା (ଅନ୍ଧାଧୁନ୍‌)

ଶ୍ରେଷ୍ଠ ଅଭିନେତ୍ରୀ (କ୍ରିଟିକ) : ନୀନା ଗୁପ୍ତା (ବଧାଇ ହୋ)

ଶ୍ରେଷ୍ଠ ନବାଗତ : ଈଶାନ୍‌ ଖଟ୍ଟର (ବିୟଣ୍ଡ୍‌ ଦ କ୍ଲାଉଡ୍‌)

ଶ୍ରେଷ୍ଠ ନବାଗତା : ସାରା ଅଲ୍ଲୀ ଖାନ୍‌ (କେଦାରନାଥ)

ଶ୍ରେଷ୍ଠ ନିର୍ଦ୍ଦେଶକ : ମେଘନା ଗୁଲ୍‌ଜାର୍‌ (ରାଜି)

ଶ୍ରେଷ୍ଠ ନବାଗତ ନିର୍ଦ୍ଦେଶକ  :  ଅମର କୌଶିକ୍‌ (ସ୍ତ୍ରୀ)

ଶ୍ରେଷ୍ଠ ସହଯୋଗୀ ଅଭିନେତା : ଗଜରାଜ ରାଓ (ବଧାଇ ହୋ), ବିକି କୌଶଲ୍‌ (ସଞ୍ଜୁ)

ଶ୍ରେଷ୍ଠ ସହଯୋଗୀ ଅଭିନେତ୍ରୀ : ସୁରେଖା ସିକ୍ରି (ବଧାଇ ହୋ)

ଶ୍ରେଷ୍ଠ ସଂଳାପ : ଅକ୍ଷତ୍‌ ଘିଲ୍‌ ଧିଆଲ (ବଧାଇ ହୋ)

ଶ୍ରେଷ୍ଠ ମୂଳ କାହାଣୀ : ଅନୁଭବ ସିହ୍ନା (ମୁଲ୍କ)

ଶ୍ରେଷ୍ଠ ଅଭିନେତା (ସର୍ଟ ଫିଲ୍ମ) : ହୁସୈନ୍‌ ଦଲାଲ୍‌ (ସେମ୍‌ଲେସ୍‌)

ଶ୍ରେଷ୍ଠ ଅଭିନେତ୍ରୀ (ସର୍ଟ ଫିଲ୍ମ) : କ୍ରିତି କୁଲହାରୀ (ମାୟା)

ଶ୍ରେଷ୍ଠ ଫିଲ୍ମ (ପିପୁଲସ୍‌ ଚୟସ୍‌ ଆଓ୍ବାର୍ଡ ) : ପ୍ଲସ୍‌ ମାଇନସ୍‌

ଶ୍ରେଷ୍ଠ ସର୍ଟ ଫିଲ୍ମ (ଫିକ୍ସନ୍‌) : ରୋଗାନା ଜୋଶ୍‌

ଶ୍ରେଷ୍ଠ ସର୍ଟ ଫିଲ୍ମ (ନନ୍‌ ଫିକ୍ସନ୍‌) : ଦ ସ୍କୁକର୍‌ ସିଟି

ଶ୍ରେଷ୍ଠ ମ୍ୟୁଜିକ୍‌ ଆଲବମ୍‌ : ପଦ୍ମବତ୍‌

ଶ୍ରେଷ୍ଠ ପ୍ରଚ୍ଛଦପଟ୍ଟ ଗାୟକ : ଅରଜିତ୍‌ ସିଂ (ରାଜି ଫିଲ୍ମର ଏ ଓ୍ବତନ୍‌….)

ଶ୍ରେଷ୍ଠ ପ୍ରଚ୍ଛଦପଟ୍ଟ ଗାୟିକା : ଶ୍ରେୟା ଘୋଷାଲ୍‌ (ପଦ୍ମାବତ୍‌ ଫିଲ୍ମର ଘୁମ୍‌ରୋ…)

ଶ୍ରେଷ୍ଠ ଗୀତିକାର : ଗୁଲଜାର୍‌ (ଏ ଓ୍ବତନ୍‌, ରାଜି)

ଶ୍ରେଷ୍ଠ ଗୀତିକାର : ଅନ୍ଧାଧୁନ୍‌

ଶ୍ରେଷ୍ଠ ପ୍ରଚ୍ଛଦପଟ୍ଟ ମ୍ୟୁଜିକ୍‌ : ଡାନିଏଲ୍‌ ଜର୍ଜ (ଅନ୍ଧାଧୁନ୍‌)

ଶ୍ରେଷ୍ଠ ସାଉଣ୍ଡ ଡିଜାଇନ୍‌ : କୁନାଲ୍‌ ଶର୍ମା , (ଟମ୍ବଡ୍‌)

ଶ୍ରେଷ୍ଠ କୋରିଓଗ୍ରାଫ୍‌ : କୃତି ମହେଶ ମିଧା, ଜ୍ୟୋତି ତୋମାର୍‌ (ଘୁମରୋ)

ଶ୍ରେଷ୍ଠ ଆକ୍ସନ : ବିକ୍ରମ ଦାହିଆ, ସୁନୀ୍ଲ୍‌ ରୋଦ୍ରିଗଜ୍‌ (ମୁକ୍କାବାଜ୍‌)

ଶ୍ରେଷ୍ଠ ଚିତ୍ରୋତ୍ତାଳନ : ପଙ୍କଜ କୁମାର, ଟମ୍ବଡ୍‌

ଶ୍ରେଷ୍ଠ ସମ୍ପାଦନା : ପୂଜା ଲାଧା ଶ୍ରୁତି (ଅନ୍ଧାଧୁନ୍‌)

ଶ୍ରେଷ୍ଠ କଷ୍ଟ୍ୟୁମ୍‌ : ଶୀତଲ୍‌ ଶର୍ମା (ମଣ୍ଟୋ)

ଶ୍ରେଷ୍ଠ ପ୍ରଡକ୍ସନ୍‌ ଡିଜାଇନ୍‌ : ନିତିନ୍‌ ଚୌଧୁରୀ ଏବଂ ରାଜେଶ ଯାଦବ (ଟମ୍ବଡ୍‌)

ଶ୍ରେଷ୍ଠ ଭିଏଫ୍‌ଏକ୍ସ : ରେଡ୍‌ଚିଲିଜ୍‌ ଏଫ୍‌ଏକ୍ସ, ଜିରୋ

 

