ତେଲେଙ୍ଗାନା : ଦେଶରେ କରୋନା ଭାଇରସର ସଂକ୍ରମଣ ଦ୍ରୁତ ଗତିରେ ବୃଦ୍ଧି ପାଉଥିବାବେଳେ ତେଲେଙ୍ଗାନା ସରକାର ଏକ ବଡ ନିଷ୍ପତ୍ତି ନେଇଛନ୍ତି । କେନ୍ଦ୍ର ସରକାର ମଇ 3 ପର୍ଯ୍ୟନ୍ତ ଲକ୍ ଡାଉନ୍ ଅବଧିକୁ ବୃଦ୍ଧି କରିଥିବାବେଳେ ତେଲେଙ୍ଗାନା ସରକାର ଏବେ ଏହି ଲକ୍ ଡାଉନ୍ ଅବଧିକୁ ବୃଦ୍ଧି କରିଛନ୍ତି । ତେଲେଙ୍ଗାନା ସରକାର ମେ’ 7 ତାରିଖ ପର୍ଯ୍ୟନ୍ତ ଲକ୍ ଡାଉନ୍ର ଅବଧିକୁ ବୃଦ୍ଧି କରାଇଛନ୍ତି । କେସିଆର କହିଛନ୍ତି ଯେ, ତେଲେଙ୍ଗାନାରେ ଲକ୍ ଡାଉନ୍ ଅବଧିକୁ ମେ’ 7 ତାରିଖ ଯାଏଁ ଜାରି ରହିବ । ଏହା ମେ 8 ତାରିଖରେ ଶେଷ ହେବ । ବିଦେଶରୁ ଫେରିଥିବା 64 ଜଣ କରୋନା ପଜିଟିଭ୍ ଚିହ୍ନଟ ହୋଇଥିବାର ତେଲେଙ୍ଗାନା ସରକାର ସୂଚନା ଦେଇଛନ୍ତି । ସେହିପରି ଦିଲ୍ଲୀ ନିମାଜୁଦ୍ଦିନ ସ୍ଥିତ ମରକଜରେ ସାମିଲ୍ ହୋଇଥିବା ଜମାତୀଙ୍କ ଯାତ୍ରା ଇତିହାସ ଉପରେ ଅନୁସନ୍ଧାନ ଚଲାଇଛନ୍ତି । ସେହିପରି ତେଲେଙ୍ଗାନା ସରକାର…
Author: Samikhsya Bureau
ନୂଆଦିଲ୍ଲୀ: ଦେଶରେ କୋଭିଡ-19ର ସ୍ଥିତି ନେଇ କେନ୍ଦ୍ର ସ୍ଵରାଷ୍ଟ୍ର ମନ୍ତ୍ରୀ ଅମିତ ଶାହ ମନ୍ତ୍ରଣାଳୟର ବରିଷ୍ଠ ଅଧିକାରୀମାନଙ୍କ ସହ ଆଲୋଚନା କରିଛନ୍ତି। କରୋନା ସଂକ୍ରମଣର ନିୟନ୍ତ୍ରଣ ଓ ଏପ୍ରିଲ 20 ତାରିଖଠାରୁ ଯେଉଁସବୁ ଅଞ୍ଚଳରେ ଲକଡାଉନକୁ କୋହଳ କରାଯିବ ସେ ସଂକ୍ରାନ୍ତରେ ଆଲୋଚନା କରିବାକୁ ଶାହ ନିର୍ଦ୍ଦେଶ ଦେଇଛନ୍ତି । ସ୍ଵରାଷ୍ଟ୍ର ମନ୍ତ୍ରୀ କହିଛନ୍ତି ଯେ, ଦେଶ ଏବେବି ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ଵରେ କରୋନା ବିରୁଦ୍ଧରେ ସଂଗ୍ରାମ କରୁଛି । ଲକଡାଉନ କୋହଳ ସହିତ ଅନ୍ୟାନ୍ୟ ଜାତୀୟ ମାର୍ଗଦର୍ଶିକାର ପାଳନ ଯେପରି କଡାକଡି ହୁଏ ତାହା ଦେଖିବାକୁ ସେ ପରାମର୍ଶ ଦେଇଛନ୍ତି । ପରିସ୍ଥିତିର ସମୀକ୍ଷା କରି ସେ କହିଛନ୍ତି ଯେ, ଯେଉଁ ଅଞ୍ଚଳଗୁଡିକ ହଟ ସ୍ପଟ, କ୍ଲଷ୍ଟର ଓ ଆବଦ୍ଧାଞ୍ଚଳ ପରିସୀମା ମଧ୍ୟରେ ଆସୁନାହିଁ, ସେସବୁ ଅଞ୍ଚଳରେ କେତେକ କାର୍ଯ୍ୟକଳାପ ପାଇଁ ଅନୁମତି ଦିଆଯାଇଛି । ତେବେ ଯେଉଁ କୋହଳ ବ୍ୟବସ୍ଥା ଘୋଷିତ ହୋଇଛି, ସେଗୁଡିକୁ କଡାକଡି…
