ହାଇଦ୍ରାବାଦ : ତେଲୁଗୁ ସୁପରଷ୍ଟାର ଭେଙ୍କଟେଶ ଏବଂ ରାଣା ଦଗୁବତୀଙ୍କ ସହିତ ସଲ୍ମାନ ଖାନ୍ଙ୍କ ଡ୍ୟାନ୍ସ ଭିଡିଓ ଭାଇରାଲ୍ ହୋଇଛି । ଭେଙ୍କଟେଶଙ୍କ ଝିଅ ବାହାଘରର ଏହି ଡ୍ୟାନ୍ସ ଭିଡିଓକୁ କେହି ଜଣେ ୟୁଟ୍ୟୁବ୍ରେ ଛାଡିବା ପରେ ଭିଡିଓଟି ଭାଇରାଲ୍ ହୋଇଛି । ଭେଙ୍କଟେଶଙ୍କ ଝିଅ ବାହାଘରରେ ଏହି ଘଟଣା ଘଟିଥିଲା । ମାର୍ଚ୍ଚ 2019ରେ ଭେଙ୍କଟେଶଙ୍କ ଝିଅ ବାହାଘର ସମୟରେ ଜୟପୁରରେ ତିନି ଷ୍ଟାର ଏକତ୍ର ଡ୍ୟାନ୍ସ କରିଥିଲେ । https://youtu.be/FpmUoy80lHE ସଲ୍ମାନଙ୍କ ଫିଲ୍ମ କିକ୍ ର ଗୀତ ଜୁମ୍ମେ କି ରାତ୍ରେ ଏହି ଷ୍ଟାର ମାନେ ଏକତ୍ର ଡ୍ୟାନ୍ସ କରିଥିଲେ । ରାଜସ୍ଥାନର ଜୟପୁରରେ ଅନୁଷ୍ଠିତ ଭେଙ୍କଟେଶଙ୍କ ଝିଅ ଆଶ୍ରିତାଙ୍କ ବିବାହ ଅନୁଷ୍ଠିତ ହୋଇଥିଲା । ଏହି କାର୍ଯ୍ୟକ୍ରମରେ ସାମନ୍ଥା, ନାଗା ଚୈତନ୍ୟ, ରାମ ଚରଣ ଏବଂ ପ୍ରଭାସଙ୍କ ପରି କଳାକାର ମାନେ ଯୋଗ ଦେଇଥିଲେ ।
Author: Samikhsya Bureau
ଭୁବନେଶ୍ବର : ରାଜ୍ୟର ସମସ୍ତ ଅଧ୍ୟାପକ ଆସନ୍ତା 17 ତାରିଖରୁ କାର୍ଯ୍ୟରେ ଯୋଗ ଦେବେ । ସମସ୍ତ ବିଶ୍ବ ବିଦ୍ୟାଳୟ ଏବଂ କଲେଜ୍ର ଅଧ୍ୟାପକ ମାନେ 17 ତାରିଖରୁ କାର୍ଯ୍ୟରେ ଯୋଗ ଦେବେ । ଏନେଇ ଶିକ୍ଷା ସଚିବଙ୍କ ପକ୍ଷରୁ ସମସ୍ତ କୁଳପତି ଏବଂ ଅଧ୍ୟକ୍ଷଙ୍କୁ ନିର୍ଦ୍ଦେଶ ଦେଇଛନ୍ତି । ସମସ୍ତ ସରକାରୀ ଏବଂ ବେସରକାରୀ କଲେଜ୍କୁ ଏହା ମଧ୍ୟରେ ସାମିଲ କରାଯାଇଛି । କୋଭିଡ୍ ଗାଇଡ୍ଲାଇନ୍ ମାନି କାର୍ଯ୍ୟରେ ଯୋଗ ଦେବା ପାଇଁ ସମସ୍ତଙ୍କୁ ନିର୍ଦ୍ଦେଶ ଦିଆଯାଇଛି ।
ଭୁବନେଶ୍ୱର : ଦେଶର ଶ୍ରେଷ୍ଠ ୨୦ଟି ବିଶ୍ୱବିଦ୍ୟାଳୟ ମଧ୍ୟରେ ସାମିଲ୍ ହେଲା ଶିକ୍ଷା ଓ ଅନୁସନ୍ଧାନ । ଗୁରୁବାର କେନ୍ଦ୍ର ମାନବ ସମ୍ବଳ ବିକାଶ ମନ୍ତ୍ରୀ ଡ. ରମେଶ ପୋଖରିଆଲ୍ ନିଶାଙ୍କଙ୍କ ଦ୍ୱାରା ବିଭିନ୍ନ ବର୍ଗର ଶିକ୍ଷାନୁଷ୍ଠାନକୁ ନେଇ ଘୋଷଣା ହୋଇଥିବା ନ୍ୟାସନାଲ୍ ଇନଷ୍ଟିଚ୍ୟୁସନାଲ୍ ରାଙ୍କିଙ୍ଗ ଫ୍ରେମ୍ୱାର୍କ-୨୦୨୦ ରେ ଶ୍ରେଷ୍ଠ ୨୦ ବିଶ୍ୱବିଦ୍ୟାଳୟ ମଧ୍ୟରେ ସ୍ଥାନ ହାସଲ କରିଛି ସୋଆ । ବିଶ୍ୱବିଦ୍ୟାଳୟ ତାଲିକାରେ ଓଡ଼ିଶାରେ ୧ ନମ୍ବର ସ୍ଥାନ ବଜାୟ ରଖିଛି ସୋଆ । ଶିକ୍ଷା ଓ ଅନୁସନ୍ଧାନ (ଡିମ୍ଡ ଟୁ ବି ୟୁନିଭର୍ସିଟି) ବିଶ୍ୱବିଦ୍ୟାଳୟ ଏହି