Author: Samikhsya Bureau

ଭୁବନେଶ୍ବର: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଜି ଭିଡିଓ କନ୍‌ଫରେନ୍‌ସିଂ ଜରିଆରେ ନୟାଗଡ ଓ ଜଗତସିଂହପୁର ଜିଲ୍ଲାରେ ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନା ଅଧୀନରେ ସ୍ମାର୍ଟ ହେଲ୍‌ଥ କାର୍ଡ ବଣ୍ଟନର ଶୁଭାରମ୍ଭ କରିଛନ୍ତି। ନୟାଗଡର ୭.୭୦ ଲକ୍ଷ ଲୋକ ଏହି ସୁବିଧା ପାଇବା ବେଳେ ଜଗତସିଂହପୁରର ପ୍ରାୟ ୯ ଲକ୍ଷ ଲୋକ ସ୍ମାର୍ଟ କାର୍ଡ ପାଇବେ। ଏହାସହିତ ରାଜ୍ୟର ୨୮ଟି ଜିଲ୍ଲାର ଜନସାଧାରଣ ଏହି କାର୍ଯ୍ୟକ୍ରମରେ ସାମିଲ ହେଲେ। ଏହି ଅବସରରେ ମୁଖ୍ୟମନ୍ତ୍ରୀ ନୟାଗଡ ଜିଲ୍ଲାରେ ୧୦୦୦ କୋଟି ଟଙ୍କାର ବିଭିନ୍ନ ପ୍ରକଳ୍ପର ଶୁଭାରମ୍ଭ କରିଥିଲେ। ନୟାଗଡ ମାଟିର ଗୌରବ ପ୍ରସିଦ୍ଧ ଜ୍ୟୋତିର୍ବିଜ୍ଞାନୀ ପଠାଣୀ ସାମନ୍ତ ତଥା ସଂଗ୍ରାମୀ, ଶହୀଦ ରଘୁ ଦିବାକରଙ୍କୁ ସ୍ମରଣ କରି ମୁଖ୍ୟମନ୍ତ୍ରୀ ସେମାନଙ୍କୁ ଶ୍ରଦ୍ଧାଞ୍ଜଳି ଦେଇଥିଲେ। ସାରା ରାଜ୍ୟରେ ପିଇବା ପାଣି ଉପରେ ଅଧିକ ଗୁରୁତ୍ବ ଦିଆଯାଉଛି ବୋଲି ପ୍ରକାଶ କରି ମୁଖ୍ୟମନ୍ତ୍ରୀ କହିଥିଲେ ଯେ ନୟାଗଡରେ ୧୦୦୦ କୋଟି ଟଙ୍କା ବିନିଯୋଗରେ ଏକ ମେଗା ପାଇପ ପାଣି…

ଭୁବନେଶ୍ଵର: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଜି ଭିଡିଓ କନ୍‌ଫରେନ୍‌ସିଂ ଜରିଆରେ ନୟାଗଡ ଓ ଜଗତସିଂହପୁର ଜିଲ୍ଲାରେ ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନା ଅଧୀନରେ ସ୍ମାର୍ଟ ହେଲ୍‌ଥ କାର୍ଡ ବଣ୍ଟନର ଶୁଭାରମ୍ଭ କରିଛନ୍ତି। ନୟାଗଡର ୭.୭୦ ଲକ୍ଷ ଲୋକ ଏହି ସୁବିଧା ପାଇବା ବେଳେ ଜଗତସିଂହପୁରର ପ୍ରାୟ ୯ ଲକ୍ଷ ଲୋକ ସ୍ମାର୍ଟ କାର୍ଡ ପାଇବେ। ଏହାସହିତ ରାଜ୍ୟର ୨୮ଟି ଜିଲ୍ଲାର ଜନସାଧାରଣ ଏହି କାର୍ଯ୍ୟକ୍ରମରେ ସାମିଲ ହେଲେ। ଏହି ଅବସରରେ ଉଭୟ ଜିଲ୍ଲାରେ ଜନସାଧାରଣଙ୍କୁ ଉଦ୍‌ବୋଧନ ଦେଇ ମୁଖ୍ୟମନ୍ତ୍ରୀ କହିଥିଲେ ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନାର ସ୍ମାର୍ଟ ହେଲ୍‌ଥ କାର୍ଡ ରାଜ୍ୟର ସ୍ବାସ୍ଥ୍ୟ ସେବା କ୍ଷେତ୍ରରେ ରୂପାନ୍ତର ଆଣିପାରିବ। ଏହାଦ୍ବାରା ଗରିବ ଲୋକମାନେ ପ୍ରକୃତରେ ସଶକ୍ତ ହୋଇପାରିବେ ବୋଲି ମୁଖ୍ୟମନ୍ତ୍ରୀ ମତବ୍ୟକ୍ତ କରିଥିଲେ। ମୁଖ୍ୟମନ୍ତ୍ରୀ କହିଲେ ଯେ, ଚଳିତ ବର୍ଷ ସେପ୍ଟେମ୍ବର ୧ ତାରିଖରୁ ସାରା ରାଜ୍ୟରେ BSKY Smart Health Card ରେ ସେବା ପ୍ରଦାନ ଆରମ୍ଭ ହୋଇଛି। ସେହି…

ଭୁବନେଶ୍ବର: ଭାରତର ସ୍ବାଧୀନତାର ୭୫ ବର୍ଷ ପାଳନକୁ ସ୍ମରଣୀୟ କରିବା ପାଇଁ ତଥା ଏହାର ଗୌରବମୟ ଇତିହାସ, ସଂସ୍କୃତି ଓ ସଫଳତାର ସ୍ମୃତି ଚାରଣ କରିବା ପାଇଁ ଭାରତ ସରକାରଙ୍କ ଦ୍ବାରା ଆଜାଦି କା ଅମୃତ ମହୋତ୍ସବ ପାଳନ କରାଯାଉଛି। ଏହା ବିକାଶଶୀଳ ଭାରତର ସାମାଜିକ-ସାଂସ୍କୃତିକ, ରାଜନୈତିକ ଓ ଅର୍ଥନୈତିକ ପରିଚୟର ଏକ ନିଦର୍ଶନ ଅଟେ। ଅମୃତ ମହୋତ୍ସବର ପାଳନ ସ୍ବରୂପ, ସଂସ୍କୃତି ମନ୍ତ୍ରଣାଳୟ, ପ୍ରତିରକ୍ଷା ମନ୍ତ୍ରଣାଳୟ ସହିତ ମିଶି ଦେଶର ବିଭିନ୍ନ ଭୌଗୋଳିକ ସ୍ଥାନର କଳାକାରମାନଙ୍କ ଦ୍ବାରା ତିଆରି ଫଟୋ ଚିତ୍ରର ଏକ ସିରିଜକୁ ପ୍ରଦର୍ଶିତ କରାଯିବ। ଏହି କଳାର ପ୍ରମୁଖ ବିଷୟବସ୍ତୁ ହେଉଛି ସ୍ବାଧୀନତା ସଂଗ୍ରାମର ଅପରିଚିତ ନାୟକମାନଙ୍କୁ ସମ୍ମାନିତ କରିବା। ଏହି କଳାତ୍ମକ ଚିତ୍ରଣ ମାଧ୍ୟମରେ ଜନସାଧାରଣ ପ୍ରେରଣା ଗ୍ରହଣ କରିପାରିବେ। ଗଣତନ୍ତ୍ର ଦିବସ ୨୦୨୨ ଅବସରରେ ଦିଲ୍ଲୀର ରାଜପଥରେ ଏହି ଫଟୋ ଚିତ୍ର ଗୁଡ଼ିକୁ ପ୍ରଦର୍ଶିତ କରାଯିବ। ପଞ୍ଚସ୍ତରି ମିଟର ଲେଖାଏଁ ଦଶଟି ସ୍କ୍ରୋଲ୍ (ଏହା…

