ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଗୁରୁବାର ଅପରାହ୍ନ 4ଟାରେ ଦେଶବାସୀଙ୍କୁ ସମ୍ବୋଧନ କରିବେ । ଜାତୀୟ ଗଣମାଧ୍ୟମର ରିପୋର୍ଟ ଅନୁସାରେ ସେ ନିଜର ସମ୍ବୋଧନରେ ଜମ୍ମୁ କଶ୍ମୀରରୁ ସ୍ୱତନ୍ତ୍ର ରାଜ୍ୟ ମାନ୍ୟତା ଶେଷ କରିବା ଓ 2ଟି କେନ୍ଦ୍ର ଶାସିତ ଅଂଚଳରେ ଭାଗ କରିବା ନେଇ କିଛି କହିପାରନ୍ତି । ଅଲ୍ ଇଣ୍ଡିଆ ରେଡିଓ ଜରିଆରେ ପ୍ରଧାନମନ୍ତ୍ରୀ ଦେଶବାସୀଙ୍କୁ ସମ୍ବୋଧିତ କରିବେ । ପ୍ରଧାନମନ୍ତ୍ରୀ ମୋଦି ଶେଷ ଥର ପାଇଁ ଦେଶକୁ ଲୋକସଭା ନିର୍ବାଚନ ପୂର୍ବରୁ ମାର୍ଚ୍ଚ 27ରେ ସମ୍ବୋଧନ କରିଥିଲେ । ସୂଚନାଯୋଗ୍ୟ ନରେନ୍ଦ୍ର ମୋଦି ସରକାର ସୋମବାର ଜମ୍ମୁ କଶ୍ମୀର ପୁନଃଗଠନ ଓ ଧାରା 370କୁ ଉଚ୍ଛେଦ କରିବା ସମ୍ପର୍କୀତ ସଂକଳ୍ପକୁ ରାଜ୍ୟସଭାରେ ବହୁମତ ସହିତ ଗୃହୀତ ହୋଇଛି । ଏହି ବିଲ ଲୋକସଭାରେ ମଧ୍ୟ ବହୁମତ ସହିତ ଗୃହୀତ ହୋଇଛି ।
Author: Samikhsya Bureau
ଗୁରୁବାର ସକାଳେ ତାଇଓ୍ବାନ୍ରେ 6.4 ତୀବ୍ରତାର ଏକ ଭୂମିକମ୍ପ ଅନୁଷ୍ଠିତ ହୋଇଛି । ଗୁରୁବାର ଭୋର 5.28 ମିନିଟ୍ ସମୟରେ ଏହି ଭୂମିକମ୍ପ ଅନୁଷ୍ଠିତ ହୋଇଛି । ଏହି ଭୂମିକମ୍ପରେ କୌଣସି ଜନଜୀବନ ହାନି ହୋଇନଥିବା ବେଳେ ବିଭିନ୍ନ କୋଠା ଗୁଡିକ ଥରିଥିବାରୁ ଲୋକମାନେ ଭୟରେ ସଡକ ଉପରକୁ ପଳାଇ ଆସିଥିଲେ । ସମୁଦ୍ରରେ ସୃଷ୍ଟି ହୋଇଥିବା ଏହି ଭୂକମ୍ପ କାରଣରୁ ପୂର୍ବ ତାଇଓ୍ବାନ୍ର ୟିଲାନ୍ ସହରରେ ଏହି ଭୂକମ୍ପ ଅନୁଷ୍ଠିତ ହୋଇଥିଲା । ୟିଲାନ୍ରୁ 30 କିମି ଦୂର ପରିସୀମା ମଧ୍ୟରେ ଏହି ଭୂକମ୍ପର ପ୍ରଭାବ ପ୍ରାୟ 10 ସେକେଣ୍ଡ ଅନୁଭୂତ ହୋଇଥିଲା ।
ପାକିସ୍ତାନ ତରଫରୁ ପୁଣି ଥରେ ବୁଧବାର ଅସ୍ତ୍ରବିରତି ଉଲଂଘନ କରାଯାଇଛି । ଜମ୍ମୁ କଶ୍ମୀରର ରାଜୌରୀ ଜିଲ୍ଲାରେ ଏହି ଅସ୍ତ୍ରବିରତି ଉଲ୍ଲଂଘନ କରାଯାଇଛି । ସୁନ୍ଦରବଣୀ ସେକ୍ଟରରେ ପାକିସ୍ତାନ ତରଫରୁ ବୁଧବାର ରାତି ପ୍ରାୟ ୧୦ଟାରେ ଗୁଳି ବର୍ଷା ହୋଇଛି । ଏବେ ବି ଗୁଳିବର୍ଷା ଜାରି ରହିଛି । ଭାରତୀୟ ସେନା ପାକିସ୍ତାନକୁ କଡ଼ା ଜବାବ ଦେଉଛି । ପାକିସ୍ତାନର ଏଭଳି ବ୍ୟବହାରରେ ଭାରତୀୟ ସେନା ଉତ୍ତେଜିତ ହୋଇଛି । ପାକିସ୍ତାନ ଅଗଷ୍ଟ ୪ରେ ମଧ୍ୟ ଗୁଳିବର୍ଷା କରିଥିଲା । କେରନ ସେକ୍ଟରରେ ହୋଇଥିବା ଗୁଳିବର୍ଷାର ଜବାବରେ ଭାରତୀୟ ସେନା ତରଫରୁ ପାକିସ୍ତାନର ଗୁଳି ଚାଳନା କରାଯାଇଥିଲା