Categories
ଆଜିର ଖବର

ଧର୍ମେନ୍ଦ୍ରଙ୍କୁ ଔରଙ୍ଗଜେବଙ୍କ ସହ ତୁଳନା କଲେ ରାଜକିଶୋର

ପ୍ରାୟ ସମସ୍ତ ଦଳ ନିଜର ପ୍ରାର୍ଥୀ ତାଲିକା ପ୍ରକାଶ କରିସାରିବା ପରେ ଓଡିଶାରେ ଦଳବଦଳ ଓ କାଦୁଅ ଫିଙ୍ଗା ରାଜନୀତି ଜୋର୍‌ସୋର୍‌ରେ ଚାଲିଛି। ଟିକେଟ୍‌ ପାଇନଥିବା ଆଶାୟୀ ପ୍ରାର୍ଥୀମାନେ ଦଳ ବଳଦ କରୁଛନ୍ତି ତ ପୁଣି କେତେକ ଦଳରୁ ଇସ୍ତଫା ପ୍ରଦାନ କରୁଛନ୍ତି। ଗତକାଲି ବିଜେପିରୁ ଇସ୍ତଫା ପ୍ରଦାନ କରିଥିବା ଉପସଭାପତି ରାଜକିଶୋର ଦାଶ ଆଜି ନିଜର କ୍ଷୋଭ ପ୍ରକାଶ କରିଛନ୍ତି। କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କୁ କଡା ସମାଲୋଚନା କରି ଔରଙ୍ଗଜେବଙ୍କ ସହିତ ତୁଳନା କରିଛନ୍ତି ରାଜକିଶୋର। ସ୍ବାର୍ଥ ପାଇଁ ବରିଷ୍ଠଙ୍କୁ ଧର୍ମନ୍ଦ୍ରେ ହତ୍ୟା କରୁଛନ୍ତି କହିବା ସହିତ ତାଙ୍କୁ ଗୁଣ୍ଡା ଲଗାଇ ହଇରାଣ କରାଯାଉଥିବା ନେଇ ଅଭିଯୋଗ କରିଛନ୍ତି। ରାଜକିଶୋର ବହୁ ସମୟ ଧରି ମୟୂରଭଞ୍ଜରେ ବିଜେପି ପାଇଁ କାର୍ଯ୍ୟ କରିଥିବାବେଳେ ସେ ମୟୂରଭଞ୍ଜର ମୋରଣା ଆସନ ପାଇଁ ଆଶାୟୀ ଥିଲେ। ସେ ଦଳର ପ୍ରାଥମିକ ସଦସ୍ୟ ପଦରୁ ମଧ୍ୟ ଇସ୍ତଫା ଦେଇଛନ୍ତି। ସେ ତାଙ୍କ ଇସ୍ତଫା ପତ୍ର ବିଜେପି ରାଜ୍ୟ ସଭାପତି ବସନ୍ତ ପଣ୍ଡାଙ୍କ ନିକଟକୁ ପଠାଇଦେଇଛନ୍ତି। ସେ ୪୦ ବର୍ଷ ଆରଏସ୍‌ଏସ୍‌ର ସଦସ୍ୟ ରହିଛନ୍ତି ଏବଂ ଆଜୀବନ ସେ ଆରଏସ୍‌ଏସ୍‌ ସଦସ୍ୟ ରହିବେ ବୋଲି ଶ୍ରୀ ଦାଶ କହିଛନ୍ତି। ସେହିପରି ଗତକାଲି ବିଜେପିର ବରିଷ୍ଠ ନେତା ଦୁର୍ଯ୍ୟାଧନ ମାଝୀ ଟିକେଟ ନ ପାଇବାରୁ କ୍ଷୋଭ ପ୍ରକାଶ କରି ଇସ୍ତଫା ପ୍ରଦାନ କରିଛନ୍ତି।

