Author: Samikhsya Bureau

ଭୁବନେଶ୍ୱର : ଆସନ୍ତା କାଲି କେନ୍ଦ୍ର ଆଦିବାସୀ କଲ୍ୟାଣମନ୍ତ୍ରୀ ଶ୍ରୀ ଅର୍ଜୁନ ମୁଣ୍ଡା ଓଡିଶା ଗସ୍ତରେ ଆସୁଛନ୍ତି। ଶ୍ରୀ ମୁଣ୍ଡା ଆସନ୍ତା କାଲି ମଧ୍ୟାହ୍ନ ୧୨.୦୫ ରେ ରାଜ୍ୟ କାର୍ଯ୍ୟାଳୟଠାରେ ଅନୁଷ୍ଠିତ ସାମ୍ବାଦିକ ସମ୍ମିଳନୀରେ ଯୋଗ ଦେବେ। ଅପରାହ୍ନ ୪ଟାରେ ଭୁବନେଶ୍ୱରସ୍ଥିତ ହୋଟେଲ ନିୟୁ ମାରିୟନଠାରେ ଆୟୋଜିତ ହେବାକୁ ଥିବା “ବଜେଟ୍ ଆଲୋଚନା ଚକ୍ର” କାର୍ଯ୍ୟକ୍ରମରେ ଯୋଗ ଦେବେ। ଏହି କାର୍ଯ୍ୟକ୍ରମରେ ରାଜ୍ୟର ଅର୍ଥନୀତିଜ୍ଞ, ସାମ୍ବାଦିକ, ସମାଜିକ କର୍ମୀ, ବ୍ୟବସାୟୀ ପ୍ରତିନିଧି ଏବଂ ସମାଜର ପ୍ରବୁଦ୍ଧ ବର୍ଗର ବୁଦ୍ଧିଜୀବୀମାନେ ଉପସ୍ଥିତ ରହିବେ ବୋଲି ରାଜ୍ୟ କାର୍ଯ୍ୟକାରିଣୀ ସଦସ୍ୟ ତଥା ଅବସରପ୍ରାପ୍ତ ପ୍ରଶାସକ ଶ୍ରୀ ସୁଦର୍ଶନ ନାୟକ ସୂଚନା ଦେଇଛନ୍ତି ।

କୋରାପୁଟ:  ଆଜି ଦିନିକିଆ କୋରାପୁଟ ଗସ୍ତରେ ଯାଇଥିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ତାଙ୍କ ସହିତ ଥିଲେ 5ଟି ସଚିବ ଭି କେ ପାଣ୍ଡିଆନ। ସେ ହେଲିକାପ୍ଟରରେ ରାମଗିରିରେ ଓହ୍ଲାଇବା ପରେ କାର ଯୋଗେ ଗୁପ୍ତେଶ୍ବର ପରିଦର୍ଶନ କରିଥିଲେ। ଏଥିସହିତ ସେ ସାବେରୀ ନଦୀ ମଧ୍ୟ ପରିଭ୍ରମଣ କରିଥିଲେ। ଏହି ଗସ୍ତ ସମୟରେ ସେ ଗୁପ୍ତେଶ୍ବରର ବିକାଶ ପ୍ରକଳ୍ପର ସମୀକ୍ଷା କରିଥିଲେ। ଏହି ସମୟରେ ସଚିବଙ୍କ ସହ କୋରାପୁଟ ଜିଲ୍ଲାପାଳ ଅବଦୁଲ ଅହମ୍ମଦ ଅକତର ଉପସ୍ଥିତ ଥିଲେ। ସେହିପରି ବିଡ଼ିଓ ଅଭିମନ୍ୟୁ କବି ଶତପଥୀ, ରାସ୍ତା ଏବଂ ଗୃହ ବିଭାଗ, ପୂର୍ତ୍ତ ବିଭାଗ, ଗ୍ରାମ୍ୟ ଜଳଯୋଗାଣ ବିଭାଗ ତଥା ସ୍ବାସ୍ଥ୍ୟ ବିଭାଗର ଅଧିକାରୀ ଉପସ୍ଥିତ ଥିଲେ। ରାସ୍ତା ଓ ଗୃହ ବିଭାଗ ଦ୍ବାରା ପ୍ରସ୍ତୁତ ବିକାଶ ନକ୍ସାକୁ ପାଣ୍ଡିଆନ ଅନୁଧ୍ୟାନ କରି ଶିଘ୍ର କାମ କରିବା ପାଇଁ ନିର୍ଦ୍ଦେଶ ଦେଇଥିଲେ।

ସୀତାରାମ ଅଗ୍ରୱାଲ ବାଣପୁର: ବାଣପୁର ପଂଚାୟତ ସମିତି ଆନୁକୂଲ୍ୟରେ ଶୁକ୍ରବାର ଦିନ ବ୍ଲକ ପରିସରରେ ଜିଲ୍ଲା ସାମାଜିକ ସୁରକ୍ଷା ଏବଂ ଭିନ୍ନକ୍ଷମ ସଶକ୍ତିକରଣ ବିଭାଗ ଦ୍ଵାରା ଏକ ଭିମଭୋଇ ଭିନ୍ନକ୍ଷମ ସାମର୍ଥ୍ୟ ଶିବିର ଅନୁଷ୍ଠିତ ହୋଇଯାଇଛି। ଜଣାଯାଇଛି ଯେ, ଆଗରୁ ହିତାଧିକାରୀ ମାନେ ପାଇଥିବା ହାତଲେଖା ଭିନ୍ନକ୍ଷମ ସାର୍ଟିଫିକେଟ ସରକାରଙ୍କ ନିର୍ଦ୍ଦେଶ ମୁତାବକ ମାର୍ଚ୍ଚ ୩୧ ତାରିଖ ପରେ ଆଉ ପୁନର୍ବାର କାର୍ଯ୍ୟକ୍ଷମ ହେବନାହିଁ। ପୁଣି ପୂର୍ବରୁ ପାଇଥିବା ସାର୍ଟିଫିକେଟ ଧାରୀ ମାନଙ୍କ ମଧ୍ୟରୁ ବହୁ ହିତାଧିକାରୀ ମାନଙ୍କର ବର୍ତ୍ତମାନ ଭିନ୍ନକ୍ଷମରୁ ସୁସ୍ଥ ହୋଇଯାଇଥିବାରୁ ସେମାନଙ୍କୁ ଚି଼ହ୍ନଟ କରିବା ହେଉଛି ଆଜିର ଶିବିରର ଲକ୍ଷ୍ୟ। ତେଣୁ ଭିନ୍ନକ୍ଷମ ଭତ୍ତା ପାଉଥିବା ହିତାଧିକାରୀମାନେ ପୁନର୍ବାର ରେଜିଷ୍ଟ୍ରେସନ କରି କମ୍ପୁଟର ସାର୍ଟିଫିକେଟ ହାସଲ କରିବା ନିତାନ୍ତ ଆବଶ୍ୟକ ବୋଲି ଗୋଷ୍ଠୀ ସାମାଜିକ ଅଧିକାରିଣୀ ଗିରିବାଳା ନାୟକ କହିଛନ୍ତି।  ହିତାଧିକାରୀ ମାନେ ଉକ୍ତ ଶିବିର ମାଧ୍ୟମରେ ସାର୍ଟିଫିକେଟ ହାସଲ କଲେ ସେମାନେ ସେମାନଙ୍କର ସରକାରୀ ସୁବିଧା…

