Author: Samikhsya Bureau

ନୂଆଦିଲ୍ଲୀ: ରୋହିତ ଶର୍ମାଙ୍କ ନେତୃତ୍ୱରେ ଭାରତୀୟ ଦଳ ନେପାଳକୁ ପରାସ୍ତ କରିଛି। ବର୍ଷା ପ୍ରଭାବିତ ମ୍ୟାଚରେ ଟିମ୍ ଇଣ୍ଡିଆ ନେପାଳକୁ ୧୦ ୱିକେଟରେ ପରାସ୍ତ କରିଛି। ଏହି ବିଜୟ ପରେ ଟିମ୍ ଇଣ୍ଡିଆ ସୁପର- ୪ ରାଉଣ୍ଡରେ ପହଞ୍ଚିଛି। ବର୍ଷା ପରେ ଡକୱର୍ଥ-ଲୁଇସ୍ ନିୟମ ଅନୁଯାୟୀ ମ୍ୟାଚ୍ ଜିତିବା ପାଇଁ ଭାରତୀୟ ଦଳକୁ ୨୩ ଓଭରରେ ୧୪୫ ରନ୍ ର ଟାର୍ଗେଟ ଥିଲା। ଭାରତୀୟ ଦଳ ୨୦.୧ ଓଭରରେ ବିନା କୌଣସି ୱିକେଟ ହରାଇ୧୪୭ ରନ ସ୍କୋର କରି ଏହି ମ୍ୟାଚ ଜିତିଥିଲା। ଚମକିଲେ ରୋହିତ ଶର୍ମା ଏବଂ ଶୁଭମାନ ଗିଲ: କ୍ୟାପଟେନ ରୋହିତ ଶର୍ମା ଭାରତୀୟ ଦଳ ପାଇଁ ୫୯ ବଲରେ ୭୪ ରନ ଖେଳିଥିଲେ। ସେ ତାଙ୍କ ଇନିଂସରେ ୬ ଟି ଚୌକା ଓ ୫ ଟି ଛକା ମାରିଥିଲେ। ଶୁଭମାନ ଗିଲ ୬୨ ବଲରୁ ୬୭ ରନ ସ୍କୋର କରିଥିଲେ। ସେ ନିଜ ଇନିଂସରେ ୮ ଟି…

ଭୁବନେଶ୍ୱର: ପରିବେଶ ଥିଲା ଅତ୍ୟନ୍ତ ପୁଲକିତ। ଛାତ୍ରଛାତ୍ରୀଙ୍କ ମଧ୍ୟରେ ଫୁଟିଉଠୁଥିଲା ଦେଶମାତୃକାର ସେବା ନିମନ୍ତେ ତ୍ୟାଗର ଅନନ୍ୟ ନିଦର୍ଶନ। ଭାରତର ଐତିହାସିକ ଗୌରବମୟ ଚନ୍ଦ୍ର ଅଭିଯାନରେ ପ୍ରତ୍ୟେକ୍ଷ ଭାବେ ସାମିଲ ନହୋଇପାରିଥିଲେ ମଧ୍ୟ, ଏହି ମହନୀୟ ଯାତ୍ରାରେ ସାମିଲ ଥିବା ସମସ୍ତ ଅଂଶୀଦାରଙ୍କୁ ପ୍ରଶଂସା କରିବା ଏବଂ ଭାରତକୁ ବିଶ୍ବଗୁରୁରେ ପରିଣତ କରିବାର ପ୍ରତିବଦ୍ଧତା ଝଲସି ଉଠିଥିଲା ଏମ୍‌ସ ଭୁବନେଶ୍ୱର ପରିସରରେ। ଅବସର ଥିଲା ଚନ୍ଦ୍ରାୟଣ ମହୋତ୍ସବ। ଏହି ଜାତୀୟ ସ୍ବାସ୍ଥ୍ୟ ପ୍ରତିଷ୍ଠାନର କାର୍ଯ୍ୟନିର୍ବାହୀ ନିର୍ଦ୍ଦେଶକ ଡ. ଆଶୁତୋଷ ବିଶ୍ବାସଙ୍କ ନେତୃତ୍ବରେ ଅଧ୍ୟାପକ/ଅଧ୍ୟାପିକା, ଛାତ୍ରଛାତ୍ରୀ ଏବଂ କର୍ମଚାରୀମାନେ ହର୍ଷ, ଉଲ୍ଲାସର ସହିତ ଆଜି ପାଳିତ ହୋଇଯାଇଛି ଚନ୍ଦ୍ରାୟଣ ମହୋତ୍ସବ। ଚନ୍ଦ୍ରର ଦକ୍ଷିଣ ମେରୁରେ ରୋଭର୍‌ ଅବତରଣ ଏବଂ ପରେ ପରେ ଚନ୍ଦ୍ରପୃଷ୍ଠରେ ପ୍ରଜ୍ଞାନର ବିଚରଣ, ସମଗ୍ର ବିଶ୍ବରେ ଭାରତର ମହାକାଶ ଅଭିଯାନକୁ ଏକ ଗୌରବମୟ ଅଧ୍ୟାୟରେ ସ୍ଥାନ ଦେଇଛି। ଦେଶର ମାନନୀୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ପ୍ରେରଣା ମଧ୍ୟ ଏହି କାର୍ଯ୍ୟକ୍ରମକୁ…

ଦିଲ୍ଲୀ: ନୂଆଦିଲ୍ଲୀରେ ୧୮ ତମ ଜି- ୨୦ ରାଷ୍ଟ୍ର ମୁଖ୍ୟ ମାନଙ୍କର ସମ୍ମିଳନୀ ଆୟୋଜନ କରିବାକୁ ଭାରତ ପ୍ରସ୍ତୁତ ହୋଇଛି। ଏହି ବୈଠକ ମନ୍ତ୍ରୀ , ବରିଷ୍ଠ ଅଧିକାରୀ ଏବଂ ନାଗରିକ ସମାଜକୁ ନେଇ ବର୍ଷ ସାରା ଅନୁଷ୍ଠିତ ହେଉଥିବା ସମସ୍ତ ଜି- ୨୦ ପ୍ରକ୍ରିୟା ଏବଂ ବୈଠକର ଅନ୍ତିମ ପର୍ଯ୍ୟାୟ ହେବ। ନୂଆଦିଲ୍ଲୀ ଶିଖର ସମ୍ମିଳନୀର ଶେଷରେ ଜି – ୨୦ ନେତା ମାନଙ୍କ ଘୋଷଣାନାମା ଗ୍ରହଣ କରାଯିବ, ଯେଉଁଥିରେ ସମ୍ପୃକ୍ତ ମନ୍ତ୍ରୀସ୍ତରୀୟ ବୈଠକରେ ଏବଂ କାର୍ଯ୍ୟକାରୀ ଗୋଷ୍ଠୀ ବୈଠକରେ ଆଲୋଚନା କରାଯାଇଛି ଏବଂ ସହମତି ବ୍ୟକ୍ତ କରାଯାଇଥିବା ପ୍ରାଥମିକତା ଗୁଡିକ ପ୍ରତି ନେତା ମାନଙ୍କର ପ୍ରତିବଦ୍ଧତା ଉଲ୍ଲେଖ କରାଯିବ। ସେପ୍ଟେମ୍ବର ୯ ରୁ ୧୦ ମଧ୍ୟରେ ନୂଆଦିଲ୍ଲୀର ପ୍ରଗତି ମଇଦାନ ଠାରେ ଜି – ୨୦ ଶିଖର ସମ୍ମିଳନୀ ଅନୁଷ୍ଠିତ ହେବ। ଇଲେକ୍ଟ୍ରୋନିକ୍ସ ଏବଂ ସୂଚନା ପ୍ରଯୁକ୍ତି ମନ୍ତ୍ରଣାଳୟ ଲକ୍ଷ୍ନୌ, ହାଇଦ୍ରାବାଦ, ପୁଣେ ଏବଂ ବେଙ୍ଗାଲୁରୁ ଠାରେ ଜି…

