Author: Samikhsya Bureau

ଭୁବନେଶ୍ୱର, ନୂଆଦିଲ୍ଲୀର ଲାଲକିଲ୍ଲାଠାରେ ଆୟୋଜିତ ୭୫ତମ ସ୍ୱାଧୀନତା ଦିବସରେ ନିମନ୍ତ୍ରିତ ଅତିଥି ଭାବେ ଯୋଗଦେବା ପାଇଁ ଭାରତ ସରକାରଙ୍କ ନିମନ୍ତ୍ରଣ କ୍ରମେ ଓଡ଼ିଶାର ୧୦ ଜଣ ବିଶିଷ୍ଟ ବ୍ୟକ୍ତି ଯୋଗଦେଇଛନ୍ତି । ପଦ୍ମଶ୍ରୀ ଅରୁଣା ମହାନ୍ତି, ପଦ୍ମଶ୍ରୀ ସୁଦର୍ଶନ ପଟ୍ଟନାୟକ, ଡ. ସଂଗୀତା ଗୋସାଇଁ, ରତୀକାନ୍ତ ମହାପାତ୍ର, ଡ. ବିଜୟ ଜେନା, ଜଗନ୍ନାଥ ପଣ୍ଡା, ମୀରା ଦାସ, ପଦ୍ମିନୀ ଦୋରା, ଅଭିନ୍ନ ରାଉତରାୟ ଓ ଗାୟତ୍ରୀବାଳା ପଣ୍ଡା ଆଜି ଦିଲ୍ଲୀର ଲାଲକିଲ୍ଲାଠାରେ ଅନୁଷ୍ଠିତ ଜାତୀୟ ସ୍ତରୀୟ ସ୍ୱାଧୀନତା ଉତ୍ସବରେ ଅଂଶଗ୍ରହଣ କରି ସମସ୍ତ କାର୍ଯ୍ୟକ୍ରମରେ ସାମିଲ ହୋଇଛନ୍ତି । ୭୫ତମ ସ୍ୱାଧୀନତା ଦିବସ ଉପଲକ୍ଷେ ପ୍ରଥମ ଥର ପାଇଁ ରାଜ୍ୟରୁ ବିଶିଷ୍ଟ ବ୍ୟକ୍ତିବିଶେଷଙ୍କୁ ଆମନ୍ତ୍ରିତ କରାଯାଇଛି । ଏହି ଅତିଥିମାନେ ଓଡ଼ିଶାର ପାରମ୍ପରିକ ବେଶଭୂଷା ସହ ଉତ୍ସବର ଶୋଭାବର୍ଦ୍ଧନ କରିବା ସହିତ ଓଡ଼ିଆ ଅସ୍ମିତାର ଗରିମା ବୃଦ୍ଧି କରିଛନ୍ତି । କେନ୍ଦ୍ର ସରକାରଙ୍କ ପ୍ରତିରକ୍ଷା ବିଭାଗ ତରଫରୁ ଏହି ଅତିଥିମାନଙ୍କୁ ସମସ୍ତ…

ସୀତାରାମ ଅଗ୍ରୱାଲ ବାଣପୁର: ଖୋର୍ଦ୍ଧା ଜିଲ୍ଲା ବାଣପୁର ଥାନା ଅନ୍ତର୍ଗତ ଭୁଷ୍କାପଡ଼ା ଗ୍ରାମରେ ଏକ ଅଭାବନୀୟ ଘଟଣା ଘଟିଯାଇଛି। ବଜ୍ରପାତ ଯୋଗୁଁ ଜଣେ ବୃଦ୍ଧଙ୍କ ମୃତ୍ୟୁ ଘଟିଥିବାର ଖବର ହସ୍ତଗତ ହୋଇଛି। ଖବର ମୁତାବକ ଆଜି ଅପରାହ୍ନରେ ଭୁଷ୍କାପଡ଼ା ଗ୍ରାମର ଭ୍ରମର ମହାନ୍ତି (୭୫) ବିଲରୁ ଚାଷ କାମ ସାରି ଫେରୁଥିବାବେଳେ ହଠାତ ବଜ୍ରପାତ ହୋଇଥିଲା। ଯାହାଫଳରେ ଘଟଣାସ୍ଥଳରେ ଭ୍ରମର ମୂର୍ଚ୍ଛା ହୋଇଯାଇଥିଲେ। ତାଙ୍କୁ ତୁରନ୍ତ ପରିବାର ବର୍ଗ ବାଣପୁର ମେଡିକାଲରେ ଭର୍ତ୍ତି କରିଥିଲେ। ହେଲେ ଡାକ୍ତର ଭ୍ରମରଙ୍କୁ ମୃତ ଘୋଷଣା କରିଥିଲେ। ଏ ନେଇ ବାଣପୁର ମେଡିକାଲ ଡାକ୍ତର ସନ୍ଦୀପ ମହାନ୍ତି ବାଣପୁର ପୋଲିସକୁ ସୂଚନା ଦେବାପରେ ପୋଲିସ ଶବ ଜବତ କରି ତଦନ୍ତ ଜାରିରଖିଛି।

ରମେଶ ମହାନ୍ତି ଜଗତସିଂହପୁର: ସ୍ୱାଧୀନତା ଦିବସ ଅବସରରେ ଆଜି ଜଗତସିଂହପୁର ପୌରପରିଷଦ ଓ ବ୍ଲକ୍ ଅଞ୍ଚଳରେ ବିଭିନ୍ନ ଉନ୍ନୟନମୂଳକ ପ୍ରକଳ୍ପର ଶୁଭ ଉଦଘାଟନ ଓ ଭିତ୍ତିପ୍ରସ୍ତର ସ୍ଥାପନ କରିଛନ୍ତି ଜଗତସିଂହପୁର ବିଧାୟକ ତଥା ଜିଲ୍ଲା ଯୋଜନା କମିଟି ଅଧ୍ୟକ୍ଷ ପ୍ରଶାନ୍ତ କୁମାର ମୁଦୁଲି। ଏହି ଉତ୍ସବରେ ଜଗତସିଂହପୁର ସାଂସଦ ଡ. ରାଜଶ୍ରୀ ମଲ୍ଲିକ ମୁଖ୍ୟ ଅତିଥି ଓ ସମ୍ମାନିତ ଅତିଥିଭାବେ ଜିଲ୍ଲାପାଳ ସଂଗ୍ରାମ କେଶରୀ ମହାପାତ୍ର ଯୋଗଦେଇଥିଲେ। ସମୁଦାୟ ୧୧ଟି ପ୍ରକଳ୍ପ ମଧ୍ୟରୁ ୬ଟି ପ୍ରକଳ୍ପର ଶୁଭ ଉଦଘାଟନ ଓ ୫ଟି ପ୍ରକଳ୍ପର ଭିତ୍ତିପ୍ରସ୍ତର ସ୍ଥାପନ କରାଯାଇଛି। ଜଗତସିଂହପୁର ପୌରପରିଷଦର ବଙ୍ଗଳା ଛକଠାରୁ ପୂର୍ତ୍ତବିଭାଗ କାର୍ଯ୍ୟାଳୟ ପର୍ଯ୍ୟନ୍ତ ଚଲାପଥ ଓ ସୌନ୍ଦର୍ଯ୍ୟକରଣ, ଷ୍ଟେଟ୍ ବ୍ୟାଙ୍କ ସମ୍ମୁଖରେ ସମ୍ପୂର୍ଣ୍ଣ ହସ୍ତତନ୍ତ ଓ ହସ୍ତଶିଳ୍ପ ସାମଗ୍ରୀ ସେଲ୍ କାଉଣ୍ଟର ଅଳକା, ଜିଲ୍ଲା ପ୍ରାଣୀଚିକିତ୍ସା କାର୍ଯ୍ୟାଳୟ ପରିସରରେ ନୂତନ ଭାବେ ନିର୍ମିତ ତାଲିମ୍ କେନ୍ଦ୍ର, ହାଟପୋଲ ଠାରୁ ଅନୁକୂଳଚନ୍ଦ୍ର ଆଶ୍ରମ ପର୍ଯ୍ୟନ୍ତ ମାଛଗାଁ କେନାଲ ରାସ୍ତା…

ଭୁବନେଶ୍ବର: ଆଜି ରାଜ୍ୟରୁ ଆଉ ୧ ହଜାର ୪୩ ଜଣ କରୋନା ଆକ୍ରାନ୍ତ ସୁସ୍ଥ ହୋଇଛନ୍ତି। ଏନେଇ ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରାଳୟ ସୂଚନା ଦେଇଛି। ଆଜି ସର୍ବାଧିକ ଖୋର୍ଦ୍ଧାରୁ ୪୧୬, କଟକରୁ ୮୬, ଯାଜପୁରରୁ ୬୭, ବାଲେଶ୍ବରରୁ ୫୮, ଜଗତସିଂହପୁରରୁ ୫୭, ପୁରୀରୁ ୪୬, ମୟୂରଭଞ୍ଜରୁ ୩୨, କେନ୍ଦ୍ରାପଡାରୁ ୩୧, ଅନୁଗୁଳରୁ ୨୬, ଭଦ୍ରକରୁ ୨୦, ସୁନ୍ଦରଗଡରୁ ୧୯, କନ୍ଧମାଳରୁ ୧୭, ରାୟଗଡାରୁ ୧୩, କେନ୍ଦୁଝରରୁ ୧୨, ଢେଙ୍କାନାଳରୁ ୧୦, ନୟାଗଡରୁ ୯, ନବରଙ୍ଗପୁରରୁ ୭, ବଲାଙ୍ଗୀରିରୁ ୬, ଗଞ୍ଜାମରୁ ୫, ଝାରସୁଗୁଡାରୁ ୫, କୋରାପୁଟରୁ ୫, ମାଲକାନଗିରିରୁ ୫, ବୌଦ୍ଧରୁ ୩, କଳାହାଣ୍ଡିରୁ ୨, ବରଗଡରୁ ୧, ନୂଆପଡାରୁ ୧ ଏବଂ ଷ୍ଟେଟ ପୁଲରୁ ୮୪ ଜଣ ଆକ୍ରାନ୍ତ ସୁସ୍ଥ ହୋଇ ଘରକୁ ଫେରିଛନ୍ତି। ଏହି ସୁସ୍ଥ ଆକ୍ରାନ୍ତଙ୍କୁ ମିଶାଇ ରାଜ୍ୟରେ ମୋଟ ୯ ଲକ୍ଷ ୭୮ ହଜାର ୨୪୦ ଜଣ ସୁସ୍ଥ ହୋଇ ଘରକୁ ଫେରିଛନ୍ତି।…

ବାରିପଦା, ଆଜି ବାରିପଦା ଠାରେ ୭୫ତମ ସ୍ବାଧୀନତା ଦିବସ ପାଳିତ ହୋଇଯାଇଛି । ଏହି ଅବସରରେ ଆୟୋଜିତ ଜିଲ୍ଲା ସ୍ତରୀୟ କାର୍ଯ୍ୟକ୍ରମରେ ପଚାଂୟତିରାଜ , ପାନୀୟଜଳ , ଆଇନ , ଗୃହ ଓ ନଗର ଉନ୍ନୟନ ମନ୍ତ୍ରୀ ପ୍ରତାପ ଜେନା ମୁଖ୍ୟ ଅତିଥି ଭାବରେ ଯୋଗ ଦେଇ ଜାତୀୟ ପତାକା ଉତ୍ତୋଳନ କରି ଅଭିବାଦନ ଗ୍ରହଣ କରିଥିଲେ । ଏହି ଅବସରରେ ମନ୍ତ୍ରୀ ଶ୍ରୀ ଜେନା ଜାତିର ପିତା ମହାତ୍ମା ଗାନ୍ଧୀ ଓ ଅନ୍ୟ ବରପୁତ୍ର ମାନଙ୍କ ଉଦ୍ଦେଶ୍ୟରେ ଗଭୀର ଶ୍ରଦ୍ଧାଞ୍ଜଳି ଅର୍ପଣ କରିଥିଲେ। ଦେଶର ଅଖଣ୍ଡତା ଓ ଶାନ୍ତି ରକ୍ଷା ପାଇଁ ଶହୀଦ ହୋଇଥିବା ଅମର ଜବାନ ଏବଂ କରୋନା ଲଢେଇରେ ଶହୀଦ ହୋଇଥିବା କୋଭିଡ ଯୋଦ୍ଧା ମାନଙ୍କ ପ୍ରତି ମଧ୍ୟ ଗଭୀର ଶ୍ରଦ୍ଧାଞ୍ଜଳି ଅର୍ପଣ କରିଥିଲେ।