ନୂଆଦିଲ୍ଳୀ: କୋଇଲା ମନ୍ତ୍ରଣାଳୟ ଅଧୀନରେ ଥିବା ପ୍ରମୁଖ ରାଷ୍ଟ୍ରାୟତ ଉଦ୍ୟୋଗ ମହାନଦୀ କୋଲଫିଲ୍ଡ (ଏମ୍ସିଏଲ୍) କୋଇଲା ଖଣିରେ ବିହଙ୍ଗମ ଡ୍ରୋନ ଟେକ୍ନୋଲୋଜି ଏବଂ ସର୍ବାଧୁନିକ ନିରାପତ୍ତା ଉପକରଣମାନ ମୁତୟନ କରିଛି। ବିହଙ୍ଗମ ଏକ ୱେବଭିତ୍ତିକ ପୋର୍ଟାଲ ଏବଂ ଏହା ସହିତ ଡ୍ରୋନ ତଥା ଗ୍ରାଉଣ୍ଡ କଣ୍ଟ୍ରୋଲ ବ୍ୟବସ୍ଥା ସମ୍ପୃକ୍ତ । ଏହି ପୋର୍ଟାଲ ଅଧିକୃତ ବ୍ୟକ୍ତି ବିଶେଷଙ୍କୁ ଖଣି ଭିତରର ବାସ୍ତବ କାର୍ଯ୍ୟକଳାପର ଚିତ୍ର ଆକ୍ସେସ୍ କରିବାର ସୁଯୋଗ ଦିଏ। ଏକ ଉତ୍ସର୍ଗୀକୃତ ୪୦ଏମ୍ବିପିଏସ୍ ଇଣ୍ଟରନେଟ ଲିଜ୍ ଲାଇନ ମାଧ୍ୟମରେ ଖଣି ନିକଟରେ ଏହି ଆକ୍ସେସ୍ ସୁବିଧା ଉପଲବ୍ଧ ହୋଇପାରିବ। ଡ୍ରୋନ ଉଡାଇବା ପାଇଁ ଏଥିରେ ଏକ ନିୟନ୍ତ୍ରଣ କେନ୍ଦ୍ର ରହିଛି। ଏହି ବ୍ୟବସ୍ଥାକୁ ପୋର୍ଟାଲ ମାଧ୍ୟମରେ ଯେ କୌଣସି ସ୍ଥାନରୁ ପରିଚାଳିତ କରି ହେବ। ଏହି କାର୍ଯ୍ୟ ଏବେ ଏକ ପାଇଲଟ ପ୍ରକଳ୍ପ ଭାବେ ତାଳଚେରର ଭୁବନେଶ୍ୱରୀ ଓ ଲିଙ୍ଗରାଜ ଓପନକାଷ୍ଟ କୋଇଲା ଖଣିରେ କାର୍ଯ୍ୟକାରୀ ହୋଇଛି। ପରିବେଶ ପର୍ଯ୍ୟବେକ୍ଷଣ,…

ବାଲେଶ୍ବର: ଆଜି ବାଲେଶ୍ବର ଏସପି ସାଗରିକା ନାଥ ଜିଲ୍ଲାର ପିଏସଓଙ୍କୁ ଡାକି ଏକ ବୈଠକ କରିଛନ୍ତି। ଏଥିରେ ପିଏସଓମାନେ କଣ କରିବା ଉଚିତ ଏବଂ କଣ ନ କରିବା ଉଚିତ ଉପରେ ପ୍ରଶିକ୍ଷଣ ପ୍ରଦାନ କରିଥିଲେ। ଜିଲ୍ଲାରେ ଥିବା ବିଭିନ୍ନ ଭିଭିଆଇପିଙ୍କ ପାଖରେ ଏହି ପିଏସଓମାନେ କାର୍ଯ୍ୟ କରୁଥିବାରୁ ସେମାନଙ୍କୁ ସଚେତନତା କରାଯାଇଛି। ନିକଟରେ ମନ୍ତ୍ରୀ ନବ ଦାସଙ୍କ ହତ୍ୟା ଘଟଣା ପରେ ଏହି ସଚେତନତାର ଗୁରୁତ୍ବ ବଢିଯାଇଛି। ମନ୍ତ୍ରୀଙ୍କ ପାଖେ ପାଖେ ପିଏସଓ ଥିଲେ ମଧ୍ୟ ନବ ଦାସଙ୍କ ଜୀବନ ବଞ୍ଚାଇ ପାରିଲେ ନାହିଁ। ସେଥିପାଇଁ ସେ କର୍ତ୍ତବ୍ୟରେ ଅବହେଳା ବୋଲି ଧରି ନିଆଯାଇଛି। ଏହି ଘଟଣା ପରେ ନବ ଦାସଙ୍କ ପିଏସଓଙ୍କୁ ଚାକିରୀରୁ ନିଳମ୍ବିତ କରାଯାଇଛି।

