ଭୁବନେଶ୍ୱର: ରାଜ୍ୟ ସରକାର ଆଗାମୀ ପଂଚାୟତ ନିର୍ବାଚନରେ ଆଦିବାସୀ ମାନଙ୍କ ପାଇଁ ସଂରକ୍ଷଣରେ ଚଂଚକତା କରିଛନ୍ତି। ଏପରିକି ସମ୍ବିଧାନ ଏବଂ ଆଇନ୍କୁ ମଧ୍ୟ ଅଣଦେଖା କରିଛନ୍ତି ବୋଲି କଂଗ୍ରେସ ଅଭିଯୋଗ ଆଣିଛି । ରାଜ୍ୟରେ ଆଦିବାସୀମାନଙ୍କ ସଂଖ୍ୟା ମୋଟ ଜନସଂଖ୍ୟାର ୨୨.୫ ଶତାଂଶ ଥିବା ବେଳେ ସେମାନଙ୍କୁ ୨୩ ଟି ଜିଲ୍ଳା ଓ ୧୯୫ଟି ବ୍ଲକରେ ସରପଂଚ ଏବଂ ସମିତି ଅଧ୍ୟକ୍ଷ ପଦରେ ସଂରକ୍ଷଣ ନଦେବା ସରକାରଙ୍କର ଆଦିବାସୀମାନଙ୍କ ପ୍ରତି ବୈମାତୃକ ମନୋଭାବର ପରିଚାୟକ ବୋଲି କଂଗ୍ରେସ କହିଛି। ଆଦିବାସୀମାନଙ୍କୁ ସଂରକ୍ଷଣ ଦେବା କ୍ଷେତ୍ରରେ ଯେଉଁ ତାଲିକା ବିଭିନ୍ନ ଜିଲ୍ଲାମାନଙ୍କରେ ପ୍ରକାଶ ପାଇଛି ସେଥିରେ ଅସଂଗତି ରହିଛି ଏବଂ ଅନେକ ପଂଚାୟତ ଓ ବ୍ଲକ ଆଦିବାସୀ ଜନସଂଖ୍ୟା ବହୁଳ ଥିବା ବେଳେ ସେମାନଙ୍କୁ ସଂରକ୍ଷଣର ସୁଯୋଗ ଦିଆଯାଇ ନାହିଁ । ଏହାକୁ ନେଇ ରାଜ୍ୟର ବିଭିନ୍ନ ସ୍ଥାନରେ ଆଦିବାସୀ ମାନଙ୍କର ମେଳି ଓ ଆନ୍ଦୋଳନ ଦେଖାଦେଇଛି । କଂଗ୍ରେସ ସେମାନଙ୍କର ଆନ୍ଦୋଳନକୁ…
Author: Samikhsya Bureau
ଭୁବନେଶ୍ୱର: ଦକ୍ଷତା ବିକାଶ କ୍ଷେତ୍ରରେ ଓଡିଶା ଏକ ଅଗ୍ରଣୀ ରାଜ୍ୟ ହୋଇପାରିଛି । ଆଜି ନୂଆଦିଲ୍ଲୀସ୍ଥିତ ତାଲକଟୋରା ଇଣ୍ଡୋର ଷ୍ଟାଡିୟମଠାରେ ଆୟୋଜିତ ଇଣ୍ଡିଆ ସ୍କିଲ୍ସ ୨୦୨୧ ପ୍ରତିଯୋଗିତାରେ ସର୍ବାଧିକ ପଦକ ଜିତି ସ୍କିଲ-ଇନ୍-ଓଡିଶା ପ୍ରତିଯୋଗୀ ରାଜ୍ୟ ପାଇଁ ଗୌରବ ଆଣିଛନ୍ତି । ଏହି ପ୍ରତିଯୋଗିତାରେ ଓଡିଶା ୧୦ ଟି ସ୍ୱର୍ଣ୍ଣ , ୧୮ ଟି ରୌପ୍ୟ, ୯ଟି କାଂସ୍ୟ ପଦକ ଏବଂ ୧୪ ଟି ମେଡାଲିୟନ ଅଫ୍ ଏକ୍ସଲେନ୍ସସହ ସର୍ବମୋଟ ୫୧ଟି ପଦକ ହାସଲ କରି ଶୀର୍ଷ ସ୍ଥାନରେ ରହିଛି । ସ୍ୱର୍ଣ୍ଣ ପଦକ ବିଜେତାଙ୍କୁ ୧ ଲକ୍ଷ, ରୌପ୍ୟ ପଦକ ବିଜେତାଙ୍କୁ ୭୫ ହଜାର ଏବଂ କାଂସ୍ୟ ପଦକ ବିଜେତାଙ୍କୁ ୫୦ ହଜାର ଟଙ୍କାର ଆର୍ଥିକ ପୁରସ୍କାର ମିଳିଛି । ଏହି ପ୍ରତିଯୋଗିତାରେ ଓଡିଶାରୁ ୭୬ ଜଣ ପ୍ରତିଯୋଗୀ ଅଂଶଗ୍ରହଣ କରିଥିଲେ । ମୋଟ ୭୬ ଜଣ ପ୍ରତିଯୋଗୀଙ୍କ ମଧ୍ୟରୁ ୧୭ ଜଣ ଯୁବତୀ ଭାଗ ନେଇଥିଲେ । ଏଥିରେ…
ଭୁବନେଶ୍ବର: ବର୍ତ୍ତମାନ ଓଡିଶା ରାଜ୍ୟ ନିର୍ବାଚନ କମିଶନରଙ୍କ ଗତିରୁ ସ୍ପଷ୍ଟ ଜଣାପଡିଲାଣି ଯେ, ଓଡିଶାରେ ପଞ୍ଚାୟତ ନିର୍ବାଚନ ନିର୍ଦ୍ଧାରିତ ସମୟ ମଧ୍ୟରେ ହେବ। କାରଣ କମିସନର ଆଦିତ୍ୟ ପ୍ରସାଦ ପାଢୀ ଘନଘନ ବୈଠକ କରି ବିଭିନ୍ନ ମତାମତ ସଂଗ୍ରହରୁ ଏହା ନିଶ୍ଚିତ କରିଛି। କରୋନା ପାଇଁ ନିର୍ବାଚନ ଘୁଞ୍ଚିବ ବୋଲି ଯେଉଁ ଆଶଙ୍କା ରହିଥିଲା ତାହା ସମାପ୍ତ ହୋଇଛି। ସୋମବାର ଦିନ କମିଶନର ରାଜ୍ୟର ଆଇନି ଶୃଙ୍ଖଳା ନେଇ ପୋଲିସ ଡିଜି ସୁନୀଲ ବଂଶଲଙ୍କ ସହିତ ବରିଷ୍ଠ ପୋଲିସ ଅଧିକାରୀଙ୍କ ସହିତ ଆଲୋଚନା କରିଛନ୍ତି। ବର୍ତ୍ତମାନ ପଞ୍ଚାୟତ ନିର୍ବାଚନ କରାଗଲେ ଆଇନି ଶୃଙ୍ଖଳା ପରିସ୍ଥିତି କିପରି ରହିବ ସେ ନେଇ ମତ ମାଗିଥିଲେ। ବିଶେଷ ସୁତ୍ରର ଖବର ଅନୁସାରେ ପଞ୍ଚାୟତ ନିର୍ବାଚନ ହେଲେ ଆଇନି ଶୃଙ୍ଖଳା ପରିସ୍ଥିତିରେ କୌଣସି ଅସୁବିଧା ହେବ ନାହିଁ ବୋଲି ମତ ରଖିଛନ୍ତି।