ଭୁବନେଶ୍ଵର: ଯାତ୍ରୀ ମାନଙ୍କ ସୁବିଧାକୁ ଦୃଷ୍ଟିରେ ରଖି ପୁରୀ-ସାନ୍ତ୍ରାଗଛି-ପୁରୀ ଏବଂ ପୁରୀ-ଭଞ୍ଜପୁର-ପୁରୀ ବିଶେଷ ଟ୍ରେନ ଗୁଡିକର ସେବାକୁ ଆଉ ଏକ ମାସ ବୃଦ୍ଧି କରିବାକୁ ନିଷ୍ପତ୍ତି ନିଆଯାଇଛି | ସାନ୍ତ୍ରାଗଛି-ପୁରୀ-ସାନ୍ତ୍ରାଗଛି ବିଶେଷ ଟ୍ରେନ_ ପ୍ରତ୍ୟେକ ଶୁକ୍ରବାର ଦିନ ସାନ୍ତ୍ରାଗଛି ରୁ ଏବଂ ପ୍ରତ୍ୟେକ ଶନିବାର ଦିନ ପୁରୀ ରୁ ଛାଡୁଥିବା 02837/02838 ସାନ୍ତ୍ରାଗଛି-ପୁରୀ-ସାନ୍ତ୍ରାଗଛି ବିଶେଷ ଟ୍ରେନ 30 ସେପ୍ଟେମ୍ବର 2023 ପର୍ଯ୍ୟନ୍ତ ଚଳାଚଳ କରିବ। ଭଞ୍ଜପୁର (ବାରିପଦା) -ପୁରୀ-ଭଞ୍ଜପୁର ବିଶେଷ ଟ୍ରେନ: ପ୍ରତ୍ୟେକ ଗୁରୁବାର ଏବଂ ଶନିବାର ଦିନ ଭଞ୍ଜପୁର ରୁ ଏବଂ ପ୍ରତ୍ୟେକ ଶୁକ୍ରବାର ଏବଂ ରବିବାର ରେ ପୁରୀ ଛାଡୁଥିବା 08011/08012 ଭଞ୍ଜପୁର-ପୁରୀ- ଭଞ୍ଜପୁର ଦ୍ୱି-ସାପ୍ତାହିକ ସ୍ପେଶାଲ ଟ୍ରେନ 1 ଅକ୍ଟୋବର 2023 ପର୍ଯ୍ୟନ୍ତ ଚଳାଚଳ କରିବ। ଉପରୋକ୍ତ ଟ୍ରେନ୍ ପାଇଁ ବିଭିନ୍ନ ସ୍ଥାନରେ (ଷ୍ଟେସନରେ) ନିର୍ଦ୍ଧାରିତ ରହଣି ଏବଂ ସମୟ ସାରଣୀ ଅପରିବର୍ତ୍ତିତ ରହିବ। ଟ୍ରେନର ପରୀକ୍ଷାମୂଳକ ରହଣି ବ୍ୟବସ୍ଥା: ଦକ୍ଷିଣ ପୂର୍ବ ରେଳ ଅନ୍ତର୍ଗତ ଚକ୍ରଧରପୁର…

ଭୁବନେଶ୍ଵର: ମହିଳା ଓ ଶିଶୁ ବିକାଶ ମନ୍ତ୍ରଣାଳୟ ୨୦୨୩ ସେପ୍ଟେମ୍ବର ମାସରେ ଷଷ୍ଠ ରାଷ୍ଟ୍ରୀୟ ପୋଷଣ ମାସ ପାଳନ କରୁଛି। ରାଷ୍ଟ୍ରୀୟ ପୋଷଣ ମାସ ୨୦୨୩ର ପ୍ରଥମ ଦିନରେ ସମଗ୍ର ଦେଶରେ ପାଖାପାଖି ୧୦ ଲକ୍ଷ କାର୍ଯ୍ୟକଳାପ ଦେଖିବାକୁ ମିଳିଥିଲା, ଯେଉଁଥିରେ ‘ମିଶନ ଲାଇଫ ମାଧ୍ୟମରେ ପୋଷଣରେ ଉନ୍ନତି ଏବଂ ସ୍ତନ୍ୟପାନ ଏବଂ ପୁଷ୍ଟିକର ଆହାର’ ଭଳି ବିଷୟବସ୍ତୁ ରହିଥିଲା। ପ୍ରତ୍ୟେକ ନାଗରିକ ସୁପୋଷିତ ଭାରତ ଦିଗରେ ଏହି ଜନ ଆନ୍ଦୋଳନରେ ଅଂଶଗ୍ରହଣ କରିବାର ଆବଶ୍ୟକତା ରହିଛି। ରାଷ୍ଟ୍ରୀୟ ପୋଷଣ ମାସ ୨୦୨୩ ଉଦଘାଟନ ଅବସରରେ ଦେଶର ବିଭିନ୍ନ ସ୍ଥାନରୁ ଅଧିକାରୀ ଓ ଅଙ୍ଗନବାଡ଼ି କର୍ମୀମାନେ ଏକାଠି ହୋଇ ଖାଦ୍ୟ ବିବିଧତାକୁ ପ୍ରୋତ୍ସାହିତ କରିବା ସହ ପୋଷଣର ଆବଶ୍ୟକତା ବିଷୟରେ ସଚେତନତା ସୃଷ୍ଟି କରିବା ସହ ଏହି ଗୁରୁତ୍ୱପୂର୍ଣ୍ଣ କାର୍ଯ୍ୟ ପ୍ରତି ନିଜର ପ୍ରତିବଦ୍ଧତା ଦର୍ଶାଇଥିଲେ। ଚଳିତ ବର୍ଷ ପୋଷଣ ମାସ ୨୦୨୩ର ଉଦ୍ଦେଶ୍ୟ ହେଉଛି ମିଶନ ପୋଷଣ ୨.୦ର ମୂଳଦୁଆ…