ନୂଆଦିଲ୍ଲୀ: ଆସାମରେ ବାଲ୍ୟ ବିବାହ ସଂପର୍କରେ ଗିରଫଦାରୀକୁ ନେଇ ଅଲ ଇଣ୍ଡିଆ ୟୁନାଇଟେଡ୍ ଡେମୋକ୍ରାଟିକ୍ ଫ୍ରଣ୍ଟ (AIUDF) ର ସଭାପତି ମୌଲାନା ବଦ୍ରୁଦ୍ଦିନ ଅଜମଲ ମୁଖ୍ୟମନ୍ତ୍ରୀ ହିମନ୍ତ ବିଶ୍ଵ ସର୍ମାଙ୍କୁ ଟାର୍ଗେଟ କରିଛନ୍ତି। ମୁସଲମାନମାନଙ୍କୁ ହଇରାଣ କରିବା ପାଇଁ ଏସବୁ କରାଯାଉଛି ବୋଲି ସେ କହିଛନ୍ତି। ଗଣମାଧ୍ୟମ ଅନୁଯାୟୀ ଆସାମର ଧୁବ୍ରିର ସାଂସଦ ଅଜମଲ କହିଛନ୍ତି ଯେ, “ଆମର ମୁଖ୍ୟମନ୍ତ୍ରୀ ହିମନ୍ତା ବିଶ୍ୱ ସରମା ସାହେବ ବେଳେବେଳେ ହଠାତ୍ ସ୍ୱପ୍ନ ଦେଖନ୍ତି ଯେ, ବହୁତ ଦିନ ହେଲାଣି ମୁଁ ମୁସଲମାନମାନଙ୍କୁ ହଇରାଣ କରିନାହିଁ। ସେ ନିଦରୁ ଉଠନ୍ତି। ଏହା ପରେ ମୁସଲମାନମାନଙ୍କୁ ହଇରାଣ କରିବା ଭଳି ଯୋଜନା ଆରମ୍ଭ କରିଦିଅନ୍ତି। ବାଲ୍ୟ ବିବାହ ବିରୋଧରେ ଏକ ବିଶାଳ ଅଭିଯାନର ଅଂଶ ଭାବରେ ଆସାମ ପୋଲିସ ଆଜି ପର୍ଯ୍ୟନ୍ତ ୧୮୦୦ ଲୋକଙ୍କୁ ଗିରଫ କରିଛି। ଏପର୍ଯ୍ୟନ୍ତ ସର୍ବାଧିକ ୩୭୦ ଟି ମାମଲା ରୁଜୁ ହୋଇଥିବା ବେଳେ ଧୁବ୍ରିରୁ ସର୍ବାଧିକ ୧୩୬ ଜଣଙ୍କୁ ଗିରଫ…

ଭୁବନେଶ୍ବର: ଶେଷରେ ନବ ଦାସ ହତ୍ୟା ଘଟଣାରେ ମୁହଁ ଖୋଲିଛନ୍ତି ପୋଲିସ ଡିଜି ସୁନଲ ବଂଶଲ। ଆଜି ଏକ ସାମ୍ବାଦିକ ସମ୍ମିଳନୀ କରି ସେ ଏହି ଘଟଣାର ତଦନ୍ତ ସଂପର୍କରେ ଆବଗତ କରାଇଛନ୍ତି। ଏହି ହତ୍ୟାକାଣ୍ଡ ଘଟିବା ଦିନଠାରୁ ଡିଜି କୌଣସି ପ୍ରତିକ୍ରିୟା ଦେଇ ନ ଥିଲେ। ଏପରିକି ଘଟଣା ସ୍ଥଳକୁ ମଧ୍ୟ ଗସ୍ତ କରି ନ ଥିଲେ। ଫଳରେ ବିଭିନ୍ନ ମହଲରେ ତାଙ୍କର କାର୍ଯ୍ୟକଳାପ ନେଇ ସମାଲୋଚନା କରାଯାଇଥିଲା। ତେବେ ଆଜି ସେ ସାମ୍ବାଦିକ ସମ୍ମିଳନୀ କରି କହିଛନ୍ତି ଯେ, ନବଦାସ ମୃତ୍ୟୁ ଘଟଣାରେ ତଦନ୍ତ ଚାଲିଛି। ଏଥିରେ ପୋଲିସକୁ ବହୁତ କିଛି ତଥ୍ୟ ହାସଲ ହୋଇଛି। ହେଲେ ଆହୁରି କିଛି ତଥ୍ୟ ବାକି ରହିଛି। ଯାହାକୁ କ୍ରାଇମ ବ୍ରାଞ୍ଚ ଟିମ ତଦନ୍ତ କରୁଛନ୍ତି। ଏହି ଘଟଣା ସମସ୍ତଙ୍କୁ ସ୍ତବ୍ଧ କରିଦେଇଛି ବୋଲି ଡିଜି କହିଛନ୍ତି। ସେ କହିଛନ୍ତି ଯେ, ଏହି ଘଟଣାର ତଦନ୍ତ ନେତୃତ୍ବ ନେଇଛନ୍ତି ଅରୁଣ ବୋଥ୍ରା।…

ଦୁଷ୍ମନ୍ତ କୁମାର ପଣ୍ଡା କଳାହାଣ୍ଡି: କଳାହାଣ୍ଡି ଜିଲ୍ଲା ଜୁନାଗଡ ଜଳସମ୍ପଦ ବିଭାଗ ପରିସରରେ ଠାରେ ଉପର ଇନ୍ଦ୍ରାବତୀ ଦକ୍ଷିଣ କେନାଲ ବିଭାଜନ ସ୍ତରୀୟ ସମାରୋହ ଆୟୋଜିତ୍ ହୋଇଯାଇଛି। ଏହି ପାଣି ପଂଚାୟତ ପାଳନ ପକ୍ଷ ଅବସରରେ ଇନ୍ଦ୍ରାବତୀ ଦକ୍ଷିଣ କେନାଲ ଉପଖଣ୍ଡ ନମ୍ବର ୨, ଭବାନୀପାଟଣା ବ୍ଲକ ଓ କେସିଙ୍ଗା ବ୍ଲକ ୩୬ ଗୋଟି ପାଣି ପଞ୍ଚାୟତ ସଦସ୍ୟ ଉପସ୍ଥିତ ଥିଲେ। ଏହି ସମାରୋହରେ ମୁଖ୍ୟ ଅତିଥି ଭାବେ ଜୁନାଗଡ ବ୍ଲକ ଅଧ୍ୟକ୍ଷା ସବିତା ମେହେର ମୂଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବେ ଆକାଂକ୍ଷା ଖର୍ସେଲ (AEE), ଅଶୋାକ କୁମାର ସାହୁ, ମୁଖ୍ୟ ବକ୍ତା ଭାବେ କୃଷି ଜ଼ିଲ୍ଲା ଅଧିକାରୀ ନାରାୟଣ ଉପାଧ୍ୟାୟ, ନିତ୍ୟାନନ୍ଦ ପ୍ରଧାନ (AE), ହିମାନଚଳ ବେହେରା (AE) ପ୍ରମୁଖ ଯୋଗଦାନ କରିଥିଲେ। ସଭାରେ ନୃସିଂହ ପ୍ରସାଦ ମହାନ୍ତି (AE) ସଭାପତିତ୍ଵ କରିଥଲେ। ଆଗାମୀ ଦିନ ରେ ୧୫୨୬୦ ହେକ୍ଟର ଜମିକୁ ପାଣି…

