Tag: ବିଧାନସଭା ନିର୍ବାଚନ

ନୂଆଦିଲ୍ଲୀ: ଆସନ୍ତା ପଞ୍ଜାବ ବିଧାନସଭା ନିର୍ବାଚନ ସମ୍ପର୍କରେ କ୍ୟାପଟେନ ଅମରିନ୍ଦର ସିଂ ସୋମବାର ଏକ ବଡ଼ ଘୋଷଣା କରିଛନ୍ତି। ସେ ଭାରତୀୟ ଜନତା ପାର୍ଟି ଏବଂ ଢିଣ୍ଡସା ଦଳ ସହ ମିଶି ନିର୍ବାଚନରେ ​​ପ୍ରତିଦ୍ୱନ୍ଦ୍ୱିତା କରିବେ। ଚଣ୍ଡିଗଡ଼ରେ ଏକ ସାମ୍ବାଦିକ ସମ୍ମିଳନୀରେ ସେ ଏହା ଘୋଷଣା କରିଛନ୍ତି।

ଉଲ୍ଲେଖନୀୟ କଥା ହେଉଛି, ଅମରିନ୍ଦର ସିଂ ରାଜ୍ୟ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେବାପରେ କଂଗ୍ରେସ ଦଳରୁ ଇସ୍ତଫା ଘୋଷଣା କରିଥିଲେ। ଏହା ସହିତ ସେ ନୂଆ ଦଳ ସହିତ ପଞ୍ଜାବ ବିଧାନସଭା ନିର୍ବାଚନରେ ​​ପ୍ରବେଶ କରିବାକୁ ମଧ୍ୟ ଘୋଷଣା କରିଥିଲେ।

ଲକ୍ଷ୍ନୌ: ଉତ୍ତରପ୍ରଦେଶରେ ବିଧାନସଭା ନିର୍ବାଚନ ପୂର୍ବରୁ ଦଳ ପରିବର୍ତ୍ତନ ଯୁଗ ଆରମ୍ଭ ହୋଇଯାଇଛି। ନେତାମାନେ ନିଜର ସୁବିଧା ଏବଂ ଅଭିଳାଷ ଆଧାରରେ ଗୋଟିଏ ପାର୍ଶ୍ୱରୁ ଅନ୍ୟ ପାର୍ଶ୍ୱକୁ ଯାଉଛନ୍ତି। ଏହି ସମୟରେ ସମାଜବାଦୀ ପାର୍ଟି ଅଧ୍ୟକ୍ଷ ତଥା ଉତ୍ତରପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ଅଖିଳେଶ ଯାଦବ ଏକ ବଡ଼ ଦାବି କରିଛନ୍ତି।

ଅଖିଳେଶ ଯାଦବ କହିଛନ୍ତି ଯେ, ସମାଜବାଦୀ ପାର୍ଟିକୁ ଆସିବାକୁ ଚାହୁଁଥିବା ବ୍ୟକ୍ତିଙ୍କୁ ସ୍ୱାଗତ। ସେ ଦାବି କରିଛନ୍ତି ଯେ, ବିଜେପିର ଲୋକମାନେ ଆମ ସହିତ ଯୋଗାଯୋଗ କରୁଛନ୍ତି, କିନ୍ତୁ ଆମେ ସେମାନଙ୍କୁ ସାମିଲ କରିବୁ ନାହିଁ। ଏହାପୂର୍ବରୁ ଅଖିଳେଶଙ୍କ ସହଯୋଗୀ ଓମ ପ୍ରକାଶ ରାଜଭାର ଦାବି କରିଛନ୍ତି ଯେ, ତାଙ୍କ ସହ ଦେଢ ଡଜନ ବିଜେପି ମନ୍ତ୍ରୀ ଯୋଗାଯୋଗ କରୁଛନ୍ତି।

ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ଉପରେ କଟାକ୍ଷ କରି ଅଖିଲେଶ କହିଛନ୍ତି ଯେ, ଯୋଗୀ ଦିନକୁ ୨୪ ଘଣ୍ଟା କାମ କରନ୍ତି। ଏହା ଉପରେ ଆମର କୌଣସି ସନ୍ଦେହ ନାହିଁ। କିନ୍ତୁ ସେ ୨୪ ଘଣ୍ଟା କାମ କରୁଛନ୍ତି, ସେଥିପାଇଁ ଏତେ ପରିମାଣର ବେରୋଜଗାର ଅଛି ଏବଂ ବ୍ୟବସାୟୀଙ୍କ ସହିତ କୃଷକ ଏବଂ ଯୁବକମାନେ ଅସୁବିଧାର ସମ୍ମୁଖୀନ ହେଉଛନ୍ତି। ରୋଜଗାର ହ୍ରାସ ପାଇଛି ଏବଂ ମହଙ୍ଗା ଦ୍ୱିଗୁଣିତ ହୋଇଛି। ପୂର୍ବତନ ମୁଖ୍ୟମନ୍ତ୍ରୀ କହିଛନ୍ତି ଯେ, ବିମୁଦ୍ରୀକରଣ ସମୟରେ ବିଜେପି କହିଥିଲା ଯେ କଳା ଟଙ୍କା ସମସ୍ୟା ଦୂର ହେବ ଏବଂ ଦୁର୍ନୀତି ମଧ୍ୟ ଶେଷ ହେବ। କିନ୍ତୁ ସତ୍ୟ ହେଉଛି ଦୁର୍ନୀତି ଦ୍ୱିଗୁଣିତ ହୋଇଛି।

ନୂଆଦିଲ୍ଲୀ: ପଞ୍ଜାବ ବିଧାନସଭା ନିର୍ବାଚନ ପାଇଁ ପ୍ରଚାର ଜୋରଦାର ହେବା ସହିତ ଆମ୍ ଆଦମୀ ଦଳର ନେତାମାନେ ସେଠାରେ କ୍ୟାମ୍ପ କରି ଶାସକ ଦଳ କଂଗ୍ରେସକୁ ନିରନ୍ତର ଟାର୍ଗେଟ କରୁଛନ୍ତି। ଏଥି ସହିତ କଂଗ୍ରେସ ବର୍ତ୍ତମାନ ନିଷ୍ପତ୍ତି ନେଇଛି ଯେ, ତାଙ୍କ ଘର ଦିଲ୍ଲୀରେ ବିରୋଧ କରିବ। ପଞ୍ଜାବ କଂଗ୍ରେସ ସଭାପତି ନବଜୋତ ସିଂ ସିଦ୍ଧୁ ରବିବାର ଦିନ ଦିଲ୍ଲୀ ମୁଖ୍ୟମନ୍ତ୍ରୀ ତଥା ଆମ୍ ଆଦମୀ ପାର୍ଟିର ସଂଯୋଜକ ଅରବିନ୍ଦ କେଜ୍ରିୱାଲଙ୍କ ବାସଭବନ ବାହାରେ ଅତିଥି ଶିକ୍ଷକମାନଙ୍କ ସହ ଏକ ଧର୍ମଘଟ କରିଛନ୍ତି। ଅତିଥି ଶିକ୍ଷକମାନଙ୍କର ଏକ ଦାବି ଅଛି ଯେ, ସେମାନଙ୍କୁ ସ୍ଥାୟୀ କରାଯିବା ଉଚିତ୍ | ଆପଣଙ୍କୁ କହିବାକୁ ଗଲେ କିଛି ଦିନ ପୂର୍ବେ ଅରବିନ୍ଦ କେଜ୍ରିୱାଲ ମୋହାଲିରେ ଶିକ୍ଷକଙ୍କ ପ୍ରଦର୍ଶନରେ ଭାଗ ନେଇଥିଲେ।