ନୂତନ ତାଲିକାରେ ୨୦ ତମ ସ୍ଥାନ ହାସଲ କରିଥିବା ବେଳେ ସାମଗ୍ରିକ ଭାବେ ସମସ୍ତ ଉଚ୍ଚ ଶିକ୍ଷାନୁଷ୍ଠାନ ଗୁଡିକ ମଧ୍ୟରେ ଦେଶରେ ୩୮ ତମ ସ୍ଥାନ ହାସଲ କରିଛି । ଏକ ଭିଡିଓ କନଫରେନ୍ସ ମାଧ୍ୟମରେ ଏହି ତାଲିକା ଘୋଷଣା କରିଥିଲେ ଡ. ପୋଖରିଆଲ । ୟୁନିଭର୍ସିଟି ଗ୍ରାଂଟସ୍ କମିଶନ ଦ୍ୱାରା…
ଭୁବନେଶ୍ବର : ଭୁବନେଶ୍ବର ସ୍ଥିତ ମାର୍କେଟ୍ ବିଲ୍ଡିଂ ପରେ 1 ନମ୍ବର ହାଟକୁ ସିଲ୍ କରି ଦିଆଯାଇଛି । ପ୍ରବଳ ଭିଡ କାରଣରୁ ବିଏମ୍ସି ପକ୍ଷରୁ ହାଟକୁ ସିଲ୍ କରାଯାଇଛି । ରଜ କାରଣରୁ ଭିଡ ତଥା ସାମାଜିକ ଦୂରତ୍ବ ନିୟମର ଉଲ୍ଲଂଘନ କାରଣରୁ ବିଏମ୍ସି ପକ୍ଷରୁ ଏହି ନିଷ୍ପତ୍ତି ନିଆଯାଇଛି । ଆଜି ଅପରାହ୍ନରେ ସମାନ କାରଣରୁ ମାର୍କେଟ୍ ବିଲ୍ଡିଂକୁ ମଧ୍ୟ ସିଲ୍ କରାଯାଇଥିଲା । ଗତକାଲି ମଧ୍ୟ ସମାନ କାରଣରୁ ଏକାଧିକ ଦୋକାନକୁ ସିଲ୍ କରାଯାଇଛି । ଉଲ୍ଲେଖଯୋଗ୍ୟ ଯେ, ରଜ କାରଣରୁ ସରକାରଙ୍କ ପକ୍ଷରୁ ରାତ୍ରିକାଳୀନ କର୍ଫ୍ୟୁକୁ ରାତ୍ର 10 ଟା ପର୍ଯ୍ୟନ୍ତ କୋହଳ କରାଯାଇଛି ।
ନୂଆଦିଲ୍ଲୀ : ଏଣିକି ଜିଓ ସେଟ୍ଟପ୍ ବକ୍ସରେ ଏଣିକି ଉପଲବ୍ଧ ହୋଇଛି ଆମାଜନ୍ ପ୍ରାଇମ୍ ଭିଡିଓ । ଜିଓ ଫାଇବର୍ କନେକ୍ସନ୍ରେ ମିଳୁଥିବା ସେଟ୍ଟପ୍ ବକ୍ସରେ ଏହି ସୁବିଧା ଉପଲବ୍ଧ ହୋଇଛି । ଏହା ଫଳରେ ଏଣିକି ଜିଓ ଫାଇବର୍ ଗ୍ରାହକ ମାନେ ଆମାଜନ୍ ପ୍ରାଇମ୍ର ଫିଲ୍ମ ଏବଂ ଓ୍ବେବ୍ ସିରିଜ୍ ଦେଖି ପାରିବେ । ଭାରତରେ ଆମାଜନ୍ ନିଜର ସବସ୍କ୍ରାଇବର ବଢାଇବା ପାଇଁ ଏହି ନିଷ୍ପତ୍ତି ନେଇଥିବା ଜଣାପଡିଛି । ଏହା ସହିତ ଏକ ବର୍ଷ ପର୍ଯ୍ୟନ୍ତ ଆମାଜନ୍ ପ୍ରାଇମ୍ ମାଗଣାରେ ଉପଲବ୍ଧ ହେବ । ଜିଓ ଫାଇବର୍ର ଗୋଲ୍ଡପ୍ଲାନ୍ କିମ୍ବା ଏହାଠାରୁ ଅଧିକ ଟଙ୍କାର ପ୍ଲାନ୍ରେ ଏକ ବର୍ଷ ପର୍ଯ୍ୟନ୍ତ ମାଗଣାରେ ଉପଲବ୍ଧ ହେବ ଆମାଜନ୍ ପ୍ରାଇମ୍ ଭିଡିଓ । (ଏଜେନ୍ସି)
ଭୁବନେଶ୍ୱର : କରୋନା କଟକଣା ଯୋଗୁଁ ସ୍କୁଲ, କଲେଜ ବନ୍ଦ ଥିବାରୁ ପାଠପଢା ସାଙ୍ଗକୁ ପରୀକ୍ଷା ମଧ୍ୟ ବହୁ ମାତ୍ରାରେ ପ୍ରଭାବିତ ହୋଇଛି । ତେବେ ଏହାରି ଭିତରେ ଅନଲାଇନରେ ବିପିୟୁଟି ପରୀକ୍ଷା କରାଯିବା ନେଇ ନିଷ୍ପତ୍ତି ନିଆଯାଇଛି । ବିପିୟୁଟିର ଅଷ୍ଟମ ସେମିଷ୍ଟାର ପରୀକ୍ଷା ବାତିଲ ହେବନି । ଜୁଲାଇ ପ୍ରଥମ ସପ୍ତାହରେ ଅନଲାଇନ ପରୀକ୍ଷା ହେବ । ସବୁ ଜିଲ୍ଲାରେ ଓ ରାଜ୍ୟ ବାହାରେ ପରୀକ୍ଷା କେନ୍ଦ୍ର କରାଯିବ । ଛାତ୍ରଛାତ୍ରୀ ଚାହିଁଲେ ଅଫଲାଇନରେ ବି ପରୀକ୍ଷା ଦେଇପାରିବେ । ତେବେ ଶିକ୍ଷାନୁଷ୍ଠାନ ଖୋଲିବା ପରେ ଅଫଲାଇନରେ ପରୀକ୍ଷା ହେବ ବୋଲି ବୈଷୟିକ ଶିକ୍ଷା ମନ୍ତ୍ରୀ ପ୍ରେମାନନ୍ଦ ନାୟକ ସୂଚନା ଦେଇଛନ୍ତି ।
ଭୁବନେଶ୍ବର : ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଆଜି ଭିଡିଓ କନ୍ଫରେନ୍ସିଂ ଜରିଆରେ ପୋଲିସ ବିଭାଗର ବରିଷ୍ଠ ଅଧିକାରୀ, ବିଭିନ୍ନ ରେଞ୍ଜର ଡିଆଇଜି, ଜିଲ୍ଲାର ଡି.ସି.ପି ତଥା ଏସ୍.ପି ମାନଙ୍କ ସହିତ ଆଲୋଚନା କରିଥିଲେ। ଲକ୍ଡାଉନ ସମୟରେ ଓଡିଶା ପୋଲିସ ଯେଭଳି ଉଚ୍ଚମାନର ସଂଯମତା ସହିତ ମର୍ଯ୍ୟାଦା ଓ ମାନବିକତା ପ୍ରଦର୍ଶନ କରି ପରିସ୍ଥିତିକୁ ନିୟନ୍ତ୍ରଣ କରିପାରିଛନ୍ତି, ସେଥିପାଇଁ ଓଡିଶା ପୋଲିସ ବାହିନୀକୁ ଉଚ୍ଚପ୍ରଶଂସା କରିଥିଲେ। ଲକ୍ଡାଉନ ସମୟରେ ଅନ୍ୟ ରାଜ୍ୟ ଗୁଡିକର ପ୍ରବାସୀ ଶ୍ରମିକମାନେ ଓଡିଶା ମଧ୍ୟ ଦେଇ ଯିବା ସମୟରେ ସେମାନଙ୍କୁ ସହାୟତା ଯୋଗାଇବା ପାଇଁ ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶରେ ରାଜ୍ୟ ସରକାର ଜିରୋ ଓ୍ବାର୍କିଙ୍ଗ ଇନ୍ସାଇଡ୍ ଓଡିଶା ନୀତି କାର୍ଯ୍ୟକାରୀ କରିଥିଲେ। ଏହି ନୀତିକୁ ପୋଲିସ ବାହିନୀ ଯେଭଳି ଉତ୍ତମ ସମନ୍ବୟ ରଖି ସଫଳତାର ସହ କାର୍ଯ୍ୟକାରୀ କଲେ ଏବଂ ଅନ୍ୟ ରାଜ୍ୟର ପ୍ରବାସୀ ଶ୍ରମିକ ମାନଙ୍କୁ ମାନବୀୟ ସେବା ଯୋଗାଇ ଦେଲେ, ତାହା ଓଡିଶା ପୋଲିସର ଦକ୍ଷତା…
ଭୁବନେଶ୍ବର : ଭୁବନେଶ୍ବର ସ୍ଥିତ ମାର୍କେଟ୍ ବିଲ୍ଡିଂକୁ ସିଲ୍ କରି ଦିଆଯାଇଛି । ପ୍ରବଳ ଭିଡ କାରଣରୁ ବିଏମ୍ସି ଜୋନାଲ୍ କମିଶନର ମାର୍କେଟ ବିଲ୍ଡିଂକୁ ସିଲ୍ କରିଛନ୍ତି । ରଜ ସପିଂ ପାଇଁ ଅସମ୍ଭବ ଭିଡ ତଥା ସାମାଜିକ ଦୂରତ୍ବ ନିୟମର ଉଲ୍ଲଂଘନ କାରଣରୁ ବିଏମ୍ସି ପକ୍ଷରୁ ଏହି ନିଷ୍ପତ୍ତି ନିଆଯାଇଛି । ଗତକାଲି ମଧ୍ୟ ସମାନ କାରଣରୁ ଏକାଧିକ ଦୋକାନକୁ ସିଲ୍ କରାଯାଇଛି । ଉଲ୍ଲେଖଯୋଗ୍ୟ ଯେ, ରଜ କାରଣରୁ ସରକାରଙ୍କ ପକ୍ଷରୁ ରାତ୍ରିକାଳୀନ କର୍ଫ୍ୟୁକୁ ରାତ୍ର 10 ଟା ପର୍ଯ୍ୟନ୍ତ କୋହଳ କରାଯାଇଛି ।
