ନିକଟରେ ବିଜେପିରେ ଯୋଗଦାନ କରିଥିବା ଅଭିନେତା ସନ୍ନି ଦେଓଲଙ୍କ ଗାଡ଼ି ଦୁର୍ଘଟଣାଗ୍ରସ୍ତ ହୋଇଛି । ଆଜି ସକାଳେ ସନ୍ନି ପଠାନ୍କୋଟରୁ ଗୁରୁଦାସପୁରକୁ ପ୍ରଚାର ପାଇଁ ଯାଉଥିଲେ । ଘାରିବାଲୀ ନିକଟରେ ତାଙ୍କ କାରର ଚକା ଫାଟି ଯାଇଥିଲା । ଫଳରେ କାର୍ଟି ରାସ୍ତାର ଡିଭାଇଡରରେ ପିଟିହୋଇଯାଇଥିବାବେଳେ ପଛରୁ ଆସୁଥିବା ଅନ୍ୟ ଗାଡ଼ି ମଧ୍ୟ ତାଙ୍କ କାର୍କୁ ଧକ୍କା ଦେଇଥିଲା । ତେବେ ଏହି ଦୁର୍ଘଟଣାରେ କାହାର କୌଣସି କ୍ଷୟକ୍ଷତି ହୋଇନାହିଁ । ସନ୍ନି ସୁରକ୍ଷିତ ରହିଥିବାର ସୂଚନା ରହିଛି । ଚଳିତ ଲୋକସଭା ନିର୍ବାଚନର ସପ୍ତମ ପର୍ଯ୍ୟାୟ ତଥା ଅନ୍ତିମ ପର୍ଯ୍ୟାୟ ନିର୍ବାଚନ ଆସନ୍ତା ମେ ୧୯ରେ ଅନୁଷ୍ଠିତ ହେବ । ଏହି ପର୍ଯ୍ୟାୟରେ ପଞ୍ଜାବ ଗୁରୁଦାସପୁରର ମତଦାନ ହେବ । ଏଠାରେ ବିଜେପି ପକ୍ଷରୁ ସନ୍ନି ନିର୍ବାଚନ ରଣାଙ୍ଗନକୁ ଓହ୍ଲାଇଛନ୍ତି । ଏଥିପାଇଁ ସେଠାରେ ଲଗାତାର ରୋଡ଼୍ ଶୋ କରୁଛନ୍ତି । ଏହି ପର୍ଯ୍ୟାୟରେ ପଞ୍ଜାବର ୧୩ଟି ଲୋକସଭା ଆସନ…
Author: Samikhsya Bureau
ରମଜାନ ମାସରେ ଶୀଘ୍ର ମତଦାନ କରିବା ପାଇଁ ସୁପ୍ରିମକୋର୍ଟରେ ଦାଏର ହୋଇଥିବା ଯାଚିକାକୁ ସୁପ୍ରିମ୍କୋର୍ଟ ଆଜି ଖାରଜ କରିଦେଇଛନ୍ତି । ଏହାଉପରେ କୋର୍ଟ କହିଛନ୍ତି ଯେ, ମତଦାନ ସମୟ ନିର୍ଦ୍ଧାରଣ କରିବା ନିର୍ବାଚନ ଆୟୋଗଙ୍କ ଅଧିକାର । ସେହିପରି ସକାଳ ୭ଟାରୁ ସନ୍ଧ୍ୟା ୬ ଘଟିକା ସମୟ ପର୍ଯ୍ୟାପ୍ତ ଅଟେ ବୋଲି ସୁପ୍ରିମ୍କୋର୍ଟ କହିଛନ୍ତି । ରାମଜାନ୍ ସମୟରେ ହେଉଥିବା ମତଦାନ ସକାଳ ୭ଟା ପରିବର୍ତ୍ତେ ଭୋର ୫ଟାରୁ ମତଦାନ ଆରମ୍ଭ କରିବାକୁ ଅପିଲ କରାଯାଇଥିଲା । ପୂର୍ବରୁ ନିର୍ବାଚନ ଆୟୋଗ ସମୟ ପରିବର୍ତ୍ତନକୁ ଅବ୍ୟବହାରିକ କହିବା ସହିତ ଖାରଜ କରି ପ୍ରତିକ୍ରିୟାରେ କହିଥିଲେ ଯେ, ଅନେକ ରାଜ୍ୟରେ ସୂର୍ଯ୍ୟୋଦୟର ସମୟ ଅଲଗା ରହିବା ସହିତ ଏଥିରେ ମତଦାନରେ ନିୟୋଜିତ ଅଧିକାରୀମାନେ ମଧ୍ୟ ବହୁ ସମୟ ଧରି କାର୍ଯ୍ୟ କରୁଛନ୍ତି । ଏହା ସହିତ ନିର୍ବାଚନ ସୁରକ୍ଷା ଅତି ଗୁରୁତ୍ବପୂର୍ଣ୍ଣ ରହିଛି । ତେଣୁ ନିର୍ଦ୍ଧାରିତ ସମୟରେ ନିର୍ବାଚନ ଅନୁଷ୍ଠିତ ହେବାକୁ…
ରବିବାର ଦିନ ଲୋକସଭା ନିର୍ବାଚନର ଷଷ୍ଠ ପର୍ଯ୍ୟାୟ ମତଦାନ ଅନୁଷ୍ଠିତ ହୋଇଯାଇଛି । ଏହି ପର୍ଯ୍ୟାୟରେ ସାତୋଟି ରାଜ୍ୟର ୫୯ଟି ଆସନ ପାଇଁ ଭୋଟ୍ଗ୍ରହଣ ହୋଇଥିଲା । ଏହି ପର୍ଯ୍ୟାୟରେ କଂଗ୍ରେସର ମହାସଚିବ ପ୍ରିୟଙ୍କା ଗାନ୍ଧୀ ଭଦ୍ରା ଏବଂ ତାଙ୍କ ସ୍ଵାମୀ ରବର୍ଟ ଭଦ୍ରା ମଧ୍ୟ ଦିଲ୍ଲୀରେ ଲୋଧୀ ଏଷ୍ଟେଟରେ ଭୋଟ୍ ଦେଇଛନ୍ତି। ଭୋଟ୍ ଦେବା ପରେ ରବର୍ଟ ଭଦ୍ରା ଟ୍ଵିଟରେ ନିଜର ସେଲ୍ଫି ସେୟାର କରିଥିଲେ। ଏହି