ଭୁବନେଶ୍ୱର: ଇନ୍‌ଷ୍ଟିଚ୍ୟୁଟ୍ ଅଫ୍ ମେଡିକାଲ୍ ସାଇନ୍‌ସେସ୍ ଆଣ୍ଡ ସମ୍ ହସ୍ପିଟାଲ୍‌ର ଫିଜିଓଥେରାପି ବିଭାଗର ମୁଖ୍ୟ ଡାକ୍ତର ସ୍ଥିତିପ୍ରଜ୍ଞା ଦଳବେହେରାଙ୍କୁ “ଦ ଫିଜିଓ ଲିଜେଣ୍ଡ ଆୱାର୍ଡ-ସିକନ୍ଦର ଅଫ୍ ଫିଜିଓ” ସମ୍ମାନରେ ସମ୍ମାନିତ କରାଯାଇଛି। ସ୍ପୋର୍ଟସ କନେକ୍ଟ ପକ୍ଷରୁ ଅମୃତସର ଠାରେ ଆୟୋଜିତ ଦୁଇ ଦିନିଆ ଫିଜିଓଥେରାପିଷ୍ଟ ସମ୍ମିଳନୀରେ ଡାକ୍ତର ଦଳବେହେରାଙ୍କୁ ଏହି ସମ୍ମାନ ପ୍ରଦାନ କରାଯାଇଛି। ଫିଜିଓଥେରାପି କ୍ଷେତ୍ରରେ ଗତ ୨୩ ବର୍ଷ ଧରି ଉଚ୍ଚକୋଟୀର ଅବଦାନ ନିମନ୍ତେ ପଞ୍ଜାବର ଉପମୁଖ୍ୟମନ୍ତ୍ରୀ ଓମ୍ ପର୍କାଶ ସୋନୀଙ୍କ ଠାରୁ ଡାକ୍ତର ଦଳବେହେରା ଏହି ସମ୍ମାନ ଗ୍ରହଣ କରିଛନ୍ତି। ଅର୍ଥୋପେଡିକ୍ ଫିଜିଓଥେରାପି, ସ୍ପୋର୍ଟସ ଏବଂ ମସ୍କୁଲୋସ୍କେଲିଟାଲ୍  ଫିଜିଓଥେରାପି କ୍ଷେତ୍ରରେ ପ୍ରସିଦ୍ଧି ଲାଭ କରିଥିବା ଡାକ୍ତର ରୁଚି ଭର୍ସନେ ଏହି କାର୍ଯ୍ୟକ୍ରମର ଆୟୋଜନ କରିଥିଲେ। ଏହି କାର୍ଯ୍ୟକ୍ରମରେ ଶିକ୍ଷା ଓ ଅନୁସନ୍ଧାନ (ସୋଆ)କୁ ଉଚ୍ଚ ପ୍ରଶଂସା କରାଯାଇଥିଲା। ସାରା ଦେଶରୁ ପ୍ରାୟ ୧୫୦୦ ପ୍ରତିନିଧି ଏହି ସମ୍ମିଳନୀରେ ଯୋଗ ଦେଇଥିଲେ।

ପୁଣେ: ସେରମ୍ ଇନଷ୍ଟିଚ୍ୟୁଟ୍ ଅଫ୍ ଇଣ୍ଡିଆ ଆସନ୍ତା ୬ ମାସ ମଧ୍ୟରେ ପିଲାମାନଙ୍କ ପାଇଁ କୋଭିଡ୍-୧୯ ଟିକା ଆଣିବାକୁ ଯୋଜନା କରିଛି। କମ୍ପାନୀର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ (ସିଇଓ) ଆଦର ପୁନାୱାଲା ଆଜି ଏହି ସୂଚନା ଦେଇଛନ୍ତି। ଏକ ଶିଳ୍ପ ସମ୍ମିଳନୀରେ ଅଂଶଗ୍ରହଣ କରି ପୁନାୱାଲା କହିଛନ୍ତି ଯେ, ‘କୋଭୋଭାକ୍ସ’ ଟିକା ପରୀକ୍ଷା ଚାଲିଛି ଏବଂ ତିନି ବର୍ଷରୁ ଅଧିକ ବୟସର ପିଲାମାନଙ୍କୁ ସମସ୍ତ ପ୍ରକାର ସୁରକ୍ଷା ଯୋଗାଇବ। ସେ କହିଛନ୍ତି ଯେ, ପରୀକ୍ଷଣର ଉତ୍କୃଷ୍ଟ ଆକଳନ ଦେଖିବାକୁ ମିଳିଛି। ସେ କହିଛନ୍ତି ଯେ, ଏହି ଟିକା କାମ କରିବ ଏବଂ ପିଲାମାନଙ୍କୁ ସଂକ୍ରାମକ ରୋଗରୁ ରକ୍ଷା କରିବ। ବର୍ତ୍ତମାନ କୋଭିଶିଲ୍ଡ ଏବଂ ଅନ୍ୟାନ୍ୟ କୋଭିଡ ଟିକା ୧୮ ବର୍ଷରୁ ଅଧିକ ଲୋକଙ୍କ ପାଇଁ ଅନୁମୋଦିତ।

