କବିତା ଲେଖି ଜଣେ ଅପରାଧୀ ମୃତ୍ୟୁଦଣ୍ଡରୁ ନିଜକୁ ବଞ୍ଚାଇପାରିଛନ୍ତି । ଏକ ହତ୍ୟାକାଣ୍ଡ ପାଇଁ ଦୋଷୀ ସାବ୍ୟସ୍ତ ହୋଇଥିବା ଜଣେ ଅପରାଧୀଙ୍କୁ ମୃତ୍ୟୁଦଣ୍ଡ ମିଳିଥିଲେ ମଧ୍ୟ ତାଙ୍କ ଦଣ୍ଡକୁ ପରିବର୍ତ୍ତନ କରାଯାଇ ଆଜୀବନ ଜେଲଦଣ୍ଡ ଦିଆଯାଇଛି । ଏହା କେବଳ ସମ୍ଭବ ହୋଇପାରିଛି କବିତା ପାଇଁ । ଅପରାଧୀ ଜଣକ ଜେଲ୍ରେ ରହିବା ସମୟରେ ହିଁ ସେ ଲେଖିଥିବା କବିତା ପାଇଁ ସୁପ୍ରିମକୋର୍ଟ ଏଭଳି ଏକ ନିଷ୍ପତ୍ତି ନେଇଛନ୍ତି। ସୁପ୍ରିମ୍କୋର୍ଟ ଏହି କବିତା ସବୁକୁ ଅନୁଶୀଳନ କରିବା ପରେ ଅପରାଧୀ ଜଣକ ନିଜ ଭୁଲ୍ ପାଇଁ ଅନୁତପ୍ତ ଏବଂ ତା’ ଭିତରେ ସଂସ୍କାର ଆସିଥିବାର ଜାଣିବାକୁ ପାଇଥିଲେ । ଜଷ୍ଟିସ୍ ଏକେ ସିକ୍ରି, ଜଷ୍ଟିସ୍ ଏସ୍ ଅବ୍ଦୁଲ ନାଜିର ଏବଂ ଜଷ୍ଟିସ୍ ଏମ୍ଆର ଶାହଙ୍କୁ ନେଇ ଗଠିତ ଖଣ୍ଡପୀଠ ଦେଇଥିବା ରାୟରେ ଏହି ନିଷ୍ପତ୍ତି ନିଆଯାଇଛି। ଏହି ଅପରାଧୀ ଜଣକ ଅର୍ଥ ଲୋଭରେ ଗୋଟିଏ ଛୁଆକୁ ଅପହରଣ କରିବା ପରେ ହତ୍ୟା…
Author: Samikhsya Bureau
ଭାରତ ପାକିସ୍ତାନ ମଧ୍ୟରେ ଚାଲିଥିବା ବିବାଦମୟ ପରିସ୍ଥିତିରେ ପାକିସ୍ତାନୀ ପ୍ରଶଂସକମାନେ ଏବେ ଅଭିନେତ୍ରୀ ପ୍ରିୟଙ୍କା ଚୋପ୍ରାଙ୍କୁ ୟୁନିସେଫ୍ର ସଦ୍ଭାବନା ରାଜଦୂତର ପଦରୁ ହଟାଇବାକ ପାଇଁ ଦାବି କରିଛନ୍ତି । ଅଭିନେତ୍ରୀ ପ୍ରିୟଙ୍କା ଚୋପ୍ରା ଜୋନାସ୍ ନିକଟରେ ଭାରତ ତରଫରୁ ଏୟାର୍ ଷ୍ଟ୍ରାଇକ୍ କରାଯାଇଥିବା ସମୟରେ ‘ଜୟ ହିନ୍ଦ # ଭାରତୀୟ ଅଭିଯାନ’ରେ ‘ଯୁଦ୍ଧ ପାଇଁ ଖୁସି’ ବୋଲି ଏକ ଟ୍ଵିଟ୍ କରିଥିଲେ । ଏହି ଟ୍ଵିଟ୍କୁ ନେଇ ପାକିସ୍ତାନୀ ପ୍ରଶଂସକମାନେ ପ୍ରିୟଙ୍କାଙ୍କୁ ଏହି ପଦରୁ ହଟାଇବା ପାଇଁ ଯାଚିକା ଦାଏର କରିଛନ୍ତି । ପାକିସ୍ତାନୀ ପ୍ରଶଂସକଙ୍କ ମତରେ ସଂଯୁକ୍ତ ରାଷ୍ଟ୍ର ଓ ୟୁନିସେଫ୍କୁ ଟ୍ୟାଗ୍ କରିବା ସହ ଏକ ଅନ୍ଲାଇନ୍ରେ ଯାଚିକାରେ ବିଶ୍ଵର ଆଇକନ୍ ପ୍ରିୟଙ୍କା ଚୋପ୍ରାଙ୍କୁ ୟୁନିସେଫ୍ରୁ ଏହି ପଦବୀରୁ ହଟାଇବା ପାଇଁ ଦାବି କରିଛନ୍ତି । ତେବେ ଏହି ଦଲିଲ୍ରେ ପ୍ରିୟଙ୍କା ୟୁନିସେଫ୍ର ସଦ୍ଭାବନା ଦୂତ ହେବା ପରେ ମଧ୍ୟ ତାଙ୍କର ଦ୍ଵାରା ଏପରି ଟ୍ଵିଟ୍କୁ ବିରୋଧ କରାଯାଇଛି…
ଆଫଗାନିସ୍ଥାନର ଦକ୍ଷିଣ ଭାଗରେ ଅଚାନକ ବନ୍ୟା ପରିସ୍ଥିତି ସୃଷ୍ଟି ହେବାରୁ ଏଥିରେ ଅତି କମ୍ରେ ୨୦ ଜଣଙ୍କର ମୃତ୍ୟୁ ଘଟିଛି । ଏହି ପ୍ରାକୃତିକ ବିପତ୍ତିରେ ୧୦ଜଣ ଲୋକ ନିଖୋଜ ହୋଇଥିବାର ସୂଚନା ରହିଛି । ଶୁକ୍ରବାର ଦିନ ଦକ୍ଷିଣ ପ୍ରାନ୍ କନ୍ଧାରରେ ପ୍ରବଳ ବର୍ଷା ହେବା କାରଣରୁ ଗତ ୩୦ ଘଣ୍ଟା ଭିତରେ ଏହି କ୍ଷେତ୍ରରେ ପାଖାପାଖି ୯୭ ମିଲିଲିଟିର ବର୍ଷା ହୋଇଥିଲା । ମୃତକଙ୍କ ମଧ୍ୟରେ ଶିଶୁମାନେ ମଧ୍ୟ ରହିଛନ୍ତି । ଏହି ଆକସ୍ମିକ ବନ୍ୟାରେ ପୂରା ଦକ୍ଷିଣ କ୍ଷେତ୍ରର ୨୦୦୦ରୁ ଉର୍ଦ୍ଧ୍ବ ଘର କ୍ଷତିଗ୍ରସ୍ତ ହୋଇଥିବାବେଳେ କନ୍ଧାର ସହରର ୬୦୦ଟି ଘର ନଷ୍ଟ ହୋଇଛି । ତଥାପି କିଛି କ୍ଷେତ୍ରରେ ଜଳସ୍ତର ବୃଦ୍ଧିପାଇବାରେ ଲାଗିଛି । ପ୍ରଶାସନ ତରଫରୁ ଜରୁରୀକାଳୀନ ସେବା ଜାରି ରହିଥିବାବେଳେ ଉଦ୍ଧାର କାର୍ଯ୍ୟ ଜାରି ରହିଛି ।
ଉତ୍ତର ପ୍ରଦେଶର ପ୍ରୟାଗରାଜରେ ଚାଲିଥିବା କୁମ୍ଭ ମେଳା ଗିନିଜ ୱାର୍ଲ୍ଡ ରେକର୍ଡ କରିଛି । ତେବେ ଗିନିଜ୍ ୱାର୍ଲ୍ଡ ରେକର୍ଡରେ କୁମ୍ଭମେଳା ତୃତୀୟ ରେକର୍ଡ କରି ହ୍ୟାଟ୍ରିକ ହାସଲ କରିଛି । ଶନିବାର ଦିନ ପାଞ୍ଚଟି ଅଲଗା ଅଲଗା ସ୍ଥାନରେ ପ୍ରାୟ ୧୦ହଜାରରୁ ଅଧିକ ସଫେଇ କର୍ମଚାରୀମାନେ ସଫେଇ କରି ମେଳାର ତୃତୀୟ ବିଶ୍ୱ ରେକର୍ଡ କରିଛନ୍ତି । କୁମ୍ଭମେଳାର ସେକ୍ଟର୧ ଏବଂ ୨ ରାସ୍ତା, ଅରେଲରେ ସଙ୍କଟମୋଚନ ମାର୍ଗ, ସେକ୍ଟର ୭ରେ କୈଳାସପୁରୀ ଏବଂ ଝୁଂସୀର ସଙ୍ଗମ ଲୋୟର ମାର୍ଗରେ ଏକା ସମୟରେ ୧୦ହଜାରରୁ ଅଧିକ ସଫେଇ କର୍ମଚାରୀ ୩ମିନିଟ ପର୍ଯ୍ୟନ୍ତ ଝାଡୁମାରି ଏହି ରେକର୍ଡ କରିଛନ୍ତି । ଏହା ପୂର୍ବରୁ ଏହି ରେକର୍ଡ ଢାକାର ୭୦୨୧ଜଣ ଲୋକ ଏକାସହ ସଫେଇ କରି ରେକର୍ଡ କରିଥିଲେ । ଏହା ସହ ଅଲଗା ଅଲଗା ପାଞ୍ଚଟି ସ୍ଥାନରେ ସଫେଇ କରିବାର ନୂଆ ରେକର୍ଡ ହୋଇଛି । ଏହା ପୂର୍ବରୁ କୁମ୍ଭ ମେଳା…
କେଦାର ମିଶ୍ର ଓଡିଶା ରାଜନୀତିରେ ଗତ ଛଅ ମାସର ଘଟଣାକ୍ରମକୁ ବିଶ୍ଳେଷଣ କଲେ ଗୋଟେ କଥା ଆମ ମନକୁ ବାରମ୍ବାର ଆସିବ, ଆଉ କଥାଟି ହେଉଛି ଏକ ବିକଳ୍ପ ଦଳ ଗଠନର ପ୍ରୟାସ। ବିଜୁ ଜନତା ଦଳରୁ ଯେଉଁ ନେତାମାନେ ବିତାଡିତ ହେଲେ ସେମାନେ ଗଣମାଧ୍ୟମ ଆଗରେ ବୀର ଦରପରେ କହିଲେ ଯେ ସେମାନେ ଗୋଟେ ବିକଳ୍ପ ଦଳ ଗଢି ନବୀନ ପଟ୍ଟନାୟକ ଓ ବିଜୁ ଜନତା ଦଳକୁ କ୍ଷମତାଚ୍ୟୁତ କରିବେ। ଏ ପ୍ରକାର ଚିନ୍ତା, ନିଶ୍ଚିତ ଭାବରେ ରାଜନୈତିକ ଦୃଷ୍ଟିରୁ ଗୁରୁତ୍ୱପୂର୍ଣ୍ଣ। ନବୀନ ବାବୁ ଗତ ୧୯ ବର୍ଷ ହେଲା ଓଡିଶା ଶାସନ କରୁଛନ୍ତି। ତାଙ୍କର ବିକଳ୍ପ ଖୋଜିବା ଏକ ରାଜନୈତିକ ଆବଶ୍ୟକତା। ବିଜୁ ଜନତା ଦଳ ଭିତରେ ରହି ଯେଉଁମାନେ ନବୀନଙ୍କୁ ଗୋଟେ ସମୟରେ ନିଜର ଏକମାତ୍ର ନେତା ବୋଲି ଭାବି ତାଙ୍କର ସବୁକଥାକୁ ମନ ପ୍ରାଣ ଦେଇ ସମର୍ଥନ କରୁଥିଲେ, ସେମାନେ ଯେତେବେଳେ ନବୀନଙ୍କ ଦ୍ଵାରା ବିତାଡିତ…