ଭୁବନେଶ୍ବର: ନବୀନ ପଟ୍ଟନାୟକ ଜିନ୍ଦାବାଦ……, ନବୀନ ପଟ୍ଟନାୟକ ସ୍ବାଗତଂ…………, କୋରାପଟକୁ ସ୍ବାଗତଂ……..। ଏହିପରି ନାରା ଦେଲେ କଂଗ୍ରେସ ବିଧାୟକ ତାରାପ୍ରସାଦ ବାହିନୀ ପତି। ଯଦି ବିଜେଡି ନେତା ବା ବିଧାୟକଙ୍କ ମୁହଁରେ ଏହା ହୋଇଥାଆନ୍ତା ତେବେ ତାହା କୌଣସି ବଡ କଥା ନୁହେଁ। ହେଲେ ବିରୋଧୀ ଦଳର ବିଧାୟକ ତାରାଙ୍କ ମୁହଁରେ ନବୀନ ଜିନ୍ଦାବାଦକୁ କେହି ସହଜରେ ଗ୍ରହଣ କରିପାରୁ ନାହାଁନ୍ତି। ଆଜି କୋରାପୁଟ ଜୟପୁରସ୍ଥିତ ବିକ୍ରମ ଦେବ କଲେଜର ପ୍ଲାଟିନିୟମ ଜୁବୁଲି ଉତ୍ସବ ଥିଲା। ଏହି ଉତ୍ସବରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଯୋଗ ଦେଇଥିଲେ। ତାରା ସ୍ଥାନୀୟ ବିଧାୟକ ତଥା କଲେଜ କମିଟ ସଭାପତି ଭାବେ ସେହି ସଭାର ଆୟୋଜକ ଭାବେ ମଞ୍ଚରେ ବସିଥିଲେ। ହେଲେ ସେ ଯେତେବେଳେ ଭାଷଣ ଦେଲେ ସେତେବେଳେ ‘ନବୀନ ପଟ୍ଟନାୟକ ଜିନ୍ଦାବାଦ’ ବଡ ପାଟିରେ କହିବା ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଥିଲା। କେବଳ ସେତିକି ନୁହେଁ, ତାରାଙ୍କର ବିଜେଡି ପ୍ରତି ଆହୁରି ବହୁ ଭକ୍ତି ଭାବ…

ନୂଆଦିଲ୍ଲୀ: ଆଜି କଂଗ୍ରେସ ପଟିଆଲା ସାଂସଦ ପରିଣୀତ କୌରଙ୍କୁ ଦଳରୁ ନିଲମ୍ବିତ କରିଛି। ପଞ୍ଜାବର ପୂର୍ବତନ ମୁଖ୍ୟମନ୍ତ୍ରୀ କ୍ୟାପଟେନ ଅମରିନ୍ଦର ସିଂଙ୍କ ପତ୍ନୀ ପରିଣୀତ କୌର ବିଜେପିକୁ ସାହାଯ୍ୟ କରିଥିବା ଅଭିଯୋଗ ହୋଇଛି। କଂଗ୍ରେସର ଅନୁଶାସନ କମିଟି କୌରଙ୍କୁ ଏକ କାରଣ ଦର୍ଶାଅ ନୋଟିସ ଜାରି କରି ତାଙ୍କୁ ତିନି ଦିନ ମଧ୍ୟରେ ଉତ୍ତର ଦେବାକୁ କହିଛି। କଂଗ୍ରେସ ଦ୍ଵାରା ଜାରି ଏକ ବିବୃତ୍ତିରେ କୁହାଯାଇଛି ଯେ, ପଞ୍ଜାବ କଂଗ୍ରେସ ସଭାପତି ଅମରିନ୍ଦର ସିଂ ରାଜା ୱାରିଙ୍ଗଙ୍କ ନିକଟରୁ ଦଳର ରାଷ୍ଟ୍ରୀୟ ସଭାପତିଙ୍କ ନିକଟକୁ ଅଭିଯୋଗ ଆସିଛି ଯେ, ପଟିଆଲା ସାଂସଦ ପରିନିତି କୌର ଦଳ ବିରୋଧୀ କାର୍ଯ୍ୟକଳାପରେ ଜଡିତ ଅଛନ୍ତି ଏବଂ ବିଜେପିକୁ ସାହାଯ୍ୟ କରୁଛନ୍ତି। ପଞ୍ଜାବ କଂଗ୍ରେସର ଅନ୍ୟ କେତେକ ନେତାଙ୍କ ମଧ୍ୟ ସମାନ ମତ ରହିଛି। ଆବଶ୍ୟକ କାର୍ଯ୍ୟାନୁଷ୍ଠାନ ପାଇଁ କଂଗ୍ରେସର ଅନୁଶାସନ କମିଟି ନିକଟକୁ ଅଭିଯୋଗ ପଠାଯାଇଛି। କଂଗ୍ରେସର ଅନୁଶାସନ କମିଟି ଅଭିଯୋଗକୁ ବିଚାର କରି…

ଭୁବନେଶ୍ବର: ୨୦୨୨-୨୩ ଆର୍ଥିକ ବର୍ଷ ପାଇଁ ଅର୍ଥ ମନ୍ତ୍ରୀ ନିର୍ମଳା ସିତାରମଣ ସାଧାରଣ ବଜେଟ ଫେବୃୟାରୀ ୧ ତାରିଖରେ ଉପସ୍ଥାପନ କରିଛନ୍ତି। ଏହି ବଜେଟରେ ୨.୪ ଲକ୍ଷ କୋଟି ଟଙ୍କାର ରେଳ ବଜେଟ ଆବଣ୍ଟନ କରାଯାଇଛି। ତେବେ ଓଡିଶା ପାଇଁ ମୋଟ ୧୦ ହଜାର ୧୨ କୋଟି ଟଙ୍କା ରେଳବାଇ ପାଇଁ ଆବଣ୍ଟନ କରାଯାଇଛି। ଚଳିତ ବର୍ଷ ରାଜ୍ୟରେ ୫୭ଟି ଷ୍ଟେସନର ନବୀକରଣ ଲାଗି ବ୍ୟୟ ବରାଦ କରାଯାଇଛି। ସେଥିମଧ୍ୟରୁ ପୂର୍ବରୁ ୩୪ଟି ଷ୍ଟେସନ ର ନବୀକରଣ ପ୍ରସ୍ତାବ ମଞ୍ଜୁର ହେଇଥିଲା। ଏହାମଧ୍ୟରେ ପୁରୀ, ଭୁବନେଶ୍ଵର, କଟକ, ଅନୁଗୁଳ, ସମ୍ବଲପୁର, ଝାରସୁଗୁଡ଼ା, ଭଦ୍ରକ, କେନ୍ଦୁଝରଗଡ଼ ଆଦି ଷ୍ଟେସନ ରହିଛି।