ଭୁବନେଶ୍ୱର: ଭାରତ ସରକାରଙ୍କ ଶ୍ରମ ଓ ନିୟୋଜନ ମନ୍ତ୍ରାଳୟର ମହାନିର୍ଦ୍ଦେଶଙ୍କ ଅଧିନରେ ଭୁବନେଶ୍ୱର ଠାରେ ଥିବା ନେସନାଲ କ୍ୟାରିଅର ସର୍ଭିସ ସେଣ୍ଟର ଫର ଡିଫରେଣ୍ଟଲି ଆବଲେଡ (ଏନ୍‍ସିଏସ୍‍ସିଡିଏ) ପକ୍ଷରୁ ସେକ୍ଟର ସ୍କିଲ୍‍ କାଉନସିଲ ଫର ପିଡବ୍ଲ୍ୟୁଡିଏସ୍‍ (ଏସ୍‍ସିପିଡବ୍ଲ୍ୟୁଡିଏସ୍‍) ଦ୍ୱାରା ଅନୁମୋଦିତ ବିଭିନ୍ନ କୌଶଳ ବିକାଶ ତାଲିମ ପ୍ରଦାନ ପାଇଁ ଆଗ୍ରହୀ ଡୋମେନ ସାର୍ଟିଫାଏଡ ଟ୍ରେନରମାନଙ୍କ ଠାରୁ ଦରଖାସ୍ତ ଆହ୍ୱାନ କରିଛନ୍ତି। ଏହି ତାଲିମ ଓଡିଶା ସରକାରଙ୍କ ଏସ୍‍ଏସ୍‍ଇପିଡି ଏବଂ ଓଏସ୍‍ଡିଏଙ୍କ ମିଳିତ ସହଯୋଗରେ ଏନ୍‍ସିଏସ୍‍ସିଡିଏ ଠାରେ ପ୍ରଦାନ କରାଯିବ। ତାଲିମ ପ୍ରଦାନ କରାଯିବାକୁ ଥିବା ବିଷୟଗୁଡିକ ମଧ୍ୟରେ ପୋଷାକପତ୍ର ତିଆରି, ବିୟୁଟି ଆଣ୍ଡ ୱେଲନେସ୍‍, ଇଲେକଟ୍ରୋନିକ୍ସ, ଏବଂ ଆଇଟି ଆଣ୍ଡ ଆଇଟିଇଏସ୍‍ ଆଦି ରହିଛି। ପୋଷାକପତ୍ର ପ୍ରସ୍ତୁତି ତାଲିମରେ ସିଲେଇ ମାଧ୍ୟମରେ ଆତ୍ମନିର୍ଭରଶୀଳତା, ବିୟୁଟି ଆଣ୍ଡ ୱେଲନେସ ତାଲିମରେ ସହାୟକ ବିୟୁଟି ଥେରାପିଷ୍ଟ, ଇଲେଟ୍ରୋନିକ୍ସ ତାଲିମରେ ମୋବାଇଲ୍‍ ଫୋନ୍‍ ହାର୍ଡୱେର ମରାମତି ଟେକ୍ନିସିଆନ ଏବଂ ଫିଲ୍ଡ ଟେକ୍ନିସିଆନ ଓ ଅନ୍ୟ ଘର…

ଭୁବନେଶ୍ବର: ସାଇବର ଅପରାଧ ଏବେ ସାରା ବିଶ୍ବରେ ଚିନ୍ତାର କାରଣ ହେଇଛି। ଦେଶ ତଥା ଆମ ରାଜ୍ୟ ଓଡିଶାରେ ମଧ୍ୟ ସାଇବର ଅପରାଧର ଅନେକ ଘଟଣା ଦୃଷ୍ଟିକୁ ଆସୁଅଛି। ସାଇବର ଅପରାଧ, ବ୍ୟାଙ୍କ ଦେଣନେଣ ତଥା ଜଟିଳ ଡିଜିଟାଲ ଦେଣନେଣରେ ଅଧିକ ଭାବରେ ସଂପୃକ୍ତ। ତେଣୁ ଏସବୁ ଅପରାଧର ଯଥାର୍ଥ ଅନୁସଂଧାନ ଓ ନିୟନ୍ତ୍ରଣ ପାଇଁ ସ୍ବତନ୍ତ୍ର ଜ୍ଞାନ ଓ ଦକ୍ଷତା ଆବଶ୍ୟକ। ତେଣୁ ସାଇବର ଅପରାଧ ତଥା ତଦ୍ ଜନିତ ଆର୍ଥିକ ଅପରାଧକୁ ରୋକିବା ତଥା ଏଭଳି ଅପରାଧର ଶିକାର ହୋଇଥିବା ଲୋକମାନେ ଯେପରି ଉପଯୁକ୍ତ ନ୍ୟାୟ ପାଇପାରିବେ, ତାକୁ ଦୃଷ୍ଟିରେ ରଖି ରାଜ୍ୟର ବିଭିନ୍ନ ଅଞ୍ଚଳରେ ଏଥିପାଇଁ ୧୧ଟି ସ୍ବତନ୍ତ୍ର ଥାନା ଖୋଲାଯିବ ବୋଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଘୋଷଣା କରିଛନ୍ତି। ବର୍ତ୍ତମାନ ସମ୍ବଲପୁର ,ରାଉରକେଲା ଓ ବ୍ରହ୍ମପୁର ରେ କାର୍ଯ୍ୟ କରୁଥିବା ତିନୋଟି ସାଇବର ଓ ଅର୍ଥନୈତିକ ଅପରାଧ ଥାନା ର ଏହି ନୂଆ ବ୍ୟବସ୍ଥା ସହ…

ଚାଣକ୍ୟ ନୀତି: ମାତା ଲକ୍ଷ୍ମୀଙ୍କର ଅନୁଗ୍ରହରୁ ହିଁ ଧନସମ୍ପତ୍ତି ପ୍ରାପ୍ତ ହୁଏ, ଯେତେବେଳେ ଜଣେ ବ୍ୟକ୍ତି ଭଲ ଅଭ୍ୟାସ ଗ୍ରହଣ କରି ଜୀବନ ବଞ୍ଚେ। ଯେଉଁମାନେ ଖରାପ ଅଭ୍ୟାସ ଦ୍ୱାରା ଘେରି ରହିଛନ୍ତି, ମାତା ଲକ୍ଷ୍ମୀ ସେମାନଙ୍କ ଠାରୁ ଖୁବ୍ ଶୀଘ୍ର ଦୂରେଇ ଯାଆନ୍ତି। ଏହିପରି ଲୋକମାନେ ମାତା ଲକ୍ଷ୍ମୀଙ୍କର ଆଶୀର୍ବାଦ ପାଆନ୍ତି ନାହିଁ। ଏହି ଲୋକଙ୍କ ଜୀବନ ମଧ୍ୟ ଦୁଃଖରେ ପରିପୂର୍ଣ୍ଣ ଅଟେ। ମାତା ଲକ୍ଷ୍ମୀଏହି କାର୍ଯ୍ୟକୁ ପସନ୍ଦ କରନ୍ତି ନାହିଁ: ଅନ୍ୟର କ୍ଷତି କରିବା ପାଇଁ ଟଙ୍କା ବ୍ୟବହାର କରାଯିବା ଉଚିତ୍ ନୁହେଁ। ଯେଉଁମାନେ ଏହା କରନ୍ତି ସେମାନଙ୍କ ଉପରେ ମାତା ଲକ୍ଷ୍ମୀ ଖୁବ୍ ଶୀଘ୍ର କ୍ରୋଧିତ ହୁଅନ୍ତି। ଯେତେବେଳେ ଟଙ୍କା ଆସେ, ଟଙ୍କା ସଠିକ୍ ଭାବରେ ବ୍ୟବହାର କରାଯିବା ଉଚିତ୍। ଯେଉଁମାନେ ଅହଂକାର ଏବଂ କ୍ରୋଧ ହେତୁ ଅନ୍ୟର କ୍ଷତି କରିବାକୁ ଟଙ୍କା ବ୍ୟବହାର କରନ୍ତି ସେମାନଙ୍କୁ ମାତା ଲକ୍ଷ୍ମୀ ଦଣ୍ଡ ଦିଅନ୍ତି। ସେମାନଙ୍କଠାରୁ ସବୁଦିନ ପାଇଁ…

