Author: Samikhsya Bureau

ଭୁବନେଶ୍ୱର: ପାରସ୍ପରିକ ସହଭାଗିତା ନିମନ୍ତେ ଶିକ୍ଷା ଓ ଅନୁସନ୍ଧାନ (ସୋଆ) ଏବଂ ଆଇଟି ସର୍ଭିସେସ୍ ଓ ସଲ୍ୟୁସନ୍ସ କ୍ଷେତ୍ରରେ କାର୍ଯ୍ୟରତ ଥିବା କମ୍ପାନୀ ୟୁଏସ୍‌ଟି ପ୍ରଡକ୍ଟ ଇଞ୍ଜିନିୟରିଂ ମଧ୍ୟରେ ସୋମବାର ଏଠାରେ ଏକ ବୁଝାମଣା ସ୍ୱାକ୍ଷରିତ ହୋଇଛି। ଏହି ବୁଝାମଣାଟି ସୋଆର ପ୍ରୋ- ଭାଇସ୍ ଚାନ୍‌ସେଲର ପ୍ରଫେସର ଶିତିକଣ୍ଠ ମିଶ୍ର ଏବଂ ୟୁଏସ୍‌ଟି ପ୍ରଡକ୍ଟ ଇଞ୍ଜିନିୟରିଂର ସଭାପତି ଶ୍ରୀ ଏସ୍‌. ରାମପ୍ରସାଦଙ୍କ ମଧ୍ୟରେ ସ୍ୱାକ୍ଷରିତ ହୋଇଛି। ବୁଝାମଣା ଅନୁଯାୟୀ ସୋଆ ଛାତ୍ରଛାତ୍ରୀମାନଙ୍କର ଶିଳ୍ପ ଭିତିକ ପ୍ରଶିକ୍ଷଣ ତଥା ୟୁଏସ୍‌ଟି ପ୍ରଡକ୍ଟ ଇଞ୍ଜିନିୟରିଂର ଗ୍ରୁପ୍ କମ୍ପାନୀଗୁଡ଼ିକୁ ସୋଆର ଛାତ୍ରଛାତ୍ରୀମାନେ ପରିଦର୍ଶନ କରିବା ନିମନ୍ତେ କମ୍ପାନୀ ବ୍ୟବସ୍ଥା କରିବ। ସେହିପରି ବୈଷୟିକ ଜ୍ଞାନ କୌଶଳ ଏବଂ ଘରୋଇ ଆବଶ୍ୟକତା କ୍ଷେତ୍ରରେ ଅଧିକ ଜ୍ଞାନ ପ୍ରଦାନ ନିମନ୍ତେ ୟୁଏସଟି ପ୍ରଡକ୍ଟ ଇଞ୍ଜିନିୟରିଂ ବକ୍ତୃତା ଆୟୋଜନ କରିବେ। ଏହି ଅବସରରେ ସୋଆ ନିର୍ଦ୍ଦେଶକ ପ୍ରଫେସର ମାନସ କୁମାର ମଲ୍ଲିକ, ସୋଆ ପରିଚାଳିତ ଇନ୍‌ଷ୍ଟିଚ୍ୟୁଟ୍ ଅଫ୍ ଟେକ୍ନିକାଲ୍ ଏଜୁକେସନ୍…

କନ୍ଦର୍ପ ବେହେରା ରେଢ଼ାଖୋଲ: ଗତକାଲି ପୂର୍ବାହ୍ନ ୧୨ ଟାରେ ରେଢ଼ାଖୋଲ ଥାନା ମୁଟୁରୁମୁଣ୍ଡା ଗ୍ରାମ ନିକଟରେ ଶିମିଳିପାଳ ପଂଚାୟତର ଇଓ ଙ୍କର ବିୟୋଗ ଘଟିଛି। ଖବରରୁ ଜଣା ପଡ଼ିଛିଯେ, ନାକଟିଦେଉଳ ବ୍ଲକ୍ ଶମିଳିପାଳ ପଂଚାୟତର ଇଓ ତ୍ରିନାଥ ମହାକୁଡ ଅଫିସ୍ କାମ ସାରି ପୂର୍ବାହ୍ନ ୧୨ ଟାରେ ରେଢ଼ାଖୋଲ ଫେରୁଥିବା ବେଳେ ମୁଟୁରୁମୁଣ୍ଡା ଗ୍ରାମ ନିକଟସ୍ଥ ବୁଲାଣିରେ ନିଜ ବାଇକରେ ଭାରସାମ୍ୟ ହରାଇ ରାସ୍ତା ପାର୍ଶ୍ବରେ ଥିବା ବେରିକେଟ ରେ ପିଟି ହୋଇ ଛିଟିକି ପଡ଼ିଥିଲେ। ଘଟଣା ସ୍ଥଳରେ ହିଁ ତାଙ୍କର ମୃତ୍ୟୁ ହୋଇଥିଲା। ମୁଣ୍ଡରେ ଗଭୀର ଆଘାତ ଲାଗିଥିବାରୁ ଅତ୍ୟଧିକ ରକ୍ତସ୍ରାବ ହୋଇଥିଲା, ଯାହାଫଳରେ ତାଙ୍କର ମୃତ୍ୟୁ ହୋଇଥିଲା। ମୃତକ ତ୍ରିନାଥ ମହାକୁଡଙ୍କର ରେଢ଼ାଖୋଲରେ ଘର କରି ରହୁଥିଲେ। ତାଙ୍କର ନିଜସ୍ବ ଗ୍ରାମ ବୁର୍ଡା ପଂଚାୟତରେ ବୋଲି ଜଣା ପଡ଼ିଛି। ପୋଲିସ୍ ଶବ ଜବତ କରି ଏକ ମାମଲା ରୁଜୁ କରିଛି ଏବଂ ଶବକୁ ପରିବାର ଲୋକଙ୍କୁ ହସ୍ତାନ୍ତର କରିଛି।