ହାଇଦ୍ରାବାଦ ରାଜୀବ ଗାନ୍ଧୀ ଇଣ୍ଟରନ୍ୟାସନାଲ କ୍ରିକେଟ ଷ୍ଟାଡିୟମରେ ଚାଲିଥିବା ଭାରତ-ଅଷ୍ଟ୍ରେଲିଆ ପ୍ରଥମ ଦିନିକିଆରେ ଭାରତୀୟ ଦଳ ବିଜୟ ଲାଭ କରିଛି। ଉକ୍ତ ୫ମ୍ୟାଚ ବିଶିଷ୍ଠ ଦିନିକିଆ ଶୃଙ୍ଖଳକୁ ଘରୋଇ ଦଳ ୧-୦ ରେ ଆଗୁଆ କରିନେଇଛି । ପୂର୍ବରୁ ଭ୍ରମଣକାରୀ ଦଳ ଟସ ଜିତି ପ୍ରଥମେ ବ୍ୟାଟିଂ କରିବାର ନିଷ୍ପତି ନେଇଥିଲା। କିନ୍ତୁ ଅଧିନାୟକ ଫିଞ୍ଚଙ୍କ ନିଷ୍ପତି ଅନୁସାରେ ଦଳ ପ୍ରଥମ ବ୍ୟାଟିଂର ଲାଭ ନେଇପାରିନଥିଲା। ଅଷ୍ଟ୍ରେଲିଆ ଦଳ କେବଳ ୭ ୱିକେଟ ହରାଇ ୨୩୬ରନ କରିବାରେ ସକ୍ଷମ ହୋଇଥିଲା। ୨୩୭ରନର ଏକ ଛୋଟ ସ୍କୋରକୁ ପିଛା କରିବାକୁଯାଇ ଭାରତୀୟ ଦଳ ତାର ପ୍ରାରମ୍ଭିକ ୱିକେଟ ଶିଖର ଧୱନଙ୍କୁ ଶସ୍ତାରେ ହରେଇ ଅଡୁଆରେ ପଡିଥିଲା, କିନ୍ତୁ ଅଧିନାୟକ କୋହଲୀ ଆଉ ରୋହିତଙ୍କ ଯୋଡି ପିଚରେ କିଛି ସମୟ ପାଇଁ ଜମିରହି ଦଳୀୟ ସ୍କୋରକୁ ୮୦ ରନରେ ପହଞ୍ଚାଇଥିବା ବେଳେ ଜାମ୍ପାଙ୍କ ଦ୍ଵାରା କୋହଲୀ ୪୪ରନ କରି ଏଲବିଡବ୍ଲୁ ଆଉଟ ହୋଇ ପାବିଲିଅନ ଫେରିଥିଲେ। ତାପରେ ଦଳୀୟ…
ପୂର୍ବତନ ଡଚ ବ୍ୟାଙ୍କର ଭାରତ ମୁଖ୍ୟ ରବନୀତ ଗିଲ ୟେସ ବ୍ୟାଙ୍କର ସିଇଓ ଏବଂ ଏମଡି ଭାବେ ନିଯୁକ୍ତ ହୋଇଛନ୍ତି । ସେ ୨୦୦୪ ମସିହାରୁ ୟେସ ବ୍ୟାଙ୍କର ସଂସ୍ଥାପକ ଥିବା ରଣା କପୁରଙ୍କ ସ୍ଥାନ ଗ୍ରହଣ କରିବେ । ରବନୀତ୍ ମାର୍ଚ୍ଚ ୨୦୧୯ଠାରୁ ୨୦୨୦ ଫେବୃଆରୀ ୨୮ ତାରିଖ ପର୍ଯ୍ୟନ୍ତ ଏହି ପଦ ସମ୍ଭାଳିବେ । ବ୍ୟାଙ୍କର ଅନ୍ତରୀଣ ଏମ୍ଡ଼ି ଓ ସିଇଓ ରହିଥିବା ଅଜୟ କୁମାର ସିଂହ ବର୍ତ୍ତମାନ ନନ୍ ଏଜ୍କ୍ୟୁଟିଭ୍ ନନ୍ ଇଣ୍ଡିପେଣ୍ଡେଡ୍ ନିର୍ଦ୍ଦେଶକ ରୂପେ କାର୍ଯ୍ୟ କରିବେ । ରାଣା କପୁର ବ୍ୟାଙ୍କ୍ର ୧୦.୬୬ ପ୍ରତିଶତ ଅଂଶୀଦାର ଅଟନ୍ତି ଯାହାର ବଜାର ମୂଲ୍ୟ ପ୍ରାୟ ୫୮୦୦ କୋଟି ଟଙ୍କା ହେବ ।
ଝାଡଖଣ୍ଡର ରାଜଧାନୀ ରାଞ୍ଚି ଠାରେ ଏକ ରାଲିକୁ ସମ୍ବୋଧିତ କରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଉପରେ ବର୍ଷିଛନ୍ତି କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧି । ରାଫେଲ୍ ପ୍ରସଙ୍ଗ ଉଠାଇବା ସହ ଚୌକିଦାର ଚୋର୍ ହୈ କହିଥିଲେ । ତେବେ ମୋଦିଙ୍କୁ ସମାଲୋଚନା କରି ରାହୁଲ କହିଛନ୍ତି ଯେ, ଚୌକିଦାର ଚୋର ଅଟନ୍ତି ଏହାର ଅର୍ଥ ହେଉଛି, ନରେନ୍ଦ୍ର ମୋଦି ଚୋର ଅଟନ୍ତି । ସାଢେ ୪ ବର୍ଷରେ ନରେନ୍ଦ୍ର ମୋଦି ସରକାରଙ୍କ ପତନ ଘଟିଛି । ପୂର୍ବରୁ ଲୋକମାନେ ମୋଦି ସରକାରଙ୍କ ପାଇଁ ‘ଅଚ୍ଛେଦିନ ଆୟେଙ୍ଗେ’ର ନାରା ଦେଉଥିଲେ କିନ୍ତୁ ଏବେ ସେହି ନାରା ‘ଚୌକିଦାର ଚୋର ହେ’ ରେ ପରିବର୍ତ୍ତନ ହୋଇଛି । ନିକଟରେ ପାକିସ୍ତାନରେ ହୋଇଥିବା ସେନାର ଅପରେସନର କଥା ଉଠାଇ କଂଗ୍ରେସ ଅଧ୍ୟକ୍ଷ କହିଛନ୍ତି ଯେ, ବାୟୁସେନା ହିନ୍ଦୁସ୍ତାନର ରକ୍ଷା କରିଛି । ଏବଂ ଦେଶର ଚୌକିଦାର ସେହି ବାୟୁସେନାର ୩୦ ହଜାର କୋଟି ଟଙ୍କା ଚୋରି…