ଫଟୋରେ ଭଦ୍ରା ନିଜର କାଳି ଲଗା ଆଙ୍ଗୁଠି ଦେଖାଉଥିବା ନଜର ଆସିଛନ୍ତି। ମାତ୍ର ଭୋଟିଂ ପାଇଁ ଅପିଲ କରିବା ବେଳେ ସେ ଭାରତର ତ୍ରିରଙ୍ଗା ପତାକା ଜାଗାରେ ପାରାଗୁଏର ପତାକା ଲଗାଇଥିଲେ। ଯାହାକୁ ନେଇ ସେ ଟ୍ରୋଲର୍ସଙ୍କ ଶିକାର ହୋଇଛନ୍ତି । ମାତ୍ର ପରେ ରବର୍ଟ ଭଦ୍ରା ଏହି ଟ୍ଵିଟକୁ ହଟାଇ ଏକ ନୂତନ ଫଟୋ ସେୟାର କରିଥିଲେ, ଯେଉଁଥିରେ ପାରାଗୁଏର ପତାକା ଜାଗାରେ ଭାରତର ତ୍ରିରଙ୍ଗା ରହିଥିଲା ।
ଉତ୍ତରପ୍ରଦେଶରେ କଂଗ୍ରେସ ପାର୍ଟିକୁ ବଡ ଝଟକା ଲାଗିଛି । ଭଦ୍ରୋହୀ ଜନପଦର କଂଗ୍ରେସ ଜିଲ୍ଲାଧ୍ୟକ୍ଷ ସମେତ ଅନେକ ପଦାଧିକାରୀ କଂଗ୍ରେସରୁ ଇସ୍ତଫା ଦେଇଛନ୍ତି । ଭଦ୍ରୋହୀ କଂଗ୍ରେସର ଅଧ୍ୟକ୍ଷ ନୀଲମ ମିଶ୍ରା କଂଗ୍ରେସ ଦଳର ମହାସଚିବ ପ୍ରିୟଙ୍କା ଗାନ୍ଧୀଙ୍କ ବ୍ୟବହାରକୁ ନେଇ ପ୍ରଶ୍ନ ଉଠାଇବା ସହିତ ନିଜର ଅସନ୍ତୋଷ ଜାହିର କରିଥିଲେ । ନୀଲମଙ୍କ କହିବା ଅନୁଯାୟୀ, ଶନିବାର ଦିନ ସେ ଅଞ୍ଚଳର କଂଗ୍ରେସ ପ୍ରାର୍ଥୀଙ୍କ ବିପକ୍ଷରେ ପ୍ରିୟଙ୍କାଙ୍କ ନିକଟରେ ଅଭିଯୋଗ କରିଥିଲେ । କିନ୍ତୁ ସେ କଥା ଶୁଣିବା ବଦଳରେ ତାଙ୍କ ବିପକ୍ଷରେ କଠୋର ଶବ୍ଦର ବ୍ୟବହାର କରିଥିଲେ । ନୀଲମ ମିଶ୍ରା କହିଥିଲେ ଯେ, ଶୁକ୍ରବାର ଦିନ କଂଗ୍ରେସ ପ୍ରାର୍ଥୀ ରମାକାନ୍ତ ଯାଦବଙ୍କ ସମର୍ଥନରେ ପ୍ରିୟଙ୍କା ଗାନ୍ଧୀଙ୍କ ଏକ ରାଲି ଆୟୋଜନ କରାଯାଇଥିଲା । କିନ୍ତୁ କୌଣସି ପଦାଧିକାରୀଙ୍କୁ ରାଲିରେ ଆମନ୍ତ୍ରଣ କରାଯାଇନଥିଲା । ଏ ସମ୍ୱନ୍ଧରେ ପ୍ରିୟଙ୍କା ଗାନ୍ଧୀଙ୍କ ପାଖରେ ଅଭିଯୋଗ ମଧ୍ୟ କରାଯାଇଥିଲା । ପ୍ରିୟଙ୍କାଙ୍କ…
ଆସନ୍ତା ୧୯ ତାରିଖରେ ଦେଶରେ ଅନୁଷ୍ଠିତ ହେବ ୨୦୧୯ ଲୋକସଭା ନିର୍ବାଚନର ସପ୍ତମ ତଥା ଅନ୍ତିମ ପର୍ଯ୍ୟାୟ ନିର୍ବାଚନ । ଏଥିପାଇଁ ଏବେ ରାଜନୈତିକ ବାତାବରଣ ବେଶ୍ ସରଗରମ। ସବୁ ରାଜନୈତିକ ଦଳ ପ୍ରଚାର ପ୍ରସାରରେ ବ୍ୟସ୍ତ । ଭାରତୀୟ ଜନତା ପାର୍ଟି ମଧ୍ୟ ଅନ୍ତିମ ପର୍ଯ୍ୟାୟ ପାଇଁ ବେଶ୍ ତତ୍ପର । ଠିକ୍ ସମୟରେ ବିଜେପି ଅଧ୍ୟକ୍ଷ ଅମିତ୍ ଶାହାଙ୍କୁ ରୋଡ୍ ଶୋ’କୁ ଅନୁମତି ନ ମିଳିବା ଘଟଣା ବେଶ୍ ଚର୍ଚ୍ଚାକୁ ଆସିଛି । ମିଳିଥିବା ସୂଚନା ଅନୁସାରେ ପଶ୍ଚିମବଙ୍ଗର ଯାଦବପୁରରେ ରୋଡ୍ ଶୋ’ କରିବାକୁ ଅନୁମତି ମିଳିଲା ନାହିଁ। ଏହାସହ ସେଠାରେ ତାଙ୍କ ହେଲିକପ୍ଟରକୁ ଓହ୍ଲାଇବାର ଅନୁମତି ମଧ୍ୟ ଦିଆଗଲା ନାହିଁ। ସୂଚନାଯୋଗ୍ୟ, ସୋମବାର ଦିନ ଶାହ ପଶ୍ଚିମବଙ୍ଗରେ ରୋଡ ଶୋ’ କରିବାର କାର୍ଯ୍ୟକ୍ରମ ଥିଲା। ଏହା ପୂର୍ବରୁ ମଧ୍ୟ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ବିଜେପି ନେତାଙ୍କୁ ପଶ୍ଚିମବଙ୍ଗରେ ରୋଡ ଶୋ’ କରିବାକୁ ଅବା ହେଲିକପ୍ଟର ଓହ୍ଲାଇବାକୁ ଅନୁମତି ଦେଇ…
