ବାଣପୁର (ସୀତାରାମ ଅଗ୍ରୱାଲ): ମଙ୍ଗଳବାର ସନ୍ଧ୍ୟାରେ ବାଣପୁର ବଡହନ୍ତୁଆଡ଼ ଠାରେ ମସଜିଦର ଇଫତାର ପାର୍ଟିରେ ବିଜେପି ବିଧାୟକ ପ୍ରାର୍ଥୀ ପ୍ରଥ୍ୱୀରାଜ ହରିଚନ୍ଦନ ଯୋଗଦେଇଛନ୍ତି। ନିର୍ବାଚନ ପାଖେଇ ଆସୁଥିବା ବେଳେ ବିଜେଡିର କୌଣସି ପ୍ରାର୍ଥୀ ଘୋଷଣା ହୋଇନାହିଁ, କିନ୍ତୁ ପୃଥ୍ୱୀରାଜଙ୍କୁ ବିଜେପି ପ୍ରାର୍ଥୀ କରିଛି। ଭୋଟରଙ୍କ ସମସ୍ୟାକୁ ବୁଝିବା ପାଇଁ ବିଜେପି ପ୍ରାର୍ଥୀ ଶ୍ରୀଯୁକ୍ତ ହରିଚନ୍ଦନ ଲାଗିପଡିଛନ୍ତି।
ଏହି ପରିପ୍ରେକ୍ଷୀରେ ଚିଲିକାର ପୂର୍ବତନ ବିଧାୟକ ବିଭୁତି ଭୂଷଣ ହରିଚନ୍ଦନ, ଏବଂ ବର୍ତ୍ତମାନର ପ୍ରାର୍ଥୀ ପୃଥ୍ୱୀରାଜଙ୍କ ସହ ବଡହନ୍ତୁଆଡ଼ରେ ଇଫତାର ପାର୍ଟିରେ ଯୋଗ ଦେଇଛନ୍ତି। ଉକ୍ତ ପାର୍ଟିରେ ଯୋଗ ଦେଇ ମୁସଲିମ ଭାଇ ମାନଙ୍କ ସୁବିଧା ଅସୁବିଧା ବୁଝିବା ସହ ସେମାନଙ୍କ ସହ କିଛି ସମୟ ବିତାଇଥିଲେ ଶ୍ରୀଯୁକ୍ତ ହରିଚନ୍ଦନ। ଆଗାମୀ ଦିନରେ ମୁସଲିମ ଭାଇ ଭଉଣୀ ମାନଙ୍କର ପ୍ରତ୍ୟେକ ସୁବିଧା ଅସୁବିଧାକୁ ନିଜର ଭାବି ସମାଧାନ କରିବାକୁ ପ୍ରତିଶୃତି ବଦ୍ଧ ବୋଲି ମତ ରଖିଥିଲେ।
ଶ୍ରୀଯୁକ୍ତ ହରିଚନ୍ଦନଙ୍କ ସହ ବାଣପୁର ଏନଏସି ଅଧ୍ୟକ୍ଷ ପ୍ରାର୍ଥୀ ନନ୍ଦକିଶୋର ମିଶ୍ର, ପୂର୍ବତନ ଅଧ୍ୟକ୍ଷ ସହଦେଵ ନାୟକଙ୍କ ସହ ବହୁ ବିଜେପି କାର୍ଯ୍ୟକର୍ତ୍ତା ଯୋଗ ଦେଇଥିଲେ।