Author: Samikhsya Bureau
ସମୀକ୍ଷା ବ୍ୟୁରୋ ଦୁଇ ଦିନିଆ ଓଡିଶା ଗସ୍ତରେ ଆସୁଥିବା ରାଷ୍ଟ୍ରପତି ରାମନାଥ କୋବିନ୍ଦ ଆସନ୍ତା୨୭ ତାରିଖ ଦିନ ପାଇକ ବିଦ୍ରୋହ ସ୍ମାରକିର ଶିଳାନ୍ୟାସ କରିବା ପାଇଁ ଅନୁରୋଧ କରାଯାଇଛି । ଯଦି ସମ୍ମତି ମିଳେ ତେବେ ତାହା ରାଷ୍ଟ୍ରପଚିଙ୍କ ଦ୍ବାରା ଶିଳା ନ୍ୟାସ କରାଯିବ କହିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ମନ୍ତ୍ରୀ ବରୁଣେଇ ପାଦଦେଶକୁ ଯାଇ ପାଇକ ସ୍ମାରକୀ ପ୍ରସ୍ତାବିତ ସ୍ଥାନ ପରିଦର୍ଶନ କରିବା ଅବସରରେ ଗଣମାଧ୍ୟମକୁ ଏହି ସୂଚନା ଦେଇଛନ୍ତି । କେନ୍ଦ୍ରମନ୍ତ୍ରୀ କହିଛନ୍ତି ଯେ ପାଇକ ବିଦ୍ରୋହର ୨୦୦ ବର୍ଷ ପୂର୍ତି ପାଳନ କରିବା ଅବସରରେ ଏଠାରେ ଗୋଟିଏ ସ୍ମାରକ ନିର୍ମାଣର ପରିକଳ୍ପନା ଭାରତ ସରକାରଙ୍କ ଥିଲା । ଏଥିପାଇଁ ରାଜ୍ୟ ସରକାର ଜାମି ଉପଲବ୍ଧ କରିଛନ୍ତି । ଓଡିଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କେନ୍ଦ୍ର ସଂସ୍କୃତି ମନ୍ତ୍ରୀଙ୍କୁ ପତ୍ର ଲେଖି ପାଇକ ସ୍ମାରକୀ ନିର୍ମାଣ ପାଇଁ ୧୦ ଏକର ଜମି ଉପଲବ୍ଧ କରାଇଥିବା ସୂଚନା ଦେଇଛନ୍ତି ।…
ଆମ ରାଷ୍ଟ୍ରଭାଷା ହିନ୍ଦୀ ପ୍ରତି ସମ୍ମାନ, ଭାଷାକୋଷର ସମୃଦ୍ଧି ଓ ଉତ୍ତମ ବ୍ୟବହାର ନିମିତ୍ତ ‘ହିନ୍ଦୀ ଦିବସ’ ପ୍ରତିବର୍ଷ ସେପ୍ଟେମ୍ବର ୧୪ ତାରିଖରେ ପାଳନ କରାଯାଏ । ଡିଏଭି ପୋଖରୀପୁଟରେ ଚଳିତବର୍ଷ ‘ହିନ୍ଦୀ ଦିବସ’ ମହାଆଡମ୍ବରରେ ପାଳିତ ହୋଇଯାଇଛି । ଉକ୍ତ କାର୍ଯ୍ୟକ୍ରମକୁ ପ୍ରଦୀପ ପ୍ରଜ୍ୱଳନ ଉଦ୍ଘାଟନ କରିଥିଲେ ବିଦ୍ୟାଳୟର ନିରୀକ୍ଷକ / ନିରୀକ୍ଷିକା ରଞ୍ଜନ କୁମାର ସ୍ୱାଇଁ, ସ୍ମରଣିକା ପଟ୍ଟନାୟକ, ପି. ଅନୁରାଧା ଓ ସଂଘମିତ୍ରା ଶତପଥୀ। ମାତୃଭାଷା ପରି