ନୂଆଦିଲ୍ଲୀ: ଶୀତଦିନେ ଶରୀରର ଓଜନ ଦ୍ରୁତ ଗତିରେ ବଢିଥାଏ। ଏଭଳି ପରିସ୍ଥିତିରେ, ଆପଣ ୱାର୍କଆଉଟ୍ ସହିତ କିଛି ଆୟୁର୍ବେଦିକ ଏବଂ ଘରୋଇ ଉପଚାର କରିବା ଜାରି ରଖିବା ଉଚିତ୍, ଯାହା ଓଜନ ହ୍ରାସ କରିବା ସହଜ କରିବ। ଯଦି ଆପଣ ଘରେ ରହି ମୋଟା ହୋଇଯାଆନ୍ତି, ତେବେ ଆପଣ ଏହି ଘରୋଇ ଜିନିଷଗୁଡ଼ିକର ସାହାଯ୍ୟରେ ସହଜରେ ଆପଣଙ୍କର ଓଜନ ହ୍ରାସ କରିପାରିବେ। ଆମେ ଆପଣଙ୍କୁ ଏକ ଉପଯୁକ୍ତ ପାନୀୟ କହୁଛୁ, ଯାହାକୁ ପିଇଲେ ଓଜନ ହ୍ରାସ କରିବା ସହଜ ହେବ। ଏଥିପାଇଁ ଆପଣଙ୍କୁ ରସୁଣ, ତୁଳସୀ, ଅଦା, ଗୋଲମରିଚ ଏବଂ ହଳଦୀ ଦରକାର। ବିଶେଷ କଥା ହେଉଛି ଏହି ପାନୀୟ ସହିତ ଆପଣଙ୍କର ରୋଗ ପ୍ରତିରୋଧକ ଶକ୍ତି ମଧ୍ୟ ଶକ୍ତିଶାଳୀ ହେବ ଏବଂ ଓଜନ ମଧ୍ୟ ହ୍ରାସ ପାଇବ। ଏହାକୁ କିପରି ତିଆରି କରିବେ ଜାଣନ୍ତୁ….. ଓଜନ ହ୍ରାସ ପାନୀୟ କିପରି ପ୍ରସ୍ତୁତ କରିବେ?: ୧- ରସୁଣର ଏକ ଛୋଟ କୋଳ…

ସୀତାରାମ ଅଗ୍ରୱାଲ ଚିଲିକା: ଚିଲିକାରେ ବିଗତ ୧୫ ଦିନ ମଧ୍ୟରେ ଏକାଧିକ ପକ୍ଷୀ ଶିକାରୀ ଗିରଫ ହେଲେ ସୁଦ୍ଧା କମୁନି ପକ୍ଷୀ ଶିକାର। ବର୍ତ୍ତମାନ ଶୀତ ଋତୁ ଉପଲକ୍ଷେ ଲକ୍ଷାଧିକ ବିଦେଶୀ ପକ୍ଷୀଙ୍କ ଚିଲିକାକୁ ଆଗମନ ହେଉଥିବାର ଦେଖିବାକୁ ମିଳିଛି। ବିଦେଶୀ ପକ୍ଷୀଙ୍କ ସୁରକ୍ଷା ପାଇଁ ବନ୍ୟପ୍ରାଣୀ ବିଭାଗ ପାଟ୍ରୋଲିଂ ମଧ୍ୟ ଜାରି ରଖିଛି। ତେବେ ଆଜି ପକ୍ଷୀ ଶୀକାର କରିବା ବେଳେ ଚିଲିକା ବନ୍ୟପ୍ରାଣୀ ବନଖଣ୍ଡ ଅଧିନସ୍ତ ଟାଙ୍ଗୀ ବନ୍ୟପ୍ରାଣୀ ବନାଞ୍ଚଳ ବିଭାଗ ହାତରେ ଦୁଇ ଜଣ ଶୀକାରୀ ଧରାପଡ଼ି ଗିରଫ ହୋଇଛନ୍ତି। ଟାଙ୍ଗୀ ରେଞ୍ଜ ଅନ୍ତର୍ଗତ ମଙ୍ଗଳାଯୋଡି ପକ୍ଷୀ ସୁରକ୍ଷା କ୍ୟାମ୍ପ ନିକଟରୁ ଦୁଇ ଜଣ ପକ୍ଷୀ ଶୀକାରୀଙ୍କୁ ଗିରଫ କରିଛି ଟାଙ୍ଗୀ ବନ୍ୟପ୍ରାଣୀ ବନାଞ୍ଚଳ ବିଭାଗ। ଶୀକାରୀଙ୍କ ନିକଟରୁ ଦୁଇ ଗୋଟି ମୃତ କୁକୁମ ଦଳ ଖୁମ୍ପି ଚଢେଇ ସମେତ ଗୋଟାଏ ଲେଖାଏଁ ମୃତ ବଡ଼ ହଂସରାଳି, କାମ ଚଢେଇ, ଗହିରା ଲାଞ୍ଜା, ପାତି ହଂସ ଏବଂ…