ପୁରୀ : କରୋନା ଯୋଗୁଁ ସାରା ଦେଶରେ ଲକ୍ଡାଉନ୍ । ରାଜ୍ୟରେ ବି ଲକ୍ଡାଉନ୍କୁ ବେଶ୍ କଡାକଡି କରାଯାଇଛି । ଉଲ୍ଲଂଘନକାରୀଙ୍କୁ ଦଣ୍ଡ ଦିଆଯାଉଛି । ଏହି ଲକ୍ ଡାଉନ୍ ସମୟରେ ମନ୍ଦିର ତଥା ଅନ୍ୟାନ୍ୟ ଧାର୍ମିକ ସ୍ଥଳ ପରିଦର୍ଶନକୁ ବାରଣ କରାଯାଇଛି । କିନ୍ତୁ ପୁରୀରେ ଆଜି ଜଣେ ପୋଲିସ୍ ଅଧିକାରୀ ନିଜ ପରିବାର ସହ ଶ୍ରୀଜୀଉଙ୍କ ଦର୍ଶନ କରିଛନ୍ତି । ଶ୍ରୀମନ୍ଦିରରେ ପୋଲିସ୍ ବାବୁ କରୋନା କଟକଣା ଉଲ୍ଲଂଘନ କରିଥିବାର ଅଭିଯୋଗ ହୋଇଛି । ପରିବାର ସହ ମହାପ୍ରଭୁଙ୍କୁ ଦର୍ଶନ କରିଛନ୍ତି ଯାଜପୁର ବଡଚଣା ଆଇଆଇସି । ଦକ୍ଷିଣ ଦ୍ବାର ଦେଇ ଶ୍ରୀମନ୍ଦିର ଭିତରେ ଶ୍ରୀଜୀଉଙ୍କୁ ଦର୍ଶନ କରିଛନ୍ତି। କରୋନା ପାଇଁ ଭକ୍ତଙ୍କ ପ୍ରବେଶ ଉପରେ କଟକଣା ଲଗାଯାଇଥିବା ସତ୍ତ୍ବେ ଦର୍ଶନ ଅଭିଯୋଗ ହୋଇଛି। ସିଂହଦ୍ବାର ଥାନାରେ ହାବିଲ୍ଦାରଙ୍କ ଏତଲା କ୍ରମେ ମାମଲା ରୁଜୁ ହୋଇଛି । ଥାନାରେ ମାମଲା ରୁଜୁ ହେବା ନେଇ ସିଂହଦ୍ବାରା ଥାନା ଆଇଆଇସି…
ଭୁବନେଶ୍ବର : ଦ୍ୱିତୀୟ ପର୍ଯ୍ୟାୟ ଲକ୍ଡାଉନ୍ର ସାତ ଦିନ ପରେ କିଛି ଅଞ୍ଚଳରେ କୋହଳ ହେବ କରୋନା କଟକଣା । ଅଣସମ୍ବେଦନଶୀଳ ଅଞ୍ଚଳରେ କରୋନା କଟକଣାକୁ କୋହଳ କରାଯିବ । କାଲିଠୁ ସରକାରୀ କାର୍ଯ୍ୟାଳୟ ଖୋଲିବ, ନିର୍ମାଣ କାମ ବି ଚାଲିବ। ଗ୍ରୁଫ୍ ଏ କର୍ମଚାରୀମାନେ ଅଫିସ୍କୁ ଆସିବେ ବୋଲି ସୂଚନା ରହିିଛି । ତେବେ ଅନୁମତିପ୍ରାପ୍ତ କେନ୍ଦ୍ର ଓ ରାଜ୍ୟ ସରକାରୀ କର୍ମଚାରୀ ଅଫିସ୍ ଯିବା ପ୍ରସଙ୍ଗରେ ଟୁଇଟ୍ କରି ସୂଚନା ଦେଇଛନ୍ତି ପୋଲିସ୍ କମିଶନର ସୁଧାଂଶୁ ଷଡଙ୍ଗୀ। କେନ୍ଦ୍ରୀୟ କର୍ମଚାରୀ ଆଇଡେଣ୍ଟି କାର୍ଡ ଦେଖାଇ ଅଫିସ୍ ଯାଇପାରିବେ। ଗାଡି ପାଇଁ କୌଣସି ପାସ୍ ଦେଖାଇବାକୁ ପଡିବ ନାହିଁ। ରାଜ୍ୟ ସରକାରଙ୍କ କର୍ମଚାରୀ ଆଇଡେଣ୍ଟି କାର୍ଡ, ଅନୁମତି ପତ୍ର ଦେଖାଇବେ। ରାଜ୍ୟ ସରକାରଙ୍କ କର୍ମଚାରୀଙ୍କ ପାଇଁ ମଧ୍ୟ ଗାଡି ପାସ୍ ଦରକାର ନାହିଁ। କଣ୍ଟେନେମଣ୍ଟ ଜୋନ୍ରେ କିଛି କୋହଳ କରାଯାଇନାହିଁ ।
ନୂଆଦିଲ୍ଲୀ: ଲକ୍ଡାଉନ୍ରେ ଫସିଥିବା ଶ୍ରମିକମାନେ କାଲିଠାରୁ କାମ କରିପାରିବେ । ଶ୍ରମିକଙ୍କ ପାଇଁ କେନ୍ଦ୍ର ସରକାର ଏସ୍ଓପି । କାଲିଠୁ ରାଜ୍ୟ ଭିତରେ ସାମାଜିକ ଦୂରତ୍ବ ରଖି କାମ କରିପାରିବେ ଶ୍ରମିକ । ତେବେ ବାହାର ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳକୁ ଯାଇପାରିବେନି ଶ୍ରମିକ । ଯିଏ ଯେଉଁ ରାଜ୍ୟରେ ଅଛନ୍ତି, ସେହି ରାଜ୍ୟର କାମ କରିପାରିବେ ଶ୍ରମିକ । ଶିଳ୍ପ, ନିର୍ମାଣ, ଚାଷ ଓ ମନରେଗା କାମ ଆଦି କରିପାରିବେ ଶ୍ରମିକ । ଶ୍ରମିକଙ୍କୁ ଆଶ୍ରୟସ୍ଥଳ ଓ ରିଲିଫ୍ କ୍ୟାମ୍ପ୍ରେ ରହିବା ବ୍ୟବସ୍ଥା କରାଯିବ । ଶ୍ରମିକମାନେ ଯିବା ଆସିବା କରୁଥିବା ବସ୍ଗୁଡିକ ସାନିଟାଇଜ୍ କରାଯିବ । ସ୍ଥାନୀୟ ପ୍ରଶାସନ ଶ୍ରମିକଙ୍କ ପାଇଁ ଖାଦ୍ୟ ଓ ପାନୀୟ ବ୍ୟବସ୍ଥା କରିବେ ବୋଲି ନିର୍ଦ୍ଦେଶ ଦିଆଯାଇଛି ।