ରାଷ୍ଟ୍ରଭାଷା ପ୍ରତି ଶ୍ରଦ୍ଧା ଓ ଆନ୍ତରିକତା ରଖିବା ନିମନ୍ତେ ସପ୍ତମ ଶ୍ରେଣୀର ଛାତ୍ରୀ ଚକ୍ଷୁଷା ନିଜର ଅଭିଭାଷଣରେ କହିଥିଲେ । ସପ୍ତମ ଶ୍ରେଣୀର ଛାତ୍ରୀ ସ୍ୱସ୍ତିକା ଓ ଭୂମିକା ଉକ୍ତ କାର୍ଯ୍ୟକ୍ରମକୁ ସଂଯୋଜନା କରିଥିଲେ । ଏହି ଦିବସର ମହତ୍ତ୍ୱ ସମ୍ପର୍କରେ ଚତୁର୍ଥ ଶ୍ରେଣୀର ଛାତ୍ରୀ ପ୍ରାପ୍ତି ମିଶ୍ର ଏକ ଚିତ୍ତାକର୍ଷକ କବିତା ଆବୃତ୍ତି କରିଥିଲେ । ଏହି ଅବସରରେ ବିଦ୍ୟାଳୟ ଭକ୍ତି ସଦନର କ୍ୟାବିନେଟ୍ ସଦସ୍ୟ ତୃତୀୟରୁ…
ହରିୟାଣାର ରାଇ ଖେଳ ବିଶ୍ବବିଦ୍ୟାଳୟର ପ୍ରଥମ କୁଳପତି ହେବେ ଭାରତୀୟ କ୍ରିକେଟ୍ ଦଳର ଅଧିନାୟକ ତଥା କ୍ରିକେଟର କପିଲ୍ ଦେବ । ହରିୟାଣା ଖେଳମନ୍ତ୍ରୀ ଅନିଲ ଭିଜ୍ ଟ୍ୱିଟ କରି ଏହି ସମ୍ବନ୍ଧୀୟ ସୂଚନା ଦେଇଛନ୍ତି । ସୋନିପଥର ରାଇରେ ମୋତିଲାଲ ନେହେରୁ ସ୍କୁଲ ଅଫ ସ୍ପୋଟର୍ସ କ୍ୟାମ୍ପସରେ ଏହି ଖେଳ ବିଶ୍ୱବିଦ୍ୟାଳୟର ସ୍ଥାପନା କରାଯାଇଛି । ମିଳିଥିବା ସୂଚନା ଅନୁସାରେ, ବିଶ୍ବବିଦ୍ୟାଳୟର ଅନ୍ୟ ଷ୍ଟାଫଙ୍କ ନିଯୁକ୍ତି ମଧ୍ୟ ଖୁବଶୀଘ୍ର କରାଯିବ । ନିୟମାନୁସାରେ କୌଣସି ବିଶ୍ବବିଦ୍ୟାଳୟର କୁଳପତିର ପଦ ରାଜ୍ୟର ରାଜ୍ୟପାଳଙ୍କୁ ଦିଆଯାଇଥାଏ, କିନ୍ତୁ ହରିୟାଣାରେ ନିଯୁକ୍ତିକୁ ନେଇ ଆଇନକୁ ପରିବର୍ତ୍ତନ କରାଯାଇଛି ଏବଂ ପ୍ରଥମ ଥର ପାଇଁ ଖେଳ ଦୁନିଆ ସହ ଜଡିତ ଥିବା ଜଣେ ବ୍ୟକ୍ତିକୁ ଏହି ପଦ ପାଇଁ ନିଯୁକ୍ତ କରାଯାଇଛି । କିନ୍ତୁ ରାଜ୍ୟପାଳ ସଂରକ୍ଷକଙ୍କ ଭୂମିକାରେ ରହିବେ । ହରିୟାଣା ସରକାର ଗତ ମୌସୁମୀ ଅଧିବେଶନରେ ପ୍ରଦେଶର ପ୍ରଥମ ଖେଳ ବିଶ୍ୱବିଦ୍ୟାଳୟ ସ୍ଥାପନା…