ରାୟପୁର: ଛତିଶଗଡର ସୁକମା ଜିଲ୍ଲାର ଏରାବୋର ଅଞ୍ଚଳରେ ନକ୍ସଲମାନେ ଜଣେ ଗ୍ରାମୀଣଙ୍କୁ ହତ୍ୟା କରିଛନ୍ତି। ମୃତକଙ୍କ ନାମ ଦାରେ ନବୀନ ବୋଲି ଜଣାପଡିଛି। କୋଣ୍ଟା ଏରିଆ କମିଟିର ନକ୍ସଲମାନେ ଆଜି ସକାଳେ ଏହି ଘଟଣା କରିଛନ୍ତି। ଦାରେଙ୍କୁ ହତ୍ୟା କରିବା ପରେ ନକ୍ସଲମାନେ ମୃତ ଦେହ ନିକଟରେ ଏକ ପୋଷ୍ଟର ମଧ୍ୟ ଫିଙ୍ଗି ଦେଇଛନ୍ତି, ଯେଉଁଥିରେ ଦାରେ ନବୀନଙ୍କୁ ଜଙ୍ଗଲ କାଟିବା ଏବଂ ବେଆଇନ ଭାବେ ଜମି ଦଖଲ କରିଥିବା ଅଭିଯୋଗ ହୋଇଛି। ଏହା ବ୍ୟତୀତ ନକ୍ସଲମାନେ ସେମାନଙ୍କ ପୋଷ୍ଟରରେ ଅନ୍ୟ ୧୦ ରୁ ଅଧିକ ଗ୍ରାମବାସୀଙ୍କ ନାମ ଲେଖି ମଧ୍ୟ ଜଙ୍ଗଲ କାଟିବା ଏବଂ ବେଆଇନ ଭାବେ ଜମି ଅଧିକାର କରିଥିବାରୁ ସେମାନଙ୍କୁ ହତ୍ୟା କରିବାକୁ ଚେତାବନୀ ଦେଇଛନ୍ତି। ସୁକମା ଏସପି ସୁନୀଲ ଶର୍ମା ଏହି ଘଟଣାକୁ ନିଶ୍ଚିତ କରିଛନ୍ତି। ସୂଚନା ଯୋଗ୍ୟ ଯେ, ନକ୍ସଲମାନେ ଆଜି ସକାଳେ ଦାରେ ନବୀନଙ୍କୁ ଘରୁ ନେଇଯାଇଥିଲେ ଏବଂ କିଛି ଦୂରରେ ତାଙ୍କ…

ନୂଆଦିଲ୍ଲୀ: ଲକ୍ଷ୍ମୀପୁର ଖେରୀ ମାମଲାରେ ଚାଷୀଙ୍କ ଉପରେ ଆକ୍ରମଣ କରିବା ପାଇଁ ଏକ ଷଡଯନ୍ତ୍ରର ହୋଇଥିଲା। ସ୍ୱତନ୍ତ୍ର ଅନୁସନ୍ଧାନକାରୀ ଦଳ (ଏସଆଇଟି) ଏହା କହିଛନ୍ତି। ସୂଚନାଯୋଗ୍ୟ ଯେ, ଏହି ମାମଲାରେ କେନ୍ଦ୍ର ମନ୍ତ୍ରୀ ଅଜୟ ମିଶ୍ରଙ୍କ ପୁଅ ଆଶିଷ ମିଶ୍ର ମୁଖ୍ୟ ଅଭିଯୁକ୍ତ। ଏହି ମାମଲାର ତଦନ୍ତ କରୁଥିବା ପୋଲିସ ଟିମ୍ ବିଚାରପତିଙ୍କୁ ଲେଖିଛନ୍ତି ଯେ, ଆଶିଷ ମିଶ୍ରଙ୍କ ବିରୋଧରେ ହୋଇଥିବା ଅଭିଯୋଗର ସଂଶୋଧନ କରାଯାଉ। ଆଶିଷ ମିଶ୍ର ଏବଂ ଅନ୍ୟମାନେ ଏହି ମାମଲାରେ ହତ୍ୟା ଏବଂ ଷଡଯନ୍ତ୍ରର ଅଭିଯୋଗ ସାମ୍ନା କରୁଛନ୍ତି। ସ୍ୱତନ୍ତ୍ର ଅନୁସନ୍ଧାନ ଦଳ ଚାହୁଁଛି ଯେ, ହତ୍ୟା ଉଦ୍ୟମ ଏବଂ ଅନ୍ୟାନ୍ୟ ଅଭିଯୋଗ ମଧ୍ୟ ଏଥିରେ ଯୋଡାଯିବା ଉଚିତ୍। ସୂଚନାଯୋଗ୍ୟ ଯେ, ଯେଉଁ ସମୟରେ ୟୁପିରେ ବିଧାନସଭା ନିର୍ବାଚନ ପାଇଁ ଶାସକ ବିଜେପି ପ୍ରସ୍ତୁତ ହେଉଛି, ସେତେବେଳେ ଏହି ଘଟଣା କେନ୍ଦ୍ର ଗୃହମନ୍ତ୍ରୀ ଅଜୟ ମିଶ୍ରଙ୍କ ପାଇଁ ବଡ଼ ଅସୁବିଧାର ସଙ୍କେତ ଦେଇଛି। ଅଜୟ ମିଶ୍ରଙ୍କୁ ହଟାଇବାକୁ…

ଭୁବନେଶ୍ବର: ଆଜି କେନ୍ଦ୍ରମନ୍ତ୍ରୀ ମନ୍ତ୍ରୀ ଗିରିରାଜ ସିଂହଙ୍କୁ ଓଡିଶାର ବିଜେଡ଼ି ସାଂସଦମାନେ ସାକ୍ଷାତ କରିଛନ୍ତି। ପ୍ରଧାନମନ୍ତ୍ରୀ ଆବାସ ଯୋଜନାରେ ଓଡିଶାକୁ ଘର ଯୋଗାଇବା ପାଇଁ ବିଜେଡ଼ି ସାଂସଦମାନେ ଦାବି କରିଛନ୍ତି। ଏହାପୂର୍ବରୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମଧ୍ୟ ଏନେଇ ପ୍ରଧାନମନ୍ତ୍ରୀଙ୍କୁ ଚିଠି ଲେଖିଥିଲେ। ଓଡିଶାକୁ କେନ୍ଦ୍ର ଅବହେଳା କରୁଥିବା ନେଇ ବିଜେଡ଼ି ଅଭିଯୋଗ କରୁଛି। ପ୍ରଧାନମନ୍ତ୍ରୀ ଆବାସ ଯୋଜନାରେ ଓଡ଼ିଶାକୁ ପାତର ଅନ୍ତର କରାଯାଉଥିବା ବିଜେଡ଼ି ଅଭିଯୋଗ କରୁଛି। କେନ୍ଦ୍ର ସରକାର ନିକଟରେ ଆବଶ୍ୟକ ମୁତାବକ ଘର ଦେବା ପାଇଁ ଓଡିଶା ସରକାର ଦାବି କରିଆସୁଥିଲେ ମଧ୍ୟ କେନ୍ଦ୍ର ସରକାର ଅଣଦେଖା କରୁଥିବା ବିଜେଡ଼ି କହୁଛି। ତେଣୁ ଆଜି ବିଜେଡ଼ି ସାଂସଦମାନେ ଏନେଇ କେନ୍ଦ୍ର ଗ୍ରାମ୍ୟ ଉନ୍ନୟନ ଓ ପଞ୍ଚାୟତିରାଜ ମନ୍ତ୍ରୀ ଶ୍ରୀ ସିଂହଙ୍କୁ ଭେଟି ଦାବି ଉପସ୍ଥାପନ କରିଛନ୍ତି। ଖୁବଶୀଘ୍ର ଏହି ମାମଲାରେ ବିଜେଡ଼ି ସାଂସଦମାନଙ୍କ ସହ ଆଲୋଚନା କରିବେ ବୋଲି କେନ୍ଦ୍ରମନ୍ତ୍ରୀ ପ୍ରତିଶ୍ରୁତି ଦେଇଛନ୍ତି।

