Author: Samikhsya Bureau

ଭୁବନେଶ୍ବର, ଆସନ୍ତା 24 ଘଣ୍ଟା ମଧ୍ୟରେ ବଙ୍ଗୋପ ସାଗରରେ ସୃଷ୍ଟି ହୋଇପାରେ ବାତ୍ୟା। ଏ ନେଇ ପାଣିପାଗ ବିଭାଗ ସତର୍କ ସୂଚନା ଜାରୀ କରିଛି। ବିଭାଗର କହିବା ଅନୁସାରେ ବଙ୍ଗୋବ ସାଗରରେ ଏକ ଘୂର୍ଣ୍ଣିବଳୟ ସୃଷ୍ଟି ହୋଇଥିଲା। ବର୍ତ୍ତମାନ ତାହା ଲଘୁଚାପରେ ପରିଣତ ହୋଇ ଆହୁରି ଘନିଭୂତ ହେବାରେ ଲାଗିଛି। ଫଳରେ ଆସନ୍ତା 24 ଘଣ୍ଟା ମଧ୍ୟରେ ଏହା ବାତ୍ୟା ରୂପ ନେବାର ସମ୍ଭାବନା ରହିଛି। ଏଥିପାଇଁ ପାଣିପାଗ ବିଭାଗ ତାମିଲନାଡୁ ଏବଂ ପୁଡୁଚେରୀ ସରକାରଙ୍କୁ ସତର୍କ ରହିବା ପାଇଁ ସୂଚନା ଜାରୀ କରିଛି। ନାଭାଲ ସାମୁଦ୍ରିକ ବିଭାଗ ମଧ୍ୟ ଏ ନେଇ ସୂଚନା ଜାରୀ କରିଛି।

ଭୁବନେଶ୍ଵର: ଆଜି ଓଡିଶା ରାଜ୍ୟପାଳ ଗଣେଶି ଲାଲଙ୍କ ଧର୍ମପତ୍ନୀଙ୍କ ପରଲୋକ ହୋଇଯାଇଛି। ଏନେଇ ଆଜି ସମଗ୍ର ରାଜ୍ୟରେ ଶୋକର ଛାୟା ଖେଳି ଯାଇଛି। ତେବେ ଆଜି ବିଧାନସଭାର ଶୀତକାଳୀନ ଅଧିବେଶନରେ ଶୁଶିଳା ଦେବୀଙ୍କ ବିୟୋଗରେ ଗୃହରେ ଶୋକ ପ୍ରସ୍ତାବ ଆଗତ ହୋଇଛି। ଗୃହରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହି ଶୋକ ପ୍ରସ୍ତାବ ଆଗତ କରିଛନ୍ତି। ଏହା ସହିତ ବାଚସ୍ପତି ସୂର୍ଯ୍ୟ ନାରାୟଣ ପାତ୍ରଙ୍କ ଦ୍ଵାରା ଗୃହକୁ ମୁଲତବୀ କରାଯାଇଛି। ରାଜ୍ୟର ପ୍ରଥମ ମହିଳାକୁ ସମ୍ମାନ ଜଣାଇ ଗୃହ ମୁଲତବୀ କରାଯାଇଛି। ଅପରାହ୍ନ ୩ ଟା ଯାଏଁ ଗୃହକୁ ମୁଲତବୀ କରିଛନ୍ତି ବାଚସ୍ପତି।

ଭୁବନେଶ୍ୱର: ଭିଜିଲାନ୍ସ ଜାଲରେ ଗଣିତ ଅଧ୍ୟାପକ। ଘାଟିକିଆ ସ୍ଥିତ ସିଇଟି ଇଞ୍ଜିନିୟରିଂ କଲେଜର ଗଣିତ ଅଧ୍ୟାପକ ପ୍ରସନ୍ନ କୁମାର ମିଶ୍ର ଭିଜିଲାନ୍ସ ହାତରେ ଧରାପଡିଛନ୍ତି। ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଭୁବନେଶ୍ବର ଭିଜିଲାନ୍ସ ଟିମ୍ ପକ୍ଷରୁ ତାଙ୍କ ବାସଭବନରେ ଚଢାଉ କରାଯାଇଛି। ଭୁବନେଶ୍ବର ଖଣ୍ଡଗିରି ବାରି ସ୍ଥିତ ବାସଭବନରେ ଭିଜିଲାନ୍ସ ଟିମ୍ ପକ୍ଷରୁ ରେଡ୍‌ ଚାଲିଛି। ଭିଜିଲାନ୍ସ ବିଭାଗର ଏକ ଟିମ୍ ପ୍ରସନ୍ନଙ୍କ ଘର ଛାନଭିନ୍ ଚଳାଇଛି। ଛାନଭିନ୍ ବେଳେ କିଛି ଜମି କାଗଜପତ୍ର ମିଳିଥିବା ବେଳେ ତାଙ୍କର ୮ଟି ବ୍ୟାଙ୍କରେ ଆକାଉଣ୍ଟ ରହିଥିବା ଜଣାପଡିଛି। ତେବେ ତାଙ୍କର ମୋଟ୍ କେତେ ସମ୍ପତ୍ତି  ରହିଛି ତାହାକୁ ନେଇ ଭିଜିଲାନ୍ସ ବିଭାଗ ଆକଳନ କରୁଛି।