Categories
ଆଜିର ଖବର

ଦମ୍‌ଦାର ବିଜୟ ସହ ଡିଫେଣ୍ଡିଂ ଚାମ୍ପିୟନ୍‌ ଚେନ୍ନାଇର ଅଭିଯାନ ଆରମ୍ଭ

chennai beat bangalore in the first match of ipl
chennai beat bangalore in the first match of ipl
ବିଜୟରୁ ଅଭିଯାନ ଆରମ୍ଭ କରିଛି ୨୦୧୮ର ଡିଫେଣ୍ଡିଂ ଚାମ୍ପିୟନ ଚେନ୍ନାଇ ସୁପର କିଙ୍ଗସ (ସିଏସ୍‌କେ)। ଚେନ୍ନାଇର ଚେପକ୍‌ ଷ୍ଟାଡିୟମରେ ଅନୁଷ୍ଠିତ ଉଦ୍‌ଘାଟନୀ ମ୍ୟାଚ୍‌ରେ ମହେନ୍ଦ୍ର ସିଂହ ଧୋନିଙ୍କ ନେତୃତ୍ୱାଧୀନ ସିଏସ୍‌କେ ପ୍ରତିପକ୍ଷ ବିରାଟ କୋହଲିଙ୍କ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ (ଆରସିବି)କୁ ଏକପାଖିଆ ଭାବେ ୭ ୱିକେଟ୍‌ରେ ପରାସ୍ତ କରିଛି। ପ୍ରଥମେ ବ୍ୟାଟିଂ କରିଥିବା ଆରସିବି ମାତ୍ର ୧୭.୧ ଓଭର୍‌ରେ ୭୦ ରନ୍‌ କରି ଅଲଆଉଟ୍‌ ହୋଇଯାଇଥିଲା। ଏହାର ଜବାବ୍‌ରେ ସିଏସ୍‌କେ ୧୭.୪ ଓଭର୍‌ରେ ୩ ୱିକେଟ୍‌ ହରାଇ ବିଜୟ ଲକ୍ଷ୍ୟ ହାସଲ କରିନେଇଥିଲା। ଧୋନି ଟସ୍‌ ଜିତି ଆରସିବିକୁ ବ୍ୟାଟିଂ ପାଇଁ ନିମନ୍ତ୍ରଣ କରିଥିଲେ। ତେବେ ଦୁଇ ଅଭିଜ୍ଞ ସ୍ପିନର ହରଭଜନ ସିଂହ ଓ ଇମ୍ରାନ୍‌ ତାହିରଙ୍କ ଯାଦୁ ଆଗରେ ପୂରା ଆରସିବି ଟିମ୍‌ ଆତ୍ମସମର୍ପଣ କରିଦେଇଥିଲା। ହରଭଜନ ବିରାଟ୍‌ କୋହଲି(୬)ଙ୍କୁ ଆଉଟ୍‌ କରି ଆରସିବିକୁ ଶକ୍ତ ଝଟ୍‌କା ଦେଇଥିଲେ। ଏହାପରେ ଭଜି ମୋଇନ୍‌ ଅଲ୍ଲୀ(୯) ଓ ବିସ୍ଫୋରକ ଏବି ଡିଭିଲିୟର୍ସ(୯)ଙ୍କୁ ଆଉଟ୍‌ କରି ଆରସିବିର ମେରୁଦଣ୍ଡ ଭାଙ୍ଗି ଦେଇଥିଲେ। ହରଭଜନଙ୍କ ପରେ ଇମ୍ରାନ୍‌ ତାହିର ନିଜର ଜଲୱା ଦେଖାଇଥିଲେ। ସେ ନିଜର ପ୍ରଥମ ଓଭର୍‌ର ପ୍ରଥମ ବଲ୍‌ରେ ଶିବମ ଦୁବେ(୨)ଙ୍କୁ ଆଉଟ୍‌ କରିଦେଇଥିଲେ। ଏହାପରେ ସେ ଯଥାକ୍ରମେ ନଭଦୀପ ସାଇନି ଓ ୟୁଜଭେନ୍ଦର ଚହଲଙ୍କ ୱିକେଟ୍‌ ନେଇଥିଲେ। ରବୀନ୍ଦ୍ର ଜାଡେଜା କଲିନ୍‌ ଡି ଗ୍ରାଣ୍ଡହୋମ(୪) ଓ ଉମେଶ ଯାଦବ(୧)ଙ୍କୁ ପ୍ୟାଭିଲିୟନ୍‌ ପଠାଇଥିଲେ। ଧୈର୍ଯ୍ୟର ସହିତ ବ୍ୟାଟିଂ କରୁଥିବା ପାର୍ଥିବ ପଟେଲ(୨୯)ଙ୍କ ୱିକେଟ୍‌ ଡ୍ୱେନ୍‌ ବ୍ରାଭୋ ନେଇଥିଲେ। ଆରସିବିର ଶେଷ ବ୍ୟାଟସ୍‌ମ୍ୟାନ୍‌ ଭାବେ ପାର୍ଥିବ ଆଉଟ୍‌ ହୋଇଥିଲେ। ଆରସିବିର ଏକମାତ୍ର ବ୍ୟାଟସ୍‌ମ୍ୟାନ୍‌ ଭାବେ ପାର୍ଥିବ ପଟେଲ ହିଁ ଦୁଇ ଅଙ୍କ ଛୁଇଁଥିଲେ। ସିଏସ୍‌କେ ପକ୍ଷରୁ ହରଭଜନ ଓ ତାହିର ୩ଟି ଲେଖାଏ ୱିକେଟ୍‌ ନେଇଥିବା ବେଳେ ଜାଡେଜା ୨ଟି ଓ ବ୍ରାଭୋ ଗୋଟିଏ ୱିକେଟ୍‌ ନେଇଥିଲେ। ଆରସିବି ଦେଇଥିବା ୭୧ ରନ୍‌ର ଟାର୍ଗେଟକୁ ପିଛା କରୁଥିବା ସିଏସ୍‌କେ ବେଶ ସତର୍କତାର ସହ ଇନିଂସ ଆରମ୍ଭ କରିଥିଲା। ୧୦ଟି ବଲ୍‌ ଖେଳି ପିଚ୍‌ରେ ସଂଘର୍ଷ କରୁଥିବା ଓପନର ଶେନ୍‌ ୱାଟସନ୍‌ ଖାତା ଖୋଲିବା ପୂର୍ବରୁ ୟୁଜବେନ୍ଦ୍ର ଚହଲଙ୍କ ବଲରେ ଆଉଟ୍‌ ହୋଇଯାଇଥିଲେ। ଏହାପରେ ଅନ୍ୟତମ ଓପନର ଅମ୍ବାତି ରାୟୁଡୁ ଓ ଅଭିଜ୍ଞ ସୁରେଶ ରାଇନା ଦଳର ସ୍ଥିତି ସମ୍ଭାଳିଥିଲେ। ତେବେ ୧୯ ରନ୍‌ କରିଥିବା ରାଇନାଙ୍କୁ ମୋଇନ୍‌ ଅଲ୍ଲୀ ଆଉଟ୍‌ କରି ସିଏସ୍‌କେର ବିଜୟକୁ ବିଳମ୍ବିତ କରିଥିଲେ। ୪ ନମ୍ବରରେ ବ୍ୟାଟିଂ କରିବାକୁ ଆସିଥିବା କେଦାର ଯାଦବ କିଛି ସମୟ ପାଇଁ ଅମ୍ବାତି ରାୟୁଡୁଙ୍କ ସହ ମିଶି ଦଳୀୟ ସ୍କୋରକୁ ଆଗକୁ ନେଇଥିଲେ। ଦଳୀୟ ସ୍କୋର ୫୯ ଥିବା ବେଳେ ଅମ୍ବାତି ରାୟୁଡୁ (୨୮) ରନ୍‌ କରି ମହମ୍ମଦ ସିରାଜଙ୍କ ବଲ୍‌ରେ ଆଉଟ୍‌ ହୋଇଯାଇଥିଲା। ଏହାପରେ ରବୀନ୍ଦ୍ର ଜାଡେଜା ବ୍ୟାଟିଂ କରିବାକୁ ଆସିଥିଲେ ଏବଂ କେଦାର ଯାଦବଙ୍କ ସହ ମିଶି ସିଏସ୍‌କେର ବିଜୟ ମୁଣ୍ଡି ମାରିଥିଲେ। କେଦାର ଯାଦବ ଶେଷ ପର୍ଯ୍ୟନ୍ତ ୧୩ ରନ୍‌ ଓ ଜାଡେଜା ୬ ରନ୍‌ କରି ଅପରାଜିତ ରହିବା ସହ ଦଳକୁ ୧୪ ବଲ୍‌ ପୂର୍ବରୁ ବିଜୟୀ କରାଇଥିଲେ। ଆଜି କେକେଆର ଏବଂ ସନ୍‌ରାଇଜର୍ସ ମଧ୍ୟରେ ପ୍ରଥମ ମୁକାବିଲା ହେବାର ଥିବା ବେଳେ ମୁମ୍ବାଇ ଇଣ୍‌ଡିଆନ୍ସ ଏବଂ ଦିଲ୍ଲୀ କ୍ୟାପିଟାଲ୍‌ସ ମଧ୍ୟରେ ଦ୍ଵିତୀୟ ମ୍ୟାଚ ଖେଳାଯିବା।
Categories
ଆଜିର ଖବର

