ନୂଆଦିଲ୍ଲୀ: ଦେଶରେ କରୋନା ପୁଣି ଥରେ ବୃଦ୍ଧି ପାଇବାରେ ଲାଗିଛି। ଦ୍ରୁତ ଗତିରେ ବଢୁଥିବା ମାମଲା ପ୍ରଶାସନ ଏବଂ ଲୋକଙ୍କ ଚିନ୍ତା ବଢାଉଛି। ଗତ ୨୪ ଘଣ୍ଟା ମଧ୍ୟରେ ଦେଶରେ ୩ ହଜାର ୬୮୮ ଟି ନୂଆ ମାମଲା ପଞ୍ଜିକୃତ ହୋଇଛି, ଯାହା ଗତକାଲିଠାରୁ ଅଧିକ। ଏଥି ସହିତ ଏହି ସମୟ ମଧ୍ୟରେ ମହାମାରୀ ହେତୁ ୫୦ ଜଣଙ୍କର ମୃତ୍ୟୁ ଘଟିଛି। ଏହି ନୂତନ ମାମଲାଗୁଡ଼ିକ ପରେ, ବର୍ତ୍ତମାନ ସକ୍ରିୟ ମାମଲା ସଂଖ୍ୟା ୧୮ ହଜାର ୬୮୪ କୁ ବୃଦ୍ଧି ପାଇଛି। ଏଥି ସହିତ, ଯଦି ଆମେ ଦେଶର ମୋଟ ସଂଖ୍ୟା ବିଷୟରେ କହିବା, ତେବେ ଏହି ସଂଖ୍ୟା ୪ କୋଟି ୩୦ ଲକ୍ଷ ୭୫ ହଜାର ୮୬୨ ରେ ପହଞ୍ଚିଛି। ଏହା ସହିତ ସାରା ଦେଶରେ ମୃତ୍ୟୁ ସଂଖ୍ୟା ୫ ଲକ୍ଷ ୨୩ ହଜାର ୮୦୩ କୁ ବୃଦ୍ଧି ପାଇଛି।
Author: Samikhsya Bureau
ନୂଆଦିଲ୍ଲୀ: ମହାରାଷ୍ଟ୍ରରୁ ଲାଉଡ ସ୍ପିକର ବିବାଦ ପ୍ରଥମେ ଉତ୍ତରପ୍ରଦେଶରେ ପହଞ୍ଚିଥିଲା। ଅତୀତରେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଏହି ବିଷୟରେ ଅନେକ ନିର୍ଦ୍ଦେଶନାମା ଦେଇଥିଲେ ଏବଂ ବିନା ଅନୁମତିରେ ଲାଗିଥିବା ଲାଉଡ ସ୍ପିକର ହଟାଇବାକୁ ନିର୍ଦ୍ଦେଶ ଦେଇଥିଲେ। ଯାହା ପରେ ଏପର୍ଯ୍ୟନ୍ତ ଧାର୍ମିକ ସ୍ଥାନରୁ ୪୫ ହଜାରରୁ ଅଧିକ ଲାଉଡ ସ୍ପିକର ଅପସାରିତ ହୋଇଛି। ଏପ୍ରିଲ ୨୩ ତାରିଖରେ ଏହି ବିଷୟରେ ଏକ ବିଜ୍ଞପ୍ତି ମଧ୍ୟ ଜାରି କରାଯାଇଥିଲା। ଏହା ପରେ ପୋଲିସ କାର୍ଯ୍ୟାନୁଷ୍ଠାନ ଗ୍ରହଣ କରିଥିଲା ଏବଂ ୟୁପିର ବିଭିନ୍ନ ଜିଲ୍ଲାରେ ନିରନ୍ତର ପ୍ରଚାର କରି ଧାର୍ମିକ ସ୍ଥାନରୁ ଲାଉଡ ସ୍ପିକର ହଟାଯାଉଥିଲା। ଏଥି ସହିତ, ଏହା ବ୍ୟତୀତ ୫୮ ହଜାର ୮୬୧ ଲାଉଡ ସ୍ପିକରର ଶବ୍ଦ ଏପର୍ଯ୍ୟନ୍ତ ହ୍ରାସ କରାଯାଇଛି। ଉଲ୍ଲେଖ ଯୋଗ୍ୟ ଯେ, ଶବ୍ଦ ପ୍ରଦୂଷଣକୁ ନିୟନ୍ତ୍ରଣ କରିବା ପାଇଁ ଧାର୍ମିକ ସ୍ଥାନରୁ ଲାଉଡ ସ୍ପିକର ହଟାଇବାକୁ ସୁପ୍ରିମକୋର୍ଟ ନିର୍ଦ୍ଦେଶ ଦେଇଛନ୍ତି। ଉତ୍ତରପ୍ରଦେଶର ଅନେକ ସ୍ଥାନରେ ସୁପ୍ରିମକୋର୍ଟଙ୍କ ନିର୍ଦ୍ଦେଶ…
ଭୁବନେଶ୍ୱର: ଆଜି ରାଜ୍ୟ ଅଣୁ, କ୍ଷୁଦ୍ର, ମଧ୍ୟମ ଉଦ୍ୟୋଗ, ଶକ୍ତି ଓ ଗୃହ ରାଷ୍ଟ୍ର ମନ୍ତ୍ରୀ କ୍ୟାପଟେନ୍ ଦିବ୍ୟଶଙ୍କର ମିଶ୍ର ଖୋର୍ଦ୍ଧା ଜିଲ୍ଲାର ବିଭିନ୍ନ ସାଧାରଣ ଉଦ୍ୟୋଗ ଶିଳ୍ପ( ପବ୍ଲିକ୍ ସେକ୍ଚର ୟୁନିଟ) ପରିଦର୍ଶନ କରି ସେଗୁଡିକର ଦ୍ୱାରା ଉତ୍ପାଦନ, ବିକ୍ରୟ, ମାର୍କେଟିଂ ଓ ସରକାରୀ ପ୍ରୋତ୍ସାହନର ସ୍ଥିତି ସମୀକ୍ଷା କରିବା ସହିତ ଉଦ୍ୟୋଗୀମାନଙ୍କ ସହିତ ସେମାନଙ୍କରସମସ୍ୟାର ସମାଧାନ ସଂପର୍କରେ ଆଲୋଚନା କରିଥିଲେ। ମନ୍ତ୍ରୀ କ୍ୟାପଟେନ ମିଶ୍ର ଖୋର୍ଦ୍ଧା ଜିଲ୍ଲାର ଜାଆଁଳା ଓ ଜଟଣୀସ୍ଥିତ ସାଧାରଣ ଉଦ୍ୟୋଗ, ଖୋର୍ଦ୍ଧା ଖାଦ୍ୟ ପ୍ରକ୍ରିୟାକରଣ ପାର୍କ ସ୍ଥିତ ଇଣ୍ଡୋନେସିଆନ୍ ଫୁଡସ୍ ପ୍ରା.