କୈଳାଶ ଚନ୍ଦ୍ର ଚୌଧୁରୀ ବ୍ରହ୍ମପୁର: ବୁଗୁଡ଼ା ଥାନା ଅନ୍ତର୍ଗତ ତାଳସାକର ଗ୍ରାମରେ ଏକ ରୋମାଞ୍ଚକର ଘଟଣା ଘଟିଛି। ସମ୍ବଲପୁର ଜିଲ୍ଲା କୁଚିଣ୍ଡା ଅଞ୍ଚଳର ଜଣେ ଯୁବକ ଜଣେ ଝିଅକୁ ବାହାହେବା ପାଇଁ ପୂର୍ବ ପ୍ରସ୍ତୁତି ପ୍ରକାରେ ନିଜ ପରିବାର ଲୋକଙ୍କ ସହ ତାଳସାକର ଗ୍ରାମରେ ଆସି ପହଞ୍ଚିଥିଲେ। କନ୍ୟା ପକ୍ଷରୁ ସକାଳେ ଭୋଜି ହୋଇ ସନ୍ଧ୍ୟାରେ ବାହାଘର ପାଇଁ ପ୍ରସ୍ତୁତି ଆରମ୍ଭ ହେଉଥିଲା। ପୁରୋହିତ, ରାଉଳ ଓ ବାରିକଙ୍କ ସମେତ ଉଭୟ ପକ୍ଷ ବିବାହ ବେଦୀରେ ମିଳନ ବେଳେ ହଠାତ୍ କନ୍ୟା ବେଦୀରୁ ଉଠି ମୁଁ ଏହି ଟୋକାକୁ ବାହା ହେବିନି, ମୋର ଆଉଜଣେ ପୁଅ ସହିତ ସମ୍ପର୍କ ରହିଛି ବୋଲି ଜିଦ୍ କରି ଧରି ବସିଥିଲା। ଯାହା ଫଳରେ ଉଭୟ ପକ୍ଷଙ୍କ ମୁଣ୍ଡରେ ଚଡକ ପସିଥିଲା। ଶେଷରେ କଥା ଗଲା ଥାନାକୁ। ଥାନା ଅଧିକାରୀ ଓ କର୍ମଚାରୀ ଘଟଣାସ୍ଥଳରେ ପହଞ୍ଚି ବହୁତ ବୁଝାସୁଝା ପରେ ମଧ୍ୟ କୌଣସି ସମାଧାନ ହେଲା…

ଭୁବନେଶ୍ଵର: ରାଜ୍ୟ ପାଇଁ ଆଉ ଗୋଟିଏ ଭଲ ଖବର। ଲୋକପ୍ରିୟ ଓଡ଼ିଆ ଚ୍ୟାନେଲ ଜୀ-ସାର୍ଥକରେ ରଜ ସମୟରେ ମାସିକ ଋତୁସ୍ରାବ ସମ୍ପର୍କିତ ସଚେତନତା ସୃଷ୍ଟି କରିବା ପାଇଁ ଏକ ଅଭିନବ ପ୍ରୟାସ ‘ନାଲି ବିନ୍ଦୁ’ ଅଭିଯାନ ଆରମ୍ଭ କରାଯାଇଥିଲା। ଏହି ଅଭିଯାନଟି ‘ପ୍ରୋମାକ୍ସ ଇଣ୍ଡିଆ ରିଜିଓନାଲ ଆୱାର୍ଡ 2023’ ର ଦୁଇଟି କ୍ୟାଟେଗୋରିରେ ଆୱାର୍ଡ ପାଇଛି। ପ୍ୟାନ ଇଣ୍ଡିଆ ଅର୍ଥାତ୍ ଜାତୀୟ ସ୍ତରରେ, ପବ୍ଲିକ୍ ସର୍ଭିସ ବା ଜନସେବା କ୍ୟାଟେଗୋରି ଅଧୀନରେ ଓ ମୋସ୍ଟ ଆଉଟଷ୍ଟାଣ୍ଡିଂ ମାର୍କେଟିଙ୍ଗ ଇନିସିଏଟିଭ (ଆଉଟ ଅଫ ହାଉସ) କ୍ୟାଟେଗୋରି ଅଧୀନରେ ଦୁଇଟି ଗୋଲ୍ଡ ପାଇ ରାଜ୍ୟ ପାଇଁ ଗୌରବ ହାସଲ କରିଛି। ଜୀ-ସାର୍ଥକର ଏହି ଅଭିନବ ପ୍ରୟାସ ଜାତୀୟସ୍ତରରେ ବହୁ ସମ୍ମାନ ଓ ପ୍ରଶଂସା ର ପାତ୍ର ହୋଇଛି। ଜୀ-ସାର୍ଥକର ଚିଫ କ୍ଲଷ୍ଟର ହେଡ୍ ସମ୍ରାଟ ଘୋଷ ଏବଂ ଚ୍ୟାନେଲ ହେଡ୍ ପ୍ରତୀକ ସିଲଙ୍କ ବିଶେଷ ଆଗ୍ରହ ଓ ତତ୍ତ୍ଵାବଧାନରେ ଏହି ଅଭିଯାନଟି ସଫଳ ହୋଇଛି…

ନୂଆଦିଲ୍ଲୀ: ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଆଜି ଶ୍ରମ ବିଭାଗର ଅଧିକାରୀଙ୍କ ସହ ଏକ ବୈଠକ କରି ଶ୍ରମିକମାନଙ୍କ ପାଇଁ ଘର ଏବଂ ହଷ୍ଟେଲ (ଆଶ୍ରୟସ୍ଥଳୀ) ବ୍ୟବସ୍ଥା କରିବାକୁ ନିର୍ଦ୍ଦେଶ ଦେଇଛନ୍ତି। ଏକ ଟୁଇଟ୍ ଜରିଆରେ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ କହିଛି ଯେ, ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଆଜି ଶ୍ରମ ବିଭାଗ ସହିତ ଏକ ଗୁରୁତ୍ୱପୂର୍ଣ୍ଣ ସମୀକ୍ଷା ବୈଠକ କରିଥିଲେ। ଦିଲ୍ଲୀରେ ପଞ୍ଜୀକୃତ ହୋଇଥିବା ୧୩ ଲକ୍ଷ ଶ୍ରମିକଙ୍କ ପାଇଁ ସରକାରୀ ସୁବିଧା ତଥା ଯୋଜନା ଉପଲବ୍ଧ କରାଇବା ପାଇଁ ମୁଖ୍ୟମନ୍ତ୍ରୀ ବିଭାଗକୁ ନିର୍ଦ୍ଦେଶ ଦେଇଛନ୍ତି। ବୈଠକରେ ନିମ୍ନଲିଖିତ ପଏଣ୍ଟ ଉପରେ ନିଷ୍ପତ୍ତି ନିଆଗଲା- – ସମସ୍ତ ଶ୍ରମିକଙ୍କୁ ବସ୍ ରେ ମାଗଣା ଯାତ୍ରା ପାଇଁ ବାର୍ଷିକ DTC (ଦିଲ୍ଲୀ ପରିବହନ ନିଗମ) ପାସ୍ ଦିଆଯିବ। – ଶ୍ରମିକମାନଙ୍କ ରହିବା ପାଇଁ ଘର ଏବଂ ହଷ୍ଟେଲଗୁଡିକର ବ୍ୟବସ୍ଥା। – ସମସ୍ତ ଶ୍ରମିକଙ୍କ ପିଲାମାନଙ୍କ ପାଇଁ ମାଗଣା କୋଚିଂର ବ୍ୟବସ୍ଥା। – ସମସ୍ତ ଶ୍ରମିକଙ୍କୁ…

