ରଞ୍ଜିତ ପଣ୍ଡା କୁଜଙ୍ଗ: କୁଜଙ୍ଗ-ପାରାଦ୍ବୀପ ରେ ଆଜି ଠାରୁ ଡେଡିକେଟେଡ କୋଭିଡ ୧୯ ହସ୍ପିଟାଲ ଆରମ୍ଭ ହୋଇଛି। ପାରାଦ୍ବୀପ ବିଜୁ ଯାତ୍ରୀ ନିବାସରେ ହୋଇଥିବା ଏହି କୋଭିଡ ହସ୍ପିଟାଲ ପାରାଦ୍ବୀପ ବନ୍ଦର,ଜିଲ୍ଲା ପ୍ରଶାସନ ଓ ସ୍ବାସ୍ଥ୍ୟ ବିଭାଗର ତ୍ରିପାକ୍ଷିକ ଚୁକ୍ତି ଅନୁସାରେ କରାଯାଇଛି। ଏହାକୁ ଆଜି ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ କେନ୍ଦ୍ର ଜାହାଜ ଚଳାଚଳ ମନ୍ତ୍ରୀ ଏକ ଭିଡିଓ କନଫରେନସିଂରେ ଉଦଘାଟନ କରିଛନ୍ତି। ବିଜୁ ଯାତ୍ରୀ ନିବାସରେ ହେଉଥିବା ଏହି କୋଭିଡ ହସ୍ପିଟାଲରେ ପ୍ରଥମ ପର୍ଯ୍ୟାୟରେ ୫୦ ଆଇସୋଲେସନ ବେଡ ଓ ପାଞ୍ଚଟି ଆଇସିୟୁ ରହିଛି। ଏବଂ ଏହାକୁ ପରବର୍ତ୍ତୀ ସମୟରେ ଆଉ ଅଧିକ ୨୦ଟି ବୃଦ୍ଧି କରାଯିବ। ଏହି ହସ୍ପିଟାଲରେ ବର୍ତ୍ତମାନ ଆଠ ଜଣ ଡାକ୍ତର ଓ ୩୦ ଜଣ ଷ୍ଟାଫ୍ ନର୍ସ ଓ ୧୮ ଜଣ ଏ ଏନ୍ ଏମ୍ ମେଡିକାଲ ନିୟୋଜିତ ହୋଇଛନ୍ତି। ପାରାଦ୍ବୀପର ଅଠରବାଙ୍କିର ମେଡିକାଲ ଅଫିସରଙ୍କୁ ଏହାର ଅଥରାଇଜଡ ଦାୟିତ୍ବ ଓ…
Author: Samikhsya Bureau
ଚେନ୍ନାଇ : କରୋନା ସଂଙ୍କ୍ରମଣ ଦେଶରେ ଦ୍ରୁତଗତିରେ ବଢି ଚାଲିଥିବା ବେଳେ ସ୍ବାସ୍ଥ୍ୟ କର୍ମୀଙ୍କୁ ନିରନ୍ତର ଆକ୍ରମଣର ସମ୍ମୁଖୀନ ହେବାକୁ ପଡିଛି । ପୂର୍ବରୁ ଦେଶ ଅନେକ ସ୍ଥାନରେ ଡାକ୍ତରଙ୍କ ଉପରକୁ ପଥରମାଡ କରାଯାଇଥିବା ବେଳେ ଆଜି ଆଉ ଏକ ଅଭାବନୀୟ ଘଟଣା ଘଟିଛି । ମୃତ୍ୟୁ ପରେ ମଧ୍ୟ ଡାକ୍ତରଙ୍କ ଅନ୍ତ୍ୟୋଷ୍ଟି କ୍ରିୟା ନେଇ ଭିଡ ହିଂସା ଦେଖିବାକୁ ମିଳିଛି । ଚେନ୍ନାଇର ଏହି ଡାକ୍ତର ଜଣକ କରୋନାରେ ପ୍ରାଣ ହରାଇବା ପରେ ଆମ୍ବୁଲାନ୍ସ ଜରିଆରେ ଅନ୍ତ୍ୟୋଷ୍ଟି କ୍ରିୟା ପାଇଁ ନିଆଯାଉଥିଲା । ମାତ୍ର 50ରୁ ଅଧିକ ଲୋକ ପହଞ୍ଚି ଆକ୍ରମଣ କରିଥିଲେ । ପରେ ପୋଲିସ୍ ପକ୍ଷରୁ ହସ୍ତକ୍ଷେପ କରାଯାଇଥିଲେ ମଧ୍ୟ ହିଂସା ପ୍ରଶମିତ ନହେବାରୁ ସହର ଠାରୁ ଦୂରରେ ଅନ୍ୟ ଏକ ସ୍ଥାନରେ କବର ଦିଆଯାଇଥିଲା । ଏହି ଘଟଣାକୁ ନେଇ ପୋଲିସ୍ ପକ୍ଷରୁ 20 ଜଣଙ୍କୁ ଗିରଫ କରାଯାଇଛି । (ଏଜେନ୍ସି)
ସୀତାରାମ ଅଗ୍ରଓ୍ବାଲ ବାଣପୁର: ଦେଶବ୍ୟାପୀ ଲକ୍ଡାଉନ୍ କାରଣରୁ ଜନସାଧାରଣ ନାହିଁନଥିବା ଅସୁବିଧାର ସମ୍ମୁଖୀନ ହେଉଥିବା ବେଳେ ନିରନ୍ତର ନିଜର ଦାୟିତ୍ବ ନିର୍ବାହନ କରୁଥିବା ଡାକ୍ତର ଏବଂ ପୋଲିସ ସାଧାରଣ ଜନତାଙ୍କ ପାଇଁ ଦେବଦୂତ ସାଜିଛନ୍ତି। ଏପରି ଏକ ଘଟଣାର ନିଦର୍ଶନ ଦେଖିବାକୁ ମିଳିଛି ବାଣପୁର ବ୍ଲକ୍ ଅନ୍ତର୍ଗତ ନାଚୁଣୀ ପଞ୍ଚାୟତର ଗୋରଡାଝରି