ଲିଃ., ବିଜୟା ଗ୍ୟାସ ଆଇ.ଆଇ.ଡି. ସେଣ୍ଟର ଖୋର୍ଦ୍ଧା, ଖୋର୍ଦ୍ଧା ଶିଳ୍ପାଂଚଳରେ ଥିବା ସେଂଚୁଆରୀ ଫାଇବର ପ୍ଲେଟସ୍ ପ୍ରାଇଭେଟ୍ ଲିଃ, ଡେରାସ୍ ଫୁଡ୍ ପାର୍କ ସ୍ଥିତ ବି-ଓ୍ୱାନ୍ ବିଜନେସ୍ ହାଉସ୍ ପରିଦର୍ଶନ କରିଥିଲେ। ଏହି ଗସ୍ତ ପରିପ୍ରେକ୍ଷୀରେ ମନ୍ତ୍ରୀ ଜାଣିବାକୁ ପାଇଥିଲେ ଯେ ସେଂଚୁଆରୀ ଫାଇବର ପ୍ଲେଟସ୍ ପ୍ରାଇଭେଟ୍ ଲିଃ,୧୫.୦୩ କୋଟି ଟଙ୍କା ଅର୍ଥ…
ନୂଆଦିଲ୍ଲୀ: କରୋନା ପୁଣି ଥରେ ଚୀନର ସମସ୍ୟାକୁ ବଢାଇଦେଇଛି। ଚୀନ୍ ସରକାରଙ୍କ ଜଣେ ବରିଷ୍ଠ ଅଧିକାରୀଙ୍କ ଅନୁଯାୟୀ, ଏହି ସମୟରେ ଚୀନ୍ ଓମିକ୍ରନ୍ ସୁନାମିର ସମ୍ମୁଖୀନ ହୋଇଛି। ଶୁକ୍ରବାର ଦିନ ଦେଶରେ ୨୦ ହଜାରରୁ ଅଧିକ କୋଭିଡ ମାମଲା ରୁଜୁ ହୋଇଛି। ଚାଇନାର ସବୁଠୁ ବଡ ସହର ସାଂଘାଇ ତିନି ସପ୍ତାହରୁ ଅଧିକ ସମୟ ଧରି ତାଲା ପଡିଛି। ସର୍ବସାଧାରଣ ସ୍ଥାନରେ ପ୍ରବେଶ କରିବାକୁ ହେଲେ ଶନିବାର ଠାରୁ ବେଜିଂର ସମସ୍ତ ବାସିନ୍ଦାଙ୍କ ପାଇଁ ୪୮ ଘଣ୍ଟା ମଧ୍ୟରେ କୋଭିଡ-୧୯ ନେଗେଟିଭ ରିପୋର୍ଟ ବାଧ୍ୟତାମୂଳକ କରାଯାଇଛି। ମ୍ୟୁନିସିପାଲିଟି ସରକାର ଶୁକ୍ରବାର ଦିନ ଏହି ସୂଚନା ଦେଇଛନ୍ତି। ରିପୋର୍ଟ ଅନୁଯାୟୀ, ଶୁକ୍ରବାର ଦିନ ବେଜିଂକୁ କୋଭିଡ ପାଇଁ ଉଚ୍ଚ ବିପଦ ଏବଂ ମଧ୍ୟମ ବିପଦ କ୍ଷେତ୍ର ଭାବରେ ଶ୍ରେଣୀଭୁକ୍ତ କରାଯାଇଛି। ଏହା ଅଧୀନରେ, ବେଜିଂରେ ସମୁଦାୟ ବିପଦପୂର୍ଣ୍ଣ ଅଞ୍ଚଳର ସଂଖ୍ୟା ୬ ଏବଂ ମଧ୍ୟମ-ବିପଦପୂର୍ଣ୍ଣ ଅଞ୍ଚଳର ସଂଖ୍ୟା ୧୯ ରହିଛି। ଚୀନ୍ ବୈଦେଶିକ…
ସୀତାରାମ ଅଗ୍ରୱାଲ ବାଣପୁର: ଆଜି ଭୋରରୁ ଖୋର୍ଦ୍ଧା ଜିଲ୍ଲା ବାଣପୁର ଥାନା ୧୬ ନମ୍ବର ଜାତୀୟ ରାଜପଥ ବିଷ୍ଣୁଡ଼ିହ ବାଇପାସରେ ଦୁଇ ଗୋଟି ଟ୍ରକ ଦୁର୍ଘଟଣାଗ୍ରସ୍ତ ହୋଇଛି। ସୂଚନା ମୁତବାକ ବ୍ରହ୍ମପୁରରୁ ଭୁବନେଶ୍ୱର ଅଭିମୁଖେ ଆଗପଛ ହୋଇ ଯାଉଥିବା ଏକ କୋଇଲା ବୋଝେଇ ଟ୍ରକ ଏବଂ ଅନ୍ୟାନ ଜିନିଷ ବୋଝେଇ ଆଉ ଏକ ଟ୍ରକ ପରସ୍ପର ସହ ବିଷ୍ଣୁଡିହ ବାଇପାସ ନିକଟରେ ଧକ୍କା ହୋଇଥିଲେ। ଫଳରେ ଗୋଟାଏ ଟ୍ରକ ରାସ୍ତା ପାର୍ଶ୍ୱକୁ ଖସି ପଡ଼ିଥିବା ବେଳେ ଅନ୍ୟ ଟ୍ରକଟି କ୍ଷତିଗ୍ରସ୍ତ ହୋଇ ରାସ୍ତା ମଝିରେ ଛିଡା ହୋଇଛି। ତେବେ ଉକ୍ତ ଦୁର୍ଘଟଣାରେ ଦୁଇ ଜଣ ଆହତ ହୋଇ ଚିକିତ୍ସିତ ହେଉଥିବା ବେଳେ ବର୍ତ୍ତମାନ ଘଟଣାସ୍ଥଳରେ ପୋଲିସ ପହଞ୍ଚି ରାସ୍ତାରୁ କ୍ଷତିଗ୍ରସ୍ତ ଗାଡିକୁ ବାହାର କରୁଥିବା ଜଣାପଡିଛି।
