Author: Samikhsya Bureau

ଭୁବନେଶ୍ଵର: ଆଜି ଦିଲ୍ଲୀରେ କଂଗ୍ରେସ ନେତୃତ୍ୱର ଏକ ଗୁରୁତ୍ୱପୂର୍ଣ୍ଣ ବୈଠକ ଅନୁଷ୍ଠିତ ହୋଇଥିଲା। ଏହି ବୈଠକରେ ଦଳର ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେ, ରାହୁଲ ଗାନ୍ଧୀ, କେସି ବେଣୁଗୋପାଳ ଏବଂ ଦୀପକ ବାବରିଆ ଉପସ୍ଥିତ ଥିଲେ। ବୈଠକ ପରେ କଂଗ୍ରେସ ନେତାମାନେ ସ୍ପଷ୍ଟଭାବେ କହିଛନ୍ତି ଯେ ଦଳ ଦିଲ୍ଲୀର ସମସ୍ତ ଆସନରେ ଲଢ଼ିବ। ଏହି ନିଷ୍ପତ୍ତିକୁ ନେଇ ବିରୋଧୀ ମେଣ୍ଟ ଆଇଏନଡିଆଇଆଇଏ (ଇଣ୍ଡିଆ)ରେ ହଇଚଇ ସୃଷ୍ଟି ହୋଇଛି। ଏହା ଦିଲ୍ଲୀରେ ଇଣ୍ଡିଆ ମେଣ୍ଟରେ ଫାଟ ସୃଷ୍ଟି କରିବାର ସଙ୍କେତ ଦେଉଛି। ଆମ୍ ଆଦମୀ ପାର୍ଟି (ଆପ୍) କହିଛି ଯେ ଯଦି କଂଗ୍ରେସ ଏକାକୀ ଲଢ଼ିବାକୁ ନିଷ୍ପତ୍ତି ନିଏ ତେବେ ମେଣ୍ଟ ବୈଠକକୁ ଯିବାର କୌଣସି ଅର୍ଥ ନାହିଁ। ଆସନ୍ତା ବର୍ଷ ହେବାକୁ ଥିବା ଲୋକସଭା ନିର୍ବାଚନ ପାଇଁ ପ୍ରସ୍ତୁତିକୁ ଦୃଷ୍ଟିରେ ରଖି ଏହି ବୈଠକ ଡକାଯାଇଥିଲା। ଦିଲ୍ଲୀରେ ତିନୋଟି ପ୍ରମୁଖ ଦଳ ରହିଛି। ଏଥିରେ ଆମ୍ ଆଦମୀ ପାର୍ଟି, କଂଗ୍ରେସ ଓ ବିଜେପି…

ସୀତାରାମ ଅଗ୍ରୱାଲ ଟାଙ୍ଗୀ: ଆଜି ନିର୍ମାଣ ଶ୍ରମିକ କଲ୍ୟାଣ ଯୋଜନାରେ ଯୁଗ ଶ୍ରମ ଆୟୁକ୍ତ, କାର୍ଯ୍ୟାଳୟ, ଭୁବନେଶ୍ୱର ଦ୍ଵାରା ପରଚାଳିତ ଏକ ସହାୟତା ଶିବିର ସ୍ଥାନୀୟ ଟାଙ୍ଗୀ ବ୍ଲକରେ ଅବସ୍ଥିତ କଲ୍ୟାଣ ମଣ୍ଡପଠାରେ ଅନୁଷ୍ଠିତ ହୋଇଯାଇଅଛି। ଏହି ଶିବିରରେ କଲ୍ୟାଣ ବୋର୍ଡ ଅଧୀନରେ ପଂଜିକୃତ ୨୧ ଜଣ ଶ୍ରମିକମାନଙ୍କୁ ମୃତ୍ୟୁକାଳୀନ ସହାୟତା ବାବଦରେ ୩୮,୦୦,୦୦ ଓ ୨୧ ଜଣ ଶ୍ରମିକଙ୍କୁ ଅନ୍ତେଷ୍ଟିକ୍ରୀୟା ସହାୟତା ବାବଦରେ ୧,୦୫,୦୦୦ ଟଙ୍କା, ବିବାହ କାଳୀନ ସହାୟତା ମଧ୍ୟମରେ ୦୫ ଜଣ ଙ୍କୁ ୨,୫୦,୦୦୦- ଟଙ୍କା ସହାୟତା ରାଶି, ପ୍ରସବ କାଳୀନ ସହାୟତ ବାବଦରେ ୫ ଜଣ ଙ୍କୁ ୫୦,୦୦୦ଟଙ୍କା, ଶିକ୍ଷା ସହାୟତା ବାବଦରେ ୩୫ଜଣ ଙ୍କୁ ୧,୪୮,୪୦୦)/- ଟଙ୍କା ସର୍ବମୋଟ ୮୭ ଜଣଙ୍କୁ ୪୩,୫୩,୪୦୦ /- ଟଙ୍କାର ସହାୟତା ରାଶି ପ୍ରଦାନ କରାଯାଇଥିଲା। ଏହି ଶିବିରରେ ଖୋର୍ଦ୍ଧା ବିଧାୟକ ଜିତେନ୍ଦ୍ର ନାଥ ମିତ୍ର ଅଧ୍ୟକ୍ଷତା କରିଥିଲେ। ଓଡ଼ିଶା କୋଠାବାଡ଼ି ଓ ଅନ୍ୟାନ୍ୟ ନିର୍ମାଣ ଶ୍ରମିକ ବୋର୍ଡର…

ମୁମ୍ବାଇ: ଶରଦ ପାୱାର ଏବଂ ଅଜିତ ପାୱାରଙ୍କ ବୈଠକ ପରେ ସୁପ୍ରିୟା ସୁଲେ କହିଛନ୍ତି ଯେ ତାଙ୍କ ପିତା ଏବଂ ଭାଇଙ୍କ ମଧ୍ୟରେ କ’ଣ ବାର୍ତ୍ତାଳାପ ହୋଇଛି ସେ ଜାଣି ନାହାଁନ୍ତି। ଉଲ୍ଲେଖନୀୟ କଥା ହେଉଛି, ଦୁଇ ନେତାଙ୍କ ମଧ୍ୟରେ ହୋଇଥିବା ଏହି ସାକ୍ଷାତ ମହାରାଷ୍ଟ୍ରରେ ରାଜନୈତିକ ମାହୋଲ ଗରମ କରିଛି। ଏହା ଉପରେ କ୍ରମାଗତ ଭାବରେ ରାଜନୈତିକ ପ୍ରତିକ୍ରିୟା ମଧ୍ୟ ଦେଖାଯାଉଛି। ଶନିବାର ଦିନ ଶରଦ ପାୱାରଙ୍କୁ ଅଜିତ ପାୱାର ଭେଟିଥିଲେ। ଏହି ବୈଠକରେ ଶରଦ ପାୱାରଙ୍କ ବିବୃତ୍ତି ମଧ୍ୟ ଆସିଛି ଏବଂ ସେ ସ୍ପଷ୍ଟ କରିଛନ୍ତି ଯେ, ମହାବିକାଶ ଅଘାଡି ଉପରେ ଏହାର କୌଣସି ପ୍ରଭାବ ପଡ଼ିବ ନାହିଁ। ଏଥି ସହିତ ଅଜିତ ପାୱାର ମଧ୍ୟ ଏ ବିଷୟରେ ବିସ୍ତୃତ ଭାବେ କହିଛନ୍ତି। ଅଜିତ ପାୱାର ମଙ୍ଗଳବାର କହିଛନ୍ତି ଯେ, ଗତ ସପ୍ତାହରେ ପୁଣେରେ ତାଙ୍କ ଦାଦା ତଥା ରାଷ୍ଟ୍ରବାଦୀ କଂଗ୍ରେସ ପାର୍ଟି ମୁଖ୍ୟ ଶରଦ ପାୱାରଙ୍କ ସହ…

