ଭୁବନେଶ୍ବର: ଜୀବନର ଛୋଟରୁ ଛୋଟ କାମ ବି ନିଏ ବିଶାଳ ରୂପ। ଯଦି ସେଥିରେ ଥାଏ, ହୃଦୟର ସ୍ପର୍ଶ। ଛୋଟରୁ ଛୋଟ ସ୍ଵପ୍ନ ଦିନେ ଛୁଏଁ, ସଫଳତାର ଶିଖର। ଯଦି ତାହା ଦେଖାହୁଏ ହୃଦୟରୁ। ଏକଥା ଅନୁଭବଙ୍କର ନୁହଁ… ତାଙ୍କ ମାଆଙ୍କର। ତେଣୁ ଆଜି ଯାଏଁ ଅନୁଭବ ଯାହା କିଛି କରିଛନ୍ତି ତାଙ୍କ ହୃଦୟରୁ। ଆଉ ଓଡ଼ିଶାର ପ୍ରତିଟି ପ୍ରାନ୍ତରେ ତାଙ୍କ ଭଳି ଅନେକ ବ୍ୟକ୍ତି ଅଛନ୍ତି, ଯେଉଁମାନେ ଦିନରାତି କାମ କରନ୍ତି ହୃଦୟରୁ। ଏଭଳି ବ୍ୟକ୍ତିତ୍ଵଙ୍କୁ ନେଇ ପ୍ରଥମ ଥର ଓଲିଉଡ ସୁପର୍ଷ୍ଟାର୍ ଅନୁଭବ ଆସୁଛନ୍ତି। ଓଡ଼ିଶା ଟେଲିଭିଜନ ଇତିହାସରେ ସବୁଠୁ ବଡ଼ ମନୋରଞ୍ଜନ ଭରା ରିୟାଲିଟି ଶୋ’ ‘ଦାଦାଗିରି’ରେ। ଯେଉଁଠି ଅନୁଭବଙ୍କ ସହିତ ଭାଗନେବେ ଓଡ଼ିଶାର ୩୦ଟି ଜିଲ୍ଲା ଏବଂ ତାଙ୍କ ସହିତ କରିବେ ଦାଦାଗିରି ହୃଦୟରୁ। ଜୀସାର୍ଥକ କେବଳ ମନୋରଞ୍ଜନର ମାଧ୍ୟମ ନୁହେଁ, ଦର୍ଶକମାନଙ୍କୁ ସାଥୀରେ ସବୁବେଳେ ଥାଏ। ଦର୍ଶକମାନଙ୍କ ପାଇଁ ଦର୍ଶକମାନଙ୍କ ସହ ମିଶି ଏହିପରି…
Author: Samikhsya Bureau
ଭୁବନେଶ୍ବର: ରାଜ୍ୟରେ ଦ୍ରୁତଗତିରେ କରୋନା ସଂକ୍ରମଣ ବୃଦ୍ଧି ପାଇଛି। ଗତକାଲି ୧୨୧୬ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ଆଜି ୧୮୯୭ ଜଣ ସଂକ୍ରମିତ ହୋଇଛନ୍ତି। ବିଶେଷକରି ଖୋର୍ଦ୍ଧା ଜିଲ୍ଲାରେ ସଂକ୍ରମଣ ସଂଖ୍ୟା ସର୍ବାଧିକ ଅଛି। ତେଣୁ ଏହି ସଂକ୍ରମଣକୁ ରୋକିବା ପାଇଁ ଭୁବନେଶ୍ଵର ମହାନଗର ନିଗମ ତତ୍ପରତା ଦେଖାଇଛି। ଭୁବନେଶ୍ୱର ବିମାନବନ୍ଦର ପାଇଁ ବିଏମସି ନୂଆ ଗାଇଡଲାଇନ୍ ଜାରି କରିଛି। ଭୁବନେଶ୍ୱର ବିମାନ ବନ୍ଦରରେ ପହଞ୍ଚୁଥିବା ସମସ୍ତ ଯାତ୍ରୀଙ୍କର କୋଭିଡ ପରୀକ୍ଷା ହେବ। ସମସ୍ତ ବିମାନ ଯାତ୍ରୀଙ୍କ ଆର୍ଟିପିଆର ଟେଷ୍ଟ ବାଧ୍ୟତାମୂଳକ ହୋଇଛି। ବିମାନ ଯାତ୍ରୀ ମାନଙ୍କୁ ଯେଉଁମାନେ ପୂର୍ବରୁ ଟୀକାକରଣ କରିସାରିଛନ୍ତି କିମ୍ବା ଆରଟିପିସିଆର ନେଗେଟିଭ ରିପୋର୍ଟରେ ଅଛନ୍ତି ସେମାନଙ୍କୁ ମଧ୍ୟ ଏହି କୋଭିଡ୍ ପରୀକ୍ଷା କରିବାକୁ ପଡିବ। ଆସନ୍ତାକାଲି ଠାରୁ ଏହି ନିୟମକୁ ଲାଗୁ କରାଯିବ। ବିଏମ୍ସି ପକ୍ଷରୁ ବିମାନବନ୍ଦରରେ ଯାତ୍ରୀଙ୍କ ଆର୍ଟିପିସିଆର୍ ଟେଷ୍ଟ୍ ପାଇଁ ବ୍ୟବସ୍ଥା କରାଯିବ। କିନ୍ତୁ ଯେଉଁମାନେ ଭାୟା ଭୁବନେଶ୍ବର ଦେଇ ଯିବେ, ସେମାନଙ୍କର…
ନୂଆଦିଲ୍ଲୀ: ଶେଷରେ ମୁଖ୍ୟମନ୍ତ୍ରୀ ନିବାସକୁ ପ୍ରବେଶ କରିଛ କରୋନା ଭାଇରସ। ଆଜି ରାଜସ୍ଥାନର ମୁଖ୍ୟମନ୍ତ୍ରୀ ଅଶୋକ ଗେହେଲଟ କରୋନା ପଜେଟିଭ ଚିହ୍ନଟ ହୋଇଛନ୍ତି। ତାଙ୍କ ଦେହରେ ସାମାନ୍ୟ ଲକ୍ଷଣ ପ୍ରକାଶ ପାଇବାରୁ ସେ ନମୂନା ପରୀକ୍ଷା କରାଇଥିଲେ। ପରୀକ୍ଷା ପରେ ତାହା ପଜେଟିଭ ବୋଲି ଜଣାପଡିଛି। ଏ ନେଇ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ତରଫରୁ ସୂଚନା ପ୍ରଦାନ କରାଯାଇଛି। ଏଥିରେ କୁହାଯାଇଛି ଯେ, ମୁଖ୍ୟମନ୍ତ୍ରୀ ସାମାନ୍ୟ ଲକ୍ଷଣ ଥିବା କରୋନା ଆକ୍ରାନ୍ତ ହୋଇଛନ୍ତି। ସେ ବର୍ତ୍ତମାନ ଘରେ ବିଶ୍ରାମ କରୁଛନ୍ତି।