ଦକ୍ଷିଣ ଓଡ଼ିଶାରେ ପ୍ରବଳ ବର୍ଷା ଫଳରେ ବନ୍ୟା ପରିସ୍ଥିତି ସୃଷ୍ଟି ହୋଇଛି । ମାଲକାନଗିରି, ରାୟଗଡ଼ା, ଗଜପତି, ଗଂଜାମ, କନ୍ଧମାଳ ଓ କଳାହାଣ୍ଡି ଜିଲ୍ଲାର ବର୍ଷାର ଭୟଙ୍କର ରୂପ ଦେଖିବାକୁ ମିଳିଛି । ବନ୍ୟା ଯୋଗୁଁ ଶହ ଶହ ପରିବାର ଜଳବନ୍ଦୀରେ ଥିବା ବେଳେ ପ୍ରଶାସନ ପକ୍ଷରୁ ଉଦ୍ଧାର କରାଯାଇ ସେମାନଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରାଯାଇଛି । କାଶୀନଗର ବ୍ଳକରେ କେବଳ 650 ଜଣଙ୍କୁ ଉଦ୍ଧାର କରାଯାଇ ସୁରକ୍ଷିତ ସ୍ଥାନରେ ଆଶ୍ରୟ ଦିଆଯାଇଛି । ବନ୍ୟା ପ୍ରଭାବିତ ଅଂଚଳରେ ପ୍ରଶାସନ ପକ୍ଷରୁ ରନ୍ଧାଖାଦ୍ୟ ଦିଆଯିବାର ବ୍ୟବସ୍ଥା କରାଯାଉଛି । କାଶୀନଗର ଠାରୁ କିଡିଗାଁ ପର୍ଯ୍ୟନ୍ତ ଯୋଗାଯୋଗ ବିଚ୍ଛିନ୍ନ ହୋଇଛି । କାଶୀପୁର ବ୍ଲକର କୁଚେଇପଦର, ଡାଙ୍ଗସାହି, କଡିପରୀ ଓ ମାଇକାଞ୍ଚକୁ ଯୋଗାଯୋଗ ବିଚ୍ଛିନ୍ନ ହୋଇଛି ।
ଆସାମ ପୋଲିସ ବୁଧବାର ୟୁନାଇଟେଡ ଲିବେରେଶନ ଫ୍ରଣ୍ଟ ଅଫ ଆସାମ (ଉଲ୍ଫା) ଉଗ୍ରବାଦୀ ସଂଗଠନର ୪ ଜଣ ସଦସ୍ୟଙ୍କୁ ଗିରଫ କରିଛି । ଦେବ୍ରୁଗଡ଼ ଏସପି ଏସ ଶଙ୍କରନ ଗଣମାଧ୍ୟମର ପ୍ରତିନିଧିଙ୍କୁ ଏହି ସୂଚନା ଦେଇଛନ୍ତି । ଗିରଫ ହୋଇଥିବା 4 ଜଣ ଅଭିଯୁକ୍ତ ଉଲ୍ଫା ସହିତ ସମ୍ପର୍କ ରଖିଥିବା ନେଇ ଏସପି ଏସ ଶଙ୍କରନ ସୂଚନା ଦେଇଛନ୍ତି । ଗିରଫ ଉଗ୍ରବାଦୀଙ୍କ ନିକଟରୁ ଗୋଟିଏ ଉଲ୍ଫା ପତାକା, ନକ୍ସଲ ସାମଗ୍ରୀ ଓ କିଛି ମୋବାଇଲ ଜବତ ହୋଇଛି । ପୋଲିସ ଘଟଣାର ତଦନ୍ତ କରୁଛି ।
କେଦାର ମିଶ୍ର ଜାମ୍ମୁ-କାଶ୍ମୀରରେ ଭାରତ ସରକାର ଯଦି କିଛି ଭୁଲ କରନ୍ତି, ତାର ପ୍ରତିରୋଧ ଆମେ ଭାରତୀୟମାନେ କରିବୁ, ହେଲେ ଏଥିରେ ପାକିସ୍ତାନର କୌଣସି ଭୂମିକାକୁ ବରଦାସ୍ତ କରିବୁ ନାହିଁ। କାଶ୍ମୀର ପ୍ରସଙ୍ଗରେ ସବୁ ଭାରତୀୟ ସରକାରକୁ ସମର୍ଥନ କରିନାହାନ୍ତି ବା ସବୁ ଦେଶବାସୀ ଅର୍ଣ୍ଣବ ଗୋସ୍ଵାମୀଙ୍କ ଭଳି ପାଗଳ ପରି ଚିତ୍କାର କରୁନାହାନ୍ତି ଯେ, କିଲ ଦେମ ଇନ ଥାଇଜେଣ୍ଡ୍ସ। ନା, ଆଜି ମଧ୍ୟ କାଶ୍ମୀରର ଗଣତାନ୍ତ୍ରିକ ଅଧିକାର ଓ ମାନବିକ ଅଧିକାର ଲାଗି ଲକ୍ଷ ଲକ୍ଷ ଭାରତୀୟ ଚିନ୍ତିତ ଓ ସେମାନେ ରାସ୍ତାରେ ପ୍ରତିବାଦ କରୁଛନ୍ତି। ଏହି ପ୍ରସଙ୍ଗରେ ପାକିସ୍ତାନର ପ୍ରତିକ୍ରିୟା ଅତ୍ୟନ୍ତ ପିଲାଳିଆ, ଭୟାଳୁ ଓ ମୂର୍ଖତାପୂର୍ଣ । ଏହାକୁ କରତର କାଠ ପ୍ରେମ ବୋଲି କୁହାଯାଇପାରେ, ଯିଏ କି ବାରମ୍ବାର କାଟିବା ଓ ରକ୍ତାକ୍ତ କରିବା ଛଡା ଅଧିକ କିଛି କରିପାରିବ ନାହିଁ। ୧୯୪୭ ରୁ ପାକିସ୍ତାନ ଗଠନ ହେବା ଦିନଠୁ ଏହା କାଶ୍ମୀରର ସବୁଠୁ…
ସମୀକ୍ଷା ବ୍ୟୁରୋ ଆଜି ରାଜ୍ୟ ସରକାର ପ୍ରଶାସନିକ ସ୍ତରରେ ବଡ ଧରଣର ଅଦଳ ବଦଳ କରିଛନ୍ତି । ଉନ୍ନୟନ କମିଶନର ଥିବା ୧୯୮୬ ବ୍ୟାଚ୍ ଆଇଏଏସ୍ ଅଫିସର ଅସୀତ କୁମାର ତ୍ରିପାଠୀଙ୍କୁ କେବିକେ ପ୍ରଶାସକ ଭାବେ ଅତିରିକ୍ତ ଦାୟିତ୍ୱ ପ୍ରଦାନ କରାଯାଇଛି । ଶ୍ରୀ ତ୍ରିପାଠୀ ଏବେ ଅତିରିକ୍ତ ମୁଖ୍ୟ ଶାସନ ସଚିବ ପାହ୍ୟାରେ ଉନ୍ନୟନ କମିଶନର ସହିତ ଗୃହ ସଚିବ ଦାୟିତ୍ୱରେ ମଧ୍ୟ ଅଛନ୍ତି। ସେହିପରି ଅନ୍ୟ ଯେଉଁ ଅଧିକାରୀଙ୍କ ବଦଳି ହୋଇଛି ସେମାନେ ହେଲେ 1-ଅସୀତ କୁମାର ତ୍ରିପାଠୀ- ଗୃହ ସଚିବ ଉନ୍ନୟନ କମିଶନର ସହ କେବିକେ ପ୍ରଶାସକ ଭାବେ ଅତିରିକ୍ତ ଦାୟିତ୍ୱ 2-ସୁଦର୍ଶନ ପାଲ ଠାକୁର- ମହାନିର୍ଦ୍ଦେଶକ, ଗୋପବନ୍ଧୁ ଏକାଡେମୀ । 3-ସି.ଜେ.ଭେନୁଗୋପାଳ- ରାଜସ୍ୱ ବୋର୍ଡ ସଦସ୍ୟ 4-ନିତେନ ଚନ୍ଦ୍ରା -ସାଧାରଣ ପ୍ରଶାସନ ବିଭାଗର ଓଏସ୍ଡି 5-ଦେଓ ରଞ୍ଜନ କୁମାର ସିଂହ- ପଞ୍ଚାୟତିରାଜ ଓ ପାନୀୟଜଳ ବିଭାଗର ପ୍ରମୁଖ ଶାସନ ସଚିବ ସହ ଅତିରିକ୍ତ ଭାବେ ବିଜ୍ଞାନ…
ଉତ୍ତର-ପଶ୍ଚିମ ବଙ୍ଗୋପସାଗରରେ ସୃଷ୍ଟି ହୋଇଥିବା ଲଘୁଚାପ ଡିପ୍ ଡିପ୍ରେସନ୍ର ରୂପ ନେଇଛି। ଏହାର ପ୍ରଭାବରେ ଦକ୍ଷିଣ ଆଭ୍ୟନ୍ତରୀଣ ଓଡ଼ିଶାର ୧୧ ଜିଲ୍ଲାରେ ପ୍ରବଳରୁ ଅତିପ୍ରବଳ ବର୍ଷା ହେବାର ସମ୍ଭାବନା ରହିଛି। ତେଣୁ ରାଜ୍ୟ ସରକାର ଗଜପତି, ଗଞ୍ଜାମ, ପୁରୀ, କନ୍ଧମାଳ, କଳାହାଣ୍ଡି, କୋରାପୁଟ, ନବରଙ୍ଗପୁର, ବଲାଙ୍ଗିର, ନୂଆପଡ଼ା, ବୌଦ୍ଧ ଓ ସୋନପୁର ପାଇଁ ରେଡ୍ ୱାର୍ଣ୍ଣିଂ ଜାରି କରିଛି ପାଣିପାଗ ବିଭାଗ । ସେହିପରି ୧୦ଟି ଜିଲ୍ଲା ପାଇଁ ୟେଲୋ ୱାର୍ଣ୍ଣିଂ ଜାରି କରିଛି ପାଣିପାଗ ବିଭାଗ। ନୟାଗଡ଼, ଖୋର୍ଦ୍ଧା, ଜଗତସିଂହପୁର, ବରଗଡ଼, ସମ୍ବଲପୁର, କଟକ, ଢେଙ୍କାନାଳ, ଅନୁଗୋଳ, ଯାଜପୁର ଓ କେନ୍ଦ୍ରାପଡ଼ାକୁ ସତର୍କ ରହିବାକୁ ପରାମର୍ଶ ଦିଆଯାଇଛି।
