![](https://thesamikhsya.com/odia/wp-content/uploads/2021/09/delet-157-34-163-65-55-105.jpg)
ନୂଆଦିଲ୍ଲୀ: ବିଜେପି ନେତା ତଥା ପୂର୍ବତନ ସାଂସଦ କିରିଟ ସୋମାୟା ଏବଂ ତାଙ୍କ ପୁଅ ନୀଲ ସୋମାୟାଙ୍କ ବିରୋଧରେ ମାମଲା ରୁଜୁ ହୋଇଛି। ସେମାନଙ୍କ ଉପରେ ଆଇଏନଏସ ବିକ୍ରାନ୍ତର ସଂରକ୍ଷଣ ନାମରେ ଲୋକଙ୍କ ବିଶ୍ୱାସ ଜିତି ଟଙ୍କା ସଂଗ୍ରହ କରିଥିବା ଅଭିଯୋଗ ହୋଇଛି। ଆଇପିସିର ଧାରା ୪୨୦, ୪୦୬, ୩୪ ଅନୁଯାୟୀ ମୁମ୍ବାଇର ଟ୍ରାମ୍ବେ ପୋଲିସ ଏକ ମାମଲା ରୁଜୁ କରିଛି। ଆରଟିଆଇ ଆଧାରରେ ପୂର୍ବତନ ସୈନିକ ବବନ ଭୋସଲେଙ୍କ ଅଭିଯୋଗ ଉପରେ ଏକ ମାମଲା ରୁଜୁ ହୋଇଛି।
କେନ୍ଦ୍ର ବନାମ ରାଜ୍ୟର ଲଢେଇରେ ପ୍ରବର୍ତ୍ତନ ନିର୍ଦ୍ଦେଶାଳୟର କାର୍ଯ୍ୟାନୁଷ୍ଠାନକୁ ସାମ୍ନା କରୁଥିବା ଶିବସେନା ସାଂସଦ ସଞ୍ଜୟ ରାଉତ ଗତକାଲି ବିଜେପି ନେତା କିରିଟ ସୋମାୟାଙ୍କ ଉପରେ ଏକ ବଡ ଅଭିଯୋଗ ଆଣିଥିଲେ। ସଞ୍ଜୟ ରାଉତ ଅଭିଯୋଗ କରିଥିଲେ ଯେ, କିରିଟ୍ ସୋମାୟା ଆଇଏନଏସ ବିକ୍ରାନ୍ତ ପାଇଁ ସଂଗ୍ରହ କରିଥିବା ଅର୍ଥ ରାଶିକୁ ରାଜ ଭବନରେ ଜମା କରାଯାଉଥିଲା। କିନ୍ତୁ ଏହାକୁ ସେଠାରେ ସେ ଜମା ନକରି ନିଯେ ବ୍ୟବହାର କରିଥିଲେ।