ଗ୍ରାମରେ। ଗ୍ରାମର ଜନସାଧାରଣ କରୋନା ଯୋଦ୍ଧା (ପୋଲିସ୍)କୁ ଉଚ୍ଛ୍ବସିତ ସମ୍ବର୍ଦ୍ଧନା ପ୍ରଦାନ କରିବା ସହିତ ହରିବୋଲ ହୁଳହୁଳି ପକାଇଥିଲେ। ଏସ୍ ଆଇ ଉମାକାନ୍ତ ସାହୁ, ଏଏସ୍ଆଇ ହାଡୁବନ୍ଧୁ ନାୟକ ଏବଂ କନେଷ୍ଟବଳ ହରମୋହନ ରେଡ୍ଡୀ ଗ୍ରାମକୁ ସଚେତନତା ବାର୍ତ୍ତା ପ୍ରଦାନ ପାଇଁ ଆସିଥିବା ବେଳେ ଗ୍ରାମବାସୀ ପୋଲିସ୍ ଉପରକୁ ଫୁଲ ବର୍ଷା କରିଥିଲେ। ଏହା ସହିତ ହରିବୋଲ ହୁଳହୁଳି ମାଧ୍ୟମରେ ତିନି ପୋଲିସ କର୍ମୀଙ୍କୁ ସ୍ବାଗତ କରିଥିଲେ। ଗ୍ରାମବାସୀଙ୍କ ଏହି ସ୍ବାଗତ ସମ୍ବର୍ଦ୍ଧନା ଗ୍ରାମରେ ଆଧ୍ୟାତ୍ମିକ ପରିବେଶର ମାହୋଲ ସୃଷ୍ଟି କରିଥିଲା। ଗୋରଡାଝରି ଗ୍ରାମର ରବୀନ୍ଦ୍ର ପ୍ରଧାନ, ସୁଦର୍ଶନ…
ଗୁରୁପଦ ବେରା କେନ୍ଦ୍ରାପଡା : କେନ୍ଦ୍ରାପଡ଼ା ଜିଲାରେ ଦୁଇ ଜଣ କରୋନା ପଜିଟିଭ ଚିହ୍ନଟ ହେବା ପରଠୁ ଜିଲ୍ଲା ପ୍ରଶାସନ ସମେତ ୯ ଗୋଟି ବ୍ଲକର ପ୍ରଶାସନିକ ଅଧିକାରୀଙ୍କ ମଧ୍ୟରେ ତପ୍ତରତା ଦେଖାଦେଇଛି । ଏ ନେଇ ଜିଲ୍ଲା ତଥା ବ୍ଲକରେ ଲକ୍ଡାଉନ୍ ଜାରି କରାଯାଇଥିଲା । ଏହି ଲକ୍ଡାଉନ୍କୁ ତଦାରଖ କରୁଥିବା କାର୍ଯ୍ୟାଳୟରେ କାର୍ଯ୍ୟରତ କର୍ମଚାରୀଙ୍କ ସୁରକ୍ଷା ପାଇଁ ବିଶୋଧକ ସିଂଚନ କରାଯାଇ ସାନିଟାଇଜ୍ କରାଯାଇଛି । ଏହି ପ୍ରକ୍ରିୟାରେ ସଦର ମହକୁମାରେ ଅବସ୍ଥିତ ବ୍ଲକ, ତହସିଲ, ଥାନା, ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ପରିସରରେ ପ୍ରଥମ ପର୍ଯ୍ୟାୟ ସାନିଟାଈଜ କରାଯାଇଥିଲା । ପରେ ଦ୍ବିତୀୟ ପର୍ଯ୍ୟାୟର ବିଶୋଧନ ଗତକାଲି କରଯାଇଥିଲା । ଦ୍ୱିତୀୟ ଦଫାରେ ବ୍ଲକ, ଜମ୍ବୁ ସାମୁଦ୍ରିକ ଥାନା, ଛପାଲିଗଡା଼ ବଜାର, ବିଭିନ୍ନ ବ୍ୟାଙ୍କ ଏବଂ ଉପଡାକଘର ପରିସରରେ ବିଶୋଧକ ସିଂଚନ ହୋଇଛି । ଏହି କାର୍ଯ୍ୟ କ୍ରମରେ ୩ ଜଣ ସିଭିଲ ଡିଫେନ୍ସ ସ୍ବେଛାସେବୀ, ୫ ଜଣ ଆଗ୍ନିକ…
ଲଣ୍ଡନ : ବିଶ୍ବବାସୀଙ୍କ ପାଇଁ ଖୁସି ଖବର । ବିଶ୍ବରେ ମହାମାରୀ ଭାବରେ ବ୍ୟାପୁଥିବା କରୋନାର ଟୀକା ଆସନ୍ତା ଅଗଷ୍ଟ ମାସ ସୁଦ୍ଧା ବିକଶିତ ହେବାକୁ ଯାଉଛି । ଅକ୍ସଫୋର୍ଡ ବିଶ୍ବବିଦ୍ୟାଳୟର କିଛି ପ୍ରଫେସର ଏହା ଉପରେ କାର୍ଯ୍ୟ କରୁଛନ୍ତି । ଜନୈକ ପ୍ରଫେସର ସୂଚନା ଦେଇ କହିଛନ୍ତି ଟୀକା ବର୍ତ୍ତମାନ ବିକାଶ ହୋଇ ସାରିଛି । ମଣିଷ ଉପରେ ଏହି ଟୀକାର ପରୀକ୍ଷଣ ଜାରି କରିବାର ଯୋଜନା କରାଯାଉଛି । ପରୀକ୍ଷଣ ପରେ ଏହାର ପାର୍ଶ୍ବ ପ୍ରତିକ୍ରିୟା ଦେଖିବା ପରେ ଏହି ଟୀକାକୁ ବ୍ୟବହାର ପାଇଁ ଆବେଦନ କରାଯିବ । ଆସନ୍ତ ଅଗଷ୍ଟ ମାସ ସୁଦ୍ଧା ଏହି ଟୀକା ବ୍ୟବହାର ଉପଯୋଗୀ ହୋଇଯିବ ଏବଂ ଏହି ଭାଇରସ୍ ପ୍ରଭାବରୁ ମାନବ ସମାଜ ଆରୋଗ୍ୟ ହୋଇ ପାରିବ । ପ୍ରାୟ 70ଟି ଟୀକା ବିକଶିତ କରାଯାଇଥିବା ବେଳେ ତନ୍ମଧ୍ୟରୁ ମାତ୍ର 3ଟି ଟୀକା ବର୍ତ୍ତମାନ ପରୀକ୍ଷଣ ପାଇଁ ବ୍ୟବହୃତ ହେଉଛି ।…