ନୂଆଦିଲ୍ଲୀ: ଭାରତରେ ଓମିକ୍ରନ୍‌ର କରୋନାର ନୂତନ ଭାରିଆଣ୍ଟର ଗତି ବୃଦ୍ଧି ପାଉଥିବା ଜଣାପଡିଛି। ଗତ ଗୋଟିଏ ଦିନରେ, ଓମିକ୍ରନ୍ ମାମଲାରେ ପ୍ରାୟ ୨୦ ପ୍ରତିଶତ ବୃଦ୍ଧି ଘଟିଛି। ସୋମବାର ପର୍ଯ୍ୟନ୍ତ, ଯେଉଁଠାରେ ଦେଶରେ ୪୦ ଟି ମାମଲା ଥିଲା, ମଙ୍ଗଳବାର ଦିନ ସେମାନଙ୍କ ସଂଖ୍ୟା ୪୯ କୁ ବୃଦ୍ଧି ପାଇଛି। ମଙ୍ଗଳବାର ଦିନ ଦିଲ୍ଲୀ ଏବଂ ରାଜସ୍ଥାନରେ ୪-୪ ଟି ନୂଆ ମାମଲା ରୁଜୁ ହୋଇଛି। ବର୍ତ୍ତମାନ ପର୍ଯ୍ୟନ୍ତ ଦିଲ୍ଲୀରେ ମୋଟ ୬ ଟି ଓମିକ୍ରନ୍‌ର ରିପୋର୍ଟ ହୋଇଥିବା ବେଳେ ସେଥିମଧ୍ୟରୁ ଜଣେ ରୋଗୀ ମଧ୍ୟ ସୁସ୍ଥ ହୋଇ ଡାକ୍ତରଖାନାରୁ ଡିସଚାର୍ଜ ହୋଇଛନ୍ତି। ଅବଶିଷ୍ଟ ପାଞ୍ଚଜଣ ରୋଗୀଙ୍କ ଅବସ୍ଥା ମଧ୍ୟ ସ୍ୱାଭାବିକ ବୋଲି କୁହାଯାଉଛି। ଏଥି ସହ ଦିଲ୍ଲୀର ସ୍ୱାସ୍ଥ୍ୟମନ୍ତ୍ରୀ ସତ୍ୟେନ୍ଦ୍ର ଜେନା କହିଛନ୍ତି ଯେ, ବିମାନବନ୍ଦର ଦେଇ ବିଦେଶରୁ ଆସିଥିବା ମୋଟ ୭୪ ଜଣଙ୍କୁ ଏପର୍ଯ୍ୟନ୍ତ ଏଲଏନଜେପି ହସ୍ପିଟାଲରେ ଭର୍ତ୍ତି କରାଯାଇଛି। ସେଥିମଧ୍ୟରୁ ୩୬ ଜଣଙ୍କୁ ଡିସଚାର୍ଜ କରାଯାଇଛି ଏବଂ…

Tsunami Warning :  ଆଜି ସକାଳେ ସାମୁଦ୍ରିକ ଅଞ୍ଚଳରେ ଦେଖାଦେଇଛି ଭୂକମ୍ପ। ରିଚ୍ଟର ସ୍କେଲରେ ଏହାର ତୀବ୍ରତା 7.7 ମ୍ୟାଗ୍ନିଚ୍ୟୁଡ ବୋଲି ଜଣାପଡିଛି। ଇଣ୍ଡୋନେସିଆର ଫ୍ଲୋରସ୍ ସାଗର ଅଞ୍ଚଳରେ ଏହି ଭୂକମ୍ପ ଅନୁଭୂତ ହୋଇଛି। ଏହାପରେ ସେଠାରେ ସୁନାମୀ ଆଶଙ୍କା ଥିବାରୁ ଚେତାବନୀ ଦିଆଯାଇଛି। ଚଳିତ ବର୍ଷ ମେ ମାସରେ ଇଣ୍ଡୋନେସିଆର ସୁମାତ୍ରା ଦ୍ୱୀପପୁଞ୍ଜର ଉତ୍ତର-ପଶ୍ଚିମ ଉପକୂଳରେ 6.6 ମ୍ୟାଗ୍ନିଚ୍ୟୁଡର ଏକ ଭୂକମ୍ପ ଘଟିଥିଲା। ଶେଷ ଥର ପାଇଁ 2004 ମସିହାରେ ଇଣ୍ଡୋନେସିଆରେ ଏକ ସୁନାମି ସୃଷ୍ଟି ହୋଇଥିଲା।