ସମୀକ୍ଷା ବ୍ୟୁରୋ ବିଜେପି ତରଫରୁ ପୁରୀ ଲୋକସଭା ଆସନ ପାଇଁ ଲଢେଇ କରିବେ ଦିଲ୍ଲୀ ଦରବାରରେ ଦବଦବା ଥିବା ଓଡିଶାର ଯୁବ ନେତା ସମ୍ବିତ ପାତ୍ର। ସେହିପରି ସମ୍ବଲପୁରରୁ ପ୍ରାର୍ଥୀ ହେବେ ସୁରେଶ ପୂଜାରୀ, ଆଉ ଭୁବନେଶ୍ଵରରୁ ଲଢିବେ ଅପରାଜିତା ଷଡଙ୍ଗୀ। ଏହିପରି ବିଜେପିର ପୁରା ୨୧ଟି ଲୋକସଭା ଆସନର ପ୍ରାର୍ଥୀ ତାଲିକା ବର୍ତ୍ତମାନ ସୋସିଆଲ ମିଡିଆରେ ଘୁରି ବୁଲୁଛି। ଆଉ ଏହାକୁ ନେଇ ରାଜ୍ୟ ରାଜନିତିରେ ଆରମ୍ଭ ହୋଇଯାଇଛି ବଡ ଚର୍ଚ୍ଚା। ବର୍ତ୍ତମାନ ରାଜନୈତିକ ଦଳଗୁଡିକ କାହାକୁ ପ୍ରାର୍ଥୀ କରିବେ ସେ ନେଇ କୌଣସି ନିଷ୍ପତି ନେଇ ନାହାଁନ୍ତି। ଏପରିକି ନିର୍ବାଚନ କେବେ ହେବ ତାହା ଘୋଷଣା ହୋଇ ନାହିଁ। ହେଲେ ବିଜେପିର ୨୧ଟି ଆସନର ପ୍ରାର୍ଥୀ ତାଲିକା ସୋସିଆଲ ମିଡିଆରେ ଘୁରି ବୁଲିବା ରାଜ୍ୟ ରାଜନୀତିକୁ ଗରମ କରିଦେଇଛି। ପ୍ରକୃତରେ ଏହି ତାଲିକାର କୌଣସି ସତ୍ୟତା ନାହିଁ ସତ। ହେଲେ ବିଜେପି ଶିବିରରେ ଏହାକୁ ନେଇ ଚର୍ଚ୍ଚା ହେବା…
ଲୋକପ୍ରିୟ ଟିଭି ଶୋ ‘ହୁ ଇଜ୍ ଦ ବସ୍’ ର ଅଭିନେତ୍ରୀ ତଥା ଦୁଇ ଦୁଇ ଥର ଗୋଲ୍ଡେନ ଗ୍ଲୋବ ବିଜେତା କ୍ୟାଥେରିନ ହେଲମଣ୍ଡଙ୍କର ୮୯ ବର୍ଷ ବୟସରେ ଦେହାନ୍ତ ହୋଇଛି । ଆଲଜିମର ରୋଗର ଜଟିଳତା ଯୋଗୁଁ ତାଙ୍କର ଦେହାନ୍ତ ହୋଇଛି । ହେଲମଣ୍ଡ ସାତ ଥର ଏମୀ ଆୱାର୍ଡ୍ସ ପାଇଁ ବିବେଚିତ ହୋଇଛନ୍ତି ସେଥି ମଧ୍ୟରେ ୨୦୦୨ ରେ ଟିଭି ଶୋ ଏଭ୍ରିବୋଡି ଲଭ୍ସ ରେମଣ୍ଡ ଭଳି ଟିଭି ଶୋ ଅନ୍ତର୍ଗତ । ‘ହୁ ଇଜ୍ ଦ ବସ୍’ରେ ଜୁଡିଥ୍ ଲାଇଟ୍ସ ମଦର ମୋନା ରବିନ୍ସନ୍ ଭାବେ ବେଶ୍ ପ୍ରଶଂସା ସାଉଁଟିଥିଲେ । ଏହି ଶୋ’ରେ ଟୋନି ଡାନ୍ଜା ଓ ଆଲେସା ମିଲାନୋ ପ୍ରମୁଖ ଅଭିନୟ କରୁଥିଲେ । ଏହି ଧାରାବାହିକ ପାଇଁ କ୍ୟାଥେରିନ୍ ୧୯୮୯ ମସିହାରେ ଶ୍ରେଷ୍ଠ ସହଯୋଗୀ କଳାକାରର ସମ୍ମାନ ପାଇଥିଲେ ।
ସୁପରହିଟ୍ ଫିଲ୍ମ ‘ହିନ୍ଦୀ ମିଡ଼ିୟମ୍’ର ସ୍ଵିକେଲ୍ରେ କରୀନା କପୁର୍ ଖାନ୍ ଅଭିନୟ କରିବେ ବୋଲି ଚର୍ଚ୍ଚା ହେଉଥିଲା । କିନ୍ତୁ ମିଳିଥିବା ସୂଚନା ଅନୁସାରେ ବେବୋ ଏହି ଫିଲ୍ମରେ କାମ କରିବାକୁ ମନା କରିଛନ୍ତି । ଅଭିନୟ କରିବାକୁ ନେଇ ଫିସ୍ ପାଇଁ ବେବୋ ରାଜି ହୋଇନାହାନ୍ତି । ଫିଲ୍ମ ପାଇଁ କରୀନା ୮ କୋଟି ଟଙ୍କା ଡିମାଣ୍ଡ କରିଥିବାବେଳେ ପ୍ରଯୋଜକ ଏତେ ଅଧିକ ଫିସ୍ ପାଇଁ ରାଜି ହୋଇନାହାନ୍ତି । ଏଥିପାଇଁ ମିସ୍ କପୁର୍ ଖାନ ଫିଲ୍ମକୁ ଛାଡ଼ିଦେଇଛନ୍ତି । ତେବେ ଏହି ଫିଲ୍ମରେ କରୀନାଙ୍କୁ ବଦଳରେ ରାଧିକା ଆପ୍ତେ ନଜର ଆସିବେ ବୋଲି ଜଣାପଡିଛି । ତେବେ ଫିଲ୍ମର କାଷ୍ଟିଂକୁ ନେଇ ଏବେବି କିଛି ସ୍ପଷ୍ଟ କରାଯାଇନାହିଁ । ଏହି ଫିଲ୍ମରେ ମୁଖ୍ୟ ଅଭିନେତା ଭାବେ ଇରଫାନ୍ ଖାନ୍ ନଜର ଆସିବେ । ଏହାର ନାୟିକା କିଏ ହେବେ, ତାହା ଦେଖିବାକୁ ଏବେ ବାକି ରହିଲା । ଗତ…
ଭାରତର ଏୟାର୍ଷ୍ଟ୍ରାଇକ୍ ପରେ ପରେ ଭାରତ-ପାକ୍ ମଧ୍ୟରେ ସଂପର୍କ ତିକ୍ତ ହୋଇ ଯାଇଥିଲା। ଏହା ସହ ଭାରତ-ପାକ୍ ସୀମାରେ ମଧ୍ୟ ଗୁଳି ବର୍ଷା ଆରମ୍ଭ ହୋଇ ଯାଇଥିଲା । ପରିସ୍ଥିତି ଖରାପ ହେଉଥିବା ଦେଖି ପାକିସ୍ତାନ ପ୍ରଥମେ ଭାରତ-ପାକିସ୍ତାନ ମଧ୍ୟରେ ଚଳାଚଳ କରୁଥିବା ସମ୍ଝୋତା ଏକ୍ସପ୍ରେସ୍ ଟ୍ରେନ୍କୁ ବାତିଲ୍ କରିଥିଲା । ଲାହୋରଠାରେ ସମ୍ଝୋତା ଏକ୍ସପ୍ରେସ୍କୁ ଅଟକାଇ ଦିଆ ଯାଇଥିଲା । ସେହିପରି ଭାରତରୁ ଯାଉଥିବା ସମ୍ଝୌତା ଏକ୍ସପ୍ରେସ୍କୁ ପଞ୍ଜାବର ଅମ୍ରିତସରଠାରେ ଅଟକା ଯାଇଥିଲା। ଏହି ଟ୍ରେନ୍ଟି ସପ୍ତାହକୁ ଦୁଇ ଦିନ ସୋମବାର ଏବଂ ଗୁରୁବାର ଭାରତ-ପାକ୍ ଏବଂ ପାକ୍-ଭାରତକୁ ଯାତ୍ରା କରିଥାଏ । ହଠାତ୍ ଟ୍ରେନ୍ ସେବାକୁ ବନ୍ଦ କରି ଦିଆଯିବା ପରେ ପାକିସ୍ତାନର ୧୬ଜଣ ଯାତ୍ରୀ ଭାରତରେ ଫସି ରହିଥିଲେ । ୩ଦିନ ରହିବା ପରେ ଏବେ ୧୬ଜଣ ଯାତ୍ରୀ ଆସନ୍ତାକାଲି ପାକିସ୍ତାନକୁ ଯାତ୍ରା କରିବେ ବୋଲି ଜଣାପଡ଼ିଛି । ଭାରତୀୟ ଓ୍ବିଙ୍ଗ୍ କମାଣ୍ଡର ଅଭିନନ୍ଦନ ବର୍ତ୍ତମାନଙ୍କୁ ଗତକାଲି…
ମାଲେସିଆର ଟନ୍ କିମ୍ ହର୍ ବ୍ୟକ୍ତିଗତ କାରଣରୁ ଭାରତର ଟବଲସ୍ ବ୍ୟାଡମିଣ୍ଟନ୍ କୋଚ୍ ପଦରୁ ଇସ୍ତଫା ଦେଇଛନ୍ତି। ଭାରତୀୟ ବ୍ୟାଡମିଣ୍ଟନ୍ ସଂଘ (ବାଇ) ସହିତ ଚୁକ୍ତି ଶେଷ ହେବାକୁ ଟନ୍ (୪୭ ବର୍ଷ)ଙ୍କ ଆହୁରି ଦେଢ ବର୍ଷ ବାକି ଥିଲା। ସେ ଜାପାନର ରାଜଧାନୀ ଟୋକିଓ ଠାରେ ୨୦୨୦ରେ ଆୟୋଜିତ ହେବାକୁ ଥିବା ଅଲମ୍ପିକ ପରେ ଅବସର ନେଇଥାନ୍ତେ। ସେ ଏକ ମାସ ପୂର୍ବରୁ ନିଜର ଇସ୍ତଫା ପତ୍ର ଦେଇଥିଲେ। ତାଙ୍କର କିଛି ପାରିବାରିକ ସମସ୍ୟା ଥିଲା ବୋଲି ଉଲ୍ଲେଖ କରିଥିଲେ। ଟନ୍ କିମ୍ ଏହା ପୂର୍ବରୁ ଇଂଲଣ୍ଡ, ଦକ୍ଷିଣ କୋରିଆ ଏବଂ ମାଲେସିଆକୁ କୋଚିଙ୍ଗ ଦେଇଛନ୍ତି। ଟନ୍ ଇସ୍ତଫା ଦେଇଥିବା ବ୍ୟାଡ୍ମିଣ୍ଟନ୍ ଆସୋସିଏସନ୍ ଅଫ୍ ଇଣ୍ଡିଆ (ବାଇ)ର ସଚିବ (ଟୁର୍ଣ୍ଣାମେଣ୍ଟ) ଉମର ରସିଦ୍ ସ୍ପଷ୍ଟ କରିଛନ୍ତି । ଭାରତର ଡବଲସ୍ ଖେଳାଳି ଚିରାଗ ସେଟ୍ଟୀ କହିଛନ୍ତି, ଟନ୍ ଜାପାନର ପରିଚାଳନା ସଂସ୍ଥା ‘ନିପ୍ପୋ ବ୍ୟାଡମିଣ୍ଟନ ସଂଘ’ ସହିତ ସଂଶ୍ଲିଷ୍ଟ ହେବା…
ମହାରାଷ୍ଟ୍ର ପାଲଘର ଜିଲାର ଏକ ଗଁ।