ଭାରତରେ ଅବସ୍ଥାପିତ ଅଷ୍ଟ୍ରେଲିଆର ରାଷ୍ଟ୍ରଦୂତ ହରିନ୍ଦର ସିଦ୍ଧୁ ଭାରତୀୟ ନିର୍ବାଚନ ଆୟୋଗଙ୍କ ସହିତ ଇଭିଏମ୍କୁ ଖୁବ୍ ପ୍ରଶଂସା କରିଛନ୍ତି। ଏହା ସହିତ ଇଭିଏମ ଉପରେ ଯେମିତି ପ୍ରଶ୍ନ କରାଯାଉଛି, ଠିକ୍ ସେମିତି ବାଲାଟ୍ ପେପରର ପ୍ରାମାଣିକତା ଉପରେ ମଧ୍ୟ ପ୍ରଶ୍ନ ଉଠାଯାଇ ପାରିବ ବୋଲି କହିଛନ୍ତି ସିଦ୍ଧୁ । ଭାରତୀୟ ନିର୍ବାଚନ ଆୟୋଗର ପ୍ରଶଂସା କରି ଅଷ୍ଟ୍ରେଲିଆ ରାଷ୍ଟ୍ରଦୂତ କହିଛନ୍ତି ଯେ, ଏହା ବହୁତ ପ୍ରେରଣାଦାୟୀ। ସୁବ୍ୟବସ୍ଥିତ ନିର୍ବାଚନ ଆୟୋଗ ଓ ଏହାର ଅଧିକାରୀଙ୍କ କାରଣରୁ ଏହା ସମ୍ଭବ ହୋଇପାରୁଥିବା ସେ କହିଛନ୍ତି। ଇଭିଏମ ମେସିନ ଓ ଭିଭିପାଟ୍ ସିଷ୍ଟମର ମଧ୍ୟ ପ୍ରଶଂସା କରିଛନ୍ତି ସିଦ୍ଧୁ ।
ଜମ୍ମୁ-କାଶ୍ମୀରର ସୋପିଆନରେ ଆଜି ଆତଙ୍କବାଦୀ ଏବଂ ସୁରକ୍ଷାକର୍ମୀଙ୍କ ମଧ୍ୟରେ ଗୁଳି ବିନିମୟ ହୋଇଛି । ଏଥିରେ ୨ଜଣ ଆତଙ୍କବାଦୀ ପ୍ରାଣ ହରାଇବା ସହ ଘଟଣାସ୍ଥଳରୁ ବିପୁଳ ପରିମାଣରେ ଗୁଳିଗୋଳା ଜବତ କରାଯାଇଛି । ସୂଚନା ମୁତାବକ, ସୋପିଆନ ହିନ୍ଦ ସୀତାପୁରା ଅଂଚଳରେ ୨ଜଣ ଆତଙ୍କବାଦୀ ଲୁଚି ରହିଥିବା ସୁରକ୍ଷାକର୍ମୀଙ୍କୁ ସୂଚନା ମିଳିଥିଲା । ସେନା ପକ୍ଷରୁ ସର୍ଚ୍ଚ ଅପରେସନ୍ କରାଯାଇଥିଲା । ଏଥିରେ ଦୁଇଜଣ ଆତଙ୍କବାଦୀଙ୍କ ମୃତ୍ୟୁ ଘଟିଛି । ଏହାସହ ଘଟଣାସ୍ଥଳରୁ ବିପୁଳ ପରିମାଣରେ ବନ୍ଧୁକ, ଗ୍ରେନେଡ ଜବତ କରାଯାଇଛି ।
କେଦାର ମିଶ୍ର ପ୍ରାକୃତିକ ବିପର୍ଯ୍ୟୟ ମୁକାବିଲା କ୍ଷେତ୍ରରେ ଓଡିଶା ୧୯୯୯ ମହାବାତ୍ୟାର ଭୟଙ୍କର ସ୍ମୃତିକୁ ବହୁ ପଛରେ ପକାଇ ସାରିଛି। ବିପର୍ଯ୍ୟୟ ମୁକାବିଲା କ୍ଷେତ୍ରରେ ଓଡିଶା ଏବେ ଦେଶରେ କେବଳ ନୁହଁ, ବରଂ ଆନ୍ତର୍ଜାତିକ ସ୍ତରରେ ସୁନାମ ଅର୍ଜନ କରିଛି। ୧୯୯୯ ପରଠୁ ଯେହେତୁ ନବୀନ ପଟ୍ଟନାୟକ ଓଡିଶା ମୁଖ୍ୟମନ୍ତ୍ରୀ ଦାୟିତ୍ବରେ ଅଛନ୍ତି, ସ୍ଵାଭାବିକ ଭାବରେ ଏହାର ଶ୍ରେୟ ତାଙ୍କ ପାଖକୁ ଇ ଯାଉଛି। ତେବେ ୧୯୯୯ ଓ ୨୦୧୯ ଭିତରେ ଏମିତି କଣ ବିଶେଷ ପରିବର୍ତ୍ତନ ଘଟିଛି, ଯାହାକୁ ଆମେ ଆମର ବଡ ସଫଳତା ବୋଲି କହି ଗର୍ବ କରିପାରିବା? ୧୯୯୯ ମହାବାତ୍ୟାରେ ଯେତେ ଲୋକ ମୃତ୍ୟୁ ବରଣ କରିଥିଲେ ତାହା ବୋଧହୁଏ ୧୮୬୬ ନ’ ଅଙ୍କ ଦୁର୍ଭିକ୍ଷ ପରେ ସବୁଠୁ ବଡ ମାନବୀୟ ସଙ୍କଟ ଥିଲା। ମହାବାତ୍ୟାରୁ ଆମେ ମଣିଷ ଜୀବନକୁ ସୁରକ୍ଷିତ ରଖିବାର ଏକ ଆହ୍ଵାନ ପାଇଥିଲୁ ଓ ଗତ କୋଡିଏ ବର୍ଷରେ ଓଡିଶାକୁ ଆସିଥିବା ଚାରୋଟି…