ପିଣ୍ଟୁ ବିଷୋୟୀ କୋଦଳା : ଗଞ୍ଜାମ ଜିଲ୍ଲାରେ ଆଜି ଜଣେ ବ୍ୟକ୍ତି ୧୧ କେଭି ବିଦ୍ୟୁତ ତାର ସଂସ୍ପର୍ଶରେ ଆସି ମୃତ୍ୟୁବରଣ କରିଛନ୍ତି । ମିଳିଥିବା ସୂଚନା ଅନୁସାରେ, କୋଦଳା ଥାନା ଅନ୍ତର୍ଗତ ୱାର୍ଡ଼ ନମ୍ବର ୧୦ର ବିଶୋୟୀ ସାହିର ୫୦ ବର୍ଷୀୟ ଶ୍ରୀନିବାସ ପଣ୍ଡାଙ୍କ ଦିନ ୧୦.୩୦ ମିନଟ ସମୟରେ ଘର ଛାତ ଉପରେ ଦେଇ ଯାଇଥିବା ୧୧ କେଭି ବିଦ୍ୟୁତ୍ ତାର ସସ୍ପର୍ଶରେ ଆସି ମୃତ୍ଯବରଣ କରିଥିବାର ସୂଚନା ରହିଛି । ଘଟଣାରୁ ପ୍ରକାଶ ଯେ ଶ୍ରୀନିବାସ ଲୁଗା ଶୁଖେଇବା ପାଇଁ ଛାତ ଉପରକୁ ଯାଇଥିବା ବେଳେ ତାଙ୍କ ଘର ଛାତ ଉପରେ ଦେଇ ଯାଇଥିବା ବିଦ୍ୟୁତ୍ ତାର ଉପରେ ଏକ ମାଙ୍କଡ଼ଟିଏ ବସିଥିଲା ହଠାତ୍ ଶ୍ରୀନିବାସକୁ ଦେଖି ମାଙ୍କଡ଼ଟି ଡେଇଁ ପଡ଼ିଥିଲା । ଏହି ସମୟରେ ବିଦ୍ୟୁତ୍ ତାର ଶ୍ରୀନିବାସଙ୍କ ସଂସ୍ପର୍ଶରେ ଆସିବା ଫଳରେ ସେ ମୃତ୍ୟୁବରଣ କରିଥିବା ପ୍ରକାଶ ପାଇଛି । ସଙ୍ଗେ ସଙ୍ଗେ ଶ୍ରୀନିବାସଙ୍କୁ…
ଭୁବନେଶ୍ବର : ରାଜ୍ୟରେ ଆଉ 120 ଜଣ କରୋନା ଆକ୍ରାନ୍ତ ସୁସ୍ଥ ହୋଇଛନ୍ତି । ରାଜ୍ୟ ସ୍ବାସ୍ଥ୍ୟ ବିଭାଗ ପକ୍ଷରୁ ଆଜି ଏହି ସୂଚନା ପ୍ରକାଶ ପାଇଛି । ଗଞ୍ଜାମରୁ ସର୍ବାଧିକ 30 ଜଣ ଆକ୍ରାନ୍ତ ସୁସ୍ଥ ହୋଇଛନ୍ତି । ଖୋର୍ଦ୍ଧାରୁ 19, ବାଲେଶ୍ବରରୁ 14, ବଲାଙ୍ଗୀରରୁ 12, ଢେଙ୍କାନାଳାରୁ 9, ନୟାଗଡ ଓ ସୁନ୍ଦରଗଡରୁ 7 ଜଣ ଲେଖାାଏଁ, ଅନୁଗୁଳରୁ 6 ଜଣ, କେନ୍ଦୁଝରରୁ 5 ଜଣ, ଜଗତସିଂହପୁର ଓ ପୁରୀରୁ 4 ଜଣ ଲେଖାଏଁ ଏବଂ ଦେବଗଡ, କେନ୍ଦ୍ରାପଡା, ଝାରସୁଗୁଡାରୁ ଜଣେ ଲେଖାଏଁ ଆକ୍ରାନ୍ତ ସୁସ୍ଥ ହୋଇଛନ୍ତି । ଏହାକୁ ମିଶାଇ ରାଜ୍ୟରେ ସମୁଦାୟ 2474 ଜଣ ଆକ୍ରାନ୍ତଙ୍କ ସୁସ୍ଥ ହୋଇଛନ୍ତି ।
କାବୁଲ୍ : ଆଫଗାନିସ୍ତାନର ଏକ ମସ୍ଜିଦ୍ରେ ଭୟଙ୍କର ବିସ୍ଫୋରଣ ଘଟିଛି । ଏହି ଭୟଙ୍କର ବିସ୍ଫୋରଣରେ 4 ଜଣଙ୍କ ପ୍ରାଣହାନି ଘଟିଛି । କାବୁଲରେ ଅବସ୍ଥିତ ଏକ ମସ୍ଜିଦ୍ରେ ଏହି ବିସ୍ଫୋରଣ ଘଟି 4 ଜଣଙ୍କ ପ୍ରାଣହାନି ଘଟିଥିବା ବେଳେ ଏକାଧିକ ଆହତ ହୋଇଛନ୍ତି । ଆଫଗାନିସ୍ତାନ ଗୃହମନ୍ତ୍ରୀ ତାରେକ ଆରିଅନ୍ ଏହି ବିସ୍ଫୋରଣ ସମ୍ପର୍କରେ ସୂଚନା ଦେଇଛନ୍ତି । ଆହତ ମାନଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିବା ବେଳେ କୌଣସି ସଙ୍ଗଠନ ଏହି ବିସ୍ଫୋରଣ ପାଇଁ ନିଜକୁ ଦାୟୀ କରିନାହାନ୍ତି । (ଏଜେନ୍ସି)