ଦେଶର ଶ୍ରେଷ୍ଠ ୧୦ଟି ଥାନାର ତାଲିକା ପ୍ରକାଶ ପାଇଛି । ଏହି ତାଲିକାରେ ସ୍ଥାନ ପାଇଛି ଓଡ଼ିଶାର ସୁବର୍ଣ୍ଣପୁର ଜିଲ୍ଲା ତରଭା ଥାନା । ୨୦୧୮ ମସିହା ଦେଶର ଥାନା ଗୁଡ଼ିକର ବାର୍ଷିକ ରାକିଂରେ ତରଭା ସ୍ଥାନ ପାଇଛି । । ସୁବର୍ଣ୍ଣପୁର ଜିଲ୍ଲାର ତରଭା ଥାନା ଦେଶରେ ଶ୍ରେଷ୍ଠ ୧୦ ଥାନା ମଧ୍ୟରେ ସ୍ଥାନ ପାଇଛି । କ୍ବାଲିଟି କାଉନ୍ସିଲ୍ ଅଫ୍ ଇଣ୍ଡିଆ ଦେଶର ସବୁ ଥାନାକୁ ନେଇ ସର୍ଭେ କରିଥିଲା ।
ଆଫଗାନିସ୍ତାନରେ ଏକ ଭୟଙ୍କର ବିସ୍ଫୋରଣ ଘଟିଛି । ଏହି ବିସ୍ଫୋରଣରେ 24 ଜଣଙ୍କର ମୃତ୍ୟୁ ଘଟିଥିବା ବେଳେ 100ରୁ ଅଧିକ ଲୋକ ଆହତ ହୋଇଛନ୍ତି । କାବୁଲ ସ୍ଥିତ ପୋଲିସ୍ ମୁଖ୍ୟାଳୟରେ ବୁଧବାର ଘଟିଥିବା ଭୟଙ୍କର କାର୍ ବୋମା ବିସ୍ଫୋରଣରେ 24 ଜଣଙ୍କ ପ୍ରାଣହାନି ଘଟିଥିବା ବେଳେ 100ରୁ ଅଧିକ ଆହତ ହୋଇଛନ୍ତି । ଆଫଗନିସ୍ତାନ ସ୍ବାସ୍ଥ୍ୟମନ୍ତ୍ରୀ ଓ୍ବାହିଦୁଲ୍ଲା ମେୟର 95 ଜଣ ଆହତ ହୋଇଥିବା ନେଇ ସୂଚନା ପ୍ରଦାନ କରିଥିଲେ । ମୃତକଙ୍କ ମଧ୍ୟରେ ଏକାଧିକ ମହିଳା ଏବଂ ଶିଶୁ ରହିଛନ୍ତି । ତାଲିବାନ ଆତଙ୍କୀ ଏହି ଆକ୍ରମଣ ପାଇଁ ନିଜକୁ ଦାୟୀ କରିଛନ୍ତି ।
ଆରଜେଡି ମୁଖ୍ୟ ଲାଲୁ ପ୍ରସାଦ ଯାଦବଙ୍କ ପୁଅ ତଥା ବିହାରର ପୂର୍ବତନ ସ୍ବାସ୍ଥ୍ୟ ମନ୍ତ୍ରୀ ତେଜ୍ ପ୍ରତାପ ଯାଦବଙ୍କ ବିରୋଧରେ ଏକ ସଙ୍ଗୀନ ଅଭିଯୋଗ ଆଣିଛନ୍ତି ପତ୍ନୀ ଐଶ୍ବର୍ଯ୍ୟା ରାୟ । ତେଜ୍ ପ୍ରତାପ ଜଣେ ଡ୍ରଗ୍ସ ସେବନକାରୀ ଏବଂ ସେ ରାଧା, କୃଷ୍ଣ କିମ୍ବା ଶିବଙ୍କ ବେଶରେ ନିଜକୁ ସଜାଇ ନିଜକୁ ଅବତାର ବୋଲି କହିଥାନ୍ତି । ବୈଶାଳୀ ଜିଲ୍ଲାର ମହୁଆର ବିଧାୟକ ରହିଥିବା ତେଜ୍ ପ୍ରତାପ ଐଶ୍ବର୍ଯ୍ୟା ରାୟଙ୍କୁ ମେ 2018ରେ ବିବାହ କରିଥିଲେ । ଉଭୟ ବର୍ତ୍ତମାନ ପାଟନାର ଏକ କୋର୍ଟରେ ଛାଡ ପତ୍ର ପାଇଁ ଆବେଦନ କରିଛନ୍ତି । ବିବାହର ଅଳ୍ପ ଦିନ ପରେ ତେଜ୍ ପ୍ରତାପ ଜଣେ ନିଶାଖୋର ବୋଲି ଜଣାପଡିଥିଲା । ନିୟମିତ ଭାବରେ ଡ୍ରଗ୍ସ ଏବଂ ଗଞ୍ଜେଇ ସେବନ କରିବା ସହିତ ନିଜକୁ ରାଧାଙ୍କ ବେଶରେ ସଜାଉଥିଲେ ।