ଖୋର୍ଦ୍ଧା: ଖୋର୍ଦ୍ଧା ପଂଚାୟତ ସମିତି କାର୍ଯ୍ୟାଳୟ ପରିସରରେ ଜିଲ୍ଲାପାଳଙ୍କ ମିଳିତ ଜନ ଶୁଣାଣି ଶିବିର ଅନୁଷ୍ଠିତ ହୋଇଯାଇଛି। ଆଜି ମୋଟ ୯୫ଗୋଟି ଆପତି ଅଭିଯୋଗ ଦାଖଲ ହୋଇଥିବାବେଳେ ସେଥିମଧ୍ୟରୁ ୮୬ଟି ଅଭିଯୋଗ ବ୍ୟକ୍ତିଗତ ଥିଲା ଓ ବାକି ୫ଟି ବିଭିନ୍ନ ଗ୍ରାମର ସାମୁହିକ ସମସ୍ୟା ଥିଲା। ଉକ୍ତ ଅଭିଯୋଗମାନଙ୍କ ମଧ୍ୟରୁ ସ୍ଥଳ ବିଶେଷ ରେ ୩ଟି ଅଭିଯୋଗର ତତ୍କାଳ ସମାଧାନ କରାଯାଇଥିଲା। ଜଣଙ୍କୁ ଏକ ଟ୍ରାଇସାଇକେଲ ପ୍ରଦାନ କରାଯାଇଥିଲା। ଆଜିର ମିଳିତ ଜଣ ଶୁଣାଣି ଅବସରରେ ଜିଲ୍ଲାପାଳ କେ. ସୁଦର୍ଶନ ଚକ୍ରବର୍ତୀ, ଅତିରିକ୍ତ ଜିଲ୍ଲାପାଳ ପ୍ରତାପ ଚନ୍ଦ୍ର ବେଉରା, ଅତିରିକ୍ତ ଆରକ୍ଷୀ ଅଧିକ୍ଷକ ସୁରେନ୍ଦ୍ରନାଥ ମୁର୍ମୁ, ଉପଜିଲ୍ଲାପାଳ ଦିପ୍ତୀରଞ୍ଜନ ସେଠୀ, ସିଡିଏମଓ ଡା. ଆର୍ତବନ୍ଧୁ ନାୟକ, ଖୋର୍ଦ୍ଧା ପୌରନିର୍ବାହୀ ଅଧିକାରୀ ରିଜିଆନା କଅକବ, ବିଡ଼ିଓ କ୍ଷୀରାବ୍ଧୀ ତନୟା ସାହୁଙ୍କ ସମେତ ଅନ୍ୟ ବିଭାଗୀୟ ଅଧିକାରୀ ପ୍ରମୁଖ ଉପସ୍ଥିତ ଥିଲେ।

ଖୋର୍ଦ୍ଧା: ଖୋର୍ଦ୍ଧା ଜିଲ୍ଲା ସ୍ତରୀୟ ସଂସାଧନ ସଭ୍ୟଙ୍କ ଦୁଇ ଦିନିଆ ପ୍ରଶିକ୍ଷଣ ଶିବିର ଆଜି ଜିଲ୍ଲା ପରିଷଦ ସମ୍ମିଳନୀ କକ୍ଷରେ ଅନୁଷ୍ଠିତ ହୋଇଥିଲା। ମୁଖ୍ୟ ଅତିଥି ଭାବେ ଏହାକୁ ଅତିରିକ୍ତ ଜିଲ୍ଲାପାଳ (ପ୍ରଶାସନ) ପ୍ରତାପ ଚନ୍ଦ୍ର ବେଉରା ଓ ଜିଲ୍ଲା ପରିଷଦର ମୁଖ୍ୟ ଉନ୍ନୟନ ଅଧିକାରୀ ଓ କାର୍ଯ୍ୟ ନିର୍ବାହୀ ଅଧିକାରୀ ବାଦଲ ମହାନ୍ତି ଉଦଘାଟନ କରିଥିଲେ। ଅତିରିକ୍ତ ଜିଲ୍ଲାପାଳ ଶ୍ରୀ ବେଉରା ପାରମ୍ପରିକ ଲୋକ କଳା ମାଧ୍ୟମରେ ସରକାରଙ୍କର ବିବିଧ ଜନ କଲ୍ୟାଣକାରୀ ଯୋଜନା ଗୁଡିକୁ ଜନ ସାଧାରଣ ଙ୍କ ନିକଟରେ ପହଞ୍ଚାଇବାରେ ଏହି ଶିବିର ପ୍ରମୁଖ ଭୂମିକା ଗ୍ରହଣ କରିବ ବୋଲି କହିଥିଲେ। ଯୋଜନା ସମ୍ପର୍କରେ ବିସ୍ତୃତ ଭାବେ ଅବଗତ ହେବା ସହ ନିଜ ଲୋକକଳା ମାଧ୍ୟମରେ ଏହାକୁ ଲୋକ ମାନଙ୍କୁ ସଚେତନ କରିବା ଯାହା ଦ୍ବାରା ହିତାଧିକାରୀଙ୍କ ଉପକୃତ ସହଜ ହୋଇ ପାରିବ ବୋଲି କହିଥିଲେ। ଜିଲ୍ଲା ପରିଷଦର ମୁଖ୍ୟ ଉନ୍ନୟନ ଅଧିକାରୀ ଓ କାର୍ଯ୍ୟ ନିର୍ବାହୀ…

ନୂଆଦିଲ୍ଲୀ: ଫେବୃଆରୀ ୧ ତାରିଖ ୨୦୨୪ରେ ଉପସ୍ଥାପିତ ହେବାକୁ ଥିବା ଅନ୍ତରୀଣ ବଜେଟ୍ ପାଇଁ ଅର୍ଥ ମନ୍ତ୍ରଣାଳୟ ପ୍ରସ୍ତୁତି ଆରମ୍ଭ କରିଛି। ଅର୍ଥ ମନ୍ତ୍ରଣାଳୟର ଅର୍ଥନୈତିକ ବ୍ୟାପାର ବିଭାଗ ଅଧୀନରେ ଥିବା ବଜେଟ୍ ବିଭାଗ ୨୦୨୪-୨୫ ବଜେଟ୍ ସମ୍ବନ୍ଧରେ ଏକ ସର୍କୁଲାର୍ ଜାରି କରିଛି, ଯେଉଁଥିରେ ସମସ୍ତ ମନ୍ତ୍ରଣାଳୟ ଏବଂ ବିଭାଗରୁ ସେମାନଙ୍କ ବଜେଟ୍ ସମ୍ବନ୍ଧରେ ଇନପୁଟ୍ ମଗାଯାଇଛି। ଅକ୍ଟୋବର ୫, ୨୦୨୩ ସୁଦ୍ଧା ଅର୍ଥ ମନ୍ତ୍ରଣାଳୟ ଏହି ମନ୍ତ୍ରଣାଳୟ ଏବଂ ବିଭାଗଗୁଡ଼ିକୁ ସେମାନଙ୍କ ଇନପୁଟ ଦାଖଲ କରିବାକୁ କହିଛି। ଏହି ବଜେଟ୍ ସର୍କୁଲାରରେ କୁହାଯାଇଛି ଯେ, ଅର୍ଥ ମନ୍ତ୍ରଣାଳୟର ବ୍ୟୟ ସଚିବ ଅକ୍ଟୋବର ଦ୍ୱିତୀୟ ସପ୍ତାହରୁ ଏହି ମନ୍ତ୍ରଣାଳୟ ଏବଂ ବିଭାଗଗୁଡ଼ିକ ସହିତ ପ୍ରାକ ବଜେଟ୍ ବୈଠକ ଆରମ୍ଭ କରିବେ।