ଭୁବନେଶ୍ୱର: ଏକ ବିରଳ ସ୍କଲ୍ ବେସ୍ ରୋଗରେ ପୀଡ଼ିତ ଥିବା ଜଣେ ୩୮ ବର୍ଷୀୟ ଇରାକୀ ନାଗରିକଙ୍କର ସମ୍ ଅଲ୍ଟମେଟ୍ ମେଡିକେୟାରରେ ସଫଳ ଅସ୍ତ୍ରୋପଚାର ହୋଇପାରିଛି। ସମ୍ମମ୍ର ସଫଳ ଚିକିତ୍ସା ଯୋଗୁଁ ରାଜ୍ୟରେ ଚିକିତ୍ସା ପର୍ଯ୍ୟଟନର ସମ୍ଭାବନା ଉନ୍ମୁକ୍ତ ହେବାରେ ଲାଗିଛି। ଜସିମ କରିମ୍ ଫରାନ୍ ଚନାନି କୋଭିଡ-୧୯ରେ ଆକ୍ରାନ୍ତ ହୋଇ ସୁସ୍ଥ ହେବା ପରେ ତାଙ୍କ କପାଳ ଏବଂ ବାମ ପଟ ଆଖି ଫୁଲିବା ସହ ଦୀର୍ଘ ଏକ ମାସ ଧରି ମୁଣ୍ଡ ବ୍ୟଥା ଲାଗି ରହିଥିଲା। ଇରାକରେ ପରୀକ୍ଷା ନିରୀକ୍ଷା ପରେ ସେ ପଟ୍ସ ପଫି ଟ୍ୟୁମର ସହିତ ଇନ୍ଭେସିଭ୍ ଫଙ୍ଗଲ ଫ୍ରନ୍ଟାଲ୍ ସାଇନୋସାଇଟିସ୍ ରୋଗରେ ପୀଡ଼ିତ ଥିବା ଜଣାପଡ଼ିଥିଲା। ଜସିମ୍ଙ୍କ ପରିବାର ଏହି ରୋଗର ଉପଯୁକ୍ତ ଚିକିତ୍ସା ନିମନ୍ତେ ସନ୍ଧାନ କରିବା ପରେ ଇରାକରେ ଏହାର ଚିକିତ୍ସା ଉପଲବ୍ଧ ନୁହେଁ ବୋଲି ବୁଝିପାରିଥିଲେ। ଏହା ପରେ ସେମାନେ ଭାରତରେ ସମ୍ ଅଲ୍ଟିମେଟ୍ ମେଡିକେୟାରର ଇଏନ୍ଟି ଆଣ୍ଡ ସ୍କଲବେସ୍…
ନୂଆଦିଲ୍ଲୀ: ଭାରତୀୟ କ୍ରିକେଟ୍ ଦଳକୁ ଚଳିତ ବର୍ଷ ବହୁତ କ୍ରିକେଟ୍ ଖେଳିବାକୁ ପଡିବ। ଗତ ବର୍ଷ ଭଳି ଏହି ବର୍ଷ ମଧ୍ୟ ଆଇସିସି ଟି-୨୦ ବିଶ୍ୱକପ ଆୟୋଜିତ ହେବାକୁ ଯାଉଛି। ଏହା ବ୍ୟତୀତ ଟିମ୍ ଇଣ୍ଡିଆର ସମସ୍ତ ଖେଳାଳି ମଧ୍ୟ ଆଇପିଏଲ୍ ୨୦୨୨ ରେ ଅଂଶଗ୍ରହଣ କରିବେ। ଏଥି ସହିତ ଭାରତକୁ ଚଳିତ ବର୍ଷ ଇଂଲଣ୍ଡ, ୱେଷ୍ଟଇଣ୍ଡିଜ୍ ଏବଂ ବାଂଲାଦେଶ ମଧ୍ୟ ଭ୍ରମଣ କରିବାକୁ ପଡିବ। ଏହା ବ୍ୟତୀତ, ୨୦୨୨ ମସିହାରେ ଟିମ୍ ଇଣ୍ଡିଆକୁ ମଧ୍ୟ ଘରେ ଅନେକ କ୍ରିକେଟ୍ ଖେଳିବାକୁ ପଡିବ। ଆସନ୍ତୁ ଜାଣିବା ଟିମ୍ ଇଣ୍ଡିଆକୁ ଚଳିତ ବର୍ଷ ଘରୋଇ ମାଟିରେ କେବେ ଏବଂ କାହା ବିପକ୍ଷରେ ଖେଳିବାକୁ ପଡିବ। ଫେବୃଆରୀରେ ଶ୍ରୀଲଙ୍କା ଦଳ ଭାରତ ଆସିବ: ଟିମ୍ ଇଣ୍ଡିଆ ବର୍ତ୍ତମାନ ଦକ୍ଷିଣ ଆଫ୍ରିକା ଗସ୍ତରେ ଅଛି। ଏହା ପରେ ତାଙ୍କୁ ଶ୍ରୀଲଙ୍କା ବିପକ୍ଷରେ ଦୁଇଟି ଟେଷ୍ଟ ଏବଂ ତିନୋଟି ଟି-୨୦ ମ୍ୟାଚ୍ ଖେଳିବାକୁ ପଡିବ। ତେବେ ଏହି…
ଭୁବନେଶ୍ୱର: ପଞ୍ଜାବ ନ୍ୟାସ୍ନାଲ୍ ବ୍ୟାଙ୍କ (ପୋଖରୀପୁଟ ଶାଖା)ର ନବୀକରଣ କରାଯାଇଥିବା ଏଟିଏମ୍ ଶିକ୍ଷା ଓ ଅନୁସନ୍ଧାନ (ସୋଆ) ପ୍ରତିଷ୍ଠାତା ସଭାପତି ପ୍ରଫେସର (ଡ.) ମନୋଜରଞ୍ଜନ ନାୟକଙ୍କ ଦ୍ୱାରା ଗୁରୁବାର ଉଦ୍ଘାଟିତ ହୋଇଯାଇଛି। ସୋଆ ମୁଖ୍ୟ କାର୍ଯ୍ୟାଳୟ ନିକଟରେ ଥିବା ଏହି ଏଟିଏମ୍ର ନବୀକରଣ କରାଯାଇ ଗ୍ରାହକଙ୍କ ସୁବିଧା ନିମନ୍ତେ ସମସ୍ତ ବ୍ୟବସ୍ଥା