ବାଣପୁର: ବିଦ୍ୟାଳୟ ଶିକ୍ଷାକୁ ଗୁରୁତ୍ଵ ପ୍ରଦାନ କରି ଓଡ଼ିଶା ସରକାରଙ୍କ ଦ୍ବାରା ଜାତୀୟ ଶିକ୍ଷା ନୀତି – ୨୦୨୦ କୁ ଆଧାର କରି ଆସନ୍ତା ଶିକ୍ଷା ବର୍ଷରୁ ଆରମ୍ଭ ହେବାକୁ ଯାଉଥିବା ଶିଶୁ ବାଟିକା ଶ୍ରେଣୀର ୫ ରୁ ୬ ବର୍ଷର ଶିଶୁ ମାନଙ୍କୁ କିପରି ବିଦ୍ୟାଳୟ ଶିକ୍ଷାରେ ସାମିଲ କରାଯିବ ତାହାକୁ ଆଧାର କରି ଶିକ୍ଷକ ଶିକ୍ଷା ନିର୍ଦ୍ଦେଶାଳୟ ଏବଂ ରାଜ୍ୟ ଶିକ୍ଷା ଓ ଗବେଷଣା ପରିଷଦ, ଓଡ଼ିଶା ଦ୍ବାରା ପ୍ରସ୍ତୁତ ଶିଶୁ ବାଟିକା ପ୍ରଶିକ୍ଷଣ ପେଟିକା “ପ୍ରସ୍ତୁତି” କୁ ଆଧାର କରି ବଣପୁର ଗୋଷ୍ଠୀ ଶିକ୍ଷା କାର୍ଯ୍ୟାଳୟ ଅଧିନସ୍ଥ ଗୋଦାବରୀଶ ସରକାରୀ ଉଚ୍ଚ ବିଦ୍ୟାଳୟ , ବାଣପୁର ଠାରେ ୧୧୧ ଜଣ ପ୍ରଶିକ୍ଷାର୍ଥୀ ଙ୍କୁ ନେଇ ତା ୦୭.୦୩.୨୦୨୫ ଠାରୁ ୧୨.୦୩.୨୦୨୫ ରିଖ ପର୍ଯନ୍ତ ପାଞ୍ଚଦିନ ବ୍ୟାପୀ ପ୍ରସ୍ତୁତି ତାଲିମ କାର୍ଯକ୍ରମ କୁ ଆନୁଷ୍ଠାନିକ ଭାବେ ଗୋଷ୍ଠୀ ଶିକ୍ଷା ଅଧିକାରୀ ସି. ଏଚ. ବିଜୟଲକ୍ଷ୍ମୀ ଙ୍କ ଦ୍ଵାରା ଦୁଇଟି ପ୍ରଶିକ୍ଷଣ ଶିବିରକୁ ଉଦ୍ଘାଟନ କରାଯାଇଥିଲା।
ଉକ୍ତ ଶିବିରକୁ ଆଠ ଜଣ ପ୍ରଶିକ୍ଷକ ସି. ଆର. ସି. ସି. ସୂର୍ଯ୍ୟକାନ୍ତ ବେହେରା , ତାପସ ମହାରଣା , ମନୋରଂଜନ ଖୁଣ୍ଟିଆ,ଅଭିମନ୍ୟୁ ସ୍ଵାଇଁ ,ନରେଶ କୁମାର ପଣ୍ଡା ,ଦିବାକର ମୁଦୁଲି, ଜଗନ୍ନାଥ ବାସ୍କେ , ସଞ୍ଜୟ କୁମାର ଭୋଇ ପରିଚାଳନା କରିଥିଲେ। ଜାତୀୟ ପାଠ୍ୟକ୍ରମ ଆଧାରରେ ପ୍ରାରମ୍ଭିକ ସ୍ତରରେ ଧାର୍ଯ୍ୟ କରାଯାଇଥିବା ୧୩ ଟି ପାଠ୍ୟକ୍ରମ ର ଲକ୍ଷକୁ ହାସଲ କରିବା ପାଇଁ ନାଚ , ଗୀତ ,ଖେଳ ମାଧ୍ୟମରେ ଶିଶୁ ବାଟିକା ଶ୍ରେଣୀର ଶିକ୍ଷଣ ଫଳାଫଳ କୁ ହାସଲ କରିବାରେ ସହାୟକ ହେବାର ଗୁରୁତ୍ବକୁ ସହ ଗୋଷ୍ଠୀ ଶିକ୍ଷା ଅଧିକାରୀ ତଥା ମଣ୍ଡଳ ସାଧନ କେନ୍ଦ୍ର ସଂଯୋଜକ ପ୍ରଭାତ କୁମାର ସେଠୀ ବର୍ଣ୍ଣନା କରି ଏହି କାର୍ଯ୍ୟକ୍ରମକୁ ସମାପନ କରିଥିଲେ।