ନୂଆଦିଲ୍ଲୀ: ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ଆଜି ସାରଦା ମନି ଲଣ୍ଡରିଂ ମାମଲାରେ ନଲିନୀ ଚିଦାମ୍ବରମ୍, ପୂର୍ବତନ ସିପିଆଇ (ଏମ୍) ବିଧାୟକ ଦେବେନ୍ଦ୍ରନାଥ ବିଶ୍ଵାସ ଏବଂ ଅନ୍ୟମାନଙ୍କ ସମ୍ପତ୍ତି ସଂଲଗ୍ନ କରିଛି। କଂଗ୍ରେସର ବରିଷ୍ଠ ନେତା ତଥା ପୂର୍ବତନ ଅର୍ଥମନ୍ତ୍ରୀ ପି ଚିଦାମ୍ବରମଙ୍କ ପତ୍ନୀ ହେଉଛନ୍ତି ନଲିନୀ ଚିଦାମ୍ବରମ୍। ଇଡି କହିଛି ଯେ, ପୂର୍ବତନ ଅର୍ଥମନ୍ତ୍ରୀ ତଥା କଂଗ୍ରେସ ନେତା ପି ଚିଦାମ୍ବରମଙ୍କ ପତ୍ନୀ ନଲିନୀ ଚିଦାମ୍ବରମ୍, ପୂର୍ବତନ ସିପିଏମ୍ ବିଧାୟକ ଦେବେନ୍ଦ୍ରନାଥ ବିଶ୍ଵାସ ଏବଂ ଆସାମର ପୂର୍ବତନ ମନ୍ତ୍ରୀ ସ୍ୱର୍ଗତ ଅଞ୍ଜନ ଦତ୍ତାଙ୍କ କମ୍ପାନୀ ସାରଦା ଅର୍ଥ ହେରଫେରରୁ ୬ କୋଟିରୁ ଅଧିକ ଟଙ୍କା ଜବତ କରିଛି। ଏଜେନ୍ସି ଏକ ବିବୃତ୍ତିରେ କହିଛି ଯେ, ମନି ଲଣ୍ଡରିଂ ଆକ୍ଟ (PMLA) ଅନୁଯାୟୀ ୩.୩୦ କୋଟି ଟଙ୍କା ମୂଲ୍ୟର ଚଳନ ସମ୍ପତ୍ତି ଏବଂ ୩ କୋଟି ଟଙ୍କା ମୂଲ୍ୟର ଅସ୍ଥାବର ସମ୍ପତ୍ତି ସଂଲଗ୍ନ କରିବା ପାଇଁ ଏକ ଅସ୍ଥାୟୀ ନିର୍ଦ୍ଦେଶ ଜାରି କରାଯାଇଛି।…

ସ୍ୱାସ୍ଥ୍ୟ ଟିପ୍ସ: ତୁଳସୀ ଉଦ୍ଭିଦ ପ୍ରତ୍ୟେକ ଘରେ ମିଳିଥାଏ, ଏହାକୁ ମଧ୍ୟ ପୂଜା କରାଯାଏ। ଥଣ୍ଡା ଏବଂ ଜ୍ୱରରୁ ମୁକ୍ତି ପାଇବା ପାଇଁ ଏହାର ପତ୍ର ମଧ୍ୟ ଔଷଧ ରୂପେ ବ୍ୟବହାର କରାଯାଏ। ଏହା ବ୍ୟତୀତ ଲୋକମାନେ ଏହାର ପତ୍ର ଖାଇବାକୁ ପସନ୍ଦ କରନ୍ତି। କାରଣ ଏହାର ଆଣ୍ଟିବ୍ୟାକ୍ଟେରିଆଲ୍ ଗୁଣ ପ୍ରତିରକ୍ଷା ପ୍ରଣାଳୀକୁ ମଜବୁତ କରିଥାଏ। କିନ୍ତୁ ଏହା ସ୍ୱାସ୍ଥ୍ୟ ସମ୍ବନ୍ଧୀୟ କେତେକ ସମସ୍ୟାରେ ଖାଇବା ଉଚିତ୍ ନୁହେଁ। ଆସନ୍ତୁ ଜାଣିବା…. ତୁଳସୀ ପତ୍ର କେଉଁମାନେ ଉଚିତ୍ ନୁହେଁ?: – ଯେଉଁମାନଙ୍କର ରକ୍ତ ପତଳା, ସେମାନେ ଏହାକୁ ଖାଇବା ଠାରୁ ଦୂରେଇ ରହିବା ଉଚିତ୍, କାରଣ ଏହା ରକ୍ତକୁ ପତଳା କରିବା ପାଇଁ କାମ କରେ। – ପୁରୁଷମାନେ ଏହାକୁ ଅତ୍ୟଧିକ ଖାଇବା ଉଚିତ୍ ନୁହେଁ, କାରଣ ଏଥିରେ ଥିବା ଆଣ୍ଟି-ଫର୍ଟିଲିଟି ଗୁଣ ପୁରୁଷମାନଙ୍କ ପାଇଁ କ୍ଷତିକାରକ ହୋଇପାରେ। ତୁଳସୀ ପତ୍ରର ଅତ୍ୟଧିକ ବ୍ୟବହାର ଶୁକ୍ରାଣୁ ସଂଖ୍ୟା ହ୍ରାସ କରିବାକୁ କାମ କରେ,…