ଉତ୍ତରପ୍ରଦେଶ : ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ପିତା ଆନନ୍ଦ ସିଂହ ବିଷ୍ଟଙ୍କ ଆଜି 89 ବର୍ଷ ବୟସରେ ମୃତ୍ୟୁବରଣ କରିଛନ୍ତି। ଦିଲ୍ଲୀର ଏମ୍ସରେ ତାଙ୍କ ଚିକିତ୍ସା ଚାଲିଥିବାବେଳେ ତାଙ୍କ ଅବସ୍ଥା ବେଶ୍ ଗମ୍ଭୀର ଥିଲା। ଗତ କିଛି ଦିନ ହେବ ଭେଣ୍ଟିଲେଟରେ ରହିଥିବାବେଳେ ଆଜି ସକାଳ 10ଟା 40 ମିନିଟ୍ରେ ସେ ଶେଷନିଃଶ୍ବାସ ତ୍ୟାଗ କରିଛନ୍ତି। ତାଙ୍କର କିଡନୀ ଓ ଲିଭର୍ ସମସ୍ୟା ରହିଥିବାବେଳେ ମାର୍ଚ୍ଚ 13 ତାରିଖରେ ତାଙ୍କୁ ଏମ୍ସରେ ଭର୍ତ୍ତି କରାଯାଇଥିଲା। ପିତାଙ୍କ ମୃତ୍ୟ ସୂଚନା ପାଇବା ସମୟରେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ କରୋନା ସଂକଟକୁ ନେଇ ଗଠିତ ହୋଇଥିବା ଟିମ୍ -11 ସହ ମିଟିଂରେ ବ୍ୟସ୍ତ ରହିଥିଲେ। ଖବର ମିଳିବା ପରେ ମଧ୍ୟ ମିଟିଂକୁ ଅଧାରୁ ବନ୍ଦ କରାଯାଇନଥିବାର ସୂଚନା ରହିଛି। ତେବେ ପିତାଙ୍କ ମୃତ୍ୟୁ ପରେ ଅନ୍ତିମ ସଂସ୍କାର ନେଇ ମୁଖ୍ୟମନ୍ତ୍ରୀ ଯୋଗୀଙ୍କଠାରୁ କୌଣସି ସୂଚନା ମିଳିପାରିନାହିଁ।(ଏଜେନ୍ସି)
ବାଲେଶ୍ବର : ବାଲେଶ୍ବର ଜିଲ୍ଲାର ଦୁଇ କରୋନା ଆକ୍ରାନ୍ତଙ୍କ ମଧ୍ୟରେ ଅଢେଇ ବର୍ଷର ଝିଅ ରହିଥିବାର ସୂଚନା ରହିଛି । ନୀଳଗିରି ବରହମପୁର ଥାନା ଅଞ୍ଚଳର ଅଢେଇ ବର୍ଷର ଝିଅ କରୋନା ପଜିଟିଭ୍ ବୋଲି ଖବର ରହିଛି। ନୀଳଗିରି ଉପଜିଲ୍ଲାପାଳ ହରିଶଚନ୍ଦ୍ର ଜେନା ଏନେଇ ସୂଚନା ଦେଇଛନ୍ତି । 16 ତାରିଖରେ ସାମ୍ପଲ୍ ନିଆଯାଇଥିଲା ଆଜି ରିପୋର୍ଟ ଆସିଥିଲା । ରିପୋର୍ଟ ପଜିଟିଭ୍ ଆସିବାପରେ ଏବେ ସମ୍ପୃକ୍ତ ପରିବାରକୁ କ୍ବାରେଣ୍ଟାଇନ୍ରେ ରଖାଯାଇଛି । ସମ୍ପୃକ୍ତ ଅଞ୍ଚଳକୁ କଣ୍ଟେନମେଣ୍ଟ ପାଇଁ ପ୍ରକ୍ରିୟା ଚାଲୁ ରହିଛି ବୋଲି କହିଛନ୍ତି ଉପଜିଲ୍ଲାପାଳ । ଆଜି ରାଜ୍ୟରେ 7ଜଣ କରୋନା ପଜିଟିଭ୍ ଚିହ୍ନଟ ହୋଇଥିବାର ସୂଚନା ରହିଥିଲା । ଭଦ୍ରକରୁ 5 ଜଣ ରହିଥିବାବେଳ ବାଲେଶ୍ବରରୁ ଦୁଇଜଣ ଚିହ୍ନଟ ହୋଇଥିଲ । ଏବେ ରାଜ୍ୟରେ ମୋଟ କରୋନା ଆକ୍ରାନ୍ତଙ୍କ ସଂଖ୍ୟା 68ରେ ପହଞ୍ଚିଛି ।