କରାଯାଇଛି। ଏହି ନୂତନ ଏଟିଏମ୍ର ଉଦ୍ଘାଟନ ସମୟରେ ସୋଆର ପ୍ରତିଷ୍ଠାତା ସଦସ୍ୟା କୁମାରୀ ଉପାସନା ନାୟକ, ପିଏନ୍ବି ଭୁବନେଶ୍ୱର ସର୍କଲ୍ର ମୁଖ୍ୟ ପରେଶ କୁମାର ଦାସ, ପୋଖରୀପୁଟ ଶାଖାର ମୁଖ୍ୟ ସୌମିତ୍ରୀ ପତି, ପୂର୍ବତନ ବ୍ରାଂଚ ମୁଖ୍ୟ ହିମାଂଶୁ ଶେଖର ମହାପାତ୍ର ଓ ସୋଆର ଚିଫ୍ ଫାଇନାନ୍ସ ଅଫିସର ସରୋଜ କାନ୍ତ ସାମଲ ପ୍ରମୁଖ ଉପସ୍ଥିତ ଥିଲେ। ଏହି ପିଏନ୍ବି ଶାଖା ଓ ଏଟିଏମ୍ ପୋଖରୀପୁଟ ସମେତ ଜାଗମରା, ଖଣ୍ଡଗିରି ଧର୍ମବିହାର ଅଂଚଳର ଅନେକ ଗ୍ରାହକଙ୍କର ସେବାରେ ଉପଲବ୍ଧ ଅଟେ।
ଭୁବନେଶ୍ବର: ଆସନ୍ତାକାଲିଠାରୁ ରାଜ୍ୟର ସବୁ ସହରାଞ୍ଚଳରେ ରାତି ୯ ଟାରେ ଦୋକାନ ବଜାର ବନ୍ଦ ରହିବ। ଜାନୁୟାରୀ ସାତ ତାରିଖରୁ ରାଜ୍ୟ ସରକାର ନୂଆ ନିୟମ ଲାଗୁ କରିଛନ୍ତି। ସେହି ଅନୁସାରେ ସହରାଞ୍ଚଳରେ ନାଇଟ କର୍ଫ୍ୟୁର ସମୟ ବଢାଇ ଦିଆଯାଇଛି। ଫଳରେ ପୂର୍ବରୁ ରାତି ୧୦ ଟାରେ ଦୋକାନବଜାର ବନ୍ଦ କରିବାକୁ କୁହାଯାଇଥିଲା। ଏବେ ତାହା ରାତି ୯ ଟାରୁ ତା ପରଦିନ ସକାଳ ୫ ଟା ପର୍ଯ୍ୟନ୍ତ ଏହି କର୍ଫ୍ୟୁ ଲାଗୁରହିବ। ଗତକାଲି ରାଜ୍ୟ ସରକାରଙ୍କ ତରଫରୁ ନୂଆ କୋଭିଡ ଗାଇଡ ଲାଇନ ଜାରୀ କରାଯାଇଛି। ସେହି ଅନୁସାରେ ବର୍ତ୍ତମାନ ବିଭିନ୍ନ ସ୍ଥାନରେ ଭିଡକୁ ହ୍ରାସ କରିବା ପାଇଁ ନିର୍ଦ୍ଦେଶ ଦିଆଯାଇଛି। ସେହିପରି ବିଭିନ୍ନ ସ୍ଥାନରେ ପ୍ରେକ୍ଷାଳୟ, ସିନେମା ହଲ ପ୍ରଭୃତି ସ୍ଥାନରେ ୫୦ ପ୍ରତିଶତ ଲୋକଙ୍କୁ ନେଇ କାର୍ଯ୍ୟ କରିବା ପାଇଁ କୁହାଯାଇଛି। ଏହି କଟକଣା ଆସନ୍ତା ଫେବୃୟାରୀ ୧ ତାରିଖ ପର୍ଯ୍ୟନ୍ତ ରହିବ।
ନୂଆଦିଲ୍ଲୀ: କରୋନା ଅବଧି ସମୟରେ ସ୍ୱାସ୍ଥ୍ୟର ଯତ୍ନ ନେବା ଆବଶ୍ୟକ। ଶରୀରକୁ ଶକ୍ତିଶାଳୀ କରିବା ପାଇଁ ଭିଟାମିନ୍ ଏବଂ ମିନେରାଲରେ ଭରପୂର ଖାଦ୍ୟ ଖାଆନ୍ତୁ। ଆପଣଙ୍କୁ କାଶ ଏବଂ ଥଣ୍ଡା ଠାରୁ ରକ୍ଷା କରିବା ପାଇଁ ଆପଣଙ୍କର ରୋଗ ପ୍ରତିରୋଧକ ଶକ୍ତି ଦୃଢ ରଖିବା ଜରୁରୀ। ଏଥିପାଇଁ ପୁଷ୍ଟିକର ସମୃଦ୍ଧ ଫଳ ଏବଂ ପନିପରିବା ଆପଣଙ୍କ ଖାଦ୍ୟର ଏକ ଅଂଶ କରନ୍ତୁ। ଆପଣ ଏପରି ପନିପରିବା ଖାଦ୍ୟରେ ଅନ୍ତର୍ଭୁକ୍ତ କରିବା ଉଚିତ୍, ଯାହାଦ୍ୱାରା ଆପଣ ଆବଶ୍ୟକୀୟ ଭିଟାମିନ୍ ଏବଂ ମିନେରାଲ୍ସ ପାଇପାରିବେ। ଆଜି ଆମେ ଆପଣଙ୍କୁ ଏପରି ଏକ ସ୍ୱତନ୍ତ୍ର ପନିପରିବା କାଙ୍କଡ ବିଷୟରେ କହୁଛୁ, ଯାହା ଆପଣଙ୍କ ଶରୀରକୁ ସମସ୍ତ ଜରୁରୀ ଭିଟାମିନ୍ ଦେଇଥାଏ। ଏହା ଆପଣଙ୍କ ଶରୀରକୁ ଶକ୍ତିଶାଳୀ କରିଥାଏ। କାଙ୍କଡ କେବଳ ଏକ ପନିପରିବା ନୁହେଁ ବରଂ ଔଷଧ ଭଳି କାମ କରେ। ଏଥିରେ ଭିଟାମିନ୍ ବି ୧୨, ଭିଟାମିନ୍ ଡି, କ୍ୟାଲସିୟମ୍, ଜିଙ୍କ୍, କପର ଏବଂ…