ନୂଆଦିଲ୍ଲୀ: ଆଜି ଆଇପିଏଲରେ ଦିଲ୍ଲୀ କ୍ୟାପିଟାଲ୍ସ ଏବଂ ସନରାଇଜର୍ସ ହାଇଦ୍ରାବାଦ ମୁହାଁମୁହିଁ ହେବେ। ଆଇପିଏଲର ଏହି ସଂସ୍କରଣ ବର୍ତ୍ତମାନ ପର୍ଯ୍ୟନ୍ତ ଉଭୟ ଦଳ ପାଇଁ ବହୁତ ଖରାପ ହୋଇଛି। ଏହି ଦଳଗୁଡ଼ିକ ପଏଣ୍ଟ ଟେବୁଲର ତଳେ ରହିଛନ୍ତି। ହାଇଦ୍ରାବାଦ ନବମ ଏବଂ ଦିଲ୍ଲୀ ଦଶମ ସ୍ଥାନରେ ରହିଛି। ଆଜିର ମ୍ୟାଚରେ ହାଇଦ୍ରାବାଦର ଖେଳାଳି ଏକାଦଶରେ ପରିବର୍ତ୍ତନ ହେବାର ସାମାନ୍ୟ ଆଶା ଅଛି, କିନ୍ତୁ ଦିଲ୍ଲୀ କ୍ୟାପିଟାଲ୍ସ ଦଳ ଏହାର ଦୁଇ ଗୁରୁତ୍ୱପୂର୍ଣ୍ଣ ଖେଳାଳି ପୃଥ୍ବୀ ଶ’ ଏବଂ ମିଚେଲ ମାର୍ଶଙ୍କୁ ଡ୍ରପ୍ କରିପାରେ। ବାସ୍ତବରେ ହାଇଦ୍ରାବାଦର ସୀମିତ ବିକଳ୍ପ ଅଛି ଏବଂ ତା’ପରେ ସେମାନଙ୍କର ସମସ୍ତ ଖେଳାଳି କିଛି ସମୟରେ ଭଲ ପ୍ରଦର୍ଶନ କରିଛନ୍ତି। ଏଭଳି ପରିସ୍ଥିତିରେ ଏହି କମଳା ସେନା ଆଜିର ମ୍ୟାଚରେ କୌଣସି ପରିବର୍ତ୍ତନ କରିବାକୁ ଦେଖାଯାଉ ନାହିଁ। ଅନ୍ୟପକ୍ଷରେ ଦିଲ୍ଲୀ କ୍ୟାପିଟାଲ୍ସରୁ ପୃଥ୍ବୀ ଶ’ ଏବଂ ମିଚେଲ ମାର୍ଶ ଚଳିତ ସିଜନରେ ସମ୍ପୂର୍ଣ୍ଣ ଫ୍ଲପ୍ ହୋଇଛନ୍ତି। ଏହି…

ନୂଆଦିଲ୍ଲୀ: ଦିଲ୍ଲୀରେ ହେବାକୁ ଥିବା ମେୟର ନିର୍ବାଚନ ପୂର୍ବରୁ ଆମ୍ ଆଦମୀ ପାର୍ଟି ଏକ ଅସୁବିଧାର ସମ୍ମୁଖୀନ ହୋଇଛି। ଆମ୍ ଆଦମୀ ପାର୍ଟିର ଜଣେ ମହିଳା କାଉନସିଲର ବିଜେପିରେ ଯୋଗ ଦେଇଛନ୍ତି। ଦ୍ୱାରକାରୁ ଆମ୍ ଆଦମୀ ପାର୍ଟିର କାଉନସିଲର ସୁନୀତା ବିଜେପିରେ ଯୋଗ ଦେଇଛନ୍ତି। ଦିଲ୍ଲୀ ବିଜେପି ସଭାପତି ବିରେନ୍ଦ୍ର ସଚ୍ଚେଦବା ତାଙ୍କୁ ଦଳରେ ସାମିଲ କରିଛନ୍ତି। ଉଲ୍ଲେଖ ଯୋଗ୍ୟ ଯେ, ମେୟର ପଦବୀ ପାଇଁ ନିର୍ବାଚନ ଏପ୍ରିଲ ୨୬ ତାରିଖରେ ଅନୁଷ୍ଠିତ ହେବ। ଦିଲ୍ଲୀ ମ୍ୟୁନିସିପାଲିଟି କର୍ପୋରେସନ୍ ନିର୍ବାଚନରେ ​​୨୫୦ ଟି ସିଟ୍ ମଧ୍ୟରୁ ବିଜେପି ୧୦୪ ଟି ସିଟ୍ ଜିତିଛି। ଯେଉଁଠାରେ ଏଏପି ୧୩୪ ଟି ସିଟ୍ ପାଇଛି। ମେୟର ନିର୍ବାଚନ ପୂର୍ବରୁ ବିଜେପିର ଦୁଇଜଣ କାଉନସିଲର ବିଜେପିରେ ଯୋଗ ଦେଇଥିଲେ ଏବଂ ଏହାର କାଉନସିଲରଙ୍କ ସଂଖ୍ୟା ୧୦୬ କୁ ବୃଦ୍ଧି ପାଇଥିଲା। ବର୍ତ୍ତମାନ ଆଉ ଜଣେ କାଉନସିଲର ଝାଡୁ ଛାଡି ପଦ୍ମ ଧରିଛନ୍ତି। ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ…

କୈଳାଶ ଚନ୍ଦ୍ର ଚୌଧୁରୀ ବ୍ରହ୍ମପୁର: ବୈଦ୍ୟନାଥପୁର ପୋଲିସ ମୋବାଇଲ ଲୁଟ୍ ଅଭିଯୋଗରେ ଗଜପତି ନଗର ଅଞ୍ଚଳର ଅଭିଷେକ ଶତପଥୀ ନାମକ ଜଣେ ଯୁବକକୁ ଗିରଫ କରିଛନ୍ତି। ପ୍ରକାଶ ଯୋଗ୍ୟ ଯେ, ମେଡିକାଲ ବ୍ୟାଙ୍କ କଲୋନୀର କିଶାନ୍ ବେହେରା ନାମକ ଜଣେ ବ୍ୟକ୍ତି ବାଇକ୍ ରେ ଘରକୁ ଫେରିବା ବେଳେ ଏକ ଫୋନ କଲ୍ ଆସିବାରୁ ମେଡିକାଲ ଖେଳ ପଡିଆ ନିକଟ ରାସ୍ତା କଡ଼ରେ ଛିଡ଼ା ହୋଇ କଥା ହେଉଥିଲେ। ଏତିକି ବେଳେ ଗିରଫ ଯୁବକ ଅଭିଷେକ ହଠାତ୍ ଆସି କିଶାନ୍ କୁ ଧକ୍କା ଦେବାରୁ ସେ ତଳେ ପଡ଼ିଯାଇଥିଲେ ଓ ଅଭିଷେକ ତାଙ୍କର ମୋବାଇଲ ଫୋନ ଟି ଧରି ସେଠାରୁ ପଳାୟନ କରିବା ବେଳେ କିଶାନ୍ ତା ପିଛା ଗୋଡ଼ାଇ ଥିଲେ। କିନ୍ତୁ ସେ ନପାଇ ବୈଦ୍ୟନାଥ ପୁର ଥାନାରେ ଅଭିଯୋଗ କରିଥିଲେ। ଅଭିଯୋଗକୁ ଭିତ୍ତି କରି ପୋଲିସ ଅନୁସନ୍ଧାନ କରି ଅଭିଷେକକୁ ଗିରଫ କରି କୋର୍ଟ ଚାଲାଣ କରିଛନ୍ତି।