ଭୁବନେଶ୍ବର: ଓଡିଶାରେ ଚାକିରୀ କରିବା ସମୟ ସୀମାକୁ ରାଜ୍ୟ ସରକାର ବୃଦ୍ଧି କରିଛନ୍ତି। ପୂର୍ବରୁ ୩୨ ବର୍ଷ ପରେ ଆଉ କେହି ସରକାରୀ ଚାକିରୀ ପାଇଁ ଯୋଗ୍ୟ ବିବେଚିତ ହେଉ ନ ଥିଲେ। ହେଲେ ଆଜି ରାଜ୍ୟ କ୍ୟାବିନେଟରେ ସେହି ବୟସ ସୀମାକୁ ବୃଦ୍ଧି କରିଛନ୍ତି। ସେହି ଅନୁସାରେ ଏଣିକି ସେହି ବୟସ ସୀମା ୩୮ ବର୍ଷକୁ ବୃଦ୍ଧି କରାଯାଇଛି। ଫଳରେ ଜଣେ ୩୮ ବର୍ଷ ବୟସ ପର୍ଯ୍ୟନ୍ତ ସରକାରୀ ଚାକିରୀ ପାଇଁ ଆବେଦନ କରିପାରିବ। ତେବେ ଏହି ବୟସ ସୀମା କେବଳ ୨୦୨୧, ୨୦୨୨, ୨୦୨୩ ବର୍ଷ ପାଇଁ ଲାଗୁ ହେବ ବୋଲି ନିଷ୍ପତି କରାଯାଇଛି। ମୁଖ୍ୟତଃ କରୋନା ପାଇଁ ନିଯୁକ୍ତି କ୍ଷେତ୍ରରେ ବିଳମ୍ବ ହେଉଥିବାରୁ ରାଜ୍ୟ ସରକାର ଏପରି ନିଷ୍ପତି ଗ୍ରହଣ କରିଛନ୍ତି। ସେହିପରି ଏସସି, ଏସଟି ଏବଂ ଓବିସି ପାଇଁ ମଧ୍ୟ ଯେପରି କୋହଳ ନିୟମ ରହିଛି ତାହା ମଧ୍ୟ ଲାଗୁ ହେବ ବୋଲି କୁହାଯାଇଛି। ଏହାଦ୍ବାରା ନିଯୁକ୍ତି…
ନୂଆଦିଲ୍ଲୀ: ଭାରତୀୟ ଜନତା ପାର୍ଟି ରାଷ୍ଟ୍ରୀୟ ଅଧ୍ୟକ୍ଷ ଜେ.ପି ନଡ୍ଡା କରୋନା ଭାଇରସରେ ସଂକ୍ରମିତ ହୋଇଛନ୍ତି। ସୋମବାର ଟ୍ୱିଟ୍ କରି ସେ ଏହି ସୂଚନା ଦେଇଛନ୍ତି। ନଡ୍ଡା କହିଛନ୍ତି ଯେ, ସେ ବର୍ତ୍ତମାନ ସୁସ୍ଥ ଅନୁଭବ କରୁଛନ୍ତି ଏବଂ ଡାକ୍ତରଙ୍କ ପରାମର୍ଶରେ ନିଜକୁ ଅଲଗା କରିଛନ୍ତି। ଏହାପୂର୍ବରୁ ପ୍ରତିରକ୍ଷା ମନ୍ତ୍ରୀ ତଥା ବିଜେପି ନେତା ରାଜନାଥ ସିଂଙ୍କ କରୋନା ରିପୋର୍ଟ ମଧ୍ୟ ପଜିଟିଭ ଆସିଥିଲା। କରୋନା ସଂକ୍ରମଣ ବିଷୟରେ ସୂଚନା ଦେଇ ଜେପି ନଡ୍ଡା ଟ୍ୱିଟ୍ କରି କହିଛନ୍ତି ଯେ, “ପ୍ରାରମ୍ଭିକ ଲକ୍ଷଣ ଦେଖାଇବା ପରେ ମୁଁ ମୋର କୋଭିଡ୍ ପରୀକ୍ଷା କରିସାରିଛି। ମୋର ରିପୋର୍ଟ ପଜିଟିଭ ଆସିଛି। ବର୍ତ୍ତମାନ ମୁଁ ସୁସ୍ଥ ଅନୁଭବ କରୁଛି। ଡାକ୍ତରଙ୍କ ପରାମର୍ଶରେ ମୁଁ ନିଜକୁ ପୃଥକ କରିଛି। ଯେଉଁମାନେ ଗତ କିଛି ଦିନ ମଧ୍ୟରେ ମୋ ସହ ଯୋଗାଯୋଗରେ ଆସିଛନ୍ତି, ସେମାନେ କରୋନା ପରୀକ୍ଷା କରିବାକୁ ଅନୁରୋଧ କରିଛନ୍ତି। “