ଭୁବନେଶ୍ୱର: ଚଳିତ ଅଗଷ୍ଟ ୧୮ ତାରିଖରେ ଓଡ଼ିଶାର ସମସ୍ତ ୩୧୪ ବ୍ଲକ ଘେରାଉ କରିବ କଂଗ୍ରେସ। ଆଜି କଂଗ୍ରେସ ଭବନରେ ଏକ ସାମ୍ବାଦିକ ସମ୍ମିଳନୀରେ ଏହି ଘୋଷଣା କରାଯାଇଛି । ପ୍ରଦେଶ କଂଗ୍ରେସ ସଭାପତି ଶ୍ରୀ ଶରତ ପଟ୍ଟନାୟକ କହିଛନ୍ତି ଯେ ୯ ଦଫା ଦାବି ନେଇ ସମସ୍ତ ବ୍ଲକ ଅଫିସି କଂଗ୍ରେସ ତରଫରୁ ଘେରାଉ କରାଯିବ। ଏଥିନିମନ୍ତେ ସମସ୍ତ କଂଗ୍ରେସର ସାଂସଦ, ବିଧାୟକ, ଜିଲ୍ଲା ଓ ବ୍ଲକ କଂଗ୍ରେସର ସଭାପତି, ଯୁବ ଛାତ୍ର, ମହିଳା ଓ ସେବାଦଳ ଏବଂ ସମସ୍ତ ବିଭାଗ ଓ ପ୍ରକୋଷ୍ଠର ମୁଖ୍ୟ ମାନଙ୍କ ସମେତ କଂଗ୍ରେସର କର୍ମୀ ଓ ସମର୍ଥକ ଶୁଭେଚ୍ଛୁମାନେ ସାମିଲ ହେବା ପାଇଁ ଶ୍ରୀ ପଟ୍ଟନାୟକ ଆହ୍ୱନ ଦେଇଛନ୍ତି । ଶ୍ରୀ ପଟ୍ଟନାୟକ ୯ଦଫା ଦାବୀ ସଂକ୍ରାନ୍ତରେ ବିବରଣୀ ଦେଇ କହିଥିଲେ ଯେ ବ୍ଲକ ସ୍ତରରେ ଚାଲିଥିବା ୧୫-୫୦ ପ୍ରତିଶତ ପିସି କାରବାରକୁ ବନ୍ଦ କରିବା, ଆମ ଓଡ଼ିଶା ନବୀନ ଓଡ଼ିଶା ଯୋଜନାରେ…

ନୂଆଦିଲ୍ଲୀ: ଦିଲ୍ଲୀରେ ଅବସ୍ଥିତ ନେହେରୁ ମେମୋରିଆଲ ମ୍ୟୁଜିୟମ ଏବଂ ଲାଇବ୍ରେରୀ (NMML) ର ନାମ କେନ୍ଦ୍ର ସରକାର ପରିବର୍ତ୍ତନ କରିଛନ୍ତି। ବର୍ତ୍ତମାନ ଏହାକୁ ପ୍ରଧାନମନ୍ତ୍ରୀ ମେମୋରିଆଲ୍ ସଂଗ୍ରହାଳୟ ଏବଂ ଲାଇବ୍ରେରୀ ଭାବରେ ନାମିତ କରାଯାଇଛି | ନେହେରୁ ଶବ୍ଦକୁ ହଟାଇବା ନେଇ କଂଗ୍ରେସ ଓ ବିଜେପି ମଧ୍ୟରେ ଏକ ରାଜନୈତିକ ତିକ୍ତତା ଦେଖାଦେଇଛି। ଉଭୟ ଦଳର ନେତାମାନେ ତୀବ୍ର ବିବୃତ୍ତି ଦେଉଛନ୍ତି। କେନ୍ଦ୍ରୀୟ ଦିଲ୍ଲୀର କିଶୋର ମୁର୍ତ୍ତୀ ମାର୍ଗରେ ଥିବା ନେହେରୁ ମେମୋରିଆଲ୍ ମ୍ୟୁଜିୟମ୍ ଏବଂ ଲାଇବ୍ରେରୀର ନାମ ପ୍ରଧାନମନ୍ତ୍ରୀ ମେମୋରିଆଲ୍ ମ୍ୟୁଜିୟମ୍ ଆଣ୍ଡ ଲାଇବ୍ରେରୀ ଭାବରେ ଆନୁଷ୍ଠାନିକ ଭାବରେ ପରିବର୍ତ୍ତନ କରିବାକୁ ଜୁନ୍ ମାସରେ ନିଷ୍ପତ୍ତି ନିଆଯାଇଛି। ନେହେରୁ ସଂଗ୍ରହାଳୟର ନାମ ପରିବର୍ତ୍ତନ ପରେ କଂଗ୍ରେସ କହିଛି ଯେ, ପ୍ରତିଷ୍ଠିତ ଢାଞ୍ଚାର ନାମ ପରିବର୍ତ୍ତନ କରିବା ହେଉଛି ଦେଶର ପ୍ରଥମ ପ୍ରଧାନମନ୍ତ୍ରୀ ଜବାହରଲାଲ ନେହେରୁଙ୍କ ଉତ୍ତରାଧିକାରୀକୁ ବିକୃତ କରିବା। ଏଥି ସହିତ ବଂଶବାଦର ଅଭିଯୋଗକୁ ନେଇ କଂଗ୍ରେସ ବିଜେପିକୁ ଆକ୍ରମଣ…