ରେ ଅଭାବନୀୟ ଦୃଶ୍ୟ ଦେଖିବାକୁ ମିଳିଛି। ସ୍ଥାନୀୟ ଅଞ୍ଚଳର୧୨ ବର୍ଷୀୟ ନାବାଳକ ଜଣେ ୧୦ ବର୍ଷର ନାବାଳିକାଙ୍କ ସହ ଦୁଷ୍କର୍ମ କରିଥିବା ଅଭିଯୋଗ ହୋଇଛି। ନାବାଳକ ଜଣଙ୍କ ନାବାଳିକାଙ୍କ ପଡ଼ୋଶୀ ହୋଇଥିବା ବେଳେ ଗତ ୪ ମାସ ଧରି ପୀଡ଼ିତାଙ୍କୁ ବଳାତ୍କାର କରିଆସୁଥିଲେ। କିଛି ଦିନ ପୂର୍ବରୁ ନାବାଳିକାଙ୍କ ପେଟ ବ୍ୟଥା ହେବାରୁ ପରିବାର ଲୋକେ ତାଙ୍କୁ ହସ୍ପିଟାଲ ନେଇଥିଲେ। ସେଠାରେ ନାବାଳିକା ଜଣଙ୍କ ଗର୍ଭବତୀ ହେବା ଖବର ଜାଣିବାକୁ ପାଇଥିଲେ ପରିବାର ଲୋକେ। ଏହାପରେ ସମସ୍ତ ଘଟଣା ବାବଦରେ ପରିବାର ଲୋକଙ୍କୁ ଜଣାଇଥିଲେ ପୀଡ଼ିତା। ପରିବାର ଲୋକେ ମୋଖଡା ପୋଲିସ ଥାନାରେ ଏନେଇ ଅଭିଯୋଗ କରିବା ପରେ ପୋଲିସ ଅଭିଯୁକ୍ତ ନାବାଳକଙ୍କ ନଁ।ରେ ୩୭୬ ଧାରା ଓ ପୋକ୍ସୋ ଆକ୍ଟ ଅନୁସାରେ ମାମଲା ରୁଜୁ କରିଛି। ଏଥିସହ ଅଭିଯୁକ୍ତ ନାବାଳକଙ୍କୁ ପୋଲିସ ଗିରଫ କରି ଘଟଣାର ତଦନ୍ତ ଜାରି ରଖିଛି।
ପ୍ରଥମ ଦିନିକିଆରେ ଭାରତକୁ ଅଷ୍ଟ୍ରେଲିଆ ୨୩୭ ରନ୍ ଟାର୍ଗେଟ ଦେଇଛି। ହାଇଦ୍ରାବାଦ୍ର ରାଜୀବ ଗାନ୍ଧୀ ଅର୍ନ୍ତଜାତୀୟ କ୍ରିକେଟ ଷ୍ଟାଡିୟମ୍ରେ ଚାଲିଥିବା ପ୍ରଥମ ଏକଦିବସୀୟରେ ପ୍ରଥମେ ବ୍ୟାଟିଂ କରି ଅଷ୍ଟ୍ରେଲିଆ ନିର୍ଦ୍ଧାରିତ ୫୦ ଓଭରରେ ୭ ଓ୍ଵିକେଟ୍ ହରାଇ ୨୩୬ ରନ୍ ସଂଗ୍ରହ କରିଛି। ଫଳରେ ଭାରତକୁ ଏହି ମ୍ୟାଚ୍ ବିଜୟ ପାଇଁ ୨୩୭ ରନ୍ ଟାର୍ଗେଟ ମିଳିଛି। ଭାରତର ମହମ୍ମଦ ସାମି, ଯଶପ୍ରୀତ ବୁମରା ଓ କୁଲଦୀପ ଯାଦବଙ୍କୁ ୨-୨ ଓ୍ଵିକେଟ ମିଳିଥିବା ବେଳେ କେଦାର ଯାଧବ ଗୋଟିଏ ଓ୍ଵିକେଟ ନେଇଛନ୍ତି। ଅଷ୍ଟ୍ରେଲିଆ ପକ୍ଷରୁ ଉସମାନ୍ ଖ୍ୱାଜା ସର୍ବାଧିକ ୫୦ ରନ୍, ଗ୍ଲେନ୍ ମ୍ୟାକ୍ସୱେଲ ୪୦, ମାର୍କସ୍ ଷ୍ଟୋଇନିସ୍ ୩୭ ଓ ଆଷ୍ଟନ୍ ଟର୍ଣ୍ଣର ଅପରାଜିତ ୩୬ ରନ୍ କରିଛନ୍ତି ।
ଭାରତ-ପାକିସ୍ତାନ ମଧ୍ୟରେ ଉତ୍ତେଜନାମୟ ପରିସ୍ଥିତ ଦିନକୁ ଦିନ ବଢିବାରେ ଲାଗିଛି । ଗତ ପୁଲୱାମା ଆକ୍ରମଣ ପରେ ଉଭୟ ଦେଶ ମଧ୍ୟରେ ଏପରି ତିକ୍ତତା ଅଧିକ ମାତ୍ରାରେ ବଢିଛି । ବାୟୁସେନା ଅଧିକାରୀ ଅଭିନନ୍ଦନଙ୍କୁ ଭାରତ ଛାଡିବ ନେଇ ପାକିସ୍ତାନ ପ୍ରଧାନମନ୍ତ୍ରୀ ଘୋଷଣା କରିବା ପରେ ବି ବାରମ୍ବାର ପାକ ଅସ୍ତ୍ରବିରତି ଉଲଘଂନ କରୁଛି । ମିଳିଥିବା ସୂଚନା ଅନୁସାରେ, ପାକିସ୍ତାନର ଗୁଇନ୍ଦା ସଂସ୍ଥା ଆଇଏସଆଇ ଜାମ୍ମୁକାଶ୍ମୀରରେ ଭାରତୀୟ ସେନାଙ୍କୁ କ୍ଷତି ପହଞ୍ଚାଇବା ଯବାନଙ୍କ ଖାଦ୍ୟରେ ବିଷ ମିଶାଇବାର ଯୋଜନା କରାଯାଉଛି ବୋଲି ଜଣାପଡିଛି । ଏହି କାମ କରିବା ପାଇଁ ଆଇଏସଆଇ କାଶ୍ମୀରରେ ଥିବା ନିଜର ଏଜେଣ୍ଟମାନଙ୍କୁ ବ୍ୟବହାର କରିପାରେ ବୋଲି ସୂଚନା ରହିଛି । ତେବେ ଏହା ଜଣାପଡିବା ପରେ ସେନାକୁ ହାଇଆଲର୍ଟ କରାଯାଇଛି । ଗତ ଫେବୃଆରୀ ମାସରେ ହୋଇଥିବା ପୁଲୱାମା ଆକ୍ରମଣ ପରେ ଭାରତ ପ୍ରତିଶୋଧ ନେବା ପାଇଁ ପାକିସ୍ତାନ ଉପରେ ଏୟାର ଷ୍ଟ୍ରାଇକ କରିଥିଲା…