ଭୁବନେଶ୍ୱର: ଧାନ-ପାନ-ମୀନର ଭୂଇଁ ଢିଙ୍କିଆ ଚାରିଦେଶରେ ଜୀବନ ଜୀବିକା ସୁରକ୍ଷା ପାଇଁ ଜିନ୍ଦଲ କମ୍ପାନୀ ବିରୋଧରେ ଚାଲିଥିବା ଗଣତାନ୍ତ୍ରିକ ଆନ୍ଦୋଳନ ଉପରେ ବଢିଚାଲିଛି ପୋଲିସ୍ ଦମନ ଓ ଅତ୍ୟାଚାର। ଦିନକୁ ଦିନ ପୋଲିସ୍ର ମିଛ ମୋକଦ୍ଦମା, ଗିରଫଦାରୀ ଓ ନିର୍ଯ୍ୟାତନା ବଢିଚାଲିଛି ଓ ଶିଶୁ, ମହିଳା, ବୃଦ୍ଧବୃଦ୍ଧା କେହି ସେଥିରୁ ବାଦ୍ ପଡୁନାହାଁନ୍ତି। ସ୍ୱଚ୍ଛ ଶାସନର ଡ଼ିଣ୍ଡିମ ପିଟି ଅହିଂସାକୁ ସମ୍ବିଧାନର ମୁଖବନ୍ଧରେ ସ୍ଥାନ ଦେବାକୁ ଦାବି କରୁଥିବା ବିଜୁ ଜନତା ଦଳ ଶାସନରେ ସରକାର ଓ କର୍ପୋରେଟ ପ୍ରାୟୋଜିତ ପୋଲିସ୍ ହିଂସା ଦିନକୁ ଦିନ ବଢିଚାଲିଛି। ଏହାକୁ କଦାପି ସହ୍ୟ କରାଯିବ ନାହିଁ ବୋଲି ଘୋଷଣା କରି ରାଜ୍ୟର ପ୍ରମୁଖ ବିରୋଧୀ ଦଳମାନେ ଲୋହିଆ ଏକାଡ଼େମୀ ସଭାଗୃହରେ ଏକାଠି ହୋଇ ଆଗାମୀ ମେ ୪ ତାରିଖରେ ଢିଙ୍କିଆ ଗ୍ରସ୍ତ କରିବେ ବୋଲି ଘୋଷଣା କରିଛନ୍ତି। ପୋଲିସ୍ ନିର୍ଯ୍ୟାତନା, ଗିରଫଦାରୀ ଓ ଦମନର ଶିକାର ହୋଇଥିବା ଢିଙ୍କିଆ ଚାରିଦେଶର ଅଧିବାସୀମାନଙ୍କୁ ଭୋଟିବା…
ଭୁବନେଶ୍ବର: ଆଜି ସକାଳୁ ପାଣିପାଗ ବିଭାଗ ତରଫରୁ ଆସିଛି ଏକ ବଡ ସୂଚନା। ସେହି ଅନୁସାରେ ଆସନ୍ତାକାଲିଠାରୁ ରାଜ୍ୟରେ ଦେଖାଦେବ କାଳବୈଶାଖୀ। ଆସନ୍ତା କାଲିଠାରୁ ୩ ଦିନ ଯାଏଁ ରାଜ୍ୟରେ ବିଭିନ୍ନ ଜିଲ୍ଲାରେ କାଳବୈଶାଖୀ ସମ୍ଭାବନା ରହିଛି। ବଙ୍ଗୋପସାଗର ମଧ୍ୟରୁ ଦକ୍ଷିଣ, ଦକ୍ଷିଣ ପୂର୍ବ ଦିଗରୁ ରାଜ୍ୟ ମଧ୍ୟକୁ ପ୍ରବେଶ କରୁଛି ଜଳୀୟବାଷ୍ପ ପୁର୍ଣବାୟୁ। ଏହାର ପ୍ରଭାବରେ ଏହି କାଳ ବୈଶାଖୀ ସମ୍ଭାବନା ରହିଛି ବୋଲି କୁହାଯାଇଛି। ଏହି କାଳବୈଶାଖୀ ପ୍ରଭାବରେ ୨ ରୁ ୩ ଦିନ ମଧ୍ୟରେ ୨ ଡ଼ିଗ୍ରୀ ଯାଏଁ ଓଡିଶାର ତାପମାତ୍ରା ଖସିବ ବୋଲି ଅନୁମାନ କରାଯାଇଛି। ଅନ୍ୟପକ୍ଷରେ ଆସନ୍ତା ୪ ତାରିଖରେ ଦକ୍ଷିଣ ଆଣ୍ଡାମାନ ସାଗରରେ ଏକ ଘୁର୍ଣ୍ଣିବଳୟ ସୃଷ୍ଟି ହେଉଛି। ଏହାର ପ୍ରଭାବରେ ୫ ତାରିଖ ବେଳକୁ ଲଘୁଚାପ କ୍ଷେତ୍ର ସୃଷ୍ଟି ହେବାର ସମ୍ଭାବନା ମଧ୍ୟ ରହିଛି। ତେବେ ଆଜି ଆଭ୍ୟନ୍ତରୀଣ ଓଡ଼ିଶାରେ ଗ୍ରୀଷ୍ମ ପ୍ରବାହ ପୂର୍ବପରି ଜାରୀ ରହିବାର ସମ୍ଭାବନା ଅଛି।
ଭୁବନେଶ୍ୱର: ଜେମ୍ସ ମୁର୍ଦୋଚ୍ଙ୍କ ଲୁପା ସିଷ୍ଟମ୍ସର ନିବେଶ ସଂସ୍ଥା ବୋଧି ଟ୍ରି ସିଷ୍ଟମ୍ସ ଓ ଉଦୟ ଶଙ୍କର ପ୍ରସାରଣ ସେବା କ୍ଷେତ୍ର ସହ ଜଡ଼ିତ କଂପାନି ଭାୟାକମ୍୧୮ରେ ୧୩,୫୦୦ କୋଟି ଟଙ୍କା ନିବେଶ କରିବା ବିଷୟରେ ଘୋଷଣା କରିଛନ୍ତି। ଉଦୟ ଶଙ୍କର ହେଉଛନ୍ତି ଷ୍ଟାର ଓ ଡିଜ୍ନି ଇଣ୍ଡିଆର ପୂର୍ବତନ ଅଧ୍ୟକ୍ଷ। ମୁକେଶ ଅମ୍ବାନିଙ୍କ କଂପାନି ରିଲାଏନ୍ସ ଇଣ୍ଡଷ୍ଟ୍ରିଜ୍ ସହିତ ତ୍ରିପାକ୍ଷିକ ଭାଗିଦାରୀ ଜରିଆରେ ଏହି ନିବେଶ କରାଯିବ। ଏହା ଦ୍ୱାରା ଦେଶର ସବୁଠୁ ବଡ଼ ଟିଭି ଓ ଡିଜିଟାଲ୍ ଷ୍ଟ୍ରିମିଂ କଂପାନିକୁ ଏକ ଆକାର ମିଳିବ। ଏହି ସହଯୋଗିତା ଜରିଆରେ ରିଲାଏନ୍ସ ଇଣ୍ଡଷ୍ଟ୍ରିଜ୍ର ସମ୍ପୂର୍ଣ୍ଣ ମାଲିକାନାରେ ଥିବା ସଂସ୍ଥା ରିଲାଏନ୍ସ ପ୍ରୋଜେକ୍ଟସ୍ ଆଣ୍ଡ୍ ପ୍ରପର୍ଟି ମ୍ୟାନେଜମେଂଟ୍ ସର୍ଭିସେସ୍ ଲିମିଟେଡ୍ (ଆରପିପିଏମ୍ଏସ୍ଏଲ୍) ୧,୬୪୫ କୋଟି ଟଙ୍କାର ନିବେଶ କରିବ। ଏହା ବ୍ୟତୀତ ଲୋକପ୍ରିୟ ଜିଓ ସିନେମା ଓଟିଟି ଆପ୍କୁ ଭାୟାକମ୍୧୮କୁ ସ୍ଥାନାନ୍ତର କରାଯିବ। ଟେଲିଭିଜନ, ଓଭର ଦି ଟପ୍ (ଓଟିଟି), ବିତରଣ,…