ଜୟପୁର: ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କୋରାପୁଟ ଗସ୍ତରେ ଯାଇ ଜୟପୁରର ବିକ୍ରମଦେବ କଲେଜର ପ୍ଲାଟିନିୟମ ଜୁବୁଲି ସମାରୋହରେ ଯୋଗ ଦେଇଥିଲେ। ଏଥିରେ କୋରାପୁଟ ଜିଲ୍ଲାର ସମସ୍ତ ବିଧାୟକଙ୍କ ସହିତ କଂଗ୍ରେସ ବିଧାୟକ ତାରା ବାହିନୀପତି ମଧ୍ୟ ଯୋଗ ଦେଇଥିଲେ। ଏହି ସଭାରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ସମସ୍ତ ଅତିଥି ଏବଂ ଛାତ୍ରଛାତ୍ରୀ ଜୟ ଜୟକାର କରିଥିଲେ। କାରଣ ଥିଲା ଗତକାଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବିକ୍ରମ ଦେବ କଲେଜକୁ ବିଶ୍ବବିଦ୍ୟାଳୟ ମାନ୍ୟତା ପ୍ରଦାନ କରିସାରିଥିଲେ। ଫଳରେ ଏହି ଉତ୍ସବ ବେଶ ଉତ୍ସବ ମୁଖର ହୋଇ ଉଠିଥିଲା। ନବୀନଙ୍କ ଏପରି ପଦକ୍ଷେପକୁ କଂଗ୍ରେସ ବିଧାୟକ ତାରା ପ୍ରସାଦ ବାହିନୀପତି ପ୍ରଶଂସା ନ କରି ରହିପାରିଲେ ନାହିଁ। ସେ ନବୀନ ପଟ୍ଟନାୟକ, 5ଟି ସଚିବ ଭି କେ ପାଣ୍ଡିଆନ, କୋରାପୁଟର ସମସ୍ତ ବିଧାୟକ, ବିଜେଡି ସାଂଗଠନିକ ସଂପାଦକ ପ୍ରଣବ ପ୍ରକାଶ ଦାସଙ୍କୁ ସେ ପ୍ରଶଂସାରେ ପୋତି ପକାଇଲେ। ଏପରିକି ସଭା ସ୍ଥଳରେ ସେ…

ଭୁବନେଶ୍ବର: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଜି ଜୟପୁରର ବିକ୍ରମଦେବ ସ୍ବୟଂଶାସିତ କଲେଜର ପ୍ଲାଟିନମ ଜୁବୁଲି ଉତ୍ସବରେ ଯୋଗ ଦେଇଛନ୍ତି। ସୂଚନାଯୋଗ୍ୟ ଯେ ଗତକାଲି ମୁଖ୍ୟମନ୍ତ୍ରୀ ବିକ୍ରମଦେବ କଲେଜକୁ ବିଶ୍ବବିଦ୍ୟାଳୟ ମାନ୍ୟତା ପ୍ରଦାନ କରାଗଲା ବୋଲି ଘୋଷଣା କରିଥିଲେ। ଆଜି ମୁଖ୍ୟମନ୍ତ୍ରୀ ତାଙ୍କ ଉଦ୍‌ବୋଧନରେ ଛାତ୍ରଛାତ୍ରୀମାନଙ୍କୁ ଏ ଘୋଷଣା ସଂପର୍କରେ ଉଲ୍ଲେଖକରି କହିଥିଲେ ‘ଆପଣମାନେ ଖୁସି ତ?’ ଛାତ୍ରଛାତ୍ରୀମାନେ ମୁଖ୍ୟମନ୍ତ୍ରୀଙ୍କ ଏହି ଘୋଷଣାକୁ ବିପୁଳ ଉତ୍ସାହ, ଆନନ୍ଦ, ଉଲ୍ଲାସ ଓ କରତାଳି ମଧ୍ୟରେ ସ୍ବାଗତ କରିଥିଲେ। ଏହି ଘୋଷଣା ପାଇଁ ଛାତ୍ରଛାତ୍ରୀ ମାନଙ୍କ ମଧ୍ୟରେ ଖୁସିର ଲହରୀ ଖେଳିଯାଇଛି। ଏହି ଅବସରରେ ମୁଖ୍ୟମନ୍ତ୍ରୀ ବିକ୍ରମଦେବ ବିଶ୍ବବିଦ୍ୟାଳୟରେ ଏକ ଅତ୍ୟାଧୁନିକ ଅଡିଟୋରିଅମ ନିର୍ମାଣ କରାଯିବ ବୋଲି ଘୋଷଣା କରିଥିଲେ। ଏ ସଂପର୍କରେ ଅଧିକ ସୂଚନା ଦେଇ ମୁଖ୍ୟମନ୍ତ୍ରୀଙ୍କ ସଚିବ (୫-ଟି) ଭି.କେ. ପାଣ୍ଡିଆନ କହିଥିଲେ ଯେ ଏହି ଅଡିଟୋରିଅମ ୧୦୦୦ ଆସନ ବିଶିଷ୍ଟ ହେବ ଏବଂ ଏଥିପାଇଁ ୮ କୋଟି ଟଙ୍କା ବିନିଯୋଗ କରାଯିବ।…

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଲୋକପ୍ରିୟତା ଦିନକୁ ଦିନ ବୃଦ୍ଧି ପାଇବାରେ ଲାଗିଛି। କେବଳ ଭାରତରେ ନୁହେଁ ପ୍ରଧାନମନ୍ତ୍ରୀ ମୋଦୀଙ୍କ ଜଲୱା ବିଦେଶରେ ମଧ୍ୟ ଦେଖାଯାଉଛି। ‘ମର୍ନିଂ କନ୍ସଲ୍ଟ’ର ସର୍ଭେରେ ଏହା ଦୃଶ୍ୟମାନ ହେଉଛି। ସର୍ଭେ ଅନୁଯାୟୀ ପ୍ରଧାନମନ୍ତ୍ରୀ ମୋଦୀ ଲୋକପ୍ରିୟତା ଦୃଷ୍ଟିରୁ ୨୨ ଟି ଦେଶର ପୁରୁଖା ନେତାଙ୍କୁ ପଛରେ ପକାଇ ଦେଇଛନ୍ତି। ସଦ୍ୟତମ ସର୍ବେକ୍ଷଣରେ ପ୍ରଧାନମନ୍ତ୍ରୀ ମୋଦୀଙ୍କୁ ୭୮ ପ୍ରତିଶତ ଅନୁମୋଦନ ମିଳିଛି। ପ୍ରକାଶ ଯେ, ‘ମର୍ନିଂ କନ୍ସଲ୍ଟ’ର ଏହି ମୂଲ୍ୟାୟନ ଜାନୁୟାରୀ ୨୬ ତାରିଖରୁ ଜାନୁୟାରୀ ୩୧ ତାରିଖ ମଧ୍ୟରେ କରାଯାଇଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ପରେ ମେକ୍ସିକୋର ରାଷ୍ଟ୍ରପତି ଲୋପେଜ ଓବ୍ରାଡୋର ଏହି ତାଲିକାରେ ଦ୍ୱିତୀୟ ସ୍ଥାନରେ ଅଛନ୍ତି। ତାଙ୍କର ଅନୁମୋଦନ ମୂଲ୍ୟାୟନ ୬୮ ପ୍ରତିଶତ ଅଟେ। ଏହା ପରେ ଅଷ୍ଟ୍ରେଲିଆର ପ୍ରଧାନମନ୍ତ୍ରୀ ଅଲବାନିଜ ତୃତୀୟ ସ୍ଥାନରେ ଅଛନ୍ତି, ଯାହାଙ୍କର ମୂଲ୍ୟାୟନ ୫୮% ଅଟେ। ଇଟାଲୀର ପ୍ରଧାନମନ୍ତ୍ରୀ ଜିୟୋର୍ଜିଆ ମେଲୋନି ଚତୁର୍ଥ ସ୍ଥାନରେ ଅଛନ୍ତି। ମେଲୋନିଙ୍କର…