ଭୁବନେଶ୍ୱର: ହରିୟାଣାର ପଞ୍ଚକୁଲା ଠାରେ ଅନୁଷ୍ଠିତ ପ୍ରଥମ ଅଶ୍ୱିନୀ ଗୁପ୍ତା ମେମୋରିଆଲ ସର୍ବଭାରତୀୟ ସବଜୁନିୟର ରାକିଙ୍ଗ ବ୍ୟାଡମିଣ୍ଟନ ଟୁର୍ଣ୍ଣାମେଣ୍ଟରେ ଓଡିଶା ସାଇ ବ୍ୟାଡ଼ମିନଟନ ଏକାଡେମୀର ଦୁଇ ଖେଳାଳି ରୌପ୍ୟ ଜିତିଛନ୍ତି। ଏହି ପ୍ରତିଯୋଗିତାରେ ବିଭିନ୍ନ ବର୍ଗରେ ଓଡ଼ିଶା ସାଇ ବ୍ୟାଡ଼ମିନଟନ ଏକାଡେମୀର ମୋଟ ୧୮ ଜଣ ପ୍ରତିଯୋଗୀ ଅଂଶଗ୍ରହଣ କରିଥିବା ବେଳେ ସମସ୍ତ ଖେଳାଳି ମନେ ଉଚ୍ଚକୋଟୀର ପ୍ରଦର୍ଶନ କରିଥିଲେ। ଏଥିରେ ୧୭ ବର୍ଷରୁ କମ ମିକ୍ସ ଡବଲସରେ ଓଡିଶାର ପ୍ରଗତି ପରିଡା ଏବଂ ଭାର୍ଗବ ରାମ ରନର୍ସ-ଅପ ହେବା ସହ ରୌପ୍ୟ ପଦକ ହାସଲ କରିଛନ୍ତି। ଓଡ଼ିଶା ଖେଳାଳିଙ୍କ ଏହି ବିଜୟ ଆମ ରାଜ୍ୟ ପାଇଁ ଗୌରବର ବିଷୟ ବୋଲି କ୍ରୀଡ଼ା ଓ ଯୁବସେବା ବିଭାଗ ଯୁଗ୍ମ ଶାସନ ସଚିବ ତଥା ଓଡିଶା ସାଇ ବ୍ୟାଡମିଣ୍ଟନ ଏକାଡେମୀର ନିର୍ଦ୍ଦେଶକ କୈଳାସ ଚନ୍ଦ୍ର ଦାସ ପ୍ରକାଶ କରିଛନ୍ତି। ମାନ୍ୟବର ମୁଖ୍ୟମନ୍ତ୍ରୀଙ୍କ ଦିଗଦର୍ଶନରେ ବ୍ୟାଡମିନଟନ କ୍ରୀଡ଼ାର ଉନ୍ନତି ପାଇଁ କଳିଙ୍ଗ ଷ୍ଟାଡିୟମରେ ବ୍ୟାଡମିଣ୍ଟନ…
ପାଟନା: ବିହାରରେ କରୋନା ଭାଇରସ୍ ଦ୍ରୁତ ଗତିରେ ବିସ୍ତାର କରୁଛି। କୋଭିଡ୍-୧୯ ସହିତ ବର୍ତ୍ତମାନ ଡେଲଟା ଏବଂ ଓମିକ୍ରନ୍ ମଧ୍ୟ ଲୋକଙ୍କୁ ସଂକ୍ରମଣ କରିବା ଆରମ୍ଭ କରିଛନ୍ତି। ଏଥର ବିହାରରୁ ପୁଣି ଥରେ ବଡ ଖବର ଆସୁଛି। ମୁଖ୍ୟମନ୍ତ୍ରୀ ନୀତୀଶ କୁମାର ମଧ୍ୟ କରୋନା ପଜିଟିଭ୍ ହୋଇଛନ୍ତି। ସକାଳେ ଆଣ୍ଟିଜେନ୍ ପରୀକ୍ଷଣରେ ମୁଖ୍ୟମନ୍ତ୍ରୀ ନେଗେଟିଭ ଥିଲେ। ତାପରେ ତାଙ୍କର ଆରଟିପିସିଆର ପରୀକ୍ଷା କରାଯାଇଥିଲା। ବର୍ତ୍ତମାନ ଏହି ରିପୋର୍ଟ ପଜିଟିଭ୍ ଆସିଛି। ସିଏମଓ ବିହାର ଟ୍ୱିଟ୍ କରି ଏହି ସୂଚନା ଦିଆଯାଇଛି। ଡାକ୍ତରଙ୍କ ପରାମର୍ଶରେ ସେ ଘରେ ଅଲଗା ଅଛନ୍ତି। କୋଭିଡ ସତର୍କତା ଅବଲମ୍ବନ କରିବାକୁ ସେ ସମସ୍ତଙ୍କୁ ନିବେଦନ କରିଛନ୍ତି।
ଦୁଷ୍ମନ୍ତ କୁମାର ପଣ୍ଡା କଳାହାଣ୍ଡି: ପୁରା ଗାଁରେ ଛାୟୀ ଯାଇଛି କିଡନୀ ରୋଗ। ଆତଙ୍କରେ ଗ୍ରାମବାସୀ। ଜଣେ ନୁହେଁ କି ଦୁଇ ଜଣ ନୁହଁ, ସାରା ଗ୍ରାମର ପରିବାରରେ ଖେଳିଯାଇଛି କିଡନୀ ରୋଗ। ଏବେ ନିଜ ଜୀବନ ବଞ୍ଚାଇବାକୁ ସଂଘର୍ଷ କରୁଛନ୍ତି ଗ୍ରାମବାସୀ। କଳାହାଣ୍ଡି ଜିଲ୍ଲା ଧର୍ମଗଡ଼ ବ୍ଲକ ଟିପିଗୁଡା ପଞ୍ଚାୟତ ଟେକପରା ଓ ଭିର୍କା ପଡ଼ାଗ୍ରାମରେ ଏଭଳି ଦୃଶ୍ୟ ଦେଖିବାକୁ ମିଳିଛି। ଗ୍ରାମରେ ଏ ପର୍ଯ୍ୟନ୍ତ ତିରିଶରୁ ଉର୍ଦ୍ଧ୍ଵ କିଡନୀ ରୋଗୀ ଚିହ୍ନଟ ହୋଇଥିବା ବେଳେ ତା’ ମଧ୍ୟରୁ ୮/୧୦ ଜଣଙ୍କ ମୃତ୍ୟୁ ହୋଇଥିବା ଗ୍ରାମବାସୀ ପ୍ରକାଶ କରନ୍ତି। ତେବେ କୋଉ କାରଣରୁ ଗାଁ ରେ କିଡନୀ ରୋଗୀ ସଂଖ୍ୟା ହୁହୁ ହୋଇ ବଢୁଛି କାରଣ ଅସ୍ପଷ୍ଟ ଥିବାବେଳେ ଦୂଷିତ ଜଳ ଯୋଗୁଁ ବ୍ୟାପୁ ଥିବା ଅନୁମାନ କରାଯାଏ। ଗ୍ରାମରେ ଥିବା ନଳକୂପରୁ ବ୍ୟବହାର କରୁଥିବା ପାଣି ଫ୍ଲୋରାଇଡଯୁକ୍ତ ଥିବା ବେଳେ ଗ୍ରାମବାସୀ ଦୀର୍ଘ ଦୁଇ କିଲୋମିଟର ଦୂର ଯାଇ…