ଭୁବନେଶ୍ବର : ମାସ୍କ ପିନ୍ଧିନଥିବା ଅମାନିଆଙ୍କଠାରୁ ମୋଟା ରକମର ଜରିମାନା ଆଦାୟ ହୋଇଛି । ମାସ୍କ ଉଲ୍ଲଂଘନକାରୀଙ୍କଠାରୁ କୋଟିଏରୁ ଅଧିକ ଟଙ୍କାର ଜରିମାନା ଆଦାୟ ହୋଇଛି ବୋଲି ସୂଚନା ଦେଇଛନ୍ତି ଡିଜି ଅଭୟ। ମୁଖ୍ୟମନ୍ତ୍ରୀ ସହ ମିଟିଂ ବେଳେ ପୋଲିସ ଡିଜି ଅଭୟଙ୍କ ସୂଚନା ଦେଇଛନ୍ତି । ମାସ୍କ ଉଲ୍ଲଂଘନକାରୀଙ୍କଠାରୁ 1କୋଟି 25 ଲକ୍ଷ 84 ହଜାର ଆଦାୟ ହୋଇଥିବାବେଳେ ସାମାଜିକ ଦୂରତ୍ବ ଉଲ୍ଲଂଘନ ନେଇ 11ଲକ୍ଷ 74 ହଜାର ଟଙ୍କା ଆଦାୟ ହୋଇଛି । ସେହିପରି ରାତ୍ରକାଳୀନ କର୍ଫ୍ୟୁ ଉଲ୍ଲଂଘନକାରୀଙ୍କଠାରୁ 1ଲକ୍ଷ 3 ହଜାର ଆଦାୟ ହୋଇଛି । କରୋନା ସ୍ଥିତି ଓ ଆଇନ ଶୃଙ୍ଖଳା ନେଇ ଆଜି ମୁଖ୍ୟମନ୍ତ୍ରୀଙ୍କ ବିଭିନ୍ନ ଜିଲ୍ଲାର ଏସ୍ପି ଓ ରେଞ୍ଜ୍ ଡିଆଇଜିଙ୍କ ସହ ଆଲୋଚନା କରିଛନ୍ତି । ଭିଡିଓ କନଫରେନ୍ସିଂ ଜରିଆରେ ଆଲୋଚନା କରିଛନ୍ତି ମୁଖ୍ୟମନ୍ତ୍ରୀ। ଏହି ଆଲୋଚନା ସମୟରେ ଫାଇନ୍ ଆଦାୟ ନେଇ ସୂଚନା ପ୍ରଦାନ କରିଛନ୍ତି ଡିଜି ଅଭୟ ।
ପାରାଦୀପ: ପାରାଦୀପରେ ଡଙ୍ଗା ବୁଡ଼ି ଦୁଇ ଜଣ ମତ୍ସ୍ୟଜୀବୀଙ୍କ ମୃତ୍ୟୁ ଘଟିଛି। ପାରାଦୀପ ନିକଟ ମହାନଦୀ ମୁହାଣରେ ଆଜି ସକାଳେ ଏହି ଅଘଟଣ ଘଟିଛି। ମୋଟ୍ 15ଜଣ ମତ୍ସ୍ୟଜୀବୀ ଏକ ଡଙ୍ଗାରେ ମାଛ ମାରିବାକୁ ସମୁଦ୍ର ଭିତରକୁ ଯାଇଥିଲେ। ଏହି ସମୟରେ ହଠାତ୍ ଲହଡ଼ି ଆସି ଡଙ୍ଗାରେ ମାଡ଼ ହୋଇଥିଲା। ଫଳରେ ଡଙ୍ଗାଟି ଭାରସାମ୍ୟ ହରାଇ ଓଲଟି ପଡ଼ିଥିଲା। ଏହି ଦୁର୍ଘଟଣାରେ 2 ଜଣଙ୍କର ମୃତ୍ୟୁ ଘଟିଥିବାବେଳେ 13 ଜଣ ପହଁରି ପହଁରି କୂଳକୁ ଚାଲି ଆସିଥିଲେ ।
ସୋରଣ : ଆଜି ରାଷ୍ଟ୍ରୀୟ ସ୍ୱୟଂ ସେବକ ସଂଘ(ଆର.ଏସ.ଏସ) ଏବଂ ଦି ବ୍ଲଡ଼ ଡୋନର୍ସ, ଓଡ଼ିଶାର ମିଳିତ ଆନୁକୂଲ୍ୟରେ ଚିଲିକା ବ୍ଲକ ଅନ୍ତର୍ଗତ ସୋରଣ ଗ୍ରାମର ବହୁମୁଖୀ ବାତ୍ୟା ଆଶ୍ରୟସ୍ଥଳି କେନ୍ଦ୍ରରେ ଏକ ସ୍ବେଛାକୃତ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି । ଉକ୍ତ ଶିବିରକୁ କୁହୁଡି ଫାଣ୍ଡି ଅଧିକାରୀ ଶ୍ରୀ ନିରଞ୍ଜନ ରାଉତ ଶ୍ରୀ ଜଗନ୍ନାଥ ଓ ଭାରତମାତାଙ୍କ ପ୍ରତିମୂର୍ତ୍ତିରେ ପ୍ରଦୀପ ପ୍ରଜ୍ବଳନ ଓ ପୁଷ୍ପ ଦେଇ ଉଦଘାଟନ କରିଥିଲେ। କରୋନା ଗାଇଡ଼ଲାଇନ ଅନୁଯାୟୀ ଉକ୍ତ ଶିବିରରେ ସାମାଜିକ ଦୂରତ୍ୱ ରକ୍ଷା, ମାସ୍କ ପିନ୍ଧିବା