ପଞ୍ଚଭୂତରେ ବିଲୀନ ହେଲେ ସୁଷମା ସ୍ବରାଜ । ପୂର୍ବତନ ବୈଦେଶିକ ମନ୍ତ୍ରୀ ତଥା ବିଜେପିର ବରିଷ୍ଠ ନେତ୍ରୀ ସୁଷମା ସ୍ବରାଜଙ୍କ ଶେଷକୃତ୍ୟ ସମ୍ପନ୍ନ ହୋଇଛି । ଲୋଧି ରୋଡ୍ ଶ୍ମଶାନ ଘାଟରେ ସୁଷମାଙ୍କ ଅନ୍ତିମ ସଂସ୍କାର କରାଯାଇଛି । ସୁଷମାଙ୍କ ଝିଅ ବାଁସୁରୀ ସ୍ବରାଜ ଅନ୍ତିମ ସଂସ୍କାରର ସମସ୍ତ ରୀତି ପୂରଣ କରିଥିଲେ । ଶ୍ଶଶାନ ଘାଟରେ ସୁଷମାଙ୍କୁ ଶେଷ ଶ୍ରଦ୍ଧାଞ୍ଜଳି ଜଣାଇଛନ୍ତି ବହୁ ବିଶିଷ୍ଟ ବ୍ୟକ୍ତି । ପ୍ରଧାନମନ୍ତ୍ରୀ ମୋଦି, ଉପରାଷ୍ଟ୍ରପତି ଭେଙ୍କୟା ନାଇଡୁ, ବାଚସ୍ପତି ଓମ୍ ବିର୍ଲା, ଗୃହମନ୍ତ୍ରୀ ଅମିତ୍ ଶାହା, ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ, ବିଜେପିର ବରିଷ୍ଠ ନେତା ଲାଲକୃଷ୍ଣ ଆଡଭାନୀ ପ୍ରମୁଖ ଶ୍ମଶାନ ଘାଟରେ ସୁଷମାଙ୍କୁ ଶ୍ରଦ୍ଧାଞ୍ଜଳି ଜଣାଇଛନ୍ତି । ହିନ୍ଦୁ ରୀତି ନୀତି ଅନୁସାରେ ତାଙ୍କୁ ଜଣେ ସୁହାଗିନୀ ଭଳି ବିଦାୟ ଦିଆଯାଇଛି । ମଥାରେ ନାଲି ବିନ୍ଦି, ନାଲି ଶାଢୀ, ତ୍ରିରଙ୍ଗାରେ ଢାଙ୍କି ହୋଇ ଅନ୍ତିମ ଯାତ୍ରାରେ ଯାଇଥିଲେ ସୁଷମା ।…
ହ୍ୟୁଣ୍ଡାଇର ଆଇ 10 ମଡେଲ୍ର ଏକ ନୂତନ କାର୍ ଭାରତୀୟ ବଜାରରେ ପ୍ରବେଶ କରାଇଛି । ଗ୍ରାଣ୍ଡ ଆଇ 10 ନିଓସ୍ ନାମକ ଏହି କାର୍ଟି ଆଇ ଟେନ୍ ମଡେଲ୍ର ତୃତୀୟ ସଂସ୍କରଣ । ଆସନ୍ତା ମାସ ସୁଦ୍ଧା ଏହି କାର୍ ଭାରତୀୟ ବଜାରରେ ପ୍ରବେଶ କରିବ । ବର୍ତ୍ତମାନ ଏହି କାର୍ର ଅଗ୍ରୀମ ବୁକିଂ କରିବା ଦ୍ବାରା ହ୍ୟୁଣ୍ଡାଇ ପକ୍ଷରୁ 11 ହଜାରର ରିହାତି ମିଳିବ ବୋଲି ହ୍ୟୁଣ୍ଡାଇ ପକ୍ଷରୁ କୁହାଯାଇଛି । ଏହି କାର୍ଟି ଉଭୟ ପେଟ୍ରୋଲ ଏବଂ ଡିଜେଲ୍ ମଡେଲ୍ରେ ଉପଲବ୍ଧ ହେବ ବୋଲି ହ୍ୟୁଣ୍ଡାଇ ମୋଟର ଇଣ୍ଡିଆର ଏମ୍ଡି ଏବଂ ସିଇଓ ଏସ୍ ଏସ୍ କିମ୍ ପ୍ରକାଶ କରିଛନ୍ତି ।
ଉତ୍ତର ପୂର୍ବ ବଙ୍ଗୋପସାଗରରେ ସୃଷ୍ଟି ହୋଇଥିବା ଲଘୁଚାପ ଘନୀଭୂତ ହୋଇ ବର୍ତ୍ତମାନ ଡିପ ଡିପ୍ରେସନର ରୂପ ନେବା ପ୍ରଭାବରେ ରାଜ୍ୟରେ ବର୍ଷା ଜାରି ରହିଛି । କଳାହାଣ୍ଡିରେ ପ୍ରବଳ ବର୍ଷା ଫଳରେ ହାତୀ ନଦୀରେ ଜଳସ୍ତର ବୃଦ୍ଧି ପାଇ ବନ୍ୟାସ୍ଥିତି ଉପୁଜିଛି । ଲଗାଣ ବର୍ଷା ଯୋଗୁଁ ବସ୍ତାରେ ରାସ୍ତା ଧୋଇ ହୋଇଯାଇଛି । ଏହା ସହ ଲାଞ୍ଜିଗଡ଼ ବାତିଲିଗାରିରୁ ଛତ୍ରପୁରକୁ ଯାତାୟତ ଠପ୍ ହୋଇଛି । ବର୍ଷା କାରଣରୁ ଇନ୍ଦ୍ରାବତୀ ଡ୍ୟାମ ଜଳସ୍ତର ବୃଦ୍ଧି ପାଇଥିବାରୁ ଫଳରେ ବିପଦକୁ ରୋକିବା ପାଇଁ ମଙ୍ଗଳପୁର ହାତୀ ବ୍ୟାରେଜର ୫ଟି ଗେଟ ଖୋଲାଯାଇଛି । ଫଳରେ ପ୍ରତି ସେକେଣ୍ଡରେ ୧୩୪କ୍ୟୁମାକ୍ସ ଜଳ ନିଷ୍କାସିତ ହେଉଛି । ହାତୀ ନଦୀର ତଳ ମୁଣ୍ଡରେ ବନ୍ୟାସ୍ଥିତି ଦେଖାଦେଇଛି ।