ସୀତାରାମ ଅଗ୍ରୱାଲ ଚିଲିକା: ଆଜିଠାରୁ ସାରା ଦେଶରେ ବୁଷ୍ଟର ଡୋଜ/ପ୍ରିକସନାରୀ ଡୋଜ ଟୀକାକରଣ ଆରମ୍ଭ ହୋଇଯାଇଛି। ପ୍ରଥମ ପର୍ଯ୍ୟାୟରେ ସ୍ୱାସ୍ଥ୍ୟକର୍ମୀ, ଡାକ୍ତର ଓ ୬୦ ବର୍ଷ ରୁ ଉର୍ଦ୍ଧ୍ବ ନାଗରିକଙ୍କୁ ବୁଷ୍ଟର ଡୋଜ ଦିଆଯିବା ନେଇ ସୂଚନା ଥିବାବେଳେ ପର୍ଯ୍ୟାୟକ୍ରମେ ସମସ୍ତଙ୍କୁ ଏହି ବୁଷ୍ଟର ଡୋଜ ଦିଆଯିବ। ଯାହାକି ଯେଉଁମାନେ ଉଭୟ ଡୋଜ ଟୀକା ନେଇ ସାରିଥିବେ ଏବଂ ଯେଉଁ ବ୍ୟକ୍ତି ଯେଉଁ ଟୀକା ନେଇଥିବେ ସେମାନଙ୍କୁ ସେହି ଟୀକା ପାଇଁ ବୁଷ୍ଟର ଦିଆଯିବା ସହ ଦ୍ଵିତୀୟ ଡୋଜର ୯ ମାସ ଅର୍ଥାତ ୩୯ ସପ୍ତାହ ପରେ ଏହି ଡୋଜ ଦିଆଯିବ। ଏହି ପରିପ୍ରେକ୍ଷୀରେ ଆଜି ଖୋର୍ଦ୍ଧା ଜିଲ୍ଲା ଚିଲିକା ବ୍ଲକ ଏବଂ ବାଲୁଗାଁ ଏନଏସି ଅନ୍ତର୍ଗତ ବାଲୁଗାଁ ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ରରେ ସ୍ୱାସ୍ଥ୍ୟ କର୍ମୀ, ପୋଲିସ ପ୍ରଶାସନ ଏବଂ ୬୦ବର୍ଷରୁ ଉର୍ଦ୍ଧ୍ବ ନାଗରିକଙ୍କୁ ୪୨ ବୁଷ୍ଟର ଡୋଜ ଦିଆଯାଇଛି। ସେହିପରି ନଇରୀ ସ୍ୱାସ୍ଥ୍ୟ କେନ୍ଦ୍ରରେ ସ୍ୱାସ୍ଥ୍ୟକର୍ମୀ ସମେତ ବ୍ଲକ କର୍ମଚାରୀଙ୍କୁ…
ନୂଆଦିଲ୍ଲୀ: ସମଗ୍ର ଦେଶରେ କୋଭିଡ ମାମଲାରେ ବୃଦ୍ଧି ଘଟିଥିବା ପରିପ୍ରେକ୍ଷୀରେ ରେଳବାଇ ମନ୍ତ୍ରୀ ଅଶ୍ୱିନୀ ବୈଷ୍ଣବ ରେଳବାଇର ବିଭିନ୍ନ ରେଳବାଇ ଜୋନ୍ ଓ ରେଳ ମଣ୍ଡଳର ବରିଷ୍ଠ ଅଧିକାରୀଙ୍କୁ ରେଳବାଇ ଡାକ୍ତରଖାନା ତଥା ସ୍ୱାସ୍ଥ୍ୟ ଭିତ୍ତିଭୂମି ବ୍ୟବହାରକୁ ସରଳ କରିବାକୁ ନିର୍ଦ୍ଦେଶ ଦେଇଛନ୍ତି। ରେଳବାଇ ବୋର୍ଡ ଅଧ୍ୟକ୍ଷ ତଥା ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ଭି.କେ. ତ୍ରିପାଠୀ ବୋର୍ଡ ସଦସ୍ୟ ତଥା ରେଳ ମନ୍ତ୍ରଣାଳୟର ବରିଷ୍ଠ ଅଧିକାରୀଙ୍କ ସହ ଜୋନାଲ ରେଳବାଇ ମହାପ୍ରବନ୍ଧକ ଏବଂ ମଣ୍ଡଳ ରେଳବାଇ ପ୍ରବନ୍ଧକ ଓ ରେଳବାଇ ର ବିଭିନ୍ନ ସଂସ୍ଥା ଓ କାରଖାନା ମାନଙ୍କର ଅଧିକାରୀ ଏହି ସମୀକ୍ଷା ବୈଠକ ରେ ଆଭାସୀ ମାଧ୍ୟମରେ ଯୋଗ ଦେଇଥିଲେ। ବୈଠକରେ ଶ୍ରୀ ବୈଷ୍ଣବ କୋଭିଡ ପ୍ରସ୍ତୁତି ସହିତ ଜଡିତ ନିମ୍ନଲିଖିତ ଦିଗଗୁଡ଼ିକୁ ସମୀକ୍ଷା କରିଥିଲେ: ରେଳ ହସ୍ପିଟାଲର ଭିତ୍ତିଭୂମି। ପେଡିଆଟ୍ରିକ୍ ୱାର୍ଡ କାର୍ଯ୍ୟ କରିବା। – ଟୀକାକରଣ: ରେଳବାଇର ଫ୍ରଣ୍ଟଲାଇନ କର୍ମଚାରୀଙ୍କୁ ବୁଷ୍ଟର ଡୋଜ ଯୋଗାଇଦେବା ସହିତ ରେଳବାଇର…
ସୀତାରାମ ଅଗ୍ରୱାଲ ବାଲୁଗାଁ: ରାଜ୍ୟ ସରକାରଙ୍କ ମାଳ ମାଳ ଯୋଜନା ଏପରିକି ଜନ୍ମରୁ ମୃତ୍ୟୁ ପର୍ଯ୍ୟନ୍ତ। ମାତ୍ର ସରକାରୀ ଯୋଜନା ସବୁ ଖାତା କଲମରେ ରହିଯାଉଛି। କେଉଁଠି ନିରାଶ୍ରୟକୁ ଆଶ୍ରୟ ମିଳୁନାହିଁ ତ କେଉଁଠି ଅନାହାରରେ ଜୀବନ କାଟୁଛନ୍ତି ଅନେକ ଭୋକିଲା। ମାନବ ସେବା ହିଁ ମାଧବ ସେବା ଯାହାକୁ ପ୍ରମାଣିତ କରି ଦେଖାଇଛନ୍ତି ବାଲୁଗାଁ ଏସଡ଼ିପିଓ ମାନସ ରଞ୍ଜନ ବାରିକ ଏବଂ ବାଲୁଗାଁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଅଧିକାରୀ ଡ଼ା. ସୌମ୍ୟକାନ୍ତ ଦାସ ପଟ୍ଟନାୟକ। ଖବର ମୁତାବକ ଖୋର୍ଦ୍ଧା ଜିଲ୍ଲା ବାଲୁଗାଁ ଏନଏସି ଅନ୍ତର୍ଗତ ଚିଲିକା ରୋଡ଼ ସ୍ଥିତ ବାଲୁଗାଁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ନିକଟସ୍ଥ ରାସ୍ତାକଡ଼ରେ ଜଣେ ଅଜଣା ନିରାଶ୍ରୟ ବୃଦ୍ଧ ଦୀର୍ଘ ଚାରି ଦିନ ହେବ ଅସହାୟ ଅବସ୍ଥାରେ ପଡ଼ି ରହିଥିଲେ। ଶରୀରରେ ଶୀତବସ୍ତ୍ର ନଥିବାରୁ ପ୍ରବଳ ଶୀତର ପ୍ରକୋପରେ ଜନୈକ ବୃଦ୍ଧ ଥରୁଥିବାର ଦେଖାଯାଇଥିଲା। ଏବଂ ଖାଦ୍ୟ ପାଇଁ ଡହଳ ବିକଳ ମଧ୍ୟ ହେଉଥିବାର ଦେଖିବାକୁ…
ଭୁବନେଶ୍ବର: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଜି ଏକ ଘୋଷଣା କରିଛନ୍ତି। ସେ କହିଛନ୍ତି ଯେ, ରାଜ୍ୟରେ ଜଳ ସମସ୍ୟାର ସମାଧାନ ପାଇଁ ରାଜ୍ୟ ସରକାର ନିଜ ପାଣ୍ଠିରୁ Construction of in-stream Storage Structure ଯୋଜନା ଆରମ୍ଭ କରିଛନ୍ତି । ଏଥିପାଇଁ ୧୧,୭୦୦ କୋଟି ଟଙ୍କା ଖର୍ଚ୍ଚ ହେବ ଏବଂ ରାଜ୍ୟର ବିଭିନ୍ନ ନଦୀ ସ୍ରୋତର ୩୦ଟି ସ୍ଥାନରେ ଏହି ବ୍ୟାରେଜ ନିର୍ମାଣ କରାଯିବ । ଯାହାଫଳରେ ଚାଷୀ ଜମିକୁ ସବୁ ଦିନ ପାଇଁ ପାଣି ପାଇପାରିବ । ଭୂତ୍ତଳ ଜଳସ୍ତର ଠିକ୍ ରହିବ । ଆଖପାଖ ଗାଁ ମାନଙ୍କରେ ବିଶୁଦ୍ଧ ପାଇପ ପାଣି ଯୋଗାଣ ହୋଇପାରିବ । ଆଜି ସୁନ୍ଦରଗଡରେ ଆରମ୍ଭ ହୋଇଥିବା ଦୁଇଟି ପ୍ରକଳ୍ପ ଶିଳାନ୍ୟାସ ପରିପ୍ରେକ୍ଷୀରେ ନବୀନ ପଟ୍ଟନାୟକ ଏହା କହିଛନ୍ତି।
ଭୁବନେଶ୍ବର: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଜି ସୁନ୍ଦରଗଡ ସଦର ବ୍ଲକ୍ ଅନ୍ତର୍ଗତ କୋପସିଂଗା ଓ କୁଡାବଙ୍ଗା ଠାରେ ୪୯୩ କୋଟି ଟଙ୍କା ବ୍ୟୟ ଅଟକଳରେ ଇବ୍ ନଦୀ ଉପରେ ନିର୍ମାଣ ହେବାକୁ ଥିବା ଦୁଇଟି ବ୍ୟାରେଜର ଶିଳାନ୍ୟାସ କରିଛନ୍ତି । ଏହି ଦୁଇଟି ପ୍ରକଳ୍ପ କାର୍ଯ୍ୟ ଆଗାମୀ ୨ ବର୍ଷରେ ଶେଷ ହେବ ଏବଂ ଏହାଦ୍ବାରା ସୁନ୍ଦରଗଡ ମ୍ୟୁନିସପାଲଟି, ସୁନ୍ଦରଗଡ ସଦର ବ୍ଲକ୍, ଲେଫ୍ରିପଡା, ବାଲିଶଂକରା ଓ ଟାଙ୍ଗରପାଲି ଆଦି ବ୍ଲକ୍ର ୪୭ ହଜାର ଲୋକ ଉପକାର ପାଇବେ। ଏହାସହିତ ୪୮୮ ହେକ୍ଟର ଜମିକୁ ଜଳସେଚନ ସୁବିଧା ମିଳିବ। ଉପରୋକ୍ତ ବ୍ଲକ୍ଗୁଡିକରେ ଘରେ ଘରେ ପାନୀୟ ଜଳଯୋଗାଣ ସୁବିଧା ହୋଇପାରିବ ଓ ମତ୍ସ୍ୟଜୀବୀ ମାନେ ଏହି ବ୍ୟାରେଜରେ ମାଛ ଚାଷ କରି ଜୀବିକା ଉପର୍ଜନ କରିପାରିବେ। ଏହି ଦୁଇଟି ବ୍ୟାରେଜ ଉପରେ ବ୍ରିଜ କରାଯାଉଥିବାରୁ ଲେଫ୍ରିପଡା ଓ ଟାଙ୍ଗରପଲ୍ଲୀ ବ୍ଲକ୍ର ଲୋକମାନେ ରାଉରକେଲା ସହିତ ସିଧାସଳଖ ଯୋଗାଯୋଗ ସୁବିଧା ପାଇବେ ।…