ଗୁଜୁରାଟ : କରୋନା ମହାମାରୀ ସହ ଲଢେଇ ପାଇଁ ଦେଶର ସମସ୍ତ ବଡ ବଡ ବ୍ୟବସାୟୀ, ସାମାଜିକ ସଙ୍ଗଠନ ତଥା ବ୍ୟବସାୟିକ ସଙ୍ଗଠନ ପ୍ରଧାନମନ୍ତ୍ରୀ ଓ ମୁଖ୍ୟମନ୍ତ୍ରୀଙ୍କ ରିଲିଫ୍ ଫଣ୍ଡକୁ ଆର୍ଥିକ ସାହାଯ୍ୟ କରୁଛନ୍ତି । ଏପରି ସମୟରେ ଗୁଜୁରାଟର ସୁରତରେ ଲାଜପୋର ଜେଲର କିଛି କଏଦୀମାନେ ମୁଖ୍ୟମନ୍ତ୍ରୀ ରିଲିଫ୍ ଫଣ୍ଡ୍କୁ ନିଜ ପାରିଶ୍ରାମିକରୁ 1 ଲକ୍ଷ 11 ହଜାର 111ଟଙ୍କା ଦାନ କରିଛନ୍ତି । କଏଦୀମାନେ ଏପରି କାର୍ଯ୍ୟ କରି ଅନ୍ୟମାନଙ୍କ ପାଇଁ ଉଦାହରଣ ପାଲଟିଛନ୍ତି । ମିଳିଥିବା ସୂଚନା ଅନୁସାରେ ଲାଜପୋର ଜେଲ୍ ଅଧୀକ୍ଷକ ମନୋଜ ନିମାମା କହିଛନ୍ତି ଯେ, ଜେଲ୍ରେ ଥିବା ଅନ୍ତେବାସୀ ତାଙ୍କ ସାମ୍ନାରେ ଏନେଇ ପ୍ରସ୍ତାବ ରଖିଥିଲେ । ବନ୍ଦୀ ଥିବା କଏଦୀମାନେ ଦେଶର ଏପରି ସଂକଟ ସମୟରେ ସାହାଯ୍ୟ କରିବାକୁ ଚାହୁଁଛନ୍ତି ବୋଲି କହିଥିଲେ । କଏଦୀଙ୍କ ଏପରି ମନେଭାବକୁ ବହୁତ ପସନ୍ଦ କରାଯାଇଛି । ଦେଶର ବିପତ୍ତି ସମୟରେ କଏଦୀମାନଙ୍କର ଏପରି…
ମଣିପୁର : ମହାମାରୀ କରୋନା ଭାରତକୁ କବଳିତ କରିଥିବାବେଳେ ଭାରତର ଅନେକ ରାଜ୍ୟରେ ଏହାର ପ୍ରଭାବ ବ୍ୟାପକ ଭାବରେ ବଢି ଚାଲିଛି । କିନ୍ତୁ କରୋନାକୁ ମଧ୍ୟ ମାତ୍ ଦେବାରେ ରାଜ୍ୟଗୁଡିକ ସଫଳ ହେଉଛନ୍ତି। ଗୋଆ କରୋନା ମୁକ୍ତ ହେବା ପରେ ଆଜି ଆଉ ରାଜ୍ୟ କରୋନା କବଳରୁ ମୁକ୍ତ ହୋଇଥିବାର ଜଣାପଡିଛି । ସୋମବାର ଦିନ ମଣିପୁର ମୁଖ୍ୟମନ୍ତ୍ରୀ ଏନ୍. ବିରେନ୍ ସିଂହ ରାଜ୍ୟରେ କରୋନା ଜନିତ ଗୋଟିଏ ବି ମାମଲା ନଥିବାର କହିଛନ୍ତି । ମଣିପୁରରୁ ଦୁଇଟି କରୋନା ଆକ୍ରାନ୍ତ ରହିଥିବାବେଳେ ଦୁଇ ଜଣ ସୁସ୍ଥ ହୋଇଛନ୍ତି। ରାଜ୍ୟରେ ଆଉ ନୂତନ କରୋନା ମାମଲା ଆସିନଥିବାରୁ ଏବେ ମଣିପୁର କରୋନାମୁକ୍ତ ହୋଇଛି। ରାଜ୍ୟରେ ଲକ୍ ଡାଉନ୍ ନିୟମକୁ କଡାକଡି ରୂପେ ପାଳନ କରିଥିବାରୁ ମଣିପୁର କରୋନାକୁ ମାତ୍ ଦେବାରେ ସକ୍ଷମ ହୋଇପାରିଛି ବୋଲି ମଣିପୁରର ମୁଖ୍ୟମନ୍ତ୍ରୀ ଏନ୍. ବିରେନ ସିଂହ କହିଛନ୍ତି । ଏବେବି ରାଜ୍ୟରୁ ପୂରାପରି ଲକ୍…
ଭଦ୍ରକ : ଭଦ୍ରକ ଜିଲ୍ଲାର 5ଟି ପଞ୍ଚାୟତକୁ କଣ୍ଟେନମେଣ୍ଟ ଜୋନ୍ ଘୋଷିତ କରାଯାଇଛି । ବାସୁଦେବପୁରର ତିନୋଟି ପଞ୍ଚାୟତ, ଭଣ୍ଡାରିପୋଖରୀରର 2ଟି ପଞ୍ଚାୟତକୁ କଣ୍ଟେନମେଣ୍ଟ ଜୋନ୍ ଘୋଷଣା କରାଯାଇଛି । ବାସୁଦେବପୁରର ବିନାୟକପୁର, ପଦମପୁର, ଲକ୍ଷ୍ମୀଦାସପୁର ଆଦି ଅଞ୍ଚଳକୁ କଣ୍ଟେନମେଣ୍ଟ ଅଞ୍ଚଳ ଭାବେ ଘୋଷଣା କରାଯାଇଥିବାବେଳେ ଭଣ୍ଡାରୀପୋଖରୀ ବ୍ଲକର ରହଣିଆ, ତେସିଙ୍ଗା ପଞ୍ଚାୟତକୁ କଣ୍ଟେନମେଣ୍ଟ ଜୋନ୍ ଭାବେ ଘୋଷଣା କରିଛି ପ୍ରଶାସନ । ଉଭୟ ବ୍ଲକରେ କଟକଣା ଜାରି କରିଛି ଜିଲ୍ଲା ପ୍ରଶାସନ । ଭଦ୍ରକର 5 ନୂଆ କରୋନା ଆକ୍ରାନ୍ତ ଚିହ୍ନଟ ପରେ ଜିଲ୍ଲା ପ୍ରଶାସନ ତରଫରୁ ପଦକ୍ଷେପ ନିଆଯାଇଛି । ବାସୁଦେବପୁରର ତିନି ଓ ଭଣ୍ଡାରୀପୋଖରୀରୁ ଦୁଇ ଜଣ ଆକ୍ରାନ୍ତ ଚିହ୍ନଟ ହେବା ପରେ ଜିଲ୍ଲା ପ୍ରଶାସନ ତରଫର କଡା ପଦକ୍ଷେପ ନିଆଯାଇଛି ।