ନୂଆଦିଲ୍ଲୀ, ଦେଶର ସଂସଦରେ ବର୍ତ୍ତମାନ ଯେପରି ଆଇନ ପ୍ରଣୟନ ହେଉଛି, ତାହା ଠିକ୍ ନୁହେଁ। ବିନା ଆଲୋଚନାରେ ଆଇନ ପାଶ କରିବା ଦେଶ ପାଇଁ ଶୁଭକର ନୁହେଁ। ଏହିପରି ଏକ ବଡ କଥା କହିଛନ୍ତି ଭାରତର ମୁଖ୍ୟ ବିଚାରପତି ଏନ ଭି ରମନା। ଆଜି ସୁପ୍ରିମକୋର୍ଟ ବାର ଆସୋସିଏସନ ତରଫରୁ 75 ତମ ସ୍ବାଧୀନତା ଦିବସ ପାଳନ ଅବସରରେ ସେ ଏହା କହିଛନ୍ତି। ରମନା ଆହୁରି କହିଛନ୍ତି ଯେ, ପୂର୍ବେ ଯେତେବେଳେ ଆଇନ ପ୍ରଣୟନ ହେଉଥିଲା ସେତେବେଳେ ତା ଉପରେ ଏକ ବଡ ବୈଦ୍ଧିକ ଆଲୋଚନା ହେଉଥିଲା।ଏହାଦ୍ବାରା କୋର୍ଟ ସେ ଆଇନି ଉପରେ ବିସ୍ତୁତ ତଥ୍ୟ ହାସଲ କରିପାରୁ ଥିଲା। ହେଲେ ଏହା ବର୍ତ୍ତମାନ ପରିଲକ୍ଷିତ ହେଉ ନାହିଁ ବୋଲି ସିଜେଆଇ କହିଥିଲେ।

ଭୁବନେଶ୍ୱର, ଗ୍ରାମାଞ୍ଚଳ ସହରଗୁଡିକରେ ଶେଷ ମାଇଲ ଗ୍ରାହକ ସ୍ୱାଚ୍ଛନ୍ଦ୍ୟ ସୁନିଶ୍ଚିତ କରିବାକୁ ଏକ ଉଲ୍ଲେଖନୀୟ ପ୍ରୟାସରେ ଜିଓମାର୍ଟ ଡିଜିଟାଲ ସେବା ସମଗ୍ର ଓଡ଼ିଶାରେ ୯୦ରୁ ଅଧିକ ଜିଓପଏଂଟ ଷ୍ଟୋରରେ ପ୍ରଚଳନ କରାଯାଇଛି। ଏହା ଅନେକ ଗ୍ରାମାଞ୍ଚଳ ସହର ଓ ଉପନଗରୀୟ କେନ୍ଦ୍ରଗୁଡିକର ବାସିନ୍ଦାମାନେ ସ୍ମାର୍ଟଫୋନ, ଟେଲିଭିଜନ, ରେଫ୍ରିଜେରେଟର, ୱାଶିଂମେସିନ, ମିକ୍ସର ଗ୍ରାଇଣ୍ଡର, ରାଇସ କୁକର, ସ୍ପିକର ଓ ହେଡ ଫୋନ ଆଦି ସମେତ ବିବିଧ ଇଲେକ୍ଟ୍ରୋନିକ ଉତ୍ପାଦ ଉପରେ ସର୍ବୋତ୍ତମ ଅଫରର ସୁଯୋଗ ଓ ଘରେ ସାମଗ୍ରୀ ପହଞ୍ଚାଇବା ସୁବିଧା ପାଇପାରିବେ। ଗ୍ରାମାଞ୍ଚଳ କେନ୍ଦ୍ରଗୁଡିକରେ ଇଲେକ୍ଟ୍ରୋନିକ୍ସ ମଲ ଭାବରେ ଜିଓପଏଂଟ ଷ୍ଟୋରଗୁଡିକ ବ୍ୟବହାର ପାଇଁ ସହଜ ମୋବାଇଲ ଡିଜିଟାଲ ଆପ୍ଲିକେସନରେ ସର୍ବୋତ୍ତମ ଅଫର ସହିତ ସର୍ବାଧୁନିକ ଇଲେକ୍ଟ୍ରୋନିକ୍ସ ଉତ୍ପାଦଗୁଡିକ ପ୍ରଦର୍ଶିତ କରିବ। ସମ୍ପ୍ରତି କମ୍ପାନୀ ସମସ୍ତ ଇଲେକ୍ଟ୍ରୋନିକ୍ସ ସାମଗ୍ରୀ ଉପରେ ୬୦% ପର୍ଯ୍ୟନ୍ତ ରିହାତି ପ୍ରଦାନ କରୁଛି।