ଆଜି ହେଉଛି ମଦର୍ସ ଡେ’ ବା ମାତୃ ଦିବସ । ମଇ ୧୨ ତାରିଖ ଦିନ ବିଶ୍ବ ମାତୃ ଦିବସ ପାଳନ କରାଯାଇଥାଏ । ତେବେ କେତେକ ଦେଶରେ ଏହାକୁ ଅଲଗା ଅଲଗା ଦିନରେ ମଧ୍ୟ ପାଳନ କରାଯାଏ । ଏମିତିରେ ଦେଖିବାକୁ ଗଲେ ପ୍ରତ୍ୟେକ ଦିନ ହେଉଛି ମାତୃ ଦିବସ । ମା’ ହେଉଛି ଏକ ପବିତ୍ର ଓ ମଧୁର ଶବ୍ଦ । ଏହି ଶବ୍ଦରେ ଲୁଚି ରହିଛି ମମତା ଓ ସହନଶୀଳତା । ମା’ର ପଣତକାନି ସାରା ଦୁନିଆର ଦୁଃଖ ପାଇଁ ନିଅଣ୍ଟ । ସେ ହେଉଛି ସର୍ବଂସହା, ସେ ସ୍ରଷ୍ଟା ଓ ପୁଣି ସେ ସୃଷ୍ଟି । ସମଗ୍ର ସଂସାର ତା’ ଭିତରେ ବିଦ୍ୟମାନ । ତେବେ ଚଳିତ ବର୍ଷ ମାତୃ ଦିବସ ୨୦୧୯ର ଏକ ଥିମ୍ ରଖାଯାଇଛି । ଏହି ଥିମ୍ ହେଉଛି ବାଲାନ୍ସ ଫର୍ ବେଟର୍ ଅର୍ଥାତ୍ ବିଶ୍ବରେ ଲିଙ୍ଗ ସନ୍ତୁଳନ ରକ୍ଷା କରିବା…
କବୀର ଖାନ୍ଙ୍କ ସୁପରହିଟ୍ ଫିଲ୍ମ ‘ଏକ ଥା ଟାଇଗର୍’ର ସିକ୍ବେଲ୍ର ଆଶାତୀତ ସଫଳତା ପରେ ଏହାର ସିକ୍ବେଲ୍ ‘ଟାଇଗର୍ ଜିନ୍ଦା ହୈ’ ପରଦାକୁ ଆସିଥିଲା, ଯାହା ବକ୍ସ ଅଫିସ୍ରେ ମଧ୍ୟ ବହୁଳ ଲୋକପ୍ରିୟ ରହିଥିଲା । ଏହି ଫିଲ୍ମକୁ ନିର୍ଦ୍ଦେଶନା ଦେଇଥିଲେ ଅଲ୍ଲୀ ଆବାସ ଜାଫର୍ । ଏହି ଫିଲ୍ମରେ ପୂର୍ବ ଫିଲ୍ମ ପରି ସଲ୍ଲୁ-କ୍ୟାଟ୍ଙ୍କ ଯୋଡ଼ିକୁ ଦେଖିବାକୁ ମିଳିଥିଲା । ତେବେ ମିଳିଥିବା ସୂଚନା ଅନୁସାରେ ଅଲ୍ଲୀ ପୁଣି ଥରେ ଏହି ଫିଲ୍ମରେ ସିକ୍ବେଲ୍ ନିର୍ମାଣ କରିବାକୁ ଚାହୁଁଛନ୍ତି । ଏଥିପାଇଁ ସ୍କ୍ରିପ୍ଟ ମଧ୍ୟ ପ୍ରସ୍ତୁତ କରିଛନ୍ତି । ୟଶ୍ରାଜ ବ୍ୟାନର୍ ଓ ଅଭିନେତା ସଲମାନ୍ ଖାନ୍ ଦୁହେଁ ଏଥିପାଇଁ ରାଜି ହୋଇଥିବା ସହ ସ୍କ୍ରିପ୍ଟକୁ ପସନ୍ଦ କରିଥିବାର ଜଣାପଡିଛି । ତେବେ ଫିଲ୍ମଟିର ଶୁଟିଂକୁ ନେଇ ଔପଚାରିକ ଭାବେ କୌଣସି ସୂଚନା ମିଳିପାରିନାହିଁ । ଆସନ୍ତା ଜୁନ୍ ୫ ଇଦ୍ ଅବସରରେ ଅଲ୍ଲୀ ଆବାସ୍ ଜାଫର୍ଙ୍କ ନିର୍ଦ୍ଦେଶିତ ତଥା…
ବଲିଉଡ୍ ଅଭିନେତ୍ରୀ କ୍ୟାଟ୍ରିନା କୈଫ୍ ଓ ଶାହରୁଖ ଖାନ୍ ପୁଣି ଥରେ ବଡ଼ପରଦାରେ ଦେଖିବାକୁ ମିଳିବେ । ମିଳିଥିବା ସୂଚନା ଅନୁସାରେ ଫାରହା ଖାନ୍ଙ୍କ ପ୍ରଯୋଜିତ ଓ ରୋହିତ୍ ଶେଟ୍ଟିଙ୍କ ନିର୍ଦ୍ଦେଶିତ ତଥା ରିମେକ୍ ଫିଲ୍ମ ‘ସତ୍ତେ ପେ ସତ୍ତା’ରେ ଦୁହେଁ ନଜର ଆସିବେ । ୭୦ ଦଶକରେ ମୁକ୍ତିଲାଭ କରିଥିବା ଏହି ଫିଲ୍ମରେ ନଜର ଆସିଥିଲେ ଅମିତାଭ ବଚ୍ଚନ ଓ ହେମାମାଳିନୀ । ପୂର୍ବରୁ ଶାହରୁଖ୍ – କ୍ୟାଟ୍ରିନା ୨୦୧୨ରେ ‘ଜବ୍ ତକ୍ ହୈ ଜାନ୍’ ଓ ୨୦୧୮ରେ ‘ଜିରୋ’ ଫିଲ୍ମରେ ଅଭିନୟ କରିଛନ୍ତି । ‘ଜବ ତକ୍ ହୈ ଜାନ୍’ ଫିଲ୍ମଟି ସୁପରହିଟ୍ ରହିଥିବାବେଳେ ’ଜିରୋ’ ଫିଲ୍ମଟି ବକ୍ସ ଅଫିସରେ ଅସଫଳ ରହିଥିଲା । ତେବେ ଏହି ଫିଲ୍ମ ପାଇଁ ଔପଚାରିକ ଭାବେ କିଛି ଘୋଷଣା କରାଯାଇନାହିଁ ।