ଏବଂ ସାନିଟାଇଜେସନର ବ୍ୟବସ୍ଥା କରାଯାଇଥିଲା। ଉକ୍ତ ଶିବିରରେ ପାଖାପାଖି ୫୦ରୁ ଅଧିକ ସ୍ବେଛାସେବୀ ରକ୍ତଦାନ ପାଇଁ ଆସିଥିବା ବେଳେ ସରକାରଙ୍କ କୋଭିଡ଼ ନିୟମ ଅନୁଯାୟୀ କେବଳ ୩୨ ୟୁନିଟ ରକ୍ତ ସଂଗ୍ରହ କରାଯାଇଥିଲା । ଖୋର୍ଦ୍ଧା ବ୍ଲଡ଼ ବ୍ୟାଙ୍କ ତରଫରୁ ଡା : ସୌରଭ ରଞ୍ଜନ ସାହୁ, ଅରୁଣ କୁମାର ସାହୁ, ଵିଚିସ୍ମିତା ପୁହାନ, ଅମିତା…
ଭୁବନେଶ୍ବର : ଆଜି ଭୁବନେଶ୍ବରରୁ ଦୁଇ ପଜିଟିଭ୍ ଚିହ୍ନଟ ହୋଇଛନ୍ତି । ଏହି ଦୁଇ ଆକ୍ରାନ୍ତଙ୍କ ମଧ୍ୟରେ ଜଣେ ହସ୍ପିଟାଲର କର୍ମଚାରୀ ରହିଛନ୍ତି । ଆପୋଲ ହସ୍ପିଟାଲର ଜଣେ ମହିଳା କର୍ମଚାରୀ କରୋନାରେ ଆକ୍ରାନ୍ତ ହୋଇଥିବାର ସୂଚନା ରହିଛି । ସମ୍ପୃକ୍ତ ମହିଳାଙ୍କ ବୟସ 46 ବର୍ଷ ହୋଇଥିବାବେଳେ ଏହି ମହିଳାଙ୍କ ଘର ଗାଡକଣ ଅଞ୍ଚଳରେ ବୋଲି ଜଣାପଡିଛି । ସେହିପରି ଅନ୍ୟ ଜଣେ ଆକ୍ରାନ୍ତ ହୋମ୍ କ୍ବାରେଣ୍ଟିନ୍ରେ ରହିଥିବା ନେଇ ବିଏମ୍ସି ସୂଚନା ଦେଇଛି । ଏହି ଆକ୍ରାନ୍ତଙ୍କ ବୟସ 30 ବର୍ଷ ହୋଇଥିବାବେଳେ ସେ ନୟାପଲ୍ଲୀ ଅଞ୍ଚଳରେ ରହୁଥିଲେ । ତେବେ ଏହି ଆକ୍ରାନ୍ତଙ୍କ ପରିବାରରେ ଜଣେ ସଦସ୍ୟ ପଜିଟିଭ ରହିଥିଲେ । ନୂତନ ଆକ୍ରାନ୍ତଙ୍କୁ ମିଶାଇ ଭୁବନେଶ୍ବରର ମୋଟ ଆକ୍ରାନ୍ତଙ୍କ ସଂଖ୍ୟା 103କୁ ବୃଦ୍ଧି ହୋଇଥିବାବେଳେ ସୁସ୍ଥ ହୋଇଛନ୍ତି 59 ଜଣ । ସେହିପରି ଭୁବନେଶ୍ବରରେ ତିନିଜଣଙ୍କର କରୋନା ଯୋଗୁଁ ମୃତ୍ୟୁ ହୋଇଥିବାବେଳେ ଏବେ ସକ୍ରିୟ ଆକ୍ରାନ୍ତଙ୍କ…
ଭୁବନେଶ୍ବର : ବାତିଲ୍ ହେବନି ବିପିୟୁଟିର ଅଷ୍ଟମ ସେମିଷ୍ଟାର ପରୀକ୍ଷା । ଜୁଲାଇ ପ୍ରଥମ ସପ୍ତାହରେ ହେବ ଅନ୍ଲାଇନ୍ ପରୀକ୍ଷା । ସବୁ ଜିଲ୍ଲାରେ ଓ ରାଜ୍ୟ ବାହାରେ ପରୀକ୍ଷା କେନ୍ଦ୍ର କରାଯିବ । ଛାତ୍ରଛାତ୍ରୀ ଚାହିଁଲେ ଅଫ୍ଲାଇନ୍ରେ ବି ପରୀକ୍ଷା ଦେଇପାରିବେ। ତେବେ ଶିକ୍ଷାନୁଷ୍ଠାନ ଖୋଲିବା ପରେ ଅଫ୍ଲାଇନ୍ରେ ପରୀକ୍ଷା ହେବ ବୋଲି ଏନେଇ ସୂଚନା ଦେଇଛନ୍ତି ବୈଷୟିକ ଶିକ୍ଷା ମନ୍ତ୍ରୀ ପ୍ରେମାନନ୍ଦ ନାୟକ। ସୂଚନାଯୋଗ୍ୟ, କୋଭିଡ୍ ଭୂତାଣୁର ଭୟାବହତା ଏବଂ ଛାତ୍ରଛାତ୍ରୀଙ୍କ ବିରୋଧ ପରେ ଶେଷରେ ସ୍ନାତକ ଓ ସ୍ନାତକୋତ୍ତର ବିଭାଗର ଫାଇନାଲ୍ ଏବଂ ଫାଇନାଲ୍ ସେମିଷ୍ଟାରର ବାକିଥିବା ସମସ୍ତ ପରୀକ୍ଷାକୁ ବାତିଲ କରିଦିଆଯାଇଛି। ବିକଳ୍ପ ମୂଲ୍ୟାୟନ ଜରିଆରେ ପ୍ରତ୍ୟେକ ବିଷୟ ପାଇଁ ମୂଲ୍ୟାୟନ କରି ମାର୍କ ଦିଆଯିବ ବୋଲି ଉଚ୍ଚଶିକ୍ଷା ବିଭାଗ ଏକ ବିଜ୍ଞପ୍ତି ଜାରି କରିଛି।