ପୁରୀ, ବହୁ ପ୍ରତୀକ୍ଷା ପରେ ଆସନ୍ତାକାଲି ସୋମବାରଠାରୁ କାଳିଆ ଦର୍ଶନ ଆରମ୍ଭ ହେବା। ସେଥିପାଇଁ ମନ୍ଦିର ପ୍ରଶାସନ ତରଫରୁ ସ୍ବତନ୍ତ୍ର ପ୍ରସ୍ତୁତି କରାଯାଇଛି।  ସେଥିପାଇଁ ସ୍ବତନ୍ତ୍ର ସେଡ ଏବଂ ବ୍ୟାରିକେଡ ନିର୍ମାଣ କରାଯାଇଛି। ଶ୍ରୀମନ୍ଦିର ପରିସରକୁ ସଂପୂର୍ଣ୍ଣ ଭାବେ ସାନିଟାଇଜ୍ କରାଯାଇଛି । ପ୍ରଥମେ ପୁରୀବାସୀଙ୍କୁ ଏହି ଦର୍ଶନ ସୁବିଧା ପ୍ରଦାନ କରାଯାଇଛି। ପୁରୀବାସୀ ୧୬ ତାରିଖରୁ ୨୦ ତାରିଖ ଯାଏ ୫ ଦିନ ପାଇଁ ଦର୍ଶନ କରିବେ। ଓ୍ୱାର୍ଡ ୱାରୀ ପୁରୀ ବାସିନ୍ଦା ଫଟୋ ପରିଚୟପତ୍ର ଦେଖାଇ ବ୍ୟାରିକେଡ୍ ଦେଇ ମନ୍ଦିର ଭିତରେ ପ୍ରବେଶ କରିବେ । ଏହି ପାଞ୍ଚଦିନରେ କେଉଁ ୱାର୍ଡର ଲୋକେ କେଉଁଦିନ ଯିବେ ତାହା ନିର୍ଦ୍ଧାରିତ କରାଯାଇଛି। ସେହି ଅନୁସାରେ… ୧୬ ତାରିଖ , ସୋମବାର ଦିନ ସକାଳ ୭ଟାରୁ ସାଢ଼େ ୧୦ଟା : ୩, ୧୫ ଓ ୧୮ ନଂ ଓ୍ବାର୍ଡ ପୂର୍ବାହ୍ନ ୧୧ଟାରୁ : ୬ ଓ ୯ନଂ. ଓ୍ବାର୍ଡ ଦିନ ୩ଟା…

ସୀତାରାମ ଅଗ୍ରୱାଲ ଚିଲିକା: ଖୋର୍ଦ୍ଧା ଜିଲ୍ଲା ଚିଲିକା ନିର୍ବାଚନମଣ୍ଡଳୀରେ ଆସନ୍ତାକାଲି (ଅଗଷ୍ଟ ୧୬ ତାରିଖ) ରେ ୧ ହଜାର ୨୯୦ ଜଣ ନାଗରିକଙ୍କ ପାଇଁ ଟୀକା ବ୍ୟବସ୍ଥା ହୋଇଥିବାବେଳେ ବାଣପୁର ର ଚାରି ଗୋଟି ଟୀକା କେନ୍ଦ୍ରରେ ସବୁ ବର୍ଗର ନାଗରିକମାନେ ଅନଲାଇନ ସ୍ଲଟ ବୁକିଂ କରି ଟୀକା ନେଇପାରିବେ। ଏ ନେଇ ଉଭୟ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଅଧିକାରୀ ସୂଚନା ଦେଇଛନ୍ତି। ଜାଣନ୍ତୁ ବାଣପୁରର କେଉଁ କେନ୍ଦ୍ରରେ କେତେ ଟୀକା ଏବଂ କିପରି ନେବେ: ଅନଲାଇନ (ବୁକିଂ ସମୟ ଆଜି ଅପରାହ୍ନ ୪ ଟା ୩୦ ରୁ ଆରମ୍ଭ) ୧- ଟିକିରାଇ ୟୁଜିଏମଇ ବିଦ୍ୟାଳୟ- ୪୫ ବର୍ଷରୁ ଉର୍ଦ୍ଧ୍ଵ ନାଗରିକ- ୭୦ ଟି ପ୍ରଥମ ଡୋଜ, ୨୦ ଟି ଦ୍ଵିତୀୟ ଡୋଜ ଏବଂ ଗର୍ଭବତୀ ମହିଳା(ଅଫଲାଇନ) ୧୦ ଟି ଡୋଜ ୨- କୃତିବାସ ଭବନ- ପ୍ରଥମ ଡୋଜ- ୧୦୦ (କେବଳ ୧୮-୪୪ ବର୍ଷୀୟ ନାଗରିକ) ୩- ଗମ୍ଭାରୀମୁଣ୍ଡା ଗୋଷ୍ଠୀ ସ୍ୱାସ୍ଥ୍ୟ…

କନ୍ଧମାଳ, ଜିଲ୍ଲା ସଦର ମହକୁମା ଫୁଲବାଣୀସ୍ଥିତ ରିଜର୍ଭ ପୋଲିସ ପଡ଼ିଆଠାରେ ଆୟୋଜିତ ୭୫ତମ ଜିଲ୍ଲାସ୍ତରୀୟ ସ୍ୱାଧୀନତା ଦିବସରେ ରାଜ୍ୟ ଜଙ୍ଗଲ, ପରିବେଶ ଓ ଜଳବାୟୁ ପରିବର୍ତ୍ତନ, ସଂସଦୀୟ ବ୍ୟପାର ମନ୍ତ୍ରୀ ଶ୍ରୀଯୁକ୍ତ ବିକ୍ରମ କେଶରୀ ଆରୁଖ ଜାତୀୟ ପତାକା ଉତ୍ତୋଳନ କରି ଅଭିବାଦନ ଗ୍ରହଣ କରୁଛନ୍ତି । କନ୍ଧମାଳ ଜିଲ୍ଲା ସଦର ମହକୁମାଠାରେ ଆୟୋଜିତ ୭୫ତମ ଜିଲ୍ଲାସ୍ତରୀୟ ସ୍ୱାଧୀନତା ଦିବସରେ ରାଜ୍ୟ ଜଙ୍ଗଲ, ପରିବେଶ ଓ ଜଳବାୟୁ ପରିବର୍ତ୍ତନ, ସଂସଦୀୟ ବ୍ୟପାର ମନ୍ତ୍ରୀ ଶ୍ରୀଯୁକ୍ତ ବିକ୍ରମ କେଶରୀ ଆରୁଖ ଜିଲ୍ଲାର କୋଭିଡ୍‌ ଯୋଦ୍ଧାମାନଙ୍କୁ ସମ୍ବର୍ଦ୍ଧିତ କରୁଛନ୍ତି

