Categories
ଆଜିର ଖବର ଜାତୀୟ ଖବର ରାଜ୍ୟ ଖବର

Breaking News: ଅମିତ ସାହାଙ୍କୁ ଏକୁଟିଆ ଭେଟିଲେ ସାଂସଦ ଅନୁଭବ, ଚାଲିଲା ଚର୍ଚ୍ଚା

ନୂଆଦିଲ୍ଲୀ: ବିଜେଡି ସାଂସଦ ତଥା ଅଭିନେତା ଅନୁଭବ ମହାନ୍ତି ଗୃହମନ୍ତ୍ରୀ ଅମିତ ସାହାଙ୍କୁ ସାକ୍ଷାତ କରିଛନ୍ତି। ତେବେ ସେ କୌଣସି ଦଳୀୟ କାମ କିମ୍ବା ଅନ୍ୟ ସାଂସଦଙ୍କ ସହିତ ସାକ୍ଷାତ କରି ନାହାଁନ୍ତି। ସେ ଏକା ଏକା ଅମିତ ସାହାଙ୍କୁ ଭେଟିଛନ୍ତି। ତେବେ ଭେଟିବାର କାରଣ ସଂପର୍କରେ ସେ କହିଛନ୍ତି ଯେ, ଦେଶର ଯୁବକଙ୍କ ସହ ଜଡିତ କେତେକ ମହତ୍ବପୂର୍ଣ୍ଣ ପ୍ରସଂଗ ଉପରେ ସକରାତ୍ମକ ଆଲୋଚନା କଲି।

ହେଲେ ଏହାକୁ ନେଇ ରାଜନୈତିକ ମହଲ ଭିନ୍ନ ଦୃଷ୍ଟିରେ ଦେଖିଛି। କାରଣ ଅନୁଭବ ବର୍ତ୍ତମାନ ତାଙ୍କର ଧର୍ମପତ୍ନୀ ବର୍ଷାଙ୍କ ବିବାହ ବିଚ୍ଛେଦ ମାମଲା ଛନ୍ଧି ହୋଇପଡିଛନ୍ତି। ଏପରି ପରିସ୍ଥିତିରେ ଲୋକ ନିନ୍ଦାରୁ ଏଡାଇବା ପାଇଁ ବିଜେଡି ତାଙ୍କ ହାତ ଛାଡି ଦେଇଛି। ବର୍ତ୍ତମାନ ଅନୁଭବଙ୍କୁ ବିଜେଡିର କୌଣସି ଦଳୀୟ କାର୍ଯ୍ୟରେ ସାମିଲ କରାଯାଉ ନାହିଁ। ଫଳରେ ତାଙ୍କର ରାଜନୈତିକ ସ୍ଥିତି ନେଇ ସେ ଅସନ୍ତୁଷ୍ଠ ଅଛନ୍ତି। ଫଳରେ ତାଙ୍କର ରାଜନୈତିକ କ୍ୟାରିୟର ନେଇ ସେ ସାହାଙ୍କ ସହ ଆଲୋଚନା କରିଥିବାର ସନ୍ଦେହ କରାଯାଉଛି।

Categories
ବିଶେଷ ଖବର ରାଜ୍ୟ ଖବର

ଦିଲ୍ଲୀ ବାନ୍ଧବୀଙ୍କ ସଂପର୍କରେ ମୁହଁ ଖୋଲିଲେ ସାଂସଦ ଅନୁଭବ ମହାନ୍ତି, କହିଲେ ଏମିତି କଥା

ଭୁବନେଶ୍ୱର : ଓଡିଆ ଚଳଚିତ୍ରର ଷ୍ଟାର ଦମ୍ପତ୍ତି ଅନୁଭବ ମହାନ୍ତି ଏବଂ ବର୍ଷା ପ୍ରିୟଦର୍ଶିନୀଙ୍କ ଝଗଡା ଦିନକୁ ଦିନ ନୂଆନୂଆ ରୂପ ନେବାକୁ ଯାଉଛି। ନିକଟରେ ବର୍ଷା ନୂଆଦିଲ୍ଲୀର ସାମ୍ବାଦିକା ଜାଗୃତି ଶୁକ୍ଲାଙ୍କୁ ନେଇ ଆଭିଯୋଗ କରିଥିଲେ। ସେ ତାଙ୍କର ଏତଲାରେ ମଧ୍ୟ ଜାଗୃତୀଙ୍କ ସହିତ ଅନୁଭବଙ୍କ ସଂପର୍କ ଉପରେ ଉଲ୍ଲେଖ କରିଥିଲେ।