ଭୁବନେଶ୍ବର: ଓଡିଶାରେ ଏକାଥରେ ନିଯୁକ୍ତି ପାଇବେ ଛଅ ହଜାର ଶିକ୍ଷକ। ସେଥିପାଇଁ ଭୁବନେଶ୍ବରର କଳିଙ୍ଗ ଷ୍ଟାଡିୟମର ହକି ଗ୍ୟାଲେରୀରେ ଚାଲିଛି ବ୍ୟାପକ ପ୍ରସ୍ତୁତି। ସ୍କୁଲ ଓ ଗଣଶିକ୍ଷା ବିଭାଗ ତରଫରୁ ଏହି ପ୍ରସ୍ତୁତି କରାଯାଇଛି। ଏହି ସମାରୋହରେ ସମସ୍ତ ନିଯୁକ୍ତି ହେବାକୁ ଥିବା ଶିକ୍ଷକ ଶିକ୍ଷୟତ୍ରୀ ଯୋଗ ଦେବେ। ଆସନ୍ତା ୧୬ ତାରିଖରେ ଏହି ବିଶାଳ କାଯ୍ୟକ୍ରମ କରିବା ପାଇଁ ବିଭାଗ ତରଫରୁ ଜୋରଦାର ପ୍ରସ୍ତୁତି କରାଯାଉଛି। ବିଭାଗ ଅନୁସାରେ ରାଜ୍ୟରେ ମୋଟ ୬ ହଜାର ୧୩୧ ଜଣ ଶିକ୍ଷକଙ୍କୁ ନିଯୁକ୍ତି ପ୍ରଦାନ କରାଯିବ। ସେମାନଙ୍କୁ ମଧ୍ୟରୁ କଟକ ଜିଲ୍ଲାରୁ ସର୍ବାଧିକ ୪୩୮ ଜଣ ଥିବା ବେଳେ, ଗଂଜାମ ଓ ସୁନ୍ଦରଗଡ ଜିଲ୍ଲାରୁ ୩୯୧ ଜଣ ଲେଖାଏଁ, ମୟରଭଂଜ ଜିଲ୍ଲାରୁ ୩୮୨ ଜଣ, କେଉଁଝରରୁ ୩୬୫ ଜଣ ଅଛନ୍ତି। ସବୁଠାରୁ କମ ଶିକ୍ଷକ ନିଯୁକ୍ତ ହେବ ଦେବଗଡ ଜିଲ୍ଲାରୁ। ଏହି ଜିଲ୍ଲାରୁ ମୋଟ ୩୨ ଜଣ ଶିକ୍ଷକ ନିଯୁକ୍ତ ହେବେ। ଏହି…

ମୁମ୍ବାଇ: ବଲିଉଡ ଅଭିନେତ୍ରୀ କରୀନା କପୁର କରୋନାରେ ସଂକ୍ରମିତ ହେବା ପରେ ସୁରକ୍ଷା ପାଇଁ ଏବେ ବିଏମସି ତାଙ୍କ କୋଠାକୁ ସିଲ୍ କରିଛି। କରଣ ଜୋହର, ଅମୃତା ଆରୋରା, କରୀନା କପୁରଙ୍କ ବାସସ୍ଥାନ, ସଦଗୁରୁ ଶରଣ ଏବଂ ସରକାର ହେରିଟେଜ୍ ବିଲଡିଂକୁ ବିଏମସି ଦ୍ୱାରା ସିଲ୍ କରାଯାଇଛି। କରୀନା କପୁର ଖାନ କୋଭିଡ ପଜିଟିଭ ବୋଲି ଜାଣିବା ପରେ କ୍ୱାରାଣ୍ଟିନରେ ଅଛନ୍ତି। ବିଏମସି କରୀନା କପୁରଙ୍କ ଘର ବାହାରେ ଏକ ନୋଟିସ ଜାରି କରିଛି। କରୀନା କପୁର ଖାନ ଏବଂ ଅମୃତା ଆରୋରାଙ୍କୁ କରୋନା ପଜିଟିଭ୍ ବୋଲି ଜଣାପଡିବା ପରେ ବିଏମସି ଆଜି କରୀନା କପୁରଙ୍କ ବିଲଡିଂ ଏବଂ ଅମୃତା ଆରୋରା ବିଲ୍ଡିଂରେ କୋଭିଡ ଟେଷ୍ଟିଂ କ୍ୟାମ୍ପ ସ୍ଥାପନ କରିଛି। ଏହି ଶିବିରରେ ବିଏମସିର ଏକ ଡାକ୍ତରୀ ଦଳର ଏକ ଦଳ କୋଭିଡ ପରୀକ୍ଷା ପାଇଁ କରୀନା ଏବଂ ଅମୃତାଙ୍କ କୋଠାରେ ପହଞ୍ଚିବେ। ଉଭୟଙ୍କ ସଂସ୍ପର୍ଶରେ ଆସିଥିବା ଲୋକଙ୍କୁ ଆରଟି-ପିସିଆର ପରୀକ୍ଷା…

ଶ୍ରୀନଗର: ଜମ୍ମୁ କାଶ୍ମୀରର ଶ୍ରୀନଗରରେ ସୋମବାର ହୋଇଥିବା ଆତଙ୍କବାଦୀ ଆକ୍ରମଣରେ ଆହତ ହୋଇଥିବା ଅନ୍ୟ ଜଣେ ପୋଲିସ କର୍ମଚାରୀ ଶହୀଦ ହୋଇଛନ୍ତି। ଶହୀଦଙ୍କ ସଂଖ୍ୟା ବର୍ତ୍ତମାନ ୩ କୁ ବୃଦ୍ଧି ପାଇଛି। ଆତଙ୍କବାଦୀମାନେ ଶ୍ରୀନଗରର ଜେୱାନଠାରେ ଜମ୍ମୁ କାଶ୍ମୀର ପୋଲିସ ବସ୍‌ରେ ଗୁଳି ଚଳାଇଥିଲେ ଯେଉଁଥିରେ ଦୁଇଜଣ ପୋଲିସ ସହିଦ ହୋଇଥିଲେ ଏବଂ ୧୪ ଜଣ ଆହତ ହୋଇଥିଲେ। ବସ୍‌ରେ ପ୍ରାୟ ୨୫ ଜଣ ପୋଲିସ କର୍ମଚାରୀ ଥିଲେ। ଏହି ଆକ୍ରମଣ ପାଇଁ କାଶ୍ମୀର ଟାଇଗରସ ଦାୟୀ ବୋଲି ଦାବି କରିଛି। ତେବେ ଏହି ଆକ୍ରମଣର ୨୪ ଘଣ୍ଟା ମଧ୍ୟରେ ଭାରତୀୟ ସେନା ଆତଙ୍କବାଦୀଙ୍କଠାରୁ ପ୍ରତିଶୋଧ ନେଇଛି। ଆଜି ପୁଞ୍ଚର ସୁରନକୋଟରେ ଆତଙ୍କବାଦୀ ଏବଂ ସୁରକ୍ଷା ବାହିନୀ ମଧ୍ୟରେ ଗୁଳିବିନିମୟ ହୋଇଥିଲା। ଏହି ଏନକାଉଣ୍ଟରରେ ସୁରକ୍ଷା ବାହିନୀ ଦ୍ୱାରା ଜଣେ ଆତଙ୍କବାଦୀ ନିହତ ହୋଇଛି। ସୋମବାର ସନ୍ଧ୍ୟାରେ ଆତଙ୍କବାଦୀମାନେ ପନ୍ଥା ଛକ ଅଞ୍ଚଳରେ ଜେୱାନ ଠାରେ ୨୫ ଜଣ ପୋଲିସ କର୍ମଚାରୀଙ୍କୁ…