ନୂଆଦିଲ୍ଲୀ: ଆଜି ନୂଆଦିଲ୍ଲୀର ବିଜ୍ଞାନ ଭବନରେ ବସୁଛି ମୁଖ୍ୟମନ୍ତ୍ରୀ ଓ ମୁଖ୍ୟ ବିଚାରପତି ସମ୍ମିଳନୀ। ଏହି ସମ୍ମିଳନୀକୁ ଭାରତର ମୁଖ୍ୟ ବିଚାରପତି ଏବଂ ପ୍ରଧାନମନ୍ତ୍ରୀ ଉଦଘାଟନ କରିବେ। ଏଥିରେ ସମସ୍ତ ରାଜ୍ୟର ମୁଖ୍ୟମନ୍ତ୍ରୀ ଓ ହାଇକୋର୍ଟର ମୁଖ୍ୟ ବିଚାରପତି ଯୋଗଦେବେ। ଶେଷ ଥର ଲାଗି ଏହି ବୈଠକ ଗତ ୨୦୧୬ ଏପ୍ରିଲ ୨୪ରେ ଆୟୋଜିତ ହୋଇଥିଲା । ଏହି ସମ୍ମିଳନୀରେ ଦେଶର ବିଭିନ୍ନ ହାଇକୋର୍ଟର ମୁଖ୍ୟ ବିଚାରପତି, ମୁଖ୍ୟମନ୍ତ୍ରୀ, କେନ୍ଦ୍ର ଆଇନ ମନ୍ତ୍ରୀ ଯୋଗଦେବେ ।ଏହି ବୈଠକରେ ଯୋଗ ଦେବା ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଗତକାଲି ନୂଆଦିଲ୍ଲୀରେ ପହଞ୍ଚିଛନ୍ତି।
ଚାଣକ୍ୟ ନୀତି: ଆଚାର୍ଯ୍ୟ ଚାଣକ୍ୟ ମଣିଷକୁ ଚିହ୍ନିବା ପାଇଁ ବିଭିନ୍ନ ଉପାୟମାନ ତାଙ୍କ ରଚିତ ଚାଣକ୍ୟ ନୀତିରେ ସୁନ୍ଦର ଭାବେ ବର୍ଣ୍ଣନା କରିଛନ୍ତି। ସେଥିରେ ରହିଛି ଆପଣଙ୍କ ସହିତ ଯେଉଁମାନେ ସବୁବେଳେ ପାଖେ ପାଖେ ରୁହନ୍ତି, ସେମାନଙ୍କୁ କିପରି ଚିହ୍ନିବେ। ସେମାନଙ୍କ ମଧ୍ୟରେ ଅଛନ୍ତି ଚାକର, ବନ୍ଧୁ, ମିତ୍ର ଏବଂ ଧର୍ମପତ୍ନୀ। ଆଚାର୍ଯ୍ୟ ଚାଣକ୍ୟଙ୍କ ହିସାବରେ ଆପଣଙ୍କ ଚାକର କେତେ ବିଶ୍ବସ୍ଥ ତାହା ଜାଣିବା ପାଇଁ ତାଙ୍କୁ କୌଣସି କାର୍ଯ୍ୟରେ ନିୟୋଜିତ କରି ନିରକ୍ଷଣ କରନ୍ତୁ। ଦେଖିବେ ସେ ଯଦି ଠିକ ଭାବେ ମନ ଲଗାଇ କାମ କରେ ତେବେ ଜାଣିବେ ଯେ, ସେ ଜଣେ ସଚ୍ଚୋଟ ବ୍ୟକ୍ତି। ସେହିପରି ଆପଣଙ୍କର ସଂପର୍କୀୟ କିମ୍ବା ବନ୍ଧୁବାନ୍ଧବଙ୍କୁ ଚିହ୍ନିବା ପାଇଁ ଉପାୟ ମଧ୍ୟ ଚାଣକ୍ୟ କହିଛନ୍ତି। ତାହା ହେଲା ଯଦି ଦୁଃଖ ସମୟରେ ଆପଣଙ୍କର ସଂପର୍କୀୟମାନେ ପାଖରେ ନ ରୁହନ୍ତି ତେବେ ସେମାନେ ଠିକ୍ ନୁହଁନ୍ତି ବୋଲି ଧରିବାକୁ ପଡିବ। ଆପଣଙ୍କର ମିତ୍ରକୁ…
ମେଷ- ସ୍ଥାୟୀ ସମ୍ପତ୍ତି କାର୍ଯ୍ୟ ବହୁତ ଲାଭ ଦେଇପାରେ। ବେକାରୀ ସମସ୍ୟା ଦୂର କରିବା ପାଇଁ ପ୍ରୟାସ ସଫଳ ହେବ। ଆୟରେ ବୃଦ୍ଧି ଏବଂ ଅଗ୍ରଗତି ଇଚ୍ଛା ହେବ। ଲାଭ ସୁଯୋଗ ଆସିବ। ଅଂଶୀଦାରମାନଙ୍କ ସହଯୋଗ ଠିକ୍ ସମୟରେ ଗ୍ରହଣ କରାଯିବ। ଏକ ଯାତ୍ରା ଯୋଜନା ହେବ। ଘର ବାହାରେ କିଛି ଟେନସନ ହେବ। ସ୍ବାସ୍ଥ୍ୟ ଭଲ ରହିବ। ବୃଷ- ପାର୍ଟୀ ଏବଂ ପିକନିକ୍ ପାଇଁ ଏକ କାର୍ଯ୍ୟକ୍ରମ ପ୍ରସ୍ତୁତ କରାଯିବ। ଆଜି, ଆପଣ ସୁସ୍ୱାଦୁ ଖାଦ୍ୟର ଲାଭ ପାଇବେ । ବ୍ୟବସାୟରେ ବୃଦ୍ଧି ହେବ। ସୃଜନଶୀଳ କାର୍ଯ୍ୟ ସଫଳ ହେବ। କାମ ଆପଣଙ୍କ ମନ ଅନୁସାରେ ହେବ। ସେୟାର ବଜାରରେ ଲାଭ ହେବ। ଚାକିରିରେ ସୁବିଧା ଆସିପାରେ। ବ୍ୟସ୍ତତା ମଧ୍ୟରେ ସ୍ୱାସ୍ଥ୍ୟର ଯତ୍ନ ନିଅନ୍ତୁ। ଟଙ୍କା ସହଜରେ ଗ୍ରହଣ କରାଯିବ। ମିଥୁନ- ଆପଣ ଦୁଃଖଦ ସୂଚନା ପାଇବେ। ଧ୍ୟର୍ଯ୍ୟବାନ ହୁଅନ୍ତୁ। ଧର୍ଯ୍ୟ ଧରନ୍ତୁ। ବେକାର କାର୍ଯ୍ୟରୁ ଦୂରେଇ ରୁହନ୍ତୁ। କୁସଂଗଠାରୁ…