ଏଥର ଦୁଇଟି ଆସନରୁ  ଲଢ଼ିବେ ରାହୁଲ ଗାନ୍ଧି ! ୟୁପିର ଆମେଥି ଓ କେରଳର ଓ୍ବାୟନାଡୁରୁ ଲଢିବା ନେଇ ଚର୍ଚ୍ଚା

rahul may contest in two seats
rahul may contest in two seats

ଲୋକସଭା ନିର୍ବାଚନ ପାଇଁ ସରଗରମ ରାଜନୀତି। ସବୁ ରାଜନୈତିକ ଦଳମାନେ ନିଜର ରଣନୀତି ପ୍ରସ୍ତୁତ କରିସରିଲେଣି। ଆସନ୍ତା ଲୋକସଭା ନିର୍ବାଚନରେ ଦୁଇଟି ଆସନରୁ ନିର୍ବାଚନ ଲଢିପାରନ୍ତି କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ। କଂଗ୍ରେସ ମହଲରେ ଏବେ ଏହାକୁ ନେଇ ଚର୍ଚ୍ଚା ଜୋର ଧରିଛି। ରାହୁଲ ପାରମ୍ପରିକ ଆମେଥି ସହିତ କେରଳର ଓ୍ବାୟନାଡରୁ ନିର୍ବାଚନ ଲଢିପାରନ୍ତି। କେରଳ କଂଗ୍ରେସ ପକ୍ଷରୁ ରାହୁଲ୍‌ଙ୍କୁ ଏହି ଆସନରୁ ଲଢିବା ପାଇଁ ଅନୁରୋଧ କରାଯାଇଛି। ରାହୁଲ ଗାନ୍ଧୀ ବର୍ତ୍ତମାନ ଆମେଥିରୁ ସାଂସଦ ଅଛନ୍ତି। ଆସନ୍ତା ନିର୍ବାଚନରେ ରାହୁଲ ଗାନ୍ଧୀଙ୍କ ବିରୋଧରେ ବିଜେପିର ନେତ୍ରୀ ତଥା କେନ୍ଦ୍ରମନ୍ତ୍ରୀ ସ୍ମୃତି ଇରାନୀ ନିର୍ବାଚନରେ ମୈଦାନକୁ ଓହ୍ଲାଇଛନ୍ତି। କଂଗ୍ରେସ ନେତା ଓମାନ ଚଣ୍ଡୀ କହିଛନ୍ତି କେରଳ କଂଗ୍ରେସ କମିଟି ରାହୁଲ ଗାନ୍ଧୀଙ୍କୁ ନିବେଦନ କରିଛି ଯେ ସେ କେରଳର ଗୋଟିଏ ଆସନରୁ ନିର୍ବାଚନ ଲଢନ୍ତୁ। ରାହୁଲ କେରଳର ଓ୍ବୟାନାଡରୁ ନିର୍ବାଚନ ଲଢିପାରନ୍ତି। ଏନେଇ ରାହୁଲ ଗାନ୍ଧୀ ନିଜର ପକ୍ଷ ରଖିନାହାନ୍ତି। ତେବେ ଗତ କିଛି ଦିନ ଧରି ରାହୁଲ୍‌ ଦୁଇଟି ଆସନରୁ ନିର୍ବାଚନ ଲଢିବେ ବୋଲି  ଚର୍ଚ୍ଚା ହେଉଛି।

Categories
ଆଜିର ଖବର

ଏପ୍ରିଲ ୨ତାରିଖରୁ ରାଜ୍ୟର ସମସ୍ତ ସରକାରୀ ତଥା ବେସରକାରୀ ସ୍କୁଲ ସକାଳୁଆ ହେବ।

ପ୍ରବଳ ଗ୍ରୀଷ୍ମପ୍ରବାହର ସମ୍ଭାବନାକୁ ଦୃଷ୍ଟିରେ ରଖିଏପ୍ରିଲ ୨ତାରିଖରୁ ରାଜ୍ୟର ସମସ୍ତ ସରକାରୀ ତଥା ବେସରକାରୀ ସ୍କୁଲ ସକାଳୁଆ ହେବ।  ମାର୍ଚ୍ଚ ୩୦ତାରିଖ ସୁଦ୍ଧା ସମସ୍ତ ପରୀକ୍ଷା ଶେଷ କରିବାକୁ ମଧ୍ୟ ନିର୍ଦ୍ଦେଶ ଦିଆଯାଇଛି। ସ୍କୁଲ ଓ ଗଣଶିକ୍ଷା ବିଭାଗ ପକ୍ଷରୁ ଆଜି ଏନେଇ ବିଧିବଦ୍ଧ ବିଜ୍ଞପ୍ତି ଜାରି ହୋଇଛି। ବିଜ୍ଞପ୍ତି ଅନୁସାରେ ଏପ୍ରିଲ ୨ତାରିଖରୁ ସ୍କୁଲ ସକାଳ ସାଢ଼େ ୬ଟାରୁ ସାଢ଼େ ୧୦ଟା ପର୍ଯ୍ୟନ୍ତ ଚାଲିବ। କୌଣସି ପରିସ୍ଥିତିରେ ବି ଦିନ ୧୧ଟା ପରେ ସ୍କୁଲଗୁଡ଼ିକ ଖୋଲା ରହିବ ନାହିଁ। ଏପ୍ରିଲ୍‌ ୩ରୁ ୨୦୧୯-୨୦ ଶିକ୍ଷାବର୍ଷ ପାଇଁ ପାଠପଢା ଆରମ୍ଭ କରାଯିବ। ମେ ୬ ତାରିଖରୁ ଖରାଛୁଟି ଦିଆଯିବ ବୋଲି ଶିକ୍ଷାବିଭାଗ ନିର୍ଦ୍ଦେଶ ଦେଇଛି।

Categories
ଆଜିର ଖବର

ଆଜଲାନ ଶାହ କପ୍‌ ହକି ୨୦୧୯ : ଜାପାନକୁ ୨-୦ରେ ହରାଇଲା ଭାରତ

indian hockey won 1st match in azlan shaha cup
indian hockey won 1st match in azlan shaha cup

ସୁଲତାନ ଆଜଲାନ ଶାହ କପ୍‌ ହକି ଟୁର୍ଣ୍ଣାମେଣ୍ଟରେ ଭାରତ ନିଜର ମୁକାବିଲା ବିଜୟ ସହିତ ଆରମ୍ଭ କରିଛି। ଏସିଆନ୍‌ ଗେମ୍ସରେ ସ୍ବର୍ଣ୍ଣ ପଦକ ବିଜେତା ଜାପାନକୁ ୨-୦ରେ ପରାସ୍ତ କରି ଭାରତ ନିଜର ଅଭିଯାନ ଆରମ୍ଭ କରିଛି। ମାଲେସିଆରେ ଅନୁଷ୍ଠିତ ଏହି ଟୁର୍ଣ୍ଣାମଣ୍ଟରେ ଭାରତ ପକ୍ଷରୁ ମ୍ୟାଚ୍‌ର ୨୪ ତମ ମିନିଟ୍‌ରେ ପ୍ରଥମ ଗାେଲ୍‌ ସ୍କାେର କରିଥିଲେ ବରୁଣ କୁମାର। ପେନାଲ୍‌ଟି କର୍ଣ୍ଣରରୁ ଭାରତକୁ ଏହି ଗୋଲ୍‌ ମିଳିଥିଲା। ମ୍ୟାଚ୍‌ର ୫୬ ତମ ମିନିଟ୍‌ରେ ସିମ୍‌ରନ୍‌ଜିତ୍‌ ସିଂ ଦ୍ବିତୀୟ ଗାେଲ୍‌ ସ୍କାେର କରିବା ସହିତ ଦଳର ଅଗ୍ରଣୀକୁ ୨-୦କୁ ବଢାଇଥିଲେ। ଜାପାନ ପକ୍ଷରୁ ଗୋଲ ଶୁଝିବା ନିମନ୍ତେ ଆପ୍ରାଣ ଉଦ୍ୟମ କରାଯାଇଥିଲେ ମଧ୍ୟ ଭାରତୀୟ ରକ୍ଷଣଭାଗ ସମସ୍ତ ଉଦ୍ୟମ ପଣ୍ଡ କରି ଦେଇଥିଲେ। ଅନେକ ବରିଷ୍ଠ ଖେଳାଳିଙ୍କୁ ବିଶ୍ରାମ ଦିଆଯାଇଥିବା ବେଳେ ମନ୍‌ପ୍ରୀତ୍‌ ସିଂ ଦଳର ନେତୃତ୍ବ ନେଉଛନ୍ତି।  ବରୁଣ କୁମାରଙ୍କୁ ମ୍ୟାନ୍‌ ଅଫ୍‌ ଦି ମ୍ୟାଚ୍‌ ଘୋଷଣା କରାଯାଇଥିଲା। ରବିବାର ଭାରତ ନିଜର ପରବର୍ତ୍ତୀ ମ୍ୟାଚ୍‌ରେ ଦକ୍ଷିଣ କୋରିଆକୁ ଭେଟିବ। ରାଉଣ୍ଡ ରବିନ୍‌ଲିଗ୍‌ରେ ଖେଳାଯାଉଥିବା ଏହି ମୁକାବିଲାର ଫାଇନାଲ୍‌ ମାର୍ଚ୍ଚ ୩୦ରେ ଖେଳାଯିବ।

Categories
ଆଜିର ଖବର

ମୋଦିଙ୍କ ବିପକ୍ଷରେ ଲଢିବେ ତୋଗାଡ଼ିଆ ! ବାରାଣାସୀରୁ ଲଢିବା ନେଇ ଚର୍ଚ୍ଚା

ଭିଏଚ୍‌ପିର ପୂର୍ବତନ ନେତା ପ୍ରବୀଣ ତୋଗାଡିଆ ନିଜର ନବଗଠିତ ପାର୍ଟି ହିନ୍ଦୁସ୍ତାନ ନିର୍ମାଣ ଦଳ ଆସନ୍ତା ଲୋକସଭା ନିର୍ବାଚନରେ ୧୦୦ ଆସନରେ ପ୍ରତିଦ୍ବନ୍ଦିତା କରିବ ବୋଲି ଘୋଷଣା କରିଛନ୍ତି। ନିକଟରେ ନିଜର ୪୧ଲାେକସଭା ପ୍ରାର୍ଥୀଙ୍କ ତାଲିକା ପ୍ରକାଶ କରିବା ସହିତ ନିଜେ ତୋଗାଡିଆ ବାରଣାସୀ, ମଥୁରା କିମ୍ବା ଅଯେଧ୍ୟାରୁ ନିର୍ବାଚନ ଲଢିବା ନେଇ ସୂଚନା ଦେଇଛନ୍ତି। ବାରଣାସୀରୁ ମୋଦି ପ୍ରତିଦ୍ବନ୍ଦିତା କରୁଥିବା ବେଳେ ପରୋକ୍ଷରେ ମୋଦିଙ୍କ ବିପକ୍ଷରେ ଲଢିବା ନେଇ ସୂଚନା ଦେଇଛନ୍ତି ତୋଗାଡିଆ। ୧୦୦ ଆସନରେ ଏଚ୍‌ଏନ୍‌ଡି ପ୍ରତିଦ୍ବନ୍ଦିତା କରିବାକୁ ନିଷ୍ପତ୍ତି ନେଇଥିବା ବେଳେ ତନ୍ମଧ୍ୟରୁ ଗୁଜୁରାଟରେ ୧୫ଆସନ ରହିଛି। ଅଯୋଧ୍ୟାରେ ରାମ ମନ୍ଦିର ନିର୍ମାଣ, କୃଷି ଉତ୍ପାଦର ଉନ୍ନତ ମୂଲ୍ୟ ଏବଂ କୃଷି ଜନିତ ରାେଜଗାର ପ୍ରଦାନ ଏହି ଦଳର ମୁଖ୍ୟ ନିର୍ବାଚନୀ ପ୍ରସଙ୍ଗ ରହିବ ବୋଲି ତୋଗାଡିଆ ପ୍ରକାଶ କରିଛନ୍ତି। ରାମମନ୍ଦିର ମାମଲାରେ ମୋଦି ସରକାର ଲାେକଙ୍କ ପ୍ରତି ବିଶ୍ବାସାଘାତ କରିଥିବା କହିଛନ୍ତି ତୋଗାଡିଆ। ଦେଶରେ ରାମ ମନ୍ଦିର ନିର୍ମାଣ, କୃଷକଙ୍କୁ ଉପଯୁକ୍ତ ପାଉଣା, ଏବଂ ଯୁବକଙ୍କୁ କାମ ଦେଇ ପାରୁଥିବା ସରକାର ଆବଶ୍ୟକ। ପୂର୍ଣ୍ଣ ବହୁମତରେ ଥାଇ ମଧ୍ୟ ସରକାର ଏହି ସବୁ ପ୍ରତିଶ୍ରୁତି ପୂରଣରେ ବିଫଳ ହୋଇଥିବାରୁ ମୋଦି ଇସ୍ତଫା ପ୍ରଦାନ କରିବା ଉଚିତ୍‌ ବୋଲି ତୋଗାଡିଆ କହିଛନ୍ତି।