ନୂଆଦିଲ୍ଲୀ: ତାମିଲନାଡୁ ସରକାରର ମନ୍ତ୍ରୀ ଉଦୟନିଧିଙ୍କ ସନାତନ ଧର୍ମ ସମ୍ପର୍କରେ ମନ୍ତବ୍ୟ ପରେ ବିବାଦ ଉପୁଜିଛି। ଏହି ପ୍ରସଙ୍ଗ ଉଠାଇ ବିଜେପି ବିରୋଧୀ ମେଣ୍ଟ ଇଣ୍ଡିଆକୁ ମଧ୍ୟ ଟାର୍ଗେଟ କରିଛି। ବର୍ତ୍ତମାନ ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ ମଧ୍ୟ ଏହା ଉପରେ ପ୍ରତିକ୍ରିୟା ରଖିଛନ୍ତି। ଆଜି ମମତା ବାନାର୍ଜୀ କହିଛନ୍ତି ଯେ, “ମୁଁ ତାମିଲନାଡୁର ଲୋକ, ସିଏମ ଏମ.କେ ଷ୍ଟାଲିନଙ୍କୁ ସମ୍ମାନ କରେ। ପ୍ରତ୍ୟେକ ଧର୍ମର ଭିନ୍ନ ଭାବନା ରହିଛି। ଭାରତ ‘ବିବିଧତା ମଧ୍ୟରେ ଏକତା’ ବିଷୟରେ, ଯାହା ଆମର ମୂଳ ଅଟେ। ନ୍ୟୁଜ୍ ଏଜେନ୍ସି ପିଟିଆଇ ସହ କଥାବାର୍ତ୍ତା କରି ସେ କହିଛନ୍ତି ଯେ, ଆମେ କୌଣସି ପ୍ରସଙ୍ଗରେ ଜଡିତ ହେବା ଉଚିତ ନୁହେଁ ଯାହାକି ଲୋକଙ୍କ ଏକ ବର୍ଗକୁ ଆଘାତ ଦିଏ। ଆମେ ପ୍ରତ୍ୟେକ ଧର୍ମକୁ ସମ୍ମାନ ଦେବା ଉଚିତ୍: ମୁଖ୍ୟମନ୍ତ୍ରୀ ଆହୁରି ମଧ୍ୟ କହିଛନ୍ତି ଯେ, “ମୁଁ ସନାତନ ଧର୍ମକୁ ସମ୍ମାନ କରେ। ପୂଜାପାଠ କରୁଥିବା ପୁରୋହିତମାନଙ୍କୁ…

ମୁମ୍ବାଇ: ମହାରାଷ୍ଟ୍ରର ଉପ-ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ୍ ଜାଲନାରେ ମରାଠା ସଂରକ୍ଷଣ ବିରୋଧ ପ୍ରଦର୍ଶନ ସମୟରେ ପୋଲିସ ଲାଠି ଚାର୍ଜ ପାଇଁ କ୍ଷମା ମାଗିଛନ୍ତି। ପ୍ରକୃତରେ, ଏହି ଘଟଣା ପରେ ମୁଖ୍ୟମନ୍ତ୍ରୀ ଏକନାଥ ସିନ୍ଦେ, ଉପ-ମୁଖ୍ୟମନ୍ତ୍ରୀ ଫଡନାଭିସ୍ ଏବଂ ଉପ-ମୁଖ୍ୟମନ୍ତ୍ରୀ ଅଜିତ ପାୱାର ମୁମ୍ବାଇରେ ଏକ ବୈଠକ କରିଥିଲେ ଏବଂ ପରେ ଗଣମାଧ୍ୟମକୁ ସମ୍ବୋଧିତ କରି ଏକ ବିବୃତ୍ତି ପ୍ରଦାନ କରିଥିଲେ। ସାମ୍ବାଦିକ ସମ୍ମିଳନୀରେ ଫଡନାଭିସ୍ କହିଛନ୍ତି ଯେ, ଜାଲନା ଘଟଣା ଦୁଃଖଖଦାୟକ। ପୋଲିସର ଲାଟିଚାର୍ଜ ଦୁଃଖ ଖଦାୟକ। ବଳ ପ୍ରୟୋଗ ପାଇଁ କୌଣସି ସମର୍ଥନ ହୋଇପାରିବ ନାହିଁ। ଏହାପୂର୍ବରୁ ଯେତେବେଳେ ମୁଁ ୫ ବର୍ଷ ପାଇଁ ମୁଖ୍ୟମନ୍ତ୍ରୀ ଥିଲି। ସେତେବେଳେ ହଜାର ହଜାର ଆନ୍ଦୋଳନ ହୋଇଥିଲା କିନ୍ତୁ ବଳ ପ୍ରୟୋଗ କରାଯାଇନଥିଲା। ଲାଠିଚାର୍ଜ ପାଇଁ ମୁଁ କ୍ଷମା ପ୍ରାର୍ଥନା କରୁଛି। ଉଚ୍ଚ ସ୍ତରୀୟ ତଦନ୍ତ ପାଇଁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଛନ୍ତି। ଏହି ଘଟଣାକୁ ନେଇ ରାଜନୀତି କରିବା ଭୁଲ୍। ମନ୍ତ୍ରଣାଳୟରୁ ନିର୍ଦ୍ଦେଶ…

ଭୁବନେଶ୍ଵର: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଜି ଏକ ଐତିହାସକ ନିଷ୍ପତ୍ତି ନେଇ ଜଟଣୀ ଖାସମାହଲ ଜମି ସମସ୍ୟାର ସମାଧାନ କରି ଲୋକଙ୍କୁ ପଟ୍ଟା ଦେବାପାଇଁ ନିର୍ଦ୍ଦେଶ ଦେଇଛନ୍ତି। ସୂଚନାଯୋଗ୍ୟ ଯେ, ମୁଖ୍ୟମନ୍ତ୍ରୀଙ୍କ ୫-ଟି ସଚିବ ଭି.କେ. ପାଣ୍ଡିଆନ ତାଙ୍କର ଜିଲ୍ଲାଗସ୍ତ ସମୟରେ ଜମିଜମା ସଂପର୍କିତ ଅନେକ ଅଭିଯୋଗ ଲୋକଙ୍କ ଠାରୁ ପାଇଥିଲେ। ଜଟଣୀ ତହସିଲରେ ଖାସମାହଲ ସମସ୍ୟା, ଦୀର୍ଘ ବର୍ଷର ସମସ୍ୟା। ଏ ସମସ୍ୟା ସଂପର୍କରେ ଜନସାଧାରଣ ୫-ଟି ସଚିବଙ୍କୁ ଜଣାଇଥିଲେ। ଏ ବିଷୟରେ ୫-ଟି ସଚିବ ମୁଖ୍ୟମନ୍ତ୍ରୀଙ୍କୁ ଅବଗତ କରାଇବା ପରେ, ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶରେ ଆଜି ଏ ସଂପର୍କରେ ଏକ ଉଚ୍ଚସ୍ତରୀୟ ବୈଠକ କରାଯାଇ ନିଷ୍ପତ୍ତି ନିଆଯାଇଛି। ବୈଠକରେ ୫-ଟି ସଚିବ ଭି.କେ. ପାଣ୍ଡିଆନଙ୍କ ସହିତ, ମୁଖ୍ୟ ଶାସନ ସଚିବ ପ୍ରଦିପ କୁମାର ଜେନା, ଉନ୍ନୟନ କମିଶନର ଅନୁ ଗର୍ଗ, ରାଜସ୍ୱ ବିଭାଗ ଅତିରିକ୍ତ ମୁଖ୍ୟ ଶାସନ ସଚିବ ସତ୍ୟବ୍ରତ ସାହୁ, ଖୋର୍ଦ୍ଧା ଜିଲ୍ଲାପାଳ ଏବଂ ଅନ୍ୟ ବରିଷ୍ଠ ଅଧିକାରୀମାନେ…