ସୀତାରାମ ଅଗ୍ରୱାଲ ବାଣପୁର: ଖୋର୍ଦ୍ଧା ଜିଲ୍ଲା ବାଣପୁର ଥାନା ୧୬ ନମ୍ବର ଜାତୀୟ ରାଜପଥ କହ୍ନେଇପୁର ଛକରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଯାଇଛି। ଯେଉଁଥିରେ ଜଣେ ବ୍ୟକ୍ତିଙ୍କ ମୃତ୍ୟୁ ହୋଇଛି। ଅସମର୍ଥିତ ସୂତ୍ର ମୁତାବକ ଆଜି ରାତିରେ ଚଣ୍ଡେଶ୍ୱର ଅଞ୍ଚଳର ଏକ ସ୍ବିଫ୍ଟ ଡ଼ିଜୟାର ଏବଂ ବେଲପଡା ଅଞ୍ଚଳର ଏକ ଇଣ୍ଡିଗୋ କାର ଉଭୟେ ଆଗ ପଛ ହୋଇ ଭୁବନେଶ୍ୱରରୁ ବାଲୁଗାଁ ଅଭିମୁଖେ ଆସୁଥିଲେ। ତେବେ ନାଚୁଣୀ ଫାଣ୍ଡି ନିକଟସ୍ଥ କହ୍ନେଇପୁର ଛକରେ ହଠାତ ଉଭୟ ଗାଡ଼ି ମଧ୍ୟରେ ଧକ୍କା ହୋଇଥିଲା। ଫଳରେ ଇଣ୍ଡିଗୋ ଗାଡିଟି ଏକ ଦୋକନ ଭିତରେ ପଶି ବିଦ୍ୟୁତ ଖୁଣ୍ଟ ଭିତରେ ପିଟି ହୋଇଯାଇଥିଲା। ଏବଂ ଉଭୟ ଗାଡ଼ି ଛିଟିକି କରି ଦୂରରେ ପଡ଼ିଥିଲେ। ସ୍ଥାନୀୟ ଜନସାଧାରଣ ଏବଂ ନାଚୁଣୀ ଫାଣ୍ଡି ପୋଲିସ ସାହାଯ୍ୟରେ ଉଭୟ ଗାଡିର ସମସ୍ତ ଯାତ୍ରୀଙ୍କୁ ବାଲୁଗାଁ ମେଡିକାଲ ପଠାଯାଇଥିବା ବେଳେ ଇଣ୍ଡିଗୋ ଗାଡ଼ିରେ ଉପସ୍ଥିତ ଥିବା ଜଣେ ବ୍ୟକ୍ତିଙ୍କ ମୃତ୍ୟୁ…
ଭୁବନେଶ୍ୱର: ଦିବ୍ୟ ଦିଗନ୍ତ ସାମାଜିକ ଅନୁଷ୍ଠାନର ସ୍ୱନକ୍ଷତ୍ର ଉତ୍ସବ ଆଜି ସନ୍ଧ୍ୟା ୬ ଘଟିକା ସମୟରେ ‘ଗୀତଗୋବିନ୍ଦ ସଦନ’ ସଭାଗୃହରେ ଅତି ସୁନ୍ଦର କାର୍ଯ୍ୟକ୍ରମ ମାଧ୍ୟମରେ ସମ୍ପାଦିତ ହୋଇଯାଇଛି। ମୁଖ୍ୟ ଅତିଥି ପ୍ରଫେସର (ଡ଼କ୍ଟର) ଅଶୋକ ମହାପାତ୍ର, ଅନ୍ୟ ଅତିଥି ବୃନ୍ଦ, ଅନୁଷ୍ଠାନର ଅଧ୍ୟକ୍ଷା ମମତା ବିଶ୍ୱାଳ ଓ ସହ-ପ୍ରତିଷ୍ଠାତା ଓ ସଭାପତି ଜୟ ପ୍ରକାଶ ମିଶ୍ରଙ୍କ ଦ୍ୱାରା ଜଗନ୍ନାଥଙ୍କ ପାଦପଦ୍ମରେ ଦୀପଂଜ୍ୟୋତି ବନ୍ଦନା ଗାନ ସହ ପ୍ରଦୀପ ପ୍ରଜ୍ଜ୍ୱଳନ କରଯାଇଥିଲା, ଅତିଥିମାନଙ୍କୁ ଉତ୍ତରୀୟ ଓ ନିଆରା ଢ଼ଙ୍ଗରେ ଏକ ‘କର୍ପୁର ତୁଳସୀ’ର ଚାରା ପ୍ରଦାନ ପୂର୍ବକ ସମ୍ବର୍ଦ୍ଧିତ କରାଯିବା ପରେ ସରସ୍ୱତୀ ବନ୍ଦନା ଓ ବନ୍ଦେ ଉତ୍କଳ ଜନନୀ ଗାନ ସହ ସଭାକାର୍ଯ୍ୟ ଅନୁଷ୍ଠାନିକ ଭାବେ ଆରମ୍ଭ କରାଯାଇଥିଲା। ବିଗତ ବର୍ଷମାନଙ୍କର କାର୍ଯ୍ୟବଳୀର ବିବରଣୀ ଅତିଥିମାନଙ୍କ ଦ୍ୱାରା ଉନ୍ମୋଚନ ହେବାସହ ସଭାପତି ଜୟ ପ୍ରକାଶ ମିଶ୍ର ଏହାକୁ ପାଠ କରିଥିଲେ। ମମତା ବିଶ୍ୱାଳ ଆଗାମୀ ଦିନରେ ହେବାକୁ ଥିବା କାର୍ଯ୍ୟାବଳୀର…
