ସୀତାରାମ ଅଗ୍ରୱାଲ
ବାଣପୁର: ଖୋର୍ଦ୍ଧା ଜିଲ୍ଲା ବାଣପୁର ଥାନା ଅନ୍ତର୍ଗତ ହଳନ୍ଦା ଗ୍ରାମରେ ଏକ ଦୁଃଖଦ ଘଟଣା ଘଟିଯାଇଛି। ଉକ୍ତ ଗ୍ରାମର ସୁଧାକର ବିଶ୍ୱାଳଙ୍କ ପୁତ୍ର ଶ୍ରୀନିବାସ ବିଶ୍ୱାଳ (୪୦)ଙ୍କ ଚିକିତ୍ସାଧୀନ ଅବସ୍ଥାରେ ବାଣପୁର ମେଡିକାଲରେ ମୃତ୍ୟୁ ହୋଇଛି।
ଡାକ୍ତରଙ୍କ ସୂଚନା ମୁତାବକ ଶ୍ରୀନିବାସଙ୍କୁ ଆଜି ମଧ୍ୟାହ୍ନରେ ପରିବାରବର୍ଗ ବାଣପୁର ମେଡିକାଲରେ ଭର୍ତ୍ତି କରିଥିଲେ। ତାଙ୍କର ଜ୍ୱର ହେବା ସହ ପରିସ୍ରା ହେଉନଥିଲା। ତେବେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ଘଟିଛି।
ଖବର ପାଇ ବାଣପୁର ପୋଲିସ ମେଡିକାଲରେ ପହଁଚିଛି। ମେଡିକାଲ ପରିସରରେ ଶୋକାକୁଳ ପରିବେଶ ସୃଷ୍ଟି ହୋଇଛି। ଶବ ବ୍ୟବଚ୍ଛେଦ ରିପୋର୍ଟ ଆସିବା ପରେ ମୃତ୍ୟୁର ପ୍ରକୃତ କାରଣ ଜଣାପଡିବ।