ନବଜୋତ ସିଂ ସିଦ୍ଧୁ ବିରୋଧୀ ଶିକ୍ଷକମାନଙ୍କ ସହ ସ୍ଲୋଗାନ ଦେଉଛନ୍ତି। ଦିଲ୍ଲୀ ସରକାରଙ୍କ ଶିକ୍ଷା ମଡେଲକୁ ଟାର୍ଗେଟ କରିବାକୁ ସେ ଟ୍ୱିଟରର ସାହାଯ୍ୟ ନେଇଛନ୍ତି। ପଞ୍ଜାବରେ ଆମ୍ ଆଦମୀ ପାର୍ଟି ଏହି ଶିକ୍ଷା ମଡେଲକୁ ଏହାର ମୁଖ୍ୟ ସଫଳତା ଭାବରେ ଦର୍ଶାଉଛି।

ଲକ୍ଷ୍ନୌ: ଆଉ କିଛି ଦିନ ପରେ ଉତ୍ତରପ୍ରଦେଶରେ ବିଧାନସଭା ନିର୍ବାଚନ ହେବାକୁ ଯାଉଛି। ବିଭିନ୍ନ ରାଜନୈତିକ ଦଳ ଜନସାଧାରଣଙ୍କୁ ଖୁସି କରିବା ପାଇଁ ଲୋଭନୀୟ ପ୍ରତିଶୃତି ଦେଉଛନ୍ତି। ଏଭଳି ପରିସ୍ଥିତିରେ କଂଗ୍ରେସ ମଧ୍ୟ ଅନ୍ୟ ଦଳ ତୁଳନାରେ ନିଜକୁ ପଛରେ ଦେଖିବାକୁ ଚାହୁଁନାହିଁ। ଏହି କାରଣରୁ ତିନି ଦଶନ୍ଧି ଧରି କ୍ଷମତାର ବନବାସ କାଟୁଥିବା କଂଗ୍ରେସ ଆଉ ଏକ ବଡ଼ ଘୋଷଣା କରିଛି। କଂଗ୍ରେସର ସାଧାରଣ ସମ୍ପାଦକ ତଥା ୟୁପି ଦାୟିତ୍ୱରେ ଥିବା ପ୍ରିୟଙ୍କା ଗାନ୍ଧୀ ରାଜ୍ୟରେ ଦଳ କ୍ଷମତାକୁ ଆସିବା ପରେ ଝିଅମାନଙ୍କୁ ସ୍ମାର୍ଟଫୋନ୍ ଏବଂ ଇଲେକ୍ଟ୍ରୋନିକ୍ ସ୍କୁଟି ଦେବାକୁ ଘୋଷଣା କରିଛନ୍ତି।

ପ୍ରିୟଙ୍କା ଗାନ୍ଧୀ ଗୁରୁବାର ଏକ ଟୁଇଟ୍ କରି କହିଛନ୍ତି ଯେ, “ମୁଁ କିଛି ଛାତ୍ରୀଙ୍କୁ ଭେଟିଥିଲି, ସେମାନେ କହିଥିଲେ ଯେ ସେମାନେ ଅଧ୍ୟୟନ ଏବଂ ସୁରକ୍ଷା ପାଇଁ ସ୍ମାର୍ଟଫୋନ ଆବଶ୍ୟକ କରନ୍ତି। ମୁଁ ଖୁସି ଯେ ମାନିଫେଷ୍ଟୋ କମିଟିର ସହମତି ଯୋଗୁଁ ଦ୍ଵାଦଶ ପାସ୍ କରିଥିବା ଛାତ୍ରୀମାନେ ସ୍ମାର୍ଟଫୋନ୍ ପାଇବେ ଏବଂ ଗ୍ରାଜୁଏଟ ପାସ୍ କରିଥିବା ଛାତ୍ରୀମାନଙ୍କୁ ଇଲେକ୍ଟ୍ରୋନିକ୍ ସ୍କୁଟି ଦେବାକୁ ନିଷ୍ପତ୍ତି ନେଇଛି।

ନିର୍ବାଚନରେ ​​ମହିଳାମାନଙ୍କୁ ୪୦ ପ୍ରତିଶତ ଟିକେଟ୍ ଦେବ କଂଗ୍ରେସ:

ଏହାପୂର୍ବରୁ ପ୍ରିୟଙ୍କା ଗାନ୍ଧୀ ବିଧାନସଭା ନିର୍ବାଚନରେ ​​ମହିଳାମାନଙ୍କୁ ୪୦ ପ୍ରତିଶତ ଟିକେଟ୍ ଦେବାକୁ ଘୋଷଣା କରିଥିଲେ। ଆଗାମୀ ବିଧାନସଭା ନିର୍ବାଚନରେ ​​କଂଗ୍ରେସ ମହିଳାମାନଙ୍କୁ ୪୦ ପ୍ରତିଶତ ଟିକେଟ୍ ଦେବ ବୋଲି ପ୍ରିୟଙ୍କା ମଙ୍ଗଳବାର ଘୋଷଣା କରିଥିଲେ। ସେ କହିଛନ୍ତି ଯେ, ସିଷ୍ଟମରେ ପରିବର୍ତ୍ତନ ଆଣିବାକୁ ଚାହୁଁଥିବା ସମସ୍ତ ମହିଳା ଆଗକୁ ଆସି ନିର୍ବାଚନରେ ​​ପ୍ରତିଦ୍ୱନ୍ଦ୍ୱିତା କରିବାକୁ ସ୍ୱାଗତଯୋଗ୍ୟ। ପ୍ରିୟଙ୍କା ଏକ ସାମ୍ବାଦିକ ସମ୍ମିଳନୀରେ କହିଛନ୍ତି ଯେ, ନିର୍ବାଚନରେ ​​ପ୍ରତିଦ୍ୱନ୍ଦ୍ୱିତା କରିବାକୁ ଚାହୁଁଥିବା ମହିଳା ନଭେମ୍ବର ୧୫ ତାରିଖ ପର୍ଯ୍ୟନ୍ତ ଆବେଦନ କରିପାରିବେ।