ନୂଆଦିଲ୍ଲୀ: ଚଳିତ ବର୍ଷ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନୂଆଦିଲ୍ଲୀର ଲାଲକିଲ୍ଲାରେ ଜାତୀୟ ପତାକା ଉତ୍ତୋଳନ କରି ଏକ ନୂଆ ରେକର୍ଡ କରିଛନ୍ତି। ସେ ବର୍ତ୍ତମାନ ଦଶ ଥର ଜାତୀୟ ପତାକା ଉତ୍ତୋଳନ କରି ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂହଙ୍କ ସମକକ୍ଷ ହୋଇଛନ୍ତି। ମନମୋହନ ସିଂହ ତାଙ୍କ ପ୍ରଧାନମନ୍ତ୍ରୀତ୍ବ କାଳରେ ସେ ଲଗାତର ଦଶଥର ପତାକା ଉତ୍ତୋଳନ କରିବାର ସୁଯୋଗ ପାଇଥିଲେ। ଏବେ ସେହି ସ୍ଥାନକୁ ଗଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ଦେଶରେ ଲଗାତର ୧୦ ଥର ପତାକା ଉତ୍ତୋଳନ କରି ମନମୋହନ ସିଂହ ବର୍ତ୍ତମାନ ତୃତୀୟ ସ୍ଥାନରେ ଅଛନ୍ତି। ସେହି ତୃତୀୟ ସ୍ଥାନରେ ବର୍ତ୍ତମାନ ମନମୋହନଙ୍କ ସହିତ ରହିଲେ ମୋଦି। ତାଙ୍କ ପୂର୍ବରୁ ଇନ୍ଦିରା ଗାନ୍ଧି ଏବଂ ଜବାହାରଲାଲ ନେହୁର ସର୍ବାଧିକ ଥର ପତାକା ଉତ୍ତୋଳନ କରି ରେକର୍ଡ କରିଛନ୍ତି। ଦେଶରୁ ଲଗାତର ଅଧିକଥର ପତାକା ଉତ୍ତୋଳନ ଯେ କରିଛନ୍ତି ସେ ହେଉଛନ୍ତି ଜବାହାରଲାଲ ନେହୁର। ସେ ପ୍ରଧାନମନ୍ତ୍ରୀ ଭାବେ ମୋଟ…

 ଭୁବନେଶ୍ଵର: ଭୁବନେଶ୍ୱର ସ୍ଥିତ ରେଳବାଇ ଷ୍ଟାଡିୟମ ଠାରେ ପୂର୍ବତଟ ରେଳପଥ ପକ୍ଷରୁ 77ତମ ସ୍ୱାଧୀନତା ଦିବସ ପାଳନ ହୋଇଯାଇଛି। ପୂର୍ବତଟ ରେଳପଥର ମହାପ୍ରବନ୍ଧକ ମନୋଜ ଶର୍ମା ଜାତୀୟ ପତାକା ଉତ୍ତୋଳନ କରି ରେଳବାଇ ସୁରକ୍ଷା ବଳ (RPF), ଭାରତ ସ୍କାଉଟ ଓ ଗାଇଡ୍ସ ଏବଂ ସ୍କୁଲ ଛାତ୍ରଛାତ୍ରୀ ମାନଙ୍କ ଦ୍ୱାରା ଆୟୋଜିତ ପ୍ୟାରେଡ଼ରେ ଅଭିବାଦନ ଗ୍ରହଣ କରିଥିଲେ। ଏହି ଅବସରରେ ଶ୍ରୀ ଶର୍ମା ଯାତ୍ରୀମାନଙ୍କ ସୁବିଧା, ସୁରକ୍ଷା ଏବଂ ନିରାପତ୍ତା, ରେଲୱେ ନେଟୱାର୍କର ସମ୍ପ୍ରସାରଣ, ଡିଜିଟାଲ୍ ଇନିସିଏଟିଭ୍ ଏବଂ ମାନବ ସମ୍ବଳ ସହିତ ରେଳ କର୍ମଚାରୀଙ୍କ ଦ୍ୱାରା ଦେଶ ପାଇଁ ପ୍ରଦର୍ଶନ ଏବଂ ସାମୂହିକ ପ୍ରୟାସ ଉପରେ ଆଲୋକପାତ କରିଥିଲେ। ପୂର୍ବ ତଟ ରେଳପଥର ପ୍ରଦର୍ଶନକୁ ଆଲୋକିତ କରି ମନୋଜ ଶର୍ମା ରେଳ କର୍ମଚାରୀଙ୍କୁ ସେମାନଙ୍କର ଉତ୍ସର୍ଗୀକୃତ ଏବଂ ଚମତ୍କାର ପ୍ରଦର୍ଶନ ସହିତ ନିରନ୍ତର ଉଦ୍ୟମ ପାଇଁ ଅଭିନନ୍ଦନ ଜଣାଇଛନ୍ତି। ପଣ୍ୟ ପରିବହନ କ୍ଷେତ୍ରରେ ପୂର୍ବତଟ ରେଳପଥ କ୍ରମାଗତ ଷଷ୍ଠ ବର୍ଷ…

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବିଶ୍ୱ ସ୍ୱାସ୍ଥ୍ୟ ସଂଗଠନର ଡାଇରେକ୍ଟର ଜେନେରାଲ୍‌ ଡକ୍ଟର ଟେଡ୍ରୋସ ଆଧାନୋମ୍ ଘେବ୍ରେୟେସସ୍ ଙ୍କୁ ଭାରତକୁ ସ୍ୱାଗତ କରିଛନ୍ତି। ଡକ୍ଟର ଟେଡ୍ରୋସଙ୍କ ପାଇଁ ଶ୍ରୀ ମୋଦୀ ‘ତୁଲସୀ ଭାଇ’ ନାମ ବ୍ୟବହାର କରିଥିଲେ, ଯାହା ପ୍ରଧାନମନ୍ତ୍ରୀ ତାଙ୍କର ଶେଷ ଗସ୍ତରେ ଡାଇରେକ୍ଟର ଜେନେରାଲଙ୍କୁ ଦେଇଥିଲେ। ଅଗଷ୍ଟ 17-18, 2023 ରେ ଗୁଜୁରାଟର ଗାନ୍ଧିନଗରରେ ଆୟୋଜିତ ହେବାକୁ ଥିବା ପାରମ୍ପାରିକ ଔଷଧ ଉପରେ ବିଶ୍ୱ ସ୍ୱାସ୍ଥ୍ୟ ସଂଗଠନର ଗ୍ଲୋବାଲ୍ ସମ୍ମିଳନୀରେ ଡକ୍ଟର ଟେଡ୍ରୋସ୍ ଅଂଶଗ୍ରହଣ କରିବେ। ଆୟୁଷ ମନ୍ତ୍ରଣାଳୟର ଟ୍ବିଟର ଥ୍ରେଡର ଉତ୍ତର ଦେଇ ପ୍ରଧାନମନ୍ତ୍ରୀ କହିଛନ୍ତି ଯେ, ‘‘ମୋର ଉତ୍ତମ ବନ୍ଧୁ ତୁଳସୀ ଭାଇ ନବରାତ୍ରୀ ପାଇଁ ପ୍ରସ୍ତୁତ ଅଛନ୍ତି! ଭାରତକୁ ସ୍ବାଗତ, @ ଡ. ଟେଡ୍ରୋସ୍!’’