ଭୁବନେଶ୍ବର: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଜି ଭିଡିଓ କନ୍ଫରେସନ୍ସିଂ ମାଧ୍ୟମରେ କଟକ ସହର ପାଇଁ ୨୪ ଘଣ୍ଟିଆ ପାନୀୟ ଜଳ ଯୋଗାଣ ବ୍ୟବସ୍ଥାର ଲୋକାର୍ପଣ କରିଛନ୍ତି। ମୁଖ୍ୟମନ୍ତ୍ରୀ ଉଦ୍ଘାଟନ କରିଥିବା ପାନୀୟ ଜଳ କାର୍ଯ୍ୟକ୍ରମ ଦ୍ବାରା କଟକ ସହରର ସବୁ ପରିବାର ୨୪ ଘଣ୍ଟିଆ ପାଇପ ପାଣିର ସୁବିଧା ପାଇପାରିଛନ୍ତି। ଏହାଦ୍ବାରା ସହରର ୧ ଲକ୍ଷ ୪୦ ହଜାର ପରିବାରର ୭ ଲକ୍ଷ ଲୋକ ଉପକୃତ ହୋଇଛନ୍ତି । ଏଥିପାଇଁ ୭୯୦ କୋଟି ଟଙ୍କା ଖର୍ଚ୍ଚ କରାଯାଇଛି। ଏହି ଅବସରରେ ମୁଖ୍ୟମନ୍ତ୍ରୀ ଖୁସି ପ୍ରକାଶ କରି କହିଲେ ଯେ କଟକ ସହିତ ରାଜ୍ୟର ୬୦ଟି ସହରର ସବୁ ପରିବାରକୁ ୨୪ ଘଣ୍ଟିଆ ପାଇପ ପାଣିର ସୁବିଧା ଦିଆଯାଇଛି। ଖୁବଶୀଘ୍ର ରାଜ୍ୟର ସମସ୍ତ ୧୧୪ଟି ସହରରେ ସବୁ ପରିବାରକୁ ୨୪ ଘଣ୍ଟିଆ ପାଇପ ପାଣିର ସୁବିଧା ଯୋଗାଇ ଦିଆଯିବ। ଏହି ଅବସରରେ ମୁଖ୍ୟମନ୍ତ୍ରୀ କଟକର ଦୁଇଟି ଜୋନ୍ରେ Drink from Tap କାର୍ଯ୍ୟକ୍ରମର…
ନୂଆଦିଲ୍ଲୀ: କୋଭିଡ-୧୯ ର ଆରମ୍ଭରେ ଘଟିଥିବା ସମସ୍ୟା, ସମାନ ସମସ୍ୟା ବର୍ତ୍ତମାନ ଓମିକ୍ରନ୍ ସମୟରେ ଦେଖାଯାଉଛି। ଯେତେବେଳେ କରୋନା ଆରମ୍ଭ ହେଲା ସାଧାରଣ ଥଣ୍ଡା ଏବଂ କୋଭିଡ୍ -୧୯ ମଧ୍ୟରେ ପାର୍ଥକ୍ୟ କରିବା ସମ୍ଭବ ହେଉନଥିଲା। କିନ୍ତୁ ଯେତେବେଳେ ଏହାର ମାମଲା ବଢିବାରେ ଲାଗିଲା ଏବଂ ପ୍ରଭାବ ସାମ୍ନାକୁ ଆସିବା ପରେ ସାମାନ୍ୟ ଥଣ୍ଡା ଏବଂ କାଶ ମଧ୍ୟ ଲୋକଙ୍କୁ ଭୟଭୀତ କରିବାକୁ ଲାଗିଲା। ବର୍ତ୍ତମାନ ଓମିକ୍ରନ୍ ସହିତ ମଧ୍ୟ ସମାନ ପରିସ୍ଥିତି ଘଟୁଛି। କିନ୍ତୁ ଆପଣ ଏହାକୁ ନେଇ ଭୟଭୀତ ହୁଅନ୍ତୁ ନାହିଁ। ଆମେ ଆପଣଙ୍କ ପାଇଁ ସେହି ପାର୍ଥକ୍ୟକୁ ଆଲୋଚନା କରିବୁ, ଯାହା ଜାଣିବା ପରେ ଆପଣ ସହଜରେ ଜାଣି ପାରିବ ଯେ, ଆପଣ ଓମିକ୍ରନ୍ ପଜିଟିଭ୍ କି ଥଣ୍ଡାର ଶିକାର ହୋଇଛନ୍ତି। ତଥାପି ସାମାନ୍ୟ ସନ୍ଦେହ ଥିଲେ ମଧ୍ୟ ଆପଣ କରୋନା ପରୀକ୍ଷା କରିଦେବା ଉଚିତ୍। କାରଣ ସଂକ୍ରମଣର ଆରମ୍ଭରେ ନିଆଯାଇଥିବା ଉଦାସୀନତା ଆପଣଙ୍କ ପରିବାରକୁ ଅତିଷ୍ଠ…
ନୂଆଦିଲ୍ଲୀ: ଗତକାଲି ପଂଜାବ ଗସ୍ତ ବେଳେ ପ୍ରଧାନମନ୍ତ୍ରୀଙ୍କ ସୁରକ୍ଷା ଅବହେଳା ପ୍ରସଂଗରେ ବର୍ତ୍ତମାନ ପଂଜୀବ ସରକାର ଅଡୁଆରେ ଅଛନ୍ତି। ଏ ପ୍ରସଂଗରେ ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ରାଷ୍ଟ୍ରପତି ରାମନାଥ କୋବିନ୍ଦଙ୍କୁ ସାକ୍ଷାତ କରିଛନ୍ତି। ଏହି ଘଟଣା ନେଇ ରାଷ୍ଟ୍ରପତି ଉଦବେଗ ପ୍ରକାଶ କରିଛନ୍ତି। ପ୍ରଧାନମନ୍ତ୍ରୀ ଆଜି ରାଷ୍ଟ୍ରପତି ଭବନରେ ପହଁଚିବା ପରେ ସେ ଏହି ସୁରକ୍ଷା ବ୍ୟବସ୍ଥା ନେଇ ରାଷ୍ଟ୍ରପତିଙ୍କ ସହିତ ଦୀର୍ଘ ଆଲୋଚନା କରିଥିଲେ। କେଉଁ ପରିସ୍ଥିତିରେ ଏପରି ଘଟଣା ଘଟିଲା ତାହା ଆଲୋଚନା ହୋଇଥିଲା। ସେହିପରି ଏହି ଘଟଣାକୁ ନେଇ ଉପରାଷ୍ଟ୍ରପତି ଏମ ଭେଙ୍କେୟା ନାଇଡୁ ମଧ୍ୟ ଉଦବେଗ ପ୍ରକାଶ କରିଛନ୍ତି। ପ୍ରଧାମନ୍ତ୍ରୀଙ୍କ ସହିତ ଟେଲିଫୋନରେ ସେ କଥାବାର୍ତ୍ତା କରିଛନ୍ତି। ସେହିପରି ଏହି ଘଟଣା ନେଇ ଆଜି କ୍ୟାବିନେଟ ସୁରକ୍ଷା କମିଟର ଜରୁରୀ ବୈଠକ ମଧ୍ୟ ବସିଥିଲା। ଏଥିରେ ମଧ୍ୟ ପ୍ରଧାନମନ୍ତ୍ରୀଙ୍କର ସୁରକ୍ଷା ଭଙ୍ଗ ଉପରେ ଆଲୋଚନା କରାଯାଇ କଣ ପଦକ୍ଷେପ ନିଆଯାଇପାରିବ ସେ ନେଇ ନିଷ୍ପତି…