ଏହି ଅଭିଯୋଗ ପରେ ସାଂସଦ ଅନୁଭବ ମହାନ୍ତି ଶେଷରେ ମୁହଁ ଖୋଲିଛନ୍ତି। ସେ କହିଛନ୍ତି ଯେ, ଜାଗ୍ରୁତି ଜଣେ ସାମ୍ବାଦିକା। ସେ ଲୋକସଭା ଟିଭିରେ ଅଛନ୍ତି। ଜଣେ ସାମ୍ବାଦିକା ହିସାବରେ ସେ ଦିଲ୍ଳୀରେ ଅନେକ ସାଂସଦଙ୍କୁ ଭେଟିଥାନ୍ତି। ସେହିପରି ମୋତି ଭେଟନ୍ତି ବୋଲି ଅନୁଭବ କହିଛନ୍ତି। ସେ କହିଛନ୍ତି ଯେ, ମୁଁ ଲୋକସଭାକୁ ଆସିବାର ବର୍ଷକ ପରେ ଜାଗ୍ରୁତିଙ୍କୁ ଜାଣିଲି। ଜାଗ୍ରୁତି ମୋର ସାକ୍ଷାତକାର ନେବା ବେଳେ ମୋତେ ଏକ କବିତା ବହି ଉପହାର ଦେଇଥିଲେ। ମୋ ଭଳି ଅନେକ ସାଂସଦଙ୍କୁ ସେ ଏହି ବହି ଉପହାର ଦେଇଛନ୍ତି ବୋଲି ଅନୁଭବ କହିଛନ୍ତି।

ତେବେ ଜାଗ୍ରୁତି ମୋ ପାଖକୁ ବାରମ୍ବାର ଆସନ୍ତି ବୋଲି ଅନୁଭବ ସ୍ବୀକାର କରିଛନ୍ତି। ଏହାର  କାରଣରେ ସେ କହିଛନ୍ତି ଯେ, ଜାଗୃତୀ ତାଙ୍କର ଆତ୍ମଜୀବନୀ ଲେଖୁଛନ୍ତି। ସେ ମୋତେ ବାରମ୍ବାର ଅନୁରୋଧ କରିବା ପରେ ମୁଁ ତାଙ୍କୁ ମୋର ଆତ୍ମ ଜୀବନୀ ଲେଖିବାକୁ ରାଜି ହୋଇଥିଲି। ଏହାପରେ ଜାଗୃତୀ ମୋ ଘରକୁ ଆସି ମୋ ବାପା ମା’ ଓ ଭାଇଙ୍କୁ ବି ଭେଟିଛନ୍ତି ବୋଲି ଅନୁଭବ କହିଛନ୍ତି।

ତେବେ ବର୍ଷା ଏହାକୁ ନେଇ ଅଯଥା ବାହାନା କରୁଛନ୍ତି ବୋଲି ଅନୁଭବ ଅଭିଯୋଗ କରିଛନ୍ତି। ସେ କହିଛନ୍ତି ଯେ, ବର୍ଷା ଦିନେ ରାଗିକରି ଜାଗୃତୀ କିଏ ବୋଲି କଇଫତ ମାଗିଥିଲେ। ତାଙ୍କ ସହିତ ମୋର କଣ ସଂପର୍କ ରହିଛି ବୋଲି ସେ ରାଗିକରି ପଚାରିଥିଲେ। ଏହାର ଉତ୍ତରରେ ସେ ମୋର ଆତ୍ମଜୀବନୀ ଲେଖୁଛନ୍ତି ବୋଲି କହିଥିଲି। ହେଲେ ବର୍ଷା ଏହାକୁ ନେଇ ସନ୍ଦେହ କରିଥିଲେ ବୋଲି ଅନୁଭବ କହିଛନ୍ତି।

ଏହାପରେ ଜାଗୃତୀଙ୍କୁ ବର୍ଷା ବଦନାମ କରିବାରେ ଲାଗିଲେ। ବିଭିନ୍ନ ଗଣମାଧ୍ୟମରେ ମୋର ଜାଗୃତୀଙ୍କ ସଂପର୍କକୁ ନେଇ ଖବର ପ୍ରକାଶିତ ହେଲା। ଏହାକୁ ନେଇ ଜାଗୃତୀଙ୍କ ପରିବାର ମଧ୍ୟ ବ୍ୟତିବ୍ୟସ୍ତ ହେଲେ। ସେମାନେ ମଧ୍ୟ କାନ୍ଦକାନ୍ଦ ହୋଇ ପଡିଲେ। ଏପରିକି ପରିସ୍ଥିତି ଏପରି ହେଲା ଯେ, ଜାଗୃତୀ ଲୋକସଭା ଟିଭି ଛାଡିବାକୁ ବାଧ୍ୟ ହେଲେ ବୋଲି ଅନୁଭବ କହିଛନ୍ତି।

