ବେଙ୍ଗାଲୁରୁ,21/12 : ବେଙ୍ଗାଲୁରୁର ଜନୈକ ବିଜେପି ମନ୍ତ୍ରୀ ପୁଣି ଏକ ବିବାଦୀୟ ମନ୍ତବ୍ୟ ଦେଇଛନ୍ତି । କର୍ଣ୍ଣାଟକର ବିଜେପି ମନ୍ତ୍ରୀ ସି ଟି ରବି ଏକ ବିବାଦୀୟ ମନ୍ତବ୍ୟ ଦେଇଛନ୍ତି । ଯେତେବେଳେ ଦେଶରେ ସଂଖ୍ୟାଗରିଷ୍ଠ ନିଜର ଧୈର୍ଯ୍ୟ ହରାଇଥାନ୍ତି ଦେଶରେ ଗୋଧ୍ରା ପରି ପରସ୍ଥିତି ସୃଷ୍ଟି ହୋଇଥାଏ । କଂଗ୍ରେସ ବିଧାୟକ ୟୁଟି ଖାଦେରଙ୍କ ମନ୍ତବ୍ୟର ଜବାବ ଦେବାକୁ ଯାଇ ରବି ଏହି ମନ୍ତବ୍ୟ ଦେଇଛନ୍ତି । କର୍ଣ୍ଣାଟକରେ ସିଏଏ ଲାଗୁ କରାଗଲେ ସଂଖ୍ୟାଲଘୁ ସମ୍ପ୍ରଦାୟ ଏହାର ଜବାବ ଦେବେ ବୋଲି ଖାଦେର କହିଛନ୍ତି । କର୍ଣ୍ଣାଟକ ମୁଖ୍ୟମନ୍ତ୍ରୀ ଏହି ଆଇନ ଲାଗୁ କଲେ କର୍ଣ୍ଣାଟକକୁ ଭସ୍ମ କରି ଦିଆଯିବ ବୋଲି ଖାଦେର ମତ ଦେଇଥିଲେ । ଏହାପରେ ରବି କହିଛନ୍ତି, ଏପରି ଲୋକ ମାନେ ଟ୍ରେନ୍ରେ ନିଆଁ ଲଗାଇ କରସେବକ ମାନଙ୍କୁ ହତ୍ୟା କରିବା ପରେ ହିଁ ଗୁଜରାଟ ଦଙ୍ଗା ଆରମ୍ଭ ହୋଇଥିଲା । କର୍ଣ୍ଣାଟକର ବିଭିନ୍ନ ପ୍ରାନ୍ତରେ ଧାରା 144 ଜାରି କରାଯାଇଥିବାରୁ ବରିଷ୍ଠ କଂଗ୍ରେସ ନେତା ଡିକେ ଶିବକୁମାର ମୁଖ୍ୟମନ୍ତ୍ରୀ ବି ଏସ୍ ୟେଦୁରପ୍ପାଙ୍କୁ ସମାଲୋଚନା କରିଛନ୍ତି । (ଏଜେନ୍ସୀ)