ସୀତାରାମ ଅଗ୍ରୱାଲ ଚିଲିକା: ଶୁକ୍ରବାର ଦିନ ଖୋର୍ଦ୍ଧା ଜିଲ୍ଲା ଚିଲିକା ବ୍ଲକର ୮ଟି ପରୀକ୍ଷା କେନ୍ଦ୍ରରେ ୧୪୦୦ ଜଣ ପରୀକ୍ଷାର୍ଥୀ ମାଟ୍ରିକ ପରୀକ୍ଷା ଦେଇଥିବା ବେଳେ ବାଣପୁର ବ୍ଲକର ୮ଟି ପରୀକ୍ଷା କେନ୍ଦ୍ରରେ ୧୯୭୮ ଜଣ ପରୀକ୍ଷାର୍ଥୀ ମାଟ୍ରିକ ପରୀକ୍ଷା ଦେଇଥିବାର ଜଣାପଡିଛି। କରୋନା କଟକଣା ଯୋଗୁଁ ଦୀର୍ଘ ଦୁଇ ବର୍ଷ ଧରି ଅଫଲାଇନ ପରୀକ୍ଷା ହୋଇନଥିଲା। ଦୀର୍ଘ ସମୟ ବ୍ୟବଧାନ ପରେ ଅଫଲାଇନ ପରୀକ୍ଷା ଦେଉଥିବାରୁ ଛାତ୍ରଛାତ୍ରୀଙ୍କ ମନରେ ଉତ୍କଣ୍ଠା ପରିଲକ୍ଷିତ ହୋଇଥିଲା। ପରୀକ୍ଷା କେନ୍ଦ୍ରରେ କୌଣସି ବିଶୃଙ୍ଖଳା ନହେବା ପାଇଁ ପୁଲିସ ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଥିଲା। ଚଳିତ ବର୍ଷ ମାଟ୍ରିକ ପରୀକ୍ଷା ପାଇଁ ଚିଲିକା ବ୍ଲକ ରେ ୧୫୦୮ ଜଣ ଛାତ୍ରଛାତ୍ରୀ ଫର୍ମ ପୂରଣ କରିଥିବାବେଳେ ପ୍ରଥମ ଦିନ ପରୀକ୍ଷାରେ ୧୦୮ ଜଣ ଛାତ୍ରଛାତ୍ରୀ ଅନୁପସ୍ଥିତ ଥିଲେ। ସେହିପରି ଭାବେ ବାଣପୁର ବ୍ଲକରେ ୨୧୦୦ ଜଣ ଛାତ୍ରଛାତ୍ରୀ ଫର୍ମ ପୂରଣ କରିଥିବାବେଳେ ପ୍ରଥମ ଦିନ ପରୀକ୍ଷାରେ ୧୨୨…
ଭୁବନେଶ୍ୱର: ଆଇନ୍ ସେବାରେ ବିଶେଷ ଅବଦାନ ପାଇଁ ବରିଷ୍ଠ ଆଇନ୍ଜୀବୀ କିଶୋର ଚନ୍ଦ୍ର କରଙ୍କୁ ‘ଉତ୍କଳ ଗୌରବ ମଧୁସୂଦନ’ ସମ୍ମାନରେ ସମ୍ମାନିତ କରାଯାଇଛି। ଭୁବନେଶ୍ୱର ବାର୍ ଆସୋସିଏସନ ପକ୍ଷରୁ ଆୟୋଜିତ ଉତ୍କଳ ଗୌରବ ମଧୁସୂଦନ ଦାସଙ୍କ ଜୟନ୍ତୀ ଅବସରରେ ଶ୍ରୀ କରଙ୍କୁ ମୁଖ୍ୟ ଅତିଥି ଭାବେ ଯୋଗଦେଇ ଓଡ଼ିଶା ଉଚ୍ଚ ନ୍ୟାୟାଳୟର ଜଷ୍ଟିସ୍ ଚିତ୍ତରଞ୍ଜନ ଦାସ ଓ ଭି. ନରସିଂହ ଏହି ସମ୍ମାନ ପ୍ରଦାନ କରିଥିଲେ। ଏବେ ଉତ୍କଳ ଚାମ୍ବର ଅଫ୍ କମର୍ସର କାର୍ଯ୍ୟନିବାହୀ ସଦସ୍ୟ ଥିବା କିଶୋର ଚନ୍ଦ୍ର କର ପୂର୍ବରୁ ଭୁବନେଶ୍ୱର ବାର୍ ଆସୋସିଏସନର ସଭାପତି, ଭୁବନେଶ୍ୱର ଲାୟନ୍ସ କ୍ଲବର ସଭାପତି ଏବଂ ହାଇକୋର୍ଟରେ ଆଇନ୍ଜୀବୀ ଭାବେ କାର୍ଯ୍ୟରତ ଥିଲେ। ଜଣେ ବରିଷ୍ଠ ଦିୱାନ ଆଇନ୍ଜୀବୀ ଭାବେ ସେ ସାରା ଓଡ଼ିଶାରେ ପରିଚିତ।
ବେଙ୍ଗାଲୁରୁ/ଭୁବନେଶ୍ୱର: କେନ୍ଦ୍ର ଶିକ୍ଷା, ଦକ୍ଷତା ବିକାଶ ଏବଂ ଉଦ୍ୟମିତା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଶୁକ୍ରବାର ଭାରତୀୟ ବିଜ୍ଞାନ ସଂସ୍ଥା (ଆଇଆଇଏସସି), ବେଙ୍ଗାଲୁର ଠାରେ ଆୟୋଜିତ ଏକ ସ୍ୱତନ୍ତ୍ର କାର୍ଯ୍ୟକ୍ରମରେ ଜାତୀୟ ଶିକ୍ଷା ନୀତିର କଳ୍ପନା ଏବଂ ଯଥାର୍ଥତାକୁ ବାସ୍ତବ ରୂପ ଦେବା ପାଇଁ ପଥ ପରିଷ୍କାର କରୁଥିବା ଜାତୀୟ ପାଠ୍ୟକ୍ରମ ରୂପରେଖ (ଏନସିଏଫ୍)ର ଆଧିକାରିକ ନିର୍ଦ୍ଦେଶ ପତ୍ରର ଶୁଭାରମ୍ଭ କରିଛନ୍ତି। ଏହି ଅବସରରେ କେନ୍ଦ୍ରମନ୍ତ୍ରୀ ଶ୍ରୀ ପ୍ରଧାନ କହିଛନ୍ତି ଯେ ଭାରତୀୟ ବିଜ୍ଞାନ ସଂସ୍ଥା, ବେଙ୍ଗାଲୁରୁ ସହ ଜଡ଼ିତ ସିଭି ରମଣ, ଡ଼. ହୋମି ଭାବା, ବିକ୍ରମ ସାରାଭାଇ, ଡ଼ା. ଏପିଜେ ଅବଦୁଲ କଲାମଙ୍କ ଭଳି ଅନେକ ପ୍ରତିଭାବାନ ବ୍ୟକ୍ତି ଦେଶର ଭାଗ୍ୟ ପରିବର୍ତ୍ତନ କରିଛନ୍ତି। ଏଭଳି ଏକ ସ୍ଥାନରେ ଆମର ଭବିଷ୍ୟତର ଦସ୍ତାବିଜକୁ ଶୁଭାରମ୍ଭ କରିବା ଗୌରବର ବିଷୟ। ଯଦି ଜାତୀୟ ଶିକ୍ଷା ନୀତି ହେଉଛି ସିଦ୍ଧାନ୍ତ ତେବେ ଜାତୀୟ ପାଠ୍ୟକ୍ରମ ରୂପରେଖ ବା ଏନସିଏଫ ହେଉଛି ପଥ ପ୍ରଦର୍ଶକ…