ମୁମ୍ବାଇ, ଭାରତୀୟ ରିଜର୍ଭ ବ୍ୟାଙ୍କ ଗୋଟିଏ ବ୍ୟାଙ୍କର ଲାଇସେନ୍ସ ବାତିଲ କରିଛି। ରିଜର୍ଭ ବ୍ୟାଙ୍କ ଏକ ପ୍ରେସ ବିବୃତ୍ତିରେ କହିଛି ଯେ ଏହି ବ୍ୟାଙ୍କର ସମସ୍ତ କାର୍ଯ୍ୟ ବନ୍ଦ କରିବାକୁ ନିର୍ଦ୍ଦେଶ ଦିଆଯାଇଛି। ବ୍ୟାଙ୍କ ବନ୍ଦ କରିବାକୁ ଏବଂ ବ୍ୟାଙ୍କ ପାଇଁ ଏକ ଋଣଦାତା ନିଯୁକ୍ତ କରିବାକୁ କୋଅପରେଟିଭ୍ କମିଶନର ଏବଂ ରେଜିଷ୍ଟ୍ରାର୍ ଅଫ୍ କୋଅପରେଟିଭ୍ ସୋସାଇଟି ମଧ୍ୟ ଅନୁରୋଧ କରାଯାଇଛି। ପର୍ଯ୍ୟାପ୍ତ ପୁଂଜି ଏବଂ କୈଣସି ରୋଜଗାରର ସମ୍ଭାବନା ନ ଥିବାରୁ ଏହାକୁ ବନ୍ଦ କରାଯାଇଛି। ଏହି ବ୍ୟାଙ୍କଟି ହେଉଛି ମହାରାଷ୍ଟ୍ରର ରାୟଗଡରେ ଅବସ୍ଥିତ କର୍ନଲା ନଗରୀ ସହକାରି ବ୍ୟାଙ୍କ। ରିଜର୍ଭ ବ୍ୟାଙ୍କ କହିଛି ଯେ 95 ପ୍ରତିଶତ ଜମାକାରୀ ସେମାନଙ୍କ ଜମା ରାଶି ଜମା ବୀମା ଏବଂ କ୍ରେଡିଟ ଗ୍ୟାରେଣ୍ଟି କର୍ପୋରେସନରୁ ପାଇବେ। ବ୍ୟାଙ୍କ ବନ୍ଦ ହେବାପରେ ପ୍ରତ୍ୟେକ ଜମାକାରୀଙ୍କ ପାଖରେ 5 ଲକ୍ଷ ଟଙ୍କା ପର୍ଯ୍ୟନ୍ତ ସୀମା ସହିତ ଜମା ବୀମା ଦାବି କରିବାର ଅଧିକାର ରହିବ।

ଭୁବନେଶ୍ବର, ଆଜି ରେଳବାଇ ଷ୍ଟାଡିଅମ ଠାରେ ପୂର୍ବତଟ ରେଳପଥ ପକ୍ଷରୁ 75ତମ ସ୍ୱାଧୀନତା ଦିବସ ପାଳନ ହୋଇଯାଇଛି। ପୂର୍ବତଟ ରେଳପଥର ମହାପ୍ରବନ୍ଧକ ଶ୍ରୀ ବିଦ୍ୟା ଭୂଷଣ ଜାତୀୟ ପତାକା ଉତ୍ତୋଳନ କରି କୋଭିଡ ପ୍ରଟୋକଲ ଅନୁପାଳନ ସହିତ ରେଳବାଇ ସୁରକ୍ଷା ବଳ (RPF) ଦ୍ଵାରା ଆୟୋଜିତ ପ୍ୟାରେଡ଼ରେ ଅଭିବାଦନ ଗ୍ରହଣ କରିଥିଲେ। ଏହି ଅବସରରେ ଶ୍ରୀ ବିଦ୍ୟା ଭୂଷଣ ପୂର୍ବ ତଟ ରେଳପଥର ପ୍ରଦର୍ଶନ ଓ ରେଳ କର୍ମଚାରୀମାନଙ୍କର ସାମୂହିକ ପ୍ରୟାସ ସହିତ ଯାତ୍ରୀ ସୁବିଧା, ସୁରକ୍ଷା ଓ ନିରାପତ୍ତା, ରେଳ ନେଟୱାର୍କର ସମ୍ପ୍ରସାରଣ, ଡିଜିଟାଲ ପଦକ୍ଷେପ ଏବଂ ମାନବ ସମ୍ବଳ ଉପରେ ଆଲୋକପାତ କରିବା ସହିତ କୋଭିଡ ମହାମାରୀ ସମୟରେ ଜରୁରୀ ସାମଗ୍ରୀ ପରିବହନ କ୍ଷେତ୍ରରେ କର୍ମଚାରୀ ମାନଙ୍କ ନିଷ୍ଠା ଓ ପ୍ରୟାସକୁ ପ୍ରଶଂସା କରିଥିଲେ। ଏହି ଉତ୍ସବରେ ଅତିରିକ୍ତ ମହା ପ୍ରବନ୍ଧକ ଶ୍ରୀ ସୁଧୀର କୁମାରଙ୍କ ସମସ୍ତ ବିଭାଗୀୟ ପ୍ରମୁଖ ଅଧିକାରୀ, ବରିଷ୍ଠ ରେଳ ଅଧିକାରୀ ଓ କର୍ମଚାରୀମାନେ…

