ଭୁବନେଶ୍ୱର: ପୁରୀ ଜିଲ୍ଲା ବ୍ରହ୍ମଗିରି ବ୍ଲକ ଅନ୍ତର୍ଗତ ସିପସୁରୁବାଲି, ଚାପମାଣିକଠାରେ ଥିବା ଓଡିଶା ଆଦର୍ଶ ବିଦ୍ୟାଳୟର ଛାତ୍ରୀ ଜାତପଦ୍ମା ଦଳାଇ ଶତକଡା ୯୮ ପ୍ରତିଶତ ନମ୍ବର ରଖି ସିବିଏସ୍ ଇ ପରୀକ୍ଷାରେ କୃତୀତ୍ୱର ସହ ପାଶ କରିଛନ୍ତି। ସେ ଦିନକକୁ ୬ରୁ ୭ ଘଣ୍ଟା ଅଧ୍ୟୟନ କରୁଥିଲେ। ଚଳିତ ସିବିଏସଇ ପରୀକ୍ଷାରେ ସେ ଗଣିତରେ ଶତକଡା ୯୯, ସାମାଜିକ ବିଜ୍ଞାନରେ ୯୯, ଓଡିଆରେ ୯୯, ଇରାଜୀରେ ୯୯ ଏବଂ ବିଜ୍ଞାନରେ ଶତକଡା ୯୫ ନମ୍ବର ରଖିଛନ୍ତି।
ଗଡରୋଡଙ୍ଗ ଗ୍ରାମର ଶିବପ୍ରସାଦ ଦଳାଇ ଓ ଦେବସ୍ମିତା ଦଳାଇଙ୍କ ଏକ ମାତ୍ର କନ୍ୟା ଏହି ସଫଳତା ପାଇବା ପରେ ବିଭିନ୍ନ ସ୍ଥାନରୁ ତାଙ୍କ ପାଖକୁ ଶୁଭେଚ୍ଛାର ସୁଅ ଛୁଟିଛି। ଏହି ସଫଳତା ପାଇଁ ସେ ପିତା, ମାତା ଓ ଜେଜେ ବାପା ପୂର୍ଣ୍ଣଚନ୍ଦ୍ର ଦଳାଇଙ୍କ ସହ ବିଦ୍ୟାଳୟର ଶିକ୍ଷକ, ଶିକ୍ଷୟିତ୍ରୀ ତଥା ଗୁରୁଜନମାନଙ୍କୁ ଶ୍ରେୟ ଦେଇଛନ୍ତି। ମୋର ପରିଶ୍ରମ, ଗୁରୁଗୁରୁଜନ ଏବଂ ଭଗବାନଙ୍କ ଆଶୀର୍ବାଦରୁ ଏହି ସଫଳତା ମିଳିଛି ବୋଲି ସେ କହିଛନ୍ତି। ଭବିଷ୍ୟତରେ ସେ ଡାକ୍ତର ହେବାକୁ ଲକ୍ଷ୍ୟ ରଖିଛନ୍ତି।