ସମୀକ୍ଷା ବ୍ୟୁରୋ ଭାରତୀୟ କ୍ରିକେଟର ବିରାଟ କୋହଲି ଆଜି ନିଜର ମତାଧିକାର ସାବ୍ୟସ୍ତ କରିଛନ୍ତି। ବିରାଟ ତାଙ୍କର ଭାଇଙ୍କ ସହିତ ଗୁରୁଗାଁଓର ଏକ ବୁଥରେ ନିଜର ଭୋଟ ଦେଇଛନ୍ତି। ବିରାଟ ସକାଳୁ ସକାଳୁ ତାଙ୍କର ବଡ ଭାଇ ବିକାସ କୋହଲି ଭୋଟ ଦେବା ପାଇଁ ଧାଡିରେ ଛିଡା ହୋଇଥିଲେ। ସେତେବେଳେ ଭିଡ ନ ଥିବାରୁ ଦୁଇ ଭାଇ ଶିଘ୍ର ଭୋଟ ଦେଇ ଆସିଥିଲେ। ଭୋଟ ଦେବା ପରେ ବିରାଟ ବାହାରେ ଲୋକମାନେ ଭୋଟ ସାବ୍ୟସ୍ତ କରନ୍ତୁ ବୋଲି ଅନୁରୋଧ କରିଥିଲେ। ବାହାରେ ତାଙ୍କର ଫ୍ୟାନଙ୍କ ସହିତ ସେଲଫି ନେବା ସହିତ କେତେକଙ୍କୁ ଅଟୋଗ୍ରାଫ ମଧ୍ୟ ଦେଇଥିଲେ। ଆଜି ଷଷ୍ଠ ପର୍ଯ୍ୟାୟ ମତଦାନରେ 6ଟି ରାଜ୍ୟ ଏବଂ ଗୋଟିଏ କେନ୍ଦ୍ର ଶାସିତ ଅଞ୍ଚଳରେ ଭୋଟ ଗ୍ରହଣ ହେଉଛି। ଏଥିରେ ବିହାରର 8ଟି, ହରିୟାନାର 10 ଟି, ଝାଡଖଣ୍ଡର 4ଟି, ମଧ୍ୟପ୍ରଦେଶର 8ଟି, ଉତ୍ତର ପ୍ରଦେଶର 14ଟି, ପଶ୍ଚିମ ବଂଗର 8ଟି ଏବଂ ନୂଆଦିଲ୍ଲୀର…
ଷଷ୍ଠ ପର୍ଯ୍ୟାୟ ମତଦାନରେ ଆଜି ଭାରତର ରାଷ୍ଟ୍ରପତି ରାମନାଥ କୋବିନ୍ଦ ତାଙ୍କର ମତାଧିକାର ସାବସ୍ତ୍ୟ କରିଛନ୍ତି। ରାଷ୍ଟ୍ରପତି ଭବନରେ ହୋଇଥିବା ଏକ ବୁଥରେ ରାଷ୍ଟ୍ରପତି ଏବଂ ତାଙ୍କର ଧର୍ମପତ୍ନୀ ସବିତା କୋବିନ୍ଦ ନିଜର ଭୋଟ ପ୍ରଦାନ କରିଛନ୍ତି। ଆଜି ନୂଆଦିଲ୍ଲୀ ସମେତ ବିଭିନ୍ନ ରାଜ୍ୟରେ ଷଷ୍ଠ ପର୍ଯ୍ୟାୟ ନିର୍ବାଚନ ଅନୁଷ୍ଠିତ ହେଉଛି। ନୂଆଦିଲ୍ଲୀରେ ପ୍ରାୟ 1 କୋଟି 43 ଲକ୍ଷ ଭୋଟର ଭୋଟ ଦେବାର ସମ୍ଭାବନା ରହିଛି।ସେଥିପାଇଁ ଦିଲ୍ଲୀରେ 13 ହଜାର 8ଶହ ପୁଲିଂ ବୁଥ କରାଯାଇଛି। ଆଜି ସକାଳ 7ଟାରୁ ଶାନ୍ତଶୃଙ୍ଖଳା ଭାବେ ମତଦାନ ଆରମ୍ଭ ହୋଇଛି। ଦେଶର ରାଜଧାନୀରେ ଭୋଟ ପକ୍ରିୟା ଚାଲୁଥିବାରୁ ସେଠାରେ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି। ବର୍ତ୍ତମାନ ନୂଆଦିଲ୍ଲୀର ଲୋକସଭା ନିର୍ବାଚନ ପାଇଁ ମୁଖ୍ୟତଃ ତ୍ରିମୁଖୀ ପ୍ରତିଦ୍ବନ୍ଦିତା ହେଉଛି। ଦିଲ୍ଲୀ ଶାସନ କ୍ଷମତାରେ ଥିବା ଆମ୍ ଆଦମି ପାର୍ଟି, କଂଗ୍ରେସ ଏବଂ ବିଜେପି ମଧ୍ୟରେ ତୀବ୍ର ଲଢେଇ ହେଉଛି।
ସମୀକ୍ଷା ବ୍ୟୁରୋ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପୁଣି ଥରେ ଫନି ବାତ୍ୟା ପ୍ୟାକେଜ ଘୋଷଣା କରିଛନ୍ତି। ଆଜି ସଚିବାଳୟରେ ବସିଥିବା ଏକ ବୈଠକ ପରେ ମୁଖ୍ୟମନ୍ତ୍ରୀ ଏହି ଘୋଷଣା କରିଛନ୍ତି। ଘୋଷଣା ଅନୁସାରେ ଫନି ବାତ୍ୟା ପ୍ରଭାବିତ ଜିଲ୍ଲାଗୁଡିକର ଜଳସେଟିତ ଜମି ଚାଷିଙ୍କୁ ମିଳିବ ହେକ୍ଟର ପିଛା 18 ହଜାର ଟଙ୍କା। ସେହିପରି ଅଣ ଜଳସେଚିତ ଜମି ଚାଷିଙ୍କୁ ମିଳିବ 6 ହଜାର 8ଶହ ଟଙ୍କା। ଏଥିସହିତ ବିଭିନ୍ନ କୃଷି ତଥା ମତ୍ସ୍ୟଜୀବୀଙ୍କ ପାଇଁ ଯାହା ଘୋଷଣା କରାଯାଇଛି ତାହା ହେଲା.. 1-ଜଳସେଚିତ ଜମି ଚାଷୀଙ୍କୁ ହେକ୍ଚର ପିଛା 18 ହଜାର ଟଙ୍କାର କୃଷି ଇନପୁଟ ସବସିଡି ମିଳିବ 2-ଅଣ ଜଣସେଚିତ ଚାଷୀଙ୍କୁ ହେକ୍ଚର ପିଛା 6 ହାଜାର 8ଶହ ଟଙ୍କା ଇନପୁଟ ସବସିଡ 3-ବାତ୍ୟା ପ୍ରଭାବିତ ଅଞ୍ଚଳରେ ପନିପରିବା ଚାଷୀଙ୍କୁ ମିଳିବ ସହାୟତା। ଏଥିରେ ଏକ ଲକ୍ଷ ମିନି କିଟ ପ୍ରଦାନ କରାଯିବ 4-ପାନବରଜ ଚାଷୀଙ୍କୁ 15 ହଜାର ଟଙ୍କା…
