ନୂଆଦିଲ୍ଲୀ : ତାଇଓ୍ବାନ ରାଷ୍ଟ୍ରତି ସାଇ ଇଙ୍ଗ୍ ଓ୍ବାନ୍ ଭାରତୀୟ ଖାଦ୍ୟର ପ୍ରଶଂସା କରିଛନ୍ତି । ତାଇଓ୍ବାନ୍ ରାଷ୍ଟ୍ରପତି ଗୁରୁବାର ଏକ ଟୁଇଟ୍ ଜରିଆରେ ଭାରତୀୟ ଖାଦ୍ୟ ମଧ୍ୟରେ ନିଜର ପସନ୍ଦିତା ଖାଦ୍ୟ ସମ୍ପର୍କରେ ସୂଚନା ଦେବା ସହ କହିଛନ୍ତି ଯେ, ତାଇଓ୍ବାନର ଲୋକେ ମଧ୍ୟ ଭାରତୀୟ ବ୍ୟଞ୍ଜନକୁ ବହୁତ ପସନ୍ଦ କରିଥା’ନ୍ତି ।
#Taiwan is lucky to be home to many Indian restaurants, & Taiwanese people love them. I always go for chana masala and naan, while #chai always takes me back to my travels in #India, and memories of a vibrant, diverse & colourful country. What are your favourite Indian dishes? pic.twitter.com/IJbf5yZFLY
— 蔡英文 Tsai Ing-wen (@iingwen) October 15, 2020
ଚଣା ମସଲା ଓ ନାନା ଖାଇବାକୁ ପସନ୍ଦ କରନ୍ତି ବୋଲି କହିଛନ୍ତି ତାଇଓ୍ବାନ ରାଷ୍ଟ୍ରପତି । ଏହା ସହିତ ଭାରତୀୟ ଚା’କୁ ମଧ୍ୟ ମନେ ପକାଇଛନ୍ତି । ତାଇଓ୍ବାନ୍ରେ ମଧ୍ୟ କିଛି ଭାରତୀୟ ରେସ୍ତୋରାଁ ରହିଛି । ତାଇଓ୍ବାନ ବାସିନ୍ଦାମାନେ ଭାରତୀୟ ଖାଦ୍ୟକୁ ପସନ୍ଦ କରିଥା’ନ୍ତି । ସେ ଚଣା ମସଲା ନାନା ଖାଇଲେ ଭାରତ ଗସ୍ତ ସମ୍ପର୍କରେ ମନେ ପକାଇଥା’ନ୍ତି ବୋଲି କହିଛନ୍ତି ତାଇଓ୍ବାନ ରାଷ୍ଟ୍ରପତି । ଭାରତୀୟ ଖାଦ୍ୟ ଖାଇଲେ ବିବିଧତାପୂର୍ଣ୍ଣ ତଥା ରଙ୍ଗ ବେରଙ୍ଗ ଭାରତର ସ୍ମୃତି ସର୍ବଦା ତାଜା ହୋଇଯାଇଥାଏ ବୋଲି କହିଛନ୍ତି ରାଷ୍ଟ୍ରପତି । ତେବେ କେଉଁ ଭାରତୀୟ ବ୍ୟଞ୍ଜନ ତାଙ୍କର ପସନ୍ଦର ଉତ୍ତରେ ସେ ଏକ ଭାରତୀୟ ଥାଳିର ଫଟୋ ସେୟାର କରିଛନ୍ତି । ଏହି ଥାଳିରେ ଭାତ, ନାନ, ସାଲାଡ୍, ଚଣା ମସଲା, ସାଲାଡ୍ ସହିତ ଅନ୍ୟାନ୍ୟ ବ୍ୟଞ୍ଜନ ମଧ୍ୟ ରହିଛି ।
ସୂଚନାଯୋଗ୍ୟ, ଚଳିତ ସପ୍ତାହରେ ତାଇଓ୍ବାନର ରାଷ୍ଟ୍ରପତି ଭାରତକୁ ନେଇ ଏକ ଟୁଇଟ୍ କରିବା ସହିତ । ତାଜମହଲ ପରିଦର୍ଶନର ଏକ ଫଟୋ ସେୟାର କରି ଭାରତୀୟଙ୍କୁ ଧନ୍ୟବାଦ ଜଣାଇଥିଲେ । ଏହା ସହିତ ଟୁଇଟ୍ରେ ଭାରତର ସମସ୍ତ ବନ୍ଧୁଙ୍କୁ ପ୍ରଣାମ ଜଣାଇଥିଲେ ତାଇଓ୍ବାନ ରାଷ୍ଟ୍ରପତି । ଏହା ସହିତ ଭାରତର ସଂସ୍କୃତି, ସ୍ଥାପତ୍ୟକୁ ପ୍ରଶଂସା କରିଥିଲେ ।
ବିଦେଶର ନେତାମାନେ ଭାରତୀୟ ଖାଦ୍ୟକୁ ବେଶ୍ ପସନ୍ଦ କରିଥା’ନ୍ତି । ଲକ୍ଡାଉନ୍ ସମୟରେ ମେ’ ମାସରେ ଅଷ୍ଟ୍ରେଲିଆର ପ୍ରଧାନମନ୍ତ୍ରୀ ସ୍କଟ୍ ମ୍ୟାରିସନ୍ ଘରେ ସିଙ୍ଗଡା ବନାଇ ଏକ ଫଟୋ ସେୟାର କରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଟ୍ୟାଗ୍ କରିଥିଲେ । (ଏଜେନ୍ସି)