ଭୁବନେଶ୍ବର: କୋଭିଡ-୧୯ ମାମଲାର ସଂଖ୍ୟା ହ୍ରାସକୁ ଦୃଷ୍ଟିରେ ରଖି ଭାରତୀୟ ରେଳବାଇ ମାର୍ଚ୍ଚ ୨୦୨୨ ର ଦ୍ୱିତୀୟ ସପ୍ତାହରେ ଟ୍ରେନରେ ବେଡ଼ରୋଲ/ ଲିନେନ ସେବା ପୁନଃ ଆରମ୍ଭ କରିବାକୁ ଘୋଷଣା କରିଥିଲା ଏବଂ ଯାତ୍ରୀମାନଙ୍କ ସୁବିଧା ପାଇଁ ଜୋନାଲ ରେଳବାଇକୁ ପୁନ ପ୍ରଚଳନ କରିବାକୁ ପରାମର୍ଶ ଦେଇଥିଲା। ମହାମାରୀ ସମୟରେ କୋଭିଡ-୧୯ ର ପ୍ରସାରକୁ ରୋକିବା ପାଇଁ, ଟ୍ରେନ୍ ଦ୍ୱାରା ଯାତ୍ରୀମାନଙ୍କ ଯାତାୟାତକୁ ବାତିଲ କରାଯାଇଥିଲା ଯାହାକି ଟ୍ରେନ୍ ଭିତରେ ବେଡ଼ରୋଲ/ ଲିନେନ (ଚାଦର, ତକିଆ, କମ୍ବଳ ଓ ଟାୱେଲ), ଏବଂ ପରଦା ଉପରେ ପ୍ରତିବନ୍ଧକ ଲଗାଇଥିଲା। ସମସ୍ତ ଟ୍ରେନର ଶୀତତାପ ନିୟନ୍ତ୍ରିତ କୋଚରେ ଯାତ୍ରୀମାନଙ୍କୁ ଦୀର୍ଘ ଯାତ୍ରା ସମୟରେ ନିଜର କମ୍ବଳ ଆଣିବାକୁ ପରାମର୍ଶ ଦିଆଯାଇଥିଲା। ଉପରୋକ୍ତ ବିଷୟକୁ ଦୃଷ୍ଟିରେ ରଖି ପୂର୍ବ ତଟ ରେଳବାଇ ଏହାର ପ୍ରାଧିକରଣରୁ ଉତ୍ପନ୍ନ ଟ୍ରେନ୍ଗୁଡ଼ିକ ପାଇଁ ପର୍ଯ୍ୟାୟକ୍ରମେ ଟ୍ରେନ୍ ଭିତରେ ଚାଦର, ତକିଆ, କମ୍ବଳ ଓ ଟାୱେଲ ସେବାକୁ ପୁନ ପ୍ରଚଳନ କରିଛି।…
କନ୍ଦର୍ପ ବେହେରା ରେଢ଼ାଖୋଲ: ଆଜି ପୂର୍ବାହ୍ନ ପାଖାପାଖି ୧୨ ଟା ସମୟରେ ରେ ନାକଟିଦେଉଳ ଥାନା ମୂଷାକାନୀ ନିକଟରେ ବାଇକ୍ ଦୁର୍ଘଟଣାରେ ୨ ଜଣ ଙ୍କର ଗୋଡ ଭାଙ୍ଗି ଆହତ ହୋଇଥିବା ଜଣା ପଡ଼ିଛି। ଆହତ ଦ୍ବୟକୁ ପୋଲିସ୍ ଉଦ୍ଧାର କରି ବୁର୍ଲା ପଠାଇଥିବା ଖବର ହସ୍ତଗତ ହୋଇଛି। ପ୍ରକାଶ ଯେ, ନାକଟିଦେଉଳ ଥାନା ସାହେବୀ ପାଟୁଳିଢ଼ିପ ଗ୍ରାମର ୨ ଜଣ ଯୁବକ ନାକଟିଦେଉଳ କୁ କୌଣସି କାମରେ ଆସି ବାଇକ୍ ରେ ଫେରୁଥିବା ସମୟରେ ମୂଷାକାନୀ ନିକଟରେ ବାଇକ୍ ଟି ଭାରସାମ୍ୟ ହରାଇ ରାସ୍ତା ପାର୍ଶ୍ବରେ ଛିଟିକି ପଡ଼ିଥିଲା। ଉଭୟଙ୍କର ଗୋଡ ଭାଙ୍ଗିଥିବା ଜଣା ପଡ଼ିଛି। ଆହତ ଦ୍ବୟଙ୍କୁ ତୁରନ୍ତ ପୋଲିସ୍ ଉଦ୍ଧାର କରି ବୁର୍ଲା ଡାକ୍ତରଖାନାକୁ ପଠାଇଛି। ଖବର ଲେଖା ହେବା ପର୍ଯ୍ୟନ୍ତ ଆହତଙ୍କର ପରିଚୟ ମିଳିପାରି ନାହିଁ।
ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସେମିକନ ଇଣ୍ଡିଆ ସମ୍ମିଳନୀ ୨୦୨୨ ଉଦଘାଟନ କରିବା ସହ ଭିଡିଓ କନଫରେନ୍ସିଂ ଜରିଆରେ ଉଦଘାଟନୀ ଅଧିବେଶନରେ ତାଙ୍କ ମନ୍ତବ୍ୟ ରଖିଛନ୍ତି। କେନ୍ଦ୍ର ମନ୍ତ୍ରୀ, ସେମି କଣ୍ଡକ୍ଟର ଶିଳ୍ପ ସମୂହ, ପୁଞ୍ଜି ନିବେଶକ, ବୁଦ୍ଧିଜୀବି ଓ କୂଟନୀତିଜ୍ଞ ଗଣ ଏହି ଅବସରରେ ଉପସ୍ଥିତ ଥିଲେ। ଆରମ୍ଭରୁ ପ୍ରଧାନମନ୍ତ୍ରୀ ଭାରତରେ ସମ୍ମିଳନୀ ଅନୁଷ୍ଠିତ ହେଉଥିବାରୁ ଏହାକୁ ସ୍ୱାଗତ କରିବା ସହ ଖୁସି ପ୍ରକଟ କରିଥିଲେ। ଆଜିର ବିଶ୍ୱରେ ସେମି କଣ୍ଡକ୍ଟରର ଏକ ଗୁରତ୍ୱପୂର୍ଣ୍ଣ ଭୂମିକା ଥିବା