ଶିଖ୍ବିରୋଧୀ ଦଙ୍ଗା ଉପରେ କଂଗ୍ରେସ ନେତା ସାମ୍ପିଟ୍ରୋଡା ଦେଇଥିବା ବିବାଦୀୟ ମନ୍ତବ୍ୟ ପରେ ଏହି ପ୍ରସଙ୍ଗ ନେଇ ବିଜେପି କଂଗ୍ରେସକୁ ଘେରିଥିଲା । ଶେଷରେ ଏହି ପ୍ରସଙ୍ଗରେ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ମୁହଁ ଖୋଲିବା ସହ ସାମ୍ପିଟ୍ରୋଡାଙ୍କୁ କଡ଼ା ସମାଲୋଚନା କରିଛନ୍ତି। ଶୁକ୍ରବାର ଦିନ ରାହୁଲ ଫେସ୍ବୁକରେ ଏକ ପୋଷ୍ଟ କରି ପିଟ୍ରୋଡାଙ୍କ ମନ୍ତବ୍ୟ ପାର୍ଟି ଲାଇନଠାରୁ ଭିନ୍ନ ଏବଂ ସମ୍ପୂର୍ଣ୍ଣ ଭାବେ ଭୁଲ ବୋଲି ଲେଖିଥିଲେ। ରାହୁଲ ଉଲ୍ଲେଖ କରିଥିଲେ ଯେ, ୧୯୮୪ ମସିହା ଭୟାବହ ଏବଂ ଦୁଃଖଦ ଥିଲା। ଏହି ଘଟଣା ଉପରେ ନ୍ୟାୟ ହେବା ଉଚିତ। ଯେଉଁମାନେ ଏଥିପାଇଁ ଦାୟୀ ସେମାନଙ୍କୁ ଦଣ୍ଡ ମିଳିବା ଆବଶ୍ୟକ। ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂହ ଏବଂ ମୋ ମା’ ସୋନିଆ ଗାନ୍ଧୀ ବି ଏ ନେଇ କ୍ଷମା ମାଗି ସାରିଛନ୍ତି। ଆମ ଆଭିମୁଖ୍ୟ ସ୍ପଷ୍ଟ ଯେ ୧୯୮୪ ଭଳି ଦୁଃଖଦ ଘଟଣା କେବେ ନ ଘଟିବା ଉଚିତ। ପିଟ୍ରୋଡା…
ପୂର୍ବତନ ବିଜେପି ନେତା ୟଶଓ୍ବନ୍ତ ସିହ୍ନା ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ନେଇ ଏକ ବିସ୍ଫୋରକ ବୟାନ ଦେଇଛନ୍ତି । 2002ରେ ତତ୍କାଳୀନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀ ମୋଦିଙ୍କୁ ବହିଷ୍କାର କରିବାକୁ ଚାହୁଁଥିଲେ ବୋଲି କହିଛନ୍ତି ସିହ୍ନା । 2002ରେ ଗୋଧ୍ରା ଦଙ୍ଗା ପରେ ବାଜପେୟୀ ମୋଦିଙ୍କୁ ବହିଷ୍କାର କରିବାକୁ ଚାହୁଁଥିଲେ ମାତ୍ର ତତ୍କାଳୀନ ଗୃହ ମନ୍ତ୍ରୀ ଲାଲ କୃଷ୍ଣ ଆଡଭାଣୀଙ୍କ ଚାପରେ ବାଜପେୟୀ ନିଜର ନିଷ୍ପତ୍ତି ପରିବର୍ତ୍ତନ କରିଥିଲେ । 2002ରେ ଦଳର ଗୋଆ ସମ୍ମିଳନୀରେ ମୋଦିଙ୍କୁ ବହିଷ୍କାର କରିବାକୁ ଚାହୁଁଥିଲେ ମାତ୍ର ଆଡଭାଣୀ ଇସ୍ତଫା ପ୍ରଦାନର ଧମକ ଦେବାରୁ ଏହା ହୋଇ ପାରିନଥିଲା । ଆଇଏନଏସ୍ ବିରାଟ ସମ୍ପର୍କିତ ମୋଦିଙ୍କ ବିବାଦୀୟ ବୟାନକୁ ନେଇ ଭୋପାଳରେ ଏକ ସାମ୍ବାଦିକ ସମ୍ମିଳନୀରେ ଏହି ମନ୍ତବ୍ୟ ଦେଇଛନ୍ତି ସିହ୍ନା । ସିହ୍ନା କହିଥିଲେ, ଏହା ଉପରେ ଅଯଥା ରାଜନୀତି କରାନଯିବା ଆବଶ୍ୟକ କାରଣ ସେନାର ପୂର୍ବତନ ବରିଷ୍ଠ ଅଧିକାରୀ ଏହା ଉପରେ…