ରମେଶ ମହାନ୍ତି ଜଗତସିଂହପୁର: ଝଙ୍କଡ଼ ଶାରଳା ପୀଠକୁ ଆସିଥିବା ଜଣେ ଶ୍ରଦ୍ଧାଳୁଙ୍କୁ ମାଡ ହୋଇଥିବା ନେଇ ତିର୍ତ୍ତୋଲ ଥାନାରେ ଅଭିଯୋଗ ହୋଇଥିବା ଜଣାପଡିଛି। ସୂଚନାନୁଯାୟୀ ଝଙ୍କଡର ଅଧିଷ୍ଠାତ୍ରୀ ଦେବୀ ମା ଶାରଳାଙ୍କୁ ଦର୍ଶନ ନିମନ୍ତେ କେନ୍ଦ୍ରାପଡ଼ା ଜିଲ୍ଲା କେରାଣ୍ଡିଆ ପାଟଣା ଗ୍ରାମର ଶୁଭେନ୍ଦୁ ନାୟକ ନିଜ ପରିବାର ସହିତ ଆସିଥିବା ବେଳେ ଗତକାଲି ମଧ୍ୟାହ୍ନ ସମୟରେ ସେଠାରେ ଥିବା ଏକ ଖେଳନା ଦୋକାନରେ ତାଙ୍କ ପୁଅ ଖେଳନା ଦେଖୁଥିବା ବେଳେ ଏକ ଖେଳନାକୁ ଚିରି ଦେଇଥିଲେ। ଏହି ଘଟଣାକୁ ନେଇ ଶୁଭେନ୍ଦୁଙ୍କ ସହ ଦୋକାନିଙ୍କର ବଚସା ହେବା ସହିତ ତାଙ୍କୁ ମାଡ ମରା ଯାଇଥିବା ନେଇ ଶୁଭେନ୍ଦୁ ତିର୍ତ୍ତୋଲ ଥାନାରେ ଅଭିଯୋଗ କରିଥିବା ଜଣାପଡିଛି।

ନୂଆଦିଲ୍ଲୀ: ଦେଶରେ ପୁଣି କରୋନା ମାମଲା ବୃଦ୍ଧି ପାଇବାରେ ଲାଗିଛି। ଗତ ୨୪ ଘଣ୍ଟା ମଧ୍ୟରେ ୪୪ ହଜାର ୫୯ ନୂତନ ସଂକ୍ରମିତ ଚିହ୍ନଟ ହୋଇଥିବାବେଳେ ୫୧୧ଜଣଙ୍କର ମୃତ୍ୟୁ ହୋଇଛି। ଦେଶରେ ମୋଟ୍‌ କରୋନା ଆକ୍ରାନ୍ତଙ୍କ ସଂଖ୍ୟା ୯୧ ଲକ୍ଷ ୩୯ ହଜାର ୮୬୬କୁ ବୃଦ୍ଧି ପାଇଥିବାବେଳେ ମୃତ୍ୟୁ ସଂଖ୍ୟା ୧ ଲକ୍ଷ ୩୩ ହଜାର ୭୩୮ରେ ପହଞ୍ଚିଛି। ସେହିପରି ଦେଶରେ ସୁସ୍ଥଙ୍କ ସଂଖ୍ୟା ୮୫ ଲକ୍ଷ ୬୨ ହଜାର ୬୪୧ ଲୋକେ ସୁସ୍ଥ ହୋଇଛନ୍ତି। ସେହିପରି ଦେଶରେ ସକ୍ରିୟ ଆକ୍ରାନ୍ତଙ୍କ ସଂଖ୍ୟା ୪ ଲକ୍ଷ ୪୩ ହଜାର ୪୮୬ରେ ପହଞ୍ଚିଛି। ଏନେଇ କେନ୍ଦ୍ର ସ୍ୱାସ୍ଥ୍ୟ ଓ କଲ୍ୟାଣ ମନ୍ତ୍ରାଳୟ ସୂଚନା ଦେଇଛି।

ଭୁବନେଶ୍ବର, ଗତକାଲି ବିଳମ୍ବିତ ରାତିରେ ରାଜ୍ୟପାଳଙ୍କ ଧର୍ମପତ୍ନୀ ପ୍ରଫେସର ଗଣେଶୀ ଲାଲଙ୍କ ଧର୍ମପତ୍ନୀ ସୁଶୀଳା ଦେବୀଙ୍କ ପରଲୋକ ଘଟିଛି। ସେ ନଭେମ୍ବର 1 ତାରିଖରେ କରୋନା ପଜେଟିଭ ଚିହ୍ନଟ ହୋଇଥିଲେ। ତାଙ୍କର ସ୍ବାସ୍ଥ୍ୟ ଅବସ୍ଥା ଖରାପ ହେବାରୁ ସେ ସେହିଦିନଠାରୁ ଏକ ଘରୋଇ ହସପିଟାଲରେ ଚିକିତ୍ସିତ ହେଉଥିଲେ। କରୋନା ଭାଇରସରେ ଖୋଦ ରାଜ୍ୟପାଳ ପ୍ରଫେସର ଗଣେଶୀ ଲାଲ ଏବଂ ତାଙ୍କର ପରିବାରର ଅନ୍ୟ 4 ସଦସ୍ୟଙ୍କୁ ମଧ୍ୟ କରୋନା ଆକ୍ରାନ୍ତ ହୋଇଛି। ସେତେବେଳେ ଉଭୟ ରାଜ୍ୟପାଳ ଏବଂ ତାଙ୍କ ପତ୍ନୀ ହସପିଟାଲରେ ଭର୍ତ୍ତି ହୋଇଥିଲେ। ରାଜ୍ୟର ପ୍ରଥମ ମହିଳା ସୁଶୀଳା ଦେବୀଙ୍କର ପରଲୋକରେ ମୁଖ୍ୟମନ୍ତ୍ର ନବୀନ ପଟ୍ଟନାୟକ ଗଭୀର ଦୁଃଖ ପ୍ରକାଶ କରିଛନ୍ତି। ମୁଖ୍ୟମନ୍ତ୍ରୀ ତାଙ୍କୁ ଜଣେ ଅମାୟିକ ଏବଂ ଧର୍ମପରାୟଣା  ମହିଳା ବୋଲି କହିଛନ୍ତି।