ସମୀକ୍ଷା ବ୍ୟୁରୋ ଆସନ୍ତା ଗାନ୍ଧି ଜୟନ୍ତୀଠାରୁ ନବୀନ ସରକାର ‘ମୋ ସରକାର’ କାର୍ଯ୍ୟକ୍ରମ ଆରମ୍ଭ କରିବେ । ଏହି ଅବସରରେ ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଆଜି ଲୋକସେବା ଭବନରୁ ରାଜ୍ୟର ସମସ୍ତ ୬୩୫ ଥାନା ଅଧିକାରୀମାନଙ୍କ ସହିତ ଭିଡିଓ କନ୍ଫରେନସିଂ ଜରିଆରେ ମୋ ସରକାର କାର୍ଯ୍ୟକ୍ରମର ଗୁରୁତ୍ବପୂର୍ଣ୍ଣ ଦିଗ ଗୁଡ଼ିକ ସମ୍ପର୍କରେ ଆଲୋଚନା କରିଥିଲେ । ଅକ୍ଟୋବର ଦୁଇ ତାରିଖରୁ ଆରମ୍ଭ ହେବାକୁ ଥିବା ଏହି କାର୍ଯ୍ୟକ୍ରମ ସମ୍ପର୍କରେ ଆଲୋକପାତ କରି ମୁଖ୍ୟମନ୍ତ୍ରୀ କହିଛନ୍ତି ଯେ, ଅକ୍ଟୋବର ୨ଠାରୁ ସେ ନିଜେ ପ୍ରତିଦିନ ଥାନାକୁ ଆସୁଥିବା ବିଭିନ୍ନ ଅଭିଯୋଗକାରୀଙ୍କ ମଧ୍ୟରୁ ୧୦ ଜଣଙ୍କୁ ଫୋନ୍ କରି ସେମାନେ ଥାନାରେ କିପରି ବ୍ୟବହାର ଓ ସେବା ପାଇଲେ, ସେ ବିଷୟରେ ପଚାରି ବୁଝିବେ । ଏହି ଅବସରରେ ମୁଖ୍ୟମନ୍ତ୍ରୀ କହିଛନ୍ତି ଯେ, ଜନସାଧାରଣ ହେଉଛନ୍ତି ପ୍ରକୃତ ସରକାର । ମୋ ସରକାର ହେଉଛି ସେମାନଙ୍କ ସରକାର । ସେମାନଙ୍କ ଅର୍ଥରେ ପ୍ରଶାସନ…
ସମୀକ୍ଷା ବ୍ୟୁରୋ ଆଜି ସାରା ଦେଶ ରେ ହିନ୍ଦୀ ଦିବସ ପାଳିତ ହେଉଛି । ହିନ୍ଦୀ ଭାଷାର ପରିଚୟ କେବଳ ଭାରତରେ ନୁହେଁ ସମଗ୍ର ବିଶ୍ଵରେ ରହିଛି । ପୃଥିବୀର ଅନେକ ଦେଶରେ ହିନ୍ଦୀ ଭାଷୀ ଲୋକ ଅଛନ୍ତି । ଏହି ଭାଷାର ପ୍ରଚାର ନିରନ୍ତର ହେଉଛି । ୧୯୪୭ ସେପ୍ଟେମ୍ବର ୧୪ରେ ହିନ୍ଦୀ ଭାଷାକୁ ରାଷ୍ଟ୍ରୀୟ ଭାଷାର ମାନ୍ୟତା ମିଳିଥିଲା । ସେବେଠାରୁ ସବୁ ବର୍ଷ ଏହି ଦିବସକୁ ହିନ୍ଦୀ ଦିବସ ରୂପେ ପାଳନ କରାଯାଏ , କିନ୍ତୁ ଆପଣ ଜାଣନ୍ତି କି ହିନ୍ଦୀ ଦିବସ କଣ ପାଇଁ ପାଳନ କରାଯାଏ ? ଏହା ପଛରେ ଗୋଟିଏ କାରଣ ରହିଛି । ହିନ୍ଦୀ ଭାରତୀୟ ଗଣରାଜ୍ୟ ଏବଂ ମଧ୍ୟ ଭାରତୀୟ ମାନଙ୍କର ଆର୍ଯ୍ୟ ଭାଷା ଅଟେ । ୨୦୦୧ ଜନଗଣନା ଅନୁସାରେ ପ୍ରାୟ ୨୫.୭୯ କୋଟି ଭାରତୀୟ ହିନ୍ଦୀ କୁ ମାତୃଭାଷା ରୂପେ ବ୍ୟବହାର କରିଥାନ୍ତି । ୪୨.୨୦ କୋଟି…