ଦର୍ଶାଇ ସେ କହିଛନ୍ତି ଯେ “ବୈଶ୍ୱିକ ସେମି କଣ୍ଡକ୍ଟର ଯୋଗାଣ ବ୍ୟବସ୍ଥାରେ ଏକ ପ୍ରମୁଖ ଅଂଶୀଦାର ଭାବେ ଭାରତକୁ ଛିଡା କରାଇବା ହେଉଛି ଆମ ସମସ୍ତଙ୍କର ଦାୟୀତ୍ୱ। ହାଇଟେକ, ଉଚ୍ଚ ଗୁଣାତ୍ମକ ମାନ ଓ ଉଚ୍ଚ ନିର୍ଭରଶୀଳତା ନୀତି ନେଇ ଆମକୁ ଏ ଦିଗରେ କାର୍ଯ୍ୟ କରିବାକୁ ପଡିବ।” ସେମି କଣ୍ଡକ୍ଟର ପ୍ରଯୁକ୍ତିରେ ଭାରତ ଏକ ପୁଞ୍ଜିନିବେଶ ଲକ୍ଷ୍ୟ ସ୍ଥଳ ହେବା…
ଭୁବନେଶ୍ୱର: ମାନବିକ ମୂଲ୍ୟବୋଧ ବିନା ମଣିଷର ଜୀବନ ମୂଲ୍ୟହୀନ। ପ୍ରତ୍ୟେକ ମଣିଷ ନିଜର ଦୈନନ୍ଦିନ ଜୀବନରେ ଏହାକୁ ପାଳନ କରିବା ଉଚିତ୍ ବୋଲି କହିଛନ୍ତି ଶିକ୍ଷା ଓ ଅନୁସନ୍ଧାନ (ସୋଆ)ର କୁଳପତି ପ୍ରଫେସର (ଡଃ) ଅଶୋକ କୁମାର ମହାପାତ୍ର। ସୋଆ ପରିଚାଳିତ ଇନ୍ଷ୍ଟିଚ୍ୟୁଟ୍ ଅଫ୍ ଟେକ୍ନିକାଲ୍ ଏଜୁକେସନ୍ ଆଣ୍ଡ ରିସର୍ଚ୍ଚ (ଆଇଟିଇଆର୍) ରେ ଆଜି ଅଲ୍ ଇଣ୍ଡିଆ କାଉନ୍ସିଲ୍ ଫର ଟେକ୍ନିକାଲ୍ ଏଜୁକେସନ୍ (ଏଆଇସିଟିଇ) ପକ୍ଷରୁ “ୟୁନିଭର୍ସାଲ୍ ହ୍ୟୁମ୍ୟାନ୍ ଭାଲ୍ୟୁ” ପ୍ରସଙ୍ଗରେ ଆୟୋଜିତ ୩ ଦିନିଆ ଆଂଚଳିକ କର୍ମଶାଳାର ଉଦ୍ଘାଟନୀ କାର୍ଯ୍ୟକ୍ରମରେ ଯୋଗ ଦେଇ ଏହା କହିଛନ୍ତି ପ୍ରଫେସର ମହାପାତ୍ର। ନୂତନ ଶିକ୍ଷା ନୀତିରେ ନୈତିକ ମୂଲ୍ୟବୋଧ ଶିକ୍ଷା ଉପରେ କିଭଳି ଗୁରୁତ୍ୱ ଦିଆଯିବ ସେ ନେଇ ପ୍ରଫେସର ମହାପାତ୍ର ମତବ୍ୟକ୍ତ କରିଛନ୍ତି। ଶିକ୍ଷାର ମାନବୃଦ୍ଧି ଓ ନୂତନ ଶିକ୍ଷାନୀତିକୁ ଆପଣାଇବାକୁ ଏଆଇସିଟିଇ ପକ୍ଷରୁ ବୈଷୟିକ ଶିକ୍ଷା ଗ୍ରହଣ କରୁଥିବା ଛାତ୍ରଛାତ୍ରୀମାନଙ୍କ ପାଇଁ ସାର୍ବଭୌମିକ ମାନବିକ ମୂଲ୍ୟବୋଧ ଉପରେ ଗୁରୁତ୍ୱ ଦିଆଯାଉଥିବା…
ସୀତାରାମ ଅଗ୍ରୱାଲ ଚିଲିକା: ଦିନକୁଦିନ ସାରା ରାଜ୍ୟରେ ପ୍ରଚଣ୍ଡ ଖରାରେ ଜନଜୀବନ ଅସ୍ତବ୍ୟସ୍ତ ହୋଇପଡୁଥିବାବେଳେ ଅଘୋଷିତ ବିଦ୍ୟୁତ କାଟ ଲାଗି ସାଧାରଣ ଜନତା ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି। ପ୍ରଚଣ୍ଡ ଖରାରେ ଲୋକମାନେ ଘରୁ ବାହାରି ପାରୁ ନଥିବାବେଳେ ଘନ ଘନ ବିଦ୍ୟୁତ କାଟ ଯୋଗୁଁ ଜନ ଅସନ୍ତୋଷ ବଢ଼ିବାରେ ଲାଗିଛି।ସାଧାରଣ ଜନତାଙ୍କୁ ସ୍ୱଳ୍ପ ମୂଲ୍ୟରେ ଉନ୍ନତ ମାନର ସେବା ଯୋଗାଇ ଦେବା ପାଇଁ ରାଜ୍ୟ ସରକାର ବିଦ୍ୟୁତ ବିତରଣ ଦାଇତ୍ୱ ଟିପିସିଓଡିଏଲ କମ୍ପାନୀକୁ ହସ୍ତାନ୍ତର କରିଥିଲେ।ମାତ୍ର ଉକ୍ତ କମ୍ପାନୀ ଦାୟିତ୍ବ ନେବା ଦିନଠାରୁ ଉପଭୋକ୍ତାଙ୍କ ନିଦ ହଜିଯାଇଛି। କୌଣସି ଅଭିଯୋଗ ନେଇ ଅଭିଯୋଗକାରି ସ୍ଥାନୀୟ ଅଧିକାରୀ ତଥା ସମ୍ପୃକ୍ତ ଟୋଲ ଫ୍ରି ନମ୍ବରକୁ ଯୋଗାଯୋଗ କଲେ କୋୖଣସି ଉତ୍ତର ମିଳୁନି। ବର୍ତ୍ତମାନ ପରିସ୍ଥିତିରେ ଛାତ୍ରଛାତ୍ରୀ ମାନେ ବୋର୍ଡ ପରୀକ୍ଷା ଦେଉଛନ୍ତି ଏପରିକି ବୃଦ୍ଧ ବୃଦ୍ଧା, ଛୋଟ ଛୋଟ ଛୁଆ ଅବା ରୋଗୀମାନେ ବାରମ୍ବାର ବିଦ୍ୟୁତ କାଟ ହେଉଥିବା ଯୋଗୁଁ…