କନ୍ଧମାଳ: କନ୍ଧମାଳ ଜିଲ୍ଲା ଖଜୁରିଆପଡ଼ା ଥାନା ଅଞ୍ଚଳରେ ଚଢ଼ାଉ କରି ଏସଟିଏଫ ବାଘ ଛାଲ ଜବତ କରିଛି। ଏଥିରେ ଦୁଇ ଜଣ ବନ୍ୟଜନ୍ତୁ ଶିକାରୀକୁ ଏସଟିଏଫ ଗିରଫ କରିଛି। ସୂଚନା ମୁତାବକ ଗତକାଲି ସନ୍ଧ୍ୟାରେ ଖଜୁରିଆପଡ଼ା ଅଞ୍ଚଳରେ ବେଆଇନ ବାଘ ଛାଲ ଡ଼ିଲ ହେଉଥିବାର ଖବର ପାଇଥିଲା ଏସଟିଏଫ। ବିଳମ୍ବ ନକରି ଉକ୍ତ ସ୍ଥାନରେ ଚଢ଼ାଉ କରି ଅଭିଯୁକ୍ତ ସୁଜିତ ରାଜସ୍ବଦୀପ ଏବଂ ଧନଞ୍ଜୟ ବେହେରାଙ୍କୁ ଏସଟିଏଫ ଗିରଫ କରିଛି। ସେମାନଙ୍କ ନିକଟରୁ ଏକ ବାଘ ଛାଲ ଜବତ ହୋଇଥିବା ବେଳେ କେସ ନମ୍ବର ୮/୨୩ ରେ ମାମଲା ରୁଜୁ କରି ଉଭୟ ଅଭିଯୁକ୍ତଙ୍କୁ ଏସଟିଏଫ କୋର୍ଟଚାଲାଣ କରିଛି। ଅପରପକ୍ଷେ ଜବତ ବାଘ ଛାଲକୁ ଅଧିକ ପରୀକ୍ଷଣ ନିମନ୍ତେ ଦେହେରାଦୁନ ସ୍ଥିତ ଭାରତୀୟ ବନ୍ୟପ୍ରାଣୀ ଅନୁଷ୍ଠାନକୁ ପଠାଯିବ ବୋଲି ଏସଟିଏଫ କହିଛି।

କୈଳାଶ ଚନ୍ଦ୍ର ଚୌଧୁରୀ ବ୍ରହ୍ମପୁର: ପାରିବାରିକ କଳହରୁ ମହାଭାରତ। ସମ୍ପତ୍ତି ଭାଗବଣ୍ଟାକୁ ନେଇ ଦାଦାଙ୍କୁ ଦୁଇ ପୁତୁରା ଆକ୍ରମଣ କରିଥିବା ଅଭିଯୋଗ ହୋଇଛି। ଦାଦା ଗୌରହରି ନନ୍ଦ ଗୁରୁତର ଆହତ ହୋଇ ବ୍ରହ୍ମପୁର ବଡ ଡାକ୍ତରଖାନାରେ ଚିକିତ୍ସିତ ହେଉଛନ୍ତି। ଘଟଣାରୁ ପ୍ରକାଶ ଯେ, ଗୌରହରିଙ୍କ ବଡ଼ଭାଇର ଦଶାହ କାର୍ଯ୍ୟ ନିମନ୍ତେ ସେ ଉକ୍ତ ଗ୍ରାମକୁ ଯାଇଥିଲେ ଓ ଦଶାହ କାର୍ଯ୍ୟକ୍ରମ ସରିଲା ପରେ ଅନ୍ୟ ବଂଶ ବଂଧୁ ମାନଙ୍କ ସହ ପୋଖରୀ ରେ ଶୌଚ ହେବା ବେଳେ ହଠାତ୍ ଦୁଇ ପୁତୁରା ବିରୁପାକ୍ଷ ଓ ତ୍ରିଲୋଚନ ନିଜ ଭିଣୋଇ କାଳୁ ଚରଣ ପଣ୍ଡାଙ୍କ ସହ ମିଶି ଘରର ସମ୍ପତ୍ତି ଭାଗବଣ୍ଟାକୁ ନେଇ ଗଣ୍ଡଗୋଳ ଓ ଅତର୍କିତ ଭାବେ ଆକ୍ରମଣ କରିଥିଲେ। ଯାହା ଫଳରେ ସେ ଗୁରୁତର ଆହତ ହୋଇ ପ୍ରଥମେ ବୁଗୁଡ଼ା ଡାକ୍ତରଖାନାରେ ଭର୍ତ୍ତି ହୋଇଥିଲେ ଓ ଅବସ୍ଥା ଗୁରୁତର ହେବାରୁ ତାଙ୍କୁ ବ୍ରହ୍ମପୁର ଡାକ୍ତରଖାନାକୁ ସ୍ଥାନାନ୍ତରିତ କରାଯାଇଛି। ପୋଲିସ ଘଟଣାସ୍ଥଳରେ ପହଞ୍ଚି…

ପାଟନା: ବିହାରର ନୱାଦାରେ ଜନତା ଦଳ ୟୁନାଇଟେଡ (ଜେଡିୟୁ) ର ପୂର୍ବତନ ବ୍ଲକ ସଭାପତି ତଥା ଦଳର କାର୍ଯ୍ୟକର୍ତ୍ତା ମଞ୍ଜୁର ଆଲାମଙ୍କ ସମେତ ତିନି ଜଣଙ୍କୁ ପୋଲିସ ଗିରଫ କରିଛି। ମଞ୍ଜୁର ଆଲାମଙ୍କ ଘରୁ ଚାରିଟି ଜୀବନ୍ତ ବୋମା, ସାତୋଟି କଟା, ଗୋଟିଏ ପିସ୍ତଲ, ଗୋଟିଏ ରାଇଫଲ ଏବଂ ଲାଇଭ କାର୍ଟ୍ରିଜ ମଧ୍ୟ ଉଦ୍ଧାର କରାଯାଇଛି। ଯଦିଓ ପୋଲିସ ଏ ବିଷୟରେ କିଛି କହିବାକୁ ବାରଣ କରୁଛି। ବିଶେଷ ଅନୁସନ୍ଧାନ ପରେ ଅଧିକାରୀମାନେ ଏହା ବିଷୟରେ ସୂଚନା ଦେବେ। ମଞ୍ଜୁର ଆଲାମ ବ୍ୟତୀତ ପୋଲିସ ତାଙ୍କ ପୁଅ ଏବଂ ଜ୍ୱାଇଁଙ୍କୁ ଗିରଫ କରିଛି। ନୱାଦା ଏସପିଙ୍କ ତତ୍ତ୍ୱାବଧାନରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି। ରବିବାର ରାତିରେ ପୋଲିସ ନୱାଦା ଜିଲ୍ଲାର ନରହାଟ ବ୍ଲକର ନରହାଟ ବଜାର ନିବାସୀ ମଞ୍ଜୁର ଆଲାମଙ୍କ ଘରେ ଚଢାଉ କରିଥିଲା। ଏହି ଚଢାଉରେ ବହୁ ପରିମାଣର ଅସ୍ତ୍ରଶସ୍ତ୍ର ଓ ବୋମା ଉଦ୍ଧାର କରାଯାଇଛି।

ନୂଆଦିଲ୍ଲୀ: ରେସଲିଂ ଫେଡେରେସନ୍ ଅଫ୍ ଇଣ୍ଡିଆ ଏବଂ ଏହାର ସଭାପତି ବ୍ରିଜ ଭୂଷଣ ସିଂଙ୍କ ବିରୋଧରେ କୁସ୍ତିଯୋଦ୍ଧାମାନଙ୍କର ଜନ୍ତର ମନ୍ତ୍ରରରେ ଧର୍ମଘଟ ଜାରି ରହିଛି। ଏହି ଦ୍ୱିତୀୟ ପ୍ରତିବାଦରେ ବିନେଶ ଫୋଗାଟ, ସାକ୍ସି ମଲିକ, ବଜରଙ୍ଗ ପୁନିଆ ସାମିଲ ହୋଇଛନ୍ତି। ଭାରତୀୟ ରେସଲିଂ ଫେଡେରେଶନ ବିରୋଧରେ ଅନୁସନ୍ଧାନ କମିଟିର ରିପୋର୍ଟ ଆସିବା ପର୍ଯ୍ୟନ୍ତ ସେମାନେ ଧର୍ମଘଟ ଜାରି ରଖିବେ ବୋଲି କହିଛନ୍ତି। ଏହି ସମୟରେ ଜନ୍ତର ମନ୍ତ୍ରରେ ବିକ୍ଷୋଭ ପ୍ରଦର୍ଶନ କରୁଥିବା ବିନେଶ ଫୋଗାଟ କ୍ରୀଡ଼ା ମନ୍ତ୍ରଣାଳୟ ଉପରେ ଏକ ବଡ ଅଭିଯୋଗ ଆଣି କହିଛନ୍ତି ଯେ, କମିଟି କେବଳ ନାମ ପାଇଁ, ସବୁକିଛି ବ୍ରିଜ ଭୂଷଣଙ୍କ ଦ୍ୱାରା କରାଯାଉଛି। ଫୋଗାଟ କହିଛନ୍ତି ଯେ, କ୍ରୀଡା ମନ୍ତ୍ରଣାଳୟ ପକ୍ଷରୁ ରାଜନୀତି ଚାଲିଛି। ମନ୍ତ୍ରଣାଳୟ ଯାହା କହିଲା ଆମେ ତାହା କରିଥିଲୁ। ମୁଁ ନାମ ନେବି ନାହିଁ କିନ୍ତୁ ଯାହାକୁ ଆମେ ବିଶ୍ଵାସ କରିଥିଲୁ ସେ ହିଁ ଆମ ସହିତ ଖେଳିଲେ। ଅନ୍ୟପକ୍ଷରେ…

ନୂଆଦିଲ୍ଲୀ: DRS ବର୍ତ୍ତମାନ ‘ଧୋନି ରିଭ୍ୟୁ ସିଷ୍ଟମ’ରେ ପରିଣତ ହୋଇଛି। ଆଇପିଏଲ୍ ସମୟରେ ଧୋନି ଏପରି ଅନେକ ନିଷ୍ପତ୍ତି ନିଅନ୍ତି, ଯାହା ଏହି କଥାକୁ ସତ ବୋଲି ପ୍ରମାଣ କରେ। ବର୍ତ୍ତମାନ କେକେଆର୍ ବିପକ୍ଷ ମ୍ୟାଚ୍ ସମୟରେ ସମାନ ଘଟଣା ଘଟିଛି, ଏଥର ଧୋନି ତାଙ୍କ ବ୍ୟାଟିଂ ସମୟରେ DRS ମଧ୍ୟ ନେଇଥିଲେ। ଶେଷରେ ନିର୍ଣ୍ଣୟ ସାମ୍ନାକୁ ଆସିଲା, ଯାହା ଫଳାଫଳ ଆଶା କରାଯାଉଥିଲା। ଧୋନିଙ୍କୁ ସିଏସକେ ଇନିଂସର ଶେଷ ଓଭରରେ ବ୍ୟାଟିଂ କରିବାକୁ ପଡିଥିଲା। ଏଭଳି ପରିସ୍ଥିତିରେ ଶେଷ ଓଭର ବୋଲର କୁଲୱନ୍ତ ଖେଜ୍ରୋଲିୟାଙ୍କ ପଞ୍ଚମ ବଲ ମାହିଙ୍କୁ ଫୁଲ ଟସ୍ ଫିଙ୍ଗିଥିଲେ, ଯେଉଁଥିରେ ଧୋନି ଏକ ସଟ ମାରିବାକୁ ଚେଷ୍ଟା କରିଥିଲେ କିନ୍ତୁ ମିସ୍ ହୋଇଥିଲେ। ସେହି ବଲଟିକୁ ଅମ୍ପାୟାର ନୋ ବଲ ନଦେବାରୁ ଧୋନୀ DRS ମାଗିଥିଲେ। ତାହା ହିଁ ଘଟିଲା। ଧୋନିଙ୍କ ଅଣ୍ଟା ଉପରେ ବଲ୍ ଯାଉଥିବାର ତୃତୀୟ ଅମ୍ପାୟାର ଟିଭିରେ ଦେଖିଲେ। ଏହା ପରେ…