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏକ ନୂତନ ବିଶ୍ୱ ବ୍ୟବସ୍ଥା ଗଠନ ଦିଗରେ ଏକ ବଡ଼ ଏବଂ ଅତ୍ୟନ୍ତ ପ୍ରଭାବଶାଳୀ ପଦକ୍ଷେପ ନେଇଛନ୍ତି। ବିଶ୍ୱର ୨୦ଟି ଧନୀ ଓ ବିକାଶଶୀଳ ଦେଶର ସଂଗଠନ ଜି-୨୦ ଆଫ୍ରିକୀୟ ସଂଘ (ଏୟୁ)ର ୫୪ଟି ଦେଶକୁ ସ୍ଥାୟୀ ସଦସ୍ୟତା ଦେବା ପାଇଁ ଦୃଢ଼ ସମର୍ଥନ କରିଛନ୍ତି। ଅନ୍ତର୍ଜାତୀୟ କୂଟନୀତି ଦୁନିଆରେ ଏହାକୁ ଭାରତର ସବୁଠାରୁ ସଠିକ ରଣନୀତିଭାବେ ବିବେଚନା କରାଯାଉଛି। ସେପ୍ଟେମ୍ବର ୯-୧୦ରେ ନୂଆଦିଲ୍ଲୀରେ ହେବାକୁ ଥିବା ଜି-୨୦ ଶିଖର ସମ୍ମିଳନୀରେ ଅତିଥିଭାବେ ଭାରତ ଆଫ୍ରିକୀୟ ସଂଘକୁ ନିମନ୍ତ୍ରଣ କରିଛି। ଦ୍ରୁତ ଅଭିବୃଦ୍ଧିଶୀଳ ଅର୍ଥନୀତିଭାବେ ଏୟୁକୁ ପୂର୍ଣ୍ଣ ସଦସ୍ୟତା ଦେବାକୁ ଭାରତ ଜି-୨୦ ସଦସ୍ୟଙ୍କୁ ନିବେଦନ କରିଛି। ବ୍ରିଟେନ୍, ଫ୍ରାନ୍ସ ଓ ଜର୍ମାନୀ ଭଳି ଦେଶ ଭାରତର ପ୍ରସ୍ତାବକୁ ହୃଦୟରୁ ସମର୍ଥନ କରିଛନ୍ତି। ସେହିପରି ଜି-୨୦ର ୧୧ ଜଣ ସଦସ୍ୟ କେବଳ ମୌଖିକ ସମର୍ଥନ ଦେଇଛନ୍ତି, ଯେଉଁମାନଙ୍କ ମଧ୍ୟରୁ ଅଧିକାଂଶ ହେଉଛନ୍ତି ୟୁରୋପୀୟ ସଂଘଦେଶ। ଭାରତର…

ନୂଆଦିଲ୍ଲୀ: ୧୯୦୧ ବର୍ଷ ପରେ, ଅଗଷ୍ଟ ମାସରେ ସବୁଠାରୁ ଉତ୍ତପ୍ତ ଏବଂ ଶୁଖିଲା ତାପମାତ୍ରା ରେକର୍ଡ କରାଯାଇଥିଲା ଏବଂ ବର୍ତ୍ତମାନ ଦେଶର ଅନେକ ସ୍ଥାନରେ ସେପ୍ଟେମ୍ବର ମାସରେ ମଧ୍ୟ ତାପମାତ୍ରା ସ୍ୱାଭାବିକଠାରୁ ଅଧିକ ରେକର୍ଡ କରାଯାଇଛି। ଅଗଷ୍ଟ ମାସରେ ଦେଶର ଅନେକ ସ୍ଥାନରେ ତାପମାତ୍ରା ୪୦ ଡିଗ୍ରୀ ସେଲସିୟସ ଅତିକ୍ରମ କରିଥିଲା। ପାଣିପାଗ ବିଶେଷଜ୍ଞ ଏହା ଉପରେ ଉଦ୍ବେଗ ପ୍ରକାଶ କରିଥିଲେ। ଏହାକୁ ଜଳବାୟୁ ପରିବର୍ତ୍ତନର ବଢୁଥିବା ପ୍ରକୋପ ବିବେଚନା କରାଯାଏ। ସେପ୍ଟେମ୍ବର ମାସରେ, ହିମାଚଳ ପ୍ରଦେଶ, ଉତ୍ତରପ୍ରଦେଶ, ଉପ-ହିମାଳୟ ପଶ୍ଚିମବଙ୍ଗ ଏବଂ ସିକ୍କିମର କେତେକ ଅଞ୍ଚଳରେ ତାପମାତ୍ରା ସ୍ୱାଭାବିକଠାରୁ ୩.୧ ରୁ ୫ ଡିଗ୍ରୀ ସେଲସିୟସ ରେକର୍ଡ କରାଯାଇଛି। ସେପ୍ଟେମ୍ବର ୩ ତାରିଖରେ, ରାଜସ୍ଥାନର ଚୁରୁରେ ସର୍ବାଧିକ ତାପମାତ୍ରା ୪୦ ଡିଗ୍ରୀ ସେଲସିୟସ, ପିଲାନି (ରାଜସ୍ଥାନ) ରେ ୩୯.୫ ଡିଗ୍ରୀ ସେଲସିୟସ ରେକର୍ଡ ହୋଇଥିବାବେଳେ ମଧ୍ୟପ୍ରଦେଶର ଖଜୁରାହୋରେ ୩୮ ଡିଗ୍ରୀ ସେଲସିୟସ ରେକର୍ଡ କରାଯାଇଥିଲା। ପାଣିପାଗ ବିଭାଗ ଅନୁଯାୟୀ ରାଜସ୍ଥାନର…

ନୂଆଦିଲ୍ଲୀ: ହରିଶ ସାଲଭେ ୬୮ ବର୍ଷ ବୟସରେ ତୃତୀୟ ଥର ବିବାହ କରିଛନ୍ତି। ଏହାପୂର୍ବରୁ ସେ ୨୦୨୦ ମସିହାରେ କାରୋଲିନ ବ୍ରୋସାର୍ଡଙ୍କୁ ବିବାହ କରିଥିଲେ। ଭାରତର ପୂର୍ବତନ ସଲିସିଟର ଜେନେରାଲ ତଥା ଦେଶର ବରିଷ୍ଠ ଓକିଲ ହରିଶ ସାଲଭେ ୬୮ ବର୍ଷ ବୟସରେ ତୃତୀୟ ଥର ପାଇଁ ବିବାହ କରିଛନ୍ତି। ଏଥର ସେ ଲଣ୍ଡନରେ ଟ୍ରିନା ନାମକ ଜଣେ ମହିଳାଙ୍କୁ ବିବାହ କରିଛନ୍ତି। ଲଣ୍ଡନରେ ଏକ ବିଶାଳ ବିବାହ ସମାରୋହ ଆୟୋଜନ କରି ହରିଶ ସାଲଭେ ବିବାହ କରିଥିଲେ, ଯେଉଁଥିରେ ନୀତା ଅମ୍ବାନୀ, ଲଲିତ ମୋଦୀଙ୍କ ସମେତ ଅନେକ ସେଲିବ୍ରିଟି ଯୋଗ ଦେଇଥିଲେ। ଏହାପୂର୍ବରୁ, ହରିଶ ସାଲଭେ ୨୦୨୦ ରେ କାରୋଲିନ ବ୍ରୋସାର୍ଡଙ୍କୁ ବିବାହ କରିଥିଲେ। ସେହି ବର୍ଷ ସାଲଭେ ତାଙ୍କର ପ୍ରଥମ ପତ୍ନୀ ମୀନାକ୍ଷୀ ସାଲଭେଙ୍କୁ ଛାଡପତ୍ର ଦେଇଥିଲେ। ହରିଶ ସାଲଭେ ଏବଂ ମୀନାକ୍ଷୀଙ୍କ ମଧ୍ୟ ଦୁଇଟି ଝିଅ ଅଛନ୍ତି। ବଡ଼ ଝିଅର ନାମ ସାକ୍ସି ଏବଂ ସାନ ଝିଅର…

ନୂଆଦିଲ୍ଲୀ: ନିର୍ବାଚନ ଋତୁରେ ଆଜିକାଲି ଦେଶର ବିଭିନ୍ନ ରାଜ୍ୟରେ ମାଗଣା ବଣ୍ଟନ ପାଇଁ ପ୍ରତିଯୋଗିତା ଚାଲିଛି। କିନ୍ତୁ ଭୋଟରମାନଙ୍କୁ ନିଜ ଦଳ ପ୍ରତି ଆକୃଷ୍ଟ କରିବା ପାଇଁ ସବସିଡି ଓ ଅନ୍ୟାନ୍ୟ ମାଗଣା ଜିନିଷ ଦେଇ ଅନେକ ରାଜ୍ୟର ଆର୍ଥିକ ଅବସ୍ଥା ଖରାପ ହୋଇଛି। ଦେଶର ଅନେକ ରାଜ୍ୟର ଋଣ ସୀମା ଅତିକ୍ରମ କରିଛି। ସେଣ୍ଟର ଫର ସୋସିଆଲ ଆଣ୍ଡ ଇକୋନୋମିକ ପ୍ରୋଗ୍ରେସର ରିପୋର୍ଟ ଅନୁଯାୟୀ, ୨୦୨୦-୨୧ରେ ଆନ୍ଧ୍ରପ୍ରଦେଶ ଓ ତେଲେଙ୍ଗାନାରୁ ଋଣ ପରିମାଣ ୨.୧ ଲକ୍ଷ କୋଟି ଟଙ୍କାରେ ପହଞ୍ଚିଛି। ଏହା କେନ୍ଦ୍ରର ଅତିରିକ୍ତ ବଜେଟ୍ ସମ୍ବଳ ବ୍ୟବହାରର ପ୍ରାୟ ଅଧା। ରିପୋର୍ଟ ଅନୁଯାୟୀ, ଅନେକ ରାଜ୍ୟ ସରକାରୀ କମ୍ପାନିଠାରୁ ଅର୍ଥ ସଂଗ୍ରହ କରି ନିଜ ଋଣର ପ୍ରକୃତ ଚିତ୍ର ଲୁଚାଉଛନ୍ତି। ରିପୋର୍ଟ ଅନୁଯାୟୀ, ଅନେକ ରାଜ୍ୟର ଋଣ ବିତ୍ତୀୟ ଦାୟିତ୍ୱ ଆଇନର ବାଧ୍ୟତାମୂଳକ ସୀମା ଅତିକ୍ରମ କରିଛି। ଉଦାହରଣ ସ୍ୱରୂପ, ଆନ୍ଧ୍ରପ୍ରଦେଶ ମୋଟ ରାଜ୍ୟ ଘରୋଇ ଉତ୍ପାଦ (ଜିଏସଡିପି)ର…

ନୂଆଦିଲ୍ଲୀ: ସେପ୍ଟେମ୍ବର ୧୬ରେ ହାଇଦ୍ରାବାଦରେ ନବଗଠିତ ସିଡବ୍ଲ୍ୟୁସିର ଏକ ବୈଠକ କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେ ଡାକିଛନ୍ତି ବୋଲି ଏଆଇସିସି ସାଧାରଣ ସମ୍ପାଦକ କେସି ବେଣୁଗୋପାଳ ସୋମବାର ସୂଚନା ଦେଇଛନ୍ତି। ଅଖିଳ ଭାରତୀୟ କଂଗ୍ରେସ କମିଟି ମୁଖ୍ୟାଳୟରେ ଏକ ସାମ୍ବାଦିକ ସମ୍ମିଳନୀକୁ ସମ୍ବୋଧିତ କରି ବେଣୁଗୋପାଳ କହିଛନ୍ତି ଯେ ସେପ୍ଟେମ୍ବର ୧୭ରେ ଏକ ସମ୍ପ୍ରସାରିତ କଂଗ୍ରେସ କାର୍ଯ୍ୟକାରିଣୀ କମିଟି (ସିଡବ୍ଲ୍ୟୁସି) ବୈଠକ ଅନୁଷ୍ଠିତ ହେବ ଏବଂ ଏଥିରେ ସମସ୍ତ ପ୍ରଦେଶ କଂଗ୍ରେସ କମିଟି ମୁଖ୍ୟଙ୍କୁ ସାମିଲ କରାଯିବ। ସେପ୍ଟେମ୍ବର ୧୭ ସନ୍ଧ୍ୟାରେ ହାଇଦ୍ରାବାଦ ନିକଟରେ ଏକ ରାଲି ଅନୁଷ୍ଠିତ ହେବ, ଯେଉଁଠାରେ ଦଳ ତେଲେଙ୍ଗାନାରେ ଆଗାମୀ ବିଧାନସଭା ନିର୍ବାଚନ ପାଇଁ ନିଜର ଗ୍ୟାରେଣ୍ଟି ଘୋଷଣା କରିବ ବୋଲି ବେଣୁଗୋପାଳ କହିଛନ୍ତି। ଅଗଷ୍ଟ ୨୦ ତାରିଖରେ କଂଗ୍ରେସ ମୁଖ୍ୟ ଖଡଗେ ସିଡବ୍ଲ୍ୟୁସିର ପୁନର୍ଗଠନ କରି ପୁରୁଣା ନେତାଙ୍କୁ ବଜାୟ ରଖିଥିଲେ ଏବଂ ଦଳର ୮୪ ଜଣିଆ ସର୍ବୋଚ୍ଚ ନିଷ୍ପତ୍ତି ଗ୍ରହଣକାରୀ ସଂସ୍ଥାରେ ଶଶି…

ନୂଆଦିଲ୍ଲୀ: ମହାକାଶ କ୍ଷେତ୍ରରେ ଭାରତ ଦୃଢ଼ତାର ସହ ଆଗକୁ ବଢ଼ୁଛି। ପୂର୍ବରୁ ଭାରତର ମହାକାଶ ଏଜେନ୍ସି ଇସ୍ରୋ ଚନ୍ଦ୍ରର ଦକ୍ଷିଣ ମେରୁରେ ଚନ୍ଦ୍ରଯାନ-୩ର ସୁରକ୍ଷିତ ଅବତରଣ କରିଥିବାବେଳେ ଏବେ ଭାରତୀୟ ମହାକାଶ ଏଜେନ୍ସି ସଫଳତାର ସହ ଚନ୍ଦ୍ରଯାନ-ଏଲ୧ ଉତକ୍ଷେପଣ କରି ଇତିହାସ ରଚିଛି। ଚନ୍ଦ୍ରଯାନ-୩ର ସୁରକ୍ଷିତ ଅବତରଣ ସହ ଭାରତ ବିଶ୍ୱର ପ୍ରଥମ ଦେଶ ଭାବେ ଚନ୍ଦ୍ରର ଦକ୍ଷିଣ ମେରୁରେ ମହାକାଶଯାନ ଅବତରଣ କରିଛି। ଭାରତର ଏହି ଜବରଦସ୍ତ ସଫଳତା ଦେଖି ପଡ଼ୋଶୀ ଦେଶ ପାକିସ୍ତାନ ସ୍ତବ୍ଧ ହୋଇଯାଇଛି। ଏଭଳି ଅନେକ ପାକିସ୍ତାନୀ ଲୋକଙ୍କ ପ୍ରତିକ୍ରିୟା ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି, ଯାହାକୁ କୁହାଯାଇପାରେ ଯେ ପାକିସ୍ତାନ ଭାରତର ସଫଳତାକୁ ପସନ୍ଦ କରୁନାହିଁ। ଭାରତର ପ୍ରଗତିକୁ ନେଇ ପାକିସ୍ତାନୀମାନେ ଈର୍ଷା କରୁଛନ୍ତି। ପାକିସ୍ତାନର ରିୟଲ ଏଣ୍ଟରଟେନମେଣ୍ଟ ୟୁଟ୍ୟୁବ ଚ୍ୟାନେଲର ଅନେକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ପାକିସ୍ତାନବାସୀଙ୍କୁ ଘାସ ଖାଇବାକୁ ପଡ଼ିବ ଏଥିମଧ୍ୟରୁ ଗୋଟିଏ ଭିଡିଓରେ ପାକିସ୍ତାନୀ…

ନୂଆଦିଲ୍ଲୀ: ସମୟ ପୂର୍ବରୁ କିମ୍ବା ପରେ ଦେଶରେ ଲୋକସଭା ନିର୍ବାଚନ କରାଇବା ପାଇଁ ସରକାରଙ୍କର କୌଣସି ଉଦ୍ଦେଶ୍ୟ ନାହିଁ। କେନ୍ଦ୍ର ସୂଚନା ଓ ପ୍ରସାରଣ ମନ୍ତ୍ରୀ ଅନୁରାଗ ଠାକୁର ରବିବାର ବିଳମ୍ବିତ ରାତିରେ ଏକ ସାକ୍ଷାତ୍‍କାରରେ ଏହା କହିଛନ୍ତି। ସାଧାରଣ ନିର୍ବାଚନ ସମୟ ପୂର୍ବରୁ କିମ୍ବା ପରେ କରିବାକୁ ସରକାରଙ୍କର କୌଣସି ଉଦ୍ଦେଶ୍ୟ ନାହିଁ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତାଙ୍କ କାର୍ଯ୍ୟକାଳର ଶେଷ ଦିନ ପର୍ଯ୍ୟନ୍ତ ଦେଶ ଓ ଲୋକଙ୍କ ସେବା କରିବାକୁ ଚାହୁଁଛନ୍ତି। ବିଜେପି ଦୀର୍ଘ ଦିନ ଧରି ନିର୍ବାଚନକୁ ସମର୍ଥନ କରି ଆସୁଛି। ଏହାଦ୍ୱାରା ସମୟ ଓ ଅର୍ଥ ସଞ୍ଚୟ ହେବ। ଏହାକୁ ଗରିବଙ୍କ ପାଇଁ, ଦେଶର ବିକାଶ ପାଇଁ ବ୍ୟବହାର କରାଯାଇପାରିବ। ଅନ୍ୟପକ୍ଷରେ ବିଜ୍ଞପ୍ତି ପ୍ରକାଶ ପାଇବାର ଗୋଟିଏ ଦିନ ପରେ ରାମନାଥ କୋବିନ୍ଦ କମିଟି ଅନ୍ ୱାନ୍ କଣ୍ଟ୍ରି-ୱାନ୍ ଇଲେକ୍ସନ ଉପରେ କାମ ଆରମ୍ଭ କରିଛି। ମିଳିଥିବା ସୂଚନା ଅନୁଯାୟୀ, କେନ୍ଦ୍ର ଆଇନ ମନ୍ତ୍ରଣାଳୟର ବରିଷ୍ଠ…