ନୂଆଦିଲ୍ଲୀ, ଆଜି 4 ଟି ରାଶିର ବ୍ୟକ୍ତିଙ୍କ ପାଇଁ ଧନଧାନ୍ୟ ମିଳିବାର ଶୁଭ ସଙ୍କେତ ଦେଖାଦେଇଛି। ବ୍ୟବସାୟ କ୍ଷେତ୍ରରେ ଚତୁର୍ଦ୍ଦିଗରୁ ବୃଦ୍ଧି ଦେଖାଯିବ। ଆପଣ ଘରେ ପିତାମାତାଙ୍କଠାରୁ ସର୍ବାଧିକ ସହାୟତା ପାଇବେ। ଆପଣ ସମାଜରେ ନିଜର ପରିଚୟ ପ୍ରତିଷ୍ଠା କରିବାକୁ ସମର୍ଥ ହେବେ। ଅନେକ ବର୍ଷ ଧରି ଆପଣଙ୍କ ମନରେ ଥିବା ଯୋଜନା ବର୍ତ୍ତମାନ ବାସ୍ତବତାକୁ ପରିବର୍ତ୍ତନ ହେବାକୁ ଆସିଛି। ଯଦି ଆପଣ ଜଣେ ବ୍ୟବସାୟୀ, ତେବେ ଆପଣ ବ୍ୟବସାୟ କ୍ଷେତ୍ରରେ ହଠାତ୍ ଲାଭର ସମସ୍ତ ସମ୍ଭାବନା ଦେଖାଯାଇଛି। ଯାହା ଆପଣଙ୍କୁ ଧନୀ କରିବ। ଆପଣଙ୍କ ଘରେ ଏକ ନୂଆ ଅତିଥିଙ୍କ ଆଗମନ ହେବ, ଯାହା ଆପଣଙ୍କ ଘରେ ଖୁସିର ବାତାବରଣ ସୃଷ୍ଟି କରିବ। ସମ୍ପତ୍ତି ସୁଧରୁ ଆପଣ ଅଧିକ ଟଙ୍କା ରୋଜଗାର କରିବେ। ଯାହାଫଳରେ ଆପଣଙ୍କ ପରିବାର ଆପଣଙ୍କ ପାଇଁ ଗର୍ବିତ ହେବେ। ସୃଜନଶୀଳ କାର୍ଯ୍ୟଗୁଡ଼ିକ ମଧ୍ୟ ପୂରଣ ହେବ। ଜୀବନ ସୁଖରେ ପରିପୂର୍ଣ୍ଣ ହେବ। କିଛି ନୂଆ ଶିଖିବା…

ଚେନ୍ନାଇ, ଆସନ୍ତା ବର୍ଷ ତାମିଲନାଡୁରେ ବିଧାନସଭା ନିର୍ବାଚନ ହେବ। ଗୃହମନ୍ତ୍ରୀ ଅମିତ ଶାହା ଶନିବାର ଚେନ୍ନାଇରେ ଅଛନ୍ତି। କେବଳ ଏତିକି ନୁହେଁ, ସେମାନେ ଆଗାମୀ ନିର୍ବାଚନ ପାଇଁ ଶାସକ AIADMK ସହିତ ମିଳିତ ଭାବେ ନିର୍ବାଚନ ଲଢିବା ପାଇଁ  ମଧ୍ୟ ନିଶ୍ଚିତ କରିଛନ୍ତି। ଏଥିରୁ ସ୍ପଷ୍ଟ ହୋଇଛି ଯେ ଏଥର ତାମିଲନାଡୁରେ ବିଜେପିର ରଣନୀତି ଆକ୍ରମଣାତ୍ମକ ହେବାକୁ ଯାଉଛି। ଜାଣିବାକୁ ମିଳିଛି ଯେ ଶନିବାର ରାତିରେ ଗୃହମନ୍ତ୍ରୀ ଶାହ ରାଷ୍ଟ୍ରୀୟ ସ୍ବୟଂ ସେବକ ସଂଗଠନ (ଆରଏସଏସ) ଚିନ୍ତକ ଏସ ଗୁରୁମୂର୍ତ୍ତିଙ୍କୁ ଭେଟିଛନ୍ତି। ଏହି ବୈଠକ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି ବିବେଚନା କରାଯାଏ, କାରଣ ଗୁରୁମୂର୍ତ୍ତି ନିକଟରେ ଫିଲ୍ମ ସୁପରଷ୍ଟାର ରଜନୀକାନ୍ତଙ୍କୁ ଭେଟିଥିଲେ। ସୂଚନାନୁସାରେ, ଅମିତ ଶାହା ଏବଂ ଆରଏସଏସ ନେତାଙ୍କ ମଧ୍ୟରେ ହୋଇଥିବା ବୈଠକରେ ରଜନୀକାନ୍ତଙ୍କ ରାଜନୈତିକ ପ୍ରସଙ୍ଗ ଉପରେ ମଧ୍ୟ ଆଲୋଚନା ହୋଇଛି। ଅମିତ ଶାହା ଚଳଚ୍ଚିତ୍ର ଅଭିନେତା ରଜନୀକାନ୍ତଙ୍କୁ ଭେଟିବେ କି ନାହିଁ ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ।…

ୱାସିଂଟନ, କରୋନା ମହାମାରୀକୁ ନେଇ ବିଚଳିତ ହୋଇଥିବା ବିଶ୍ୱ ବର୍ତ୍ତମାନ ଏହାର ଟୀକା ଉପରେ ନଜର ରଖିଛି। ଏହି ଦିଗରେ ସମସ୍ତ ଦେଶ ଅତୁଳନୀୟ ଉଦ୍ୟମ କରିବାରେ ଲାଗିଛନ୍ତି। ଏହି ସମୟରେ ଟୀକା ବିଷୟରେ ଏକ ବଡ଼ ଖବର ସାମ୍ନାକୁ ଆସିଛି। ଆମେରିକାରେ କରୋନା ଟୀକା କାର୍ଯ୍ୟକ୍ରମର ମୁଖ୍ୟ ମୋନସେଫ ସାଲୁଇ କହିଛନ୍ତି ଯେ କରୋନା ଭୂତାଣୁ ପାଇଁ ପ୍ରଥମ ଟୀକା 11 ଡିସେମ୍ବରରେ ଆମେରିକାରେ ଆରମ୍ଭ ହୋଇପାରେ। ବାସ୍ତବରେ, କରୋନା ଟୀକା ପ୍ରସ୍ତୁତ କରୁଥିବା ଆମେରିକାର ବଡ କଂପାନୀ ଫାଇଜର ଆମେରିକାର ଖାଦ୍ୟ ଏବଂ ଔଷଧ ପ୍ରଶାସନ ବା FDAକୁ ଏକ ଆବେଦନ କରିଛି। ଏଥିରେ କଂପାନୀ ଟିକାକୁ ଜରୁରୀକାଳୀନ ବ୍ୟବହାର କରିବା ପାଇଁ ଅନୁମତି ମାଗିଛି। ଏହାକୁ ନେଇ 10 ଡିସେମ୍ବରରେ FDAର ଭ୍ୟାକ୍ସିନ୍ ପରାମର୍ଶଦାତା କମିଟି ବୈଠକ ବସିବାର କାର୍ଯ୍ୟକ୍ରମ ରହିଛି । ଆମେରିକୀୟ କମ୍ପାନୀ ଫାଇଜର କରୋନା ଭୂତାଣୁ ପାଇଁ 95% ପ୍ରଭାବଶାଳୀ ଟିକା ପ୍ରସ୍ତୁତ…