କୋଲକାତା: କେନ୍ଦ୍ରରେ ବିଜେପି ନେତୃତ୍ୱାଧୀନ ସରକାର ବିରୋଧରେ ବିରୋଧୀ ଦଳକୁ ଏକଜୁଟ କରିବା ଲାଗି ବିହାର ମୁଖ୍ୟମନ୍ତ୍ରୀ ନୀତୀଶ କୁମାର ଆଜି କୋଲକାତାରେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ଭେଟିବେ। କଂଗ୍ରେସ ରାଷ୍ଟ୍ରୀୟ ସଭାପତି ମଲ୍ଲିକାର୍ଜୁନ ଖଡଗେ ଏବଂ ପୂର୍ବତନ ସାଂସଦ ରାହୁଲ ଗାନ୍ଧୀଙ୍କୁ ଭେଟିବା ପାଇଁ ଦିଲ୍ଲୀ ଗସ୍ତ ପରେ ଏହି ବୈଠକ ଅନୁଷ୍ଠିତ ହେବ। ଆସନ୍ତା ବର୍ଷ ହେବାକୁ ଥିବା ଲୋକସଭା ନିର୍ବାଚନ ପୂର୍ବରୁ ମହାମେଣ୍ଟର ଭିତ୍ତିପ୍ରସ୍ତର ସ୍ଥାପନ ଦିଗରେ ଏହି ବୈଠକ ଏକ ପ୍ରମୁଖ ପଦକ୍ଷେପ ଭାବରେ ବିବେଚନା କରାଯାଉଛି। ପ୍ରକାଶଯେ, ଅତୀତରେ ଅନୁଷ୍ଠିତ ବୈଠକ ପରେ ସାମ୍ବାଦିକମାନଙ୍କ ସହ କଥାବାର୍ତ୍ତା ବେଳେ କଂଗ୍ରେସ ନେତା ରାହୁଲ ଗାନ୍ଧୀ କହିଛନ୍ତି ଯେ, ବିରୋଧୀ ଏକତା ତଥା “ଆଦର୍ଶ ସଂଗ୍ରାମ” ପାଇଁ ଏହା ଏକ ଐତିହାସିକ ପଦକ୍ଷେପ। ମଲ୍ଲିକାର୍ଜୁନ ଖଡଗେ, ଜେଡିୟୁ ଏବଂ ଆରଜେଡି ନେତାଙ୍କ ସହ ନିଜର ଏକ ଫଟୋ ପୋଷ୍ଟ କରିଥିବା ରାହୁଲ ଗାନ୍ଧୀ କହିଛନ୍ତି…

ଚାଣକ୍ୟ ନୀତି: ଆଚାର୍ଯ୍ୟ ଚାଣକ୍ୟ ତାଙ୍କ ଚାଣକ୍ୟ ନୀତିରେ କେଉଁ ଲୋକଙ୍କୁ କେବେ ବି ବିଶ୍ବାସ କରିବ ନାହିଁ ତାହାର ଉଲ୍ଲେଖ କରିଛନ୍ତି। ଚାଣକ୍ୟ ନୀତି ଅନୁସାରେ ଯେଉଁମାନେ ସାକ୍ଷାତରେ ସବୁବେଳେ ମିଠା କଥା କହନ୍ତି ସେମାନଙ୍କୁ ବର୍ଜନ କରନ୍ତୁ। କାରଣ ମିଠା କଥା କହି ଆପଣଙ୍କ ବିଶ୍ବାସକୁ ସେମାନେ ହରଣ କରନ୍ତି। ଆଉ ଠିକ୍ ସମୟରେ ପଛରୁ ଛୁରାଘାତ କରିଥାନ୍ତି। ଏହି ଶ୍ରେଣୀର ଲୋକେ ଆପଣଙ୍କୁ ବିଶ୍ବାସ ଜନ୍ମମାଇ ଆପଣଙ୍କର ଗୁପ୍ତ କଥା ହାତେଇ ନିଅନ୍ତି। ପରବର୍ତ୍ତି ସମୟରେ ଆପଣଙ୍କୁ ଘାଟାରେ ପକାନ୍ତି। ସେଥିପାଇଁ ମିଷ୍ଟଭାଷୀ ଲୋକଙ୍କଠାରୁ ସବୁବେଳେ ଦୂରେଇ ରହନ୍ତୁ। କଦାପି ସେମାନଙ୍କୁ ବିଶ୍ବାସକୁ ନିଅନ୍ତୁ ନାହିଁ। ହଁ ଆପଣ ତାଙ୍କ ସହିତ ସଂପର୍କ ରଖିପାରନ୍ତି, ହେଲେ ଗଭୀର ସଂପର୍କ ରଖନ୍ତୁ ନାହିଁ। ଏମାନେ ହେଉଛନ୍ତି ପୂର୍ଣ ବିଷ ମାଠିଆ ଉପରେ ଥିବା କିଛି ଅମୃତ ସଦୃଶ୍ୟ।

ନୂଆଦିଲ୍ଲୀ: କନ୍ନଡ ଟିଭି ଇଣ୍ଡଷ୍ଟ୍ରିରୁ ଦୁଃଖଦ ଖବର ଆସୁଛି। ପ୍ରସିଦ୍ଧ କନ୍ନଡ ଟିଭି ଅଭିନେତା ସମ୍ପତ ଜେ ରାମଙ୍କ ଦେହାନ୍ତ ହୋଇଛି। ଖବର ଅନୁଯାୟୀ, ସମ୍ପତ ଜେ ରାମ ଆତ୍ମହତ୍ୟା କରି ଜୀବନ ହରାଇଛନ୍ତି। ୩୫ ବର୍ଷ ବୟସରେ ସମ୍ପତ ଜେ ରାମଙ୍କ ମୃତ୍ୟୁକୁ ନେଇ ସମସ୍ତେ ଚକିତ ଓ ନିରାଶ ହୋଇଛନ୍ତି। ସମ୍ପତ ଜେ ରାମଙ୍କ ମୃତ୍ୟୁ ଖବର ଶୁଣିବା ପରେ ଇଣ୍ଡଷ୍ଟ୍ରିରେ ଶୋକର ଲହରୀ ଖେଳିଯାଇଛି। ଗଣମାଧ୍ୟମ ରିପୋର୍ଟ ଅନୁଯାୟୀ, ଏପ୍ରିଲ୍ ୨୨ ତାରିଖରେ କନ୍ନଡ ଟିଭି ଇଣ୍ଡଷ୍ଟ୍ରିର ଜଣାଶୁଣା କଳାକାର ସମ୍ପତ ଜେ ରାମ ମୃତ୍ୟୁକୁ ଗ୍ରହଣ କରିଛନ୍ତି। କୁହାଯାଉଛି ଯେ, କର୍ଣ୍ଣାଟକର ନେଲାମଙ୍ଗଲାସ୍ଥିତ ତାଙ୍କ ଘରେ ସମ୍ପତ ଆତ୍ମହତ୍ୟା କରିଛନ୍ତି। ମିଳିଥିବା ସୂଚନା ଅନୁଯାୟୀ, ସମ୍ପତ ଜେ ରାମ ତାଙ୍କ ବ୍ୟକ୍ତିଗତ ଜୀବନରେ ସମସ୍ୟା ହେତୁ ଦୀର୍ଘ ସମୟ ଧରି ଡିପ୍ରେସନରେ ଚାଲୁଥିଲେ। କନ୍ନଡ ଟିଭି ଅଭିନେତା ସମ୍ପତ ତାଙ୍କ କ୍ୟାରିୟରର ଉତ୍ଥାନ ଏବଂ କ୍ରମାଗତ…