ନୂଆଦିଲ୍ଲୀ: ପଞ୍ଜାବରେ ହେବାକୁ ଥିବା ବିଧାନସଭା ନିର୍ବାଚନ ପାଇଁ ବିଜେପି ଏବଂ ରାଜ୍ୟର ପୂର୍ବତନ ମୁଖ୍ୟମନ୍ତ୍ରୀ କ୍ୟାପଟେନ ଅମରିନ୍ଦର ସିଂ ଏକାଠି ହୋଇପାରନ୍ତି। କ୍ୟାପଟେନ ଅମରିନ୍ଦର ସିଂଙ୍କ ଏକ ନୂତନ ଦଳ ଗଠନ ଘୋଷଣା ପରେ ବର୍ତ୍ତମାନ ବିଜେପି ମଧ୍ୟ ତାଙ୍କୁ ସମର୍ଥନ କରିବାକୁ ଘୋଷଣା କରିଛି। ଏହି ପରିପ୍ରେକ୍ଷୀରେ ବିଜେପିର ପଞ୍ଜାବର ଦାୟିତ୍ୱରେ ଥିବା ରାଷ୍ଟ୍ରୀୟ ସାଧାରଣ ସଂପାଦକ ଦୁଶ୍ୟନ୍ତ ଗୌତମ କହିଛନ୍ତି ଯେ, କ୍ୟାପ୍ଟେନ ଅମରିନ୍ଦର ସିଂଙ୍କ ନୂଆ ଦଳ ସହିତ ମିଳିତ ମଞ୍ଚ ପାଇଁ ବିଜେପି ପ୍ରସ୍ତୁତ ଅଛି। ସେ କହିଛନ୍ତି ଯେ ମିଳିତ ମଞ୍ଚ ପାଇଁ ଆମର ଦ୍ୱାର ଖୋଲା ଅଛି, କିନ୍ତୁ ଏହା ଉପରେ କେବଳ ସଂସଦୀୟ ବୋର୍ଡ ନିଷ୍ପତ୍ତି ନେଇପାରିବ।

ସେ କହିଛନ୍ତି ଯେ, ଯେତେବେଳେ ସେ ପଞ୍ଜାବର ଲୋକଙ୍କ ସ୍ୱାର୍ଥ ପ୍ରସଙ୍ଗରେ ଅବହେଳା କଲେ ଆମେ ଏହାକୁ ବିରୋଧ କରିଥିଲୁ। କିନ୍ତୁ ଯେତେବେଳେ ଦେଶର ସୁରକ୍ଷା କଥା, ଯେତେବେଳେ ସୀମାର ସୁରକ୍ଷା କଥା ଆସେ, ଆମେ ତାଙ୍କୁ ମଧ୍ୟ ଅଭିନନ୍ଦନ ଜଣାଉଛୁ। ସେ ସୈନିକ ଥିଲେ। ଆମେ ବିଶ୍ୱାସ କରୁଛୁ ଯେ, ଅମରିନ୍ଦର ସିଂ ଜଣେ ଭଲ ଦେଶପ୍ରେମୀ।

କୃଷକମାନେ ଏବେ ମଧ୍ୟ ଆମ ସହିତ ଅଛନ୍ତି। ଆମେ କୃଷକଙ୍କ ସ୍ୱାର୍ଥ ପାଇଁ ସଂଗ୍ରାମ କରଛୁ। ସେ ମଧ୍ୟ ଚାଷୀଙ୍କ ସ୍ଵାର୍ଥ ବିଷୟରେ କହୁଛନ୍ତି। ଆମେ ଏକାଠି ବସି ଆଲୋଚନା କରିବୁ। କୃଷକଙ୍କ ଆନ୍ଦୋଳନ ବିଷୟରେ ସେ କହିଛନ୍ତି ଯେ ଏହି ଆନ୍ଦୋଳନ ଏକ ରାଜନୈତିକ ଉଦ୍ଦେଶ୍ୟ ପ୍ରଣୋଦିତ ଆନ୍ଦୋଳନ।

ନୂଆଦିଲ୍ଲୀ: ଉତ୍ତରାଖଣ୍ଡରେ ୨୦୨୨ ବିଧାନସଭା ନିର୍ବାଚନ ପୂର୍ବରୁ ରାଜନୀତି ତୀବ୍ର ହୋଇଛି। ଅନ୍ୟପକ୍ଷରେ କ୍ୟାବିନେଟ ମନ୍ତ୍ରୀ ହରକ ସିଂ ରାୱତ ଏବଂ ହରିଶ ରାୱତଙ୍କ ମଧ୍ୟରେ ଶବ୍ଦ ଯୁଦ୍ଧ ମଧ୍ୟ ତୀବ୍ର ହୋଇଛି। ବର୍ତ୍ତମାନ ଉଭୟ ନେତା ପରସ୍ପର ଉପରେ ବ୍ୟକ୍ତିଗତ ଆକ୍ରମଣ କରୁଛନ୍ତି। କ୍ୟାବିନେଟ ମନ୍ତ୍ରୀ ହରକ ସିଂ ରାୱତ ଆଜି ହରିଶ ରାୱତଙ୍କ ବିରୋଧରେ ଅନେକ ଅଭିଯୋଗ କରିଛନ୍ତି। ହରିଶ ରାୱତଙ୍କ ନିକଟବର୍ତ୍ତୀ ଲୋକମାନେ ହରାକ ସିଂ ରାୱତଙ୍କ ଚରିତ୍ର ହତ୍ୟାରେ ଫସେଇବାକୁ ଚେଷ୍ଟା କରୁଥିବା ଅଭିଯୋଗ ହୋଇଛି।

ହରାକ ସିଂ ରାୱତ କହିଛନ୍ତି ଯେ, ଯେତେବେଳେ ସେ ୨୦୧୬ ରେ କଂଗ୍ରେସ ଛାଡିବା ପରେ ହରିଶ ରାୱତଙ୍କ ନିକଟବର୍ତ୍ତୀ ଲୋକମାନେ ଅନେକ ଝିଅଙ୍କ ସହ ଯୋଗାଯୋଗ କରିଥିଲେ। ଏବଂ ସେହି ଝିଅମାନଙ୍କୁ ଟଙ୍କା ଦେଇ ମିଥ୍ୟା ଅଭିଯୋଗ କରି ତାଙ୍କୁ ଫସେଇବାକୁ ଚେଷ୍ଟା କରିଥିଲେ। ଯାହାରା ପ୍ରମାଣ ଅଛି ବୋଲି ହରାକ କହିଛନ୍ତି। କେବଳ ଏତିକି ନୁହେଁ ହରାକ ସିଂ ରାୱତ କହିଛନ୍ତି ଯେ, ୨୦୧୬ ରେ କଂଗ୍ରେସ ଛାଡିବା ପରେ ହରିଶ ରାୱତ ତାଙ୍କୁ ଜେଲ ପଠାଇବା ପାଇଁ ଚେଷ୍ଟା କରିଥିଲେ। କିନ୍ତୁ ହରିଶ ରାୱତ ମୁଖ୍ୟମନ୍ତ୍ରୀ ଥିବାବେଳେ ତାଙ୍କ ବିରୋଧରେ କୌଣସି ପ୍ରମାଣ ପାଇପାରିନଥିଲେ। ତାଙ୍କ ସହସପୁରର ଜମି ମଧ୍ୟ ଯାଞ୍ଚ କରାଯାଇଥିଲା।