ସୀତାରାମ ଅଗ୍ରଓ୍ବାଲ ବାଲୁଗାଁ: ନାଭାଲ ଛକ ନିକଟରେ ଏକ କାର ସହ ତେଲ ଟ୍ୟାଙ୍କରର ଧକ୍କା ହୋଇଛି। ମିଳିଥିବା ସୂଚନା ଅନୁସାରେ ତେଲ ଟ୍ୟାଙ୍କର୍ ଓ କାର୍ଟି ଭୁବନେଶ୍ବରରୁ ବ୍ରହ୍ମପୁର ଯାଉଥିବାବେଳେ ନାଭାଲ୍ ଛକ ନିକଟରେ କାର୍କୁ ଧକ୍କା ଦେଇଥିଲା ତେଲ ଟ୍ୟାଙ୍କରଟି। ଓଡି ୦୨ ଏକ୍ସ ୩୦୦୪ ନମ୍ବରର କାରଟିକୁ ଏନଏଲ ୦୧ କେ ୮୭୭୧ ନମ୍ବରର ତେଲ ଟ୍ୟାଙ୍କରଟି ଧକ୍କା ଦେଇଥିଲା। କାର୍ ସହ ତେଲ ଟ୍ୟାଙ୍କରଟି ଧକ୍କା ଦେବା ପରେ ଟ୍ୟାଙ୍କରଟି ଭାରସ୍ୟାମ ହରାଇ ଆଭା ହସ୍ପିଟାଲ ନିକଟରେ ଠିଆ ହୋଇଥିବା ୬ ଟି ଅଟୋ ଉପରକୁ ଚଢ଼ିଯାଇଥିଲା। ଏହି ଦୁର୍ଘଟଣାରେ ପ୍ରାୟ ୬ ଟି ଅଟୋ ବିଶେଷ ଭାବରେ କ୍ଷତିଗ୍ରସ୍ତ ହୋଇଥିବାବେଳେ କାର୍ରେ ଥିବା ସ୍ବାମୀ ସ୍ତ୍ରୀ ଗୁରୁତର ହୋଇଛନ୍ତି। କାର ମାଲିକ ସୁବାସ ସାହୁ(୬୫) ନିଜେ ତାଙ୍କ ପତ୍ନୀ ପୁଷ୍ପାଞ୍ଜଳି (୫୨)ଙ୍କ ସହିତ ବ୍ରହ୍ମପୁର ଅଭିମୁଖେ ଯାତ୍ରା କରୁଥିବାବେଳେ ଏହି ଦୁର୍ଘଟଣା ଘଟିଥିଲା। ଘଟଣା ସ୍ଥଳରେ…
ଭୁବନେଶ୍ବର :ରାଜ୍ୟର ନୂଆ 7 କରୋନା ଆକ୍ରାନ୍ତଙ୍କ ବାବଦରେ ସୂଚନା ମିଳିଛି । ଭଦ୍ରକରୁ 5ଜଣ ରହିଥିବାବେଳେ ବାଲେଶ୍ବରରୁ ଦୁଇଜଣ ଆକ୍ରାନ୍ତ ରହିଛନ୍ତି ବୋଲି ରାଜ୍ୟ ସୂଚନା ଓ ଲୋକସମ୍ପର୍କ ବିଭାଗ ପକ୍ଷରୁ ତଥ୍ୟ ପ୍ରକାଶ ପାଇଛି । ପୂର୍ବରୁ ଭଦ୍ରକରୁ ତିନିଜଣ ଚିହ୍ନଟ ହୋଇଥିବାବେଳେ ସେଥିମଧ୍ୟରୁ ଦୁଇଜଣ ସୁସ୍ଥ ହୋଇଯାଇଥିଲେ । ସେହିପରି ବାଲେଶ୍ବରରୁ ମଧ୍ୟ ପୂର୍ବରୁ ଜଣେ ଚିହ୍ନଟ ହୋଇଥିଲେ । ରାଜ୍ୟରେ ମୋଟ୍ 68 ଜଣ ଚିହ୍ନଟ ହୋଇଥିବାବେଳେ ସର୍ବାଧିକ ଭୁବନେଶ୍ବରରେ ରହିଛନ୍ତି । ତେବେ 24 ଜଣ ସୁସ୍ଥ ହୋଇଥିବାବେଳେ ମାତ୍ର ଜଣକର ମୃତ୍ୟୁ ହୋଇଛି ।
ନୂଆଦିଲ୍ଲୀ : ଦେଶରେ ମହାମାରୀ କରୋନା ବ୍ୟାପିବାରେ ଲାଗିଛି । ସ୍ବାସ୍ଥ୍ୟମନ୍ତ୍ରାଳୟ ତରଫରୁ ମିଳିଥିବା ସୂଚନା ଅନୁସାରେ ଦେଶରେ କରୋନା ସଂକ୍ରମିତଙ୍କ ସଂଖ୍ୟା 17 ହଜାର ପାର୍ କରିଥିବାବେଳେ ମୃତ୍ୟୁ ସଂଖ୍ୟା 543କୁ ବୃଦ୍ଧି ହୋଇଛି । ସେହିପରି କରୋନାରୁ ସୁସ୍ଥ ହୋଇ ଡିସ୍ଚାର୍ଜ ହେଲେଣି 2547ଜଣ । ମହାରାଷ୍ଟ୍ରରେ ସର୍ବାଧିକ 223ଜଣଙ୍କ ମୃତ୍ୟୁ ହୋଇଥିବାର ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରାଳୟ ପକ୍ଷରୁ ସୂଚନା