ନୂଆଦିଲ୍ଲୀ: ଆଜି ୭୭ ତମ ସ୍ୱାଧୀନତା ଦିବସ ଅବସରରେ ଲାଲ କିଲାର ପ୍ରାଚୀରରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମହିଳା ନେତୃତ୍ୱାଧୀନ ବିକାଶର ଗୁରୁତ୍ୱ ଏବଂ ଦେଶକୁ କିପରି ଆଗକୁ ନେବା ଜରୁରୀ ତାହା ଉପରେ ଆଲୋକପାତ କରିଥିଲେ। ପ୍ରଧାନମନ୍ତ୍ରୀ ମନେ ପକାଇ ଦେଇଛନ୍ତି ଯେ ଆଜି ଭାରତ ଗର୍ବର ସହିତ କହିପାରେ ଯେ ବେସାମରିକ ବିମାନ ଚଳାଚଳ କ୍ଷେତ୍ରରେ ସର୍ବାଧିକ ମହିଳା ପାଇଲଟ୍ ଅଛନ୍ତି। ମହିଳା ବୈଜ୍ଞାନିକମାନେ ମଧ୍ୟ ଚନ୍ଦ୍ରଯାନ ମିଶନର ନେତୃତ୍ୱ ନେଉଛନ୍ତି ବୋଲି ପ୍ରଧାନମନ୍ତ୍ରୀ କହିଛନ୍ତି। ପ୍ରଧାନମନ୍ତ୍ରୀ କହିଛନ୍ତି ଯେ, ସେ ଜି -୨୦ ରେ ମହିଳା ନେତୃତ୍ୱ ବିକାଶ ପ୍ରସଙ୍ଗକୁ ଆଗକୁ ନେଇଛନ୍ତି ଏବଂ ଜି -୨୦ ଦେଶ ଏହାକୁ ଗ୍ରହଣ କରିଛନ୍ତି ଏବଂ ଏହାର ଗୁରୁତ୍ୱକୁ ସ୍ୱୀକାର କରୁଛନ୍ତି। ‘ନାରୀ ସମ୍ମାନ’ ବିଷୟରେ କହିବାକୁ ଗଲେ ପ୍ରଧାନମନ୍ତ୍ରୀ ତାଙ୍କର ଏକ ବୈଦେଶିକ ଗସ୍ତରୁ ଏକ ଅଭିଜ୍ଞତା ପ୍ରଦାନ କରିଥିଲେ, ଯେଉଁଠାରେ ସେହି ଦେଶର ଜଣେ ବରିଷ୍ଠ…

କନ୍ଦର୍ପ ବେହେରା ରେଢ଼ାଖୋଲ: ପ୍ରେମ ଶାଶ୍ବତ ଓ ଚିରନ୍ତନ। ପ୍ରେମ ପାଇଁ ପ୍ରେମିକକୁ ଗୁଳି କରିବା ଭଳି ଘଟଣା ଘଟିଛି ସମ୍ବଲପୁର ଜିଲ୍ଲା ଚାରାମାଳ ଥାନା ଅଂଚଳରେ। ପ୍ରେମୀକକୁ ଗୁଳି କରିଛି ସ୍ବାମୀ।  ସ୍ବାମୀ ଫେରାର୍ ଥିବା ବେଳେ ଗୁରୁତର ଆହତ ପ୍ରେମୀକକୁ କଟକ ସ୍ଥାନାନ୍ତର କରାଯାଇଥିବା ଜଣା ପଡ଼ିଛି। ଅଂଚଳରେ ଘଟଣାଟି ଚାଞ୍ଚଲ୍ୟ ସ୍ରୁଷ୍ଟି କରିଛି। ଘଟଣାରୁ ପ୍ରକାଶ ଯେ, ସମ୍ବଲପୁର ଜିଲ୍ଲା ଚାରମାଳ ଥାନା ଅନ୍ତର୍ଗତ ଝାଙ୍କରପଡ଼ା ଗ୍ରାମର ସ୍ବାଧିନ ପ୍ରଧାନ ଟିକିରାପାଲି ଗ୍ରାମର ମିରା ପ୍ରଧାନଙ୍କୁ ଦଶ ବର୍ଷ ହେଲା ବିବାହ କରିଥିଲେ ଓ ତାଙ୍କର ଦୁଇଟି ସନ୍ତାନ ମଧ୍ୟ ଅଛନ୍ତି। କ୍ଷେତିନାଳି ଗ୍ରାମର ପଙ୍କଜ ଦେହୁରୀ ସ୍ବାଧିନ ପ୍ରଧାନଙ୍କ ସ୍ତ୍ରୀ ମିରା ପ୍ରଧାନଙ୍କ ସହିତ ଦୁଇ ବର୍ଷ ହେଲା ପ୍ରେମ ସମ୍ପର୍କ ଗଢି ଉଠିଥିଲା। ଉଭୟ ମଧ୍ୟ ଫେରାର୍ ଥିଲେ। ଗତ କାଲି ଉଭୟ ପ୍ରେମିକ ପଙ୍କଜ ଏବଂ ପ୍ରେମୀକା ମିରା ନିଜ ଗ୍ରାମ କ୍ଷେତି…

ଭୁବନେଶ୍ବର: ରାଜ୍ୟରେ ୩ଟି ବୃହତ ସେତୁ ନିର୍ମାଣ ହେବ ବୋଲି ଘୋଷଣା କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ଏଥିପାଇଁ ମୁଖ୍ୟମନ୍ତ୍ରୀ ୩୯ କୋଟି ଟଙ୍କା ମଞ୍ଜୁର କରିଛନ୍ତି। ଏହି ୩ଟି ନୂତନ ସେତୁ ବରଗଡ ଜିଲ୍ଲାରେ ନିର୍ମାଣ ହେବ। ଏହାଦ୍ବାରା ଜିଲ୍ଲାର ପ୍ରାୟ ୭.୨୫ ଲକ୍ଷ ଲୋକ ଉପକୃତ ହେବେ। ଏହାଦ୍ବାରା ଜିଲ୍ଲାରେ ଗମନାଗମନର ସୁବିଧା ସହିତ ସାମାଜିକ ସୁବିଧା ସୁଯୋଗ ଓ ଆର୍ଥିକ ଅଭିବୃଦ୍ଧିରେ ସହାୟକ ହେବ ବୋଲି ମୁଖ୍ୟମନ୍ତ୍ରୀ ଆଶାପ୍ରକାଶ କରିଛନ୍ତି। ସୂଚନାଯୋଗ୍ୟ ଯେ, ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶରେ 5T ସଚିବ ଶ୍ରୀ ଭି.କେ. ପାଣ୍ଡିଆନ ଗତ ଜୁନ୍ ମାସ ୨୬ ଓ ୨୭ ତାରିଖରେ ବରଗଡ ଗସ୍ତ କରି ବିଭିନ୍ନ ଉନ୍ନୟନମୂଳକ ଯୋଜନାର ସମୀକ୍ଷା କରିବା ସହିତ ସାଧାରଣ ଲୋକଙ୍କୁ ଭେଟି ସେମାନଙ୍କ ଅଭିଯୋଗ ଶୁଣିଥିଲେ। ବିଭିନ୍ନ ସ୍ଥାନରେ ଲୋକଙ୍କ ଅନୁରୋଧକୁ ଶ୍ରୀ ପାଣ୍ଡିଆନ ମୁଖ୍ୟମନ୍ତ୍ରୀଙ୍କୁ ଅବଗତ କରାଇଥିଲେ। ଏହାପରେ ମୁଖ୍ୟମନ୍ତ୍ରୀ ବରଗଡ ଜିଲ୍ଲାରେ ୩ଟି ନୂତନ ବୃହତ…

ନୂଆଦିଲ୍ଲୀ: ଚୀନରେ ଆୟୋଜିତ ୩୧ତମ ବିଶ୍ୱ ବିଦ୍ୟାଳୟ କ୍ରୀଡ଼ାରେ ଭାରତୀୟ ଆଥଲେଟମାନେ ରେକର୍ଡ ସଂଖ୍ୟାରେ ୧୧ ସ୍ୱର୍ଣ୍ଣ, ୫ ରୌପ୍ୟ, ୧୦ ବ୍ରୋଞ୍ଜ ସହ ୨୬ ପଦକ ଜିତିଥିବାରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସେମାନଙ୍କ ପ୍ରଶଂସା କରିଛନ୍ତି। ୧୯୫୯ ମସିହାରେ ବିଶ୍ୱ ବିଦ୍ୟାଳୟ କ୍ରୀଡ଼ା ଆରମ୍ଭ ହେବା ପରଠାରୁ ଏହା ହେଉଛି ଭାରତର ସର୍ବୋତ୍ତମ ପ୍ରଦର୍ଶନ ବୋଲି ପ୍ରଧାନମନ୍ତ୍ରୀ କହିଛନ୍ତି ଏବଂ ଏହି ସଫଳତା ପାଇଁ ଆଥଲେଟ, ସେମାନଙ୍କ ପରିବାର ଓ ପ୍ରଶିକ୍ଷକମାନଙ୍କୁ ଅଭିନନ୍ଦନ ଜଣାଇଛନ୍ତି। ପ୍ରଧାନମନ୍ତ୍ରୀ ଟୁଇଟ୍ କରି କହିଛନ୍ତି ଯେ, ‘ଏପରି କ୍ରୀଡ଼ା ପ୍ରଦର୍ଶନ ପ୍ରତ୍ୟେକ ଭାରତୀୟଙ୍କୁ ଗର୍ବିତ କରିବ!’ ୩୧ତମ ବିଶ୍ୱ ବିଦ୍ୟାଳୟ କ୍ରୀଡ଼ାରେ ଭାରତୀୟ ଆଥଲେଟମାନେ ୨୬ ପଦକ ହାସଲ କରି ରେକର୍ଡ ଭାଙ୍ଗିଛନ୍ତି। ଏହା ଆମର ସର୍ବୋତ୍ତମ ପ୍ରଦର୍ଶନ। ଏଥିରେ ୧୧ ସ୍ୱର୍ଣ୍ଣ, ୫ ରୌପ୍ୟ ଏବଂ ୧୦ଟି ବ୍ରୋଞ୍ଜ ପଦକ ଅନ୍ତର୍ଭୂକ୍ତ। ଆମ ଅତୁଳନୀୟ ଆଥଲେଟମାନଙ୍କୁ ସାଲ୍ୟୁଟ୍‌, ଯେଉଁମାନେ ଦେଶର ଗୌରବ ବଢ଼ାଇଛନ୍ତି ଏବଂ ଆଗାମୀ ଦିନର କ୍ରୀଡ଼ବିତମାନଙ୍କୁ ପ୍ରେରଣା ଦେଇଛନ୍ତି। https://twitter.com/narendramodi/status/1688918878544596993?ref_src=twsrc%5Etfw%7Ctwcamp%5Etweetembed%7Ctwterm%5E1688918878544596993%7Ctwgr%5E6550703eabb60117a7e7628376912445b97801dd%7Ctwcon%5Es1_&ref_url=https%3A%2F%2Fpib.gov.in%2FPressReleasePage.aspx%3FPRID%3D1949320…

ନୂଆଦିଲ୍ଲୀ: ସୁପ୍ରିମକୋର୍ଟଙ୍କ ରାୟ ଓ ଯୁକ୍ତିରେ ଲିଙ୍ଗଗତ ଷ୍ଟିରିଓଟାଇପ୍ ଶବ୍ଦ ଆଉ ବ୍ୟବହୃତ ହେବ ନାହିଁ। ମହିଳାଙ୍କ ପାଇଁ ଆପତ୍ତିଜନକ ଶବ୍ଦର ବ୍ୟବହାରକୁ ରୋକିବା ପାଇଁ ସୁପ୍ରିମକୋର୍ଟ ଜେଣ୍ଡର ଷ୍ଟିରିଓଟାଇପ୍ କମ୍ବ୍ୟାଟ୍ ହ୍ୟାଣ୍ଡବୁକ୍ ଆରମ୍ଭ କରିଛନ୍ତି। ମାର୍ଚ୍ଚ ୮ ତାରିଖରେ ମହିଳା ଦିବସ ଅବସରରେ ସୁପ୍ରିମକୋର୍ଟରେ ଆୟୋଜିତ ଏକ କାର୍ଯ୍ୟକ୍ରମରେ ସେ କହିଥିଲେ ଯେ ଆଇନଗତ ମାମଲାରେ ମହିଳାଙ୍କ ପାଇଁ ଆପତ୍ତିଜନକ ଶବ୍ଦର ବ୍ୟବହାର ବନ୍ଦ ହୋଇଯିବ, ଖୁବ୍ ଶୀଘ୍ର ଏକ ଅଭିଧାନ ମଧ୍ୟ ଆସିବ। ଅଗଷ୍ଟ ୧୬, ବୁଧବାର ଦିନ ଏହି ପୁସ୍ତକ ଉନ୍ମୋଚନ କରି ପ୍ରଧାନ ବିଚାରପତି ଡିୱାଇ ଚନ୍ଦ୍ରଚୂଡ଼ କହିଛନ୍ତି ଯେ କେଉଁ ଶବ୍ଦ ରକ୍ଷଣଶୀଳ ଏବଂ ଏହାକୁ କିପରି ଏଡ଼ାଇ ହେବ ତାହା ବିଚାରପତି ଏବଂ ଓକିଲଙ୍କ ପାଇଁ ବୁଝିବା ସହଜ ହେବ। ଲିଙ୍ଗଗତ ଷ୍ଟିରିଓଟାଇପ୍ କମ୍ବ୍ୟାଟ୍ ପୁସ୍ତକରେ କ’ଣ ଅଛି ପ୍ରଧାନ ବିଚାରପତି ଚନ୍ଦ୍ରଚୂଡ଼ କହିଛନ୍ତି ଯେ ଏହି ପୁସ୍ତକରେ ଆପତ୍ତିଜନକ ଶବ୍ଦର ଏକ…

ନୂଆଦିଲ୍ଲୀ: ନିର୍ବାଚନ ଆୟୋଗ ବିଧାନସଭାର ବିଜୟ ଓ ପରାଜୟଠାରୁ ସମ୍ପୂର୍ଣ୍ଣ ଅଲଗା ରହିବା ଉଚିତ। ଦୁର୍ବଳ ନିର୍ବାଚନ ଆୟୋଗ ଗମ୍ଭୀର ପରିସ୍ଥିତି ସୃଷ୍ଟି କରିବ ଏବଂ ଏହାର ଦକ୍ଷ କାର୍ଯ୍ୟକଳାପକୁ ହ୍ରାସ କରିବ। ଚଳିତ ବର୍ଷ ମାର୍ଚ୍ଚ ୨ ତାରିଖରେ ଏକ ଗୁରୁତ୍ୱପୂର୍ଣ୍ଣ ରାୟରେ ସୁପ୍ରିମକୋର୍ଟ ଏହି ମନ୍ତବ୍ୟ ଦେଇଥିଲେ। ସେ ଆହୁରି ମଧ୍ୟ କହିଛନ୍ତି ଯେ, ଯେପର୍ଯ୍ୟନ୍ତ ସଂସଦ ନିର୍ବାଚନ କମିଶନର ନିଯୁକ୍ତି ସମ୍ବନ୍ଧୀୟ ଆଇନ ପ୍ରସ୍ତୁତ କରୁନାହିଁ, ସେ ପର୍ଯ୍ୟନ୍ତ ଏକ କମିଟିର ପରାମର୍ଶ କ୍ରମେ ନିର୍ବାଚନ କମିଶନର ନିଯୁକ୍ତି କରାଯିବ। ଏଥିରେ ପ୍ରଧାନମନ୍ତ୍ରୀ, ଲୋକସଭାରେ ବିରୋଧୀ ଦଳ ନେତା ଏବଂ ସୁପ୍ରିମକୋର୍ଟର ମୁଖ୍ୟ ବିଚାରପତି ସାମିଲ ହେବେ। ଏବେ ସରକାର ନିଯୁକ୍ତି ପାଇଁ ଆଇନ ତିଆରି କରିବାକୁ ଯାଉଥିଲେ ମଧ୍ୟ ମୁଖ୍ୟ ବିଚାରପତିଙ୍କୁ ଏଥିରେ ସାମିଲ କରାଯାଇନାହିଁ। ଅଗଷ୍ଟ ୧୦ତାରିଖରେ କେନ୍ଦ୍ର ସରକାର ରାଜ୍ୟସଭାରେ ଏକ ବିଲ୍ ଆଗତ କରିଥିଲେ। ଏହାର ନାମ ହେଉଛି- ‘ମୁଖ୍ୟ ନିର୍ବାଚନ…

ନୂଆଦିଲ୍ଲୀ: ସନ୍ନି ଦେଓଲ ବକ୍ସ ଅଫିସରେ ଝଡ ସୃଷ୍ଟି କରିଛନ୍ତି। ବକ୍ସ ଅଫିସରେ ଗଦର-2 ର ଝଡ ଚାଲିଛି। ଏହି ଚଳଚ୍ଚିତ୍ରଟି ପ୍ରତିଦିନ ନୂଆ ରେକର୍ଡ ସୃଷ୍ଟି କରୁଛି। ତାରା ସିଂ ଏବଂ ସକିନା ପୁଣି ଥରେ ଚର୍ଚ୍ଚାରେ ଅଛନ୍ତି। ଗଦର-2 ସହିତ ଅକ୍ଷୟ କୁମାରଙ୍କ OMG 2 ମଧ୍ୟ ପ୍ରେକ୍ଷାଳୟରେ ମୁକ୍ତିଲାଭ କରିଛି। ଏହି ଚଳଚ୍ଚିତ୍ରଟି ମଧ୍ୟ ଭଲ କଲେକ୍ସନ୍ ମଧ୍ୟ କରୁଛି। ଅଗଷ୍ଟ 15 ରେ, ଉଭୟ ଚଳଚ୍ଚିତ୍ର ରେକର୍ଡ ରୋଜଗାର କରିଛନ୍ତି। ଏପର୍ଯ୍ୟନ୍ତ ଉଭୟ ଚଳଚ୍ଚିତ୍ରର ସର୍ବାଧିକ ରୋଜଗାର ହୋଇଛି। ତେବେ ଗଦର 2 ଏବଂ OMG 2 ଅଗଷ୍ଟ 15 ରେ କେତେ ରୋଜଗାର କରିଛନ୍ତି। ବକ୍ସ ଅଫିସରେ ଗଦର 2 ର ଜଲୱା ଜାରି ରହିଛି। ଏହି ଚଳଚ୍ଚିତ୍ରଟି 4 ଦିନରେ 173.58 କୋଟି ସଂଗ୍ରହ କରିଛି। ଗଦର 2 ପ୍ରଥମ ଦିନରେ 40 କୋଟି, ଦ୍ୱିତୀୟ ଦିନରେ 43.08 କୋଟି, ତୃତୀୟ ଦିନରେ…

ଭୁବନେଶ୍ବର:ବଙ୍ଗୋପସାଗରରେ ପୁଣି ଏକ ଲଘୁଚାପ ସୃଷ୍ଟି ହେବ। ଏ ନେଇ ଭୁବନେଶ୍ବର ଆଞ୍ଚଳିକ ପାଣିପାଗ ବିଭାଗ ସତର୍କ କରାଇଛି। ବିଭାଗର ସୂଚନା ଅନୁସାରେ ଆସନ୍ତା ୧୮ ତାରିଖ ବେଳକୁ ଲଘୁଚାପ ସମ୍ଭାବନା ରହିଛି। ଉତ୍ତର-ପୂର୍ବ ତତ-ସଂଲଗ୍ନ ପୁର୍ବକେନ୍ଦ୍ରୀୟ ବଙ୍ଗୋପସାଗର ଅଞ୍ଚଳର ସମୁଦ୍ରର ବାୟୁମଣ୍ଡଳରେ ୪.୫ ରୁ ୭.୬ କିମି ଉଚ୍ଚତା ମଧ୍ୟରେ ଏକ ଘୂର୍ଣ୍ଣିବଳୟ ସକ୍ରିୟ ରହିଛି। ଏହି ଘୂର୍ଣ୍ଣିବଳୟ ପ୍ରଭାବରେ ଉତ୍ତର ବଙ୍ଗୋପସାଗର ଅଞ୍ଚଳରେ ୧୮ତାରିଖ ବେଳକୁ ଏକ ଲଘୁଚାପ କ୍ଷେତ୍ର ସୃଷ୍ଟି ହେବ। ଏହାପରେ ଏହା ଲଘୁଚାପରେ ପରିଣତ ହେବ ବୋଲି କୁହାଯାଇଛି। ନିକଟରେ ବଙ୍ଗୋପସାଗରରେ ଲଘୁଚାପ ଯୋଗୁଁ ରାଜ୍ୟର ବିଭିନ୍ନ ନଦୀରେ ବନ୍ୟା ସୃଷ୍ଟି ହୋଇଥିଲା। ତାହା ଥମିବା ପରେ ପୁଣି ଆଉ ଏକ ଲଘୁଚାପ ସୃଷ୍ଟି ହେବା ଆଉ ଏକ ବିପଦକୁ ଡାକିଆଣିଛି।