ଏଥି ସହିତ ବିଧାନସଭାରେ ଅବସ୍ଥିତ ତାଙ୍କ କାର୍ଯ୍ୟାଳୟକୁ ହରିଶ ରାୱତ ନିଜେ ମୁଖ୍ୟମନ୍ତ୍ରୀ ଥିବା ବେଳେ ବନ୍ଦ କରିଦେଇଥିଲେ। ଜଣେ ମୁଖ୍ୟମନ୍ତ୍ରୀ ଭାବେ ହରିଶ ରାୱତ ବିଧାନସଭାରେ ତାଙ୍କ କାର୍ଯ୍ୟାଳୟକୁ ତାଲା ପକାଇବାକୁ ଯାଇଥିଲେ। ଜଣା ନଥିଲା ତାଙ୍କ କାର୍ଯ୍ୟାଳୟରେ କେଉଁ ଧନ ଲୁଚି ରହିଥିଲା। ସେଥିରେ ହରାକ ସିଂ ଅଟକି ନଥିଲେ। କଂଗ୍ରେସରେ ଥିବାବେଳେ ତାଙ୍କୁ ଦଳ ଫସେଇବାକୁ ଚେଷ୍ଟା କରାଯାଇଥିବା ବେଳେ ବିଜେପି ତାଙ୍କୁ ସମ୍ମାନ ଦେଇଥିଲା।

ଏଥି ସହିତ କଂଗ୍ରେସ ଏହି ଘଟଣାର ଜବାବ ଦେଇ କହିଛି ଯେ, ହରାକ ସିଂ ରାୱତଙ୍କୁ ଏତେ ଦିନ ପରେ କାହିଁକି ଏପରି କଥା ମନେ ପଡିଲା, ତେବେ ସତ୍ୟ କ’ଣ? ଏହି କଥା କେବଳ ହରାକ ସିଂ ଏବଂ ହରିଶ ରାୱତଙ୍କୁ କହିପାରିବେ। କିନ୍ତୁ ୨୦୨୧ ମସିହାରେ ୨୦୧୬ ମସିହାର ବିଷୟରେ କଥାବାର୍ତ୍ତା କରିବାର କୌଣସି ଯଥାର୍ଥତା ନାହିଁ ଏବଂ ହରାକ ସିଂ ରାୱତଙ୍କ ଏହି କଥାରେ କୌଣସି ମୂଲ୍ୟ ନାହିଁ।

ଲକ୍ଷ୍ନୌ: ଉତ୍ତରପ୍ରଦେଶ ବିଧାନସଭା ନିର୍ବାଚନ ପୂର୍ବରୁ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଆଜି ତାଙ୍କ କ୍ୟାବିନେଟକୁ ବିସ୍ତାର କରିଛନ୍ତି। ଯୋଗୀ କ୍ୟାବିନେଟରେ ୭ ଜଣ ନୂତନ ମନ୍ତ୍ରୀ ସ୍ଥାନ ପାଇଛନ୍ତି। କଂଗ୍ରେସ ଛାଡି ବିଜେପିରେ ଯୋଗ ଦେଇଥିବା ଜିତିନ ପ୍ରସାଦଙ୍କୁ ମଧ୍ୟ ମନ୍ତ୍ରୀ କରାଯାଇଛି। ପଲ୍ଟୁ ରାମ, ଛତ୍ରପାଲ ଗଙ୍ଗୱାର, ସଂଗୀତ ବଲୱନ୍ତ ବିନ୍ଦ, ଧର୍ମବୀର ପ୍ରଜାପତି, ସଂଗୀତ କୁମାର ଗୋଣ୍ଡ ଏବଂ ଦୀନେଶ ଖଟିକଙ୍କୁ ମନ୍ତ୍ରୀ କରାଯାଇଛି। ୟୁପିର ତିନିଜଣ ମନ୍ତ୍ରୀ କରୋନାରେ ମୃତ୍ୟୁ ବରଣ କରିଥିଲେ। ସେହି ତିନୋଟି ପଦବୀ ବ୍ୟତୀତ ଅନ୍ୟାନ୍ୟ ପଦବୀ ମଧ୍ୟ ଖାଲି ରହିଥିଲା, ​​ଯାହା ଆଜି ପୂରଣ ହୋଇଛି।

କ୍ୟାବିନେଟ ବିସ୍ତାରରେ ଜାତି ସନ୍ତୁଳନ ଉପରେ ବିଜେପି ଧ୍ୟାନ ଦେଇଛି। ସୂଚନାନୁସାରେ, କ୍ୟାବିନେଟ ବିସ୍ତାରରେ ଜାତି ଏବଂ ସମ୍ପ୍ରଦାୟର ସର୍ବାଧିକ ପ୍ରତିନିଧିତ୍ୱ ନିଶ୍ଚିତ କରିବାକୁ ଉଦ୍ୟମ କରାଯାଇଛି।

ୟୁପି ବିଧାନସଭା ନିର୍ବାଚନ ପୂର୍ବରୁ ଅଧିକରୁ ଅଧିକ ପଛୁଆ ଜାତି, ବିଶେଷକରି ଅଣ ଯାଦବ ଜାତିସଂଘକୁ ଏକାଠି କରିବାକୁ ବିଜେପିର ଉଦ୍ୟମ ଭାବରେ ଏହି କ୍ୟାବିନେଟର ସମ୍ପ୍ରସାରଣ ଦେଖାଯାଉଛି। ୟୁପିରେ ଏସପି ସରକାର ଥିବା ବେଳେ, ଯାଦବମାନଙ୍କୁ ମନ୍ତ୍ରୀମଣ୍ଡଳରେ ଅଧିକ ସ୍ଥାନ ଦିଆଯାଉଥିବା କୁହାଯାଉଥିଲା।

ନୂଆଦିଲ୍ଲୀ: ଉତ୍ତରପ୍ରଦେଶରେ ବିଜେପି ଏବଂ ନିଶାଦ ପାର୍ଟି ମଧ୍ୟରେ ବୁଝାମଣା ହୋଇଛି। ଧର୍ମେନ୍ଦ୍ର ପ୍ରଧାନ ଆଜି ସଞ୍ଜୟ ନିଶାଦଙ୍କୁ ଭେଟିଛନ୍ତି। ଏହା ପରେ ଉଭୟ ଦଳ ଏକ ସାମ୍ବାଦିକ ସମ୍ମିଳନୀ କରିଛନ୍ତି। ଏହି ସମୟରେ ଧର୍ମେନ୍ଦ୍ର ପ୍ରଧାନ କହିଛନ୍ତି ଯେ, ୟୁପି ନିର୍ବାଚନ ପାଇଁ ବିଜେପି ଏବଂ ନିଶାଦ ପାର୍ଟିର ଏକ ଆନୁଷ୍ଠାନିକ ମେଣ୍ଟ ହୋଇଛି। ଆପ୍ନା ଦଳ ମଧ୍ୟ ବିଜେପି ସହ ମିଳିତ ଭାବେ ନିର୍ବାଚନ ଲଢିବ।