ମିଳିଛି । ସ୍ବାସ୍ଥ୍ୟ ମନ୍ତ୍ରାଳୟର ସୂଚନା ଅନୁସାରେ ମହାରାଷ୍ଟ୍ରରେ ସର୍ବାଧିକ 223 ଜଣ ମୃତ୍ୟୁବରଣ କରିଥିବାବେଳେ ମଧ୍ୟପ୍ରଦେଶରେ 70, ଗୁଜୁରାଟରେ 63, ଦିଲ୍ଲୀରେ 45, ତାମିଲନାଡୁରେ 15, ତେଲେଙ୍ଗାନାରେ 18, ଆନ୍ଧ୍ରପ୍ରଦେଶରେ 15, କର୍ଣ୍ଣାଟକରେ 16, ଉତ୍ତରପ୍ରଦେଶରେ 17, ପଞ୍ଜାବରେ 16, ପଶ୍ଚିମବଙ୍ଗରେ 12, ରାଜସ୍ଥାନରେ 14, ଜମ୍ମୁକାଶ୍ମୀରରେ 5, ହରିୟାଣାରେ 3, କେରଳରେ 3, ଝାଡଖଣ୍ଡରେ2, ବିହାରରେ 2, ହିମାଚଳ ପ୍ରଦେଶ ଓ ଓଡ଼ିଶାରେ ଜଣକର ମୃତ୍ୟୁ ହୋଇଛି । (ଏଜେନ୍ସି)
କନ୍ଦର୍ପ ବେହେରା ରେଢାଖୋଲ: ଟଙ୍କା ଧାରକୁ କେନ୍ଦ୍ର କରି ଏକ ହତ୍ୟାକାଣ୍ଡ ଘଟି ଚାଂଚଲ୍ୟ ସୃଷ୍ଟି କରିଛି କିସିଣ୍ଡା ଅଂଚଳରେ। ପ୍ରକାଶ ଯେ, ରେଢାଖୋଲ ଉପଖଣ୍ଡ କିସିଣ୍ଡା ଥାନା ଅନ୍ତର୍ଗତ ଖନ୍ଦିବାହାଳ ଗ୍ରାମରେ ଏହି ହତ୍ୟାକାଣ୍ଡ ଘଟିଛି। ଗତ କାଲି ରାତି ପ୍ରାୟ ପାଖାପାଖି ୮ ଟାରେ ଖନ୍ଦିବାହାଳ ଗ୍ରାମର ଭୀମସେନ୍ ସ୍ୱାଇଁ(୫୦) ନିଜ ଘର ସାମ୍ନାରେ ଲଙ୍କମରିଚ ତୋଳୁଥିବା ସମୟରେ ସେହି ଗ୍ରାମର ଗୌତମ ମାଝୀ ନାମକ ଜଣେ ଯୁବକ ଅଚାନକ ଟାଙ୍ଗିଆରେ ତାର ବେକକୁ ୪ ରୁ ୫ ଚୋଟ ମାରି ଦେଇ ଫେରାର ହୋଇଥିଲା। ଘଟଣା ସ୍ଥଳରେ ଭୀମସେନ ର ମୃତ୍ୟୁ ହୋଇଯାଇଥିଲା ବୋଲି ନାକ୍ଟିଦେଉଳ ଥାନାଧୀକାରୀ ଚିତରଂଜନ ନାଏକ ପ୍ରକାଶ କରିଛନ୍ତି। ପୋଲିସ୍ ଅଭିଯୁକ୍ତକୁ ଗିରଫ କରିବାରେ ସଫଳ ହୋଇଛି। ଅଭିଯୁକ୍ତ ଭୀମସେନକୁ ଟାଙ୍ଗିଆରେ ହତ୍ୟା କରିଥିବା ସ୍ୱୀକାର କରିଛି। ପୋଲିସ୍ ସୂତ୍ରରୁ ପ୍ରକାଶ ଯେ ମୃତ ଭୀମସେନ ସ୍ୱାଇଁ ଗୌତମ ଠାରୁ ଟଙ୍କା ଉଧାରିରେ…
ଯାଜପୁର : ଯାଜପୁର ବଡଚଣା ଆଇଆଇସି ଦୀପକ କୁମାର ଜେନା ସସ୍ପେଣ୍ଡ ହୋଇଛନ୍ତି । ବଡଚଣା ଆଇଆଇସିଙ୍କୁ ସସ୍ପେଣ୍ଡ କରିଛନ୍ତି ପୋଲିସ୍ ଡିଜି । ସସ୍ପେଣ୍ଡ ନେଇ ଟୁଇଟ୍ ଯୋଗେ ସ୍ପଷ୍ଟ କରିଛନ୍ତି ପୋଲିସ୍ ଡିଜି ଅଭୟ। ଲକ୍ ଡାଉନ୍ ନିୟମ ଉଲ୍ଲଂଘନ ଅଭିଯୋଗରେ କାର୍ଯ୍ୟାନୁଷ୍ଠାନ କରାଯାଇଛି । କାଲି ଶ୍ରୀମନ୍ଦିରରେ କଟକଣା ଉଲ୍ଲଂଘନକରି ଶ୍ରୀଜୀଉଙ୍କୁ ଦର୍ଶନ କରିଥିଲେ। ପରିବାର ସହ ଦକ୍ଷିଣ ଦ୍ବାର ଦେଇ ମହାପ୍ରଭୁଙ୍କୁ ଦର୍ଶନ କରିଥିଲେ। ସିଂହଦ୍ବାରା ଥାନାରେ ହାବିଲ୍ଦାରଙ୍କ ଏତଲା କ୍ରମେ ମାମଲା ହୋଇଛି ।