କଟକ: ଖୋର୍ଦ୍ଧା ଜିଲ୍ଲା ବାଣପୁର ଥାନା ପ୍ରତାପ ଗ୍ରାମର ଏକ ପରିବାରକୁ ବାସନ୍ଦ କରାଯାଇଥିବା ମାମଲାରେ ଉପଯୁକ୍ତ ତଦନ୍ତ କରିବାକୁ ହାଇକୋର୍ଟ ପୁଲିସକୁ ନିର୍ଦ୍ଦେଶ ଦେଇଛନ୍ତି। ପୁଲିସର ନିଷ୍କ୍ରିୟତା ବିରୋଧରେ ଆଗତ ମାମଲାରେ ବାଣପୁର ଥାନା ଆଇଆଇସିଙ୍କୁ ବିଚାରପତି ଏସ୍‌. କେ. ପାଣିଗ୍ରାହୀ ଏହି ନିର୍ଦ୍ଦେଶ ଦେବା ସହିତ ମାମଲାର ଅନ୍ତ ଘଟାଇଛନ୍ତି। ମାମଲାର ବିବରଣୀରୁ ପ୍ରକାଶ ଯେ, ପ୍ରତାପ ଗ୍ରାମର ବାସନ୍ତୀ ବେହେରାଙ୍କୁ କେତେକ ବ୍ୟକ୍ତି ଗ୍ରାମରୁ ବାସନ୍ଦ କରିଥିବା ନେଇ ସେ ବାଣପୁର ଥାନାରେ ଅଭିଯୋଗ କରିଥିଲେ। ପୂର୍ବରୁ ହାଇକୋର୍ଟରେ ଅପରପକ୍ଷଙ୍କ ବିରୋଧରେ ବାସନ୍ତୀ କରିଥିବା ମାମଲା ବିଚାରାଧୀନ ରହିଥିଲାବେଳେ ଅପରପକ୍ଷ କେସ୍ ଉଠାଇନେବାକୁ ବାସନ୍ତୀଙ୍କ ସ୍ୱାମୀଙ୍କୁ କହିବା ସହ କେସ୍ ନ ଉଠାଇଲେ ଜୀବନରୁ ମାରିଦେବାକୁ ଧମକ ଦେଇଥିଲେ। କଙ୍ଗାରୁ କୋର୍ଟ କରି ସେମାନଙ୍କ ଉପରେ ମୋଟା ଅଙ୍କର ଜୋରିମାନା କରି ଗ୍ରାମରୁ ବାସନ୍ଦ କରିଥିଲେ। ଗ୍ରାମର ଲୋକମାନେ କେହି ତାଙ୍କ ପରିବାରକୁ ସହଯୋଗ ନ କରିବାକୁ…

ମେଷ- ଏକ ନୂତନ ଯୋଜନା ପ୍ରସ୍ତୁତ ହେବ। କାର୍ଯ୍ୟ ପ୍ରଣାଳୀରେ ଉନ୍ନତି ହେବ। ସାମାଜିକ କାର୍ଯ୍ୟ କରିବାକୁ ପ୍ରେରଣା ପାଇବେ । ସମ୍ମାନ ପାଇବେ । ନୂତନ ବ୍ୟବସାୟ ଚୁକ୍ତି ହୋଇପାରେ । ଏକ ପୁରୁଣା ରୋଗ ପୁନର୍ବାର ହୋଇପାରେ। ଦୁଷ୍ଟମାନଙ୍କଠାରୁ ଦୂରରେ ରୁହନ୍ତୁ । ବିନିଯୋଗରେ ଚତୁରତାର ସହ କାର୍ଯ୍ୟ କରନ୍ତୁ। ନୂତନ ଚାକିରି କରିବାକୁ ସକ୍ଷମ ହେବେ । ବୃଷ- ବକେୟା ରାଶି ପୁନରୁଦ୍ଧାର ପାଇଁ ପ୍ରୟାସ ସଫଳ ହେବ। ବ୍ୟବସାୟ ଯାତ୍ରା ସଫଳ ହେବ। ଲାଭ ସୁଯୋଗ ଆସିବ । ବ୍ୟବସାୟ କାର୍ଯ୍ୟ ଅନୁକୂଳ ଲାଭ ପ୍ରଦାନ କରିବ। ଚାକିରିରେ ଶାନ୍ତି ଏବଂ ସୁଖ ରହିବ। ଶାରୀରିକ କଷ୍ଟ ସମ୍ଭବ ହୋଇପାରେ। ଏକ ଅପ୍ରତ୍ୟାଶିତ ଘଟଣାର ସମ୍ଭାବନା ରହିବ। ଅର୍ଥ ଏବଂ ବିଶ୍ରାମ ସମୟ ଯଥେଷ୍ଟ ହେବ । ଆପଣଙ୍କ ସ୍ୱାସ୍ଥ୍ୟର ବିଶେଷ ଯତ୍ନ ନିଅନ୍ତୁ। ମିଥୁନ- ଧର୍ମ ପ୍ରତି ଆଗ୍ରହ ପ୍ରକାଶ କରିବେ । ଆପଣ କୌଣସି ଧାର୍ମିକ କାର୍ଯ୍ୟକ୍ରମରେ…