ନୂଆଦିଲ୍ଲୀ, ଆଜି ହେଉଛି କାର୍ତ୍ତିକ ସୋମବାର। ଏହି ଦିନ 6ଟି ରାଶି ପାଇଁ ରହିଛି ଶୁଭ ସଙ୍କେତ। ପ୍ରଭୃଙ୍କ କୃପା ଯୋଗୁଁ ସମସ୍ତ କାର୍ଯ୍ୟ ହେବ ଶୁଭକର। ମେଷ ଆଜି ଯୁବକମାନଙ୍କ ପାଇଁ ଏକ ଭଲ ଦିନ ହେବ। ବୃତ୍ତିଗତ ଗତି ଆଗକୁ ବଢିବ। କର୍ମ ନିୟୋଜିତ ଲୋକଙ୍କ ଦାୟିତ୍ବ ବୃଦ୍ଧି ପାଇବ। ସମ୍ପର୍କୀୟଙ୍କ ସହ ଆଲୋଚନା କରି ସମ୍ପତ୍ତି ବିବାଦର ସମାଧାନ ହୋଇପାରିବ। ଆଜି ଆପଣ ସକାରାତ୍ମକ ହେବେ। କାର୍ଯ୍ୟ ସଂପର୍କରେ ଏକ ଯାତ୍ରାକୁ ଯାଇପାରନ୍ତି। ସ୍ୱାସ୍ଥ୍ୟରେ ପରିବର୍ତ୍ତନ ଆସିପାରେ। ଋଣ ରାଶି ଫେରସ୍ତ ହେବ। ବୃଷ ଆଜି ପରିବାର ସଦସ୍ୟଙ୍କ ସହିତ ଜଣେ ସମ୍ପର୍କୀୟଙ୍କ କାର୍ଯ୍ୟକ୍ରମରେ ଯୋଗ ଦେଇପାରନ୍ତି। ଅତ୍ୟଧିକ କାର୍ଯ୍ୟ ହେତୁ ଆପଣ କ୍ଳାନ୍ତ ଅନୁଭବ କରିବେ। ବିବାହିତ ଜୀବନ ସୁଖୀ ହେବ। କାର୍ଯ୍ୟାଳୟର ପରିବେଶ ଆପଣଙ୍କ ପାଇଁ ଅନୁକୂଳ ହେବ । ସ୍ୱାସ୍ଥ୍ୟ ଭଲ ରହିବ । ଗାଡି ଚଳାଇବା ସମୟରେ ସାବଧାନ ରୁହନ୍ତୁ। ବରିଷ୍ଠମାନଙ୍କ…

ରମେଶ ମହାନ୍ତି ଜଗତସିଂହପୁର: ପ୍ରସିଦ୍ଧ ଝଙ୍କଡ଼ ଶାରଳା ପୀଠର ସୌନ୍ଦର୍ଯ୍ୟକରଣ ନିମନ୍ତେ ରାଜ୍ୟ ସରକାରଙ୍କ ପକ୍ଷରୁ ଏକକୋଟି ଟଙ୍କା ଅନୁଦାନର କାର୍ଯ୍ୟକାରୀତା ନେଇ ପ୍ରଶାସନ ତରଫରୁ ତତ୍ପରତା ପ୍ରକାଶ ପାଇଥିବା ଦେଖିବାକୁ ମିଳିଛି। ଆଜି (ରବିବାର ଦିନ) ଜେସିବି ମେସିନ୍ ଦ୍ୱାରା ଚନ୍ଦନ ପୋଖରୀର ଦକ୍ଷିଣ ପାର୍ଶ୍ଵରେ ଥିବା ବହୁ ପୁରାତନ ଜରାଜୀର୍ଣ୍ଣ କୋଠା ସହିତ କେତେକ ଦୋକାନ ଘର ଭଙ୍ଗାଯାଉଥିବା ଦେଖିବାକୁ ମିଳିଥିଲା। ଜଳସମ୍ପଦ ବିଭାଗ ତରଫରୁ ନିର୍ମାଣ କରାଯାଇଥିବା ଝଙ୍କଡ଼ ବିଶ୍ରାମଗାରର ପ୍ରାଚିରକୁ ଭଙ୍ଗାଯାଇନାହିଁ। ଆବଶ୍ୟକ ପଡିଲେ ଏହି ପ୍ରାଚିରକୁ ଉଚ୍ଛେଦ କରାଯିବ ବୋଲି ସୂଚନା ମିଳିଛି।