ଭୁବନେଶ୍ବର : ରାଜ୍ୟରେ ଆଉ ସାତ କରୋନା ପଜିଟିଭ ଚିହ୍ନଟ ହୋଇଛନ୍ତି। ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ଏହି ସୂଚନା ଦିଆଯାଇଛି। ଏହାକୁ ମିଶାଇ ରାଜ୍ୟରେ ମୋଟ କରୋନା ଆକ୍ରାନ୍ତଙ୍କ ସଂଖ୍ୟା ୬୮ରେ ପହଞ୍ଚି ଯାଇଛି। ରାଜ୍ୟରେ ଆଜି ସୁଦ୍ଧା ଚିହ୍ନଟ ହୋଇଥିବା 68 ଜଣ କରୋନା ଆକ୍ରାନ୍ତଙ୍କ ମଧ୍ୟରୁ 24ଜଣ ସୁସ୍ଥ ହୋଇଛନ୍ତି। ସେହିପରି ଜଣେ କରୋନା ଆକ୍ରାନ୍ତଙ୍କ ମୃତ୍ୟୁ ଘଟିଛି। ୪୩ ଜଣ ଚିକିତ୍ସାଧୀନ ରହିଛନ୍ତି।
ରଞ୍ଜିତ୍ ପଣ୍ଡା କୁଜଙ୍ଗ : କରୋନା ପାଇଁ ଏବେ ଲୋକେ ବାହାରକୁ ବାହାରି ପାରୁନାହାନ୍ତି। ଗରିବ ଓ ଖଟିଖିଆ ମାନେ ନାହିଁ ନଥିବା ଅସୁବିଧାର ସମ୍ମୁଖିନ ହେଉଛନ୍ତି। ସେଥିପାଇଁ ପାରାଦ୍ଵୀପର ଅଗ୍ରଣୀ ସଂଗଠନ ସ୍ମାଇଲ ଚାରିଟେବୁଲ ଟ୍ରଷ୍ଟ ପକ୍ଷରୁ ବିଭିନ୍ନ ବସ୍ତିରେ ଶୁଖିଲା ଖାଦ୍ୟ ବଣ୍ଟନ କରାଯାଇଛି। ଗତ କିଛି ଦିନ ହେଲା ପାରାଦ୍ଵୀପ ତଥା ଏହାର ଆଖପାଖ ଅଞ୍ଚଳର ବସ୍ତି ବାସିନ୍ଦାମାନଙ୍କୁ ଦୈନିକ କିଛି ଲୋକଙ୍କୁ ସାହାଯ୍ୟ କରି ଆସୁଛି। ଟ୍ରଷ୍ଟର ସଭାପତି ସଚିତ୍ର କୁମାର ରାଉତ ନେତୃତ୍ୱରେ ଟ୍ରଷ୍ଟର ସେକ୍ରେଟାରୀ ସ୍ୟୋମ୍ୟ ମହାନ୍ତି,ଉପଦେଷ୍ଟା ଆଡଭୋକେଟ ସୁରେଶ ଚନ୍ଦ୍ର ଦାସ ସାମାଜିକ ଦୂରତ୍ୱ ରଖି ଶୁଖିଲା ଖାଦ୍ୟ ସାମଗ୍ରୀ ବଣ୍ଟନ କରିଥିଲେ। ଶୁଖିଲା ଖାଦ୍ୟ ସାମଗ୍ରୀ ଯଥା ଚାଉଳ, ଡାଲି, ଆଳୁ, ପିଆଜ, ତେଲ, ସାବୁନ, ବିସ୍କୁଟ, କେକ୍ ,ଫ୍ରୁଟି ୧୦୦ ପରିବାରକୁ ଯୋଗାଇ ଦିଆଯାଇଛି। ପାରାଦ୍ୱୀପ ମୁନିସିପାଲିଟିର କଲୋନୀ ୨,୯,୧୦,୧୪ ଓ ୧୫ ନମ୍ବର ଏରିଆରେ ଲୋକମାନଙ୍କୁ ସ୍ମାଇଲ…
ନୂଆଦିଲ୍ଲୀ : ଦେଶରେ କରୋନା ସଂକ୍ରମିତଙ୍କ ସଂଖ୍ୟା 16 ହଜାର ପାର୍ କରିଥିବାବେଳେ ମୃତ୍ୟୁ ସଂଖ୍ୟା 519ରେ ପହଞ୍ଚିଛି । କରୋନା ପାଇଁ ଟାସ୍କଫୋର୍ସ ଗଠନ କରାଯାଇଛି । କୋଭିଡ୍ ଭ୍ୟାକ୍ସିନ ଓ ଔଷଧ ପରୀକ୍ଷଣ ପାଇଁ ଉଚ୍ଚସ୍ତରୀୟ ଟାସ୍କଫୋର୍ସ ଗଠନ କଲେ କେନ୍ଦ୍ର ସରକାର। ଜାତୀୟ ଓ ଅନ୍ତର୍ଜାତୀୟ କ୍ଷେତ୍ରରେ ଭ୍ୟାକ୍ସିନ ପ୍ରସ୍ତୁତି ପାଇଁ ଚାଲିଥିବା ପ୍ରକ୍ରିୟାକୁ ତ୍ୱରାନ୍ୱିତ କରିବା ଦିଗରେ ଏହି ଟାସ୍କ ଫୋର୍ସ କାର୍ଯ୍ୟ କରିବ ବୋଲି ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟ ଯୁଗ୍ମ ସଚିବ ଲବ ଅଗ୍ରଓ୍ୱାଲ। ନୀତି ଆୟୋଗ ସଦସ୍ୟ ଓ ପ୍ରଧାନମନ୍ତ୍ରୀଙ୍କ ପ୍ରମୁଖ ବିଜ୍ଞାନ ପରାମର୍ଶଦାତାଙ୍କ ନେତୃତ୍ୱରେ ଏହି ଟାସ୍କଫୋର୍ସ କାର୍ଯ୍ୟ କରିବ। ଏଥିରେ ଆୟୁଷ ମନ୍ତ୍ରାଳୟ, ଆଇସିଏମ୍ଆର୍, ବାୟୋଟେକ୍ନୋଲଜି ବିଭାଗର ପ୍ରତିନିଧି, ଡ୍ରଗ୍ କଣ୍ଟ୍ରୋଲର୍ ଜେନେରାଲ୍ ପ୍ରମୁଖ ମଧ୍ୟ ସଦସ୍ୟ ରହିବେ ବୋଲି ସେ ସୂଚନା ଦେଇଛନ୍ତି। 23ଟି ରାଜ୍ୟ/ କେନ୍ଦ୍ରଶାସିତ ଅଞ୍ଚଳର 54ଟି ଜିଲ୍ଲା ପାଇଁ…