ସ୍ୱାସ୍ଥ୍ୟ ଟିପ୍ସ: ଆମ ରୋଷେଇ ଘରେ ଏପରି ଅନେକ ଖାଦ୍ୟ ସାମଗ୍ରୀ ଅଛି ଯାହା ସ୍ୱାସ୍ଥ୍ୟ ପାଇଁ ବହୁତ ଭଲ ବିବେଚନା କରାଯାଏ। ସେଥିମଧ୍ୟରୁ ଗୋଟିଏ ହେଉଛି ରସୁଣ। ଏହାର ମହକ କେବଳ ଆପଣଙ୍କ ଖାଦ୍ୟରେ ସୁଗନ୍ଧ ଯୋଗାଏ ନାହିଁ ବରଂ ଏହା ଆପଣଙ୍କ ସ୍ୱାସ୍ଥ୍ୟ ପାଇଁ ମଧ୍ୟ ବହୁତ ଲାଭଦାୟକ ଅଟେ। ଅନ୍ୟ ପଟେ, ରସୁଣରେ କ୍ୟାଲସିୟମ୍, କପର, ପୋଟାସିୟମ୍, ଫସଫରସ୍, ଆଇରନ୍ ଏବଂ ଭିଟାମିନ୍ ବି ୧ ଭଳି ଅନେକ ପୋଷକ ତତ୍ତ୍ୱ ଭରପୂର ଥାଏ। କିନ୍ତୁ କୁହାଯାଏ ଯେ, ସବୁ ଜିନିଷର ଅତ୍ୟଧିକ ମାତ୍ରା ଖରାପ ହୋଇଥାଏ। ସେହିଭଳି ରସୁଣର ଆବଶ୍ୟକତାଠାରୁ ଅଧିକ ବ୍ୟବହାର ମଧ୍ୟ ଖରାପ ହୋଇଥାଏ। ଯଦିଓ ରସୁଣ ଗୁଣର ଏକ ଭଣ୍ଡାର ଅଟେ, କିନ୍ତୁ ଏହାର ଅଧିକ ଖାଇବା ଦ୍ୱାରା ଅନେକ ସ୍ୱାସ୍ଥ୍ୟ ସମସ୍ୟା ଦେଖାଦେଇଥାଏ। ରସୁଣ ଖାଇବାର ଅସୁବିଧା କ’ଣ? ଆସନ୍ତୁ ଜାଣିବା… ମୁହଁରେ ଦୁର୍ଗନ୍ଧ- ରସୁଣର ଅତ୍ୟଧିକ ବ୍ୟବହାର ହେତୁ…
ମୁମ୍ବାଇ: ଆଜି ‘ସାହାରା ଇଣ୍ଡିଆ ପରିବାର’ କଂପାନୀର ଅଧ୍ୟକ୍ଷ ସାହାରାଶ୍ରୀ ସୁବ୍ରତ ରୟ ହସପିଟାଲରୁ ଡିସଚାର୍ଯ୍ୟ ହୋଇଛନ୍ତି। ଏ ନେଇ କଂପାନୀ ତରଫରୁ ଏକ ପ୍ରେସ ବିଜ୍ଞପ୍ତିରେ ଅବଗତ କରାଯାଇଛି। ସେ ମସ୍ତିସ୍କ ଜନତ ରୋଗରେ ପିଡିତ ହୋଇଥିଲେ। ଫଳରେ ତାଙ୍କୁ ଚଳିତ ଜାନୁଆରୀ 6 ତାରିଖରେ ମୁମ୍ବାଇର କୋକିଲାବେନ୍ ହସ୍ପିଟାଲରେ ଭତ୍ତି କରାଯାଇ ଥିଲା। ସେଠାରେ ଡକ୍ଟର ମନୀଷ ଶ୍ରୀବାସ୍ତବଙ୍କ ଦ୍ବାରା ତାଙ୍କ ମସ୍ତିସ୍କରେ ଏକ ଅପରେସନ କରାଯାଇଥିଲା। ଏହି ଅପରେସନ ସଫଳ ହୋଇଥିବାରୁ ଆଜି ତାଙ୍କୁ ଡିସଚାର୍ଯ୍ୟ କରାଯାଇଛି। କଂପାନୀ ବିଜ୍ଞପ୍ତିରେ କୁହାଯାଇଛି ଯେ, ‘ସାହାରାଶ୍ରୀ’ ସୁବ୍ରତ ରୟ ସାହାରା ବର୍ତ୍ତମାନ ଭଲ ଅଛନ୍ତି ଏବଂ ଡାକ୍ତରଖାନାରୁ ଡିସଚାର୍ଜ ହୋଇଛନ୍ତି। ସେଥିପାଇଁ ସେ ଡାକ୍ତରଖାନା କର୍ତ୍ତୁପକ୍ଷଙ୍କୁ ଧନ୍ୟବାଦ ପ୍ରଦାନ କରିଛନ୍ତି।
ଚାଣକ୍ୟ ନୀତି: ଚାଣକ୍ୟ ନୀତି ଅନୁଯାୟୀ ଶତ୍ରୁ ମାନବ ରୂପରେ ଆକ୍ରମଣ କରନ୍ତି ନାହିଁ। ବରଂ ରୋଗ ଏବଂ ବଦଭ୍ୟାସ ମଧ୍ୟ ଏକ ଶତ୍ରୁ ପରି, ଯାହା ଦୃଶ୍ୟମାନ ହୁଏ ନାହିଁ କିନ୍ତୁ ଶତ୍ରୁ ପରି କ୍ଷତି କରେ। ତେଣୁ ଏଥିପ୍ରତି ସାବଧାନ ରୁହନ୍ତୁ। ଯେତେବେଳେ ଶତ୍ରୁ ଗୁପ୍ତରେ ଆକ୍ରମଣ କରେ ଏବଂ ଦୃଶ୍ୟମାନ ହୁଏ ନାହିଁ, ସେତେବେଳେ ଏହାକୁ ହାଲୁକା ଭାବେ ଗ୍ରହଣ କରାଯିବା ଉଚିତ୍ ନୁହେଁ। ଏହା ଅଧିକ ସାଂଘାତିକ ଏବଂ ଟିକିଏ ଅସାବଧାନତା ପାଇଁ ବହୁତ କ୍ଷତି ହୋଇପାରେ। ଏହିପରି ଶତ୍ରୁମାନଙ୍କ ସହିତ ମୁକାବିଲା କରିବାକୁ ଆଚାର୍ଯ୍ୟ ଚାଣକ୍ୟ କିଛି କଥା କହିଛନ୍ତି। ସେଗୁଡିକୁ ଜାଣିବା ଅତ୍ୟନ୍ତ ଆବଶ୍ୟକ- ସଙ୍କଟ ସମୟରେ ମିଳିଥାଏ ପରିଚୟ: ଜଣେ ବ୍ୟକ୍ତିର ଦକ୍ଷତା, ଯୋଗ୍ୟତା ଏବଂ ପ୍ରତିଭା କେବଳ ସଙ୍କଟ ସମୟରେ ପରୀକ୍ଷା କରାଯାଏ। ଶତ୍ରୁକୁ କଦାପି ଦୁର୍ବଳ ଭାବନ୍ତୁ ନାହିଁ ଏବଂ ଭୁଲ୍ କରିବା ଉଚିତ୍ ନୁହେଁ। ଜଣେ ସର୍ବଦା…