ହେମାଙ୍ଗ ପ୍ରସାଦ ରାଉଳ ବ୍ରହ୍ମପୁର/ପାରଳାଖେମୁଣ୍ଡି: ଗଜପତି ଜିଲ୍ଲା ସଦର ମହକୁମା ପାଳାଖେମୁଣ୍ଡି ପୌର ପରିଷଦର ୧୫ ନମ୍ବର ୱାର୍ଡ଼ର ପରିମଳ ବ୍ୟବସ୍ଥା ବିପର୍ଯ୍ୟସ୍ତ ହୋଇ ପଡ଼ିଥିବା ଦେଖିବାକୁ ମିଳିଛି। ମେଡ଼ିକାଲ୍ ଛକ ଠାରୁ ପୁରୁଣାପାଟଣା ଯାଉଥିବା ରାସ୍ତାର ଉଭୟ ପାଶ୍ୱର୍ରେ ଦୁଇଟି ନାଳ ରହିଛି। ଏହି ନାଳରେ ସହରର ପ୍ରାୟ ୩ଟି ୱାର୍ଡ଼ର ମଇଳା ପାଣି ଆବର୍ଜନା ସବୁ ଏହି ଡ଼୍ରେନରେ ଆସି ୧୫ ନଂ ୱାର୍ଡ଼ର କାମାକ୍ଷୀ ନଗର, ସତ୍ୟସାଇ ନଗର, ଶ୍ରୀଧର ନଗର, ମହେନ୍ଦ୍ର ନଗର, ଗଜପତି ନଗର, ରାଧାକୃଷ୍ଣ ନଗର, ମହେନ୍ଦ୍ର ତନେୟା ନଗର ପ୍ରଭୃତି ଅଂଚଳରେ ଡ଼୍ରେନ୍‌ଗୁଡ଼ିକରେ ଜମି ରହି ପାଣି ନିଷ୍କାସିତ ହୋଇପାରୁନାହିଁ। ଏହା ଦ୍ୱାରା ଏ ଅଂଚଳରେ ବିଭିନ୍ନ ମଶାମାନଙ୍କ ଉପଦ୍ରବ ଦିନକୁ ଦିନ ବଢ଼ିବାରେ ଲାଗିଛି। ଫଳରେ ଏ ଅଂଚଳରେ ଡ଼େଙ୍ଗୁ, ମ୍ୟାଲେରିଆ ବ୍ୟାପିବାରେ ଲାଗିଛି। ମେଡ଼ିକାଲ୍ ଛକଠାରୁ ପୁରୁଣା ପାଟଣା ରାସ୍ତାରେ ଦୁଇଟି ବାର ରେଷ୍ଟୁରାଣ୍ଟ ରହିଥିବା ଯୋଗୁଁ ଏହି…

ହେମାଙ୍ଗ ପ୍ରସାଦ ରାଉଳ ବ୍ରହ୍ମପୁର: ଗଜପତି ଜିଲ୍ଲା ବର୍ତ୍ତମାନ ଗଂଜେଇ ଚୋରା ଚାଲାଣର ମୁଖ୍ୟ ଆଡ୍ଡା ପାଲଟିଥିବାବେଳେ ଗଜପତିରୁ ବ୍ରହ୍ମପୁର ଦେଇ ରାଜ୍ୟର ବିଭିନ୍ନ ଜିଲ୍ଲା ତଥା ଜିଲ୍ଲା ବାହାରକୁ ଗଂଜେଇ ଚାଲାଣ ହେଉଛି। ଗଜପତି ଜିଲ୍ଲାର ବିଭିନ୍ନ ଅଂଚଳରେ ଏକର ଏକର ଗଂଜେଇ ଗଛ ଚାଷ କରାଯାଉଥିବାବେଳେ ଆଜି କୋଟି କୋଟି ଟଙ୍କାର ଗଂଜେଇ ଗଛକୁ କାଟି ନଷ୍ଟ କରାଯାଇଛି। ଆଜି ଚନ୍ଦ୍ରଗିରି ମୋହନା ଓପି କର୍ମଚାରୀ, ଥାନା, ଅବକାରୀ ବିଭାଗ ପକ୍ଷରୁ ମିଳିତ ଭାବେ ବୁଡ଼ୁନି ଏବଂ କଡ଼ାମୁଳି ସଂରକ୍ଷିତ ଜଂଗଲ ମଧ୍ୟରେ ଚଢ଼ାଉ କରାଯାଇ ପ୍ରାୟ ୮୬.୪ ଏକରରେ ଲଗାଯାଇଥିବା ଗଂଜେଇ ଗଛକୁ କାଟିବା ପରେ ପୋଡ଼ି ନଷ୍ଟ କରାଯାଇଥିଲା। ଏହି ଗଂଜେଇ ଗଛର ଆନୁମାନିକ ମୂଲ୍ୟ ୧୭ କୋଟି ୨୮ ଲକ୍ଷ ଟଙ୍କା ହେବ  ଏନେଇ ମୋହନା ଥାନାରେ ୧୯୮/୨୦, ୟୁ/ଏସ୍ ୨୦(ଏ)(ଆଇ) ଏଡ଼୍‌ଡ଼ିପିଏସ୍ ଆକ୍ଟରେ ମାମଲା ରୁଜୁ ହୋଇଛି।

ହେମାଙ୍ଗ ପ୍ରସାଦ ରାଉଳ ବ୍ରହ୍ମପୁର: କୁମାର ପୂର୍ଣ୍ଣିମା ଶେଷ ହୋଇଯାଇଥିଲେ ମଧ୍ୟ ଅଭ୍ୟାସଗତ ଜୁଆଡ଼ିମାନେ ସେମାନଙ୍କ ଅଭ୍ୟାସକୁ ଛାଡ଼ି ପାରୁନାହାନ୍ତି। ପ୍ରତିଦିନ ଅଭ୍ୟାସଗତ ଜୁଆଡ଼ିମାନେ ବିଭିନ୍ନ ନିକାଞ୍ଚନ ସ୍ଥାନ, କୋଠଘର, ହୋଟେଲ୍‌, ପଡ଼ିଆରେ ଜମା ହୋଇ ଜୁଆଖେଳ ଖେଳୁଛନ୍ତି। ଏହାଦ୍ୱାରା ସେମାନେ ସର୍ବସ୍ୱନ୍ତ ହେବା ସହ ପରିବାର ଲୋକେ ମଧ୍ୟ ଦାଣ୍ଡର ଭିକାରୀ ସାଜୁଛନ୍ତି। ଏହି ପରିପ୍ରେକ୍ଷୀରେ ବ୍ରହ୍ମପୁର ପୋଲିସ୍ ଜିଲ୍ଲାର ଟାଉନ୍ ଥାନା ପକ୍ଷରୁ ମଧ୍ୟ ବିଭିନ୍ନ ସ୍ଥାନରେ ଚଢ଼ାଉ ଜାରି ରହିଛି। ଆଜି ସନ୍ଧ୍ୟା ସମୟରେ ଧର୍ମନଗରରେ ଚଢ଼ାଉ କରି ୧୪ଜୁଆଡ଼ିକୁ ଗିରଫ କରିବା ସହ ୯ ଲକ୍ଷ ୨୯ ହଜାର ଟଙ୍କା ଜବତ ହୋଇଛି। ସୂଚନାଯୋଗ୍ୟ ଧର୍ମନଗର ଅଂଚଳରେ ଏକ ବଡ଼ଧରଣର ଜୁଆଆଡ୍ଡା ଚାଲିଥିବା ନେଇ ଥାନାଧିକାରୀ ସୁରେଶ ତ୍ରିପାଠୀ ଖବରପାଇ ଚଢ଼ାଉ କରିଥିଲେ। ଅତର୍କିତ ଚଢ଼ାଉରେ ଜୁଆଡ଼ିମାନେ ପୋଲିସ୍ ହାବୁଡ଼ରେ ପଡ଼ିବା ସହ ୯ଲକ୍ଷ ୨୯ ହଜାର ଟଙ୍କା, ୧୦୪ଟି ତାସ୍ କାଟା, ଜରିପାଲ ଜବତ…

ବାଲେଶ୍ୱର : ବାଲେଶ୍ୱରର ଅରଡ଼ା ଅଞ୍ଚଳରୁ ଧରା ପଡ଼ିଛ ଏକ ବଡ଼ ଧରଣର ବ୍ରାଉନସୁଗାର ଗ୍ୟାଙ୍ଗ । ପୋଲିସ ଚଢଉ କରି 100 ଗ୍ରାମ ବ୍ରାଉନ ସୁଗାର ଓ 23 ଲକ୍ଷର ନଗଦ ଟଙ୍କା ଜବତ କରିଛି । ଏଥିରେ କୁଖ୍ୟାତ ବ୍ରାଉନ ସୁଗାର ବେପାରୀ ମୁନା ଖାଁ ଧରା ପଡ଼ିଛି । ତେବେ ପୋଲିସର ଚଢଉ ସମୟରେ ବାପୁନା ନାମକ ଜଣେ ସହଯୋଗୀ ଖସି ପଳାଇ ଯାଇଥିଲା । ଶେଖ ରାଜାକୁ ଏସଟିଏଫ(ସ୍ପେଶାଲ ଟାସ୍କ ଫୋର୍ସ) ଧରିବା ପରଠୁ ମୁନା ଖାଁ ବ୍ରାଉନ ସୁଗାର ସାମ୍ରାଜ୍ୟ ଚଳାଉଥିଲା ବୋଲି ଜଣାପଡ଼ିଛି । ଶେଖ ରାଜାକୁ ମଧ୍ୟ ପୋଲିସ ବହୁତ ଦିନରୁ ତନାଘନା ଚଲାଇଥିଲା । ତେବେ ମୁନା ଖାଁ ଶେଖ ରାଜାର ଭିଣୋଇ ବୋଲି ଜଣାପଡ଼ିଛି ।

ମୁମ୍ବାଇ: ବଲିଉଡ୍ ଡ୍ରଗ୍ସ ମାମଲାରେ ହାସ୍ୟ ଅଭିନେତ୍ରୀ ଭାରତୀ ସିଂହ ଏବଂ ତାଙ୍କ ସ୍ୱାମୀ ହର୍ଷ ଲିମ୍ବାଚିୟାଙ୍କର ଅଡୁଆ ବଢିବାରେ ଲାଗିଛି। ଘରୁ ଗଞ୍ଜେଇ ମିଳିବା ପରେ ଏନସିବି ଉଭୟଙ୍କୁ ଗିରଫ କରି କୋର୍ଟ ଚାଲାଣ କରିଥିଲା। ତେବେ ଆଜିଠାରୁ ଭାରତୀ ଏବଂ ହର୍ଷଙ୍କୁ 14 ଦିନିଆ ବିଚାର ବିଭାଗୀୟ ହେପାଜତକୁ ପଠାଇ ଦିଆଯାଇଛି। ସୁଶାନ୍ତ ସିଂହ ମୃତ୍ୟୁ ମାମଲାର ତଦନ୍ତ କରୁ କରୁ ଡ୍ରଗ୍ସ ଲିଙ୍କର ଖୁଲାସା ହେବା ପରେ ଏନସିବି ଏନେଇ ଜୋରଦାର୍ ତଦନ୍ତ ଚଳାଇଛି। ଏହି କ୍ରମରେ ଦୀପିକା ପାଦୁକୋନ୍, ଶ୍ରଦ୍ଧା କପୁର ଓ ଅର୍ଜୁନ ରାମପାଲ୍‌ଙ୍କ ଭଳି ବଲିଉଡର ଅନେକ ବଡ଼ ତାରକା ଏନସିବି ତଦନ୍ତ ପରିସରଭୁକ୍ତ ହୋଇଛନ୍ତି। ସୂଚନାଯୋଗ୍ୟ, ଏନସିବି ଭାରତୀ ଓ ହର୍ଷଙ୍କ ଘରେ ଚଢ଼ାଉ କରି 86.5 ଗ୍ରାମର ଗଞ୍ଜେଇ ଜବତ କରିଛି। (ଏଜେନ୍ସି)

ସୀତାରାମ ଅଗ୍ରଓ୍ବାଲ ବାଣପୁର :  ବିଶ୍ୱାସ ରହିଛି “ଅଙ୍ଗ ଦାନ ମହତ ଦାନ‘‘ । ଜଣେବ୍ୟକ୍ତି ମୃତ୍ୟୁ ପରେ ବି ଅମର ରହିବାର ଅନ୍ୟତମ ମହତ ଉପାୟ ହେଉଛି ଅଙ୍ଗଦାନ। ଏହି ଉକ୍ତିର ଯଥାର୍ଥତାକୁ ପ୍ରତିପାଦନ କରିବାକୁ ଯାଇ ଚଳିତ ମାସ ନଭେମ୍ବର ୨୭ ତାରିଖ ରେ ହେବାକୁ ଥିବା “ବିଶ୍ୱ ଅଙ୍ଗଦାନ ଦିବସ “ର ସପ୍ତାହ ପାଳନ ଅବସରରେ ଖୋର୍ଦ୍ଧା ଜିଲ୍ଲା ବାଣପୁର-ବାଲୁଗାଁ ରୋଟାରୀ କ୍ଳବ ପକ୍ଷରୁ କ୍ଳବର ପ୍ରାୟ ୫୦ ଜଣ ସଦସ୍ୟ ଆଜି ସକାଳୁ ସକାଳୁ ପଦଯାତ୍ରା ମାଧ୍ୟମରେ ବାଲୁଗାଁ ସହର ପରିକ୍ରମା କରିବା ସହ ବାଣପୁରରେ “ମା ଭାଗବତୀଙ୍କ” ମନ୍ଦିର ଠାରୁ ଐତିହାସିକ ପଲଟଣ ପଡ଼ିଆ ପର୍ଯ୍ୟନ୍ତ ଏକ ବାଇକ ରାଲି ଦ୍ୱାରା ଏହି ମହତ ଦାନର ର ସଚେତନତା ବାର୍ତ୍ତା ପ୍ରଚାର କରିଥିଲେ । ଏହି ମହତ ଦାନରେ ନିଜକୁ ସାମିଲ କରି ସମାଜରେ ଅଙ୍ଗ ବିନା ଅବହେଳିତ, ଉତ୍ପୀଡିତ ରୂପକ ନର୍କରେ ପଡିଥିବା…

ରୁଷ୍‌ : ରୁଷ୍‌ର ଏକ ଗ୍ରାମରେ ପାର୍ଟି ଚାଲିଥିବାବେଳେ ଆଲକହଲ୍‌ ଶେଷ ହୋଇଯିବା ପରେ ହ୍ୟାଣ୍ଡ ସାନିଟାଇଜର୍‌ ପିଇଛନ୍ତି । ସାନିଟାଇଜର୍‌ ପିଇବା ବେଶ୍‌ ମହଙ୍ଗା ପଡିଛି ।  ସାନିଟାଇଜର୍‌ ପିଇ 7ଜଣଙ୍କର ମୃତ୍ୟୁ ହୋଇଥିବାବେଳେ ଅନ୍ୟ ଦୁଇଜଣ କୋମାକୁ ଚାଲିଯାଇଛନ୍ତି । ସେମାନେ ପିଇଥିବା ସାନିଟାଇଜର୍‌ରେ 69 ପ୍ରତିଶତ ମେଥନାଲ୍‌ ରହିଥିଲା । ମିଳିଥିବା ସୂଚନା ଅନୁସାରେ, ରୁଷ୍‌ର ତାତିନ୍ସିକ ଗ୍ରାମରେ 9ଜଣ ଲୋକେ ମିଶି ପାର୍ଟି କରୁଥିଲେ । ମଦ ସରିଯିବା ପରେ ପାଖରେ ଥିବା ସାନିଟାଇଜର୍‌ ପିଇଦେଇଥିଲେ।  ସାନିଟାଇଜର୍‌ ପିଇ ପ୍ରଥମେ 3ଜଣଙ୍କର ମୃତ୍ୟୁ ହୋଇଥିଲା । ଅନ୍ୟ 6ଜଣଙ୍କୁ ଏୟାରକ୍ରାପ୍ଟରେ ୟାକୁତ୍ସ ନିଆଯାଇଥିଲା । ମାତ୍ର ସେଠାରେ ଚିକିତ୍ସାଧୀନ ଅବସ୍ଥାରେ ଅନ୍ୟ ଚାରିଜଣଙ୍କର ମୃତ୍ୟୁ ହୋଇଥିଲା । ଅନ୍ୟ ଦୁଇଜଣ କୋମାକୁ ଚାଲିଯାଇଛନ୍ତି। ସୂଚନାଯୋଗ୍ୟ, ରୁଷ୍‌ରେ 20 ଲକ୍ଷ 64 ହଜାର 748ଟି ମାମଲା ଆସିଥିବାବେଳେ 35 ହଜାର 778ଜଣଙ୍କର ମୃତ୍ୟୁ ହୋଇଛି । (ଏଜେନ୍ସି)

କୋଲକାତା : ଦେଶରେ କରୋନା ମାମଲାରେ ବୃଦ୍ଧି ଘଟୁଥିବାବେଳେ କୋଲକାତାରୁ ଏକ ଆଶ୍ଚର୍ଯ୍ୟ ଘଟଣା ସାମ୍ନାକୁ ଆସିଛି । ଏଠାରେ ଜଣେ କରୋନା ଆକ୍ରାନ୍ତ ବୃଦ୍ଧ କରୋନାରେ ମୃତ୍ୟୁ ହୋଇଥିବାର ହସ୍ପିଟାଲ ପକ୍ଷରୁ ସୂଚନା ଦିଆଯାଇଥିବାବେଳେ ଶ୍ରାଦ୍ଧର ଗୋଟିଏ ଦିନ ପୂର୍ବରୁ ସେ ଘରକୁ ଫେରିଛନ୍ତି । ଏଭଳି ଏକ ଘଟଣା ପଶ୍ଚିମବଙ୍ଗର ଉତ୍ତର 24 ପ୍ରଗଣା ଅଞ୍ଚଳରେ ଘଟିଛି।  ବିରାଟୀରରେ ରହୁଥିବା 75 ଶିବଦାସ ବନ୍ଦୋପାଧ୍ୟାୟଙ୍କ ପରିବାର ତାଙ୍କର ମୃତ୍ୟୁ ପରେ ଶ୍ରାଦ୍ଧ ପ୍ରସ୍ତୁତି କରିବାର ଗୋଟିଏ ଦିନ ପୂର୍ବରୁ ସେ ଫେରିଛନ୍ତି । ହସ୍ପିଟାଲରେ ହେଉଥିବା ଅବହେଳାକୁ ନେଇ ସ୍ଥାନୀୟ ଲୋକଙ୍କ ମଧ୍ୟ ଉତ୍ତେଜନା ଦେଖାଦେଇଛି।  ହସ୍ପିଟାଲ ପକ୍ଷରୁ କିଛି ଦିନ ତଳେ ତାଙ୍କୁ ମୃତ ଘୋଷଣା କରାଯାଇଥିଲା। ତାଙ୍କ ପରିବାର ସଦସ୍ୟଙ୍କୁ ଏସମ୍ପର୍କରେ ଜଣାଇ ଦିଆଯାଇଥିଲା। କରୋନା ନିୟମ ଅନୁଯାୟୀ ଅନୁସାରେ ମୃତକଙ୍କୁ ପ୍ଲାଷ୍ଟିକ୍‌ ବ୍ୟାଗ୍‌ରେ ରଖାଯାଇଥିଲା। ପରିବାର ସଦସ୍ୟଙ୍କୁ ମୃତକଙ୍କ ମୁହଁ ଦେଖିବାର ସୁଯୋଗ ମଧ୍ୟ…