ହାଇଦ୍ରାବାଦ : ତେଲୁଗୁ ସୁପରଷ୍ଟାର ମହେଶ ବାବୁଙ୍କ ବିପକ୍ଷରେ ନଜର ଆସିବାକୁ ଯାଉଛନ୍ତି ବଲିଉଡ ଅଭିନେତ୍ରୀ ଶ୍ରଦ୍ଧା କପୁର । ବ୍ଲକ୍ବଷ୍ଟର ଫିଲ୍ମ ‘ଗୀତା ଗୋବିନ୍ଦମ୍’ ନିର୍ଦ୍ଦେଶକ ପର୍ଶୁରାମଙ୍କ ନିର୍ଦ୍ଦେଶିତ ଏହି ଫିଲ୍ମରେ ମହେଶ ଏବଂ ଶ୍ରଦ୍ଧା ନଜର ଆସିବାକୁ ଯାଉଛନ୍ତି । ସେହିପରି ଦୁଇ ନାୟିକା ବିଶିଷ୍ଟ ଏହି ଫିଲ୍ମରେ ଜାତୀୟ ପୁରସ୍କାରପ୍ରାପ୍ତ କୀର୍ତ୍ତି ସୁରେଶ ଦ୍ବିତୀୟ ନାୟିକା ଭୂମିକାରେ ନଜର ଆସିବାକୁ ଯାଉଛନ୍ତି । ମହେଶଙ୍କ ଶେଷ ଫିଲ୍ମ ସରେଲୀରୁ ନିକେଏଭରୁ ବ୍ଲକ୍ବଷ୍ଟର ହୋଇଥିଲା । ଅପର ପକ୍ଷରେ ଶ୍ରଦ୍ଧାଙ୍କ ଡେବ୍ୟୁ ତେଲୁଗୁ ଫିଲ୍ମ ସାହୋ ବକ୍ସ ଅଫିସ୍ରେ ପିଟି ହୋଇ ଯାଇଥିଲା । ଏହି ଫିଲ୍ମକୁ ଆନୁଷ୍ଠାନିକ ଭାବରେ ଘୋଷଣା କରାଯାଇନଥିଲେ ମଧ୍ୟ ପର୍ଶୁରାମ ଏହି ଫିଲ୍ମ ସମ୍ପର୍କରେ ସୂଚନା ଦେଇଛନ୍ତି । (ଏଜେନ୍ସି)
କେନ୍ଦୁଝର: ଛଅ ବର୍ଷର ଝିଅକୁ ଦୁଷ୍କର୍ମ ପରେ ହତ୍ୟା ଅଭିଯୋଗ ହୋଇଛି। ବାମେବାରୀ ଥାନା ଅଞ୍ଚଳରୁ ଶବ ମିଳିବା ପରେ ଘଟଣା ପଦାକୁ ଆସିଛି। ଜଙ୍ଗଲରେ ଦୁଷ୍କର୍ମ କରାଯାଇ ହତ୍ୟା କରାଯଶଇଛି। ପଡୋଶୀ ନାବାଳକ ଜଣକ ନାବଳିକାକୁ ଦୁଷ୍କର୍ମ ପରେ ହତ୍ୟା କରିଥିବା ଅଭିଯୋଗ ହୋଇଛି। ଦୁଷ୍କର୍ମ ପରେ କାଠ ଫାଳିଆରେ ପିଟି ମାରି ଦେଇଥିବାର ସୂଚନା ରହିଛି। ମାରି ସାରିବା ପରେ ଗାଁ ପାଖ ଜଙ୍ଗଲରେ ମୃତଦେହକୁ ଫିଙ୍ଗି ଦେଇଥିବା ସୂଚନା ରହିଛି। ଜଙ୍ଗଲରୁ ମୃତଦେହ ମିଳିବା ପରେ ପୋଲିସ୍ ଏହାକୁ ନେଇ ତନାଘନା ଆରମ୍ଭ କରିଥିବାବେଳେ ଅଭିଯୁକ୍ତ ନାବାଳକୁ ଥାନାରେ ଅଟକ ରଖି ପଚରାଉଚୁରା କରୁଛି।
ଭୁବନେଶ୍ବର : କଟକ- ଭୁବନେଶ୍ୱରରେ ପୂର୍ବଭଳି ଜାରି ରହିବ ଲକଡାଉନ କଟକଣା । ଏ ନେଇ ସୂଚନା ଦେଇଛନ୍ତି ରାଜ୍ୟ ମୁଖ୍ୟ ଶାସନ ସଚିବ ଅସିତ ତ୍ରିପାଠୀ । କରୋନା ସଂକ୍ରମଣ ରୋକିବା ଲାଗି ରାଜଧାନୀ ଭୁବନେଶ୍ୱରରେ କଟକଣା ପୂର୍ବଭଳି ବଳବତ୍ତର ରହିବ । ପରବର୍ତ୍ତୀ ସମୟରେ ପରିସ୍ଥିତିରେ ସମୀକ୍ଷା କରିବା ପରେ ପରବର୍ତ୍ତୀ ନିଷ୍ପତି ନିଆଯିବ ବୋଲି ଭୁବନେଶ୍ୱର ମହାନଗର ନିଗମ ପକ୍ଷରୁ ମଧ୍ୟ ସୂଚନା ଦିଆଯାଇ କୁହାଯାଇଛି । ମୁଖ୍ୟ ସଚିବ ଅସିତ କୁମାର ତ୍ରିପାଠୀ ଟ୍ବିଟ୍ ଜରିଆରେ କହିଛନ୍ତି ଯେ, କୃଷି କାର୍ଯ୍ୟକୁ ଖୁବ୍ ସାବଧାନତାର ସହ ଆରମ୍ଭ କରାଯାଉଛି । କିନ୍ତୁ କଟକ ଓ ଭୁବନେଶ୍ୱରରେ ବେଶି କିଛି ବଦଳିବ ନାହିଁ । କଟକଣା ପୂର୍ବଭଳି ଜାରି ରହିବ। ସେଥି ପାଇଁ ଲୋକେ ଦୟାକରି ଘରେ ରୁହନ୍ତୁ ଏବଂ ନିରାପଦରେ ରୁହନ୍ତୁ ବୋଲି ମୁଖ୍ୟ ଶାସନ ସଚିବ ଟ୍ବିଟ୍ କରିଛନ୍ତି ।
ନୂଆଦିଲ୍ଲୀ : ଭାରତୀୟ କ୍ରିକେଟ୍ କିମ୍ବଦନ୍ତୀ ସଚିନ୍ ତେନ୍ଦୁଲକରଙ୍କ ପ୍ରଶଂସାରେ ଶତମୁଖ ହୋଇଛନ୍ତି ପୂର୍ବତନ ଅଷ୍ଟ୍ରେଲୀୟ ଫାଷ୍ଟ ବୋଲର ଜାସନ୍ ଗିଲେସ୍ପୀ । ଉଭୟ ଲାରା ଏବଂ ତେନ୍ଦୁଲକର କ୍ରିକେଟ୍ର ମହାନତମ ବ୍ୟାଟ୍ସମ୍ୟାନ୍ । ଉଭୟ ବ୍ୟାଟ୍ସମ୍ୟାନ୍ଙ୍କୁ ଆଉଟ୍ କରିବା କଷ୍ଟସାଧ୍ୟ ମାତ୍ର ଲାରାଙ୍କୁ ଆଉଟ୍ କରିବା ଅପେକ୍ଷାକୃତ ସହଜ । ଉଭୟ ଖେଳାଳିଙ୍କ ମଧ୍ୟରେ ସଚିନ୍ଙ୍କ ଡିଫେନ୍ସ ଅଧିକ ଶକ୍ତିଶାଳୀ । ଏକାଧିକ ଥର ସଚିନ୍ଙ୍କୁ ଆଉଟ୍ କରିବା କେବଳ କଷ୍ଟସାଧ୍ୟ ହୋଇନଥାଏ ବରଂ ଅସମ୍ଭବ ପ୍ରତୀୟମାନ ହୋଇଥାଏ । ଉଭୟଙ୍କ ଖେଳାଳିଙ୍କ ମଧ୍ୟରେ ଆଲୋଚନା କରିବା ପାଇଁ ସୁଯୋଗ ମିଳିଥିବାରୁ ଫ୍ୟାନ୍ ମାନଙ୍କୁ ଧନ୍ୟବାଦ ଜ୍ଞାପନ କରିଥିଲେ । (ଏଜେନ୍ସି)
ଗୋଆ : ପ୍ରଥମ ରାଜ୍ୟ ଭାବେ କରୋନାରୁ ମୁକ୍ତ ହେଲା ଗୋଆ । ରାଜ୍ୟରେ ଏବେ କରୋନାର ଜଣେ ବି ପଜିଟିଭ୍ ନାହିଁ। ରାଜ୍ୟର ସ୍ବାସ୍ଥ୍ୟ ମନ୍ତ୍ରୀ ବିଶ୍ବଜିତ୍ ରାଣେ ଏହା ସମ୍ପର୍କରେ ସୂଚନା ଦେଇଛନ୍ତି । ସେ ଏହି ଅବସରରେ କହିଛନ୍ତି ଯେ, ଏବେ ଶୂନ୍ୟ ବାସ୍ତବରେ ବହୁତ ମୂଲ୍ୟବାନ । ଗୋଆରେ ରହିଥିବା ସମସ୍ତ କୋଭିଡ୍ ପଜିଟିଭ୍ ମାମଲା ଏବେ ନେଗେଟିଭ୍ ରହିଛି । ଗୋଆରେ ମାତ୍ର 7ଟି କେସ୍ ରହିଥିଲା । ସେହିପରି ମୁଖ୍ୟମନ୍ତ୍ରୀ ପ୍ରମୋଦ ସାଓ୍ବନ୍ତ ଏଥିପାଇଁ ଖୁସି ବ୍ୟକ୍ତ କରିବା ସହିତ କହିଛନ୍ତି ଯେ, ତିନି ମେ’ ପର୍ଯ୍ୟନ୍ତ ରାଜ୍ୟରେ ଲକ୍ ଡାଉନ୍ ଜାରି ରହିବ । କେନ୍ଦ୍ର ଗାଇଡ୍ ଲାଇନ୍ ଅନୁସାରେ କିଛି କ୍ଷେତ୍ର ପାଇଁ ରିହାତି ଦିଆଯିବ । ଗୋଆରେ ଏପ୍ରିଲ୍ 3 ତାରିଖ ପରଠାରୁ ଗୋଆରେ କରୋନା ଜନିତ କୌଣସି ନୂତନ ମାମଲା ଆସିନାହିଁ । ମାର୍ଚ୍ଚ 18 ତାରିଖରେ…