ଉତ୍ତରପ୍ରଦେଶର ଆଗାମୀ ବିଧାନସଭା ନିର୍ବାଚନ ପାଇଁ ବିଜେପି ଦାୟିତ୍ୱରେ ଥିବା ଧର୍ମେନ୍ଦ୍ର ପ୍ରଧାନ କହିଛନ୍ତି ଯେ, ୨୦୨୨ ୟୁପି ବିଧାନସଭା ନିର୍ବାଚନ ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ଉପରେ ଲୋକଙ୍କ ବିଶ୍ୱାସ ରହିଛି। ୨୦୨୨ ନିର୍ବାଚନରେ ​​ବିଜେପି ସଫଳ ହେବ।

ଧର୍ମେନ୍ଦ୍ର ପ୍ରଧାନ ଆହୁରି କହିଛନ୍ତି ଯେ, ମୋର ବିଶ୍ୱାସ ୨୦୨୨ ନିର୍ବାଚନରେ ​​ପ୍ରତ୍ୟେକ ସମାଜକୁ ସାଥିରେ ନେବା ପାଇଁ ବିଜେପି ସଫଳ ହେବ।

ନୂଆଦିଲ୍ଲୀ: ୟୁପିରେ ହେବାକୁ ଥିବା ବିଧାନସଭା ନିର୍ବାଚନକୁ ନେଇ ରାଜନୈତିକ ବାତାବରଣ ଗରମ ହୋଇଛି। ନେତାଙ୍କ ମଧ୍ୟରେ ଆରୋପ ପ୍ରତ୍ୟାରୋପ ମଧ୍ୟ ଆରମ୍ଭ ହୋଇଯାଇଛି। ଏହି ସମୟରେ, ‘ଅବା ଜାନ’ ଶବ୍ଦ ପରେ ବର୍ତ୍ତମାନ ‘ଚାଚା ଜାନ’ ଆଲୋଚନା ହେଉଛି। ଭାରତ କିଷାନ ୟୁନିଅନ ମୁଖପାତ୍ର ରାକେଶ ଟିକାଏତ ‘ଚାଚା ଜାନ’ ଶବ୍ଦ ବ୍ୟବହାର କରିଛନ୍ତି। ବାଗପତରେ ଏକ ସଭାରେ ସମ୍ବୋଧିତ କରିବା ଅବସରରେ ଏଆଇଏମ୍ଆଇଏମ୍ ମୁଖ୍ୟ ଅସଦୁଦ୍ଦିନ ଓୱାଇସିଙ୍କୁ ବିଜେପିର ଚାଚା ବୋଲି ଟିକାଏତ କହିଥିଲେ।

ଏହି ସମୟରେ ଟିକାଏତ ବିଜେପି ଉପରେ ଜବରଦସ୍ତ ଆକ୍ରମଣ କରିଥିଲେ। “ବିଜେପିର ଚାଚା ଜାନ ଅସଦୁଦ୍ଦିନ ଓୱାଇସି ୟୁପି ଆସିଛନ୍ତି। ଓୱାଇସି ବିଜେପିକୁ ଦୁର୍ବ୍ୟବହାର କଲେ ମଧ୍ୟ ତାଙ୍କ ବିରୋଧରେ କୌଣସି ମାମଲା ପଞ୍ଜିକୃତ ହେବ ନାହିଁ। କାରଣ ବିଜେପି ଏବଂ ଓୱାଇସି ଗୋଟିଏ ଦଳ।

ସୂଚନାଯୋଗ୍ୟ ଯେ ମୁଖ୍ୟମନ୍ତ୍ରୀ ଯୋଗୀ ପୂର୍ବରୁ ‘ଅବା ଜାନ’ ଶବ୍ଦ ବ୍ୟବହାର କରିଥିଲେ। ରବିବାର ଦିନ, କୁଶୀନଗରରେ ଏକ କାର୍ଯ୍ୟକ୍ରମକୁ ମୁଖ୍ୟମନ୍ତ୍ରୀ ଯୋଗୀ ସମ୍ବୋଧିତ କରିଥିଲେ। ଏହି ସମୟରେ ସେ ଲୋକଙ୍କୁ ପଚରାଯାଇଥିଲା କି, “କଣ ଆପଣମାନେ ରାସନ ପାଉଥିଲେ?” ୨୦୧୭ ମସିହା ପୂର୍ବରୁ ଆପଣମାନଙ୍କୁ ଏହି ରାସନ କେଉଁଠୁ ମିଳୁଥିଲା? କାରଣ ସେତେବେଳେ ‘ଅବା ଜାନ’ ନାମକ ଲୋକମାନେ ରାସନ ଖାଉଥିଲେ। କୁଶିନଗରର ରାସନ ନେପାଳ ଏବଂ ବାଂଲାଦେଶ ଯାଉଥିଲା। ଆଜି ଯଦି କେହି ଗରିବଙ୍କ ରାସନକୁ ହାତ ଲଗାଇବାକୁ ଚେଷ୍ଟା କରିବ, ତେବେ ସେ ନିଶ୍ଚିତ ଭାବରେ ଜେଲ ଯିବ।

ନୂଆଦିଲ୍ଲୀ: ବିଧାନସଭା ନିର୍ବାଚନ ପୂର୍ବରୁ ଭାରତୀୟ ପୋଲିସ ସେବା (ଆଇପିଏସ୍) ର ପୂର୍ବତନ ଅଧିକାରୀ ଅମିତାଭ ଠାକୁର ମଧ୍ୟ ରାଜନୀତିରେ ପ୍ରବେଶ କରିବାକୁ ଯାଉଛନ୍ତି। ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ବିରୋଧରେ ବିଧାନସଭା ନିର୍ବାଚନରେ ​​ପ୍ରତିଦ୍ୱନ୍ଦ୍ୱିତା କରିବାକୁ ଅମିତାଭ ଠାକୁର ମଧ୍ୟ ଘୋଷଣା କରିଛନ୍ତି। ଉତ୍ତରପ୍ରଦେଶ କ୍ୟାଡର ଆଇପିଏସ୍ ଅଧିକାରୀ ଅମିତାଭ ଠାକୁର ସମୟ ପୂର୍ବରୁ ଅବସର ନେଇଥିଲେ। ଆଜି ଏକ ବିବୃତ୍ତିରେ ଠାକୁର କହିଛନ୍ତି ଯେ, ସେ ବିଧାନସଭା ନିର୍ବାଚନରେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ବିରୋଧରେ ପ୍ରତିଦ୍ୱନ୍ଦ୍ୱିତା କରିବେ।

ପୂର୍ବତନ ଆଇପିଏସ୍ କହିଛି ଯେ, ସିଏମ୍ ଯୋଗୀ ଆଦିତ୍ୟନାଥ ତାଙ୍କ କାର୍ଯ୍ୟକାଳ ମଧ୍ୟରେ ସମସ୍ତ ଅଗଣତାନ୍ତ୍ରିକ, ଅରାଜକତା, ଦଳିତ, ଭେଦଭାବପୂର୍ଣ୍ଣ କାର୍ଯ୍ୟ କରିଛନ୍ତି। ଆଦିତ୍ୟନାଥ ଯେଉଁଠାରେ ପ୍ରତିଦ୍ୱନ୍ଦ୍ୱିତା କରନ୍ତୁ ନା କାହିଁକି ତାଙ୍କ ବିରୋଧରେ ସେ ଲଢିବେ।