ନୂଆଦିଲ୍ଲୀ, ଆଜାଦି କା ଅମୃତ ମହୋତ୍ସବ ଉପରେ ଦେଶ ତଥା ବିଶ୍ବର ଦେଢ କୋଟିରୁ ଅଧିକ ଭାରତୀୟ ଜାତୀୟ ସଂଗୀତ ଗାଇଛନ୍ତି। ସେଗୁଡିକର ଭିଡିଓ ରେକର୍ଡ କରି ଅପଲୋଡ୍ ମଧ୍ୟ କରିଛନ୍ତି। ଯାହା ପୂର୍ବରୁ ଦେଖାଯାଇ ନଥିଲା। ଜୁଲାଇ 25 ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମନ କି ବାତରେ ଏକାଠି ଜାତୀୟ ସଂଗୀତ ଗାନ କରିବାକୁ ଲୋକଙ୍କୁ ଆହ୍ବାନ କରିଥିଲେ। ଅଗଷ୍ଟ 15 ପର୍ଯ୍ୟନ୍ତ ଜାତୀୟ ସଂଗୀତ ଗାନ କରିବା ପାଇଁ ସଂସ୍କୃତି ମନ୍ତ୍ରଣାଳୟ ଏକ କାର୍ଯ୍ୟକ୍ରମ ମଧ୍ୟ ପ୍ରସ୍ତୁତ କରିଥିଲା। ବିଶିଷ୍ଟ କଳାକାର, ବିଶିଷ୍ଟ ବିଦ୍ୱାନ, ବରିଷ୍ଠ ନେତା, ବରିଷ୍ଠ ଅଧିକାରୀ, ସାହସୀ ଯବାନ, ପ୍ରସିଦ୍ଧ କ୍ରୀଡ଼ାବିତ୍ ଠାରୁ ଆରମ୍ଭ କରି କୃଷକ, ଶ୍ରମିକ ଏବଂ ଭିନ୍ନକ୍ଷମ ବ୍ୟକ୍ତିମାନେ ଗୋଟିଏ ସ୍ୱରରେ ଜାତୀୟ ସଂଗୀତ ଗାନ କରିଥିଲେ। ଏହା ଏକ ରେକର୍ଡ ସୃଷ୍ଟି କରିଛି।

ନୂଆଦିଲ୍ଲୀ, ଆଜି ନୂଆଦିଲ୍ଲୀର ସମର ମେମୋରିଆଲରେ 75 ତମ ସ୍ୱାଧୀନତା ଦିବସ ଅବସରରେ ରାଷ୍ଟ୍ରପତି ରାମ ନାଥ କୋବିନ୍ଦ ପୁଷ୍ପମାଲ୍ୟ ଅର୍ପଣ କରି ସଶସ୍ତ୍ର ବାହିନୀର ସହିଦମାନଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି। ଏହି ଅବସରରେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ, ପ୍ରତିରକ୍ଷା ମନ୍ତ୍ରୀ ଅଜୟ ଭଟ୍ଟ, ପ୍ରତିରକ୍ଷା କର୍ମଚାରୀଙ୍କ ମୁଖ୍ୟ ଜେନେରାଲ ବିପିନ ରାୱତ ଏବଂ ତିନି ସେନା ମୁଖ୍ୟ ମଧ୍ୟ ଉପସ୍ଥିତ ଥିଲେ।

ନୂଆଦିଲ୍ଲୀ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସ୍ୱାଧୀନତା ଦିବସ ଅଭିଭାଷଣରେ କହିଛନ୍ତି ଯେ ଦେଶର 80 ପ୍ରତିଶତରୁ ଅଧିକ ଚାଷୀଙ୍କ ଚାଷ ପାଇଁ ଦୁଇ ହେକ୍ଟରରୁ କମ୍ ଜମି ଅଛି। ସିଧାସଳଖ ଲାଭ ଟ୍ରାନ୍ସଫର ଏବଂ କୃଷ୍ଣ ରେଳ ମାଧ୍ୟମରେ କ୍ଷୁଦ୍ର ଚାଷୀଙ୍କୁ ସାହାଯ୍ୟ କରିବା ଉପରେ ଧ୍ୟାନ ଦେବା ଆବଶ୍ୟକ। ସରକାରୀ ଯୋଜନାଗୁଡିକର ସର୍ବାଧିକ ଲାଭ ପାଇବାକୁ ସେମାନେ ହକଦାର। ପ୍ରଧାନମନ୍ତ୍ରୀ କହିଛନ୍ତି ଯେ ସରକାର କ୍ଷୁଦ୍ର ଚାଷୀଙ୍କ କଲ୍ୟାଣ ପ୍ରତି ଧ୍ୟାନ ଦେଉଛନ୍ତି ଏବଂ 1.5 ଲକ୍ଷ କୋଟି ଟଙ୍କା ସିଧାସଳଖ 10 କୋଟି କୃଷକ ପରିବାରର ବ୍ୟାଙ୍କ ଆକାଉଣ୍ଟକୁ ହସ୍ତାନ୍ତର କରାଯାଇଛି। ସେ କହିଛନ୍ତି ଯେ ସ୍ବାମୀ ଯୋଜନା ଗ୍ରାମାଞ୍ଚଳରେ ଜୀବନ ବଦଳାଉଛି ଏବଂ ଡ୍ରୋନ୍ ଗ୍ରାମାଞ୍ଚଳରେ ଜମି ମାପିବାରେ ସାହାଯ୍ୟ କରୁଛି ଏବଂ ବିଭିନ୍ନ ଯୋଜନା କିମ୍ବା ଋଣ ପାଇଁ ଅନଲାଇନରେ ଆବେଦନ କରୁଛି। ପ୍ରଧାନମନ୍ତ୍ରୀ କହିଛନ୍ତି ଯେ ଦେଶର କ୍ଷୁଦ୍ର ଚାଷୀଙ୍କ ସାମୂହିକ ଶକ୍ତି ବୃଦ୍ଧି…