ରଞ୍ଜିତ୍ ପଣ୍ଡା କୁଜଙ୍ଗ: ବିଶ୍ବ ମହାମାରୀ ରୂପ ନେଇଥିବା କରେନାକୁ ଦେଶରେ ସ୍ଥିତି ବେଶ୍ ଉଦ୍ବେଗଜନକ ରହିଛି। କରୋନା ଯୋଗୁଁ ଲକଡାଉନରେ ରକ୍ତ ଭଣ୍ଡାରରେ ରକ୍ତର ଘୋର ଅଭାବ ଦେଖାଦେଇଛି। ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକଙ୍କ ଆହ୍ୱାନରେ ଜଗତସିଂହପୁର ଓ ତିର୍ତ୍ତୋଲ ବିଜୁ ଜନତା ଦଳ ପକ୍ଷରୁ ଜୀବନବିନ୍ଦୁ କାର୍ଯ୍ୟକ୍ରମରେ ରକ୍ତ ଦାନ କାର୍ଯ୍ୟକ୍ରମ ହୋଇଛି। ଏହି କରୋନା ମହାମାରୀ ସମୟରେ ସାରା ରାଜ୍ୟରେ ଦେଖା ଦେଇଥିବା ରକ୍ତର ଅଭାବ ପାଇଁ ମାନ୍ୟବର ମୁଖ୍ୟମନ୍ତ୍ରୀ ଦେଇଥିବା ନିର୍ଦ୍ଦେଶକୁ ସୁଚାରୁ ରୂପେ ତୁଲାଉଥିବାରୁ ଜଗତସିଂହପୁର ବିଧାୟକ ପ୍ରଶାନ୍ତ ମୁଦୁଲି ଓ ତିର୍ତ୍ତୋଲ ବିଧାୟକ ତଥା ବରିଷ୍ଠ ନେତା ବିଷ୍ଣୁ ଦାସଙ୍କୁ ରାଜ୍ୟସଭା ସାଂସଦ ଡ଼ା. ଅମର ପଟ୍ଟନାୟକ ଧନ୍ୟବାଦ ଦେଇଛନ୍ତି। ଜଗତସିଂହପୁରର ଛାତ୍ର ନେତା ତଥା ତିର୍ତ୍ତୋଲ ବିଧାୟକ ବିଷ୍ଣୁ ଦାସଙ୍କ ସୁପୁତ୍ର ବିଜୟ ଶଙ୍କର ଦାସ ଏବଂ ଯୁବ ଜନତା ଦଳ ସମ୍ପାଦକ ରଶ୍ମି ରଞ୍ଜନ ଚୌଧୁରୀଙ୍କ ସଚେତନତା ରୋଲ୍ ମଡେଲକୁ…
ସୀତାରାମ ଅଗ୍ରଓ୍ବାଲ ବାଣପୁର: ବାଣପୁର ଅନ୍ତର୍ଗତ ଝିଣ୍ଟିକାପଲ୍ଲୀ ଗ୍ରାମରେ ଦେଶୀ ମଦ ଏବଂ ଅସ୍ତ୍ର ଶସ୍ତ୍ର ସହିତ ଜଣେ ଯୁବକଙ୍କୁ ଗିରଫ କରାଯାଇଛି। ଝିଣ୍ଟିକାପଲ୍ଲୀ ଗ୍ରାମର ଗଙ୍ଗାଧର ପରିଡାଙ୍କୁ ପୋଲିସ୍ ଗିରଫ କରିବା ସହିତ ୪୦ ଲିଟର ଦେଶୀ ମଦ ଜବତ କରିଛି। ଲକ୍ଡାଉନ୍ ସମୟରେ ଦେଶୀ ଚୋରାମଦ ବ୍ୟବସାୟକୁ ରୋକିବାରେ ବାଣପୁର ପୋଲିସକୁ ବଡ ସଫଳତା ମିଳିଛି। ଏହା ସହିତ ଗଙ୍ଗାଧରଙ୍କ ଘର ଉପରେ ଚଢାଉ କରି ପୋଲିସ୍ ଏକ ଦେଶୀ ବନ୍ଧୁକ ଏବଂ ବୋମା ଜବତ କରିଥିଲା। ଏକ ବିଶ୍ବସ୍ତ ସୂତ୍ରରୁ ସୂଚନା ପାଇ ବାଣପୁର ପୋଲିସ୍ ଚଢାଉ କରି ୪୦ ଲିଟର ଦେଶୀ ମଦ ସହିତ ଅରବିନ୍ଦଙ୍କୁ ଗିରଫ କରିଥିଲା। ପରବର୍ତ୍ତୀ ସମୟରେ ଅରବିନ୍ଦଙ୍କ ଘର ଉପରେ ଚଢାଉ କରି ଗୋଟିଏ ଦେଶୀ ବନ୍ଧୁକ, ଗୁଳି ତିଆରି ବାରୁଦ ଏବଂ ବୋମା ତିଆରି କରିବା ସାମଗ୍ରୀ ଜବତ କରିଥିଲା ପୋଲିସ୍। ବାଣପୁର ପୋଲିସ୍ ପକ୍ଷରୁ ଆଇଆଇସି ସଞ୍ଜୟ…
କୋରାପୁଟ, ଆଜି କୋରାପୁଟ ଆକାଶରେ ଦେଖିବାକୁ ମିଳିଛି ଏକ ବିରଳ ଦୃଶ୍ୟ। ଯାହା ସେଠାକାର ବାସିନ୍ଦାଙ୍କୁ କରି ଦେଇଛି ଆଶ୍ଚର୍ଯ୍ୟ। ରବିବାର ଠିକ ମଧ୍ୟାହ୍ନ 12ଟା ବେଳେ ଆରମ୍ଭ ହୋଇଥିଲା ଏହି ଦୃଶ୍ୟ। କୋରାପୁଟ ଆକାଶ ମେଘାଛନ୍ନ ଥିବା ବେଳେ ଝାପସା ସୂର୍ଯ୍ୟଙ୍କ ଚାରିପଟେ ଦେଖିବାକୁ ମିଳିଥିଲା ଏକ ବିରାଟ ଇନ୍ଦ୍ରଧନୁ। ଲାଗୁଥିବା ସତେ ଯେପରି ସୂର୍ଯ୍ୟଙ୍କ ଚାରିପଟେ ରହିଛି ଏକ ସୁରକ୍ଷା ବଳୟ। ଠିକ୍ ମଧ୍ୟାହ୍ନ 12 ଟାରେ ଏହି ବିରଳ ଦୃଶ୍ୟ ଆରମ୍ଭ ହେଲା ଏବଂ 12 ଟା 7 ବେଳକୁ ପୁରା ସ୍ପଷ୍ଟ ପ୍ରତିୟମାନ ହେଲା। ଏହିପରି ଦୃଶ୍ୟ ପ୍ରାୟ 15 ମିନଟ ଧରି ସ୍ପଷ୍ଟ ଭାବେ ପରିଲକ୍ଷିତ ହୋଇଥିଲା। ଏହାପରେ ଧିରେ ଧିରେ ତାହା ଲିଭି ଯାଇଥିଲା। ସାଧାରଣତଃ ମଧ୍ୟାହ୍ନ ବେଳେ ସୂର୍ଯ୍ୟ ପ୍ରାୟତଃ ମୁଣ୍ଡ ଉପରେ ଥାଆନ୍ତି ଏବଂ ଏହି ସମୟରେ ଲୋକମାନଙ୍କର ଚଳପ୍ରଚଳ ବେଶୀ ହୋଇଥାଏ। ହେଲେ ଲକ ଡାଉନ ଯୋଗୁଁ ଲୋକେ…
ନୂଆଦିଲ୍ଲୀ : ଭାରତୀୟ ପେସ୍ ବୋଲର ଆଶିଷ ନେହେରା ଇମ୍ରାନ୍ ଖାନ୍ଙ୍କୁ ନେଇ ଏକ ବିବାଦୀୟ ବୟାନ ଦେଇଛନ୍ତି । 2004 ଗସ୍ତ ସମୟରେ ଲକ୍ଷ୍ମୀପତି ବାଲାଜୀ ଇମ୍ରାନ୍ ଖାନ୍ଙ୍କ ଠାରୁ ଅଧିକ ଲୋକପ୍ରିୟ ଥିଲେ ବୋଲି ନେହେରା ମତ ଦେଇଛନ୍ତି । 2004ର ଏହି ଗସ୍ତ ପରେ ବାଲାଜୀ ଲୋକପ୍ରିୟତା ହାସଲ କରିଥିଲେ । ଏହି ଗସ୍ତରେ ଭାରତ ଉଭୟ ଟେଷ୍ଟ ଏବଂ ଦିନିକିଆ ସିରିଜ୍ରେ ବିଜୟୀ ହୋଇଥିଲା । ଟେଷ୍ଟ ସିରିଜ୍ରେ ବାଲାଜୀ 12ଟି ଓ୍ବିକେଟ୍ ଅକ୍ତିଆର କରିଥିବା ବେଳେ ଦିନିକିଆରେ ତିନି ମ୍ୟାଚ୍ରେ 45 ରନ୍ ସଂଗ୍ରହ କରିଥିଲେ । ବ୍ୟାଟିଂରେ ବାଲାଜୀ ସୋଏବ୍ ଅଖ୍ତରଙ୍କୁ ଏକ ଛକ୍କା ମଧ୍ୟ ମାରିଥିଲେ । ଏହି ଗସ୍ତ ସମୟରେ ଉଭୟ ରାଷ୍ଟ୍ରର ଗଣମାଧ୍ୟମ ବାଲାଜୀଙ୍କୁ ପ୍ରଶଂସା କରିଥିଲେ । ଏହି ସମୟରେ ବାଲାଜୀ, ବର୍ତ୍ତମାନର ପାକ୍ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କ ତୁଳନାରେ ଅଧିକ ଲୋକପ୍ରିୟ ରହିଥିଲେ ବୋଲି ନେହେରା…
ନୂଆଦିଲ୍ଲୀ : କରୋନା ପ୍ରଭାବରେ ଜଣେ 45 ଦିନର ଶିଶୁ ପ୍ରାଣ ହରାଇଥିବା ବେଳେ ଶିଶୁ ସଂସ୍ପର୍ଶରେ ଆସିଥିବା 30 ଜଣ ବ୍ୟକ୍ତିଙ୍କୁ କ୍ବାରାଣ୍ଟାଇନ୍ରେ ରଖାଯାଇଛି । ଦିଲ୍ଲୀ ସ୍ଥିତ ଲେଡି ହର୍ଡିଂ ହସ୍ପିଟାଲରେ ଏହି ଘଟଣା ଘଟିଛି । ଏହି ଘଟଣାରେ ଅନ୍ୟ 6 ଜଣ ସ୍ବାସ୍ଥ୍ୟ କର୍ମୀ କରୋନା ଆକ୍ରାନ୍ତ ହୋଇଥିବା ବେଳେ ଶିଶୁ ସଂସ୍ପର୍ଷରେ ଆସିଥିବା 30 ଜଣଙ୍କୁ କ୍ବାରାଣ୍ଟାଇନ୍ରେ ରଖାଯାଇଛି । ଏହା ସହିତ ଏହି ଦେଶର ସର୍ବକନିଷ୍ଠ କରୋନା ଆକ୍ରାନ୍ତ ଭାବରେ ଏହି ଶିଶୁଟି ପ୍ରାଣ ହରାଇଛି । ଶିଶୁଟିର ଚିକିତ୍ସା କରିଥିବା 2 ଡାକ୍ତର ଏବଂ 3 ଜଣ ନର୍ସ ମଧ୍ୟ କରୋନାରେ ଆକ୍ରାନ୍ତ ହୋଇଛନ୍ତି । (ଏଜେନ୍ସି)
