ମୁମ୍ବାଇ, ୨୬/୧୧: ମହାରାଷ୍ଟ୍ର ରାଜନୀତିରେ ଘଟଣାକ୍ରମେ ବେଶ୍ ଚମକପ୍ରଦ ରହୁଛି । ଆଜି ସୁପ୍ରିମ୍କୋର୍ଟ ବୁଧବାର ଦିନ ଫ୍ଲୋର ଟେଷ୍ଟ କରିବାକୁ ଆଦେଶ ଦେଇଥିବାବେଳେ ଉପମୁଖ୍ୟମନ୍ତ୍ରୀ ପଦରୁ ଅଜିତ୍ ପାଓ୍ବାରା ଇସ୍ତଫା ଦେଇଥିଲେ । ସେହିପରି ସରକାର ଗଢିବାର ୮୦ ଘଣ୍ଟା ପରେ ଦେବେନ୍ଦ୍ର ଫଡ୍ନଭୀସ୍ ମଧ୍ୟ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଇଛନ୍ତି । ଏବେ ଶିବସେନା- ଏନ୍ସିପି- କଂଗ୍ରେସ ତିନି ଦଳ ସନ୍ଧ୍ୟା ୭ଟା ସମୟରେ ସରକାର ଗଢିବା ପାଇଁ ଦାବି ଉପସ୍ଥାପନ କରିପାରନ୍ତି । ଆଜି ସନ୍ଧ୍ୟାରେ ଏହି ତିନି ଦଳଙ୍କ ନେତା ରୂପେ ଉଦ୍ଧବ ଠାକ୍ରେ ନିର୍ବାଚିତ ହେବାକୁ ଥିବାବେଳେ ଉପମୁଖ୍ୟମନ୍ତ୍ରୀ ପଦବୀ ପାଇଁ ଏନ୍ସିପିରୁ ଜିତେନ୍ଦ୍ର ଆହେଟ୍ଟ ଓ କଂଗ୍ରେସର ବାଲାସାହେବ ଥୋରାଟେ ଏହି ଦୌଡ଼ରେ ରହିଛନ୍ତି ।