ନୂଆଦିଲ୍ଲୀ: ୭୭ ତମ ସ୍ୱାଧୀନତା ଦିବସ ଅବସରରେ ନୂଆଦିଲ୍ଲୀର ଐତିହାସିକ ଲାଲକିଲ୍ଲାର ପ୍ରାଚୀରରୁ ରାଷ୍ଟ୍ରକୁ ସମ୍ବୋଧିତ କରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କହିଛନ୍ତି ଯେ, ଆମେ ଜି-୨୦ ଶିଖର ସମ୍ମିଳନୀ ପାଇଁ ‘ଏକ ବିଶ୍ୱ, ଏକ ପରିବାର, ଏକ ଭବିଷ୍ୟତ’ର ଅବଧାରଣରକୁ ସମ୍ମୁଖରେ ରଖିଛୁ ଏବଂ ଆମେ ଏହି ଦିଗରେ କାର୍ଯ୍ୟ କରୁଛୁ। ଯେତେବେଳେ ସମଗ୍ର ବିଶ୍ୱ ଜଳବାୟୁ ସଙ୍କଟ ସହିତ ଲଢେଇ କରୁଛି, ସେତେବେଳେ ଆମେ ରାସ୍ତା ଦେଖାଇଛୁ ଏବଂ ପର୍ଯ୍ୟାବରଣ ପାଇଁ ଜୀବନ ଶୈଳୀ- ମିଶନ ଲାଇଫ ପଦକ୍ଷେପର ଶୁଭାରମ୍ଭ କରିଛୁ। ପ୍ରଧାନମନ୍ତ୍ରୀ କହିଛନ୍ତି ଆମେ ବିଶ୍ୱ ସହିତ ମିଳିମିଶି ଅନ୍ତରାଷ୍ଟ୍ରୀୟ ସୌର ମେଂଟ ପ୍ରତିଷ୍ଠା କରିଛୁ ଏବଂ ଏବେ ଅନେକ ଦେଶ ଅନ୍ତରାଷ୍ଟ୍ରୀୟ ସୌର ମେଂଟର ଅଂଶ ପାଲଟି ଯାଇଛନ୍ତି। ଆମେ ଜୈବ ବିବିଧତାର ମହତ୍ୱ ଉପରେ ଗୁରୁତ୍ୱ ଦେଇଛୁ ଆଉ ‘ବିଗ କ୍ୟାଟ ସହଯୋଗ’ର ବ୍ୟବସ୍ଥାକୁ ଆଗକୁ ବଢାଇଛୁ।

ନୂଆଦିଲ୍ଲୀ: ୧୯୬୨ ଯୁଦ୍ଧ ପରେ ଭାରତ ଓ ଚୀନ ମଧ୍ୟରେ ସମ୍ପର୍କ ବହୁତ ଖରାପ ହୋଇଯାଇଥିଲା। ପାଖାପାଖି ୨୦ ବର୍ଷ ହେଲା କୌଣସି ବଡ଼ ସରକାରୀ ଗସ୍ତ ହୋଇନଥିଲା। ଅଟଳ ବିହାରୀ ବାଜପେୟୀ ଭାରତର ବୈଦେଶିକ ବ୍ୟାପାର ମନ୍ତ୍ରୀ ଥିଲାବେଳେ ୧୯୭୯ ଫେବ୍ରୁଆରିରେ ଚୀନ ଯାଇଥିଲେ। ବିମାନବନ୍ଦରରେ ତାଙ୍କ ପ୍ରଶଂସକମାନେ ଫୁଲ ଓ ମାଳ ଧରି ଠିଆ ହୋଇଥିଲେ। ଏଠାରେ ଜଣେ ମହିଳା ଏକ ପୋଷ୍ଟର ଧରି ଠିଆ ହୋଇଥିଲେ, ‘୬୨ ବର୍ଷକୁ ଭୁଲିବେ ନାହିଁ’ ବୋଲି ସେଥିରେ ଲେଖାଥିଲା। ଗୋଟିଏ ବ୍ୟାନରରେ ଲେଖାଥିଲା, ‘ଅଧିକୃତ ଅଞ୍ଚଳକୁ ଫେରାଇ ନିଅ।’ ୧୯୬୨ମସିହାରେ ଚୀନ୍ ଭାରତରେ ପ୍ରବେଶ କରି ୧୪,୦୦୦ ବର୍ଗ ମାଇଲ ଅଞ୍ଚଳ ଦଖଲ କରିଥିଲା। ଏହି ଅଞ୍ଚଳର ଅଧିକାଂଶ ଅଂଶ ଉତ୍ତର-ପୂର୍ବ କଶ୍ମୀରର ହିମାଳୟ ଅଞ୍ଚଳ ଯାହା ଏବେ ବି ଚୀନ କବ୍ଜାରେ ରହିଛି। ସେତେବେଳେ ମୋରାରଜୀ ଦେଶାଇଙ୍କ ସରକାର ଥିଲା। ଅଟଳଙ୍କ ଗସ୍ତର ଆବଶ୍ୟକତା ନେଇ ରୁଷ ନେତାମାନେ…