ଚଳିତ ସପ୍ତାହର ତିନୋଟି ଦକ୍ଷିଣ ଭାରତୀୟ ଫିଲ୍ମ ରିଲିଜ୍ ହେବାକୁ ଯାଉଛି । ଦକ୍ଷିଣ ଭାରତର ଦୁଇ ସୁପରଷ୍ଟାର ଅଜିତ୍ କୁମାର ଏବଂ ନାଗାର୍ଜୁନଙ୍କ ସହିତ ଅମଲା ପଲ୍ଙ୍କ ତ୍ରିମୁଖୀ ଲଢେଇ ଦେଖିବାକୁ ମିଳିବ । ନାଗାର୍ଜୁନଙ୍କ ମନ୍ମଧୁଡୁ-2, ଅଜିଥ୍ କୁମାରଙ୍କ ନେରକୋଣ୍ଡା ପାରାବି ଏବଂ ଅମଲା ପଲଙ୍କ କୋଲାୟୁଧୀର କାଲାମ ଆସନ୍ତା ଶୁକ୍ରବାର ରିଲିଜ୍ ହେବାକୁ ଯାଉଛି । ମନ୍ମଧୁଡୁରେ ନାଗାର୍ଜୁନଙ୍କ ସହିତ ରକୁଲ ପ୍ରୀତ ସିଂ ମୁଖ୍ୟ ଭୂମିକାରେ ରହିଥିବା ବେଳେ ଏହା ଉଭୟ ତାମିଲ ଏବଂ ତେଲୁଗୁରେ ରିଲିଜ୍ ହେବ । ସେହିପରି ସୁପରହିଟ୍ ବଲିଉଡ୍ ଫିଲ୍ମ ପିଙ୍କର ତାମିଲ ରିମେକ୍ ହେଉଛି ନେରକୋଣ୍ଡା ପାରାବି । ଏହି ଫିଲ୍ମରେ ଅଜିତ୍ କୁମାର, ବିଦ୍ୟା ବାଲାନ, ଶ୍ରଦ୍ଧା ଶ୍ରୀନାଥ, ଅଭିରାମୀ ଏବଂ ଆଣ୍ଡ୍ରିଆ ଟାଇରାଙ୍ଗ ମୁଖ୍ୟ ଭୂମିକାରେ ନଜର ଆସିବେ । ଏହି ଫିଲ୍ମଟି ମଧ୍ୟ ଉଭୟ ତାମିଲ୍ ଏବଂ ତେଲୁଗୁ ଭାଷାରେ ରିଲିଜ୍ ହେବ ।…
ବିଜୟ କୁମାର ଶର୍ମା ହେବେ ଭାରପ୍ରାପ୍ତ ପୋଲିସ୍ ମହାନିର୍ଦ୍ଦେଶକ । ଅଗ୍ନିଶମ ବିଭାଗ ଡିଜି ରହିଛନ୍ତି ବିଜୟ କୁମାର । ଡିଜିପି ରାଜେନ୍ଦ୍ର ପ୍ରସାଦ ଶର୍ମାଙ୍କ ନୂଆ ନିଯୁକ୍ତି ହେତୁ ବିଜୟଙ୍କୁ ଏହି ଦାୟିତ୍ବ ମିଳିଛି । ବିଜୟ କୁମାର ଶର୍ମା ୧୯୮୬ ବ୍ୟାଚ୍ର ବରିଷ୍ଠ ଆଇପିଏସ୍ ଅଫିସର୍ । ଲୋକାୟୁକ୍ତ ସଦସ୍ୟ ଭାବେ ମନୋନୀତ ହୋଇଛନ୍ତି ରାଜେନ୍ଦ୍ର ଶର୍ମା । ଲୋକାୟୁକ୍ତ ସଦସ୍ୟ ଭାବେ କାର୍ଯ୍ୟରେ ଯୋଗଦେବା ପାଇଁ ଆର୍.ପି. ଶର୍ମା, ତାଙ୍କ ସ୍ବେଚ୍ଛାକୃତ ଅବସର ଆବେଦନ କରିଥିଲେ । ରାଜ୍ୟ ସରକାର ଡିଜିପି ପଦବୀ ଚୟନ ପାଇଁ ୟୁପିଏସସିକୁ ଯେଉଁ ୬ଜଣ ବରିଷ୍ଠ ଆଇପିଏସଙ୍କ ନାଁ ପଠାଇଥିଲେ ସେମାନେ ହେଲେ ୧୯୮୬ ବ୍ୟାଚ୍ ଆଇପିଏସ୍ ବିଜୟ କୁମାର ଶର୍ମା, ୧୯୮୭ ବ୍ୟାଚ୍ ଆଇପିଏସ୍ ସୁନୀଲ ରୟ, ୧୯୮୮ ବ୍ୟାଚ୍ ଆଇପିଏସ୍ ସତ୍ୟଜିତ୍ ମହାନ୍ତି, ମନୋଜ ଛାବ୍ରା, ସନ୍ତୋଷ କୁମାର ଉପାଧ୍ୟାୟ ଓ ବିନୟାନନ୍ଦ ଝା।