ସୀତାରାମ ଅଗ୍ରୱାଲ ବାଣପୁର: କରୋନା ତୃତୀୟ ଲହର ସାରା ଦେଶକୁ କଲବଲ କରୁଥିବା ବେଳେ ଏଥିରୁ ବାଦ ପଡ଼ିନାହିଁ ଓଡ଼ିଶା। ଆଜି ଓଡ଼ିଶାରେ ୧୮୯୭ ଜଣ ନୂଆ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି ଯେଉଁଥିରେ କେବଳ ଖୋର୍ଦ୍ଧାରୁ ୬୬୯ ଚିହ୍ନଟ ହୋଇଛନ୍ତି। ତେବେ କରୋନାର ତୃତୀୟ ଲହର ଖୋର୍ଦ୍ଧା ଜିଲ୍ଲା ବାଣପୁରରେ ଧୀରେ ଧୀରେ ବ୍ୟାପିବାରେ ଲାଗିଛି। ସୂଚନା ମୁତାବକ ବାଣପୁର ବ୍ଲକ ଆଦିବାସୀ ଅଧ୍ୟୁଷିତ ନୀଳାଦ୍ରିପ୍ରସାଦ ପଞ୍ଚାୟତର ନୀଳାଦ୍ରିପ୍ରସାଦ ଆଶ୍ରମ ବିଦ୍ୟାଳୟରେ ଗତ ଦୁଇ ଦିନ ମଧ୍ୟରେ ୧୦ ଜଣ ଛାତ୍ର ଛାତ୍ରୀ ଏବଂ କର୍ମଚାରୀ ପଜିଟିଭ ଚି଼ହ୍ନଟ ହୋଇଛନ୍ତି। ୧୦ ଜଣଙ୍କ ମଧ୍ୟରେ ୫ ଜଣ ଛାତ୍ର, ୪ ଜଣ ଛାତ୍ରୀ ଏବଂ ଜଣେ ବିଦ୍ୟାଳୟ କର୍ମଚାରୀ ପଜିଟିଭ ଥିବା ଜଣାପଡିଛି। ତେବେ ପ୍ରଶାସନିକ ପଦକ୍ଷେପ ସ୍ୱରୂପ ଆଜି ବାଣପୁର ତହସିଲଦାର କୁଞ୍ଜବିହାରୀ ବଡ଼ଜେନା ଉକ୍ତ ବିଦ୍ୟାଳୟକୁ ପହଞ୍ଚି ସ୍ଥିତି ପରଖିବା ସହ ବିଦ୍ୟାଳୟକୁ ସାମୟିକ ଭାବେ ବନ୍ଦ…
ଭୁବନେଶ୍ୱର: କୋଭିଡ ୧୯ର ନୂଅ ଭ୍ୟାରିଏଂଟ ଓମିକ୍ରନ ଏବଂ ତୃତୀୟ ଲହରର ଭୟ ସାରା ବିଶ୍ୱକୁ ଆଚ୍ଛାଦିତ କରି ରଖିଥିବା ବେଳେ ସମ୍ କୋଭିଡ୍ ହସ୍ପିଟାଲରୁ ଆସିଛି ଭଲ ଖବର। ଓମିକ୍ରନରେ ଆକ୍ରାନ୍ତ ତିନି ଜଣ ସଂକ୍ରମିତ ହସ୍ପିଟାଲ୍ରୁ ସୁସ୍ଥ ହୋଇ ମଙ୍ଗଳବାର ଘରକୁ ଫେରିଛନ୍ତି। ନାଇଜେରିଆରୁ ଫେରିଥିବା ଜଣେ ମହିଳା ଏବଂ ତାଙ୍କର ଦୁଇ ନାବାଳିକା ଓମିକ୍ରନରେ ସଂକ୍ରମିତ ହୋଇଥିବା ବେଳେ ହସ୍ପିଟାଲ୍ରେ ଉତ୍ତମ ଚିକିତ୍ସା ସେବା ଓ ଯତ୍ନ ଯୋଗୁଁ ସୁସ୍ଥ ହୋଇାରିଛନ୍ତି। ନାଇଜେରିଆରୁ ଫେରିବା ପରେ କୋଭିଡ୍ ପରୀକ୍ଷାରେ କରୋନା ସଂକ୍ରମିତ ଜଣାପଡ଼ିବା ପରେ ଗତ ଡ଼ିସେମ୍ବର ୨୧ ତାରିଖ ଦିନ ମା ଏବଂ ଦୁଇ ଝିଅଙ୍କୁ ସମ୍ କୋଭିଡ୍ ହସ୍ପିଟାଲରେ ଭର୍ତ୍ତି କରାଯାଇଥିଲା। ପରବର୍ତ୍ତୀ ସମୟରେ ଓମାଇକ୍ରନ ଚିହ୍ନଟ ନିମନ୍ତେ ତାଙ୍କ ଠାରୁ ସଂଗ୍ରହ କରାଯାଇଥିବା ସ୍ୱାବକୁ ଜେନମ୍ ସିକୁଏନ୍ସିଂ ପାଇଁ ଠାଯାଇଥିଲା। ସେମାନଙ୍କର ଓମାଇକ୍ରନ ରିୋର୍ଟ ମଧ୍ୟ ପଜିଟିଭ୍ ଆସିଥିଲା। ତେବେ ଏହି ତିନି…