ସୀତାରାମ ଅଗ୍ରୱାଲ ବାଣପୁର: ଚିଲିକା ସଂଗୀତ ନାଟକ ଏକାଡେ଼ମୀ ବାଲୁଗାଁର ବାର୍ଷିକ ଉତ୍ସବ -୨୦୨୩ ବାଣପୁର ସ୍ଥିତ ଶୁଭ କଲ୍ୟାଣ ମଣ୍ଡପ ପରିସରରେ ସ୍ବାଧୀନତା ଦିବସ ଅବସରରେ ବର୍ଣ୍ଣାଢ଼୍ୟ ପରିବେଶ ମଧ୍ୟରେ ପାଳିତ ହୋଇଯାଇଛି। ପ୍ରାରମ୍ଭରେ ଶ୍ରୀଜଗନ୍ନାଥଙ୍କ ବିଗ୍ରହରେ ପୁଷ୍ପମାଲ୍ୟ ପ୍ରଦାନ ଓ ପ୍ରଦୀପ ପ୍ରଜ୍ଜ୍ୱଳନ ପରେ ରଙ୍ଗାରଙ୍ଗ ସାଂସ୍କୃତିକ କାର୍ଯ୍ୟକ୍ରମ ହୋଇଥିଲା। ମୁଖ୍ୟ ଅତିଥି ଭାବେ ନାଟ୍ୟକାର ତଥା ନିର୍ଦ୍ଦେଶକ ଡ଼ଃ ସୁରେନ୍ଦ୍ର ନାଥ ଦାସ, ମୁଖ୍ୟ ବକ୍ତା ଭାବେ ବାଣପୁର ମହିଳା ମହାବିଦ୍ୟାଳୟର ପ୍ରାକ୍ତନ ଅଧ୍ୟକ୍ଷ ସଂଗ୍ରାମ କେଶରୀ ସାହୁ, ସମ୍ମାନୀତ ଅତିଥି ଭାବେ ସାହିତ୍ୟିକ ତଥା ବାଗ୍ମୀ ବାଳମୁକୁନ୍ଦ ଦାସ, ରବିନ୍ଦ୍ର ନାଥ ମାନସିଂହ ପ୍ରମୁଖ ଯୋଗ ଦେଇ ଓଡ଼ିଆ ନାଟକ, ଓଡିଶି ନୃତ୍ୟର ପ୍ରସାରରେ ଏହି ଅନୁଷ୍ଠାନର ଭୂମିକା ସଂପର୍କରେ ଉଦବୋଧନ ଦେଇଥିଲେ। ଓଡିଶି ନୃତ୍ୟ ଗୁରୁ ମାଧବ ଚନ୍ଦ୍ର ପଲେଇଙ୍କ ନିର୍ଦ୍ଦେଶନାରେ ଅନୁଷ୍ଠାନର ଛାତ୍ରୀ ଅପୂର୍ଭା, ମାନ୍ୟମୟୀ ସାଇପ୍ରୀୟା, ପ୍ରତିକ୍ଷା, ସିତଲ, ଆରୂଷି, ଅନୁଲିପ୍ତା,…

ନୂଆଦିଲ୍ଲୀ: ଭାରତର ଚନ୍ଦ୍ରଯାନ-୩ ଏବେ ଚନ୍ଦ୍ରର ଅତି ନିକଟତର ହୋଇଛି। ଏହାର ଏକ ସପ୍ତାହ ପରେ ଭାରତର ଯାନ ଚନ୍ଦ୍ରରେ ଅବତରଣ କରିବ। ହଁ, ଏବେ ଶେଷ ଡେଇଁବା ବାକି ଅଛି। ଆଜି ଚନ୍ଦ୍ରପୃଷ୍ଠର ଅତି ନିକଟରେ ପହଞ୍ଚିବା ପରେ ଚନ୍ଦ୍ରଯାନ-୩କୁ ୧୫୩ କିଲୋମିଟର ବା ୧୬୩ କିଲୋମିଟର କକ୍ଷପଥରେ ଛଡ଼ାଯାଇଥିଲା। ଏହା ସହିତ ଚନ୍ଦ୍ରର କକ୍ଷପଥରେ ସମସ୍ତ ପ୍ରକ୍ରିୟା ଶେଷ ହୋଇଛି ବୋଲି ଇସ୍ରୋ କହିଛି। ବର୍ତ୍ତମାନ ଆମ ଚନ୍ଦ୍ରଯାନ-୩ ଏକ ଗୁରୁତ୍ୱପୂର୍ଣ୍ଣ ମୁହୂର୍ତ୍ତକୁ ଆସିଛି। ଏବେ ଉଭୟ ପ୍ରୋପଲସନ ମଡ୍ୟୁଲ ଏବଂ ଲ୍ୟାଣ୍ଡର ମଡ୍ୟୁଲ ଅଲଗା ହେବ। ଏହାକୁ ସରଳ ଭାଷାରେ ବୁଝିବା ପାଇଁ ଚନ୍ଦ୍ରଯାନ ଭିତରେ ବସିଥିବା ‘ହିରୋ’ ଏବେ ଯାତ୍ରାକୁ ଭିନ୍ନ କରିଦେବ। ଏହି ଲ୍ୟାଣ୍ଡରର ନାମ ବିକ୍ରମ। ଏହା ଭିତରେ ପ୍ରଜ୍ଞାନ ରହିଛି। ଚନ୍ଦ୍ର ପୃଷ୍ଠରେ ଲ୍ୟାଣ୍ଡର ଅବତରଣ କରିବା ପରେ ପ୍ରଜ୍ଞାନ ବାହାରକୁ ଆସିବ। ସମଗ୍ର ଦେଶରେ ପ୍ରାର୍ଥନା କରାଯାଉଛି। ଅଗଷ୍ଟ ୧୭ରେ…

ନୂଆଦିଲ୍ଲୀ: ଲାଲ୍ କିଲାରୁ 77 ତମ ସ୍ୱାଧୀନତା ଦିବସ ଅବସରରେ 140 କୋଟି ଦେଶବାସୀଙ୍କୁ ସମ୍ବୋଧିତ କରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ତିନି ଦଶନ୍ଧିର ଅନିଶ୍ଚିତତା, ଅସ୍ଥିରତା ଏବଂ ରାଜନୈତିକ ବାଧ୍ୟବାଧକତା ପରେ ଏକ ଶକ୍ତିଶାଳୀ ତଥା ସ୍ଥିର ସରକାର ଗଠନ କରିଥିବାରୁ ଦେଶବାସୀଙ୍କୁ ଅଭିନନ୍ଦନ ଜଣାଇଛନ୍ତି। ସେ କହିଛନ୍ତି ଯେ ଆଜି ଦେଶରେ ଏପରି ସରକାର ଅଛି ଯାହା ଦେଶର ସନ୍ତୁଳିତ ବିକାଶ ପାଇଁ ‘ସର୍ବ ଜନ ହିତାୟ, ସର୍ବ ଜନ ସୁଖାୟ’ ପାଇଁ ସମୟର ପ୍ରତ୍ୟେକ ମୁହୂର୍ତ୍ତ ଏବଂ ପ୍ରତ୍ୟେକ ଟଙ୍କାକୁ ଦେଶ ବାସୀଙ୍କ ପାଇଁ ଉତ୍ସର୍ଗ କରୁଛି। ଗୌରବାନ୍ବିତ ଅନୁଭବ କରି ପ୍ରଧାନମନ୍ତ୍ରୀ କହିଛନ୍ତି ଯେ ସରକାର କେବଳ ଏକ ମାନଦଣ୍ଡ ‘ରାଷ୍ଟ୍ର ପ୍ରଥମ’ ସହିତ ସାମିଲ୍ ରହିଛି। ସରକାରଙ୍କ ଦ୍ୱାରା ନିଆଯାଇଥିବା ପ୍ରତ୍ୟେକ ନିଷ୍ପତ୍ତି ଏହି ଦିଗରେ କାର୍ଯ୍ୟ କରୁଛି ବୋଲି ସେ କହିଛନ୍ତି। ଶ୍ରୀ ମୋଦୀ ଅମଲାତନ୍ତ୍ରକୁ ତାଙ୍କ ହାତ ଏବଂ ପାଦ ବୋଲି…