ନୂଆଦିଲ୍ଲୀ, ଚଳିତ ସଂସଦ ଅଧିବେସନରେ ପେଗାଶସ ଗୁପ୍ତଚର ମାମଲା ହାଙ୍ଗମା ସୃଷ୍ଟି କରିଥିବା ବେଳେ ବର୍ତ୍ତମାନ ଏହି ମାମଲା କୋର୍ଟରେ ପହଁଚିଛି। ଆଜି ସୁପ୍ରିମକୋର୍ଟଙ୍କ ମୁଖ୍ୟ ବିଚାରପତି ଏନ ଭି ରମଣାଙ୍କ ବେଞ୍ଚ ଏହାର ଶୁଣାଣି କରି କେନ୍ଦ୍ରକୁ ନୋଟିସ ଜାରୀ କରିଛନ୍ତି। ଏହି ବେଞ୍ଚ କହିଛନ୍ତି ଯେ, ଯେଉଁ ଅଭିଯୋଗ ଆସିଛି ତାହାର ଜବାବ କେନ୍ଦ୍ର ସରକାର ରଖିବା ଆବଶ୍ୟକ। ଦେଶର ସୁରକ୍ଷା ସଂପର୍କିତ ଉପରେ ବେଞ୍ଚ କୌଣସି ତଥ୍ୟ ମାଗୁ ନାହିଁ। ହେଲେ ସାଧାରଣ ନାଗରିକମାନେ ଯେଉଁ ଅଭିଯୋଗ କରିଛନ୍ତି ତାହା ଉପରେ କେନ୍ଦ୍ର ଜବାବ ରଖୁ ବୋଲି କୋର୍ଟ କହିଛନ୍ତି। ଏହି ମାମଲାର ପରବର୍ତ୍ତି ଶୁଣାଣି ଆଉ 10 ଦିନ ପରେ ହେବ ବୋଲି ଦିନ ଧାର୍ଯ୍ୟ କରାଯାଇଛି।
Author: Samikhsya Bureau
ଭୁବନେଶ୍ୱର: ଓଡ଼ିଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଜି ଅଲିମ୍ପିକ୍ ହକି ହିରୋମାନଙ୍କ ପାଇଁ ଅନୁଷ୍ଠିତ ଏକ ସମାରୋହରେ ଟୋକିଓ ଅଲିମ୍ପିକ୍ସରେ ନିଜର ଚମତ୍କାର ପ୍ରଦର୍ଶନ ସହିତ ଇତିହାସ ରଚନା କରିଥିବା ଭାରତୀୟ ଜାତୀୟ ହକି ଦଳକୁ ଅଭିନନ୍ଦନ ଜଣାଇଛନ୍ତି। ସେମାନଙ୍କର ସଫଳତା ଏବଂ ବିଶ୍ବର ଶ୍ରେଷ୍ଠ ଦଳ ହେବାର ସମ୍ଭାବନାକୁ ସ୍ୱୀକୃତି ଦେଇ ମୁଖ୍ୟମନ୍ତ୍ରୀ ଘୋଷଣା କରିଛନ୍ତି ଯେ ଓଡିଶା ଆଉ 10 ବର୍ଷ ପର୍ଯ୍ୟନ୍ତ ଭାରତୀୟ ହକି ଦଳକୁ ପ୍ରାୟୋଜିତ କରିବ। ଫଳରେ ଓଡିଶା 2033 ପର୍ଯ୍ୟନ୍ତ ଏହାର ପ୍ରାୟୋଜକ ରହିବ। ବର୍ତ୍ତମାନର ଚୁକ୍ତି ଅନୁସାରେ ଓଡିଶା 2023 ପର୍ଯ୍ୟନ୍ତ ପ୍ରାୟୋଜକ ଥିଲା। ହେଲେ ମୁଖ୍ୟମନ୍ତ୍ରୀଙ୍କ ଘୋଷଣା ପରେ ଏହାର ସମୟସୀମା ଆହୁରି ବୃଦ୍ଧି ଘଟିଲା। ଏହାକୁ ନେଇ ଭୁବନେଶ୍ବରରେ ଉପସ୍ଥିତ ଥିବା ଉଭୟ ମହିଳା ଓ ପୁରୁଷ ହକି ଖେଳାଳୀଙ୍କ ମଧ୍ୟରେ ଉତ୍ସାହ ସୃଷ୍ଟି ହୋଇଥିଲା। ଏପରିକି ହକି ଇଣ୍ଡିଆର ଆୟୋଜକମାନେ ମଧ୍ୟ ନବୀନଙ୍କ ଏହି ଘୋଷଣାକୁ ସ୍ବାଗତ…
କନ୍ଦର୍ପ ବେହେରା ରେଢାଖୋଲ: ଚଳିତ ବର୍ଷ ବର୍ଷାର ଅନିୟମିତତା ଯୋଗୁଁ ନାକଟିଦେଉଳ ବ୍ଲକର ୧୪ ଟି ପଂଚାୟତରେ ମରୁଡି ଦେଖା ଯିବାର ସଂଭାବନ ରହିଛି। ଜୁନ୍ ମାସ ଯାଇ ଅଗଷ୍ଟ ସରିବାକୁ ବସିଲାଣି ହେଲେ ଯେତିକି ପରିମାଣର ବର୍ଷା ହେବା କଥା ହୋଇ ନାହିଁ। ବ୍ଲକର କିସିଣ୍ଡା, ପାଣିମୋରା, ଗିରଶ୍ଚନ୍ଦ୍ରପୁର, ସରାପାଲି, ଡଇଁଚା, ଶିମିଳିପାଳ, ଘୋଷରାମାଳ, ବଳମ୍, ବାଟଗାଁ ଆଦି ପଂଚାୟତରେ ଚାଷୀମାନେ ଚାଷ ବେଉଷଣ କରିପାରି ନାହାନ୍ତି କି ଧାନ ରୋପଣ କରିପାରି ନାହାନ୍ତି। ଜମି ଫାଟି ଆଁ କରିଛି। ଜମିରେ ପାଣି ମୁନ୍ଦାଏ ମଧ୍ୟ ନାହିଁ। ଚାଷୀ ମୁଣ୍ଡରେ ଚଡକ ପଶିଛି। ଆଗାମୀ ୫ ଦିନ ମଧ୍ୟରେ ବର୍ଷା ନ ହେଲେ ମରୁଡି ହେବାର ସଂଭାବନାକୁ ଏଡାଇ ଦିଆ ଯାଇ ନ ପାରେ। ଧାନ ଗଛ ଗୁଡିକ ପାଣି ଅଭାବରୁ ମରିଯିବା ସହ ଧାନ ଗଛ ସବୁ ହଳଦିଆ ଦିଶିଲାଣି। ବହୁ ସ୍ଥାନରେ ତଳି ପଡିଛି ବର୍ଷା ଅଭାବରୁ।…
ଭୁବନେଶ୍ୱର: ଶିକ୍ଷା ଓ ଅନୁସନ୍ଧାନ (ସୋଆ)ର ବୈଜ୍ଞାନିକ ଡକ୍ଟର ବାସୁଦେବ ବେହେରାଙ୍କୁ ୨୦୧୯ ମସିହା ପାଇଁ ଡକ୍ଟର ଜେ.ଭେଙ୍କଟେଶ୍ୱରଲୁ ପୁରସ୍କାର ପ୍ରଦାନ କରାଯାଇଛି। ଶୁଷ୍କାଂଚଳ କୃଷି ଗବେଷଣା କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ ପ୍ରତ୍ୟେକ ବର୍ଷ ଏହି ପୁରସ୍କାର ହାଇଦରାବାଦ ସ୍ଥିତ ଭାରତୀୟ ଶୁଷ୍କାଂଚଳ କୃଷି ସଂଗଠନ ଦ୍ୱାରା ପ୍ରଦାନ କରାଯାଇଥାଏ। ଏହି ଉପଲକ୍ଷେ ସୋମବାର ହାଇଦ୍ରାବାଦ ସ୍ଥିତ କେନ୍ଦ୍ରୀୟ ଶୁଷ୍କାଂଚଳ କୃଷି ଗବେଷଣା ପ୍ରତିଷ୍ଠାନ ଓ ଭାରତୀୟ ଶୁଷ୍କାଂଚଳ କୃଷି ସଂଗଠନର ମିଳିତ ଆନୁକୂଲ୍ୟରେ “ଶୁଷ୍କାଂଚଳ କୃଷିରେ ଖାଦ୍ୟ ଓ ପୁଷ୍ଟି ନିରାପତା ପାଇଁ ସମସ୍ୟା ଓ ସୁଯୋଗ” ଉପରେ କର୍ମଶାଳା ଆୟୋଜନ କରାଯାଇଥିଲା। ଅପରାହ୍ଣରେ ପୁରସ୍କାର ପ୍ରଦାନ ଉତ୍ସବ ଉଭୟ ହାଇଦ୍ରାବାଦ ଓ ଭୁବନେଶ୍ୱରରେ ପ୍ରକୃତ ତଥା ଆଭାସି ବ୍ୟବସ୍ଥାରେ ଆୟୋଜିତ ହୋଇଥିଲା। ସୋଆ ବିଶ୍ୱବିଦ୍ୟାଳୟର କୃଷି ବିଜ୍ଞାନ ପ୍ରତିଷ୍ଠାନରେ ଆୟୋଜିତ ଏହି ଉତ୍ସବରେ ଉପକୁଳପତି ପ୍ରଫେସର ପି.କେ. ନନ୍ଦ, ଅଧ୍ୟକ୍ଷ ପ୍ରଫେସର ବି.କେ ସାହୁ, ପିଜି ଅଧ୍ୟକ୍ଷ…
ଭୁବନେଶ୍ବର: ଆଜି ରାଜ୍ୟରୁ ଆଉ ୧ ହଜାର ୬୪ ଜଣ କରୋନା ଆକ୍ରାନ୍ତ ସୁସ୍ଥ ହୋଇଛନ୍ତି। ଏନେଇ ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରାଳୟ ସୂଚନା ଦେଇଛି। ଆଜି ସର୍ବାଧିକ ଖୋର୍ଦ୍ଧାରୁ ୩୮୬, ଜଗତସିଂହପୁରରୁ ୮୭, ବାଲେଶ୍ବରରୁ ୭୧, କଟକରୁ ୬୩, ପୁରୀରୁ ୫୦, ଯାଜପୁରରୁ ୪୩, ଅନୁଗୁଳରୁ ୪୦, ଭଦ୍ରକରୁ ୩୯, ନୟାଗଡରୁ ୨୮, ଢେଙ୍କାନାଳରୁ ୨୫, ମୟୂରଭଞ୍ଜରୁ ୨୫, କେନ୍ଦ୍ରାପଡାରୁ ୨୨, କେନ୍ଦୁଝରରୁ ୨୦, ସୁନ୍ଦରଗଡରୁ ୧୧, ବରଗଡରୁ ୯, କନ୍ଧମାଳରୁ ୯, ସମ୍ବଲପୁରରୁ ୯, କୋରାପୁଟରୁ ୬, ମାଲକାନାଗିରିରୁ ୬, ଦେବଗଡରୁ ୫, ଗଜପତିରୁ ୫, ଗଞ୍ଜାମରୁ ୫, ରାୟଗଡାରୁ ୫, ଝାରସୁଗୁଡାରୁ ୪, ସୋନପୁରରୁ ୪, କଳାହାଣ୍ଡିରୁ 2, ବୌଦ୍ଧରୁ ୧ ଏବଂ ଏବଂ ଷ୍ଟେଟ ପୁଲରୁ ୮୪ ଜଣ ଆକ୍ରାନ୍ତ ସୁସ୍ଥ ହୋଇ ଘରକୁ ଫେରିଛନ୍ତି। ଏହି ସୁସ୍ଥ ଆକ୍ରାନ୍ତଙ୍କୁ ମିଶାଇ ରାଜ୍ୟରେ ମୋଟ ୯ ଲକ୍ଷ ୮୦ ହଜାର ୪୭୧ ଜଣ ସୁସ୍ଥ…
ଭୁବନେଶ୍ବର, ଯାତ୍ରୀମାନଙ୍କ ସୁବିଧା ପାଇଁ, ପୁରୀ-ଦୁର୍ଗ-ପୁରୀ ସ୍ପେଶାଲ ଏବଂ ଭୁବନେଶ୍ୱର-ନୟାଗଡ଼ ଟାଉନ-ଭୁବନେଶ୍ୱର ସ୍ପେଶାଲର ସେବା ପୁନଃ ଚଳାଚଳ କରିବାକୁ ନିଷ୍ପତ୍ତି ନିଆଯାଇଛି। ୦୮୪୨୫/୦୮୪୨୬ ପୁରୀ-ଦୁର୍ଗ-ପୁରୀ ସ୍ପେଶାଲ୍ ପୁରୀରୁ ୨୧ ଅଗଷ୍ଟ, ୨୦୨୧ ଠାରୁ ଏବଂ ଦୁର୍ଗ ରୁ ୨୨ ଅଗଷ୍ଟ, ୨୦୨୧ ଠାରୁ ପରବର୍ତ୍ତୀ ପରାମର୍ଶ ପର୍ୟ୍ୟନ୍ତ ଚଳାଚଳ କରିବ। ସେହିପରି ୦୮୪୨୩/୦୮୪୨୪ ଭୁବନେଶ୍ୱର-ନୟାଗଡ଼ ଟାଉନ୍-ଭୁବନେଶ୍ୱର ସ୍ପେଶାଲ୍ ୩୧ ଅଗଷ୍ଟ, ୨୦୨୧ ଠାରୁ ଭୁବନେଶ୍ୱରରୁ ଏବଂ ସେପ୍ଟେମ୍ବର ମାସ ପହିଲା ଠାରୁ ନୟାଗଡ଼ ଟାଉନ୍ ଠାରୁ ପରବର୍ତ୍ତୀ ପରାମର୍ଶ ପର୍ୟ୍ୟନ୍ତ ଚଳାଚଳ କରିବ। ଏହି ଟ୍ରେନ ଦ୍ବୟ ପାଇଁ ନିର୍ଧାରିତ ଷ୍ଟେସନ ଓ ସମୟ ସାରଣୀ ଅପରିବର୍ତ୍ତିତ ରହିବ।
ନୂଆଦିଲ୍ଲୀ: ଦହି ଏକ ଏଭଳି ଖାଦ୍ୟ, ଯାହା ଅଧିକାଂଶ ଭାରତୀୟ ଲୋକ ଏହାକୁ ମୁଖ୍ୟ ଖାଦ୍ୟ ରୂପେ ବ୍ୟବହାର କରିଥାନ୍ତି। ଦହିକୁ ରାଇତା ଠାରୁ ଆରମ୍ଭ କରି ଗ୍ରେଭି ଏବଂ ଛାସ ପର୍ଯ୍ୟନ୍ତ ସବୁଥିରେ ବ୍ୟବହୃତ କରାଯାଏ। ଦହିର ମଲ୍ଟି-ଡାଇମେନ୍ସିଆଲ୍ ଗୁଣ ଅନେକ ରୋଷେୟାଙ୍କୁ ପିଢୀରୁ ପିଢୀ ପର୍ଯ୍ୟନ୍ତ ଧ୍ୟାନ ଆକର୍ଷଣ କରିଛି। ଦହି ଖାଇବାର ଅନେକ ଲାଭ ଅଛି, ଯାହା ଏହାକୁ ପୁଷ୍ଟିକର ବିଶେଷଜ୍ଞ ଏବଂ ଫିଟନେସ୍ ପ୍ରେମୀମାନଙ୍କ ପାଇଁ ସବୁଠାରୁ ପ୍ରିୟ ସୁପର ଫୁଡ୍ ହୋଇଥାଏ। ଦହି ହେଉଛି ଗୁରୁତ୍ୱପୂର୍ଣ୍ଣ ଭିଟାମିନ୍ ଏବଂ ଖଣିଜ ପଦାର୍ଥ ଯେପରିକି କ୍ୟାଲସିୟମ୍, ଭିଟାମିନ୍ ବି-୨, ଭିଟାମିନ୍ ବି -୧୨, ପୋଟାସିୟମ୍ ଏବଂ ମ୍ୟାଗ୍ନେସିୟମ୍ ପରିପୂର୍ଣ୍ଣ ଥାଏ। ଏହା ଅନ୍ତସ୍ଥ ମାଇକ୍ରୋବିଓମ୍ ଯଥା ଅନ୍ତ ସ୍ୱାସ୍ଥ୍ୟ ପାଇଁ ମଧ୍ୟ ଅତ୍ୟନ୍ତ ପ୍ରଭାବଶାଳୀ। ଦହି ହାଡର ସ୍ୱାସ୍ଥ୍ୟ, ହଜମ ପ୍ରକ୍ରିୟାରେ ଉନ୍ନତି ଆଣିଥାଏ, କୋଲେଷ୍ଟ୍ରଲକୁ ମଧ୍ୟ ନିୟନ୍ତ୍ରଣ କରିଥାଏ ଏବଂ ଉଚ୍ଚ ରକ୍ତଚାପକୁ ହ୍ରାସ…
ଭୁବନେଶ୍ୱର: ଆସନ୍ତା ୨୦ ତାରିଖରୁ ଯୁକ୍ତ-୩ ନାମ ଲେଖା ପାଇଁ ଆବେଦନ ପ୍ରକ୍ରିୟା ଆରମ୍ଭ ହେବ। ଏହି ଆବେଦନ ପ୍ରକ୍ରିୟା ସେପ୍ଟେମ୍ବର ୪ ତାରିଖ ପର୍ଯ୍ୟନ୍ତ ଚାଲିବ। ସେପ୍ଟେମ୍ବର ୯ ତାରିଖରେ ଏହାର ପ୍ରଥମ କର୍ଟ ଅଫ ତାଲିକା ପ୍ରକାଶ ପାଇବ। ସେହିପରି ଦ୍ୱିତୀୟ କର୍ଟ ଅଫ ତାଲିକା ସେପ୍ଟେମ୍ବର ୨୧ ତାରିଖରେ ପ୍ରକାଶ ପାଇବ। ସାମ୍ସ ପୋର୍ଟାଲ ମାଧ୍ୟମରେ ସେପ୍ଟେମ୍ବର ୯ ରୁ ୧୪ ତାରିଖ ମଧ୍ୟରେ ଆବେଦନ ପାଇଁ ଆବଶ୍ୟକ ଫି ଦାଖଲ କରାଯିବ। ଏ ନେଇ ଉଚ୍ଚଶିକ୍ଷା ବିଭାଗ ପକ୍ଷରୁ ସୂଚନା ପ୍ରଦାନ କରାଯାଇଛି।
ନୂଆଦିଲ୍ଲୀ: ଆନ୍ତର୍ଜାତୀୟ କ୍ରିକେଟ୍ ପରିଷଦ (ଆଇସିସି) ଆସନ୍ତା ଟି -୨୦ ବିଶ୍ୱକପ୍ର କାର୍ଯ୍ୟସୂଚୀ ଘୋଷଣା କରିଛି। ଅକ୍ଟୋବର ୨୪ ତାରିଖରେ ପାକିସ୍ତାନ ବିରୋଧରେ ଭାରତ ଏହି ଟୁର୍ଣ୍ଣାମେଣ୍ଟରେ ନିଜର ଅଭିଯାନ ଆରମ୍ଭ କରିବ। ଏହି ବିଶ୍ୱକପ୍ର ଗ୍ରୁପ୍- ୨ରେ ଉଭୟ ଭାରତ ଏବଂ ପାକିସ୍ତାନ ସ୍ଥାନିତ ହୋଇଛନ୍ତି। ଆଇସିସି ଆଜି ଏକ ଡିଜିଟାଲ ଶୋ’ରେ ଟି -୨୦ ବିଶ୍ୱକପ୍ର କାର୍ଯ୍ୟସୂଚୀ ଘୋଷଣା କରିଛି। ଏଥି ସହିତ ତାଲିବାନ ନିୟନ୍ତ୍ରଣରେ ଆସିଥିବା ଆଫଗାନିସ୍ତାନ ୨୫ ଅକ୍ଟୋବରରେ ଶାରଜାଠାରେ ଏହି ଟୁର୍ଣ୍ଣାମେଣ୍ଟର ପ୍ରଥମ ମ୍ୟାଚ୍ ଖେଳିବ। ବିରାଟ କୋହଲିଙ୍କ ଅଧିନାୟକତ୍ୱରେ ଟିମ୍ ଇଣ୍ଡିଆ ଅକ୍ଟୋବର ୩୧ ତାରିଖରେ ନ୍ୟୁଜିଲ୍ୟାଣ୍ଡ ଏବଂ ନଭେମ୍ବର ୩ ତାରିଖରେ ଆଫଗାନିସ୍ତାନକୁ ଭେଟିବ। ଉଲ୍ଲେଖ ଯୋଗ୍ୟ ଯେ, ଅକ୍ଟୋବର ୧୭ ତାରିଖରୁ ନଭେମ୍ବର ୧୪ ତାରିଖ ମଧ୍ୟରେ ୟୁଏଇ ଏବଂ ଓମାନରେ ଟି -୨୦ ବିଶ୍ୱକପ ଖେଳାଯିବ। ଟୁର୍ଣ୍ଣାମେଣ୍ଟର ପ୍ରଥମ ସେମିଫାଇନାଲ ନଭେମ୍ବର ୧୦ ତାରିଖରେ ଏବଂ ଦ୍ୱିତୀୟ ସେମିଫାଇନାଲ…
ନୟାଗଡ: ନୟାଗଡ ଜିଲ୍ଲା ଚାନ୍ଦପୁର ଥାନା ପୋଲିସ ଦୁଇ ଜଣ ଦୁର୍ଦ୍ଦାନ୍ତ ଅପରାଧୀଙ୍କୁ ଗିରଫ କରିଛି। ସୂଚନା ଅନୁଯାୟୀ ଗତ ଦୁଇ ଦିନ ତଳେ ଚାନ୍ଦପୁର ଥାନା ଚମ୍ପାପେଡି ଗ୍ରାମର ଗୋପୀ ବେହେରା ଉକ୍ତ ଗ୍ରାମର ପର୍ଶୁରାମ ପାଇକରାୟଙ୍କ ବେକକୁ ଛୁରି ଦ୍ୱାରା ଆକ୍ରମଣ କରି ଫେରାର ହୋଇଯାଇଥିଲେ। ପର୍ଶୁରାମ ଭୁବନେଶ୍ୱର ଏମ୍ସ ରେ ଚିକିତ୍ସିତ ହେଉଥିବା ବେଳେ ୨୪ ଘଣ୍ଟା ମଧ୍ୟରେ ଚାନ୍ଦପୁର ପୋଲିସ ଗୋପୀଙ୍କୁ ଗିରଫ କରିବାକୁ ସକ୍ଷମ ହୋଇଛି। ସେହିପରି ଭାବେ ୨୦୦୯ ମସିହାରେ ଜଣେ ବ୍ୟକ୍ତିଙ୍କୁ ଏକାଧିକ ଦୁର୍ବୁତ୍ତ ମାନେ ହତ୍ୟା କରି ଏକ କୂଅରେ ଫୋପାଡିଦେଇଥିଲେ। ଉକ୍ତ ମାମଲାରେ ଫେରାର ଥିବା ଉପେନ୍ଦ୍ର ପୁର ଗ୍ରାମର ସିନ୍ଧୁ ସାଗର ଜେନାଙ୍କୁ ଗତକାଲି ରାତିରେ ଚାନ୍ଦପୁର ପୋଲିସ ଗିରଫ କରିଛି। ଏହି ଗିରଫ ଅଭିଯାନରେ ଚାନ୍ଦପୁର ଆଇଆଇସି ରଶ୍ମିରଂଜନ ଦାସ, ଏସଆଇ ଅଞ୍ଜଳି ସା, ଏଏସଆଇ ରମେଶ ବେହେରା ଆଦି ସାମିଲ ଥିଲେ।
ସୀତାରାମ ଅଗ୍ରୱାଲ ଚିଲିକା: ଖୋର୍ଦ୍ଧା ଜିଲ୍ଲା ଚିଲିକା ନିର୍ବାଚନମଣ୍ଡଳୀ ରେ ଆସନ୍ତାକାଲି (ଅଗଷ୍ଟ ୧୮ ତାରିଖ) ରେ ୧ ହଜାର ୧୫୦ ଜଣ ନାଗରିକଙ୍କ ପାଇଁ ଟୀକା ବ୍ୟବସ୍ଥା ହୋଇଥିବାବେଳେ ବାଣପୁରର ପାଞ୍ଚ ଗୋଟି ଟୀକା କେନ୍ଦ୍ରରେ ସବୁ ବର୍ଗର ନାଗରିକମାନେ ଅନଲାଇନ ସ୍ଲଟ ବୁକିଂ କରି ଟୀକା ନେଇପାରିବେ। ଏ ନେଇ ଉଭୟ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଅଧିକାରୀ ସୂଚନା ଦେଇଛନ୍ତି। ଜାଣନ୍ତୁ ବାଣପୁରର କେଉଁ କେନ୍ଦ୍ରରେ କେତେ ଟୀକା ଏବଂ କିପରି ନେବେ: ଅନଲାଇନ (ବୁକିଂ ସମୟ ଆଜି ଅପରାହ୍ନ ୪ ଟା ୩୦ ରୁ ଆରମ୍ଭ) ୧- ଟିକିରାଇ ୟୁଜିଏମଇ ବିଦ୍ୟାଳୟ- ୪୫ ବର୍ଷରୁ ଉର୍ଦ୍ଧ୍ଵ ନାଗରିକ- ୬୦ ଟି ପ୍ରଥମ ଡୋଜ, ୨୦ ଟି ଦ୍ଵିତୀୟ ଡୋଜ ଏବଂ ଗର୍ଭବତୀ ମହିଳା(ଅଫଲାଇନ) ୧୦ ଟି ଡୋଜ ୨- କୃତିବାସ ଭବନ- ପ୍ରଥମ ଡୋଜ- ୮୦ (କେବଳ ୧୮-୪୪ ବର୍ଷୀୟ ନାଗରିକ) ୩- ଗମ୍ଭାରୀମୁଣ୍ଡା ଗୋଷ୍ଠୀ ସ୍ୱାସ୍ଥ୍ୟ…
ନୂଆଦିଲ୍ଲୀ: ଗତ ୨୪ ଘଣ୍ଟାରେ ଦେଶରେ ୨୫ ହଜାର ୧୬୬ ଜଣ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ୪୩୭ ଜଣ ଆକ୍ରାନ୍ତଙ୍କ ପ୍ରାଣହାନୀ ଘଟିଛି। ଏହା ସହିତ ଦେଶରେ କରୋନାର ମୋଟ ମାମଲା ୩ କୋଟି ୨୨ ଲକ୍ଷ ୫୦ ହଜାର ୬୭୯ ରେ ପହଞ୍ଚିଛି। ସେହିପରି ଦେଶରେ କରୋନାଜନିତ ମୃତ୍ୟୁ ସଂଖ୍ୟା ୪ ଲକ୍ଷ ୩୨ ହଜାର ୭୯ ରେ ପହଞ୍ଚିଛି। ଦେଶରେ କରୋନାରୁ ସୁସ୍ଥ ହୋଇଥିବା ଆକ୍ରାନ୍ତଙ୍କ ସଂଖ୍ୟା ୩ କୋଟି ୧୪ ଲକ୍ଷ ୪୮ ହଜାର ୭୫୪ ରେ ପହଁଞ୍ଚିଛି। ସେହିପରି ଦେଶରେ କରୋନାରୁ ୩ ଲକ୍ଷ ୬୯ ହଜାର ୮୪୬ ଆକ୍ଟିଭ୍ କେସ୍ ରହିଛି।
ଭୁବନେଶ୍ବର: ଆଜି ରାଜ୍ୟରେ ଆଉ ୬୮ ଜଣ କରୋନା ଆକ୍ରାନ୍ତ ପ୍ରାଣ ହରାଇଛନ୍ତି। ଆଜିର ୬୮ ଜଣ ମୃତକଙ୍କୁ ମିଶାଇ ରାଜ୍ୟରେ ମୋଟ ମୃତକଙ୍କ ସଂଖ୍ୟା ୭ ହଜାର ୨୧ ରେ ପହଞ୍ଚିଛି। ଏନେଇ ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ସୂଚନା ଦେଇଛି। ଆଜି କଟକ ଜିଲ୍ଲାରୁ ସର୍ବାଧିକ ୧୪ ଜଣ ଆକ୍ରାନ୍ତଙ୍କ ମୃତ୍ୟୁ ହୋଇଥିବା ବେଳେ ଅନୁଗୁଳ, ଜଗତସିଂହପୁରା ଜିଲ୍ଲାରୁ ୮ ଜଣ ଲେଖାଏଁ, ଯାଜପୁର ଜିଲ୍ଲାରୁ ୭ ଜଣ, ବାଲେଶ୍ଵର, କେନ୍ଦ୍ରାପଡା ଜିଲ୍ଲାରୁ ୬ ଜଣ ଲେଖାଏଁ, ଢେଙ୍କାନାଳ, ଖୋର୍ଦ୍ଧା ଜିଲ୍ଲାରୁ ୫ ଜଣ ଲେଖାଏଁ ଆକ୍ରାନ୍ତଙ୍କ ପ୍ରାଣହାନୀ ଘଟିଛି। ସେହିଭଳି ପୁରୀ, ରାୟଗଡା ଜିଲ୍ଲାରୁ ୩ ଜଣ ଲେଖାଏଁ, କେନ୍ଦୁଝର, ମୟୂରଭଞ୍ଜ ଓ ସୁନ୍ଦରଗଡ ଜିଲ୍ଲାରୁ ଜଣେ ଲେଖାଏଁ ଆକ୍ରାନ୍ତଙ୍କ ମୃତ୍ୟୁ ହୋଇଛି। ତେବେ ରାଜ୍ୟରେ ଆକ୍ରାନ୍ତଙ୍କ ସଂଖ୍ୟା ୯ ଲକ୍ଷ ୯୬ ହଜାର ୧୫୩ କୁ ବୃଦ୍ଧି ହୋଇଥିବାବେଳେ ସୁସ୍ଥ ହୋଇଛନ୍ତି ୯…
ଭୁବନେଶ୍ବର: ଆଜି ରାଜ୍ୟରେ ୭୨୦ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଏନେଇ ରାଜ୍ୟ ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ସୂଚନା ରହିଛି। ଆଜି ଚିହ୍ନଟ ମୋଟ୍ ଆକ୍ରାନ୍ତଙ୍କ ମଧ୍ୟରୁ କ୍ବାରେଣ୍ଟିନ୍ କେନ୍ଦ୍ରରୁ ୪୨୧ ଜଣ ଚିହ୍ନଟ ହୋଇଥିବା ବେଳେ ୨୯୯ ଟି ଲୋକାଲ କେସ୍ ରହିଛି। ନୂତନ ଆକ୍ରାନ୍ତଙ୍କୁ ମିଶାଇ ଏବେ ରାଜ୍ୟରେ ଆକ୍ରାନ୍ତଙ୍କ ସଂଖ୍ୟା ୯ ଲକ୍ଷ ୯୬ ହଜାର ୧୫୩ କୁ ବୃଦ୍ଧି ହୋଇଥିବାବେଳେ ସୁସ୍ଥ ହୋଇଛନ୍ତି ୯ ଲକ୍ଷ ୭୯ ହଜାର ୪୦୭ ଜଣ। ରାଜ୍ୟରେ ଏବେ ସକ୍ରିୟ ଆକ୍ରାନ୍ତ ରହିଛନ୍ତି ୯ ହଜାର ୬୭୨ ଜଣ। ରାଜ୍ୟରେ ମୋଟ ମୃତକଙ୍କ ସଂଖ୍ୟା ୬ ହଜାର ୮୮୭ କୁ ବୃଦ୍ଧି ହୋଇଛି। ଆଜି ମୋଟ ୨୯ ଟି ଜିଲ୍ଲାରୁ ୭୨୦ ଆକ୍ରାନ୍ତ ଚିହ୍ନଟ ହୋଇଛନ୍ତି। ସର୍ବାଧିକ ଖୋର୍ଦ୍ଧା ଜିଲ୍ଲାରୁ ୨୭୯ ଜଣ, କଟକ ଜିଲ୍ଲାରୁ ୯୧ ଜଣ, ଅନୁଗୁଳ ଜିଲ୍ଲାରୁ ୧୫, ବାଲେଶ୍ଵର ଜିଲ୍ଲାରୁ…
ନୂଆଦିଲ୍ଲୀ, ଶକ୍ତି ମନ୍ତ୍ରଣାଳୟ ଚିଠା ବିଦ୍ୟୁତ୍ (ସବୁଜ ଶକ୍ତି ମୁକ୍ତ ବ୍ୟବହାର ମାଧ୍ୟମରେ ଅକ୍ଷୟ ଶକ୍ତି ପ୍ରୋତ୍ସାହନ) ଅଧିନିୟମ, ୨୦୨୧ ଜାରି କରିଛି । ସେମାନେ ଏହାକୁ ଶକ୍ତି ମନ୍ତ୍ରଣାଳୟର ୱେବସାଇଟ୍ – https://powermin.gov.in ରେ ପକାଇବା ସହିତ ୩୦ ଦିନ ମଧ୍ୟରେ ମତାମତ ଲୋଡିଛନ୍ତି । ସବୁଜ ଶକ୍ତିର ଖରିଦ ଏବଂ ବ୍ୟବହାର ସହିତ ବିଦ୍ୟୁତ ଉତ୍ପାଦନ କେନ୍ଦ୍ରରୁ ବାହାରୁଥିବା ବର୍ଜ୍ୟବସ୍ତୁର ବ୍ୟବହାର ପାଇଁ ଏହି ଅଧିନିୟମରେ ପ୍ରସ୍ତାବ ରହିଛି । ଅଧିନିୟମର ନିମ୍ନଲିଖିତ ଉପ-ଶିରୋନାମା ଅଛି, ଯେଉଁଥିରେ ସବିଶେଷ ତଥ୍ୟ ପ୍ରଦାନ କରାଯାଇଛି: ଅକ୍ଷୟ ଶକ୍ତି କ୍ରୟ ବାଧ୍ୟତାମୂଳକ (ଆରପିଓ); ସବୁଜ ଶକ୍ତି ଖୋଲା ବ୍ୟବହାର; ନୋଡାଲ୍ ଏଜେନ୍ସିଗୁଡିକ; ସବୁଜ ଶକ୍ତି ଖୋଲା ବ୍ୟବହାର ଅନୁମୋଦନ ପ୍ରକ୍ରିୟା; ବ୍ୟାଙ୍କିଂ ଏବଂ କ୍ରସ୍ ସବସିଡି ସରଚାର୍ଜ । ଶୁଳ୍କ ସମ୍ବନ୍ଧରେ ଏହି ଚିଠା ନିୟମାବଳୀ ପ୍ରସ୍ତାବ ଦେଇଛି ଯେ ସବୁଜ ଶକ୍ତି ପାଇଁ ଶୁଳ୍କ ଉପଯୁକ୍ତ ଆୟୋଗ ଦ୍ୱାରା ସ୍ଥିର…
ଭୁବନେଶ୍ୱର, ଟୋକିଓ ଅଲମ୍ପିକ୍ସରେ ଖେଳିଥିବା ଉଭୟ ପୁରୁଷ ଓ ମହିଳା ହକି ଦଳ ଆଜି ଓଡିଶା ଆସିବେ। ଅପରାହ୍ନ ୧୧ଟା୧୦ରେ ଭୁବନେଶ୍ୱର ବିମାନ ବନ୍ଦରରେ ଦଳର ସମସ୍ତ ସଦସ୍ୟ ପହଁଛିବେ। ବିମନ ବନ୍ଦରରେ ସମସ୍ତଙ୍କୁ ଓଡିଶା ସରକରାଙ୍କ ତରଫରୁ ସ୍ବାଗତ ସମ୍ବର୍ଦ୍ଧନା କରାଯିବ। ବିମାନ ବନ୍ଦରରୁ ସେମାନଙ୍କୁ ୨ଟି ସ୍ୱତନ୍ତ୍ର ବସରେ ହୋଟେଲ ସାଣ୍ଡି ଟାୱାରକୁ ନିଆଯିବ। କୋଭିଡ କଟକଣା ଯୋଗୁଁ ସମସ୍ତଙ୍କର ଆରଟିପିସିଆର ଟେଷ୍ଟ କରାଯିବ ବୋଲି ଜଣାପଡିଛି। ସେଠାରେ ମଧ୍ୟାହ୍ନଭୋଜନ ପରେ ଖେଳାଳିମାନେ ବିଶ୍ରାମ ନେବେ। ଏହାପରେ ୩ଟାରୁ ୩ଟା୩୦ ପର୍ଯ୍ୟନ୍ତ ପ୍ରେସମିଟର ଆୟୋଜନ କରାଯିବ। ୪ଟା୨୫ରେ ଖେଳାଳି ଏବଂ ସମ୍ମାନିତ ବ୍ୟକ୍ତିମାନେ କଳିଙ୍ଗ ଷ୍ଟାଡିୟମକୁ ଯିବେ । ସନ୍ଧ୍ୟା ୫ଟା ୫ଟା୩୦ ପର୍ଯ୍ୟନ୍ତ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସହ ଖେଳାଳିମାନଙ୍କ ଫଟୋଶୁଟ କରାଯିବ । ୬ ଟା ୩୦ରେ ଲୋକସେବା ଭବନରେ ସମ୍ବର୍ଦ୍ଧନା ଉତ୍ସବ ଆୟୋଜିତ ହେବ । ଶେଷରେ ରାତ୍ର ୮ଟାରେ ହକି ଷ୍ଟାଡିୟମରେ ନୈଶ୍ୟ…
ନୂଆଦିଲ୍ଲୀ, ଲର୍ଡସ ଗ୍ରାଉଣ୍ଡରେ ଇତିହାସ ରଚିଲା ଭାରତ। ଦ୍ରୁତ ବୋଲରଙ୍କ ବଳରେ ଭାରତ ଇଂଲଣ୍ଡକୁ ୧୫୧ ରନରେ ପରାସ୍ତ କରିଛି । ଏଥିସହ ପାଞ୍ଚ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜ୍ରେ ଭାରତ ୧-୦ରେ ଅଗ୍ରଣୀ ହାସଲ କରିଛି। ମ୍ୟାଚ୍ର ଚତୁର୍ଥ ଦିନ ଖେଳ ଶେଷ ସୁଦ୍ଧା ମ୍ୟାଚ୍ରେ ଇଂଲଣ୍ଡର ପଲ୍ଲା ଭାରି ରହିଥିଲା। ପଞ୍ଚମ ଦିନରେ ବାଜି ଓଲଟିଲା। ଶେଷ ଦିନରେ ଭାରତ ମହମ୍ମଦ ଶାମିଙ୍କ ୫୬ ଏବଂ ବୁମରାଙ୍କ ୩୪ ରନ ବଳରେ ୮ ଓ୍ଵିକେଟ୍ ହରାଇ ୨୯୮ ରନ କରି ଇନିଂସ ଘୋଷଣା କରିଥିଲା। ପ୍ରଥମ ଇନିଂସରେ ୨୭ ରନରେ ଅଗ୍ରଣୀ ହାସଲ କରିଥିବାରୁ ଇଂଲଣ୍ଡ ସମ୍ମୁଖରେ ୨୭୨ ରନର ବିଜୟ ଲକ୍ଷ୍ୟ ମିଳିଥିଲା। ଲାଗୁଥିଲା ମ୍ୟାଚ୍ ଡ୍ର ହୋଇଯିବ। କାରଣ ଖେଳ ଆଉ ଦୁଇ ସେସନ ବାକି ରହିଥିଲା। କିନ୍ତୁ ପରେ ଯାହା ଘଟିଲା ତାହା ଇତିହାସ ହୋଇ ରହିଗଲା। ଇଂଲଣ୍ଡ ଭାରତର ଦ୍ରୁତ ବୋଲରଙ୍କ ଘାତକ…
ମେଷ :- ବୟସ୍କ ଲୋକମାନେ ସାହାଯ୍ୟ କରିବେ। ଅପ୍ରତ୍ୟାଶିତ ଲାଭ ହେବ। ଆଜି ଏକ ଯାତ୍ରାର ସମ୍ଭାବନା ହେବ। ବ୍ୟବସାୟ କିମ୍ବା ବ୍ୟକ୍ତିଗତ କାର୍ଯ୍ୟ ଏକ ମନୋରମ ଯାତ୍ରା ଆଡକୁ ନେଇପାରେ। ପଢିବାକୁ ଆଗ୍ରହ ବୃଦ୍ଧି ପାଇବ। ଅନ୍ୟମାନଙ୍କ ସହିତ ଗଣ୍ଡଗୋଳ କରନ୍ତୁ ନାହିଁ। ଆର୍ଥିକ ଅବସ୍ଥା ଭଲ ହେବ। ବେକାରୀ ସମସ୍ୟା ଦୂର କରିବା ପାଇଁ ପ୍ରୟାସ ସଫଳ ହେବ। ବୃଷ :- ତୁମର ଗୁରୁତ୍ବପୂର୍ଣ୍ଣ ଜିନିଷକୁ ସୁରକ୍ଷିତ ରଖ। ରିସ୍କ ନିଅ ନାହିଁ । ନୂତନ ସମ୍ପର୍କ ବିଷୟରେ ସତର୍କ ରୁହନ୍ତୁ। ଭୁଲ୍ କରିବା ଦ୍ବାରା ବିରୋଧୀମାନେ ବୃଦ୍ଧି ପାଇବେ। ବ୍ୟବସାୟ କ୍ଷେତ୍ରର ଅଭିବୃଦ୍ଧି ଏବଂ ବିସ୍ତାର ହେବ। ଆପଣ ଏକ ଉପହାର ପାଇପାରିବେ। ପିଲାମାନଙ୍କର ଚିନ୍ତା ଦୂର ହେବ। ଅପ୍ରତ୍ୟାଶିତ ଖର୍ଚ୍ଚ ହେବ । ଟେନସନ ହେବ। ଅନ୍ୟମାନଙ୍କ ସହିତ ଝଗଡା କର ନାହିଁ। ମିଥୁନ :- ବ୍ୟବସାୟ ଯାତ୍ରା ସଫଳ ହେବ। ରୋମାନ୍ସରେ ସଫଳତା ମିଳିବ,…
ଭୁବନେଶ୍ବର, ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିର୍ଦ୍ଦେଶକ୍ରମ ମୁଖ୍ୟମନ୍ତ୍ରୀଙ୍କ ସଚିବ (୫-ଟି) ଭି.କେ. ପାଣ୍ଡିଆନ୍ ୧୫ ଓ ୧୬ ତାରିଖ ଦୁଇ ଦିନ ଗଞ୍ଜାମ ଜିଲ୍ଲାର ହିଞ୍ଜିଳି ଓ ଶେରଗଡ ଗସ୍ତ କରି ବିଭିନ୍ନ ଉନ୍ନୟନମୁଳକ କାର୍ଯ୍ୟର ସମୀକ୍ଷା କରିଛନ୍ତି। ଏହି ଅବସରରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଭିଡ଼ିଓ କଲ୍ ଯୋଗେ ଶାସନ ଆମ୍ଵ ଗାଁର ବୃନ୍ଦାବନ ସ୍ମୃତି ବିଦ୍ୟାପୀଠ ର ଛାତ୍ରଛାତ୍ରୀ ମୀରା ସ୍ବାଇଁ ଓ ଦୀପକ ଦଳାଇଙ୍କ ସହ କଥା ହୋଇ ସ୍କୁଲ ରୂପାନ୍ତରୀକରଣ କାମ ସମ୍ପର୍କରେ ପିଲା ତଥା ଅଭିଭାବକ ମାନଙ୍କ ମତାମତ ଲୋଡିଥିଲେ । ସେମାନେ ସ୍କୁଲ ରୂପାନ୍ତରୀକରଣ ଦିଗରେ ମୁଖ୍ୟମନ୍ତ୍ରୀଙ୍କ ପଦକ୍ଷେପର ଉଚ୍ଚ ପ୍ରଶଂସା କରିବା ସହ ଧନ୍ୟବାଦ ଜଣାଇଥିଲେ । ପାଣ୍ଡିଆନ ପ୍ରଥମେ ହିଞ୍ଜିଳି ଓ ଶେରଗଡରେ ଥିବା ୩୯ଟି ହାଇସ୍କୁଲରେ ୫ଟି କାଯ୍ୟକ୍ରମ ଅଧିନରେ ଚାଲିଥିବା ରୂପାନ୍ତରୀକରଣ କାମ ପଯ୍ୟବେକ୍ଷଣ କରିଥିଲେ। ଏହି ଅବସରରେ ସେ ସ୍କୁଲର ଛାତ୍ରଛାତ୍ରୀ ଓ ଶିକ୍ଷକଶିକ୍ଷୟତ୍ରୀ, ଅଭିଭାବକ,…
ନୂଆଦିଲ୍ଲୀ: କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ ପେଟ୍ରୋଲ ଏବଂ ଡିଜେଲ ଉପରେ ଅଧିକ ମୂଲ୍ୟ ହ୍ରାସ କରିବା ଲାଗି ଏକ୍ସାଇଜ୍ ଶୁଳ୍କ ହ୍ରାସ କରିବାକୁ ମନା କରି ଦେଇଛନ୍ତି। ସେ କହିଛନ୍ତି ଯେ ଅତୀତରେ ଇନ୍ଧନ ଉପରେ ଦିଆଯାଇଥିବା ବୃହତ ସବସିଡି ବଦଳରେ ଦିଆଯାଉଥିବା ପେମେଣ୍ଟରେ ତାଙ୍କ ହାତ ବନ୍ଧା ହୋଇଛି। ସୀତାରମଣ କହିଛନ୍ତି ଯେ, ୟୁପିଏ ସରକାର ୧.୪୪ ଲକ୍ଷ କୋଟି ଟଙ୍କା ମୂଲ୍ୟର ତୈଳ ବଣ୍ଡ ଜାରି କରି ଇନ୍ଧନ ମୂଲ୍ୟ ହ୍ରାସ କରିଛନ୍ତି। ପୂର୍ବ ୟୁପିଏ ସରକାର ପରି ମୁଁ କୌଶଳ କରିପାରିବି ନାହିଁ। ତୈଳ ବଣ୍ଡ ଯୋଗୁଁ ଆମ ସରକାର ଭାରସାମ୍ୟ ହରାଇଛନ୍ତି, ତେଣୁ ଆମେ ପେଟ୍ରୋଲ ଏବଂ ଡିଜେଲର ମୂଲ୍ୟ ହ୍ରାସ କରିବାକୁ ସକ୍ଷମ ନୁହଁ। ସେ କହିଛନ୍ତି ଯେ, ଲୋକମାନେ ଚିନ୍ତିତ ହେବା ଠିକ୍। ଯେପର୍ଯ୍ୟନ୍ତ କେନ୍ଦ୍ର ଏବଂ ରାଜ୍ୟମାନେ ଏହାର ସମାଧାନ ନକରନ୍ତି, ଏହାର କୌଣସି ସମାଧାନ ସମ୍ଭବ ନୁହେଁ। ସୀତାରମଣ କହିଛନ୍ତି…
ସୁନ୍ଦରଗଡ଼: ପବିତ୍ର ସ୍ୱାଧୀନତା ଦିବସ ଅବସରରେ ସୁନ୍ଦରଗଡ଼ ଜିଲ୍ଲା ପ୍ରଶାସନ ପକ୍ଷରୁ ତିନୋଟି ନୂଆ ଜନକଲ୍ୟାଣ କାର୍ଯ୍ୟକ୍ରମର ଶୁଭାରମ୍ଭ କରାଯାଇଛି। ଜିଲ୍ଲାପାଳଙ୍କ କାର୍ଯ୍ୟାଳୟ ପରିସରରେ ଥିବା ବିକାଶ ଭବନଠାରେ ଆୟୋଜିତ ସ୍ୱତନ୍ତ୍ର ଉତ୍ସବରେ ଜିଲ୍ଲାପାଳ ନିଖିଲ ପବନ କଲ୍ୟାଣ ଜିଲ୍ଲାବାସୀଙ୍କ ସ୍ୱାସ୍ଥ୍ୟ ତଥା ଶ୍ରମିକଙ୍କ ସୁରକ୍ଷା ଲାଗି ଏହି କାର୍ଯ୍ୟକ୍ରମଗୁଡ଼ିକୁ ଲୋକାର୍ପଣ କରିଛନ୍ତି। ସୁନ୍ଦରଗଡ଼ର ସହରରୁ ଗାଁ ପର୍ଯ୍ୟନ୍ତ ଲୋକଙ୍କୁ ମାଗଣାରେ ଡାକ୍ତରୀ ପରୀକ୍ଷା ସେବା ଯୋଗାଇଦେବା ପାଇଁ “ଇ-ସ୍ୱାସ୍ଥ୍ୟ”, ବ୍ଲକ ସ୍ତରରେ ଫିଜିଓଥେରାପି ଏବଂ ବିଭିନ୍ନ ଆଧୁନିକ ଥେରାପି ଲାଗି ‘ସମନ୍ୱିତ ଭୌତିକ ଚିକିତ୍ସା’ ସହ ଜିଲ୍ଲାର ଶ୍ରମିକମାନଙ୍କ ନିରାପତ୍ତା ଓ ସ୍ୱାସ୍ଥ୍ୟରକ୍ଷା ଲାଗି ସ୍ୱତନ୍ତ୍ର ‘ସୁରକ୍ଷା କିଟ୍’ ବ୍ୟବସ୍ଥା ଆରମ୍ଭ କରାଯାଇଛି। ସେହିପରି ଶିଶୁଙ୍କ ପୋଷଣ ପାଇଁ ଅଙ୍ଗନବାଡ଼ି ମାଧ୍ୟମରେ ସୁନ୍ଦରଗଡ଼ ଜିଲ୍ଲାରେ ଚାଲିଥିବା ସ୍ପିରୁଲିନାଯୁକ୍ତ ଚିକି ଓ ଚିନି ଏବଂ ମାଣ୍ଡିଆ ଲଡୁ ମିକ୍ସ ବଣ୍ଟନ କାର୍ଯ୍ୟକ୍ରମର ୧ ବର୍ଷ ପୂର୍ତ୍ତି ପାଳନ କରାଯାଇଛି। “ସ୍ପିରୁଲିନା ଓ…