ବାଣପୁର: ବାଣପୁର ଭଗବତୀ ବିହାରସ୍ଥିତ ସରସ୍ବତୀ ଶିଶୁମନ୍ଦିର ଠାରେ କ୍ରୀଡା ଭାରତୀ ବାଣପୁର ଶାଖା ପକ୍ଷରୁ ଜାତୀୟ କ୍ରୀଡା ଦିବସ ପାଳନ କରାଯାଇଛି। ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ବିଭାଗ ନିରୀକ୍ଷକ ପ୍ରଶାନ୍ତ ପ୍ରଧାନ ଓ ବକ୍ତା ଭାବେ ଅବସର ପ୍ରାପ୍ତ କ୍ରୀଡା ଶିକ୍ଷକ ବୈରାଗୀ ଚରଣ ବଳ ଯୋଗଦେଇ ଦୈନ୍ୟଦିନ କ୍ରୀଡାର ଆବଶ୍ୟକତା ଉପରେ ଆଲୋକପାତ କରି କହିଥିଲେ ଯେ, “ଯେପରି ଧ୍ୟାନ ଚାନ୍ଦ ତାଙ୍କ ଜୀବନରେ ଦୃଢ ଇଚ୍ଛା ଶକ୍ତି ଓ କଠିନ ପରିଶ୍ରମ ବଳରେ ହକିର ଯାଦୁଗର ହୋଇପାରିଥିଲେ, ତେଣୁ କରି ଆମେ ସମସ୍ତେ ସୁସ୍ଥ ଭାରତ ଓ ସମର୍ଥ ଭାରତକୁ ଆଗେଇ ନେବା।”
ସର୍ବଶେଷରେ ଏକ ମୌଖିକ କ୍ରୀଡା ଜ୍ଞାନପ୍ରଶ୍ନ ଉତ୍ତର କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ବିଜୟୀ ଛାତ୍ରଛାତ୍ରୀ ମାନଙ୍କୁ ପୁରସ୍କାର ପ୍ରଦାନ କରାଯାଇଥିଲା। ପ୍ରଧାନ ଗୁରୁଜୀ ଅବିନାଶ ପଟ୍ଟନାୟକ ଧନ୍ୟବାଦ ଦେଇଥିଲେ। ଏହି କାର୍ଯ୍ୟକ୍ରମକୁ ସହ ପ୍ରଧାନ ଗୁରୁଜୀ ବିକାଶ ମିଶ୍ର ଓ କ୍ରୀଡା ଶିକ୍ଷକ କଳ୍ପ ଭଉଣୀ ପରିଚାଳନା କରିଥିଲେ।