Categories
ବିଶେଷ ଖବର ରାଜ୍ୟ ଖବର

ପୁଣି ଅନୁଭବ ଜାରୀ କଲେ ଆଉ ଏକ ଭିଡିଓ, ଏଥିର ସେ ସିଧା ବର୍ଷାଙ୍କ ନାଁ ନେଲେ

ଭୁବନେଶ୍ବର: ବିବାହ ବିଚ୍ଛେଦ ମାମଲାରେ ଛନ୍ଦି ହୋଇପଡିଥିବା ଅଭିନେତା ସାଂସଦ ଅନୁଭବ ମହାନ୍ତି ପୁଣି ଏକ ଭିଡିଓ ଜାରୀ କରିଛନ୍ତି। ଏଥର ସେ ସିଧା ବର୍ଷାଙ୍କ ନାଁ ନେଇ ତାଙ୍କର କଣ ଭୁଲ ଥିଲା ତାହା କହିଛନ୍ତି। ଏହି ଭିଡିଓକୁ ନିଜେ ଅନୁଭବ ତାଙ୍କ ୟୁଟିୟୁବରେ ଲୋଡ କରି ସମସ୍ତେ ଦେଖନ୍ତୁ ବୋଲି ଅନୁରୋଧ କରିଛନ୍ତି।

ଏଥିରେ ସେ ତାଙ୍କର ଆଠ ବର୍ଷର ବାହାଘରର ଭିତିରି କଥାକୁ ଲୋକଲୋଚନକୁ ଆଣିଛନ୍ତି। ସେ କହିଛନ୍ତି ଯେ, ମୁଁ ବର୍ଷାଙ୍କୁ ବାହା ହେଲି ସତ ହେଲେ ସେ ମୋତେ ସ୍ବାମୀର ଯାହା ଅଧିକାର ତାହା ଦେଲେ ନାହିଁ। ଜଣେ ସ୍ବାମୀ ହିସାବରେ ମୋର କଣ ସେହି ଅଧିକାର ପାଇବା ଯୋଗ୍ୟ ନୁହେଁ କି ବୋଲି ଅନୁଭବ ପ୍ରଶ୍ନ କରିଛନ୍ତି।

ସ୍ବାମୀ ସ୍ତ୍ରୀ ମଧ୍ୟରେ ଶାରିରୀକ ସଂପର୍କ ଏକ ପବିତ୍ର ସଂପର୍କ। ହେଲେ ବର୍ଷା ସେ ସବୁକୁ ବିଭିନ୍ନ ଆଳ ଦେଖାଇ ଆଡେଇ ଦେଇଥିଲେ। ଏହା କଣ ଜଣେ ସ୍ତ୍ରୀର କର୍ତ୍ତବ୍ୟ ବୋଲି ଅନୁଭବ ପ୍ରଶ୍ନ କରିଥିଲେ। ଏହି ପ୍ରସଂଗ ଉଠାଇ ଅନୁଭବ ନିଜକୁ କହିଛନ୍ତି ମ୍ୟାରେଡ ବ୍ୟାଚଲର।

ସେ କହିଛନ୍ତି ଯେ, ମୁଁ ବର୍ଷାକୁ ବହୁ ଭଲ ପାଇ ବାହା ହେଲି। ବାହା ଘର ପରେ ମଧ୍ୟ ତାଙ୍କୁ ଭଲ ପାଇଲି। ହେଲେ ପରେ ମୁଁ ଜାଣିଲି ଯେ, ତାଙ୍କର ଭଲ ପାଇବାର ଆଗ୍ରହ ନାହିଁ। ଯାହା ମୋତେ ଆଶ୍ଚର୍ଯ୍ୟ କରିଦେଇଥିଲା। ଏହାପରେ ଆମ ଭିତରେ ଆରମ୍ଭ ହେଲା ଟଣା ଓଟରା। ତାଙ୍କର ବ୍ୟବହାର ନେଇ ଆମ ପରିବାରର ସମସ୍ତେ ବିଶେଷ କରି ଗୁରୁଜନମାନେ ବ୍ୟତିବ୍ୟସ୍ତ ହୋଇପଡିଲେ।

ଏହି ଭିଡିଓରେ ସେ କାହିଁକି ବର୍ଷାଙ୍କଠାରୁ ଅଲଗା ହେବା ଲାଗି ଛାଡ଼ପତ୍ର ଆବେଦନ କଲେ, ତାହା ଦର୍ଶାଇଛନ୍ତି। ଏଥିରେ ସେ କ୍ଷୋଭପ୍ରକାଶ କରି କହିଛନ୍ତି ଯେ, ