Tag: ଦ୍ରୌପଦୀ ମୁର୍ମୁ

ନୂଆଦିଲ୍ଲୀ: ରାଷ୍ଟ୍ରପତି ଦ୍ରୌପଦୀ ମୁର୍ମୁ ଆଜି ଲଦାଖର ସିଆଚେନ୍ ବେସ୍ କ୍ୟାମ୍ପ ପରିଦର୍ଶନ କରିଛନ୍ତି। ସେ  ସିଆଚେନ୍ ଗ୍ଲାସିଅରରେ ମୁତୟନ ଥିବା ସୈନିକ ଏବଂ ଅଧିକାରୀଙ୍କ ସହ କଥାବାର୍ତ୍ତା କରିଥିଲେ।

ରାଷ୍ଟ୍ରପତି ମୁର୍ମୁ ତାଙ୍କ ଭାଷଣରେ ଦେଶକୁ ସୁରକ୍ଷା ଦେବାରେ ସୈନିକମାନଙ୍କ ସାହସିକତା ଏବଂ ସେବାକୁ ପ୍ରଶଂସା କରିଥିଲେ। ସେଠାରେ ମୁତୟନ ହୋଇଥିବା ସୈନିକଙ୍କ ପରିବାର ଏବଂ ସମ୍ପର୍କୀୟଙ୍କୁ ମଧ୍ୟ ସେ କୃତଜ୍ଞତା ଜଣାଇଛନ୍ତି। ଯୁଦ୍ଧ ହିରୋମାନଙ୍କ ପାଇଁ ଆୟୋଜିତ କାର୍ଯ୍ୟକ୍ରମରେ ସେ ସିଆଚେନ୍ ବେସ୍ ୱାର୍ ମେମୋରିଆଲରେ ଶହୀଦମାନଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ।

ପୂର୍ବତନ ରାଷ୍ଟ୍ରପତି ଏ ପି ଜେ ଅବଦୁଲ କଲାମ ଏବଂ ପୂର୍ବତନ ରାଷ୍ଟ୍ରପତି ରାମ ନାଥ କୋବିନ୍ଦଙ୍କ ପରେ ରାଷ୍ଟ୍ରପତି ଦ୍ରୌପାଦୀ ମୁର୍ମୁ ସିଆଚେନ୍ ଗ୍ଲାସିଅର୍ ପରିଦର୍ଶନ କରିଥିବା ତୃତୀୟ ରାଷ୍ଟ୍ରପତି।

କରାକୋରାମ ରେଞ୍ଜରେ ଅବସ୍ଥିତ ସିଆଚେନ୍ ଗ୍ଲାସିଅର୍ ହେଉଛି ବିଶ୍ୱର ସର୍ବୋଚ୍ଚ ସାମରିକ ଦଖଲ ହୋଇଥିବା ଅଞ୍ଚଳ ଏବଂ ଅପରେସନ୍ ମେଘଦୂତ ଅଧୀନରେ ଏପ୍ରିଲ୍ ୧୯୮୪ ଠାରୁ ଭାରତୀୟ ସେନା ଦ୍ୱାରା ଏହା ସୁରକ୍ଷିତ ହୋଇ ରହିଆସିଛି।

ନୂଆଦିଲ୍ଲୀ: ଭାରତର ରାଷ୍ଟ୍ରପତି ଦ୍ରୌପଦୀ ମୁର୍ମୁ ଆଜି ରାଷ୍ଟ୍ରପତି ଭବନରେ ନର୍ସିଂ ପ୍ରଫେସନାଲ୍‌ମାନଙ୍କୁ ୨୦୨୪ ବର୍ଷ ପାଇଁ ଜାତୀୟ ଫ୍ଲୋରେନ୍ସ ନାଇଟିଙ୍ଗେଲ୍ ପୁରସ୍କାର ପ୍ରଦାନ କରିଥିଲେ।

ଉଲ୍ଲେଖନୀୟ ନର୍ସିଂ କର୍ମଚାରୀଙ୍କ ଦ୍ୱାରା ପ୍ରଦତ୍ତ ଗୁଣାତ୍ମକ ସେବାକୁ ସ୍ୱୀକୃତି ଏବଂ ସମ୍ମାନ ଦେବା ପାଇଁ ଭାରତ ସରକାରଙ୍କ ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ମନ୍ତ୍ରଣାଳୟ ଦ୍ୱାରା ଜାତୀୟ ଫ୍ଲୋରେନ୍ସ ନାଇଟିଙ୍ଗେଲ୍ ପୁରସ୍କାର ସ୍ଥାପନା କରାଯାଇଥିଲା।

ନୂଆଦିଲ୍ଲୀ: ରାଷ୍ଟ୍ରପତି ଦ୍ରୌପଦୀ ମୁର୍ମୁ ଆଜି (ଅଗଷ୍ଟ ୨, ୨୦୨୪) ରାଷ୍ଟ୍ରପତି ଭବନରେ ରାଜ୍ୟପାଳ ସମ୍ମିଳନୀକୁ ଉଦଘାଟନ କରିଛନ୍ତି। ଏହି ସମ୍ମିଳନୀରେ କେବଳ କେନ୍ଦ୍ର-ରାଜ୍ୟ ସମ୍ପର୍କକୁ ଗଢ଼ିତୋଳିବା ନୁହେଁ ବରଂ ସାଧାରଣ ଲୋକଙ୍କ ପାଇଁ କଲ୍ୟାଣକାରୀ ଯୋଜନାକୁ ପ୍ରୋତ୍ସାହିତ କରିବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରୁଥିବା ବିଭିନ୍ନ ପ୍ରସଙ୍ଗ ଉପରେ ଆଲୋଚନା ହେବ।

ରାଷ୍ଟ୍ରପତି ତାଙ୍କ ପ୍ରାରମ୍ଭିକ ଭାଷଣରେ କହିଥିଲେ ଯେ ଏହି ସମ୍ମିଳନୀର କାର୍ଯ୍ୟସୂଚୀରେ ଆମର ଜାତୀୟ ଲକ୍ଷ୍ୟ ହାସଲ କରିବାରେ ଗୁରୁତ୍ୱପୂର୍ଣ୍ଣ ବିଷୟଗୁଡ଼ିକୁ ସତର୍କତାର ସହ ଚୟନ କରାଯାଇଛି। ସେ କହିଛନ୍ତି ଯେ ଏହି ସମ୍ମିଳନୀର ଆଲୋଚନା ସମସ୍ତ ଅଂଶଗ୍ରହଣକାରୀଙ୍କ ପାଇଁ ଏକ ସମୃଦ୍ଧ ଅନୁଭୂତି ହେବ ଏବଂ ସେମାନଙ୍କୁ ସେମାନଙ୍କ କାର୍ଯ୍ୟରେ ସାହାଯ୍ୟ କରିବ।

ଉଦଘାଟନୀ ଅଧିବେଶନରେ ଉପରାଷ୍ଟ୍ରପତି, ପ୍ରଧାନମନ୍ତ୍ରୀ ଏବଂ କେନ୍ଦ୍ର ଗୃହମନ୍ତ୍ରୀ ମଧ୍ୟ ଉଦବୋଧନ ଦେଇଥିଲେ। ଉପରାଷ୍ଟ୍ରପତି ଜଗଦୀପ ଧନଖଡ଼ ରାଜ୍ୟପାଳଙ୍କ ଶପଥକୁ ଉଲ୍ଲେଖ କରି ଗତ ଦଶନ୍ଧି ମଧ୍ୟରେ ଘଟିଥିବା ସାମାଜିକ କଲ୍ୟାଣକାରୀ ଯୋଜନା ଏବଂ ଅବିଶ୍ୱସନୀୟ ବିକାଶ ବିଷୟରେ ଲୋକଙ୍କୁ ସଚେତନ କରିବାର ସାମ୍ବିଧାନିକ ଦାୟିତ୍ୱ ନିର୍ବାହ କରିବାକୁ ଅନୁରୋଧ କରିଥିଲେ।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ତାଙ୍କ ଅଭିଭାଷଣରେ କେନ୍ଦ୍ର ଓ ରାଜ୍ୟ ମଧ୍ୟରେ ଏକ ପ୍ରଭାବଶାଳୀ ସେତୁର ଭୂମିକା ଗ୍ରହଣ କରିବା ଏବଂ ଗରିବ ଲୋକଙ୍କୁ ସହଯୋଗ କରିବା ପାଇଁ ଲୋକ ଏବଂ ସାମାଜିକ ସଂଗଠନମାନଙ୍କ ସହିତ ବାର୍ତ୍ତାଳାପ କରିବାକୁ ରାଜ୍ୟପାଳମାନଙ୍କୁ ଅନୁରୋଧ କରିଥିଲେ। ସେ କହିଥିଲେ ଯେ ରାଜ୍ୟପାଳ ପଦ ଏକ ଗୁରୁତ୍ୱପୂର୍ଣ୍ଣ ଅନୁଷ୍ଠାନ ଯାହା ସମ୍ବିଧାନର ଢାଞ୍ଚା ଅନୁଯାୟୀ ଜନସାଧାରଣଙ୍କର, ବିଶେଷ କରି ଆଦିବାସୀ ମାନଙ୍କର କଲ୍ୟାଣରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିପାରିବ। କେନ୍ଦ୍ର ଗୃହମନ୍ତ୍ରୀ ଅମିତ ଶାହ ଦୁଇ ଦିନିଆ ସମ୍ମିଳନୀରେ କ’ଣ ଆଲୋଚନା ହେବ ସେ ସମ୍ପର୍କରେ ବର୍ଣ୍ଣନା କରିବା ସହ ଜନସାଧାରଣଙ୍କ ମଧ୍ୟରେ ଆତ୍ମବିଶ୍ୱାସ ସୃଷ୍ଟି କରିବା ଏବଂ ଉନ୍ନୟନମୂଳକ କାର୍ଯ୍ୟକୁ ପ୍ରୋତ୍ସାହିତ କରିବା ପାଇଁ ଭାଇବ୍ରେଣ୍ଟ ଗ୍ରାମ ଏବଂ ଆକାଂକ୍ଷୀ ଜିଲ୍ଲା ଗସ୍ତ କରିବାକୁ ରାଜ୍ୟପାଳମାନଙ୍କୁ ଅନୁରୋଧ କରିଥିଲେ।

ସମ୍ମିଳନୀକୁ ଉଦଘାଟନ କରି ରାଷ୍ଟ୍ରପତି କହିଛନ୍ତି ଯେ ଅପରାଧିକ ନ୍ୟାୟ ସମ୍ବନ୍ଧୀୟ ତିନୋଟି ନୂତନ ଆଇନ କାର୍ଯ୍ୟକାରୀ ହେବା ପରେ ଦେଶରେ ନ୍ୟାୟ ବ୍ୟବସ୍ଥାର ଏକ ନୂତନ ଯୁଗ ଆରମ୍ଭ ହୋଇଛି। ଭାରତୀୟ ନ୍ୟାୟ ସଂହିତା, ଭାରତୀୟ ନାଗରିକ ସୁରକ୍ଷା ସଂହିତା ଏବଂ ଭାରତୀୟ ସାକ୍ଷୀ ଅଧିନିୟମ ଭଳି ଆଇନର ନାମରୁ ଆମ ଚିନ୍ତାଧାରାରେ ପରିବର୍ତ୍ତନ ସ୍ପଷ୍ଟ ହୋଇଛି ବୋଲି ସେ କହିଛନ୍ତି।

ଗଣତନ୍ତ୍ରକୁ ସୁରୁଖୁରୁରେ ଚଳାଇବା ପାଇଁ ବିଭିନ୍ନ କେନ୍ଦ୍ରୀୟ ଏଜେନ୍ସି ସବୁ ରାଜ୍ୟରେ ଉତ୍ତମ ସମନ୍ୱୟ ରକ୍ଷା କରି କାର୍ଯ୍ୟ କରିବା ଜରୁରୀ ବୋଲି ରାଷ୍ଟ୍ରପତି କହିଛନ୍ତି। ସମ୍ପୃକ୍ତ ରାଜ୍ୟର ସାମ୍ବିଧାନିକ ମୁଖ୍ୟ ହିସାବରେ ସେମାନେ କିପରି ଏହି ସମନ୍ୱୟକୁ ପ୍ରୋତ୍ସାହିତ କରିପାରିବେ ସେ ବିଷୟରେ ଚିନ୍ତା କରିବାକୁ ସେ ରାଜ୍ୟପାଳମାନଙ୍କୁ ପରାମର୍ଶ ଦେଇଛନ୍ତି।

ରାଷ୍ଟ୍ରପତି କହିଥିଲେ ଯେ ଗୁଣାତ୍ମକ ଉଚ୍ଚଶିକ୍ଷା ଏକ ଅତୁଳନୀୟ ସମ୍ପତ୍ତି କାରଣ ଏହା ବ୍ୟକ୍ତିଗତ ବିକାଶ ଏବଂ ସାମାଜିକ ପରିବର୍ତ୍ତନ ସହିତ ଅଭିନବତା ଏବଂ ଅର୍ଥନୈତିକ ପ୍ରଗତିକୁ ପ୍ରୋତ୍ସାହିତ କରେ । ସେ କହିଥିଲେ ଯେ ଜାତୀୟ ଶିକ୍ଷା ନୀତିରେ ଶିକ୍ଷାନୁଷ୍ଠାନଗୁଡ଼ିକର ମାନ୍ୟତା ଏବଂ ମୂଲ୍ୟାୟନ ବ୍ୟବସ୍ଥାରେ ଉନ୍ନତି ଆଣିବା ଉପରେ ଗୁରୁତ୍ୱ ଦିଆଯାଇଛି। ରାଜ୍ୟ ବିଶ୍ୱବିଦ୍ୟାଳୟଗୁଡ଼ିକର କୁଳପତି ଭାବରେ ରାଜ୍ୟପାଳମାନେ ଏହି ସଂସ୍କାର ପ୍ରକ୍ରିୟାରେ ଯୋଗଦାନ କରିବାକୁ ସେ ଅନୁରୋଧ କରିଥିଲେ।

ଗରିବ, ସୀମାବର୍ତ୍ତୀ ଅଞ୍ଚଳ, ବଞ୍ଚିତ ବର୍ଗ ଓ ଅଞ୍ଚଳର ବିକାଶ ଏବଂ ବିକାଶ ଯାତ୍ରାରେ ପଛୁଆ ଥିବା ଲୋକଙ୍କ ବିକାଶକୁ ଭାରତ ସରକାର ସର୍ବାଧିକ ପ୍ରାଥମିକତା ଦେଉଛନ୍ତି ବୋଲି ରାଷ୍ଟ୍ରପତି କହିଥିଲେ । ଅନୁସୂଚିତ ଜନଜାତି ଅଞ୍ଚଳରେ ଆମ ଆଦିବାସୀ ଜନସଂଖ୍ୟାର ଏକ ବଡ଼ ଅଂଶ ବସବାସ କରନ୍ତି ବୋଲି ସେ ଦର୍ଶାଇ ଏହି ଅଞ୍ଚଳର ଜନସାଧାରଣଙ୍କ ସାମଗ୍ରିକ ବିକାଶ ପାଇଁ ଉପାୟ ପରାମର୍ଶ ଦେବାକୁ ରାଜ୍ୟପାଳମାନଙ୍କୁ ଅନୁରୋଧ କରିଥିଲେ ।

ଯୁବପିଢ଼ିଙ୍କ ଶକ୍ତିକୁ ସକାରାତ୍ମକ ଓ ଗଠନମୂଳକ କାର୍ଯ୍ୟରେ ନିୟୋଜିତ କରାଗଲେ ‘ଯୁବ ବିକାଶ’ ଓ ‘ଯୁବ ନେତୃତ୍ବାଧୀନ ବିକାଶ’ ଅଧିକ ତ୍ୱରାନ୍ୱିତ ହେବ ବୋଲି ରାଷ୍ଟ୍ରପତି କହିଥିଲେ। ‘ମୋ ଭାରତ’ ଅଭିଯାନ ଏଥିପାଇଁ ଏକ ସୁଚିନ୍ତିତ ବ୍ୟବସ୍ଥା ପ୍ରଦାନ କରୁଛି। ରାଜ୍ୟପାଳମାନେ ଏହି ଅଭିଯାନ ସହ ଜଡ଼ିତ ଲୋକଙ୍କୁ ପ୍ରୋତ୍ସାହିତ କରିବା ଉଚିତ, ଯାହାଦ୍ୱାରା ଅଧିକରୁ ଅଧିକ ଯୁବବର୍ଗ ଉପକୃତ ହୋଇପାରିବେ ବୋଲି ସେ କହିଛନ୍ତି।

‘ଏକ ଭାରତ ଶ୍ରେଷ୍ଠ ଭାରତ’ ଅଭିଯାନ ବିଷୟରେ ଉଲ୍ଲେଖ କରି ସେ କହିଥିଲେ ଯେ ଏହା ବିଭିନ୍ନ ରାଜ୍ୟ ଏବଂ କେନ୍ଦ୍ରଶାସିତ ଅଞ୍ଚଳର ଲୋକଙ୍କୁ ପରସ୍ପରକୁ ବୁଝିବା ଏବଂ ପରସ୍ପର ସହ ଯୋଡ଼ି ହେବାରେ ସକ୍ଷମ କରିଛି। ଏକତାର ଭାବନାକୁ ଆହୁରି ସୁଦୃଢ଼ କରିବାରେ ଯୋଗଦାନ କରିବାକୁ ସେ ରାଜ୍ୟପାଳମାନଙ୍କୁ ଅନୁରୋଧ କରିଛନ୍ତି।

ଜଳବାୟୁ ପରିବର୍ତ୍ତନ ଏବଂ ଗ୍ଲୋବାଲ ୱାର୍ମିଂ ଭଳି ଆହ୍ୱାନର ମୁକାବିଲା ପାଇଁ ଅନେକ ପ୍ରୟାସ କରାଯାଉଛି ବୋଲି ରାଷ୍ଟ୍ରପତି କହିଛନ୍ତି । ରାଜ୍ୟପାଳମାନେ ‘ଏକ ପେଡ୍ ମା କେ ନାମ’ ଅଭିଯାନକୁ ବ୍ୟାପକ ସ୍ତରରେ ଜନଆନ୍ଦୋଳନରେ ପରିଣତ କରି ଏଥିରେ ଯୋଗଦାନ ଦେଇପାରିବେ।

ପ୍ରାକୃତିକ ଚାଷକୁ ପ୍ରୋତ୍ସାହିତ କରି ଆମେ ମାଟିର ଉର୍ବରତା ବୃଦ୍ଧି କରିପାରିବା ଏବଂ କୃଷକଙ୍କ ଆୟ ବଢ଼ାଇ ପାରିବା ବୋଲି ରାଷ୍ଟ୍ରପତି କହିଥିଲେ। ପ୍ରାକୃତିକ ଚାଷକୁ ପ୍ରୋତ୍ସାହିତ କରିବା ପାଇଁ ରାଜଭବନ ଗୁଡ଼ିକ ଉଦାହରଣ ସୃଷ୍ଟି କରିପାରିବେ ବୋଲି ସେ କହିଥିଲେ।

ସମସ୍ତ ରାଜ୍ୟପାଳ ଲୋକଙ୍କ ସେବା ଓ କଲ୍ୟାଣ ରେ ଯୋଗଦାନ ଜାରି ରଖିବେ ଏବଂ ସେମାନଙ୍କ ଦ୍ୱାରା ନିଆଯାଇଥିବା ଶପଥକୁ ନ୍ୟାୟ ଦେବେ ବୋଲି ରାଷ୍ଟ୍ରପତି ବିଶ୍ୱାସ ବ୍ୟକ୍ତ କରିଥିଲେ ।

ଏହି ସମ୍ମିଳନୀରେ ବିଭିନ୍ନ ଅଧିବେଶନ ଆୟୋଜନ କରାଯିବ, ଯେଉଁଥିରେ ରାଜ୍ୟପାଳଙ୍କ ସବ୍-ଗ୍ରୁପ୍ ପ୍ରତ୍ୟେକ ଏଜେଣ୍ଡା ଆଇଟମ୍ ଉପରେ ବିଚାର ବିମର୍ଶ କରିବେ। ରାଜ୍ୟପାଳଙ୍କ ବ୍ୟତୀତ ଏହି ଅଧିବେଶନରେ କେନ୍ଦ୍ର ମନ୍ତ୍ରୀ ଏବଂ ସମ୍ପୃକ୍ତ ମନ୍ତ୍ରଣାଳୟର ଅଧିକାରୀମାନେ ମଧ୍ୟ ଯୋଗ ଦେବେ। ଆସନ୍ତାକାଲି (ଅଗଷ୍ଟ ୩, ୨୦୨୪) ଶେଷ ଅଧିବେଶନରେ ରାଷ୍ଟ୍ରପତି, ଉପରାଷ୍ଟ୍ରପତି, ପ୍ରଧାନମନ୍ତ୍ରୀ ଏବଂ ଅନ୍ୟ ଅଂଶଗ୍ରହଣକାରୀଙ୍କ ସମ୍ମୁଖରେ ସବ୍-ଗ୍ରୁପ୍ ଗୁଡ଼ିକର ମତାମତ ଓ ପରାମର୍ଶ ଉପସ୍ଥାପନ କରାଯିବ।

ନୂଆଦିଲ୍ଲୀ: ରାଷ୍ଟ୍ରପତି ଦ୍ରୌପଦୀ ମୁର୍ମୁ ରାଷ୍ଟ୍ରପତି ଭବନରେ ଆୟୋଜିତ ରଜ ପର୍ବ ଉତ୍ସବରେ ଯୋଗ ଦେଇଛନ୍ତି। ସେ ମଧ୍ୟ ସାଂସ୍କୃତିକ କାର୍ଯ୍ୟକ୍ରମ ଦେଖିଥିଲେ। ଏହି ଅବସରରେ ରଜ ଶୁଭେଚ୍ଛା ସହିତ ମୟୂରଭଞ୍ଜ ଛଉ ନୃତ୍ୟ, ସମ୍ବଲପୁରୀ ନୃତ୍ୟ ଓ କର୍ମା ନୃତ୍ୟ ପରିବେଷଣ କରାଯାଇଥିଲା।

ରଜ ଉତ୍ସବର ଅଂଶବିଶେଷ ଭାବେ ଫୁଲରେ ସଜ୍ଜିତ ଦୋଳି ଲଗାଯାଇଥିଲା। ଫୁଲ ଓ ଆମ୍ବ ପତ୍ରରେ ସଜ୍ଜିତ ଦୋଳି ଏହି ପର୍ବର ମୁଖ୍ୟ ଆକର୍ଷଣ। ମେହେନ୍ଦି କଳାକାରମାନଙ୍କୁ ନିମନ୍ତ୍ରଣ କରାଯିବା ସହ ଅଂଶଗ୍ରହଣକାରୀମାନଙ୍କ ପାଇଁ ସରବତ ଓ ପାନ ବ୍ୟତୀତ ବିଭିନ୍ନ ପ୍ରକାର ପିଠା ଭଳି ଓଡ଼ିଆ ଖାଦ୍ୟର ବ୍ୟବସ୍ଥା କରାଯାଇଥିଲା।

ପ୍ରଥମ ଥର ପାଇଁ ରାଷ୍ଟ୍ରପତି ଭବନରେ ଓଡ଼ିଶାର କୃଷି ଭିତ୍ତିକ ପର୍ବ ରଜ ପର୍ବ ପାଳିତ ହୋଇଛି। ଏହି ଉତ୍ସବରେ ଅଂଶଗ୍ରହଣକାରୀଙ୍କୁ ଓଡ଼ିଆ ସଂସ୍କୃତି ଓ ଜୀବନଶୈଳୀର ଏକ ନିଆରା ଝଲକ ଦେଖିବାକୁ ମିଳିଥିଲା।

ରଜ ପର୍ବ ଓଡ଼ିଶାର ଅନ୍ୟତମ ପ୍ରସିଦ୍ଧ ପର୍ବ। ମୌସୁମୀ ଆରମ୍ଭ ସମୟରେ ତିନି ଦିନ ଧରି ଏହି କୃଷିଭିତ୍ତିକ ପର୍ବ ପାଳନ କରାଯାଏ। ମହିଳା ଓ ଶିଶୁମାନେ ଏହି ପର୍ବକୁ ଖୁବ ଧୁମଧାମରେ ପାଳନ କରିଥାନ୍ତି।

ନୂଆଦିଲ୍ଲୀ: ଗୁରୁବାର ଅପରାହ୍ନ ସାଢ଼େ ୪ଟାରେ ମୁଖ୍ୟ ନିର୍ବାଚନ ଆୟୁକ୍ତ ରାଜୀବ କୁମାରଙ୍କ ସହ ନିର୍ବାଚନ ଆୟୁକ୍ତ ଜ୍ଞାନେଶ କୁମାର ଓ ଡ. ସୁଖବୀର ସିଂହ ସାନ୍ଧୁ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କୁ ଭେଟିଛନ୍ତି। ଏହି ଅବସରରେ ଜନପ୍ରତିନିଧି ଆଇନ, ୧୯୫୧ର ଧାରା ୭୩ ଅନୁଯାୟୀ ଅଷ୍ଟାଦଶ ଲୋକସଭା ସାଧାରଣ ନିର୍ବାଚନ ପରେ ସଦନକୁ ନିର୍ବାଚିତ ହୋଇଥିବା ସଦସ୍ୟମାନଙ୍କ ନାମ ସମ୍ବଳିତ ଭାରତର ନିର୍ବାଚନ ଆୟୋଗଙ୍କ ଦ୍ୱାରା ଜାରି କରାଯାଇଥିବା ବିଜ୍ଞପ୍ତିର ଏକ ନକଲ ସେମାନେ ରାଷ୍ଟ୍ରପତିଙ୍କୁ ପ୍ରଦାନ କରିଛନ୍ତି।

ମାନବ ଇତିହାସର ସର୍ବବୃହତ ଗଣତାନ୍ତ୍ରିକ ନିର୍ବାଚନ ପ୍ରକ୍ରିୟା ସଫଳ ଭାବେ ସମ୍ପନ୍ନ ହୋଇଥିବାରୁ ରାଷ୍ଟ୍ରପତି ମୁଖ୍ୟ ନିର୍ବାଚନ ଆୟୁକ୍ତ ଓ ନିର୍ବାଚନ ଆୟୁକ୍ତଙ୍କୁ ଅଭିନନ୍ଦନ ଜଣାଇଛନ୍ତି। ନିର୍ବାଚନ ଆୟୋଗ, ଏହାର ଅଧିକାରୀ ଓ କର୍ମଚାରୀ, ପ୍ରଚାର ଓ ମତଦାନର ପରିଚାଳନା ଓ ତଦାରଖରେ ନିୟୋଜିତ ଥିବା ଅନ୍ୟ ସରକାରୀ ଅଧିକାରୀ ଏବଂ କେନ୍ଦ୍ର ଓ ରାଜ୍ୟ ପୁଲିସ ଏବଂ ସୁରକ୍ଷା କର୍ମୀମାନେ ଲୋକଙ୍କ ମତଦାନର ପବିତ୍ରତା ବଜାୟ ରଖିବା ତଥା ଏକ ଅବାଧ ଓ ନିରପେକ୍ଷ ନିର୍ବାଚନକୁ ସଫଳତାର ସହ ସମ୍ପନ୍ନ କରିବା ପାଇଁ ଅକ୍ଳାନ୍ତ ପରିଶ୍ରମ କରିଥିବାରୁ ସମଗ୍ର ଦେଶ ତରଫରୁ ରାଷ୍ଟ୍ରପତି ସମସ୍ତଙ୍କୁ ପ୍ରଶଂସା କରିଥିଲେ। ସର୍ବୋପରି, ଏତେ ବ୍ୟାପକ ସଂଖ୍ୟାରେ ନିର୍ବାଚନ ପ୍ରକ୍ରିୟାରେ ଭାଗ ନେଇଥିବା ଲକ୍ଷ ଲକ୍ଷ ମତଦାତାଙ୍କୁ ରାଷ୍ଟ୍ରପତି ପ୍ରଶଂସା କରିଥିଲେ। ଏହା ସମ୍ପୂର୍ଣ୍ଣ ଭାବେ ଆମ ସମ୍ବିଧାନ ଭାବନାକୁ ବଜାୟ ରଖିବା ଏବଂ ଭାରତର ଗଭୀର ଓ ସୁଦୃଢ଼ ଗଣତାନ୍ତ୍ରିକ ପରମ୍ପରା ସହିତ ସମାନ ବୋଲି ରାଷ୍ଟ୍ରପତି କହିଛନ୍ତି।

ନୂଆଦିଲ୍ଲୀ: ମାନବ ସମାଜ ବନକୁ ନିଜ ମନରୁ ଭୁଲି ଯିବାର ଭୁଲ କରିବସୁଛି। ବନ ହେଉଛି ମାନବ ସମାଜର ଜୀବନଦାତା। ରାଷ୍ଟ୍ରପତି ଦ୍ରୌପଦୀ ମୁର୍ମୁ ଆଜି (୨୪ ଏପ୍ରିଲ, ୨୦୨୪) ଇନ୍ଦିରା ଗାନ୍ଧୀ ରାଷ୍ଟ୍ରୀୟ ବନ ଏକାଡେମୀ, ଡେରାଡ଼ୁନଠାରେ ଭାରତୀୟ ବନ ସେବା (୨୦୨୨ ବ୍ୟାଚ୍)ର ଦୀକ୍ଷାନ୍ତ ସମାରୋହରେ ଅଧିକାରୀ ପ୍ରଶିକ୍ଷୁମାନଙ୍କୁ ସମ୍ବୋଧିତ କରି କହିଛନ୍ତି ଯେ ବାସ୍ତବିକତା ଏହା ଯେ ବନ ପୃଥିବୀରେ ଜୀବସତ୍ତାକୁ ସଂରକ୍ଷିତ କରି ରଖିଆସିଛି।

ରାଷ୍ଟ୍ରପତି ଶ୍ରୀମତୀ ମୁର୍ମୁ ଏହି ଅବସରରେ କହିଛନ୍ତି ଯେ ଆଜି ଆମେ ଏନ୍ଥ୍ରୋପୋସିନ୍ ଯୁଗର କଥା କହୁଛୁ, ଯାହା ମାନ କେନ୍ଦ୍ରିତ ବିକାଶର ଯୁଗ । ଏହି ଅବଧିରେ ବିକାଶ ସହିତ ବିନାଶକାରୀ ପରିଣାମ ଆମ ସମ୍ମୁଖରେ ଉଭା ହୋଇଛି । ପ୍ରାକୃତିକ ସଂସାଧନର ନିରନ୍ତର ଦୋହନ ଫଳରେ  ମାନବ ସମାଜ ଏପରି ଏକ ବିନ୍ଦୁରେ ଆସି ପହଞ୍ଚିଛି ଯାହା ଫଳରେ ବିକାଶର ମାନକଗୁଡ଼ିକର ପୁନର୍ମୂଲ୍ୟାୟନ କରିବାକୁ ପଡ଼ିବ । ରାଷ୍ଟ୍ରପତି ମାନବ ସମାଜକୁ ଏହାର ମହତ୍ତ୍ୱକୁ ହୃଦୟଙ୍ଗମ କରିବା ସକାଶେ ପରାମର୍ଶ ଦେଇ କହିଛନ୍ତି ଯେ ଆମେ ପୃଥିବୀର ସକଳ ସଂପଦର ମାଲିକ ନୋହୁ, ବରଂ ଆମେ ଏହାର ଟ୍ରଷ୍ଟି । ଆମର ପ୍ରାଥମିକତା ଗୁଡ଼ିକ ମାନବଶାସ୍ତ୍ରୀୟ ହେବା ସହିତ ପର୍ଯ୍ୟାବରଣ କେନ୍ଦ୍ରିତ ମଧ୍ୟ ହେବା ଆବଶ୍ୟକ । ସେ ଆହୁରି କହିଛନ୍ତି ଯେ କେବଳ ପାରିସ୍ଥିତିକ ପରିବେଶ ସହିତ ଯୋଡ଼ିହୋଇ ରହିଲେ ହିଁ ଆମେ ବାସ୍ତବ ମାନବଶାସ୍ତ୍ରଧର୍ମୀ ହୋଇପାରିବା ।

ରାଷ୍ଟ୍ରପତି କହିଛନ୍ତି ଯେ ବିଶ୍ୱର ଅନେକ ଭାଗରେ ବନ୍ୟ ସମ୍ପଦ ବ୍ୟାପକ ମାତ୍ରାରେ ହ୍ରାସ ପାଇଚାଲିଛି । ବନ୍ୟ ସମ୍ପଦର ହ୍ରାସ ଗୋଟିଏ ଦୃଷ୍ଟିରୁ ବିଚାର କଲେ ମାନବତାର ହ୍ରାସ ବୋଲି ବୁଝା ପଡ଼ିବ । ଏହା ଏକ ସର୍ବଜନବିଦିତ ତଥ୍ୟ ଯେ ବିଶ୍ୱର ଜୈବ ବିବିଧତା ଏବଂ ପ୍ରାକୃତିକ ସୌନ୍ଦର୍ଯ୍ୟର ସଂରକ୍ଷଣ ଏକ ଅତୀବ ମହତ୍ତ୍ୱପୂର୍ଣ୍ଣ କାର୍ଯ୍ୟ ଯାହା ଆମକୁ ଯଥା ଶୀଘ୍ର ସଂପାଦନ କରିବାକୁ ପଡ଼ିବ ।

ରାଷ୍ଟ୍ରପତି କହିଛନ୍ତି ଯେ ବନସମ୍ପଦ ଏବଂ ବନ୍ୟଜୀବମାନଙ୍କ ସଂରକ୍ଷଣ ଏବଂ ସଂବର୍ଦ୍ଧନ  ମାଧ୍ୟମରେ ମାନବ ଜୀବନ ପ୍ରତି ଦେଖା ଦେଇଥିବା ସଂକଟରୁ ଆମେ ଉଦ୍ଧାର ପାଇପାରିବା । ଆମେ ବିଜ୍ଞାନ ଏବଂ ପ୍ରାଦ୍ୟୋଗିକତାର ସହାୟତା ନେଇ ଯଥା ଶୀଘ୍ର ହୋଇଥିବା କ୍ଷୟକ୍ଷତିକୁ ଭରଣା କରିପାରିବା । ଉଦାହରଣ ସ୍ୱରୂପ, ମିୟାବାକି ପଦ୍ଧତିକୁ ଯେକୌଣସି ସ୍ଥାନରେ ପ୍ରବର୍ତ୍ତନ କରାଯାଇ ପାରିବ । କୃତ୍ରିମ ପ୍ରଜ୍ଞା (ଆର୍ଟିଫିସିଆଲ ଇଣ୍ଟେଲିଜେନ୍ସ) ମାଧ୍ୟମରେ ବନୀକରଣ ଏବଂ କ୍ଷେତ୍ରୀୟ ବୈଶିଷ୍ଟ୍ୟ ଜରିଆରେ ବୃକ୍ଷ ପ୍ରଜାତି ନିମନ୍ତେ ଉପଯୁକ୍ତ କ୍ଷେତ୍ର ଚିହ୍ନଟ କରିବାରେ ଆମକୁ ସହାୟତା ପ୍ରାପ୍ତ ହୋଇପାରିବ । ସେ କହିଥିଲେ ଯେ ଏହିଭଳି ବିଭିନ୍ନ ବିକଳ୍ପଗୁଡ଼ିକର ଆକଳନ କରିବା ଏବଂ ଭାରତର ଭୌଗୋଳିକ ପରିସ୍ଥିତିମାନଙ୍କ ସକାଶେ ଉପଯୁକ୍ତ ସମାଧାନର ବିକାଶ ଘଟାଇବାର ଜରୁରି ଆବଶ୍ୟକତା ରହିଛି ।

ରାଷ୍ଟ୍ରପତି କହିଛନ୍ତି ଯେ ବିକାଶ ରଥର ଦୁଇଟି ଚକ ରହିଛି – ଗୋଟିଏ ହେଉଛି ପରମ୍ପରା ଏବଂ ଅନ୍ୟଟି ହେଉଛି ଆଧୁନିକତା । ଆଜି ମାନବ ସମାଜ ଅନେକ ପାରିବେଶିକ ସମସ୍ୟାର କୁଫଳ ଭୋଗ କରୁଛି । ଏହାର ଏକ ମୁଖ୍ୟ କାରଣ ହେଉଛି ଏହାର ଯେ ଗୋଟିଏ ବିଶେଷ ପ୍ରକାର ଆଧୁନିକତା ଆମେ ଆପଣାଇଛୁ । ତାହା ହେଉଛି ଶୋଷଣର ମାନସକତା । ଏହି ପ୍ରକ୍ରିୟାରେ ପାରମ୍ପରିକ ଜ୍ଞାନକୁ ଉପେକ୍ଷା କରାଯାଉଛି ।

ରାଷ୍ଟ୍ରପତି କହିଛନ୍ତି ଯେ ଆଦିବାସୀ ସମାଜ ସଦାସର୍ବଦା ପ୍ରକୃତିର ଶାଶ୍ୱତ ନିୟମକୁ ନିଜର ଜୀବନର ଆଧାର ଭାବରେ ଗ୍ରହଣ କରିଆସିଛନ୍ତି । ଏହି ସମାଜର ଲୋକମାନେ ପ୍ରକୃତିର ସଂରକ୍ଷଣ କରିଥାନ୍ତି । କିନ୍ତୁ, ଅସନ୍ତୁଳିତ ଆଧୁନିକତାର ଆବେଗରେ କିଛି ଲୋକ ଆଦିବାସୀ ସମ୍ପ୍ରଦାୟ ଏବଂ ଅନେକ ସାମୂହିକ ଜ୍ଞାନକୁ ଆଦିମ ବୋଲି ହେତୁ କରିଥାନ୍ତି । ଜଳବାୟୁ ପରିବର୍ତ୍ତନରେ ଆଦିବାସୀ ସମାଜର କୌଣସି ଭୂମିକା ନାହିଁ, କିନ୍ତୁ ଏହାର ଦୁଷ୍ପ୍ରଭାବର ବୋଝ ସେମାନଙ୍କୁ ଅଧିକ ମାତ୍ରାରେ ମୁଣ୍ଡାଇବାକୁ ପଡ଼ୁଛି ।

ରାଷ୍ଟ୍ରପତି କହିଛନ୍ତି ଯେ ଶହ ଶହ ବର୍ଷ ଧରି ଆଦିବାସୀ ସମାଜ ଦ୍ୱାରା ସଂଗ୍ରହ କରାଯାଇଆସିଥିବା ଜ୍ଞାନର ମହତ୍ତ୍ୱକୁ ବୁଝିବା ଏବଂ ପରିବେଶକୁ ଉତ୍ତମ ଓ ସୁରକ୍ଷିତ ରଖିବା ନିମନ୍ତେ ଏହାର ଉପଯୋଗ କରିବା ବେଶ୍ ମହତ୍ତ୍ୱପୂର୍ଣ୍ଣ କଥା । ସେ କହିଛନ୍ତି ଯେ ଏହାର ସାମୂହିକ ଜ୍ଞାନ ଆମକୁ ପାରିସ୍ଥିତିକ ରୂପରେ ଯେତିକି ହିତପ୍ରଦ, ନୈତିକତା ଦୃଷ୍ଟିରୁ ସେତିକି ବାଂଛନୀୟ ଏବଂ ସାମାଜିକ ରୂପରେ ସେତିକି ଉଚିତ ମାର୍ଗ ଯାହା ମାଧ୍ୟମରେ ଆମକୁ ଆଗକୁ ଅଗ୍ରସର ହେବାରେ ସହାୟତା ପ୍ରାପ୍ତ ହୋଇପାରିବ । ସେ ଏହା ଉପରେ ଗୁରୁତ୍ୱ ଆରୋପ କରି କହିଛନ୍ତି ଯେ ଆମମାନଙ୍କୁ ଅନେକ ଭୁଲ୍ ଧାରଣରକୁ ମନରୁ ଦୂର କରିବାକୁ ପଡ଼ିବ ଏବଂ ଆଦିବାସୀ ସମାଜର ସନ୍ତୁଳିତ ଜୀବନ ଶୈଳୀକୁ ଆଦର୍ଶ ଭାବରେ ଶିକ୍ଷାଲାଭ କରିବାକୁ ହେବ । ଆମକୁ ପରିବେଶ ନ୍ୟାୟର ଭାବନାର ସହିତ ଆଗକୁ ଅଗ୍ରସର ହେବାକୁ ପଡ଼ିବ ।

ରାଷ୍ଟ୍ରପତି କହିଛନ୍ତି ଯେ ୧୮ଶ ଏଂ ୧୯ଶ ଶତାବ୍ଦୀରେ ଔଦ୍ୟୋଗିକ ବିପ୍ଳବରେ କାଠ ଏବଂ ଅନ୍ୟ ବନ ଉତ୍ପାଦର ଚାହିଦାକୁ ବୃଦ୍ଧି କରିଥିଲା । ଏହି ଆବଶ୍ୟକତାକୁ ପୂରଣ କରିବା ସକାଶେ ନୂଆ ନୂଆ ନିୟମ, ବିନିୟମ ଏବଂ ବନ ଉପଯୋଗର ଉପାୟର ନୂଆ ନୂଆ ଉପାୟ ଅବଲମ୍ବନ କରାଯାଇଥିଲା । ଏଭଳି ନିୟମ ଏବଂ ବିନିୟମକୁ ଲାଗୁ କରିବା ସକାଶେ ଭାରତୀୟ ବନ ସେବାର ପୂର୍ବବର୍ତ୍ତୀ ସେବା, ଇମ୍ପରିଆଲ ବନ ସେବା ଗଠନ କରାଯାଇଥିଲା । ଏହି ସେବାର ଅଧିଦେଶ ଜନଜାତୀୟ ସମାଜ ଏବଂ ବନ୍ୟ ସମ୍ପଦର ସୁରକ୍ଷା କରିବା ନଥିଲା । ଏହାର ଜନାଦେଶ ଭାରତର ବନ୍ୟ ସଂସାଧନକୁ ଅଧିକତମ ଦୋହନ କରିବା ବ୍ରିଟିଶ୍ ସରକାରଙ୍କ ଉଦ୍ଦେଶ୍ୟକୁ ପ୍ରୋତ୍ସାହିତ କରିବା ଥିଲା ।

ବ୍ରିଟିଶ ଶାସନ କାଳରେ ବନ୍ୟପ୍ରାଣୀଙ୍କୁ ସାମୂହିକ ଭାବରେ ଶିକାର ସମ୍ପର୍କରେ ଉଲ୍ଲେଖ କରି ରାଷ୍ଟ୍ରପତି କହିଥିଲେ ଯେ ଯେତେବେଳେ ସେ କୌଣସି ସଂଗ୍ରହାଳୟ ପରିଦର୍ଶନ କରୁଛନ୍ତି ଯେଉଁଠାରେ ଏଭଳି ଜଙ୍ଗଲର ଜୀବଜନ୍ତୁମାନଙ୍କ ଚମଡ଼ା କିମ୍ବା କଟା ହୋଇଥିବା ମୁଣ୍ଡ କାନ୍ଥରେ ସଜା ହୋଇଥିବା ଦେଖନ୍ତି, ସେତେବେଳେ ତାଙ୍କୁ ଲାଗେ ଯେ ଏଭଳି ବସ୍ତୁ ମାନବ ସଭ୍ୟତାର ପତନର କାହାଣୀ ହିଁ ବଖାଣିଥାଏ ।

ରାଷ୍ଟ୍ରପତି କହିଛନ୍ତି ଯେ ସେ ବିଶ୍ୱାସ କରନ୍ତି ଯେ ଭାରତୀୟ ବନ ସେବାର ଅଧିକାରୀମାନେ ଏଭଳି ଉପନିବେଶବାଦୀ ମାନସିକତା ଏବଂ ପୂର୍ବର ରାଜକୀୟ ବନ ସେବା ଦୃଷ୍ଟିକୋଣରୁ ସମ୍ପୂର୍ଣ୍ଣ ରୂପେ ମୁକ୍ତ ହୋଇ ନିଜର କର୍ତ୍ତବ୍ୟ ସଂପାଦନ କରିବା ଉଚିତ । ସେ କହିଛନ୍ତି ଯେ ଭାରତୀୟ ବନ ସେବାର ଅଧିକାରୀମାନଙ୍କୁ କେବଳ ଭାରତର ପ୍ରାକୃତିକ ସଂସାଧନର ସଂରକ୍ଷଣ ଏବଂ ସମ୍ବର୍ଦ୍ଧନ କରିବା ନୁହେଁ, ଅପରନ୍ତୁ ମାନବତାର ହିତ ସାଧନ ନିମନ୍ତେ ପାରମ୍ପରିକ ଜ୍ଞାନର ମଧ୍ୟ ଉପଯୋଗ କରିବା ଆବଶ୍ୟକ । ରାଷ୍ଟ୍ରପତି ଆଧୁନିକତା ଏବଂ ପରମ୍ପରାକୁ ସମକାଳୀନ କରିବା ଏବଂ ବନବାସୀମାନଙ୍କ ହିତ ସାଧନ ନିମନ୍ତେ ଏହାକୁ ଆଗକୁ ଆଗେଇ ନେବା ଲାଗି ବନ ସମ୍ପଦର ରକ୍ଷା କରିବା ପାଇଁ ଆହ୍ୱାନ ଜଣାଇଥିଲେ । ସେ କହିଛନ୍ତି ଯେ ମାନବ ସଭ୍ୟତାର ଜୀବନ ବନ ଉପରେ ଆଧାରିତ । ତେଣୁ ଏଭଳି ପନ୍ଥା ଆପଣାଇଲେ ବନସେବା ଅଧିକାରୀମାନେ ସକାରାତ୍ମକ ଯୋଗଦାନ କରିପାରିବେ ଏବଂ ଅନ୍ୟମାନଙ୍କୁ ସକ୍ଷମ କରିପାରିବେ ଯାହା ବାସ୍ତବତା ଦୃଷ୍ଟିରୁ ସମାବେଶୀ ଏବଂ ପରିବେଶ ଅନୁକୂଳ ।

ରାଷ୍ଟ୍ରପତି କହିଛନ୍ତି ଯେ ଭାରତୀ ବନ ସେବା ଦେଶକୁ ଅନେକ ଅଧିକାରୀ ପ୍ରଦାନ କରିଛି ଯେଉଁମାନେ ପରିବେଶ ସୁରକ୍ଷା ନିମନ୍ତେ ଅଦ୍ୱିତୀୟ କାର୍ଯ୍ୟ ସଂପାଦନ କରିଛନ୍ତି । ଶ୍ରୀ ପି. ଶ୍ରୀନିବାସ, ଶ୍ରୀ ସଞ୍ଜୟ କୁମାର ସିଂହ, ଶ୍ରୀ ଏସ ମଣିକନ୍ଦନଙ୍କ ଭଳି ଭାରତୀୟ ବନ ସେବା ଅଧିକାରୀମାନଙ୍କ କର୍ତ୍ତବ୍ୟ ସମ୍ପାଦନ ନିମନ୍ତେ ସେମାନଙ୍କର ଜୀବନକୁ ବଳିଦାନ କରିଛନ୍ତି । ରାଷ୍ଟ୍ରପତି ଅଧିକାରୀ ପ୍ରଶିକ୍ଷୁମାନଙ୍କୁ ଆହ୍ୱାନ ଜଣାଇଥିଲେ ଯେ ସେମାନେ ଏହିଭଳି ଅଧିକାରୀମାନଙ୍କୁ ନିଜର ଆଦର୍ଶ ଏବଂ ମାର୍ଗଦର୍ଶକ ଭାବରେ ଗ୍ରହଣ କରନ୍ତୁ ଏବଂ ସେମାନଙ୍କ ଦ୍ୱାରା ପ୍ରଦର୍ଶିତ ମାର୍ଗରେ ଆଗକୁ ଅଗ୍ରସର ହୁଅନ୍ତୁ ।

ରାଷ୍ଟ୍ରପତି ଆଇଏଫଏସ. ଅଧିକାରୀମାନଙ୍କୁ ଆହ୍ୱାନ ଜଣାଇ କହିଛନ୍ତି ଯେ ସେମାନେ ଜନଜାତୀୟ ଲୋକମାନଙ୍କ ନିକଟକୁ ସମୟାନ୍ତରେ ଯାଇ କିଛି ସମୟ ବିତାନ୍ତୁ ଏବଂ ସେମାନଙ୍କର ସ୍ନେହ ଓ ବିଶ୍ୱାସ ଅର୍ଜନ କରନ୍ତୁ । ସେ କହିଛନ୍ତି ଯେ ସେମାନେ ଆଦିବାସୀ ସମାଜର ଉତ୍ତମ ପ୍ରଥାର କିଛି ଶିକ୍ଷାଲାଭ କରିବା ଆବଶ୍ୟକ । ସେମାନେ ଆଦିବାସୀମାନଙ୍କର ଦାୟିତ୍ୱବୋଧର ସ୍ୱାମୀତ୍ୱ ନେବା ଏବଂ ଏକ ରୋଲ ମଡେଲ ଭାବେ ନିଜକୁ ଗଢ଼ିବା ଲାଗି ଆହ୍ୱାନ ଜଣାଇଛନ୍ତି ।