ଅର୍ଥନୈତିକ ସ୍ଥିତି ନେଇ କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ ଆଜି ଏକ ସାମ୍ବାଦିକ ସମ୍ମିଳନୀରେ ମୁଦ୍ରାସ୍ଫୀତି ନିୟନ୍ତ୍ରଣରେ ରହିଛି ଓ ମୁଦ୍ରାସ୍ଫୀତି ୪ ପ୍ରତିଶତ ତଳେ ରହିଛି ବୋଲି କହିଛନ୍ତି । ସେହିପରି ଶିଳ୍ପଜାତ ଉତ୍ପାଦନରେ ସୁଧାର ଆସିଛି । ଅର୍ଥମନ୍ତ୍ରୀ ପାର୍ସଲ କ୍ରେଡିଟ୍ ଗ୍ୟାରେଣ୍ଟି ସ୍କିମ୍ ଘୋଷଣା କରିବା ସହିତ ଆସନ୍ତା ୧୯ ତାରିଖରେ ସବୁ ପବ୍ଲିକ୍ ସେକ୍ଟର ବ୍ୟାଙ୍କ ମୁଖ୍ୟଙ୍କୁ ନେଇ ବୈଠକ ଅନୁଷ୍ଠିତ ହେବ ବୋଲି କହିଛନ୍ତି ଅର୍ଥମନ୍ତ୍ରୀ । ୨୦୨୦ ଜାନୁଆରୀ ୧ରୁ ନୂଆ ରସ୍ତାନୀ ନିୟମ ଲାଗୁ ହେବ । ବ୍ୟାଙ୍କ ଗୁଡ଼ିକର ବୀମା ଅର୍ଥ ରାଶିକୁ ବାର୍ଷିକ ୧୭ଶହ କୋଟିକୁ ବୃଦ୍ଧି କରାଯିବ । ୨୦୨୦ ସୁଦ୍ଧା ଦେଶରେ ୪ଟି ମେଗା ସପିଂ ଫେଷ୍ଟିଭାଲ୍ ହେବ ବୋଲି ସୂଚନା ଦେଇଛନ୍ତି ଅର୍ଥମନ୍ତ୍ରୀ ନିର୍ଳା ସୀତାରମଣ ।
ସଂସଦର ବିଭିନ୍ନ କମିଟିରେ ଓଡ଼ିଆ ସ୍ଥାନ ପାଇଛନ୍ତି । ଫାଇନାନ୍ସ କମିଟିରେ ପିନାକୀ ମିଶ୍ର ଓ ଅମର ପଟ୍ଟନାୟକ ସ୍ଥାନ ପାଇଥିବା ବେଳେ ବାଣିଜ୍ୟ କମିଟିରେ ଭଦ୍ରକ ସାଂସଦ ମଞ୍ଜୁଲତା ମଣ୍ଡଳ ସ୍ଥାନ ପାଇଛନ୍ତି । ପ୍ରତିରକ୍ଷା କମିଟିରେ ନୀତିଶ ଗଙ୍ଗଦେବ, ରାଜଶ୍ରୀ ମଲ୍ଲିକ ସ୍ଥାନ ପାଇଛନ୍ତି । ସେହିପରି ପରିବହନ, ପର୍ଯ୍ୟଟନ ଓ ସଂସ୍କୃତି କମିଟିରେ ରମେଶ ମାଝି, ପ୍ରସନ୍ନ ଆଚାର୍ଯ୍ୟ, ବୈଦେଶିକ ବ୍ୟାପାର କମିଟିରେ କନ୍ଧମାଳ ସାଂସଦ ଅଚ୍ୟୁତ ସାମନ୍ତ, ମାନବ ସମ୍ବଳ ବିକାଶ କମିଟିରେ ଚନ୍ଦ୍ରାଣୀ ମୁର୍ମୁ, ସସ୍ମିତ ପାତ୍ର ଓ ଓ ଗୃହ ବିଭାଗ କମିଟିରେ ଯାଜପୁର ସାଂସଦ ଶର୍ମିଷ୍ଠା