ନୂଆଦିଲ୍ଲୀ: ଭାରତରେ କରୋନା ମାମଲା ଦ୍ରୁତ ଗତିରେ ବୃଦ୍ଧି ପାଉଛି। ନୂଆ ଭାରିଆଣ୍ଟ୍ ଓମିକ୍ରନ୍ ର ମାମଲା ମଧ୍ୟ ବହୁତ ଆସୁଛି। ବଢୁଥିବା କରୋନା ମଧ୍ୟରେ, ଓମିକ୍ରନ୍ ର ଅନେକ ମାମଲା ମଧ୍ୟ ଆସୁଛି। ନୂତନ ଓମିକ୍ରନ୍ ଭାରିଆଣ୍ଟର ଲକ୍ଷଣଗୁଡିକ କରୋନାର ସମସ୍ତ ଭାରିଆଣ୍ଟଠାରୁ ସାମାନ୍ୟ ଭିନ୍ନ। ଆମେରିକାର ରୋଗ ନିୟନ୍ତ୍ରଣ ଏବଂ ନିରାକରଣ ବିଶ୍ଳେଷଣ ଅନୁଯାୟୀ, ଓମିକ୍ରନର ଚାରୋଟି ଲକ୍ଷଣ ଅଧିକାଂଶ ଲୋକଙ୍କଠାରେ ଦେଖାଯାଏ, ଯେଉଁଥିରେ ନାକରୁ ପାଣି ବାହାରିବା, କଫ, କାଶ ଏବଂ ଥକାପଣ ଅନ୍ତର୍ଭୁକ୍ତ। ଏଥି ସହିତ, AIIMS (ଅଲ୍ ଇଣ୍ଡିଆ ଇନଷ୍ଟିଚ୍ୟୁଟ୍ ଅଫ୍ ମେଡିକାଲ ସାଇନ୍ସ) ଓମିକ୍ରନର ୫ ଟି ଲକ୍ଷଣ ଦେଇଛି ଯାହା କରୋନାର ଅନ୍ୟ ଭାରିଆଣ୍ଟଠାରୁ ଭିନ୍ନ। ଏହି ଲକ୍ଷଣଗୁଡ଼ିକର ଦେଖାଯିବା ଗମ୍ଭୀର ହୋଇପାରେ। ଏଭଳି ପରିସ୍ଥିତିରେ ଲୋକଙ୍କୁ ସତର୍କ ରହିବାକୁ କୁହାଯାଇଛି। ଆସନ୍ତୁ ଜାଣିବା କେଉଁ ୫ ଟି ଲକ୍ଷଣ AIIMS ଦ୍ୱାରା ଦିଆଯାଇଛି। ବିପଜ୍ଜନକ ଓମିକ୍ରନର ଏହି ୫ ଟି…
ପାଣାଜୀ: ଗୋଆରେ ନିର୍ବାଚନ ପୂର୍ବରୁ ବିଜେପି ମନ୍ତ୍ରୀ ମାଇକେଲ ଲୋବୋ ତାଙ୍କୁ ଅବହେଳା କରିଥିବା ଅଭିଯୋଗ କରି ଇସ୍ତଫା ଦେଇଛନ୍ତି। ମୁଖ୍ୟମନ୍ତ୍ରୀ ପ୍ରମୋଦ ସାୱନ୍ତଙ୍କୁ ଇସ୍ତଫା ପତ୍ର ଦାଖଲ କରିବା ପରେ ଗଣମାଧ୍ୟମ ସହ କଥାବାର୍ତ୍ତା କରି ସେ କହିଛନ୍ତି ଯେ, ମୁଁ ଆଶା କରୁଛି ଯେ ତାଙ୍କ ନିର୍ବାଚନମଣ୍ଡଳୀର ଲୋକମାନେ ତାଙ୍କ ନିଷ୍ପତ୍ତିକୁ ସମ୍ମାନ କରିବେ। ସେ ଆହୁରି ମଧ୍ୟ କହିଛନ୍ତି ଯେ, ମୁଁ ମୋର ମନ୍ତ୍ରୀ ପଦରୁ ଇସ୍ତଫା ଦେଇଛି। ମୁଁ ମୋର ବିଧାୟକ ପଦରୁ ମଧ୍ୟ ଇସ୍ତଫା ଦେବି। ସେ କହିଛନ୍ତି ଯେ, ମୁଁ ଅନ୍ୟ ରାଜନୈତିକ ଦଳ ସହ ଆଲୋଚନା କରୁଛି। ସେ କହିଛନ୍ତି ଯେ, ବିଜେପିରେ ନିଜ ତଥା ଦଳର କର୍ମୀଙ୍କ ଅବହେଳାକୁ ନେଇ ସେ ଅସନ୍ତୋଷ ପ୍ରକାଶ କରିଛନ୍ତି। ବର୍ତ୍ତମାନ ସେ ଦଳର ନେତା ତଥା ପୂର୍ବତନ ଗୋଆ ମୁଖ୍ୟମନ୍ତ୍ରୀଙ୍କ ଉତ୍ତରାଧିକାରୀଙ୍କୁ ଆଗକୁ ନେବାକୁ କେହି ଦେଖୁ ନାହାଁନ୍ତି। ସୂଚନାଯୋଗ୍ୟ ଯେ, ମାଇକେଲ…