ଆଜି ପୁଣି ବଲାଙ୍ଗିର ଓ କଳାହାଣ୍ଡିରେ ଗଣିତ ପ୍ରଶ୍ନପତ୍ର ସହ ଆଡ଼ମିଟକାର୍ଡ଼ ମଧ୍ୟ ଭାଇରାଲ ହୋଇଥିବା ଗଣମାଧ୍ୟମରେ ପ୍ରକାଣ ପାଇଥିଲା । ଏହି ଘଟଣା ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇ ତିନିଜଣଙ୍କୁ କଳାହାଣ୍ଡି ଜିଲ୍ଲା ଶିକ୍ଷା ଅଧିକାରୀ ସସପେଣ୍ଡ କରିଛନ୍ତି । ସୂଚନା ମୁତାବକ , ଚଳିତ ବର୍ଷ ମାଟ୍ରିକ ପରୀକ୍ଷାର ପ୍ରଥମ ଦିନରୁ ହିଁ ପ୍ରଶ୍ନପତ୍ର ଭାଇରାଲ ଖବର ଆସିବା ପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଥିଲା । ଏହା ସତ୍ୱେ ଆଜି ଗଣିତ ବିଷୟର ସେଟ-ଡି ସହ ଆଡ଼ମିଟକାର୍ଡ଼ ଫଟୋ ମଧ୍ୟ ମୋବାଇଲରୁ ମୋବାଇଲ ଘୂରି ବୁଲୁଥିବା ଜଣାପଡ଼ିଥିଲା । ବଲାଙ୍ଗିର ଓ କଳାହାଣ୍ଡି ଜିଲ୍ଲାରୁ ଏହି ଅଭିଯୋଗ ଆସିଥିଲା । କଳାହାଣ୍ଡି ପରମାନନ୍ଦ ଉଚ୍ଚ ବିଦ୍ୟାପୀଠର ଅଧୀକ୍ଷକ, ପରୀକ୍ଷା ନିରୀକ୍ଷକ ଓ ରିଲିଭର ମଧ୍ୟ ସସପେଣ୍ଡ ହୋଇଛନ୍ତି । ନିକଟରେ ମାଟ୍ରିକ ପରୀକ୍ଷା ପ୍ରଶ୍ନପତ୍ର ଭାଇରାଲ ଘଟଣାରେ ୧୧ ଜଣଙ୍କୁ ନିଲମ୍ବିତ ଏବଂ ୭ଜଣଙ୍କୁ ଗିରଫ କରାଯାଇଛି ।
ଏଫ-୧୬ ବିମାନ ବ୍ୟବହାର ନେଇ ପାକିସ୍ତାନକୁ ଆମେରିକା ଜବାବ ମାଗିଛି । ଭାରତ ବିରୋଧରେ ପାକିସ୍ତାନ ଗତ ୨୭ ତାରିଖରେ ଏଫ-୧୬ ଯୁଦ୍ଧ ବିମାନ ବ୍ୟବହାର କରିଥିଲା । ଫଳରେ ଆମେରିକା ଓ ପାକିସ୍ତାନ ମଧ୍ୟରେ ବୁଝାମଣା ଉଂଲଘନ ହୋଇଥିବା ଅଭିଯୋଗ ହୋଇଛି । ଆତଙ୍କବାଦ ବିରୋଧରେ ଲଢେଇ ପାଇଁ ପାକିସ୍ତାନକୁ ଏଫ-୧୬ ଦେଇଥିଲା ଆମେରିକା । ଯାହାକୁ କୌଣସି ଦେଶ ଉପରେ ଟାର୍ଗେଟ କରିବାକୁ ବ୍ୟବହାର କରିପାରିବନାହିଁ ପାକିସ୍ତାନ । କିନ୍ତୁ ଭାରତ ଉପରେ ଆକ୍ରମଣ ପାଇଁ ପାକିସ୍ତାନ ଏଫ-୧୬ର ବ୍ୟବହାର କରିଥିବା ବେଳେ ଏହା ମାନୁନାହିଁ ପାକିସ୍ତାନ। ସେପଟେ ଏଫ୍-୧୬ରୁ ଉତକ୍ଷେପଣ କରାଯାଇଥିବା ଏମରାମ କ୍ଷେପଣାସ୍ତ୍ରର ଅବଶେଷ ମିଳିଥିବା ପ୍ରମାଣ ଦେଇଛି ଭାରତୀୟ ସେନା । ଏଫ-୧୬ ବିମାନର ଅଂଶବିଶେଷ ମଧ୍ୟ ଭାରତକୁ ମିଳିଛି । ବ୍ୟବହାରକାରୀ ଚୁକ୍ତି ଉଲ୍ଲଂଘନ କରି ଆମେରିକା ନିର୍ମିତ ଏଫ୍-୧୬ ଲଢୁଆ ବିମାନକୁ ଭାରତ ବିରୋଧରେ ପାକିସ୍ତାନର ସମ୍ଭାବ୍ୟ ଅପବ୍ୟବହାର ସଂକ୍ରାନ୍ତ ଅଧିକ…
ବଲିଉଡ୍ ଖିଲାଡ଼ିଷ୍ଟାର୍ ସବୁବେଳେ କିଛି ନା କିଛି କାମ ପାଇଁ ଚର୍ଚ୍ଚାରେ ଥା’ନ୍ତି । ତେବେ ସାମାଜିକ କ୍ଷେତ୍ରରେ ସାହାଯ୍ୟ କରି ନିଜର ଏକ ସ୍ଵତନ୍ତ୍ର ପରିଚୟ ସୃଷ୍ଟି କରିଛନ୍ତି ଅକ୍ଷୟ କୁମାର। ଶହୀଦଙ୍କ ପରିବାରକୁ ହେଉ ଅଥବା ପ୍ରାକୃତିକ ବିପର୍ଯ୍ୟୟ ସମୟରେ ହେଉ ସବୁବେଳେ ବଦାନ୍ୟତାର ହାତ ବଢାଇଛନ୍ତି ଏହି ସୁପରଷ୍ଟାର୍ ଜଣକ । ନିକଟରେ ମହାରାଷ୍ଟ୍ରରେ ଏକ ସାମୁହିକ ବିବାହରେ ୧୦୦ ଯୋଡା ବରକନ୍ୟାଙ୍କୁ ୧ଲକ୍ଷ ଲେଖାଁ ଟଙ୍କା ଦାନ କରିଛନ୍ତି । କାରଣ ଏମାନେ ସମସ୍ତେ ଥିଲେ ଅତି ଗରବି ଘରର ପିଲା। ନିକଟରେ ଅକ୍ଷୟ କୁମାର ପୁଲ୍ୱାମା ଆକ୍ରମଣରେ ଶହୀଦ୍ ଯବାନ୍ଙ୍କ ପରିବାରଙ୍କ ପାଇଁ ‘ଭାରତ କେ ବୀର’ ଫଣ୍ଡକୁ ୫ କୋଟି ଦାନ କରିଥିଲେ । ଅକ୍ଷୟଙ୍କ ଅପ୍କମିଙ୍ଗ୍ ଫିଲ୍ମ ‘କେଶରୀ’ ପରଦା ଉପରକୁ ଆସିବାର ରହିଛି । ଏଥିରେ ସେ ଜଣେ ଶିଖ୍ ଯୋଦ୍ଧା ଭୂମିକାରେ ନଜର ଆସିଛନ୍ତି । ଏହାର ଟ୍ରେଲର୍କୁ ଦର୍ଶକ…
ବେଶ୍ କିଛିଦିନ ହେବ ଚର୍ଚ୍ଚାରେ ଅଛନ୍ତି ବଲିଉଡ୍ ଲଭ୍ ବାର୍ଡ ମଲାଇକା ଆରୋରା ଓ ଅର୍ଜୁନ କପୁର। ଆସନ୍ତା ମାସରେ ଏମାନେ ବିବାହ କରିପାରନ୍ତି ବୋଲି ଆଲୋଚନା ହେଉଛି। ଏଥିରେ ଉଭୟ ପରିବାରର ସଦସ୍ୟଙ୍କ ସହ ଅତି ନିଜର ଲୋକ ଓ କେତେଜଣ ବଲିଉଡ୍ ସେଲିବ୍ରିଟି ସାମିଲ ହେବେ ବୋଲି ଜଣାପଡିଛି। ତେବେ ଦୁହେଁ ସମ୍ପୂର୍ଣ୍ଣ ଖ୍ରୀଷ୍ଟିଆନ ରୀତିନୀତି ଅନୁଯାୟୀ ଚର୍ଚ୍ଚରେ ବାହା ହେବେ ବୋଲି ସୂଚନା ରହିଛି । ପୂର୍ବରୁ ଯେତେବେଳେ ମଲାଇକା ଅରବାଜ ଖାଁଙ୍କୁ ବିବାହ କରିଥିଲେ ସେତେବେଳେ ମଧ୍ୟ ସମ୍ପୂର୍ଣ୍ଣ ଖ୍ରୀଷ୍ଟିଆନ ରୀତିରେ ବିବାହ କରିଥିଲେ । ପ୍ରାୟ ୨ ବର୍ଷ ହେବ ଅରବାଜଙ୍କଠାରୁ ଅଲଗା ହେବା ପରେ ମଲାଇକା ଅର୍ଜୁନଙ୍କୁ ଡେଟ୍ କରୁଥିବାର ଚର୍ଚ୍ଚା ଚାଲିଛି, ହେଲେ ଦୁହେଁ ଆଜି ପର୍ଯ୍ୟନ୍ତ ସମ୍ପର୍କକୁ ସ୍ଵୀକାର କରିନାହାଁନ୍ତି। ଏମିତିକି ବିବାହ ସମ୍ପର୍କରେ ମଧ୍ୟ କୌଣସି ଔପଚାରିକ ଘୋଷଣା ମଧ୍ୟ କରିନାହାନ୍ତି । କିନ୍ତୁ ଦୁହିଁଙ୍କୁ ଅଧିକାଂଶ ସମୟରେ…
ଜମାତ୍–ଇ–ଇସଲାମୀ ସଂଗଠନ ଉପରେ ପାଞ୍ଚବର୍ଷ ପ୍ରତିବନ୍ଧ ଲଗାଯିବା ପରେ ଅଧିକାରୀଙ୍କ ଦ୍ଵାରା କାଶ୍ମୀରଠାରେ ଥିବା ଏହି ସଂଗଠନର ସମସ୍ତ ସମ୍ପତ୍ତିକୁ ସିଲ୍ କରିଦିଆଯାଇଛି । ଜମାତ୍-ଇ-ଇସ୍ଲାମୀର କେତେଜଣ ନେତା ଓ କାର୍ଯ୍ୟକର୍ତ୍ତାଙ୍କ ଘର ସହିତ ଅନ୍ୟାନ୍ୟ ସମ୍ପତ୍ତି ଓ ଘାଟି ଅଞ୍ଚଳରେ ଥିବା କିଛି ସମ୍ପତ୍ତିକୁ ମଧ୍ୟ ସିଲ୍ କରିଦିଆଯାଇଛି । ଜମାତ୍ ଉପରେ ଏପରି କାର୍ଯ୍ୟାନୁଷ୍ଠାନ ପରେ ଜମ୍ମୁକାଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ମେହେବୁବା ମୁଫ୍ତି ବିରୋଧ ପ୍ରଦର୍ଶନ କରିବା ସହିତ କେନ୍ଦ୍ର ସରକାରଙ୍କ ଉପରେ ଆରୋପ ଲଗାଇଛନ୍ତି । ମୁଫ୍ତି କହିଛନ୍ତି ଯେ, ଜମାତ୍ ସଂଗଠନର କିଛି ନେତାଙ୍କ ବ୍ୟାଙ୍କ୍ ଖାତାକୁ ମଧ୍ୟ ସରକାର ସିଲ୍ କରିଦେଇଛନ୍ତି । ବିଭିନ୍ନ ଜିଲ୍ଲାଧିକାରୀ ଜମାତ୍ ନେତାଙ୍କ ସ୍ଥାବର ଓ ଅସ୍ଥାବର ସମ୍ପତ୍ତିର ବିବରଣୀ ମାଗିଛନ୍ତି, ଯେତେବେଳେ କି ଏହି ସଂଗଠନ ଉପରେ ପ୍ରତିବନ୍ଧ ତଥା ଧନଶୋଧନ ମାମଲାର ଏନ୍ଆଇ ଦ୍ଵାରା ଯାଞ୍ଚ କରାଯାଇ ଏହାର ପରୀକ୍ଷା କରାଯାଇନାହିଁ । ତେବେ ଜମାତ୍-ଇ-ଇସ୍ଲାମୀ…