ନୂଆଦିଲ୍ଲୀ : ଏହି ସହରରେ ଏବେ ଦୁଇ ମାସ ପର୍ଯ୍ୟନ୍ତ ସୂର୍ଯ୍ୟ ଦେଖାଯିବେ ନାହିଁ । ଆମେରିକାର ଏପରି ଏକ ସହର ଅଛି, ଯେଉଁଠାରେ ଲେକେ ଏବେ ଦୁଇ ମାସ ପର୍ଯ୍ୟନ୍ତ ସୂର୍ଯ୍ୟ ଦେଖିପାରିବେ ନାହିଁ । ଆେମାରିକାର ଆଲସ୍କାର ଲୋକେ ଏବେ ଦୁଇ ମାସ ପର୍ଯ୍ୟନ୍ତ ଅନ୍ଧାରରେ ରହିବେ । ଏହି ସହରରେ ଜାନୁଆରୀ 23ତାରିଖରେ ଦ୍ବିପ୍ରହର ଗୋଟାଏ ସମୟରେ ସୂର୍ଯ୍ୟୋଦୟ ଦେଖିବେ । ଏଠାରେ 65 ଦିନ ଅନ୍ଧାରରେ ରହିବେ ଲୋକେ ।ଏନେଇ ସରକାର ମଧ୍ୟ ଘୋଷଣା କରିଛନ୍ତି । ଆଲାସ୍କା ଧ୍ରୁବୀୟ ଅଞ୍ଚଳ ମଧ୍ୟରେ ଆସିଥାଏ । ଏଠାରେ ଶୀତଦିନେ ଅନ୍ଧାର ରହିଥାଏ । ଆର୍କାଟିକ୍‌ ସର୍କିଲ୍‌ର ଉଚ୍ଚରେ ସ୍ଥିତ ଯୋଗୁଁ ଏହି ଅଞ୍ଚଳରେ ସୂର୍ଯ୍ୟକିରଣ ପହଞ୍ଚି ପାରିନଥାଏ । ଏହି ସ୍ଥିତକୁ ‘ପୋଲର ନାଇଟସ୍‌ କୁହାଯାଏ । ନଭେମ୍ବର 18 ତାରିଖରେ ଏଠାରେ ଅନ୍ତିମ ସୂର୍ଯ୍ୟାସ୍ତ ହୋଇଥିଲା । ଏଠାରେ ଜାନୁଆରୀ 23 ତାରିଖରେ ସୂର୍ଯ୍ୟୋଦୟ…

ପୁରୀ : ପୁରୀ ଜିଲ୍ଲାର ନୂତନ ଏସପି ଭାବେ କନୱର ବିଶାଲ ସିଂ ଦାୟିତ୍ୱ ଗ୍ରହଣ କରିଛନ୍ତି। ସେ ଅଖିଳେଶ୍ୱର ସିଂହଙ୍କ ସ୍ଥାନରେ ଦାୟିତ୍ୱରେ ଅବସ୍ଥାପିତ ହୋଇଛନ୍ତି । ଜିଲ୍ଲାର ବହୁ ବରିଷ୍ଠ ପୋଲିସ ପଦାଧିକାରୀଙ୍କ ଉପସ୍ଥିତିରେ କନୱର ବିଶାଲ ସିଂ ଦାୟିତ୍ୱ ଗ୍ରହଣ କରିଛନ୍ତି । ସମ୍ବଲପୁର ଏସପି ଥିବା କେ. ବିଶାଳ ସିଂଙ୍କୁ ପୁରୀ ଏସ୍‌ପି ଭାବେ ନୂଆ ଦାୟିତ୍ୱ ଦିଆଯାଇଥିବା ବେଳେ ପୂର୍ବତନ ପୋଲିସ ଅଧିକାରୀ ଅଖିଳେଶ୍ୱର ସିଂହଙ୍କୁ ପୋଲିସ ମୁଖ୍ୟାଳୟକୁ ବଦଳି କରାଯାଇଛି। ସୂଚନାଯୋଗ୍ୟ, ପୁରୀ ହାଜତରେ କଏଦୀଙ୍କ ମୃତ୍ୟୁ ମାମଲାକୁ ନେଇ ପୋଲିସର ଭୂମିକା ଉପରେ ପ୍ରଶ୍ନ ଉଠୁଥିବା ବେଳେ ଜିଲ୍ଲାର ଏସପି ଅଖିଳେଶ୍ୱରଙ୍କ ବଦଳି ହୋଇଛି । ସେପଟେ ପୁରୀ ହାଜତ ମୃତ୍ୟୁ ମାମଲା ହାଇକୋର୍ଟରେ ପହଞ୍ଚିଛି। ହାଇକୋର୍ଟରେ ଏକ ଜନସ୍ବାର୍ଥ ମାମଲାରେ ଶୁଣାଣି କରି ସୋମବାର ସୁଦ୍ଧା ସମସ୍ତ ରେକର୍ଡ ଦାଖଲ କରିବାକୁ ରାଜ୍ୟ ସରକାରଙ୍କୁ ନୋଟିସ୍ ଜାରି କରିଛନ୍ତି ।