Categories
ଆଜିର ଖବର

ଟି-୨୦ ବିଶ୍ବକପ୍‌ ପରେ ଅବସର ନେବେ ମାଲିଙ୍ଗା : ଖେଳିପାରିବେନି ଆଇପିଏଲ୍‌ର ପ୍ରଥମ ଚରଣ

ସୀମିତ ଓଭର କ୍ରିକେଟ୍‌ରେ ଗତ କିଛି ବର୍ଷ ଧରି ପ୍ରଭାବ ବିସ୍ତାର କରିଆସିଥିବା ଶ୍ରୀଲଙ୍କା ଦ୍ରୁତ ବୋଲର ଲାସିଥ୍ ମାଲିଙ୍ଗା ଅନ୍ତର୍ଜାତୀୟ କ୍ରିକେଟ୍‌ରୁ ଅବସର ନେବେ। ସେ ଆଗାମୀ ବର୍ଷ ଖେଳାଯିବାକୁ ଥିବା ଟି୨୦ ବିଶ୍ୱକପ୍‌ ପରେ ଯାଇ ଅବସର ନେବେ ବୋଲି ସୂଚନା ମିଳିଛି। ମାଲିଙ୍ଗା କହିଛନ୍ତି, ଚଳିତବର୍ଷ ଇଂଲଣ୍ଡରେ ଖେଳାଯିବାକୁ ଥିବା ଦିନିକିଆ ବିଶ୍ୱକପ୍ ପରେ ସେ ଦିନିକିଆରୁ ଅବସର ନେବେ ଏବଂ ୨୦୨୦ ଅକ୍ଟୋବର-ନଭେମ୍ବରରେ ଅଷ୍ଟ୍ରେଲିଆରେ ଖେଳାଯିବାକୁ ଥିବା ଟି୨୦ ବିଶ୍ୱକପ୍‌ ପରେ ଅନ୍ତର୍ଜାତୀୟ କ୍ରିକେଟ୍‌କୁ ସମ୍ପୂର୍ଣ୍ଣ ବିଦାୟ ଜଣାଇବେ। ଏହା ସହିତ ଚଳିତ ବର୍ଷ ଆଇପିଏଲ୍‌ର ପ୍ରଥମ ୬ଟି ମ୍ୟାଚ୍‌ ନିମନ୍ତେ ସେ ଉପଲବ୍ଧ ହେବେ ନାହିଁ ବାେଲି ଜଣାପଡିଛି। ଶ୍ରୀଲଙ୍କାର ଘରୋଇ ଟୁର୍ଣ୍ଣାମେଣ୍ଟସୁପର ପ୍ରାଭିନ୍ସିଆଲ୍‌ କପ୍‌ରେ ଖେଳିବା ନିମନ୍ତେ ସେ ପ୍ରଥମ ୬ ମ୍ୟାଚ୍‌ ନିମନ୍ତେ ଉପଲବ୍ଧ ରହିବେ ନାହିଁ। ବିଶ୍ବକପ୍‌ ମନୋନୟନ ପାଇଁ ଏହି ଟୁର୍ଣ୍ଣାମେଣ୍ଟରେ ଅଂଶଗ୍ରହଣ କରୁଥିବା ସ୍ପଷ୍ଟ କରିଛନ୍ତି ମାଲିଙ୍ଗା। ଶୁକ୍ରବାର ଶ୍ରୀଲଙ୍କା ଦକ୍ଷିଣ ଅଫ୍ରିକାଠାରୁ ଦ୍ୱିତୀୟ ଟି୨୦ ହାରିବା ପରେ ଏହି ୩୫ ବର୍ଷ ବୟସ୍କ କ୍ରିକେଟର କହିଛନ୍ତି, ବିଶ୍ୱକପ୍‌ ପରେ ମୋ କ୍ରିକେଟ୍‌ କ୍ୟାରିଅର ସରିବାକୁ ଲାଗିବ। ମୁଁ ଚାହୁଁଛି ଟି୨୦ ବିଶ୍ୱକପ୍‌ ଖେଳିବି ଏବଂ ଏହା ପରେ ମୋ କ୍ୟାରିଅର ସମାପ୍ତ କରିବି। ବର୍ତ୍ତମାନ ସୁଦ୍ଧା ଆନ୍ତର୍ଜାତୀୟ ଟି ୨୦ରେ ୯୭ ଓ୍ବିକେଟ୍‌ ନେଇଥିବା ବେଳେ ପାକିସ୍ତାନର ସାହିଦ୍‌ ଆଫ୍ରିଦି(୯୮)ଙ୍କ ଠାରୁ ଗାେଟିଏ ଓ୍ବିକେଟ୍‌ ପଛରେ ରହିଛନ୍ତି।

Categories
ଆଜିର ଖବର

ପର୍ଯ୍ୟଟକ ବସ୍‌ରେ ନିଆଁ, 26 ମୃତ

ବେଜିଂରେ ପର୍ଯ୍ୟଟକଙ୍କ ଏକ ବସ୍‌ରେ ଅଗ୍ନିକାଣ୍ଡ ଘଟି ୨୬ଜଣଙ୍କ ପ୍ରାଣହାନି ଘଟିଥିବା ବେଳେ ୨୮ ଜଣ ଆହତ ଅବସ୍ଥାରେ ହସ୍ପିଟାଲରେ ଭର୍ତ୍ତି ହୋଇଛନ୍ତି। ତନ୍ମଧ୍ୟରୁ ୫ ଜଣ ଗୁରୁତର ଅବସ୍ଥାରେ ରହିଥିବା ଜଣାପଡିଛି। ବେଜିଂର ହ୍ୟୁନାନ୍‌ ପ୍ରଦେଶରେ ଶୁକ୍ରବାର ଏହି ଦୁର୍ଘଟଣା ଘଟିଛି। ୫୯ ସିଟ୍‌ର ଏହି ବସ୍‌ରେ ୫୩ ଜଣ ଯାତ୍ରୀ ଏବଂ ୨ ଜଣ ଡ୍ରାଇଭର ଯାତ୍ରା କରୁଥିବା ସମୟରେ ଏହି ଦୁର୍ଘଟଣା ଘଟିଥିଲାେ। ବସ୍‌ରେ ଥିବା ଯାତ୍ରୀଙ୍କ ମଧ୍ୟରୁ ଅର୍ଦ୍ଧାଧିକ ବିଦେଶୀ ନାଗରିକ ରହିଥିବା ଜଣାପଡିଛି। ଦୁଇ ଡ୍ରାଇଭରଙ୍କୁ ଗିରଫ କରାଯାଇ ଦୁର୍ଘଟଣାର କାରଣ ସମ୍ପର୍କରେ ଅନୁସନ୍ଧାନ ଜାରି ରହିଥିବା ଜଣାପଡିଛି। ଗୋଟିଏ ଦିନ ପୂର୍ବରୁ ଏକ ରାସାୟନିକ ଫ୍ୟାକ୍ଟ୍ରିରେ ଘଟିଥିବା ବିସ୍ଫୋରଣରେ ୬୪ ଲୋକ ମୃତାହତ ହେବା ସହିତ ୬୪୦ରୁ ଅଧିକ ଲୋକ ଆହତ ହାେଇଥିଲେ।

Categories
ଆଜିର ଖବର

ୟୁରାେ ୨୦୨୦ ଯୋଗ୍ୟତା ପର୍ଯ୍ୟାୟ : ଇଂଲଣ୍ଡ ଓ ଫ୍ରାନ୍ସର ବୃହତ ବିଜୟ

୨୦୨୦ରେ ଆୟୋଜିତ ହେବାକୁ ଥିବା ୟୁରାେପ ଫୁଟ୍‌ବଲ୍‌ର ଯୋଗ୍ୟତା ପର୍ଯ୍ୟାୟ ମ୍ୟାଚ୍‌ ଅନୁଷ୍ଠିତ ହୋଇଛି। ପ୍ରଥମ ଦିନରେ ଇଂଲଣ୍ଡ ଏବଂ ଫ୍ରାନ୍ସ ବୃହତ ବିଜୟ ହାସଲ କରିଥିବା ବେଳେ ଡିଫେଣ୍ଡିଂ ଚାମ୍ପିୟନ୍‌ ପର୍ତ୍ତୁଗାଲ୍‌ ନିଜ ମ୍ୟାଚ୍‌ ଅମୀମାଂସିତ ରଖିଛି। ଫ୍ରାନ୍ସ ୪-୧ ବ୍ୟବଧାନରେ ମଲଡୋଭାକୁ ପରାସ୍ତ କରିଥିବା ବେଳେ ଇଂଲଣ୍ଡ ୫-୦ରେ ଚେକ୍‌ ରିପବ୍ଲିକ୍‌କୁ ପରାସ୍ତ କରି ନିଜର ଅଭିଯାନ ଆରମ୍ଭ କରିଛି। ଡିଫେଣ୍ଡିଂ ଚାମ୍ପିଅନ୍‌ ପର୍ତ୍ତୁଗାଲ ୟୁକ୍ରେନ୍‌ ବିପକ୍ଷ ମୁକାବିଲାକୁ 0-0ରେ ଅମୀମାଂସିତ ରଖିବାରେ ସକ୍ଷମ ରହିଛି ।

ଫ୍ରାନ୍ସ-ମଲଡୋଭା ମୁକାବିଲାରେ ମ୍ୟାଚ୍‌ର ୨୪ ତମ ମିନିଟ୍‌ରେ ଆଣ୍ଟୋନିଓ ଗ୍ରୀଜ୍‌ମ୍ୟାନ ପ୍ରଥମ ଗାେଲ ସ୍କାେର କରିଥିଲେ। ତିନି ମିନିଟ ପରେ ରାଫାଲେ ବାରାନେ ଦ୍ବିତୀୟ ଗାେଲ୍‌ କରିବା ପରେ ଅଲିଭର ଜିରୁଡ୍‌ ମ୍ୟାଚ୍‌ର ୩୬ ତମ ମିନିଟ୍‌ରେ ତୃତୀୟ ଗାଲ୍‌ ସ୍କାେର କରିଥିଲେ। ମ୍ୟାଚ୍‌ ଶେଷ ହେବାର ୩ମିନିଟ୍‌ ପୂର୍ବରୁ  ଏମ୍‌ବାପେ ଫ୍ରାନ୍ସ ପକ୍ଷରୁ ଅନ୍ତିମ ଗାେଲ୍‌ ସ୍କୋର କରିଥିଲେ। ମଲ୍‌ଡୋଭା ପକ୍ଷରୁ ଭ୍ଲାଡିମିର ଆମ୍ବ୍ରୋସ୍‌ ମ୍ୟାଚ୍‌ର ୮୯ ତମ ମିନିଟ୍‌ରେ ଏକମାତ୍ର ଗୋଲ୍‌ ସ୍କୋର କରିଥିଲେ।

ଆୟୋଜକ ଇଂଲଣ୍ଡ ଚେକ୍‌ ରିପବ୍ଲିକ୍‌ ବିପକ୍ଷରେ ଚମକପ୍ରଦ ବିଜୟ ହାସଲ କରିଛି। ଇଂଲଣ୍ଡ ପକ୍ଷରୁ ରହିମ୍‌ ଷ୍ଟର୍ଲିଂ ଏହି ମ୍ୟାଚ୍‌ରେ ହ୍ୟାଟ୍ରିକ୍‌ ଗାେଲ୍‌ ସ୍କାେର କରିଥିବା ବେଳେ ହ୍ୟାରୀ କେନ୍‌ ଏବଂ ଟୋମାସ କାଲାସ ଗୋଟିଏ ଲେଖାଏଁ ଗୋଲ୍‌ ସ୍କାେର କରିଥିଲେ। ଷ୍ଟର୍ଲିଂ ମ୍ୟାଚ୍‌ର ୨୪, ୬୨ ଏବଂ ୬୮ ମିନିଟ୍‌ରେ ଗାେଲ ସ୍କୋର କରିଥିବା ବେଳେ ହ୍ୟାରୀ କେନ୍‌ ୪୭ ତମ ମିନିଟ୍‌ରେ ଏବଂ କାଲାସ୍‌ ୮୪ ତମ ମିନିଟ୍‌ରେ ଶେଷ ଗାେଲ୍‌ ସ୍କୋର କରିଥିଲେ।