ନୂଆଦିଲ୍ଲୀ: ଅଧିକ ମୂଲ୍ୟରେ ଅଟା କିଣୁଥିବା ଗ୍ରାହକଙ୍କୁ ସରକାର ଏକ ବଡ଼ ଆଶ୍ଵସ୍ତି ଦେଇଛନ୍ତି। ସରକାର ଖୁବ୍ ଶୀଘ୍ର ଶସ୍ତା ଅଟା ଯୋଗାଣ ଆରମ୍ଭ କରିବାକୁ ଯାଉଛନ୍ତି। ଖୋଲା ବଜାର ବିକ୍ରୟ ଯୋଜନା ଅନ୍ତର୍ଗତ କିଲୋଗ୍ରାମ ପିଛା ୨୯.୫୦ ଟଙ୍କାରେ ଗ୍ରାହକମାନେ ଅଟା କିଣି ପାରିବେ। ସରକାର ଏହାକୁ ‘ଭାରତ ଅଟା’ ନାମରେ ବିକ୍ରି କରିବେ। ଏହାର ବିକ୍ରି ୬ଫେବୃଆରୀରୁ ଆରମ୍ଭ ହେବ। ଉପଭୋକ୍ତା ବ୍ୟାପାର ମନ୍ତ୍ରଣାଳୟର ଏକ ବିବୃତ୍ତିରେ କୁହାଯାଇଛି ଯେ, ସରକାରୀ ଆଉଟଲେଟରୁ କିଲୋଗ୍ରାମ ପିଛା ୨୯.୫୦ ଟଙ୍କା କ୍ରୟ କରାଯାଇପାରିବ। ବିବୃତ୍ତିରେ ସୂଚନା ଦିଆଯାଇଛି ଯେ, ଜାତୀୟ କୃଷି ସମବାୟ ମାର୍କେଟିଂ ଫେଡେରେସନ୍ ଅଫ୍ ଇଣ୍ଡିଆ (ନାଫେଡ୍) ଏବଂ ନ୍ୟାସନାଲ ଫାଉଣ୍ଡେସନ୍ ଫର କ୍ରେଡିଟ୍ କାଉନସେଲିଂ (NFCC) ଏହାକୁ ଫେବୃଆରୀ ୬ ତାରିଖରୁ ବିକ୍ରି ଆରମ୍ଭ କରିବ। ବର୍ତ୍ତମାନ ଦେଶରେ କେଉଁ ମୂଲ୍ୟରେ ମଇଦା ବିକ୍ରି ହେଉଛି?: ବର୍ତ୍ତମାନ ଦେଶରେ ଅଟା ମୂଲ୍ୟ କିଲୋଗ୍ରାମ ପିଛା ୩୮…

ନୂଆଦିଲ୍ଲୀ: ବିରୋଧୀଙ୍କ ହଙ୍ଗମା ଯୋଗୁଁ ଲୋକସଭା ଓ ରାଜ୍ୟସଭା ପ୍ରକ୍ରିୟା ମୁଲତବୀ କରାଯାଇଛି। ଲୋକସଭାର ପ୍ରକ୍ରିୟା ଅପରାହ୍ନ ୨ ଟା ପର୍ଯ୍ୟନ୍ତ ମୁଲତବୀ ରଖାଯାଇଛି ଏବଂ ରାଜ୍ୟସଭାର ପ୍ରକ୍ରିୟା ଅପରାହ୍ନ ୨.୩୦ ପାଇଁ ମୁଲତବୀ ରଖାଯାଇଛି। ସଂସଦର ଉଭୟ ଗୃହରେ ହଙ୍ଗମା ହେବାର ସମ୍ଭାବନା ପୂର୍ବରୁ ଆଶଙ୍କା କରଯାଉଥିଲା, ଯାହା ଗୃହରେ ଦେଖିବାକୁ ମିଳିଥିଲା। ଆଜି ବି ସରକାରଙ୍କୁ ଘେରିବା ପାଇଁ ବିରୋଧୀ ଦଳର ନେତାଙ୍କ ଏକ ବୈଠକ ଡକାଯାଇଥିଲା। ଏହି ସଭାକୁ ରାଜ୍ୟସଭାରେ ବିରୋଧୀ ଦଳର ନେତା ତଥା କଂଗ୍ରେସ ସଭାପତି ମଲ୍ଲିକାର୍ଜୁନ ଖଡଗେ ଡାକିଥିଲେ। ଏହାପୂର୍ବରୁ ଗୁରୁବାର ଦିନ ସଂସଦରେ ଅନେକ ହଙ୍ଗମା ଦେଖାଦେଇଥିଲା ଏବଂ ଗୃହ କାର୍ଯ୍ୟକୁ ମୁଲତବୀ ରଖିବାକୁ ପଡିଥିଲା। ଆଦାନୀ ଗୋଷ୍ଠୀ ସହ ଜଡିତ ହିନ୍ଦେନବର୍ଗ ରିପୋର୍ଟ ଏବଂ କମ୍ପାନୀର ସେୟାରରେ ହ୍ରାସ ହେତୁ ବିରୋଧୀ ଦଳ ହଙ୍ଗମା ସୃଷ୍ଟି କରିଥିଲେ। ଏହା ସହିତ ବିରୋଧୀ ମଧ୍ୟ ସୀମାରେ ଚାଇନାର ଅନୁପ୍ରବେଶ ପ୍ରସଙ୍ଗ ଉଠାଇଥିଲେ।…