ଖୋର୍ଦ୍ଧା: ଆଜି ଖୋର୍ଦ୍ଧା ଅବକାରୀ ବିଭାଗକୁ ବଡ଼ ସଫଳତା ମିଳିଛି। ଜଣେ ମହିଳା ବ୍ରାଉନସୁଗାର ବେପାରୀକୁ ଗିରଫ କରିବା ସହ ତାଙ୍କ ନିକଟରୁ ଲକ୍ଷାଧିକ ଟଙ୍କାର ଧଳା ଜହର ଜବତ କରିଛି ଅବକାରୀ ବିଭାଗ। ସୂଚନା ମୁତାବକ ଖୋର୍ଦ୍ଧା ରେଞ୍ଜ ଅବକାରୀ ଅଧିକାରୀ ଭୈରବ ସାହୁଙ୍କ ନେତୃତ୍ୱରେ ଆଜି ଖୋର୍ଦ୍ଧା ଟାଉନ ଥାନା ଅନ୍ତର୍ଗତ ସାମନ୍ତରାୟପୁର ଅଞ୍ଚଳରେ ଚଢ଼ାଉ କରାଯାଇ ଉକ୍ତ ଅଭିଯୁକ୍ତଙ୍କୁ ଗିରଫ କରାଯାଇଛି। ଅଭିଯୁକ୍ତ ଜଣକ ହେଲେ ଟାଉନ ଥାନା ଅଞ୍ଚଳର ସ୍ଵର୍ଣ୍ଣଲତା ବେହେରା (୪୦)। ତାଙ୍କ ନିକଟରୁ ଅବକାରୀ ବିଭାଗ ୨୧ ଗ୍ରାମ ବ୍ରାଉନ ସୁଗାର ସହ ନକଦ ୫ ହଜାର ୩୦୦ ଟଙ୍କା ଜବତ କରିଛି। ଜବତ ବ୍ରାଉନ ସୁଗାରର ମୂଲ୍ୟ ୨ ଲକ୍ଷ ୧୦ ହଜାର ଟଙ୍କା ହେବା ବୋଲି ଅନୁମାନ କରାଯାଉଛି। ଅଭିଯୁକ୍ତ ଜଣକ ବ୍ରାଉନ ସୁଗାର ବିକ୍ରି ପାଇଁ ଗ୍ରାହକଙ୍କୁ ଅପେକ୍ଷା କରିଥିବାବେଳେ ଅବକାରୀ ବିଭାଗ ତାଙ୍କୁ ଗିରଫ କରିଥିଲା। ତେବେ…
ଭୁବନେଶ୍ଵର: ରାଜ୍ୟରେ କରୋନା ସଂକ୍ରମଣ ଦ୍ରୁତ ଗତିରେ ବୃଦ୍ଧି ପାଉଥିବା ବେଳେ ଓମିକ୍ରନ ଆକ୍ରାନ୍ତଙ୍କ ସଂଖ୍ୟା ବଢିଚାଲିଛି। ଆଜି ରାଜ୍ୟରେ ୨୮ ଟି ନୂଆ ଓମିକ୍ରନ ମାମଲା ଚିହ୍ନଟ ହୋଇଛି। ଏହି ୨୮ ଟି ମାମଲାକୁ ମିଶାଇ ରାଜ୍ୟରେ ମୋଟ ଓମିକ୍ରନ ଆକ୍ରାନ୍ତଙ୍କ ସଂଖ୍ୟା ୧୦୩କୁ ବୃଦ୍ଧି ପାଇଛି। ଏନେଇ ରାଜ୍ୟ ସ୍ୱାସ୍ଥ୍ୟ ବିଭାଗକୁ ଆଇଏଲଏସ ପକ୍ଷରୁ ସୂଚନା ପ୍ରଦାନ କରାଯାଇଛି। ତେବେ ଚିହ୍ନଟ ଆକ୍ରାନ୍ତଙ୍କ ଟ୍ରାଭେଲ ହିଷ୍ଟ୍ରି ବିଷୟରେ ସ୍ୱାସ୍ଥ୍ୟ ବିଭାଗ ପକ୍ଷରୁ ଅନୁସନ୍ଧାନ ଜାରି ରହିଛି। ସୂଚନା ଅନୁଯାୟୀ, ୨୮ ଆକ୍ରାନ୍ତଙ୍କ ମଧ୍ୟରୁ ୧୮ ଜଣ ବିଦେଶରୁ ଫେରିଥିବା ବେଳେ ୧୦ ଜଣ ସ୍ଥାନୀୟ ସଂକ୍ରମିତ। ବର୍ତ୍ତମାନ ଏହି ସମସ୍ତ ଆକ୍ରାନ୍ତଙ୍କ କଣ୍ଟାକ୍ଟ ଟ୍ରେସିଙ୍ଗ ଚାଲିଛି। ସେମାନଙ୍କ ସହ ସମ୍ପର୍କରେ ଆସିଥିବା ଲୋକଙ୍କ ଉପରେ ତଦନ୍ତ କରାଯାଉଛି।
ଭୁବନେଶ୍ବର: ପଞ୍ଚାୟତ ନିର୍ବାଚନକୁ ନେଇ ଆଜି ସର୍ବଦଳୀୟ ବୈଠକ ବସିଛି। ରାଜ୍ୟ ମୁଖ୍ୟ ନିର୍ବାଚନ କମିଶନରଙ୍କ ନେତୃତ୍ଵରେ ଏହି ବୈଠକ ଅନୁଷ୍ଠିତ ହୋଇଯାଇଛି। ଏଥିରେ ନିର୍ବାଚନକୁ ନେଇ ସବୁ ଦଳର ଭିନ୍ନ ଭିନ୍ନ ମତ ପ୍ରକାଶ ପାଇଛି। ଶାସକ ଦଳ ବିଜେଡ଼ି ନିର୍ବାଚନ କରିବା ଲାଗି ମତ ରଖିଥିବା ବେଳେ ବିରୋଧୀ ଦଳ ଭିନ୍ନ ମତ ଦେଇଛନ୍ତି। ଗାଇଡଲାଇନ ଅନୁଯାୟୀ ନିର୍ବାଚନ କରିବା ଲାଗି ବିଜେଡ଼ି ପ୍ରସ୍ତାବ ରଖିଛି। ସେପଟେ ଆଉ ୩ ମାସ ପରେ ନିର୍ବାଚନ କରାଇବାକୁ ଭାରତୀୟ ଜନତା ପାର୍ଟି ମତ ରଖିଛି। ସେହିଭଳି ଏହି ପରିସ୍ଥିତିରେ ନିର୍ବାଚନ କରିବା ସପକ୍ଷରେ କଂଗ୍ରେସ ନାହିଁ। କରୋନାର ତୃତୀୟ ଲହରୀ ମଧ୍ୟରେ ନିର୍ବାଚନ ନକରିବାକୁ ଉବାୟ ଦଳ ଦାବି କରିଛନ୍ତି। ସେପଟେ ଓବିସି ସଂରକ୍ଷଣ ପ୍ରସଙ୍ଗ ମଧ୍ୟ ବିରୋଧୀ ଦଳ ଉଠାଇଥିଲେ। ଯେପର୍ଯ୍ୟନ୍ତ ଏହାର ସମାଧାନ ନହୋଇଛି, ସେପର୍ଯ୍ୟନ୍ତ ନିର୍ବାଚନ ବନ୍ଦ ରଖିବାକୁ ବିରୋଧୀ ଦଳ ଦାବି କରିଛି। ତେବେ…