ସୀତାରାମ ଅଗ୍ରୱାଲ
ବାଣପୁର: ଖୋର୍ଦ୍ଧା ଜିଲ୍ଲା ଅନ୍ତର୍ଗତ ବାଣପୁର ପଞ୍ଚୁଦୋଳ ଯାତ୍ରା କମିଟିର କୋଷାଧ୍ୟକ୍ଷ ଲୋକପ୍ରିୟ ଯୁବ ସମାଜସେବୀ ସୁବ୍ରତ ଜେନା(ପିଣ୍ଟୁ)ଙ୍କର କରୋନା ଜନିତ ଅକାଳ ବିୟୋଗ ସମଗ୍ର ବାଣପୁର ଅଞ୍ଚଳକୁ ସ୍ତବ୍ଧ କରିଦେଇଛି। ଆଜି ତାଙ୍କର ଏକାଦଶାହ ଉପଲକ୍ଷେ କୋଭିଡ ନିୟମକୁ ସମ୍ମାନ ଜଣାଇ ପଞ୍ଚୁଦୋଳ ଯାତ୍ରା କମିଟି ତରଫରୁ ପଲଟଣ ପଡିଆର ଛାୟା ମଣ୍ଡପ ଠାରେ ଉପଦେଷ୍ଟା କେଦାରେଶ୍ୱର ନନ୍ଦଙ୍କ ସଭାପତିତ୍ୱରେ ଏକ ଶୋକ ସଭା ଅନୁଷ୍ଠିତ ହୋଇଥିଲା।
ତାଙ୍କ ଆତ୍ମାର ସଦଗତି ନିମନ୍ତେ ମା ଭଗବତୀ ଓ ପ୍ରଭୁ ଶ୍ରୀ ଚକାଠାକୁରଙ୍କ ପାଖରେ ପ୍ରଦୀପ ପ୍ରଜ୍ବଳନ ପୂର୍ବକ ତାଙ୍କ ପ୍ରତି ଗଭୀର ଶ୍ରଦ୍ଧାଞ୍ଜଳି ଅର୍ପଣ କରାଯାଇଥିଲା। ସଭାରେ କମିଟିର ଉପସଭାପତି ପ୍ରଫେସର ନଳିନିକାନ୍ତ ପଟ୍ଟନାୟକ, ସଭ୍ୟ ସଂଗ୍ରାମ ସାହୁ, ବାଳମୁକୁନ୍ଦ ଦାସ, ଶିଶିର ଦାସ, ଗୋପୀନାଥ ମହାରଣା, ମହେନ୍ଦ୍ର କୁମାର ରଣସିଂହ, ରବୀନ୍ଦ୍ର ମାର୍ଥା, ନବକିଶୋର ପ୍ରଧାନ, ଶେକ ମୋଇନୁଲ ହକ, ମହେଶ୍ୱର ଜେନା ପ୍ରମୁଖ ବହୁ ସଭ୍ୟ ସ୍ମୃତି ଚାରଣ କରି ପଞ୍ଚୁଦୋଳ ଯାତ୍ରା ପଡ଼ିଆର ପୁନରୁଦ୍ଧାର ଓ ନବୀକରଣରେ ତାଙ୍କର ଅବଦାନ ସ୍ମରଣୀୟ ହୋଇ ରହିପାରିବ ବୋଲି ପ୍ରକାଶ କରିଥିଲେ।
ଏହି ଦୁର୍ଦ୍ଦିନରେ ତାଙ୍କ ପରିବାରକୁ ସମସ୍ତ ପ୍ରକାର ସାହାଯ୍ୟ ସହଯୋଗ ଯୋଗାଇ ଦେବାକୁ ନିଷ୍ପତ୍ତି ଗ୍ରହଣ କରାଗଲା। କମିଟିର ସଭାପତି ତଥା ଚିଲିକା ବିଧାୟକ ପ୍ରଶାନ୍ତ କୁମାର ଜଗଦ୍ଦେବ ମଧ୍ୟ ଶୋକ ପ୍ରକାଶ କରି ଏକ ଶୋକ ବାର୍ତ୍ତା ପ୍ରେରଣ କରିଥିଲେ।