ଚିଲିକା: ଖୋର୍ଦ୍ଧା ଜିଲ୍ଲାପାଳ କେ ସୁଦର୍ଶନ ଚକ୍ରବର୍ତ୍ତି ଗୁରୁବାର ଦିନ ଚିଲିକା ବ୍ଲକ ପରିଦର୍ଶନ କରିଛନ୍ତି। ସେ ଦୀର୍ଘ ସମୟ ଧରି ବ୍ଲକ ଅଫିସରେ ବିଡିଓ ଏବଂ ଅନ୍ୟ ଅଧିକାରୀଙ୍କ ସହିତ ଆଲୋଚନା କରିଥିଲେ। ଏଥିରେ ଚିଲିକା ବ୍ଲକରେ ହେଉଥିବା ବିଭିନ୍ନ ଉନ୍ନୟନ କାର୍ଯ୍ୟ ସଂପର୍କରେ ସମୀକ୍ଷା କରିଥିଲେ। ନିର୍ଦ୍ଦିଷ୍ଠ ସମୟ ମଧ୍ୟରେ ବିଭିନ୍ନ କାର୍ଯ୍ୟ ଶେଷ କରିବାକୁ ସେ ବିଡିଓଙ୍କୁ ନିର୍ଦ୍ଦେଶ ଦେଇଥିଲେ।
କେ ସୁଦର୍ଶନ ଚକ୍ରବର୍ତ୍ତି ଗତ ଜୁନ ମାସରେ ଖୋର୍ଦ୍ଧା ଜିଲ୍ଲାପାଳ ଭାବେ ଯୋଗଦେବା ପରେ ସେ ବିଭିନ୍ନ ଅଞ୍ଚଳ ଗସ୍ତ କରି ଉନ୍ନୟନ କାମର ତଦାରଖ କରୁଛନ୍ତି। ନିକଟରେ ସେ ଚିଲିକା ବ୍ଲକର ବିରିବାଡି ସ୍କୁଲ ପରିଦର୍ଶନ ମଧ୍ୟ କରିଥିଲେ।
Tags: ଖୋର୍ଦ୍ଧା ଜିଲ୍ଲାପାଳ, ଚିଲିକା ବ୍ଲକ