କନ୍ଦର୍ପ ବେହେରା ରେଢାଖୋଲ: ପ୍ରେମ ଚିରନ୍ତନ ଓ ଶାଶ୍ୱତ। ପ୍ରେମ ବିନା ମଣିଷ ବଂଚି ପାରେନା। ଆଜିକାଲି ମୋବାଇଲ ଦୁନିଆରେ ଇଣ୍ଟରନେଟ ଯୋଗେ ଯୁବକ ଯୁବତୀ ପ୍ରେମ କରୁଥିବା ବହୁତ ନଜିର ଅଛି। ପରସ୍ପରକୁ ଭଲଭାବେ ଚିହ୍ନିବା ପୂର୍ବରୁ ଯୁବକ ଯୁବତୀଙ୍କ ପ୍ରେମ ସାପରକା ଗଢିଉଠିଥାଏ। ଏଭଳି ପ୍ରେମ ଫେସବୁକରେ ଅନେକ ଘଟଣା ସାମ୍ନାକୁ ଆସୁଛି। କେତେକ କ୍ଷେତ୍ରରେ ଏହା ସଫଳ ହେଉଛି ତ ଅଧିକାଂଶ ସମୟରେ ଧୋକ୍କା ମଧ୍ୟ ଖାଇବାକୁ ପଡୁଛି। ଏଭଳି ଏକ ଘଟଣା ସମ୍ବଲୁର ଜିଲ୍ଲା ନାକଟିଦେଉଳ ବ୍ଲକ୍ ଅଂଚଳରେ ଘଟିଛି। ପ୍ରଥମେ ଫେସ୍ ବୁକ୍ ରୁ ଚିହ୍ନା ପରିଚୟ। ପରେ ବିବାହ ଆଉ ପ୍ରତାରଣା। ଶେଷରେ ଥାନାରେ ଅଭିଯୋଗ। ଯୁବକର ଦାରିଦ୍ରତା ହିଁ ପ୍ରେମ ସଂର୍କକୁ ଭାଙ୍ଗି ଚୁର୍ ମାର୍ କରିଦେଇଛି। ପୋଲିସ ସୂତ୍ରରୁ ପ୍ରକାଶ ଯେ, ନାକଟିଦେଉଳ ବ୍ଲକ୍ ଅଂଚଳର ଜନୈକା ଯୁବତୀ ବୟସ ପାଖ।।ଖି (୨୫) କଟକ ଜିଲ୍ଲା ମଙ୍ଗଳାବାଗ ଥାନା ରାଣିହାଟ…
ଭୁବନେଶ୍ବର: ରାଜ୍ୟର ପ୍ରତିଷ୍ଠିତ ତଥା ଲାଭଜନକ ସଂସ୍ଥା ଓଡିଶା ଖଣି ନିଗମରେ ବିଭିନ୍ନ ପଦବୀ ପାଇଁ ସାକ୍ଷାତକାର ପରୀକ୍ଷା ଅନୁଷ୍ଠିତ ହେବ। ଏହି ନିଗମରେ ଫୋର ମ୍ୟାନ, ସର୍ଭେୟର ଏବଂ ମାଇନିଂମେଟ ପଦବୀ ଖାଲି ରହିଛି। ଏଥିରେ ମୋଟ 74ଟି ପଦବୀ ଖାଲି ରହିଛି। ଏଥିପାଇଁ ପ୍ରାର୍ଥୀମାନେ ନିର୍ଦ୍ଧାରିତ ଶିକ୍ଷାଗତ ଯୋଗ୍ୟତାର ଆବଶ୍ୟକତା ରହିଛି। ସେହିପରି ବୟସ ସୀମା 18ରୁ 32 ବର୍ଷ ହୋଇଥିବା ଆବଶ୍ୟକ। ଏହି ପଦବୀ ମଧ୍ୟରୁ ଫୋରମ୍ୟାନ ପାଇଁ 10ଟି, ସର୍ଭେୟର ପାଇଁ 14ଟି ଏବଂ ମାଇନିଂମେଟ ପାଇଁ 50ଟି ପଦବୀ ଖାଲିରହିଛି। ଏହିସବୁ ପଦବୀ ପାଇଁ ସିଧା ପରୀକ୍ଷା କରାଯିବ। ବିସ୍ତୁତ ବିବରଣୀ ପାଇଁ www.omcltd.in ରେ ଲଗଇନ କରିପାରିବେ। କିମ୍ବା ସିଧା https://omcltd.in/Recruitment କୁ ମଧ୍ୟ କ୍ଲିକ କରି ସମସ୍ତ ତଥ୍ୟ ଜାଣିପାରିବେ। ଏହି ପରୀକ୍ଷା ପାଇଁ ନିଗମ ତରଫରୁ ତାରିଖ ଏବଂ ସ୍ଥାନ ଧାର୍ଯ୍ୟ କରାଯାଇଛି। ସେହି ଅନୁସାରେ କେଉଁଝରର ବରବିଲରେ ଥିବା କମ୍ୟୁନିଟ…
ନୂଆଦିଲ୍ଲୀ: ଭାରତ ଏବଂ ଦକ୍ଷିଣ ଆଫ୍ରିକା ମଧ୍ୟରେ ତିନି ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜର ଦ୍ୱିତୀୟ ମ୍ୟାଚ୍ ଜୋହାନ୍ସବର୍ଗର ୱାନଡର୍ସ ୱିକେଟ୍ ଗ୍ରାଉଣ୍ଡରେ ଖେଳାଯାଉଛି। ଦକ୍ଷିଣ ଆଫ୍ରିକାକୁ ଜିତିବା ପାଇଁ ଭାରତ ୨୪୦ ରନ୍ ଲକ୍ଷ୍ୟ ଧାର୍ଯ୍ୟ କରିଛି। ଏହି ଟାର୍ଗେଟ୍ ବହୁତ ଛୋଟ ଦେଖାଯାଏ, କିନ୍ତୁ ଏହା ୱାନଡର୍ସ ୱିକେଟ୍ ଉପରେ ଏକ ପର୍ବତ ପରି। ଆଜି ପର୍ଯ୍ୟନ୍ତ ଦକ୍ଷିଣ ଆଫ୍ରିକା ଦଳ ଏହି ୱିକେଟ୍ ଉପରେ ୨୨୦ ରୁ ଅଧିକ ରନ୍ ଲକ୍ଷ୍ୟ ହାସଲ କରିବାରେ ସକ୍ଷମ ହୋଇ ନାହିଁ। ଏଠାରେ ଦକ୍ଷିଣ ଆଫ୍ରିକା ମେ ୨୦୦୬ ରେ ନ୍ୟୁଜିଲ୍ୟାଣ୍ଡ ବିପକ୍ଷରେ ୨୨୦ ରନ୍ ଲକ୍ଷ୍ୟ ହାସଲ କରିଥିଲା। ଦକ୍ଷିଣ ଆଫ୍ରିକା ଏହି ଟେଷ୍ଟରେ ୪ ୱିକେଟ୍ ଜିତିଥିଲା। ଏହି ୱିକେଟ୍ ଉପରେ ଦକ୍ଷିଣ ଆଫ୍ରିକାର ସବୁଠାରୁ ବଡ ସଫଳତା ହାସଲ କରିଛି। – ନଭେମ୍ବର ୨୦୧୧ ରେ ଏଠାରେ 8 ୱିକେଟ୍ ହରାଇବା ପାଇଁ ଅଷ୍ଟ୍ରେଲିଆ ୩୧୦…