ଜମ୍ମୁ କାଶ୍ମୀରରୁ ଧାରା 370 ଉଚ୍ଛେଦ ନେଇ କେନ୍ଦ୍ର ସରକାର ନିଷ୍ପତ୍ତି ନେଇଥିବା ବେଳେ ବର୍ତ୍ତମାନ ସୁଦ୍ଧା 100 ଜଣରୁ ଅଧିକଙ୍କୁ ଗିରଫ କରାଯାଇଥିବା ନେଇ ସୂଚନା ମିଳିଛି । ଗିରଫ ବ୍ୟକ୍ତିଙ୍କ ମଧ୍ୟରେ ଅନେକ ରାଜନେତା ଏବଂ ସାମାଜିକ କର୍ମୀ ରହିଥିବା ପ୍ରକାଶ । ସୁରକ୍ଷା କାରଣରୁ ଏବଂ କାଶ୍ମୀର ଉପତ୍ୟାକାରେ ଶାନ୍ତି ସ୍ଥାପନ କରିବା ନିମନ୍ତେ ଏହି ଗିରଫଦାରୀ କରାଯାଇଥିବା ନେଇ ଜନୈକ ବରିଷ୍ଠ ଅଧିକାରୀ ପ୍ରକାଶ କରିଛନ୍ତି । ଗିରଫ ବ୍ୟକ୍ତିଙ୍କ ମଧ୍ୟରେ ଅଧିକ ରାଜନେତା ରହିଥିଲେ ମଧ୍ୟ ସମ୍ପୂର୍ଣ୍ଣ ସୂଚନା ମିଳିପାରି ନାହିଁ । ଦୁଇ ପୂର୍ବତନ ମୁଖ୍ୟମନ୍ତ୍ରୀ ଓମାର ଅବଦୁଲ୍ଳା ଏବଂ ମେହବୁବା ମୁଫ୍ତିଙ୍କୁ ଗିରଫ କରାଯାଇଥିବା ବେଳେ ବିଛିନ୍ନତାବାଦୀ ନେତା ସଜ୍ଜାଦ ଲୋନ୍ ଏବଂ ଇମ୍ରାନ୍ ଅନ୍ସାରୀଙ୍କୁ ମଧ୍ୟ ଗିରଫ କରାଯାଇଛି । ଗିରଫ କରାଯାଇଥିବା ନେତା ମାନଙ୍କୁ ଗୁପକାରର ହରି ନିବାସରେ ରଖାଯାଇଛି । ଉଲ୍ଲେଖଯୋଗ୍ୟ ଯେ, ଧାରା 370 ଉଚ୍ଛେଦ…
ଉତ୍ତର ପୂର୍ବ ବଙ୍ଗୋପସାଗରରେ ସୃଷ୍ଟି ହୋଇଥିବା ଲଘୁଚାପ ଘନୀଭୂତ ହୋଇ ବର୍ତ୍ତମାନ ଡିପ ଡିପ୍ରେସନର ରୂପ ନେବା ପ୍ରଭାବରେ ରାଜ୍ୟରେ ବର୍ଷା ଜାରି ରହିଛି । ଲଗାଣ ବର୍ଷା କାରଣରୁ ମାଛକୁଣ୍ଡ ଜଳଭଣ୍ଡାରରେ ଜଳସ୍ତର ବୃଦ୍ଧି ପାଇଛି । ଯାହା ଫଳରେ ଜଳଭଣ୍ଡାରକୁ ବିପଦ ସଷ୍ଟି ହେବା ସମ୍ଭାବନା ଥିଲା । ଜଳଭଣ୍ଡାରର ବିପଦ ସଂକେତ ୨୫୯୦ଫୁଟ ଥିବା ବେଳେ ଜଳସ୍ତର ବର୍ତ୍ତମାନ ୨୫୮୮.୩ ପୁଟରେ ପହଂଚିଛି । ତେଣୁ ବିପଦରୁ ମୁକ୍ତି ପାଇବାକୁ ଜଳଭଣ୍ଡାରର ଆଠଟି ଗେଟରୁ ୩ଟି ଖୋଲାଯାଇ ଜଳ ନିଷ୍କାସନ କରାଯାଉଛି । ଯାହା ଦ୍ୱାରା ପ୍ରତି ସେକେଣ୍ଡରେ ପାଞ୍ଚ ହଜାର କ୍ୟୁସେକ ଜଳ ନିଷ୍କାସିତ ହେଉଛି ।
ରଙ୍ଗାଚରଣ ପ୍ରଧାନ ସେମାନଙ୍କୁ ଏମାନଙ୍କର ଭାଷା ଓ ଭାଷାଭିତ୍ତିକ ଜାତୀୟତାବାଦ ଭଲ ଲାଗି ନଥିଲା । ତେଣୁ ୨୫ ମାର୍ଚ୍ଚ, ୧୯୭୧ ମସିହାରେ ପଶ୍ଚିମ ପାକିସ୍ଥାନର ଶାସକଗୋଷ୍ଠି ସୈନ୍ୟ ପଠାଇ ପୂର୍ବ ପାକିସ୍ଥାନରେ ହତ୍ୟା ଓ ଦମନଲୀଳା ଚଳାଇଲେ । ମିଳିତ ପାକିସ୍ଥାନର ପାର୍ଲିଆମେଣ୍ଟରେ ସଂଖ୍ୟା ଗରିଷ୍ଠତା ହାସଲ କରିଥିଲେ ସୁଦ୍ଧା ଆଓ୍ବାମୀ ଲିଗର ନେତା ଶେଖ୍ ମୁଜିବୁର ରହମନଙ୍କୁ ପ୍ରଧାନମନ୍ତ୍ରୀ କରାଇ ଦିଆ ନଯାଇ ସମ୍ବିଧାନର ପ୍ରାଵଧାନଙ୍କୁ ଭଙ୍ଗ କରାଗଲା । ଶେଷରେ ସେହି ବର୍ଷ ଡିସେମ୍ବର ମାସ ବେଳକୁ ପୂର୍ବ ପାକିସ୍ଥାନ ବଙ୍ଗଳାଦେଶ ନାମରେ ଏକ ସ୍ବାଧୀନ ରାଷ୍ଟ୍ରରେ ପରିଣତ ହେଲା । ଏପରି ହେବାର କାରଣ ଥିଲା ଯେ ପଶ୍ଚିମ ପାକିସ୍ଥାନକୁ ପୂର୍ବ ପାକିସ୍ଥାନର ବଙ୍ଗଳାଭାଷା ସହ୍ୟ ହୋଇ ନଥିଲା । ୧୯୮୪ ମସିହାରେ ଭାରତର ପୂର୍ବତନ ପ୍ରଧାନମନ୍ତ୍ରୀ ଶ୍ରୀମତୀ ଇନ୍ଦିରା ଗାନ୍ଧୀଙ୍କର ହତ୍ୟା ପରେ ହୋଇଥିବା ଶିଖ୍ ବିରୋଧୀ ନିଆଁରେ ପ୍ରାୟ ଏକ ଦଶନ୍ଧି ଧରି…
କ୍ରମାଗତ ଚତୁର୍ଥ ଥର ପାଇଁ ଆରବିଆଇର ରେପୋ ରେଟ୍ରେ ହ୍ରାସ ଘଟାଇଛି ଭାରତୀୟ ରିଜର୍ଭ ବ୍ୟାଙ୍କ । ବୁଧବାର ଅନୁଷ୍ଠିତ ବୈଠକରେ ରେପୋ ରେଟ୍ରେ 35 ବେସିସ୍ ପଏଣ୍ଟ ହ୍ରାସ ପାଇଛି । ରିଭର୍ସ ରେପୋ ରେଟ୍ ପୂର୍ବପରି 5.40ରେ ଅପରିବର୍ତ୍ତିତ ରହିଛି । ବିଗତ 9 ବର୍ଷ ମଧ୍ୟରେ ଏହା ଭାରତୀୟ ରିଜର୍ଭ ବ୍ୟାଙ୍କର ସର୍ବନିମ୍ନ ରେପୋ ରେଟ୍ । ସେହିପରି ଏହି ସମୟରେ ଘରୋଇ ଅଭିବୃଦ୍ଧି ହାର 6.9ରୁ 7.0 ପ୍ରତିଶତ ମଧ୍ୟରେ ରହିବା ନେଇ ପୂର୍ବାନୂମାନ ଲଗାଯାଇଛି । ସେହିପରି 2020-21 ବର୍ଷ ପାଇଁ ଜିଡିପି ଲକ୍ଷ୍ୟ 7.3-7.5 ପ୍ରତିଶତ ରଖାଯାଇଛି । ମାନ୍ଦାବସ୍ଥାର ଲକ୍ଷ୍ୟ 4 ପ୍ରତିଶତ ଧାର୍ଯ୍ୟ କରାଯାଇଥିବା ବେଳେ ଏହା 3.1 ପ୍ରତିଶତ ରହିଛି ।
ପୂର୍ବତନ ବୈଦେଶିକ ମନ୍ତ୍ରୀ ତଥା ବିଜେପିର ବରିଷ୍ଠ ନେତ୍ରୀ ସୁଷମା ସ୍ବରାଜଙ୍କ ମଙ୍ଗଳବାର ରାତିରେ ହୃଦଘାତରେ ପରଲୋକ ଘଟିଛି। ତାଙ୍କ ବିୟୋଗରେ ସମଗ୍ର ଦେଶରେ ଶୋକର ଛାୟା ଖେଳିଯାଇଛି। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସୁଷମାଙ୍କ ବିୟୋଗରେ ଗଭୀର ଶୋକ ପ୍ରକାଶ କରିଛନ୍ତି। ଟ୍ବିଟ୍ କରି ନବୀନ ଲେଖିଛନ୍ତି, ସୁଷମା ଜଣେ ସମ୍ମାନନୀୟା, ସୁଦକ୍ଷ ନେତ୍ରୀ ଥିଲେ। ତାଙ୍କ ବିୟୋଗରେ ଭାରତୀୟ ରାଜନୀତିରେ ଅପୂରଣୀୟ କ୍ଷତି ହୋଇଛି ବୋଲି ନବୀନ କହିଛନ୍ତି। ସେହିପରି ସୁଷମାଙ୍କ ବିୟୋଗରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଓ ପ୍ରତାପ ଷଡଙ୍ଗୀ ପ୍ରମୁଖ ଶୋକବ୍ୟକ୍ତ କରିଛନ୍ତି ।