ନୂଆଦିଲ୍ଲୀ, ସମ୍ପ୍ରତି କୋଭିଡ-୧୯ ମହାମାରୀ ସଂକ୍ରମଣ କାରଣରୁ ସାରା ଦେଶରେ ଲକଡାଉନ ଜାରି ହୋଇଛି । ଏହି ସମୟରେ ବିଭିନ୍ନ ସରକାରୀ ଯୋଜନାରେ ହିତାଧିକାରୀଙ୍କ ବ୍ୟାଙ୍କ ଆକାଉଂଟକୁ ପବ୍ଲିକ ଫାଇନାନ୍ସ ମ୍ୟାନେଜମେଂଟ ସିଷ୍ଟମ (ପିଏଫଏମଏସ) ଜରିଆରେ ପ୍ରତ୍ୟକ୍ଷ ଲାଭ ହସ୍ତାନ୍ତର (ଡିବିଟି) ବ୍ୟବସ୍ଥାର ଉପଯୋଗ କରି ମୋଟ ୩୬,୬୫୯ କୋଟି ଟଙ୍କା ପ୍ରେରଣ କରାଯାଇଛି । ଏହାଦ୍ୱାରା ଦେଶର ମୋଟ ୧୬.୦୧ କୋଟି ହିତାଧିକାରୀ ଉପକୃତ ହୋଇଛନ୍ତି । ଅର୍ଥ ମନ୍ତ୍ରଣାଳୟର ଅର୍ଥ ବିଭାଗ ଅଧୀନ ମହାଲେଖା ନିୟନ୍ତ୍ରକ (ସିଜିଏ)ଙ୍କ ଆକାଉଂଟରୁ ଏହି ଅର୍ଥ ସ୍ଥାନାନ୍ତର କରାଯାଇଛି । ପ୍ରତ୍ୟକ୍ଷ ଲାଭ ହସ୍ତାନ୍ତର ମାଧ୍ୟମରେ ସିଧାସଳଖ ହିତାଧିକାରୀଙ୍କ ଆକାଉଂଟକୁ ଲାଭ ହସ୍ତାନ୍ତରିତ ହୋଇଛି, ଫଳରେ ବାଟମାରଣା ଦୂର ହେବା ସହ ସ୍ୱଚ୍ଛତାରେ ସୁଧାର ଆସିପାରିଛି । କେନ୍ଦ୍ରୀୟ ଯୋଜନା, କେନ୍ଦ୍ର ପ୍ରାୟୋଜିତ ଯୋଜନା ଏବଂ ରାଜ୍ୟଗୁଡ଼ିକୁ କେନ୍ଦ୍ରର ସହାୟତା ଯୋଜନା ଅଧୀନରେ ଡିବିଟି ଯୋଗେ ଅର୍ଥ ପଇଠ ଲାଗି ଅତ୍ୟାଧୁନିକ ଡିଜିଟାଲ…
ମୁମ୍ବାଇ : ପୂରା ଦେଶ ଏବେ କରୋନା ସହ ଲଢେଇ କରୁଛି । ଏହି ମହାମାରୀ ଯୋଗୁଁ ମହାରାଷ୍ଟ୍ର ସବୁଠୁ ଅଧିକ ପ୍ରଭାବିତ ହୋଇଛି । ମହାରାଷ୍ଟ୍ରରେ ଗତ 24 ଘଣ୍ଟା ମଧ୍ୟରେ ସର୍ବାଧିକ ସଂକ୍ରମିତ ହୋଇଥିବାର ସୂଚନା ମିଳିଛି । ମହାରାଷ୍ଟ୍ରର ଭିନ୍ନ ଭିନ୍ନ ଅଞ୍ଚଳରେ ଗତ 24 ଘଣ୍ଟା ମଧ୍ୟରେ 552 ଜଣ ନୂତନ କରୋନା ରୋଗୀଙ୍କ ଚିହ୍ନଟ ହୋଇଛି । ସେହିପରି 12ଜଣଙ୍କର ମୃତ୍ୟୁ ହୋଇଛି । ମହାରାଷ୍ଟ୍ରରେ ସର୍ବମୋଟ୍ 223ଜଣଙ୍କର ମୃତ୍ୟୁ ହୋଇଥିବାବେଳେ ସାରା ଦେଶରେ କରୋନା ଜନିତ ମୃତ୍ୟୁ ଓ ସଂକ୍ରମଣରେ ମହାରାଷ୍ଟ୍ର ଆଗରେ ରହିଛି । ମହାରାଷ୍ଟ୍ରରେ ସର୍ବମୋଟ ଆକ୍ରାନ୍ତଙ୍କ ସଂଖ୍ୟା 4200ରେ ପହଞ୍ଚିଥିବାବେଳେ ମୁମ୍ବାଇରେ 2724 ଜଣ କରୋନାରେ ସଂକ୍ରମିତ ହୋଇଛନ୍ତି । ସୂଚନାଯୋଗ୍ୟ ଦେଶରେ କରୋନା ସଂକ୍ରମିତଙ୍କ ସଂଖ୍ୟା 16 ହଜାର ପାର୍ କରିଥିବାବେଳେ ମୃତ୍ୟୁ ସଂଖ୍ୟା 521ରେ ପହଞ୍ଚିଛି ।(ଏଜେନ୍ସି)
ଭୁବନେଶ୍ବର, ଓଡିଶାରେ ବର୍ତ୍ତମାନ କରୋନା ଆକ୍ରାନ୍ତଙ୍କ ସଂଖ୍ୟା 61 ରେ ପହଁଚିବା ସହ ଜଣଙ୍କର ମୃତ୍ୟୁ ହୋଇଛି। ରାଜ୍ୟର ସବୁଠାରୁ ଅଧିକ କରୋନା ରୋଗୀ ଖୋର୍ଦ୍ଧା ଜିଲ୍ଲାର ଭୁବନେଶ୍ବରରେ ଦେଖାଯାଇଛି। ଏହି ମାନଚିତ୍ରରେ ଓଡିଶାର କେଉଁ ଜିଲ୍ଲାରେ କେତେ କରୋନା ରୋଗୀ ଅଛନ୍ତି ତାହା ସୂଚାଇ ଦେଉଛି। ସୌଜନ୍ୟ- ଓଡିଶା ସ୍ବାସ୍ଥ୍ୟ ବିଭାଗ