ନୂଆଦିଲ୍ଲୀ: ଭାରତୀୟ ଦଳର ବରିଷ୍ଠ ଖେଳାଳି ବିରାଟ କୋହଲି ଦକ୍ଷିଣ ଆଫ୍ରିକା ବିପକ୍ଷ ଦିନିକିଆ ସିରିଜରେ ଖେଳୁଥିବା ଦେଖିବାକୁ ମିଳିବେ ନାହିଁ। ବ୍ୟକ୍ତିଗତ କାରଣରୁ କୋହଲି ଜାନୁଆରୀରେ ବିସିସିଆଇରୁ ବିରତି ମାଗିଛନ୍ତି। ଯଦି ତାଙ୍କର ଏହି ଅନୁରୋଧ ଗ୍ରହଣ କରାଯାଏ, ତେବେ ଦିନିକିଆ ସିରିଜରେ ଟିମ୍ ଇଣ୍ଡିଆର ସମସ୍ୟା ବଢିପାରେ। ଏହାପୂର୍ବରୁ ସୋମବାର ଦିନ ବିସିସିଆଇ କହିଛି ଯେ, ରୋହିତ ଶର୍ମା ଆହତ ହୋଇଛନ୍ତି ଏବଂ ସେ ଟେଷ୍ଟ ସିରିଜରେ ଖେଳିବେ ନାହିଁ। ଆଗାମୀ ସିରିଜରେ ଏହି ଖେଳାଳିଙ୍କ ବିନା ଭାରତୀୟ ଦଳ ପଡ଼ିଆକୁ ଓହ୍ଳାଇବ। ବିସିସିଆଇ ସୂତ୍ରରୁ ପ୍ରକାଶ ଯେ, ବିରାଟ କୋହଲି ଜାନୁଆରୀରେ ତାଙ୍କ ପରିବାର ସହ ସମୟ ବିତାଇବାକୁ ଚାହୁଁଛନ୍ତି ଏବଂ ତେଣୁ ବିସିସିଆଇରୁ ବିରତି ଲୋଡିଛନ୍ତି। ଏହାର ଅର୍ଥ ହେଉଛି ଯେ, ସେ ଦିନିକିଆ ସିରିଜରେ ଖେଳିବାକୁ ସମର୍ଥ ହେବେ ନାହିଁ। କୋହଲିଙ୍କ ଅନୁପସ୍ଥିତିରେ ଟିମ୍ ଇଣ୍ଡିଆକୁ ଦକ୍ଷିଣ ଆଫ୍ରିକାରେ ଅସୁବିଧାର ସମ୍ମୁଖୀନ ହେବାକୁ ପଡିପାରେ।…

ନୂଆଦିଲ୍ଲୀ: ଭାରତୀୟ ଲୋକପାଳର ଅଧ୍ୟକ୍ଷ ଜଷ୍ଟିସ ପିନାକୀ ଚନ୍ଦ୍ର ଘୋଷଙ୍କ ଦ୍ୱାରା ଗତକାଲି ‘ଲୋକପାଳ ଅନ୍‌ଲାଇନ’ ଡିଜିଟାଲ ପୋର୍ଟାଲ ଉଦ୍‌ଘାଟିତ ହୋଇଛି। ଅଭିଯୋଗର ଉତ୍ତମ ପରିଚାଳନା ପାଇଁ ଏହି ପୋର୍ଟାଲ ଉଦ୍ଦିଷ୍ଟ। ଏହି ପୋର୍ଟାଲକୁ ଦେଶର ସବୁ ନାଗରିକ ସହଜରେ ଆକ୍‌ସେସ୍ କରିପାରିବେ ଏବଂ ଯେକୌଣସି ସ୍ଥାନରୁ ଏହା ମାଧ୍ୟମରେ ଲୋକପାଳଙ୍କ ନିକଟରେ ଅଭିଯୋଗ ଦାଏର କରାଯାଇପାରିବ। ଏହାକୁ http://lokpalonline.gov.in. ରେ ଆକ୍ସସେନ କରିହେବ। ଏହି ଅବସରରେ ଉଦ୍‌ବୋଧନ ଦେଇ ଜଷ୍ଟିସ ପିନାକୀଚନ୍ଦ୍ର ଘୋଷ କହିଛନ୍ତି ଯେ, ଦେଶର ଅର୍ଥନୀତି ସାଧ୍ୟମତେ ଉତମ ପ୍ରଦର୍ଶନ କରିନ ପାରିବା ପଛରେ ଦୁର୍ନୀତି ଏକ ବଡ କାରଣ। ଏହା ମଧ୍ୟ ଗଣତନ୍ତ୍ର ଓ ଆଇନର ଶାସନକୁ ହେୟ ମନେ କରୁଛି। ସେ କହିଛନ୍ତି ଯେ ‘ଲୋକପାଳଅନ୍‌ଲାଇନ ୨୦୧୩’ରେ ଲୋକପାଳ ଓ ଲୋକାୟୁକ୍ତ ଆଇନ ଅନୁସାରେ ସରକାରୀ କର୍ମଚାରୀଙ୍କ ବିରୋଧରେ ଆଗତ ଦୁର୍ନୀତି ଅଭିଯୋଗ ସମୂହର ପରିଚାଳନା ପାଇଁ ଆରମ୍ଭରୁ ଶେଷ ପର୍ଯ୍ୟନ୍ତ ଏକ ଡିଜିଟାଲ…

ଦିଲ୍ଲୀ: ଆଜି ଦେଶରୁ ୫ ହଜାର ୭୮୪ ନୂତନ ଆକ୍ରାନ୍ତ ଚିହ୍ନଟ ହୋଇଛନ୍ତି। ସେହିଭଳି ଗତ ୨୪ ଘଣ୍ଟାରେ ୨୫୨ ଜଣ ଆକ୍ରାନ୍ତଙ୍କ ପ୍ରାଣହାନୀ ଘଟିଛି। ଏହା ସହିତ ଦେଶରେ କରୋନାର ମୋଟ ମାମଲା ୩ କୋଟି ୪୬ ଲକ୍ଷ ୯୪ ହଜାର ୬୫୨ ରେ ପହଞ୍ଚିଛି। ତେବେ ଦେଶରେ କରୋନାଜନିତ ମୃତ୍ୟୁ ସଂଖ୍ୟା ୪ ଲକ୍ଷ ୭୫ ହଜାର ୮୮୮ ରେ ପହଞ୍ଚିଛି। ଦେଶରେ କରୋନାରୁ ସୁସ୍ଥ ହୋଇଥିବା ଆକ୍ରାନ୍ତଙ୍କ ସଂଖ୍ୟା ୩ କୋଟି ୪୧ ଲକ୍ଷ ୩୮ ହଜାର ୭୬୩ ରେ ପହଁଞ୍ଚିଛି। ସେହିପରି ଦେଶରେ କରୋନାରୁ ୮୮ ହଜାର ୯୯୩ ଆକ୍ଟିଭ୍‌ କେସ୍ ରହିଛି।