ଭୁବନେଶ୍ବର : ବିଭିନ୍ନ ରାଜ୍ୟରେ ଅବସ୍ଥାନ କରୁଥିବା ପ୍ରବାସୀ ଓଡିଆଙ୍କ ଉଦ୍ଦେଶ୍ୟରେ ଏକ ଭିଡିଓ ବାର୍ତ୍ତା ପ୍ରଦାନ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏହି ଭିଡିଓ ପ୍ରାରମ୍ଭରେ ନବୀନ କରୋନା ଆକ୍ରାନ୍ତଙ୍କ ସଂଖ୍ୟା ଓ ଏହାର ଭୟାବହତା ସମ୍ପର୍କରେ ପ୍ରକାଶ କରିବା ସହିତ ଜନସାଧାରଣଙ୍କୁ ଧନ୍ୟବାଦ ଜ୍ଞାପନ କରିଥିଲେ । ଅନ୍ୟ ରାଜ୍ୟର ପ୍ରାୟ 1 ଲକ୍ଷ ଲୋକ ଓଡିଶାରେ ରହିଥିବା ବେଳେ ଓଡିଶା ସରକାର ସେମାନଙ୍କର ଉପଯୁକ୍ତ ଯତ୍ନ ନେଉଛନ୍ତି । ସେହିପରି ଭାବରେ ରାଜ୍ୟର ଲକ୍ଷ ଲକ୍ଷ ଶ୍ରମିକ, ଛାତ୍ରଛାତ୍ରୀ ଏବଂ ତୀର୍ଥଯାତ୍ରୀ ଲକ୍ଡାଉନ୍ କାରଣରୁ ଅନ୍ୟ ରାଜ୍ୟ ମାନଙ୍କରେ ଫସି ରହିଛନ୍ତି । ଅନ୍ୟ ରାଜ୍ୟ ମାନଙ୍କର ପ୍ରଚେଷ୍ଟା ସତ୍ତ୍ବେ ମଧ୍ୟ ଶ୍ରମିକ ମାନଙ୍କର ଜୀବନ ସ୍ବାଭାବିକ ହୋଇନାହିଁ । କଟକଣା ଉଠିବା ପରେ କେନ୍ଦ୍ର ସରକାରଙ୍କ ସହିତ ଆଲୋଚନା କରାଯାଇ ଶ୍ରମିକ ମାନଙ୍କୁ ଫେରାଇ ଅଣାଯିବ । ଅନ୍ୟ ରାଜ୍ୟରୁ ଫେରିବାକୁ ପଞ୍ଚାୟତରେ ପଞ୍ଜୀକରଣ…
ନୂଆଦିଲ୍ଲୀ : କରୋନା ପ୍ରଭାବରେ ବିଭିନ୍ନ ବ୍ୟବସାୟ ଗଭୀର ଭାବରେ ପ୍ରଭାବିତ ହୋଇଥିବା ବେଳେ ଦୁଗ୍ଧ ବ୍ୟବସାୟ ମଧ୍ୟ ଗଭୀର ଭାବରେ ପ୍ରଭାବିତ ହୋଇଛି । ବିଗତ ଏକ ମାସ ମଧ୍ୟରେ ଦୁଗ୍ଧ ବ୍ୟବସାୟରେ ପ୍ରାୟ 8.8 ପ୍ରତିଶତର ହ୍ରାସ ଘଟିଛି । ଜାତୀୟ ଦୁଗ୍ଧଜାତ ଦ୍ରବ୍ୟ ବୋର୍ଡ (ଏନ୍ଡିଡିବି) ପକ୍ଷରୁ ଏହି ସୂଚନା ଦିଆଯାଇଛି । ମାର୍ଚ୍ଚ 16ରୁ ଏପ୍ରିଲ୍ 12 ମଧ୍ୟରେ ଦୁଗ୍ଧ ଏବଂ ଦୁଗ୍ଧଜାତ ପଦାର୍ଥ ବିକ୍ରି ହ୍ରାସ ପାଇଥିବା ଜଣାପଡିଛି । ଏନ୍ଡିଡିବିର ଚେୟାରମ୍ୟାନ୍ ଦିଲ୍ଲୀପ ରଥ ଏହି ସୂଚନା ପ୍ରଦାନ କରିଛନ୍ତି । କରୋନା କାରଣରୁ ଦେଶବ୍ୟାପୀ ଲକ୍ଡାଉନ୍ କାରଣରୁ ବ୍ୟବସାୟରେ ହ୍ରାସ ଘଟିଥିଲେ ମଧ୍ୟ ଏହା ନିରାଶାଜନକ ନୁହେଁ ବୋଲି ରଥ ପ୍ରକାଶ କରିଛନ୍ତି । କରୋନା ପରେ ଦୁଗ୍ଧ ବ୍ୟବସାୟ ପୁନର୍ବାର ଟ୍ରାକ୍କୁ ଫେରିବ ବୋଲି ମଧ୍ୟ ସେ ପ୍ରକାଶ କରିଛନ୍ତି ।
ନୂଆଦିଲ୍ଲୀ : କରୋନା ଦ୍ବାରା ପେନ୍ସନ୍ ଧାରକ ପ୍ରଭାବିତ ହେବେନାହିଁ ବୋଲି କୁହାଯାଇଛି । କରୋନା କାରଣରୁ ସୃଷ୍ଟି ହୋଇଥିବା ଅର୍ଥନୈତିକ ସଂକଟର ମୁକାବିଲା ପାଇଁ ଅବସରପ୍ରାପ୍ତ କର୍ମଚାରୀଙ୍କ ପେନସନ ହ୍ରାସ କରାଯିବ ବୋଲି ଗୁଜବ ସୃଷ୍ଟି ହେବା ପରେ କେନ୍ଦ୍ର ସରକାରଙ୍କ ପକ୍ଷରୁ ଏ ନେଇ ସ୍ପଷ୍ଟୀକରଣ ପ୍ରଦାନ କରାଯାଇଛି । ଏ ସମ୍ପର୍କରେ କାର୍ମିକ ମନ୍ତ୍ରଣାଳୟର ପେନସନ ଓ ପେନସନଭୋଗୀ କଲ୍ୟାଣ ବିଭାଗ ପକ୍ଷରୁ କୁହାଯାଇଛି ଯେ କରୋନା ମହାମାରୀ କାଳରେ ନାନା ପ୍ରକାର ଗୁଜବ ପ୍ରଚାରିତ ହେଉଛି । ପେନସନ ବନ୍ଦ ଓ ହ୍ରାସ ନେଇ ଏମିତି କିଛି ଗୁଜବ ପ୍ରଚାରିତ ହେବା ଫଳରେ ଏହା ପେନସନଭୋଗୀଙ୍କ ଚିନ୍ତା ବଢ଼ାଇଛି । ତେବେ ଏହା ଏକ ଗୁଜବ ଏବଂ ଏଥିରେ କୌଣସି ସତ୍ୟତା ନାହିଁ । ସରକାରଙ୍କର ପେନସନ ହ୍ରାସ କିମ୍ବା ବନ୍ଦ କରିବାର କୌଣସି ପ୍ରସ୍ତାବ ନାହିଁ ଏବଂ ଏପରି ଗୁଜବରେ ବିଶ୍ୱାସ ନ କରିବାକୁ…
ନୂଆଦିଲ୍ଲୀ : ଲକ୍ଡାଉନ୍ କାରଣରୁ ବିମାନ ଚଳାଚଳ ବାତିଲ ରହିଥିବା ବେଳେ ବର୍ତ୍ତମାନ ଘରୋଇ ବିମାନ ଚଳାଚଳ ନେଇ କୌଣସି ନିଷ୍ପତ୍ତି ନିଆଯାଇନଥିବା ନେଇ ସରକାରଙ୍କ ପକ୍ଷରୁ କୁହାଯାଇଛି । ରବିବାର ବିଭିନ୍ନ ବିମାନ ଚଳାଚଳ କମ୍ପାନୀ ପକ୍ଷରୁ ଟିକଟ ବୁକିଂ ଆରମ୍ଭ କରାଯାଇଥିଲା । ଏହାକୁ ନେଇ ସାଧାରଣ ଲୋକ ସନ୍ଦିହାନ ରହିଥିବା ବେଳେ କେନ୍ଦ୍ର ସରକାରଙ୍କ ବେସାମରିକ ବିମାନ ଚଳାଚଳ ପକ୍ଷରୁ ସ୍ପଷ୍ଟୀକରଣ ପ୍ରଦାନ କରାଯାଇଛି । ଲକ୍ଡାଉନ୍ ସମାପ୍ତ ହୋଇନଥିବାରୁ ଏସମ୍ପର୍କରେ କୌଣସି ଘୋଷଣା କରାଯାଇନାହିଁ ଏବଂ ଖୁବ୍ ଶୀଘ୍ର ଏ ସମ୍ପର୍କରେ ଘୋଷଣା କରାଯିବ ବୋଲି ଜଣାପଡିଛି । (ଏଜେନ୍ସି)
ଭୁବନେଶ୍ବର : ବିଭିନ୍ନ ପଡୋଶୀ ରାଜ୍ୟରେ ଅଟକି ରହିଥିବା ଓଡିଆଙ୍କୁ ଆଜି ସମ୍ବର୍ଦ୍ଧିତ କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଆଜି ଅପରାହ୍ନ 4.30 ମିନିଟ୍ରେ ପ୍ରବାସୀ ଓଡିଆଙ୍କ ଉଦ୍ଦେଶ୍ୟରେ ଏକ ବାର୍ତ୍ତା ପ୍ରଦାନ କରିବେ । ଲକ୍ଡାଉନ୍ ସମୟରେ ପ୍ରବାସୀ ଓଡିଆ ମାନେ କଷ୍ଟରେ ରହିଥିବାରୁ ସେମାନଙ୍କ ଉଦ୍ଦେଶ୍ୟରେ ନବୀନ ଏହି ବାର୍ତ୍ତା ପ୍ରଦାନ କରିବେ । ଉଲ୍ଳେଖଯୋଗ୍ୟ ଯେ, ରାଜ୍ୟରେ ବର୍ତ୍ତମାନ ସୁଦ୍ଧା 61 ଜଣ କରୋନା ଆକ୍ରାନ୍ତଙ୍କୁ ଚିହ୍ନଟ କରାଯାଇଥିବା ବେଳେ ତନ୍ମଧ୍ୟରୁ 24 ଜଣ ସୁସ୍ଥ ହୋଇ ସାରିଛନ୍ତି ।
ଭୁବନେଶ୍ବର, ବର୍ତ୍ତମାନ ଲକଡାଉନ ଯୋଗୁଁ ଚାରିଆଡେ ହୋଟେଲ ରେଷ୍ଟୁରାଣ୍ଟ ବନ୍ଦ ହୋଇ ପଡିଛି। ଏପରି କ୍ଷେତ୍ରରେ ବୁଲା ଗାଈଗୋରୁଙ୍କ ଖାଦ୍ୟ ସମସ୍ୟା ଜଟିଳ ହୋଇପଡିଛି। ଏହି ସମସ୍ୟାକୁ ଦୂର କରିବା ପାଇଁ ବିଏମସି ତରଫରୁ ପଦକ୍ଷେପ ନିଆଯାଇଛି। ସେହିପରି ପିପୁଲ ଫର ଆନିମଲ ତରଫରୁ ମଧ୍ୟ ରାଜଧାନୀର ବିଭିନ୍ନ ସ୍ଥାନରେ ଗୋଖାଦ୍ୟ ପ୍ରଦାନ କରାଯାଉଛି।