ନୂଆଦିଲ୍ଲୀ: ଦେଶରେ କରୋନା ମହାମାରୀର ଗତି ଅନିୟନ୍ତ୍ରିତ ହେବାରେ ଲାଗିଛି। ଏହା ସହିତ, ଓମିକ୍ରନ୍, କରୋନାର ସବୁଠାରୁ ବିପଜ୍ଜନକ ଭାରିଆଣ୍ଟ ମଧ୍ୟ ଦ୍ରୁତ ଗତିରେ ବୃଦ୍ଧି ପାଉଛି। ଗତ 24 ଘଣ୍ଟା ମଧ୍ୟରେ ଦେଶରେ କରୋନାରେ 90 ହଜାର 928 ଟି ନୂଆ ଆକ୍ରାନ୍ତ ଚିହ୍ନଟ ହୋଇଥିବା ଜଣାପଡିଛି। ଏହି ସମୟରେ 325 ଜଣଙ୍କର ମୃତ୍ୟୁ ହୋଇଛି। ବର୍ତ୍ତମାନ ପର୍ଯ୍ୟନ୍ତ ଦେଶରେ କରୋନାର ଓମିକ୍ରନ୍ ର 2630 ମାମଲା ରିପୋର୍ଟ ହୋଇଛି। କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ଦ୍ୱାରା ପ୍ରକାଶିତ ତଥ୍ୟ ଅନୁଯାୟୀ, ବର୍ତ୍ତମାନ ଦେଶରେ ସକ୍ରିୟ ମାମଲା ସଂଖ୍ୟା ଦୁଇ ଲକ୍ଷ 85 ହଜାର 401 କୁ ବୃଦ୍ଧି ପାଇଛି। ଏଥି ସହିତ, ଏହି ମହାମାରୀ ହେତୁ ପ୍ରାଣ ହରାଇଥିବା ଲୋକଙ୍କ ସଂଖ୍ୟା 4 ଲକ୍ଷ 82 ହଜାର 876 କୁ ବୃଦ୍ଧି ପାଇଛି। ତଥ୍ୟ ଅନୁଯାୟୀ, ଗତକାଲି 19 ହଜାର 206 ଜଣ ଲୋକ ଆରୋଗ୍ୟ ଲାଭ କରିଥିଲେ, ଯାହା…
ଖୋର୍ଦ୍ଧା/ଭୁବନେଶ୍ଵର: ଖୋର୍ଦ୍ଧା ଜିଲ୍ଲାର ଲଘୁ ଖଣିଜର ସୁରକ୍ଷା ସମ୍ପର୍କରେ ଗତ ଡିସେମ୍ବର ମାସ ୨୩ ତାରିଖରେ ଜିଲ୍ଲାପାଳଙ୍କ କାର୍ଯ୍ୟାଳୟରେ ଜିଲ୍ଲାପାଳଙ୍କ ଅଧ୍ୟକ୍ଷତାରେ ଜିଲ୍ଲାର ସମସ୍ତ ରାଜସ୍ୱ ଅଧିକାରୀ ଓ ପୋଲିସ ଅଧିକାରୀଙ୍କୁ ନେଇ ଏକ ସଭା ଅନୁଷ୍ଠିତ ହୋଇଥିଲା, ଯେଉଁ ସଭାରେ କି ଜିଲ୍ଲାର ଲଘୁ ଖଣିଜର ସୁରକ୍ଷା ଉପରେ ବିଶଦ ଆଲୋଚନା କରାଯାଇ ଏହାର ସୁରକ୍ଷା ଦିଗରେ ନିରାକରଣ ସ୍ୱରୂପ ବିଭିନ୍ନ ପ୍ରସ୍ତାବମାନ ଗୃହୀତ ହୋଇଥିଲା। ପ୍ରସ୍ତାବ ଅନୁଯାୟୀ ଖୋର୍ଦ୍ଧା ଜିଲ୍ଲାର କୌଣସି ସ୍ଥାନରେ ଲଘୁ ଖଣିଜ ସମ୍ପଦର ଚୋରା ଚାଲାଣ ପ୍ରଶାସନର ଦୃଷ୍ଟିକୁ ଆସିଲେ ସରକାରଙ୍କ ଦ୍ଵାରା ପ୍ରଣୀତ ଆଇନ ଅନୁସାରେ ଚୋରା ଚାଲାଣରେ ଜଡିତ ଥିବା ଯାନ,ବାହନ ଉପରେ ତହସିଲଦାର ଟାଙ୍ଗୀ ଓ ତହସିଲଦାର, ଖୋର୍ଦ୍ଧାଙ୍କ ନେତୃତ୍ଵରେ ଗଠିତ ହୋଇଥିବା ସ୍ଵତନ୍ତ୍ର ଦୁଇ ଗୋଟି ଟିମ ଦ୍ଵାରା ଚଢାଉ କରାଯାଇ ଉକ୍ତ ଯାନ, ବାହନ ଜବତ କରାଯିବା ସଙ୍ଗେ ସଙ୍ଗେ ଜବତ ହୋଇଥିବା ଯାନ, ବାହନର ମାଲିକଙ୍କ…
ଭୁବନେଶ୍ବର: ଆଜି ରାଜ୍ୟରେ ୧୮୯୭ ଜଣ ନୂଆ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ସେମାନଙ୍କ ମଧ୍ୟରୁ ୦-୧୮ ବର୍ଷର ୨୫୮ ଜଣ ଅଛନ୍ତି। ସେହିପରି ଆକ୍ରାନ୍ତଙ୍କ ମଧ୍ୟରୁ କ୍ୱାରେଣ୍ଟାଇନରୁ ୧୧୦୬ ଜଣ ଏବଂ ସ୍ଥାନୀୟ ସଂକ୍ରମିତ ୭୯୧ ଜଣ ଅଛନ୍ତି। ତେବେ ବିଭିନ୍ନ ଜିଲ୍ଲାର ଯେଉଁ ସ୍ଥିତି ରହିଛି ତାହା ହେଲା… ଅନୁଗୁଳ ଜିଲ୍ଲାରୁ- ୩ ବାଲେଶ୍ଵର ଜିଲ୍ଲାରୁ- ୧୦୦ ବରଗଡ ଜିଲ୍ଲାରୁ- ୧୬ ଭଦ୍ରକ ଜିଲ୍ଲାରୁ- ୭ ବଲାଙ୍ଗୀରି ଜିଲ୍ଲାରୁ- ୬ ବୌଦ୍ଧ ଜିଲ୍ଲାରୁ- ୩ କଟକ ଜିଲ୍ଲାରୁ – ୧୪୮ ଦେବଗଡ ଜିଲ୍ଲାରୁ- ୧୬ ଢେଙ୍କାନାଳ ଜିଲ୍ଲାରୁ- ୪ ଗଜପତି ଜିଲ୍ଲାରୁ- ୨ ଗଞ୍ଜାମ ଜିଲ୍ଲାରୁ- ୩୪ ଜଗତସିଂହପୁର ଜିଲ୍ଲାରୁ- ୧୯ ଯାଜପୁର ଜିଲ୍ଲାରୁ- ୧୩ ଝାରସୁଗୁଡା ଜିଲ୍ଲାରୁ- ୬୬ କଳାହାଣ୍ଡି ଜିଲ୍ଲାରୁ- ୧୪ କନ୍ଧମାଳ ଜିଲ୍ଲାରୁ- ୧ କେନ୍ଦ୍ରାପଡା ଜିଲ୍ଲାରୁ- ୨ କେନ୍ଦୁଝର ଜିଲ୍ଲାରୁ- ୩୧ ଖୋର୍ଦ୍ଧା ଜିଲ୍ଲାରୁ- ୬୬୯ କୋରାପୁଟ ଜିଲ୍ଲାରୁ- ୧୫ ମାଲକାନଗିରି ଜିଲ୍ଲାରୁ-…
ସୀତାରାମ ଅଗ୍ରୱାଲ ବାଣପୁର: ଖୋର୍ଦ୍ଧା ଜିଲ୍ଲା ବାଣପୁର ଥାନା ଅଞ୍ଚଳରେ ଏକ ଅଭାବନୀୟ ଘଟଣା ଘଟିଯାଇଛି। ଯାତ୍ରୀ ବାହି ଅଟୋ ଲେଉଟି ଏକାଧିକ ଯାତ୍ରୀ ଆହତ ହୋଇଛନ୍ତି। ଖବର ମୁତାବକ ଆଜି ମଧ୍ୟାହ୍ନରେ ବାଣପୁର ଥାନା ଅନ୍ତର୍ଗତ ଆୟତପୁର ଅଞ୍ଚଳରୁ ପାଞ୍ଚ ଜଣ ଯାତ୍ରୀଙ୍କୁ ନେଇ ଏକ ଯାତ୍ରୀ ବାହି ଅଟୋ ବାଲୁଗାଁ ଅଭିମୁଖେ ଯାଉଥିଲା। ତେବେ ମେଘାମ୍ବରୀ ମନ୍ଦିର ପଛ ଭାଗ କେନାଲ ରୋଡ଼ରେ କୌଣସି କାରଣ ବଶତଃ ଅଟୋଟି ଲେଉଟିପଡିଥିଲା। ଫଳରେ ଡ୍ରାଇଭର ସମେତ ଅଟୋରେ ଥିବା ପାଞ୍ଚ ଜଣ ଯାତ୍ରୀ ଆହତ ହୋଇଛନ୍ତି। ତନ୍ମଧରୁ ଦୁଇ ଜଣଙ୍କ ଅବସ୍ଥା ଗୁରୁତର ଅଛି ଏବଂ ଜଣେ ଭୁବନେଶ୍ୱରକୁ ସ୍ଥାନାନ୍ତରିତ ହୋଇଛନ୍ତି। ଗୁରୁତର ଆହତ ଦ୍ୱୟ ହେଲେ ବେଲେଡିହ ଗ୍ରାମର ସୁକାନ୍ତି ନାୟକ ଏବଂ ବୁଟୁ ପ୍ରଧାନ। ବୁଟୁ ପ୍ରଧାନଙ୍କ ମୁଣ୍ଡ ଏବଂ ନାକରୁ ରକ୍ତସ୍ରାବ ଜାରି ରହିଥିବାରୁ ଡାକ୍ତର ତାଙ୍କୁ ଭୁବନେଶ୍ୱର ସ୍ଥାନାନ୍ତରିତ କରିଦେଇଛନ୍ତି।
ଚାଣକ୍ୟ ନୀତି: ଯେଉଁ ପିତାମାତାଙ୍କ ସନ୍ତାନ ଯୋଗ୍ୟ, ସେମାନଙ୍କ ପାଇଁ ଏହି ପୃଥିବୀ ସେମାନଙ୍କ ପାଇଁ ସ୍ୱର୍ଗ ହୋଇଯାଏ। ପିଲାକୁ ଯୋଗ୍ୟ କରିବା ପାଇଁ ପିତାମାତାଙ୍କୁ ମଧ୍ୟ କଠିନ ପରିଶ୍ରମ କରିବାକୁ ପଡିବ। ଯେତେବେଳେ ସମୟ ଆସେ, ପିତାମାତାଙ୍କୁ ବଳିଦାନ ଦେବାକୁ ପଡିବ। ଜଣେ କୃଷକ ଯେପରି ତାଙ୍କ କୃଷିର ଯତ୍ନ ନିଅନ୍ତି ଏବଂ ଫସଲକୁ ଶୀତ, ଉତ୍ତାପ ଏବଂ ବର୍ଷା ଠାରୁ ରକ୍ଷା କରନ୍ତି, ସେହିପରି ଶିଶୁର ଦାୟିତ୍ଵ ନେବାକୁ ପଡିବ। ଯଦି ପିଲାଟି ଯୋଗ୍ୟ ହେବାକୁ ଯାଉଛି, ତେବେ ପିତାମାତା ଗମ୍ଭୀର ହେବା ଉଚିତ୍। ଯେଉଁ ପିତାମାତା ଶିଶୁର ଶିକ୍ଷା, ରୀତିନୀତି ଏବଂ ଭବିଷ୍ୟତ ବିଷୟରେ ଗମ୍ଭୀର ଏବଂ ସଚେତନ ନୁହଁନ୍ତି, ସେମାନଙ୍କୁ ଯନ୍ତ୍ରଣା ଭୋଗିବାକୁ ପଡିବ। ତେଣୁ, ଯଦି ଆପଣ ପିଲାମାନଙ୍କୁ ଯୋଗ୍ୟ କରିବାକୁ ଚାହୁଁଛନ୍ତି, ତେବେ ଆପଣ ନିଶ୍ଚିତ ଭାବରେ ଆଚାର୍ଯ୍ୟ ଚାଣକ୍ୟଙ୍କ ଏହି ଜିନିଷଗୁଡିକୁ ଅନୁସରଣ କରନ୍ତୁ। ସଂସ୍କାର: ପିଲାମାନଙ୍କୁ ସଂସ୍କାର ଦିଆଯିବା ଉଚିତ୍।…