ଅମିତାଭ ଠାକୁର ଆହୁରି କହିଛନ୍ତି ଯେ, ଏହା ତାଙ୍କ ପାଇଁ ସିଦ୍ଧାନ୍ତର ଯୁଦ୍ଧ, ଯେଉଁଥିରେ ସେ ଭୁଲ ବିରୋଧରେ ନିଜର ପ୍ରତିବାଦ କରିବେ।

ଉଲ୍ଲେଖ ଯୋଗ୍ୟ ଯେ, ଗୃହ ମନ୍ତ୍ରଣାଳୟର ନିଷ୍ପତ୍ତି ଅନୁଯାୟୀ ପୂର୍ବ ଆଇପିଏସଙ୍କୁ ଗତ ମାର୍ଚ୍ଚ ୨୩ ତାରିଖରେ ବାଧ୍ୟତାମୂଳକ ଅବସର ଦିଆଯାଇଥିଲା।

ନୂଆଦିଲ୍ଲୀ: ଆସନ୍ତା ବର୍ଷ ଉତ୍ତରାଖଣ୍ଡରେ ବିଧାନସଭା ନିର୍ବାଚନ ଅନୁଷ୍ଠିତ ହେବ। ଉତ୍ତରାଖଣ୍ଡ ନିର୍ବାଚନକୁ ନେଇ ଆମ ଆଦ୍ମି ପାର୍ଟିର ରାଷ୍ଟ୍ରୀୟ ସଂଯୋଜକ ତଥା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଏକ ବଡ ଘୋଷଣା କରିଛନ୍ତି। ଏହି ପ୍ରରିପ୍ରେକ୍ଷୀରେ ଅରବିନ୍ଦ କେଜ୍ରିୱାଲ ଏକ ବଡ ପ୍ରତିଶ୍ରୁତି ଦେଇଛନ୍ତି। ୨୦୨୨ ମସିହାରେ ହେବାକୁ ଥିବା ଏହି ନିର୍ବାଚନରେ ଆପର ସରକାର ଗଠନ ହେଲେ ପ୍ରତ୍ୟେକ ପରିବାରକୁ ୩୦୦ ୟୁନିଟ ପର୍ଯ୍ୟନ୍ତ ବିଜୁଳି ମୁକ୍ତରେ ମିଳିବ। ଏହାସହ କୃଷକଙ୍କୁ ମୁକ୍ତରେ ବିଜୁଳି ଦିଆଯିବ ଏବଂ ପୁରୁଣା ବିଦ୍ୟୁତ ଦେୟକୁ ମଧ୍ୟ ଛାଡ କରାଯିବ। ରାଜ୍ୟରେ ୨୪ ଘଣ୍ଟିଆ ବିଜୁଳି ବ୍ୟବସ୍ଥା କରାଯିବ। ଦିଲ୍ଲୀ ଭଳି ଉତ୍ତରାଖଣ୍ଡରେ କେବେ ପାୱାର କଟ ହେବ ନାହିଁ ବୋଲି କେଜ୍ରିୱାଲ କହିଛନ୍ତି।

ଅରବିନ୍ଦ ଆଜି ଡେରାଡୁନରେ ଏକ ସାମ୍ବାଦିକ ସମ୍ମିଳନୀରେ କହିଛନ୍ତି ଯେ, ଯେଉଁଭଳି ଚକ୍କିର ଭିତର ପାର୍ଶ୍ଵ ମାଧ୍ୟମରେ ଗହମ ପେସା ଯାଉଛି, ସେହିଭଳି ଉତ୍ତରାଖଣ୍ଡ ଜନତାଙ୍କୁ ଦୁଇଟି ପାର୍ଟି ପେଷି ଚାଲିଛନ୍ତି। ବର୍ତ୍ତମାନ ଶାସକ ଦଳ ପାଖରେ ମୁଖ୍ୟମନ୍ତ୍ରୀ ହେବ ପାଇଁ ନେତା ନାହାନ୍ତି। ଜଣଙ୍କୁ ମୁଖ୍ୟମନ୍ତ୍ରୀ ଆସନରେ ବସାଇ କିଛି ଦିନ ପରେ ତାଙ୍କୁ ଅଯୋଗ୍ୟ ମାନେ କରୁଛି। ଏବଂ ପୁନର୍ବାର ଅନ୍ୟଜଣଙ୍କୁ ବିଜେପି ମୁଖ୍ୟମନ୍ତ୍ରୀ ଆସନରେ ବସାଉଛି।

ଆପ ସଂଯୋଜକ ଆହୁରି କହିଛନ୍ତି ଯେ, ଦେଶରେ ଦର ଦାମ ବଢିବାରେ ଲାଗିଛି। କିନ୍ତୁ ଲୋକଙ୍କ ଆୟ ବଢୁନାହିଁ। ଉତ୍ତରାଖଣ୍ଡ ରାଜ୍ୟ ନିଜେ ବିଦ୍ୟୁତ ଉତ୍ପାଦନ କରୁଛି ଏବଂ ଅନ୍ୟ ରାଜ୍ୟକୁ ବିଜୁଳି ବିକୁଛି। ତେଣୁ ଏଥିରେ ଉତ୍ତରାଖଣ୍ଡ ଜନତାଙ୍କୁ ଏତେ ମହଙ୍ଗାରେ ବିଜୁଳି ଦର ଦେବାକୁ କାହିଁକି ଦେବାକୁ ପଡୁଛି ବୋଲି ସେ ପ୍ରଶ୍ନ କରିଛନ୍ତି।

ନୂଆଦିଲ୍ଲୀ: ପଞ୍ଜାବରେ ହେବାକୁ ଥିବା ବିଧାନସଭା ନିର୍ବାଚନ ଲାଗି ଆମ ଆଦ୍ମି ପାର୍ଟି ଜୋର ଲଗାଇଦେଇଛି। ଆପ ସଂଯୋଜକ ତଥା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଏନେଇ ଆଜି ଏକ ସାମ୍ବାଦିକ ସମ୍ମିଳନୀ କରିଛନ୍ତି। ସାମ୍ବାଦିକ ସମ୍ମିଳନୀରେ ଅରବିନ୍ଦ କହିଛନ୍ତି ଯେ, ପଞ୍ଜାବରେ ଆମ ଆଦ୍ମି ପାର୍ଟି ଜିତିଲେ, ପ୍ରତ୍ୟେକ ପରିବାରକୁ ୩୦୦ ୟୁନିଟ ପର୍ଯ୍ୟନ୍ତ ମୁକ୍ତରେ ବିଜୁଳି ମିଳିବ। ଏହାସହ ରାଜ୍ୟରେ ୨୪ ଘଣ୍ଟିଆ ବିଦ୍ୟୁତ ପାଇଁ ବ୍ୟବସ୍ଥା କରିବେ। ଯେଉଁମାନଙ୍କ ପୁରୁଣା ବିଦ୍ୟୁତ ଦେୟ ବାକି ଥିବେ, ସେମାନଙ୍କୁ ମଧ୍ୟ ମୁକ୍ତ କରାଯିବ।

ଉଲ୍ଲେଖ ଯୋଗ୍ୟ ଯେ, ପଞ୍ଜାବରେ ଆସନ୍ତା ବର୍ଷ ବିଧାନସଭା ନିର୍ବାଚନ ଅନୁଷ୍ଠିତ ହେବ। ହେଲେ ପଞ୍ଜାବରେ ଏବେଠାରୁ ରାଜନୈତିକ ସରଗରମ ଆରମ୍ଭ ହୋଇଗଲାଣି। ରାଜ୍ୟରେ ଶାସକ ଦଳ କଂଗ୍ରେସ ଏବଂ ଶିରୋମଣି ଅକାଳୀ ଦଳ ସହ ଆମ ଆଦ୍ମି ପାର୍ଟି ମଧ୍ୟରେ ଟକ୍କର ଦେବା ଲାଗି ପ୍ରସ୍ତୁତ ଆରମ୍ଭ କରିଦେଇଛି।

ନୂଆଦିଲ୍ଲୀ: ଉତ୍ତରପ୍ରଦେଶରେ ଆସନ୍ତା ବର୍ଷ ବିଧାନସଭା ନିର୍ବାଚନ ହେବ। ହେଲେ ସେଠାରେ ଏବେଠାରୁ ରାଜନୀତି ହଲଚଲ ଆରମ୍ଭ ହୋଇଯାଇଛି। ଏହି ପ୍ରରିପ୍ରେକ୍ଷୀରେ ବହୁଜନ ସମାଜବାଦୀ ପାର୍ଟିର ୯ ଜଣ ବିଧାୟକ ପୂର୍ବତନ ମୁଖ୍ୟମନ୍ତ୍ରୀ ତଥା ସମାଜବାଦୀ ପାର୍ଟିର ମୁଖ୍ୟ ଅଖିଳେଶ ଯାଦବଙ୍କୁ ସାକ୍ଷାତ କରିବାକୁ ଯାଇଥିବା ସୂଚନା ମିଳିଛି।

ଖବର ମୁତାବକ, ବିଏସପିର ଏହି ୯ ବିଧାୟକ ଦଳ ପ୍ରତି ଅସନ୍ତୋଷ ଥିଲେ। ତେବେ ଅଖିଳେଶଙ୍କ ସହ ଏହି ବିଧାୟଙ୍କ ସାକ୍ଷାତ ଖବର ଶୁଣି ରାଜନୈତିକ ମହଲରେ ଅନେକ କଳ୍ପନାଜଳ୍ପନା ଆରମ୍ଭ ହୋଇଯାଇଛି। ବିଏସପିର ଏହି ଅସନ୍ତୋଷ ବିଧାୟକମାନେ ହାତୀ ଛାଡି ସାଇକେଲରେ ବସିବେ ବୋଲି ଅନୁମାନ କରାଯାଉଛି। ଯଦି ଏହା ସତ ହୁଏ, ତେବେ ବିଏସପି ସୁପ୍ରିମୋ ମାୟାବତୀଙ୍କୁ ବଡ ଝଟକା ଲାଗିବ ବୋଲି କୁହାଯାଉଛି।

ନୂଆଦିଲ୍ଲୀ: ଗୁଜୁରାଟ ବିଧାନସଭା ନିର୍ବାଚନ ପୂର୍ବରୁ ଆମ ଆଦ୍ମୀ ପାର୍ଟିକୁ ବିସ୍ତାର କରିବା ପାଇଁ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଆଜି ଅହମ୍ମଦାବାଦ ଗସ୍ତ କରିଛନ୍ତି।  ଆଜି ଅରବିନ୍ଦ ଅହମଦାବାଦରେ ପାର୍ଟିର କାର୍ଯ୍ଯାଳୟର ଉଦଘାଟନ କରିଛନ୍ତି।

ଏହି ଅବସରରେ ଗୁଜୁରାଟକୁ ଏକ ନୂଆ ମଡେଲ ଦେବା ପାଇଁ ଅରବିନ୍ଦ ପ୍ରତିଶୃତି ଦେଇଛନ୍ତି। ସମସ୍ତ ୧୮୨ ଟି ବିଧାନସଭା ଆସନରେ ଲଢିବା ପାଇଁ ସେ ଘୋଷଣା କରିଛନ୍ତି। ଏହାପୂର୍ବରୁ ଗୁଜୁରାଟର କୋଣ ଅନୁକୋଣରେ ଲୋକେ ପରିବର୍ତ୍ତନ ଚାହୁଁଛନ୍ତି ବୋଲି ରାଜ୍ୟ ସଂଯୋଜକ ଗୋପାଳ କହିଛନ୍ତି।

ଉଲ୍ଲେଖ ଯୋଗ୍ୟ ଯେ, ୨୦୨୨ ମସିହାର ଶେଷ ଆଡକୁ ଗୁଜୁରାଟରେ ବିଧାନସଭା ନିର୍ବାଚନ ହେବ। ୨୦ ବର୍ଷ ଧରି ଭାରତୀୟ ଜନତା ପାର୍ଟି ସେଠାରେ ଶାସନ କରିଆସୁଛି।

ଉକ୍ତ ନିର୍ବାଚନରେ ବିଜେପି ଏବଂ କଂଗ୍ରେସ ମଧ୍ୟରେ ସବୁବେଳେ ଦ୍ଵିପାକ୍ଷିକ ଟକ୍କର ହେଉଛି। ହେଲେ ବର୍ତ୍ତମାନ ଆପ ଦଳ ଗୁଜୁରାଟରେ ନିର୍ବାଚନ ଲଢେଇକୁ ଓହ୍ଲାଇବା ଏବଂ କ୍ଷମତାକୁ ଆସିବା ପାଇଁ ପରିଶ୍ରମ କରୁଛି। ଏହାପୂର୍ବରୁ ଫେବୃଆରୀ ମାସରେ ସୁରାଟରେ ଅରବିନ୍ଦ କେଜ୍ରିୱାଲ ରୋଡ ଶୋ କରିଥିଲେ।

ନୂଆଦିଲ୍ଲୀ: ଦୁଇ ବର୍ଷ ପରେ ରାଜସ୍ଥାନର ବିଧାନସଭା ନିର୍ବାଚନ ଅନୁଷ୍ଠିତ ହେବ। ହେଲେ ତାହା ପୂର୍ବରୁ ବିଜେପି ମୁଖ୍ୟାଳୟରେ ବ୍ୟାନର-ପୋଷ୍ଟର ବଦଳାଇ ଦିଆଯାଇଛି। ପାର୍ଟିର ଏହି ନୂଆ ପୋଷ୍ଟରରେ ପୂର୍ବତନ ମୁଖ୍ୟମନ୍ତ୍ରୀ ବସୁନ୍ଧରା ରାଜେଙ୍କ ଫଟୋ ଦେଖିବାକୁ ମିଳିନାହିଁ। ୨୦ ବର୍ଷ ପରେ ଏହା ପ୍ରଥମ ଘଟଣା, ଯାହା ରାଜସ୍ଥାନ ପୋଷ୍ଟର ଆଉ ହୋର୍ଡିଙ୍ଗରେ ରାଜେଙ୍କ ଫଟୋକୁ ରଖାଯାଇନାହିଁ।

ବସୁନ୍ଧରା ୨୦୧୩ରୁ ୨୦୧୮ ମସିହା ପର୍ଯ୍ୟନ୍ତ ରାଜ୍ୟର ମୁଖ୍ୟମନ୍ତ୍ରୀ ଥିଲେ। ଗତ କିଛି ବର୍ଷ ହେଲା ବିଜେପିର ଶୀର୍ଷ ନେତା ଏବଂ ରାଜେଙ୍କ ମଧ୍ୟରେ ତିକ୍ତତା ଲାଗିଥିବା କୁହାଯାଉଛି। ଯାହାଫଳରେ ରାଜସ୍ଥାନ ବିଜେପିରେ ସବୁ କିଛି ଠିକ ଚାଲିନଥିବା ପ୍ରଶ୍ନ ଉଠିବା ଆରମ୍ଭ ହୋଇଯାଇଛି।

ନୂଆଦିଲ୍ଲୀ, ଆସନ୍ତା ବର୍ଷର ପ୍ରଥମ ତିନିମାସ ମଧ୍ୟରେ ଉତ୍ତରପ୍ରଦେଶ, ଉତ୍ତରାଖଣ୍ଡ, ପଞ୍ଜାବ, ମଣିପୁର ଏବଂ ଗୋଆର ବିଧାନସଭା ନିର୍ବାଚନ ପାଇଁ ମତଦାନ ସୁରୁଖୁରୁରେ ହେବ। ଏହା କହିଛନ୍ତି ଭାରତ ମୁଖ୍ୟ ନିର୍ବାଚନ କମିଶନର ସୁଶୀଲ ଚନ୍ଦ୍ର।

ଅଲ ଇଣ୍ଡିଆ ରେଡିଓ ସହିତ ସେ ଏକ ସ୍ୱତନ୍ତ୍ର ସାକ୍ଷାତକାରରେ କହିଛନ୍ତି ଯେ କରୋନା ମହାମାରୀ ପରିସ୍ଥିତିକୁ ଆୟୋଗ ତୀକ୍ଷ୍ମ ନଜର ରଖିଛନ୍ତି। ଦେଶରେ ପ୍ରତିଦିନ ଦେଖାଯାଉଥିବା ନୂତନ ରୋଗୀଙ୍କ ସଂଖ୍ୟା କମିବା ଏବଂ ବହୁ ସଂଖ୍ୟକ ରୋଗୀ ସୁସ୍ଥ ଥିବା ଦୃଷ୍ଟିରୁ ଏହି ମାହାମାରୀ ଖୁବ ଶିଘ୍ର ଅନ୍ତ ହେବ ବୋଲି ସେ କହିଛନ୍ତି।

ଗତ ବିଧାନସଭା ନିର୍ବାଚନରେ ମହାମାରୀ ସମୟରେ ନିର୍ବାଚନ ଆୟୋଗ ସମସ୍ତ ସତର୍କତା ଅବଲମ୍ବନ କରି ସୁଗମ ମତଦାନ ପାଇଁ ସମସ୍ତ ପଦକ୍ଷେପ ନେଇଥିଲେ। ସୁଶୀଲ ଚନ୍ଦ୍ର କହିଛନ୍ତି ଯେ ନିକଟରେ ପାଞ୍ଚଟି ରାଜ୍ୟର ବିଧାନସଭା ନିର୍ବାଚନ ଏବଂ ଏହା ପୂର୍ବରୁ ବିହାର ବିଧାନସଭା ନିର୍ବାଚନରୁ ଆୟୋଗର ପ୍ରୟାସର ସଫଳତା ସ୍ପଷ୍ଟ ହୋଇଛି।

ସେ କହିଛନ୍ତି ଯେ ମହାମାରୀ ସମୟରେ ନିରାପଦ ନିର୍ବାଚନ ସୁନିଶ୍ଚିତ କରିବା ପାଇଁ ଆୟୋଗ ଅନ୍ୟାନ୍ୟ ପଦକ୍ଷେପ ବ୍ୟତୀତ ସ୍ୱାସ୍ଥ୍ୟ ପାଇଁ ନୋଡାଲ ଅଧିକାରୀଙ୍କୁ ନିଯୁକ୍ତ କରିଛନ୍ତି।

ନୂଆଦିଲ୍ଲୀ: ପଶ୍ଚିମବଙ୍ଗ ବିଧାନସଭା ନିର୍ବାଚନର ଭୋଟ ଗଣତି ଜାରି ରହିଛି। ପ୍ରାରମ୍ଭିକ ଗଣନାରେ ତୃଣମୂଳ କଂଗ୍ରେସ ଏବଂ ବିଜେପି ମଧ୍ୟରେ କଡା ଟକ୍କର ଚାଲିଛି। ଏହି ପ୍ରାରମ୍ଭିକ ଗଣନାରେ ମମତା ବାନାର୍ଜୀଙ୍କ ତୃଣମୂଳକୁ ବହୁମତ ସଂଖ୍ୟା ଅତିକ୍ରମ କରିଥିବା ଦେଖାଯାଇଛି।

ହେଲେ ସେପଟେ ମୁଖ୍ୟମନ୍ତ୍ରୀ ନନ୍ଦୀଗ୍ରାମ ଆସନରେ ପଛୁଆ ରହିଛନ୍ତି। ବିଜେପିର ଶୁଭେନ୍ଦୁ ଅଧିକାରୀଙ୍କ ଠାରୁ ମମତା ବାନାର୍ଜୀ ୮ ହଜାର ୧୦୬ ଭୋଟରେ ପଛରେ ଅଛନ୍ତି। ସେହିଭଳି କେନ୍ଦ୍ରମନ୍ତ୍ରୀ ବାବୁଲ ସୁପ୍ରିୟୋ ତାଙ୍କ ନିକଟତମ ପ୍ରତିଦ୍ଵନ୍ଦୀଙ୍କ ଠାରୁ ୧୩ ହଜାର ଭୋଟରେ ପଛରେ ଅଛନ୍ତି।

ତେବେ ମୋଟ ୨୯୨ ଆସନଟି ମଧ୍ୟରୁ (୨୭୬ ଆସନ) ୧୫୨ ଟି ଆସନରେ ତୃଣମୂଳ ଆଗୁଆ ଚାଲିଥିବା ବେଳେ ବିଜେପି ୧୧୯ ଟି ଆସନରେ ଆଗୁଆ ଚାଲିଛି।