ଭୁବନେଶ୍ଵର: ଝାରସୁଗୁଡାର ବରିଷ୍ଠ ବିଜେପି ନେତା ତଥା ଝାରସୁଗୁଡ଼ା ବାର୍ ଆସୋସିଏସନର ସଭାପତି ତ୍ରିନାଥ ଗୁଆଳ ଆଜି ବିଜୁ ଜନତା ଦଳରେ ଯୋଗ ଦେଇଛନ୍ତି। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଆଦର୍ଶ ତଥା ଓଡ଼ିଶାର ସାମଗ୍ରିକ ବିକାଶ ପାଇଁ ମୁଖ୍ୟମନ୍ତ୍ରୀଙ୍କ ଲୋକାଭିମୁଖୀ କାର୍ଯ୍ୟରେ ଅନୁପ୍ରାଣିତ ହୋଇ ସେ ବିଜେପି ଛାଡି ବିଜେଡିରେ ସାମିଲ ହୋଇଥିବା ଶ୍ରୀ ଗୁଆଳ ପ୍ରକାଶ କରିଛନ୍ତି। ଆଜି ସନ୍ଧ୍ୟାରେ ରାଜ୍ୟ ବିଜେଡି ମୁଖ୍ୟ କାର୍ଯ୍ୟାଳୟ “ଶଙ୍ଖ ଭବନ”ରେ ଆୟୋଜିତ ଏକ ମିଶ୍ରଣ ପର୍ବରେ ବିଜୁ ଜନତା ଦଳର ବରିଷ୍ଠ ଉପସଭାପତି ଦେବୀ ପ୍ରସାଦ ମିଶ୍ର ଦଳୀୟ ଉତ୍ତରୀୟ ଦେଇ ଶ୍ରୀ ଗୁଆଳଙ୍କୁ ଦଳକୁ ସ୍ଵାଗତ କରିଥିଲେ। ରାଜ୍ୟସଭା ସାଂସଦ ତଥା ବିଜେଡି ସାଧାରଣ ସମ୍ପାଦକ ମାନସ ମଙ୍ଗରାଜଙ୍କ ସଂଯୋଜନାରେ ଅନୁଷ୍ଠିତ ଏହି ମିଶ୍ରଣ ସଭାରେ ଝାରସୁଗୁଡ଼ା ଜିଲ୍ଲା ପର୍ଯ୍ୟବେକ୍ଷକ ବିଧାୟକ ଶାରଦା ପ୍ରସାଦ ନାୟକ ଏବଂ ବ୍ରଜରାଜନଗର ବିଧାୟିକା ଅଳକା ମହାନ୍ତି ଉପସ୍ଥିତ ଥିଲେ। ଏହି ଅବସରରେ ଶ୍ରୀ…

ଭୁବନେଶ୍ଵର: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଭାରତର ସମୃଦ୍ଧ କ୍ରୀଡ଼ା ପରମ୍ପରା ଓ ବିବିଧତା ସମ୍ପର୍କରେ ସଚେତନତା ସୃଷ୍ଟି କରିବା ଲାଗି କେନ୍ଦ୍ରୀୟ ବିଶ୍ୱବିଦ୍ୟାଳୟ ଓଡ଼ିଶା ପକ୍ଷରୁ ଆୟୋଜନ କରାଯାଇଥିବା ପାରମ୍ପରିକ କ୍ରୀଡ଼ା ମହୋତ୍ସବ ଭଳି ପ୍ରୟାସକୁ ପ୍ରଶଂସା କରିଛନ୍ତି। କେନ୍ଦ୍ର ରାଷ୍ଟ୍ର ମନ୍ତ୍ରୀ ଡକ୍ଟର ସୁଭାଷ ସରକାରଙ୍କ ଏକ ଟୁଇଟର ଉତ୍ତରରେ ପ୍ରଧାନମନ୍ତ୍ରୀ ଟୁଇଟ୍‌ କରି କହିଛନ୍ତି ଯେ, ‘‘ଭାରତର ସମୃଦ୍ଧ କ୍ରୀଡ଼ା ପରମ୍ପରା ଓ ବିବିଧତା ସମ୍ପର୍କରେ ସଚେତନତା ସୃଷ୍ଟି କରିବା ଲାଗି କେନ୍ଦ୍ରୀୟ ବିଶ୍ୱବିଦ୍ୟାଳୟ ଓଡ଼ିଶା ପକ୍ଷରୁ ଆୟୋଜନ କରାଯାଇଥିବା ପାରମ୍ପରିକ କ୍ରୀଡ଼ା ମହୋତ୍ସବ ଭଳି ପ୍ରୟାସ ବାସ୍ତବରେ ପ୍ରଶଂସନୀୟ।’’

ଭୁବନେଶ୍ବର: ଓଡିଶା ସରକାରଙ୍କ ଅନୁସୂଚିତ ଜନଜାତି ଓ ଅନୁସୂଚିତ ଜାତି ଉନ୍ନୟନ ବିଭାଗ ବିଦ୍ୟାଳୟ କୋଣାର୍କରେ ୨୦୧୯ ମସିହା ଠାରୁ ଧନ୍ଦାମୂଳକ ଶିକ୍ଷା ତୃତୀୟ ଭାଷା ଭାବରେ ଶିକ୍ଷା ପ୍ରଦାନ କରାଯାଉଅଛି। ଧନ୍ଦାମୂଳକ ଶିକ୍ଷା ଦକ୍ଷତା ବିକାଶ କ୍ଷେତ୍ରରେ ପ୍ରଥମ ସୋପାନ ଭାବରେ ବିଦ୍ୟାଳୟମାନଙ୍କରେ ଶିକ୍ଷା ଦାନ କରାଯାଉଛି। ଧନ୍ଦାମୂଳକ ଶିକ୍ଷା ପିଲାମାନଙ୍କୁ ସ୍ୱାବଲମ୍ବୀ, ଆତ୍ମନିର୍ଭରଶୀଳ ଏବଂ ସ୍ୱରୋଜଗାରକ୍ଷମ ପାଇଁ ଏକ ପ୍ରମୁଖ ଭୂମିକା ନେଇଛି। ବିଶ୍ୱ ଦକ୍ଷତା କ୍ଷେତ୍ରରେ ଓଡିଶା ଏକ ପ୍ରମୁଖ ରାଜ୍ୟ ଏବଂ ମାର୍ଚ୍ଚ -୨୦୨୧ ରେ ଓଡିଶାର ରାଜଧାନୀ ଭୁବନେଶ୍ୱର ଠାରେ ୱାର୍ଲ୍ଡ ସ୍କିଲ୍ଡ ସେଣ୍ଟର ପ୍ରତିଷ୍ଠା କରାଯାଇଛି। ଓଡିଶା ସ୍କିଲ୍ କନ୍‌କ୍ଲେଭ୍‌-୨୦୨୩ ପ୍ରଥମଥର ପାଇଁ ଓଡିଶା କଳିଙ୍ଗ ଷ୍ଟାଡିଅମ ଠାରେ ଏପ୍ରିଲ ୨୦ ତାରିଖ ଠାରୁ ୨୨ ତାରିଖ ପର୍ଯ୍ୟନ୍ତ ଅନୁଷ୍ଠିତ ହୋଇଯାଇଛି। ଏଥିରେ ସରକାରୀ ଅନୁସୂଚିତ ଜାତି/ଅନୁସୂଚିତ ଜନଜାତି ବିଦ୍ୟାଳୟ, କୋଣାର୍କର ଧନ୍ଦାମୂଳକ ଶିକ୍ଷାରେ ଅଧ୍ୟୟନ କରୁଥିବା ୧୦ ଜଣ ଛାତ୍ରଛାତ୍ରୀଙ୍କ ସମେତ…