ନୂଆଦିଲ୍ଲୀ, ଏଣିକି ଦେଶର ସମସ୍ତ ସୈନିକ ସ୍କୁଲରେ ଝିଅମାନେ ପାଠ ପଢିବେ। ସେମାନେ ବି ହେବେ ସୈନିକ। ଏହିପରି ଏକ ନୂଆ ଘୋଷଣା କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ। ଆଜି 75ତମ ସ୍ବାଧୀନତୀ ଦିବସ ଉପଲକ୍ଷେ ମୋଦୀ ଲାଲକିଲ୍ଲାରୁ ଏହି ଘୋଷଣା କରିଛନ୍ତି। ସେ କହିଛନ୍ତି ଯେ, ବର୍ତ୍ତମାନ ପର୍ଯ୍ୟନ୍ତ ସୈନିକ ସ୍କୁଲରେ କେବଳ ପୁଅମାନେ ପାଠପଢି ଆସୁଛନ୍ତି। ସେଠାରେ ଝିଅମାନଙ୍କୁ ସୁଯୋଗ ଦିଆଯାଉ ନ ଥିଲା। ହେଲେ ପରୀକ୍ଷା ମୂଳକ ଭାବେ ଆସାମର ଏକ ସୈନିକ ସ୍କୁଲରେ ଝିଅମାନଙ୍କର ନାମଲେଖା କରାଯାଇଥିଲା। ସେଠାରେ ସଫଳତା ପରେ ବର୍ତ୍ତମାନ ସାରା ଦେଶରେ ଏହା ଲାଗୁ କରାଯିବ ବୋଲି ପ୍ରଧାନମନ୍ତ୍ରୀ କହିଛନ୍ତି।

ନୂଆଦିଲ୍ଲୀ, ଦେଶ ଆଜି ଏହାର 75 ତମ ସ୍ୱାଧୀନତା ଦିବସ ପାଳନ କରୁଛି | ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ନୂଆଦିଲ୍ଲୀର ଲାଲକିଲ୍ଲାରେ ଜାତୀୟ ପତାକା ଉତ୍ତୋଳନ କରି ଦେଶକୁ ସମ୍ବୋଧିତ କରିଛନ୍ତି। ଏହାପୂର୍ବରୁ ପ୍ରଧାନମନ୍ତ୍ରୀ ଗାର୍ଡ ଅଫ୍ ସାଲ୍ୟୁଟ୍ ଗ୍ରହଣ କରିଥିଲେ। ଚଳିତ ବର୍ଷ ପ୍ରଥମ ଥର ପାଇଁ ପ୍ରଧାନମନ୍ତ୍ରୀ ଜାତୀୟ ପତାକା ଉତ୍ତୋଳନ କରିବା ମାତ୍ରେ ଭାରତୀୟ ବାୟୁସେନାର ଦୁଇଟି ମି -17 1 ଭି ହେଲିକପ୍ଟର ଫୁଲର ବର୍ଷା କରିଥିଲା। ଲାଲକିଲ୍ଲାରେ ପହଞ୍ଚିବା ପରେ ପ୍ରଧାନମନ୍ତ୍ରୀଙ୍କୁ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଏବଂ ଅଜୟ ଭଟ୍ଟ ଏବଂ ପ୍ରତିରକ୍ଷା ସଚିବ ଅଜୟ କୁମାର ସ୍ବାଗତ କରିଥିଲେ। ଏହା ପୂର୍ବରୁ ନରେନ୍ଦ୍ର ମୋଦୀ ରାଜ ଘାଟକୁ ଯାଇ ଜାତିର ପିତା ମହାତ୍ମା ଗାନ୍ଧୀଙ୍କୁ ପୁଷ୍ପମାଲ୍ୟ ଅର୍ପଣ କରିଥିଲେ। ଦେଶକୁ ସମ୍ବୋଧିତ କରି ମୋଦୀ 75 ତମ ସ୍ୱାଧୀନତା ଦିବସରେ ଦେଶ ତଥା ସମଗ୍ର ବିଶ୍ୱରେ ଯେଉଁମାନେ ଭାରତ ଏବଂ ଗଣତନ୍ତ୍ରକୁ…

ଭୁବନେଶ୍ବର, ଆଜି ଭୁବନେଶ୍ବର ପ୍ରଦର୍ଶନୀ ପଡିଆରେ ରାଜ୍ୟସ୍ତରୀୟ ୭୫ତମ ସ୍ବାଧୀନତା ଦିବସ ପାଳିତ ହୋଇଯାଇଛି । ଏହି ଅବସରରେ ଆୟୋଜିତ ରାଜ୍ୟ ସ୍ତରୀୟ କାର‌୍ୟ୍ୟକ୍ରମରେ ମୁଖ୍ୟ ଅତିଥି ଭାବରେ ଯୋଗ ଦେଇ ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଜାତୀୟ ପତାକା ଉତ୍ତୋଳନ କରି ଅଭିବାଦନ ଗ୍ରହଣ କରିଥିଲେ । ଏହି ଅବସରରେ ମୁଖ୍ୟମନ୍ତ୍ରୀ ଜାତିର ପିତା ମହାତ୍ମା ଗାନ୍ଧୀ ଓ ଅନ୍ୟ ବରପୁତ୍ର ମାନଙ୍କ ଉଦ୍ଦେଶ୍ୟରେ ଗଭୀର ଶ୍ରଦ୍ଧାଞ୍ଜଳି ଅର୍ପଣ କରିଥିଲେ। ଦେଶର ଅଖଣ୍ଡତା ଓ ଶାନ୍ତି ରକ୍ଷା ପାଇଁ ଶହୀଦ ହୋଇଥିବା ଅମର ଜବାନ ଏବଂ କରୋନା ଲଢେଇରେ ଶହୀଦ ହୋଇଥିବା କୋଭିଡ ଯୋଦ୍ଧା ମାନଙ୍କ ପ୍ରତି ମଧ୍ୟ ମୁଖ୍ୟମନ୍ତ୍ରୀ ଗଭୀର ଶ୍ରଦ୍ଧାଞ୍ଜଳି ଅର୍ପଣ କରିଥିଲେ। ତେବେ କରୋନା କଟକଣା ପାଇଁ କୌଣସି ପ୍ୟାରେଡର ଆୟୋଜନ କରାଯାଇ ନ ଥିଲା।

