ସୀତାରାମ ଅଗ୍ରୱାଲ
ଚିଲିକା: ଆଜି ପୂର୍ବାହ୍ନରେ ଚିଲିକା ନିର୍ବାଚନମଣ୍ଡଳୀ ଚଣ୍ଡେଶ୍ୱର ପଞ୍ଚାୟତ ଅନ୍ତର୍ଗତ ବଡପୋଖରୀଆ ପାଟଣା ଠାରେ ବିଜେପି ପକ୍ଷରୁ ‘ପ୍ରଧାନମନ୍ତ୍ରୀ ମନ କି ବାତ’ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଉକ୍ତ କାର୍ଯ୍ୟକ୍ରମରେ ବିଜେପି ରାଜ୍ୟ ସାଧାରଣ ସମ୍ପାଦକ ପୃଥ୍ଵୀରାଜ ହରିଚନ୍ଦନ, ବିଜେପି ରାଷ୍ଟୀୟ ପ୍ରବକ୍ତା ଡ଼ା ସମ୍ବିତ ପାତ୍ର, ଜିଲ୍ଲା ସାଧାରଣ ସମ୍ପାଦକ ଦୁଷ୍ମନ୍ତ ହରିଚନ୍ଦନ, ଚିଲିକା ବ୍ଲକ ଅଧ୍ୟକ୍ଷା ଜ୍ୟୋଷ୍ଣା ବେହେରାଙ୍କ ସମେତ ବହୁ ବରିଷ୍ଠ ବିଜେପି କାର୍ଯ୍ୟକର୍ତ୍ତା ଯୋଗଦେଇଥିଲେ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବିଭିନ୍ନ ଲୋକାଭିମୁଖୀ କାର୍ଯ୍ୟ ସମ୍ପର୍କରେ ବିସ୍ତୃତ ଆଲୋଚନା କରାଯିବା ସହ ଆଗାମି ସାଧାରଣ ନିର୍ବାଚନରେ ଦଳ କିପରି ବହୁମତରେ ବିଜୟୀ ଲାଭ କରିପାରିବ ସେନେଇ ଶ୍ରୀ ପାତ୍ର କର୍ମୀମାନଙ୍କୁ ଗୁରୁମନ୍ତ୍ର ଦେଇଥିଲେ।
ଅନୁରୂପ ଭାବେ ଜନମାନସରେ ପ୍ରିୟ ଭାଜନ ପାଇଁ ପ୍ରତିଟି ସୁଖଦୁଃଖରେ ଜନତାଙ୍କ ନିକଟତର ହେବାକୁ ଶ୍ରୀ ହରିଚନ୍ଦନ କହିଛନ୍ତି।