ଜଗତସିଂହପୁର : ଜଗତସିଂହପୁର ଜିଲ୍ଲାର ତିର୍ତ୍ତୋଲଠାରେ ଥିବା ଶାରଳା ସମବାୟ ସୂତାକଳ ଆଜିକୁ ଦୀର୍ଘ ୨୦ବର୍ଷ ହେବ ବନ୍ଦହୋଇ ପଡିରହିଥିବା ବେଳେ ଏବେ ଏହି ସୂତାକଳର ପୁନରୁଦ୍ଧାର କରିବା ପାଇଁ ଅଞ୍ଚଳବାସୀଙ୍କ ପକ୍ଷରୁ ଆରମ୍ଭ ହୋଇଛି ଯୋରଦାର ଉଦ୍ୟମ।ଏନେଇ ଅଣ୍ଟା ଭିଡିଛନ୍ତି ତିର୍ତ୍ତୋଲ ଅଞ୍ଚଳର ସମାଜସେବୀ ତଥା ଆବାହକ ପିସିସି ଅନୁସୂଚିତ ଜାତି ଜନଜାତି ବିଭାଗ ଓଡିଶା ଦେବେନ୍ଦ୍ର କୁମାର ମଲ୍ଲିକ।ତାଙ୍କ ନେତୃତ୍ୱରେ ଅଞ୍ଚଳର ବୁଦ୍ଧିଜୀବୀ ମାନଙ୍କର ଦସ୍ତଖତ ସମ୍ବଳିତ ଏକ ଦାବିପତ୍ର ଓଡିଶାର ମାନ୍ୟବର ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଜଗତସିଂହପୁର ଜିଲ୍ଲାପାଳଙ୍କୁ ପ୍ରଦାନ କରାଯାଇଛି। ତିର୍ତ୍ତୋଲ ସ୍ଥିତ ଏହି ସୂତାକଳ ୧୯୮୨ ମସିହାରେ ୩୦ ଏକରରୁ ଉର୍ଦ୍ଧ ଜମିରେ ଏହାକୁ ପ୍ରତିଷ୍ଠା କରାଯାଇଥିଲା। ଏହି ସୂତାକଳଟି ତତକାଳୀନ ଉପମୁଖ୍ୟମନ୍ତ୍ରୀ ବସନ୍ତ କୁମାର ବିଶ୍ବାଳଙ୍କ ପ୍ରତ୍ୟକ୍ଷ ତତ୍ତ୍ବାବଧାନରେ ୩୫କୋଟି ଟଙ୍କା ବ୍ୟୟରେ ନିର୍ମିତ ହୋଇଥିଲା। ଯାହା ୧୯୮୪ ମସିହାରେ ଉତ୍ପାଦନ ଆରମ୍ଭ କରିଥିଲା। ଏଠାରୁ ଉନ୍ନତମାନର ସୂତା ବିଦେଶକୁ ରପ୍ତାନି ହେଉଥିଲା। ହାରାହାରି…
ମାଲକାନଗିରି : ରାଜ୍ୟରେ କରୋନା ଆକ୍ରାନ୍ତଙ୍କସଂଖ୍ୟା ବୃଦ୍ଧି ପାଇବାରେ ଲାଗିଛି। ଏବେ ରାଜ୍ୟରେ କରୋନା ଯୋଦ୍ଧାମାନେ କରୋନାରେ ସଂକ୍ରମିତ ହେଉଥିବାର ଦେଖାଯାଉଛି। ଗତ କିଛି ଦିନ ହେବ ସ୍ବାସ୍ଥ୍ୟକର୍ମୀମାନେ କରୋନାରେ ସଂକ୍ରମିତ ହେଉଥିବାବେଳେ ଆଜି ଆଉ ଜଣେ କରୋନା ଯୋଦ୍ଧା କରୋନାରେ ସଂକ୍ରମିତ ହୋଇଛନ୍ତି।ଜଣେ ପୋଲିସ୍ ହାବିଲଦାରଙ୍କଠାରେ କରୋନା ପଜିଟିଭ୍ ଚିହ୍ନଟ ହୋଇଛି। ମୋଟୁ ବର୍ଡର ଚେକ୍ ପୋଷ୍ଟରେ କାର୍ଯ୍ୟରତ ହାବିଲଦାରଙ୍କୁ କରୋନା। ଚିହ୍ନଟ ପରେ ମୋଟୁ ଥାନା ଆଇଆଇସିଙ୍କ ସମେତ ସବୁ ଷ୍ଟାଫ୍ଙ୍କୁ କ୍ବାରେଣ୍ଟିନ୍ କରାଯିବା ନେଇ ନିର୍ଦ୍ଦେଶ ଜାରି କରାଯାଇଛି । ମୋଟୁ ଥାନା ପରିସରକୁ କଣ୍ଟେନମେଣ୍ଟ ଜୋନ୍ ଘୋଷଣା କରିଛି ପ୍ରଶାସନ । ହାବିଲଦାରଙ୍କଠାରେ କରୋନା ପଜିଟିଭ୍ ମିଳିବା ପରେ କଣ୍ଟାକ୍ଟ ଟ୍ରେସିଂ ଜାରି ରହିଥିବାର ମାଲକାନଗିରି ଏସ୍ପି ସୂଚନା ଦେଇଛନ୍ତି ।
