ଭୁବନେଶ୍ବର: ଲୋକପ୍ରିୟ ଫିଲ୍ମ ପ୍ରଯୋଜନା ସଂସ୍ଥା ‘କଞ୍ଚାଲଙ୍କା’ର ଆଗାମୀ ଆକର୍ଷଣ ସର୍ଟଫିଲ୍ମ ‘ସୁପାରୀ’। ପ୍ରକାଶ ପ୍ରହରାଜ ଏହାର ପ୍ରଯୋଜକ ଥିବାବେଳେ ରାଜା ଡି ନିର୍ଦ୍ଦେଶନା ଭାର ସମ୍ଭାଳିଛନ୍ତି। ଶୁଦ୍ଧାରାଗ ବାନାର୍ଜୀ କାହାଣୀ ଓ ଚିତ୍ରନାଟ୍ୟ ରଚନା କରିଛନ୍ତି।
ସେହିପରି ଏହାର ସଂଳାପ ନିଶାନ୍ତ ମାଜିଥିଆ ଲେଖିଛନ୍ତି ଏବଂ ବିଭିନ୍ନ ଭୂମିକାରେ ତୁଷାର, ଶୁଭାଙ୍ଗୀ ଓ ସୌରଭ ଅଛନ୍ତି। ଭାଗ୍ୟଧର ପାଣି ଏହାର କ୍ରିଏଟିଭ ହେଡ ଅଛନ୍ତି ଓ ପ୍ରଣୟ ଜେଠୀ ମିଡ଼ିଆ ପ୍ଲାନର ଅଛନ୍ତି। ‘କଞ୍ଚାଲଙ୍କା’ ସବୁବେଳେ ଦର୍ଶକଙ୍କ ଚାହିଦାକୁ ନେଇ ଫିଲ୍ମ ନିର୍ମାଣ କରି ଆସୁଛି। ଏଥିପାଇଁ ଏହା ସମସ୍ତଙ୍କର ପ୍ରିୟ ପାଲଟିଛି। “କଞ୍ଚାଲଙ୍କା” ପକ୍ଷରୁ ପୂର୍ବରୁ ରଙ୍ଗୀଲା, ବ୍ରେକ ଅପ୍ ଲଭ୍, ଟ୍ରୁଲି ୟୁଅର୍ସ, ସରକାରୀ ବର, ଟାଉଟର୍ ପ୍ରୋ ପ୍ରମୁଖ ଦର୍ଶକମାନଙ୍କ ଦ୍ଵାରା ଆଦୃତ ହୋଇସାରିଛି।
ଏହି କ୍ରମରେ ଭିନ୍ନ ସ୍ବାଦର ସର୍ଟ ଫିଲ୍ମ ‘ସୁପାରୀ’ ଦର୍ଶକଙ୍କୁ ନିଶ୍ଚୟ ଆକର୍ଷିତ କରିବ ବୋଲି ନିର୍ମାଣକାରୀ ସଂସ୍ଥା ଓ ଫିଲ୍ମର କ୍ରିଉମେମ୍ବର ଆଶା
ରଖିଛନ୍ତି।