ନୂଆଦିଲ୍ଲୀ: ଇସ୍ରୋର ନିର୍ଦ୍ଦେଶକ୍ରମେ ବିକ୍ରମ ଲ୍ୟାଣ୍ଡର ଇଞ୍ଜିନ ଷ୍ଟାର୍ଟ କରି ଆଶାନୁରୂପ ୪୦ ସେଣ୍ଟିମିଟର ଉପରକୁ ଉଠାଇ ପୁଣି ୩୦-୪୦ ସେଣ୍ଟିମିଟର ଦୂରରେ ଅବତରଣ କରିଥିଲା। ସୋମବାର ଏକ ଏକ୍ସ ପୋଷ୍ଟରେ ଇସ୍ରୋ ସୂଚନା ଦେଇଛି ଯେ ଚନ୍ଦ୍ରଯାନ-୩ର ବିକ୍ରମ ଲ୍ୟାଣ୍ଡର ପୁଣିଥରେ ଚନ୍ଦ୍ରରେ ସଫ୍ଟ ଲ୍ୟାଣ୍ଡିଂ କରିଛି। ବାସ୍ତବରେ ବିକ୍ରମ ଲ୍ୟାଣ୍ଡର ହୋପ୍ ଟେଷ୍ଟ ଅର୍ଥାତ୍ ଜମ୍ପ ଟେଷ୍ଟକୁ ସଫଳତାର ସହ କରିଥିଲେ। ଏହା ଅଧୀନରେ ବିକ୍ରମ ଲ୍ୟାଣ୍ଡର ଇସ୍ରୋର କମାଣ୍ଡରେ ଇଞ୍ଜିନ ଷ୍ଟାର୍ଟ କରିଥିଲା ଏବଂ ଆଶା ଅନୁଯାୟୀ ନିଜକୁ ୪୦ ସେଣ୍ଟିମିଟର ଉପରକୁ ଉଠାଇ ପୁଣି ୩୦-୪୦ ସେଣ୍ଟିମିଟର ଦୂରରେ ଅବତରଣ କରିଥିଲା। ଏଜେନ୍ସି ଏହି ପ୍ରକ୍ରିୟାକୁ କିକ୍ ଷ୍ଟାର୍ଟ ବୋଲି ବର୍ଣ୍ଣନା କରିଛି। ଏହି ଆଶା ପରୀକ୍ଷା କାହିଁକି ଗୁରୁତ୍ୱପୂର୍ଣ୍ଣ ତାହା ଇସ୍ରୋ ବର୍ଣ୍ଣନା କରିଛି ଭବିଷ୍ୟତରେ ଲ୍ୟାଣ୍ଡର ଫେରିବା ଏବଂ ମାନବ ଅଭିଯାନ ପାଇଁ ଏହି ପରୀକ୍ଷଣ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି ଇସ୍ରୋ କହିଛି।…

ଚେନ୍ନାଇ: ତାମିଲନାଡୁ ମୁଖ୍ୟମନ୍ତ୍ରୀ ଏମକେ ଷ୍ଟାଲିନଙ୍କ ପୁଅ ଉଦୟନିଧି ଷ୍ଟାଲିନ ରବିବାର ସନ୍ଧ୍ୟାରେ ପୁଣି ଥରେ ସନାତନ ଧର୍ମର ଅନ୍ତ ବିଷୟରେ କହିଥିଲେ। ଚେନ୍ନାଇରେ ସାମ୍ବାଦିକମାନଙ୍କ ସହ କଥାବାର୍ତ୍ତା କରି ଉଦୟନିଧି କହିଛନ୍ତି ଯେ ସେ ତାଙ୍କ ବୟାନରେ ଅଟଳ ଅଛନ୍ତି। ଲୋକମାନେ ଏହାକୁ ଅଯଥାରେ ଗଣହତ୍ୟା ସହ ଯୋଡ଼ିଛନ୍ତି। ଶନିବାର ଦିନ ବିଜେପି ଆଇଟି ସେଲ୍ ମୁଖ୍ୟ ଅମିତ ମାଲବ୍ୟ ଉଦୟନିଧିଙ୍କ ବୟାନକୁ ଗଣହତ୍ୟା ପ୍ରୋତ୍ସାହନ ବୋଲି କହିଥିଲେ। ପ୍ରଧାନମନ୍ତ୍ରୀ ମୋଦି ମଧ୍ୟ କଂଗ୍ରେସ ମୁକ୍ତ ଭାରତ କଥା କହୁଛନ୍ତି, ତେବେ ଏହାର ଅର୍ଥ କ’ଣ କଂଗ୍ରେସକର୍ମୀଙ୍କୁ ହତ୍ୟା କରାଯିବା ଉଚିତ କି ବୋଲି ଉଦୟନିଧି ପାଲଟା ପ୍ରଶ୍ନ କରିଛନ୍ତି? ବିବାଦ କେଉଁଠୁ ଆରମ୍ଭ ହେଲା ? ଉଦୟନିଧି ଷ୍ଟାଲିନ ସେପ୍ଟେମ୍ବର ୨ରେ ଚେନ୍ନାଇରେ ଏକ ସନାତନ ଧର୍ମ ଉଚ୍ଛେଦ କାର୍ଯ୍ୟକ୍ରମରେ ଯୋଗ ଦେଇଥିଲେ। ସେଠାରେ ଭାଷଣ ଦେବା ସମୟରେ ସେ ସନାତନ ଧର୍ମକୁ ନେଇ ବିବାଦୀୟ ମନ୍ତବ୍ୟ ଦେଇଥିଲେ।…

ନୂଆଦିଲ୍ଲୀ: ନିକଟରେ କେନ୍ଦ୍ର ସରକାର ସଂସଦର ସ୍ୱତନ୍ତ୍ର ଅଧିବେଶନ ଡାକିବାକୁ ନିଷ୍ପତ୍ତି ନେଇଛନ୍ତି। ସେପ୍ଟେମ୍ବର ୧୮ରୁ ୨୨ ତାରିଖ ପର୍ଯ୍ୟନ୍ତ ଏହି ସ୍ୱତନ୍ତ୍ର ଅଧିବେଶନ ଅନୁଷ୍ଠିତ ହେବ, ଯେଉଁଥିରେ ମୋଟ ୫ଟି ବୈଠକ ବସିବ। ଏହା ସପ୍ତଦଶ ଲୋକସଭାର ୧୩ତମ ଅଧିବେଶନ ଏବଂ ରାଜ୍ୟସଭାର ୨୬୧ତମ ଅଧିବେଶନ ହେବ। ତେବେ ଏହା ପ୍ରଥମ ଥର ନୁହେଁ ଯେ ସଂସଦର ସ୍ୱତନ୍ତ୍ର ଅଧିବେଶନ ଡକାଯାଇଛି। ସ୍ୱାଧୀନତା ପରଠାରୁ ଅନେକ ଥର ତତ୍କାଳୀନ ସରକାରମାନେ ବିଭିନ୍ନ ସମୟରେ ସଂସଦର ସ୍ୱତନ୍ତ୍ର ଅଧିବେଶନର ଆୟୋଜନ କରିଛନ୍ତି। ନିକଟରେ ସଂସଦୀୟ ବ୍ୟାପାର ମନ୍ତ୍ରୀ ପ୍ରହ୍ଲାଦ ଯୋଶୀଙ୍କଦ୍ୱାରା ସ୍ୱତନ୍ତ୍ର ଅଧିବେଶନ ଘୋଷଣା ହେବା ପରେ ଦେଶର ରାଜନୀତିରେ ହଇଚଇ ସୃଷ୍ଟି ହୋଇଛି। ସ୍ୱତନ୍ତ୍ର ଅଧିବେଶନର ଏଜେଣ୍ଡାକୁ ସରକାର ଏପର୍ଯ୍ୟନ୍ତ ମଞ୍ଜୁରୀ ଦେଇନଥିବାବେଳେ ଅମୃତ କାଳରେ ଅର୍ଥପୂର୍ଣ୍ଣ ଆଲୋଚନା ପାଇଁ ଏହି ସ୍ୱତନ୍ତ୍ର ଅଧିବେଶନ ଡକାଯାଇଛି। ଅନ୍ୟପକ୍ଷରେ ସ୍ୱତନ୍ତ୍ର ଅଧିବେଶନର ଯଥାର୍ଥତା ଓ ସମୟକୁ ନେଇ ବିରୋଧୀ ପ୍ରଶ୍ନ ଉଠାଇଥିବାବେଳେ…