ସେଠୀ ଏବଂ ସାର ଓ ରସାୟନ କମିଟିରେ ବିଶେଶ୍ୱର ଟୁଡ଼ୁ, ରଞ୍ଜୀବ ବିଶ୍ୱଳ ସ୍ଥାନ ପାଇଛନ୍ତି । ଏହା ସହ ଆଇନ ଓ ନ୍ୟାୟ, ସାଧାରଣ ଅଭିଯୋଗ କମିଟିରେ ସୁରେଶ ପୂଜାରୀଙ୍କୁ ସ୍ଥାନ ମିଳିଛି। ସେହିପରି ଖାଦ୍ୟ ଓ ସାଧାରଣ ବଣ୍ଟନ କମିଟିରେ ପ୍ରମିଳା…
ଆସନ୍ତା ଅକ୍ଟୋବର ଦୁଇ ତାରିଖ ଅର୍ଥାତ୍ ଗାନ୍ଧି ଜୟନ୍ତୀଠାରୁ ‘ମୋ ସରକାର’ କାର୍ଯ୍ୟକ୍ରମ ଆରମ୍ଭ ହେବ । ଏଥିପୂର୍ବରୁ ସରକାର ପ୍ରସ୍ତୁତି ଆରମ୍ଭ କରିଛନ୍ତି । ଏନେଇ ଲୋକସେବା ଭବନଠାରେ ମୁଖ୍ୟମନ୍ତ୍ରୀଙ୍କ ଅଧ୍ୟକ୍ଷତାରେ ଏକ ବୈଠକ ଅନୁଷ୍ଠିତ ହୋଇଯାଇଛି । ମୋ ସରକାର’ କାର୍ଯ୍ୟକ୍ରମ ଲାଗୁ ପୂର୍ବରୁ ଭିଡିଓ କନ୍ଫେରନ୍ସି ଜରିଆରେ ୬୩୫ ଥାନା ଆଇଆଇସିଙ୍କୁ ସମ୍ବୋଧିତ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏହି ଅବସରରେ ନବୀନ ପଟ୍ଟନାୟକ ଏହି କାର୍ଯ୍ୟକ୍ରମ ସମ୍ପର୍କରେ ପଚାରି ବୁଝିବା ସହିତ ଭଲ କାମ କଲେ ସମୟ ସୀମା ପୂର୍ବରୁ ପଦୋନ୍ନତି ମିଳିବ ବୋଲି ସୂଚନା ଦେଇଛନ୍ତି ।
ଛାଡପତ୍ର ମାମଲା ଚାଲିଥିବାବେଳେ ମହିଳାଙ୍କୁ ମିଳିବ ପେନ୍ସନ୍ । ବାର୍ଷିକ ୪୦ ହଜାରର କମ୍ ଆୟ ଥିବା ମହିଳାଙ୍କୁ ମିଳିବ ପେନ୍ସନ୍ । ମଧୁବାବୁ ପେନସନ୍ ଯୋଜନାରେ ମହିଳାଙ୍କୁ ଏହି ସୁବିଧା ମିଳିବ ବୋଲି ଭିନ୍ନକ୍ଷମ ସଶକ୍ତିକରଣ ମନ୍ତ୍ରୀ ଅଶୋକ ଚନ୍ଦ୍ର ପଣ୍ଡା ସୂଚନା ଦେଇଛନ୍ତି । ପେନ୍ସନ୍ ପ୍ରଦାନ ନେଇ ପ୍ରକ୍ରିୟା ଚାଲିଥିବା କହିଛନ୍ତି ମନ୍ତ୍ରୀ । ଏଥିପାଇଁ ଛାଡପତ୍ର ମାମଲା ସମ୍ପର୍କିତ କାଗଜପତ୍ର ପ୍ରମାଣପତ୍ର ଭାବେ ଦେବାକୁ ପଡ଼ିବ ।