ନୂଆଦିଲ୍ଲୀ: ଉତ୍ତରପ୍ରଦେଶ ଏବଂ ମହାରାଷ୍ଟ୍ରରେ ବିଧାନ ପରିଷଦ ଶିକ୍ଷକ ଏବଂ ସ୍ନାତକ ନିର୍ବାଚନ ଅନୁଷ୍ଠିତ ହୋଇଥିଲା। ଜାନୁଆରୀ ୩୦ ତାରିଖରେ ଉତ୍ତରପ୍ରଦେଶର ପାଞ୍ଚଟି ଆସନରେ ନିର୍ବାଚନ ଅନୁଷ୍ଠିତ ହୋଇଥିଲା, ଏହି ନିର୍ବାଚନ ପାଇଁ ଭୋଟ୍ ଗଣନା ଗୁରୁବାର ଦିନ ହୋଇଥିଲା। ଉତ୍ତରପ୍ରଦେଶରେ ପାଞ୍ଚଟି ସିଟ୍ ମଧ୍ୟରୁ ଚାରିଟିରେ ଫଳାଫଳ ଆସିଥିବାବେଳେ ମହାରାଷ୍ଟ୍ରରେ ବିରୋଧୀ ଦଳର ଏମଭିଏ ଦୁଇଟି ଏବଂ ସ୍ଵାଧୀନ ପ୍ରାର୍ଥୀ ଗୋଟିଏ ସିଟ୍ ଜିତିଛନ୍ତି। ମହାରାଷ୍ଟ୍ରରେ ବିଜେପି କେବଳ ଗୋଟିଏ ଆସନରେ ସନ୍ତୁଷ୍ଟ ହେବାକୁ ପଡିଛି, ତଥାପି ଖବର ଲେଖିବା ପର୍ଯ୍ୟନ୍ତ ବିଜେପି ୟୁପିରେ ଚାରିଟି ଆସନ ଜିତିଛି, ସ୍ୱାଧୀନ ପ୍ରାର୍ଥୀ ରାଜ ବାହାଦୂର ସିଂ ଚାନ୍ଦେଲ ଷଷ୍ଠ ଥର ପାଇଁ କାନପୁର ଶିକ୍ଷକ ନିର୍ବାଚନମଣ୍ଡଳୀରେ ଜିତିଛନ୍ତି। ଏହି ଆସନରେ ବିଜେପି ଏବଂ ଏସପି ମଧ୍ୟରେ ସିଧାସଳଖ ଲଢେଇ ଦେଖିବାକୁ ମିଳୁଛି। ବରେଲି-ମୁରାଦାବାଦ ବ୍ଲକ ସ୍ନାତକ ଉପରେ ବିଜେପି ଏକ ହ୍ୟାଟ୍ରିକ୍ ସ୍କୋର କରିଛି। ଏହି ଏମଏଲସି ଆସନରେ ବିଜେପିର…

ଏୟାର ଇଣ୍ଡିଆରେ ନିଆଁ: ଏୟାର ଇଣ୍ଡିଆର ଅବୁଧାବି କାଲିକଟ୍‌ ବିମାନରେ ଅଗ୍ନିକାଣ୍ଡ। ଏଥିଯୋଗୁଁ ବିମାନ ଜରୁରୀ ଅବତରଣ କରିଥିବା ସୂଚନା ମିଳିଛି। ଏଥିରେ ସମସ୍ତ ଯାତ୍ରୀ ସୁରକ୍ଷିତ ଥିବା ଏୟାର ଇଣ୍ଡିଆ ପକ୍ଷରୁ ସୂଚନା ଦିଆଯାଇଛି। ଆବୁଧାବି କାଲିକଟ ଫ୍ଲାଇଟ୍‌ ନଂ ଏକ୍ସ ୩୪୮ର ଇଂଜିନରେ ନିଆଁ ଲାଗିଯାଇଥିଲା। ଏହାପରେ ବିମାନ ଆବୁଧାବି ବିମାନବନ୍ଦରରେ ଜରୁରୀକାଳୀନ ଅବତରଣ କରିଥିଲା । ଏହାପରେ ସମସ୍ତଯାତ୍ରୀଙ୍କୁ ସୁରକ୍ଷିତ ଭାବେ ବାହାରକୁ କଢାଯାଇଥିଲା। ବିମାନ ଅବତରଣ କରିବା ସମୟରେ ବିମାନ ବନ୍ଦରରେ ଅଗ୍ନିଶମ କର୍ମଚାରୀ ପ୍ରସ୍ତୁତ ଥିବାରୁ ନିଆଁକୁ ଆୟତ କରାଯାଇ ପାରିଛି।

ନୂଆଦିଲ୍ଲୀ: ଗୁଜୁରାଟର କମ୍ପାନୀ ଅମୁଲ ପୁଣି ଥରେ କ୍ଷୀରର ମୂଲ୍ୟ ବୃଦ୍ଧି କରିଛି। କ୍ଷୀରର ମୂଲ୍ୟ ଲିଟର ପିଛା ୩ ଟଙ୍କା ବୃଦ୍ଧି କରାଯାଇଛି। ଏହା ତୁରନ୍ତ ପ୍ରଭାବ ସହିତ କାର୍ଯ୍ୟକାରୀ ହେବ। ଏହି ବୃଦ୍ଧି ପରେ ଅମୁଲ ଗୋଲ୍ଡ ମୂଲ୍ୟର ଲିଟର ପିଛା ୬୬ ଟଙ୍କା, ଅମୁଲ ତାଜା ପିଛା ୫୪ ଟଙ୍କା, ଅମୁଲ ଗାଈ କ୍ଷୀର ଲିଟର ପିଛା ୫୬ ଟଙ୍କା ଏବଂ ଅମୁଲ ମଇଁଷି କ୍ଷୀରର ମୂଲ୍ୟ ଲିଟର ପିଛା ୭୦ ଟଙ୍କା ହେବ। ପ୍ରକାଶ ଯେ, ଅମୁଲ ଗତ ବର୍ଷ ଅକ୍ଟୋବରରେ କ୍ଷୀରର ମୂଲ୍ୟ ଲିଟର ପିଛା ୨ ଟଙ୍କା ବୃଦ୍ଧି କରିଥିଲା। ଅମୁଲ ଚଳିତ ବର୍ଷ ପ୍ରଥମ ଥର ପାଇଁ କ୍ଷୀରର ମୂଲ୍ୟ ବୃଦ୍ଧି କରିଛି। ଡିସେମ୍ବରରେ ମଦର ଡେରି ଦିଲ୍ଲୀ ଏନସିଆରରେ କ୍ଷୀରର ମୂଲ୍ୟ ଲିଟର ପିଛା ୨ ଟଙ୍କା ବୃଦ୍ଧି କରିଥିଲା। ଅଧା ଲିଟର କ୍ଷୀରର ମୂଲ୍ୟ କ’ଣ ହେବ?: କମ୍ପାନୀ…