ତୃତୀୟ ମ୍ୟାଚ୍‌ରେ ଡିଫେଣ୍ଡିଂ ଚାମ୍ପିୟନ୍‌ ପର୍ତ୍ତୁଗାଲୁ ୟୁକ୍ରେନ୍‌ ବିପକ୍ଷ ମ୍ୟାଚ୍‌ରେ ପଏଣ୍ଟ ବାଣ୍ଟିଛି। ରୋନାଲ୍‌ଡୋଙ୍କ ଏହି ପ୍ରତ୍ୟାବର୍ତ୍ତନ ମ୍ୟାଚ୍‌ରେ ରାେନାଲ୍ଡୋ ଗାେଲ ସ୍କାେର କରିବାରେ ସକ୍ଷମ ହୋଇନଥିଲେ ଏବଂ ଦଳ ମ୍ୟାଚ୍‌ ଅମୀମାଂସିତ ରଖିଥିଲା। ୨୨ତମ ମିନିଟ୍‌ରେ ରୋନାଲ୍ଡୋଙ୍କ ନିକଟରେ ଗାେଲ କରିବାର ସୁଯୋଗ ଥିଲେ ଆଣ୍ଡ୍ରି ପ୍ୟାଟୋଭ୍‌ଙ୍କ ଚମତ୍କାର ଗାେଲକିପିଂ ଯୋଗୁଁ ଏହା ବିଫଳ ହାେଇଥିଲା।

Categories
ଆଜିର ଖବର

ଇସ୍‌ଲାମିକ୍‌ ଷ୍ଟେଟ୍‌ ବିପକ୍ଷରେ ଏସ୍‌ଡିଏଫ୍‌ର ବିଜୟ

ସିରିଆରେ ଇସ୍‌ଲାମିକ୍‌ ଷ୍ଟେଟ୍‌ ବିପକ୍ଷରେ ବିଜୟ ଘୋଷଣା କରିଛି ସିରିଆନ୍‌ ଡେମେକ୍ରାଟିକ୍‌ ଫୋର୍ସ। ଆମେରିକା ସହାୟତାରେ ଯୁଦ୍ଧ ଲଢୁଥିବା ଏହି ବାହିନୀ ଦୀର୍ଘ ୪ ବର୍ଷର ଲଢେଇ ପରେ ବିଜୟ ହାସଲ କରିବା ନେଇ ସୂଚନା ମିଳିଛି। ସିରିଆ ଏବଂ ଇରାକ୍‌ର ଏକ ତୃତୀୟଂଶ ଅଞ୍ଚଳ ଅଧିକାର କରିଥିବା ଇସ୍‌ଲାମିକ୍‌ ଷ୍ଟେଟ୍‌ ଅଫ୍‌ ଇରାକ୍‌ ଆଣ୍ଡ ଦ ଲେଭାଣ୍ଟ (ଆଇଏସ୍‌ଆଇଏଲ୍‌) ପରାଜୟ ବରଣ କରିବା ସହିତ ଏହି ଅଞ୍ଚଳ ଆତଙ୍କବାଦ ମୁକ୍ତ ହୋଇଥିବା ଏସ୍‌ଡିଏଫ୍‌ ପକ୍ଷରୁ କୁହାଯାଇଛି। ଏସ୍‌ଡିଏଫ୍‌ର ମୁଖପାତ୍ର ମୁସ୍ତାଫା ବାଲି ଟ୍ବିଟ୍ଟର ଜରିଆରେ ଏହି ଘୋଷଣା କରିବା ସହିତ ଏହି ସଂଗ୍ରାମରେ ପ୍ରାଣବଳି ଦେଇଥିବା ଶହୀଦଙ୍କୁ ଶ୍ରଦ୍ଧାଞ୍ଜଳି ଜ୍ଞାପନ କରିଛନ୍ତି। ଇସ୍‌ଲାମିକ୍‌ ଷ୍ଟେଟ୍‌ ବିପକ୍ଷରେ ଏହା ଦଳର ଦ୍ବିତୀୟ ବିଜୟ। ପୂର୍ବରୁ ଦକ୍ଷିଣ ପୂର୍ବ ଇଲାକାର ବାଘୌଜ୍‌ରେ ମଧ୍ୟ ଏସ୍‌ଡିଏଫ୍‌ ବିଜୟ ହାସଲ କରିଥିଲା।

Categories
ଆଜିର ଖବର

କରମବୀର ସିଂ ହେବେ ନୂତନ ନୌସେନା ମୁଖ୍ୟ

vice admiral karanbir singh will be navy chief.
vice admiral karanbir singh will be navy chief.

ଭାଇସ୍‌ ଆଡ୍‌ମିରାଲ୍‌ କରମବୀର ସିଂ ଆସନ୍ତା ନୌସେନା ମୁଖ୍ୟ ହେବେ ବୋଲି ଜଣାପଡିଛି। ପ୍ରାପ୍ତ ସୂଚନା ମୁତାବକ ମୋଦି ସରକାର ଦ୍ବାରା ଶ୍ରୀ ସିଂ ଆସନ୍ତା ନୌସେନା ମୁଖ୍ୟ ଭାବେ ଚୟନ ହାେଇଛନ୍ତି। ବର୍ତ୍ତମାନର ନୌସେନା ମୁଖ୍ୟ ସୁନୀଲ ଲାମ୍ବାଙ୍କ କାର୍ଯ୍ୟକାଳ ଆସନ୍ତା ମେ ୩୧, ୨୦୧୯ରେ ଶେଷ ହେବାକୁ ଯାଉଛି। ଭାରତୀୟ ନୌସେନା ଅଧୀନରେ ୭୦୦୦ କିମିର ସମୁଦ୍ରତଟ ରହିଥିଲେ ମଧ୍ୟ ଚୀନ ନିକଟରୁ ଦେଶକୁ ସୁରକ୍ଷା ପ୍ରଦାନ କରିବା ନୌସେନା ପାଇଁ ବଡ ଚ୍ୟାଲେ୍ଞ୍ଜ ରହିବ ବୋଲି ବର୍ତ୍ତମାନର ମୁଖ୍ୟ ଲାମ୍ବା ପ୍ରକାଶ କରିଛନ୍ତି। ନ୍ୟାସ୍‌ନାଲ ଡିଫେନ୍ସ ଏକାଡେମୀ (ଏନ୍‌ଡିଏ)ରୁ ପାଶ୍‌ କରିଥିବା କରମବୀର ସିଂ ୧୯୮୦ରେ ନୌସେନାରେ ଯୋଗ ଦେଇଥିଲେ।  ୧୯୮୨ରେ ହେଲିକପ୍ଟର ପାଇଲଟ୍‌ ଭାବରେ କାର୍ଯ୍ୟ କରିଛନ୍ତି କରମବୀର।