ରାଷ୍ଟ୍ରବାଦୀ କଂଗ୍ରେସ ପାର୍ଟି (ଏନ୍ସିପି)କୁ ଝଟ୍କା ଲାଗିଛି । ମହାରାଷ୍ଟ୍ର ବିଧାନସଭା ନିର୍ବାଚନ ପୂର୍ବରୁ ଏନ୍ସିପି ପୂର୍ବତନ ସାଂସଦ ଉଦୟନରାଜେ ଭୋସଲେ ଆଜି ବିଜେପିରେ ସାମିଲ୍ ହୋଇଛନ୍ତି । ଦିଲ୍ଲୀର କେନ୍ଦ୍ରୀୟ ଗୃହ ମନ୍ତ୍ରୀ ତଥା ଅଧ୍ୟକ୍ଷ ଅମିତ୍ ଶାହା ଓ ମହାରାଷ୍ଟ୍ର ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡ୍ନଭୀସ୍ଙ୍କ ଉପସ୍ଥିତିରେ ଉଦୟନରାଜେ ବିଜେପିର ପ୍ରାଥମିକ ସଦସ୍ୟତା ନେଇଛନ୍ତି । ଭୋସେଲ୍ ଶୁକ୍ରବାର ଦିନ ଲୋକସଭା ସଦସ୍ୟରୁ ଇସ୍ତଫା ଦେଇଥିଲେ । ଭୋସେଲ୍ଙ୍କ ବିଜେପିରେ ସାମିଲ୍ ହେବା ପରେ ମହାରାଷ୍ଟ୍ରରେ ବିଜେପିକୁ ଏକ ବଡ଼ ଚେହେରା ମିଳିଛି । ଭୋସେଲ୍ ଏନ୍ସିପି ତରଫରୁ ସତାରାର ସାଂସଦ ରହିଥିଲେ ।
ପାକିସ୍ତାନ ସେନାକୁ ଜୋରଦାର ଝଟକା ଲାଗିଛି । ସୀମାରେ ପାକିସ୍ତାନ ସେନା ଅସ୍ତ୍ରବିରତି ଉଲ୍ଲଂଘନ କରିବାର କଡା ଜବାବ ଦେଇଛି ଭାରତୀୟ ସେନା। ଏଥିରେ ୨ଜଣ ପାକ୍ ବର୍ଡର ଆକ୍ସନ ଟିମର ବା ବାଟ୍ ଯବାନ ନିପାତ ହୋଇଛନ୍ତି । ସୂଚାନନୁସାରେ, ଜମ୍ମୁ-କାଶ୍ମୀରର ହଜିପୁର ସେକ୍ଟରରେ ପାକିସ୍ତାନ ସେନା ବାରମ୍ବାର ଅସ୍ତ୍ରବିରତିର ଖୁଲମଖୁଲା ଉଲଙ୍ଘନ କରୁଥିଲା। ଭାରତୀୟ ସେନା ମଧ୍ୟ ଏହାର ଜବାବ ଦେଇଥିଲା । ଏଥିରେ ୨ ଜଣ ପାକ୍ ବାଟ୍ ଯବାନ ନିହତ ହୋଇଥିଲେ । ଏନେଇ ସେନା ଏକ ଭିଡିଓ ଜାରି କରିଛି । ଯେଉଁଥିରେ ପାକ୍ ସେନାର କିଛି ଅଫିସର ନିହତ ଧଳା ପତାକା ଧରି ସେମାନଙ୍କ ଯବାନଙ୍କ ମୃତଦେହ ନେବାକୁ ଆସୁଛନ୍ତି ।
ଭାରତୀୟ ଜନତା ପାର୍ଟି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଜନ୍ମଦିନକୁ ଶନିବାର ଠାରୁ ସେବା ସପ୍ତାହ ଭାବେ ପାଳନ କରୁଛି । ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହା ଆଜି ପୂର୍ବାହ୍ଣରେ ଦିଲ୍ଲୀସ୍ଥିତ ଅଖିଳ ଭାରତୀୟ ଆର୍ୟୁବିଜ୍ଞାନ ସଂସ୍ଥାନ (ଏମ୍ସ) ଯାଇ ଏହି କାର୍ଯ୍ୟକ୍ରମ ଶୁଭାରମ୍ଭ କରିଛନ୍ତି । ଏଠାରେ ଅମିତ ଶାହା ରୋଗୀଙ୍କ ସାକ୍ଷାତ କରି ଫଳ ବାଣ୍ଟିବା ସହିତ ସଫାଇ ମଧ୍ୟ କରିଛନ୍ତି । ଏହି କାର୍ଯ୍ୟକ୍ରମରେ ପାର୍ଟିର କାର୍ଯ୍ୟକାରୀ ଅଧ୍ୟକ୍ଷ ଜେପି ନଡ୍ଡା, କେନ୍ଦ୍ର ମନ୍ତ୍ରୀ ବିଜୟ ଗୋଏଲ୍, ଦିଲ୍ଲୀ ବିଧାୟକ ବିଜେନ୍ଦ୍ର ଗୁପ୍ତା ପ୍ରମୁଖ ଉପସ୍ଥିତ ରହିଥିଲେ । ସେପ୍ଟେମ୍ବର ୧୭ ତାରିଖରେ ନରେନ୍ଦ୍ର ମୋଦିଙ୍କ ଜନ୍ମଦିନ ଉପଲକ୍ଷେ ବିଜେପି ସେପ୍ଟେମ୍ବର ୧୪ରୁ ୨୦ ଯାଏଁ ସେବା ସପ୍ତାହ ପାଳନ କରୁଛି । ଏହି ଅବସରରେ ସ୍ୱଚ୍ଛତା ହିଁ ସେବା, ସିଙ୍ଗଲ ୟୁଜ ପ୍ଲାଷ୍ଟିକରୁ ମୁକ୍ତି, ଜଳ ସଂରକ୍ଷଣ ଓ ସମ୍ବର୍ଦ୍ଧନ ସଂକଳ୍ପ ଲୋକଙ୍କ ନିକଟକୁ ପହଞ୍ଚାଇବା…
ମାଲକାନଗିରି ସୀମାନ୍ତରେ ଯବାନଙ୍କ ଏନକାଉଣ୍ଟର ହୋଇଛି । ଏଥିରେ ୨ ମାଓବାଦୀ ନିହତ ହୋଇଥିବାର ସୂଚନା ରହିଛି । ଛତିଶଗଡ଼ ଦାନ୍ତେଓ୍ବାଡା ଜିଲ୍ଲା କୁଟ୍ରିମ୍ ଗାଁ ଜଙ୍ଗଲରେ ଏହି ଏନ୍କାଉଣ୍ଟର ହୋଇଛି । ଆଜି ଦାନ୍ତେୱାଡା କୁଟ୍ରିମା ଅଂଚଳରେ ଥିବା ଜଙ୍ଗଲରେ ନକ୍ସଲ ଲୁଚିଥିବା ଖବର ପାଇ ପୋଲିସ ଓ ଯବାନମାନେ ମିଳିତ ଭାବେ କମ୍ବିଂ ଅପରେସନ ଚଳାଇଥିଲେ । ସେଠାରେ ଆତ୍ମଗୋପନ କରିଥିବା କିଛି ନକ୍ସଲ ପୋଲିସକୁ ଦେଖି ଗୁଳି ଚାଳନା କରିଥିଲେ । ପୋଲିସ ଓ ଯବାନମାନେ ତୁରନ୍ତ ପୋଜିସନ ନେଇ ନକ୍ସଲଙ୍କ ଉପରକୁ ପାଲଟା ଆକ୍ରମଣ କରିଥିଲେ । ଏଥିରେ ଲାଲ୍ ବାହିନୀ ଛତ୍ରଭଙ୍ଗ ଦେଇଥିଲା । ତେବେ ପୋଲିସ ଗୁଳିରେ ୨ଜଣ ନକ୍ସଲ ମୃତ୍ୟୁବରଣ କରିଛନ୍ତି । ଏହାସହ ସେଠାରୁ ୩ଟି ବନ୍ଧୁକ, ଗୁଳିଗୋଳା ଓ ବୋମା ସମେତ ବହୁ ମାଓ ସାମଗ୍ରୀ ଜବତ କରାଯାଇଛି । ଏବେ ମଧ୍ୟ ସେଠାରେ କମ୍ବିଂ ଅପରେସନ ଜାରି ରହିଛି…