ସୀତାରାମ ଅଗ୍ରଓ୍ବାଲ ଚିଲିକା : କୂଅରୁ ପାଣି କାଢୁଥିବା ବେଳେ କୂଅରେ ପଡି ମହିଳାଙ୍କ ମୃତ୍ୟୁ ହୋଇଛି। ମିଳିଥିବା ସୂଚନା ଅନୁସାରେ ଟାଙ୍ଗୀ ଥାନା ସୋରଣ ବେଣା ଗାଡିଆ ସାହିରେ 35 ବର୍ଷୀୟା ପ୍ରତିମା ବେହେରା ନାମ୍ନୀ ଜଣେ ମହିଳା କୂଅରୁ ପାଣି କାଢୁଥିବା ସମୟରେ କୂଅରେ ପଡି ମୃତ୍ୟୁବରଣ କରିଛନ୍ତି । ବର୍ଷା ପବନ ଯୋଗୁଁ ସୋରଣ ଅଂଚଳରେ ବିଦ୍ୟୁତ୍ ସରାବରାହ ବନ୍ଦ ଥିବା ଯୋଗୁଁ ପ୍ରତିମା କୂଅରୁ ବାଲଟି ସାହାଯ୍ୟରେ ପାଣି କାଢୁଥିବା ବେଳେ କୂଅ ଉପରେ ପଡିଥିବା ସିମେଣ୍ଟ ସ୍ଲାବ ହଠାତ୍ ଭାଙ୍ଗି ଯାଇଥିଲ। ଫଳରେ ମହିଳା ଜଣକ ଭାରସାମ୍ୟ ହରାଇ କୁଅକୁ ମଧ୍ୟ୍ୟକୁ ଖସି ପଡିଥିଲେ। ମହିଳା ଜଣଙ୍କର ଚିତ୍କାର ଶୁଣି ସ୍ଥାନୀୟ ଲୋକେ ମହିଳାଙ୍କୁ ଉଦ୍ଧାର କରିବା ପାଇଁ ଉଦ୍ୟମ କରିଥିଲେ। ମାତ୍ର ଏଥିରେ ସେମାନେ ବିଫଳ ହୋଇଥିଲେ। ଏହା ପରେ ଅଗ୍ନିଶମ ବାହିନୀକୁ ଖବର ଦିଆଯାଇଥିଲା। ଘଟଣା ସ୍ଥଳରେ ଅଗ୍ନିଶମ ବାହିନୀ ପହଂଚି…
ମୁମ୍ବାଇ : ମହାରାଷ୍ଟ୍ରରେ କରୋନା ମାମଲା ଦ୍ରୁତଗତିରେ ବୃଦ୍ଧି ପାଇବାରେ ଲାଗିଛି। କରୋନା କବଳରେ ଏବେ ବହୁ ନାମୀଦାମୀ ହସ୍ତୀମାନେ ପଡିଥିବାର ଦେଖାଯାଉଛି। ଉଦ୍ଧବ ସରକାରଙ୍କ ଆଉ ଜଣେ ମନ୍ତ୍ରୀ ମଧ୍ୟ କରୋନାରେ ସଂକ୍ରମିତ ହୋଇଥିବାର ସୂଚନା ରହିଛି । ରାଷ୍ଟ୍ରବାଦୀ କଂଗ୍ରେସ ପାର୍ଟି (ଏନ୍ସିପି)ର ଜଣେ ମନ୍ତ୍ରୀ କରୋନାରେ ସଂକ୍ରମିତ ହୋଇଛନ୍ତି । ମିଳିଥିବା ସୂଚନା ଅନୁସାରେ ମନ୍ତ୍ରୀ ଧନଞ୍ଜୟ ମୁଣ୍ଡେଙ୍କ ଠାରେ କରୋନା ପଜିଟିଭ୍ ଚିହ୍ନଟ ହୋଇଛି । ଧନଞ୍ଜୟଙ୍କ ସମେତ 6 ବ୍ୟକ୍ତିଗତ କର୍ମଚାରୀ ମଧ୍ୟ କରୋନାରେ ସଂକ୍ରମିତ ହୋଇଥିବାର ସୂଚନା ରହିଛି । ପୂର୍ବରୁ ଉଦ୍ଧବ ସରକାରଙ୍କ ମନ୍ତ୍ରୀ ଜିତେନ୍ଦ୍ର ଅହ୍ବାଡ ଓ ଅଶୋକା ଚୌହ୍ବାଣ ପ୍ରମୁଖ କରୋନା ସଂକ୍ରମିତ ହୋଇଥିଲେ। ଦୁହେଁ ସୁସ୍ଥ ହୋଇଥିବାବେଳେ ଏବେ ଉଦ୍ଧବ ସରକାରଙ୍କ ତୃତୀୟ କ୍ୟାବିନେଟ୍ ମନ୍ତ୍ରୀ ଏବେ କରୋନାରେ ଆକ୍ରାନ୍ତ ହୋଇଛନ୍ତି। ମନ୍ତ୍ରୀଙ୍କ ସମ୍ପର୍କରେ ଆସିଥିବା ସମସ୍ତ ଲୋକଙ୍କୁ କ୍ବାରେଣ୍ଟାଇନ୍ କରାଯାଇଛି। ସୂଚନାଯୋଗ୍ୟ, ଗତ 24 ଘଣ୍ଟା…