ଆମେରିକୀୟ ମାଗାଜିନ୍ ଟାଇମ୍ ନିକଟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଏକ କଭର ଫଟୋ ସହ ଡିଭାଇଡର୍ ଇନ୍ ଚିଫ୍ ବୋଲି ଟିପ୍ପଣୀ କରିଥିଲା । ତେବେ ଏହା ଉପରେ ବିଜେପି କଡ଼ା ପ୍ରତିକ୍ରିୟା ରଖିଛି । ପାର୍ଟିର ପ୍ରବକ୍ତା ସମ୍ବିତ ପାତ୍ର କହିଛନ୍ତି ଯେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଡିଭାଇଡର ନୁହଁନ୍ତି, ବରଂ ସେ ହେଉଛନ୍ତି ଜଣେ ‘ୟୁନିଫାର୍ମର’, ଯିଏ ଦେଶକୁ ଯୋଡ଼ୁଛନ୍ତି । ଜିଏସ୍ଟି ସଂସ୍କାର ଆଣିବା ସହିତ ମୁଦ୍ରା ଯୋଜନା ଓ ଆୟୁଷ୍ମାନ ଯୋଜନା ଦ୍ବାରା ଦେଶର ବିକାଶ କରିଛନ୍ତି । ମୋଦିଙ୍କୁ ‘ଦ ଗ୍ରେଟ୍ ଗେମ ଚେଞ୍ଚର୍ ଅଫ୍ ଇଣ୍ଡିଆ’ ବୋଲି ଅଭିହିତ କରିଛନ୍ତି ସମ୍ବିତ । ଏହା ସହିତ ଟାଇମ୍ ମାଗାଜିନ୍ରେ ଏହି ସମ୍ବନ୍ଧୀୟ ଲେଖା ଜଣେ ପାକିସ୍ତାନ ନାଗରିକ ଲେଖିଛନ୍ତି, ଯାହାର ଲେଖାକୁ ରାହୁଲ୍ ଗାନ୍ଧି ଟୁଇଟ୍ କରିଛନ୍ତି ବୋଲି ସମ୍ବିତ ପାତ୍ର କହିଛନ୍ତି । ମୋଦି ପାକିସ୍ତାନରେ ଦୁଇ ଦୁଇଟା ସର୍ଜିକାଲ ଷ୍ଟ୍ରାଇକ୍…
ଦେଶରେ ଆଉ ଦୁଇଟି ପର୍ଯ୍ୟାୟ ନିର୍ବାଚନ ହେବାକୁ ବାକି ରହିଛି । ଏବେବି ରାଜନୈତିକ ବୟାନବାଜି ଥମିବାର ନାଁ ଧରୁନାହିଁ । କଂଗ୍ରେସର ନେତା ନଭଜୋତ୍ ସିଂ ସିଦ୍ଧୁ ପୁଣିଥରେ ବିଜେପି ବିରୋଧରେ ବୟାନ ଦେଇ ଚର୍ଚ୍ଚାକୁ ଆସିଛନ୍ତି । ଗତକାଲି ଷଷ୍ଠ ପର୍ଯ୍ୟାୟ ନିର୍ବାଚନ ପାଇଁ ପ୍ରଚାରର ଶେଷ ଦିନ ଥିବାବେଳେ ଇନ୍ଦୋରଠାରେ କଂଗ୍ରେସ ପ୍ରାର୍ଥୀଙ୍କ ପାଇଁ ନିର୍ବାଚନ ପ୍ରଚାରରେ ସିଦ୍ଧୁ ବିଜେପିକୁ ଟାର୍ଗେଟ୍ କରିବା ସହିତ ମୋଦିଙ୍କୁ ‘କଳା ଇଂରେଜ’ ବୋଲି କହିଥିଲେ । ତେବେ ସିଦ୍ଧୁଙ୍କ ଏହି ବୟାନ୍ ଉପରେ ପାଲଟା ଜବାବ ଦେବା ସହିତ ସିଦ୍ଧୁ ଏହି ବୟାନ୍ରେ କେବଳ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ନୁହେଁ ବରଂ ଭାରତୀୟଙ୍କୁ ’କଳା ଇଂରେଜ’ କହିଛନ୍ତି ବୋଲି ଯୁକ୍ତି ବାଢିଛି ବିଜେପି। ବିଜେପି ମୁଖପାତ୍ର ସମ୍ବିତ ପାତ୍ର ସିଦ୍ଧୁଙ୍କୁ ପାଲଟା ଆକ୍ରମଣ କରି କହିଛନ୍ତି ଯେ, ‘ମୋଦି କଳା ହେଲେ ସେଠୁ କ’ଣ ହେଲା, ସେ ହିନ୍ଦୁସ୍ତାନର ରକ୍ଷକ…
ଭାରତୀୟ ବାୟୁସେନାକୁ ମିଳିଲା ପ୍ରଥମ ଅପାଚେ ଆଟାକ୍ ହେଲିକ୍ୟାପ୍ଟର । ଆମେରିକାର ଏରିଜୋନାରେ ବାୟୁସେନାର ଏକ ଏୟାର୍ ମାର୍ଶଲ୍ ଏଏଏସ୍ ବୁଟୋଲାକୁ ଏହି ହେଲିକ୍ୟାପ୍ଟର ହସ୍ତାନ୍ତର କରାଯାଇଛି । ୨୦୧୫ ମସିହାରେ ଭାରତ ଆମେରିକା ସହ ଏହି ହେଲିକ୍ୟାପ୍ଟର ପାଇଁ ଚୁକ୍ତି କରିଥିଲା । ଏହି ଚୁକ୍ତି ଅନୁସାରେ ଭାରତକୁ ୨୨ଟି ହେଲିକ୍ୟାପ୍ଟର ମିଳିବ । ପ୍ରଥମ ବ୍ୟାଚ୍ର ହେଲିକ୍ୟାପ୍ଟରକୁ ଚଳିତ ଜୁଲାଇରେ ଆସିବ । ଅପାଚେ ଆଟାକ୍ ହେଲିକ୍ୟାପ୍ଟରକୁ ଦୁନିଆର ସବୁଠାରୁ ଆଧୁନିକ ଏବଂ ଘାତକ ହେଲିକ୍ୟାପ୍ଟର ବୋଲି କୁହାଯାଏ । ଏହି ହେଲିକ୍ୟାପ୍ଟରର ବିଶେଷତ୍ବ ହେଉଛି ଯେ, ଏଥିରେ ଏକ ସେନ୍ସର ରହିଛି, ଯାହା ରାତିର ଅନ୍ଧକାର ମଧ୍ୟରେ ଉଡାଣ ଭରିବାରେ ସକ୍ଷମ ହେବା ସହିତ ଘଣ୍ଟା ପ୍ରତି ୩୬୫ କିଲୋମିଟର ବେଗରେ ଉଡିପାରିବ । ଏହି ହେଲିକ୍ୟାପ୍ଟର ଭାରତରେ ସାମିଲ୍ ହେବା ପରେ ଆମେରିକା ଭଳି ଭାରତ ମଧ୍ୟ ଆତଙ୍କୀ ଠିକଣାରେ ସହଜରେ ଏୟାର୍ ଷ୍ଟ୍ରାଇକ୍ କରିପାରିବ…
ସମୀକ୍ଷା ବ୍ୟୁରୋ ରାଫାଲେ ମାମଲାରେ କାହିଁକି ମାମଲା ରୁଜୁ କରା ଯାଇନାହିଁ ବୋଲି ସୁପ୍ରିମ୍କୋର୍ଟ ପ୍ରଶ୍ନ କରିଛନ୍ତି । ଗତବର୍ଷ ଅକ୍ଟୋବରରୁ ଅଭିଯୋଗ ଆସିଥିଲେ ମଧ୍ୟ ଏନେଇ ଏଫଆଇଆର କାହିଁକି ରୁଜୁ କରାଯାଇ ନାହିଁ ବୋଲି କେନ୍ଦ୍ର ସରକାରଙ୍କ ତଦନ୍ତ ବ୍ୟୁରୋକୁ ପ୍ରଶ୍ନ କରିଛନ୍ତି ସୁପ୍ରିମକୋର୍ଟ । ମୁଖ୍ୟ ବିଚାରପତି ଜଷ୍ଟିସ୍ ରଞ୍ଜନ ଗୋଗୋଇଙ୍କ ନେତୃତ୍ବରେ ଗଠିତ ଖଣ୍ଡପୀଠରେ ଜଷ୍ଟିସ୍ କେ ଏମ୍ ଯୋଶେଫ୍ ଏହି ମାମଲା ଉପରେ ଶୁଣାଣି କରି ଏହି ପ୍ରଶ୍ନ କରିଛନ୍ତି । ଦୁଇ ଘଣ୍ଟା ଧରି ଉଭୟ ବିଚାରପତି ଏହି ମାମଲା ଉପରେ ବିଚାର କରି ଏହି ନିଷ୍ପତ୍ତି ନେଇଥିଲେ । ଆଟର୍ଣ୍ଣି ଜେନେରାଲ କେ କେ ଭେନୁଗୋପାଳଙ୍କୁ ପ୍ରଶ୍ନ କରି ଯୋଶେଫ୍ କହିଛନ୍ତି, ସରକାର ଏହି କ୍ଷେତ୍ରରେ କିପରି ଭାବରେ ନିୟମ ଉଲ୍ଲଂଘନ କରିଛନ୍ତି । ସୂଚନାଯୋଗ୍ୟ ଯେ, ଗତବର୍ଷ ଅକ୍ଟୋବରରେ ସରକାର ଫ୍ରାନ୍ସ ସରକାରଙ୍କ ଠାରୁ ୩୬ ରାଫାଲେ ବିମାନ କ୍ରୟ କରିବାର…
ସମୀକ୍ଷା ବ୍ୟୁରୋ ନିର୍ବାଚନରେ ବିଜେପି ନେତା ଟଙ୍କା ବାଣ୍ଟୁଥିବାର ଅଭିଯୋଗ ଆଣି ଆକ୍ରମଣ କରିଛନ୍ତି ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ । ଜେଡ୍ ପ୍ଲସ୍ ସୁରକ୍ଷା ବ୍ୟବସ୍ଥା ମଧ୍ୟରେ ବିଜେପି ନେତା ଅର୍ଥ ବାଣ୍ଟୁଛନ୍ତି ବୋଲି ଶୁକ୍ରବାର ଅଭିଯୋଗ କରିଛନ୍ତି ମମତା । ଚିତ୍ରଗୁଡାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ହେଲିକପ୍ଟରରୁ କଳାବାକ୍ସ ନେଇ ଚର୍ଚ୍ଚା ଲାଗି ରହିଥିବା ବେଳେ ଗତକାଲି ଘୋଟାଲାରୁ ବିଜେପି ପ୍ରାର୍ଥୀ ଭାରତୀ ଘୋଷଙ୍କ କାରରୁ ୧ ଲକ୍ଷ ୧୩ହଜାର ୮୯୫ ଟଙ୍କା ଉଦ୍ଧାର କରାଯିବା ଏହାର ସ୍ପଷ୍ଟ ପ୍ରମାଣ ବୋଲି ମମତା କହିଛନ୍ତି । ବିଜେପି ନେତାଙ୍କୁ ଜେଡ୍ ପ୍ଲସ୍ ସୁରକ୍ଷା ମିଳିଥିବାରୁ ସେମାନେ ସହଜରେ ସୁରକ୍ଷା ବ୍ୟବସ୍ଥାକୁ ପାର ହୋଇ ଅର୍ଥ ବାଣ୍ଟିବାରେ ସଫଳ ହେଉଛନ୍ତି ବୋଲି ଅଭିଯୋଗ କରିଛନ୍ତି ମମତା । ଉତ୍ତର ୨୪ ପ୍ରଗଣାର ଅଶୋକ ନଗରରେ ଏକ ନିର୍ବାଚନୀ ରାଲିରେ ଅଭିଭାଷଣ ପ୍ରଦାନ ସମୟରେ ମମତା ଏହି ଅଭିଯୋଗ ଉଠାଇଥିଲେ ।…