ଗତକାଲି ବିଳମ୍ବିତ ରାତ୍ରରେ ରାଉରକେଲା ବରପାଲି ଟୋଲଗେଟ୍ ନିକଟରୁ ଜଣେ ଟ୍ରକ ଡ୍ରାଇଭରଙ୍କୁ ମରଣାନ୍ତକ ଅକ୍ରମଣ କରାଯାଇ ଲୁଟ କରାଯାଇଛି । ସୂଚନାନୁସାରେ, ଗତକାଲି ବିଳମ୍ବିତ ରାତ୍ରରେ ଏକ ଟ୍ରକ ବରପାଲି ଟୋଲଗେଟ୍ ରାସ୍ତାରେ ଯାଉଥିଲା । ସେହି ସମୟରେ କିଛି ଦୁର୍ବୃତ୍ତ ଟ୍ରକକୁ ଅଟକାଇଥିଲେ । ସେମାନେ ଟ୍ରକ ଡ୍ରାଇଭର ଦୀପକ ଘୋଷଙ୍କୁ ନିର୍ଧୁମ ମାଡ ମାରିବା ସହ ଛୁରା ମାଡ ମଧ୍ୟ କରିଥିଲେ । ଏଥିରେ ଡ୍ରାଇଭରଜଣଙ୍କ ଗୁରୁତର ଭାବେ ଆହତ ହୋଇଥିଲେ । ସେମାନେ ତାଙ୍କଠାରୁ ନଗଦ ୧୨ହଜାର ଟଙ୍କା ଓ ମୋବାଇଲ ଲୁଟି କରି ନେଇ ଯାଇଛନ୍ତି । ପୋଲିସ ଏହି ଘଟଣାର ତଦନ୍ତ ଆରମ୍ଭ କରିଛି ।
ମୋଟର ଯାନ ନିୟମ ଅନୁସାରେ ସମ୍ବଲପୁରଠାରେ ଏକ ଟ୍ରକ୍କୁ ୬ ଲକ୍ଷ ୫୩ ହଜାର ୧୦୦ଟଙ୍କା ଜରିମାନା ହୋଇଛି । ଏହି ଟ୍ରକ୍ଟି ନାଗାଲାଣ୍ଡର ହୋଇଥିବାର ସୂଚନା ରହିଛି । ଏହି ଟ୍ରକ୍ଠାରୁ ଓଏମ୍ଭିଟି-୩ ଟ୍ୟାକ୍ସ ବାବଦକୁ ୬,୪୦,୫୦୦ ଟଙ୍କା, ମାଲ୍ ବୋଝେଇ ଗାଡ଼ିରେ ଯାତ୍ରୀ ନେଉଥିବାରୁ ୫ ହଜାର, ପରମିଟ୍ ନ ଥିବାରୁ ୫ ହଜାର, ପ୍ରଦୂଷଣ ସାର୍ଟିଫିକେଟ ନ ଥିବାରୁ ହଜାରେ ଟଙ୍କା ଫାଇନ ଆଦାୟ ହୋଇଛି । ଅଗଷ୍ଟ ୧୦ ତାରିଖରେ ଫାଇନ୍ ଆଦାୟ ହୋଇଥିବା ସୂଚନା ମିଳିଛି । ଏହା ଏପର୍ଯ୍ୟନ୍ତ ସମଗ୍ର ଦେଶରେ ହୋଇଥିବା ଜରିମାନାଠୁ ଢେର ଅଧିକ। ଡ୍ରାଇଭର ଦିଲ୍ଲୀପ କର୍ତ୍ତାଙ୍କଠାରୁ ୬ ଲକ୍ଷ ୫୩ ହଜାର ୧୦୦ ଟଙ୍କା ଜୋରିମାନା କରିଛି ପରିବହନ ବିଭାଗ। ହେଲେ ଟ୍ରକ୍ ମାଲିକ ପହଞ୍ଚି ନଥିବାରୁ ମାସେରୁ ଊର୍ଦ୍ଧ୍ୱ ହେବ ଟ୍ରକଟି ସମ୍ବଲପୁରରେ ପଡ଼ି ରହିଛି। ୨୦୧୪ରୁ ଏହି ଟ୍ରକ୍ ରୋଡ୍ ଟ୍ୟାକ୍ସ ଫାଙ୍କିଥିବାର ଜଣାପଡିଛି…