ଭୁବନେଶ୍ବର: ଆସନ୍ତା ପଞ୍ଚାୟତ ନିର୍ବାଚନ ଲାଗି ବିଜେଡ଼ି ବଡ ନିଷ୍ପତ୍ତି ନେଇଛି। ମୁଖ୍ୟମନ୍ତ୍ରୀ ତଥା ବିଜେଡ଼ି ସୁପ୍ରିମୋ ନବୀନ ପଟ୍ଟନାୟକ ଓବିସିମାନଙ୍କ ପାଇଁ ଟିକେଟ ସଂରକ୍ଷଣ କରିଛନ୍ତି। ପଞ୍ଚାୟତ ନିର୍ବାଚନରେ ୨୭ ପ୍ରତିଶତ ଓବିସିଙ୍କୁ ଟିକେଟ ଦେବା ପାଇଁ ବିଜେଡ଼ି ଘୋଷଣା କରିଛି।
ଦେଶର ପ୍ରଥମ ଦଳ ଭାବେ ଓବିସିଙ୍କ ପାଇଁ ଦଳ ଟିକେଟ ସଂରକ୍ଷଣ କରିଛି। ଏହା ସହ ମହିଳାଙ୍କ ପାଇଁ ମଧ୍ୟ ସଂରକ୍ଷଣ ବ୍ୟବସ୍ଥା କରିବା ଲାଗି ଦଳ ବିଚାର କରୁଛି। ତେବେ ପଞ୍ଚାୟତ ନିର୍ବାଚନ ବ୍ୟତୀତ ଆଗାମୀ ସମସ୍ତ ନିର୍ବାଚନରେ ଓବିସି ପ୍ରାର୍ଥୀଙ୍କୁ ଟିକେଟ ଦେବ ବୋଲି ଦଳ ଘୋଷଣା କରିଛି। ଏନେଇ ଏକ ସାମ୍ବାଦିକ ସମ୍ମିଳନୀରେ ବିଜେଡ଼ି ପକ୍ଷରୁ ଦଳ କାର୍ଯ୍ଯାଳୟରେ ଘୋଷଣା କରାଯାଇଛି।