ଭୁବନେଶ୍ବର, ଆଜି ଭୁବନେଶ୍ବର ପ୍ରଦର୍ଶନୀ ପଡିଆରେ ରାଜ୍ୟସ୍ତରୀୟ ୭୫ତମ ସ୍ବାଧୀନତା ଦିବସ ଅବସରରେ ରାଜ୍ୟରେ ସ୍ବାସ୍ଥ୍ୟ ସେବା କ୍ଷେତ୍ରରେ ବୈପ୍ଲବିକ ପରିବର୍ତ୍ତନ ଆଣିବା ଲକ୍ଷ୍ୟ ନେଇ ଏକ ଐତିହାସିକ ଘୋଷଣା କରି ମୁଖ୍ୟମନ୍ତ୍ରୀ କହିଥିଲେ ଯେ ‘ସାରା ଓଡିଶା ମୋ ପରିବାର। ମୋ ପାଇଁ ପ୍ରତି ଜୀବନ ମୂଲ୍ୟବାନ। ଯେତେବେଳେ ଲୋକମାନେ ଚିକିତ୍ସା ପାଇଁ ଜମି ବିକିବା, ସୁନା ବିକିବା ଓ ପିଲାଙ୍କ ପାଠ ବନ୍ଦ କରିବା ଖବର ମିଳେ, ସେତେବେଳେ ମୋତେ ବହୁତ କଷ୍ଟ ଲାଗେ । ଲୋକଙ୍କର ଏହି ଦୁଃଖ ଦୂର କରିବା ପାଇଁ ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନା ନୂଆ ରୂପରେ ଲାଗୁ କରାଯିବ ବୋଲି ମୁଁ ଘୋଷଣା କରୁଛି ।’ 1-ଏଥିପାଇଁ ରାଜ୍ୟର ୯୬ ଲକ୍ଷ ପରିବାର, ସାଢେ ତିନି କୋଟି ଲୋକଙ୍କୁ ସ୍ମାର୍ଟ ହେଲ୍‌ଥ କାର୍ଡ ମିଳିବ. 2-ସାରା ଓଡିଶାରେ ପଯ୍ୟାୟକ୍ରମେ ଏହି କାର୍ଡ ଦିଆଯିବ । 3-ଏଭଳି ସ୍ମାର୍ଟ ହେଲ୍‌ଥ କାର୍ଡ ଦେବାରେ…

ମେଷ – ଆଜି ଜୀବନର ବିଭିନ୍ନ କ୍ଷେତ୍ରରେ ଭାଗ୍ୟ ଏବଂ ପରିଶ୍ରମ ହାସଲ କରାଯାଇପାରେ । ଆପଣ ପ୍ରତ୍ୟେକ ଅସୁବିଧାର ସମ୍ମୁଖୀନ ହେବାକୁ ସମ୍ପୂର୍ଣ୍ଣ ସକ୍ଷମ ହେବେ । ଆଜି ପ୍ରୋତ୍ସାହନ ଉପରେ କାମ କରୁଥିବା ଲୋକମାନେ ଭଲ ଲାଭ ପାଇଛନ୍ତି । ପରିବହନ ବ୍ୟବସାୟୀମାନେ ବଡ଼ ଗ୍ରାହକଙ୍କଠାରୁ ବହୁତ ଲାଭ ପାଇବେ ବୋଲି ଆଶା କରାଯାଉଛି । ସ୍ୱାସ୍ଥ୍ୟ ବିଷୟରେ କହିବାକୁ ଗଲେ, ଆଜି ଜଙ୍କ ଫୁଡ୍ ଖାଇବା ଠାରୁ ଦୂରେଇ ରହିବା ଉଚିତ ଏବଂ ଫଳ ଖାଇବା ସ୍ୱାସ୍ଥ୍ୟ ପାଇଁ ଲାଭଦାୟକ ହେବ । ପିତାମାତାଙ୍କ କଥାକୁ ଅଣଦେଖା କରନ୍ତୁ ନାହିଁ । ପାରିବାରିକ ଜୀବନରେ ବିଶୃଙ୍ଖଳା ହୋଇପାରେ । ବୃଷ- ଆଜି, ଅତ୍ୟଧିକ କ୍ରୋଧର ଅବସ୍ଥା ଲୋକଙ୍କୁ ଅସୁବିଧାରେ ପକାଇପାରେ । ଅନ୍ୟ ପଟେ, ଯଦି ଆମେ ବ୍ୟକ୍ତିଗତ ଏବଂ ବୃତ୍ତିଗତ ଜୀବନ ମଧ୍ୟରେ ସଂଯୋଗ ସ୍ଥାପନ ଜାରି ରଖିବା, ତେବେ ଆମର ନେଟୱାର୍କକୁ ଦୃଢ  କରିବାକୁ…

ଭୁବନେଶ୍ବର, 75 ତମ ସ୍ବାଧୀନତା ଦିବସ ରାଜ୍ୟ ସ୍ତରୀୟ ପାଳନ ହେବ। ଭୁବନେଶ୍ବରରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଜାତୀୟ ପତାକା ଉତ୍ତୋଳନ କରି ଅଭିବାଦନ ଗ୍ରହଣ କରିବେ। ସେଥିପାଇଁ ଭୁବନେଶ୍ବର ପ୍ରଦର୍ଶନୀ ପଡିଆରେ ସୂଚନା ଓ ଲୋକ ସଂପର୍କ ବିଭାଗରୁ ସମସ୍ତ ପ୍ରସ୍ତୁତି କରାଯାଇଛି। ବିଭାଗର ପ୍ରମୁଖ ଶାସନ ସଚିବ ଶ୍ରୀ ବିଷ୍ଣୁପଦ ସେଠୀ  ବିଭାଗୀୟ ଅଧିକାରୀମାନଙ୍କ ଉପସ୍ଥିତିରେ ଚୁଡାନ୍ତ ପ୍ରସ୍ତୁତି ତଦାରଖ କରିଛନ୍ତି। ବିଭାଗୀୟ ନିର୍ଦ୍ଦେଶକ, ଭୁବନେଶ୍ବର ଡିସିପି ଏବଂ ଅନ୍ୟାନ୍ୟ ଅଧିକାରୀମାନେ ଉପସ୍ଥିତ ଥିଲେ।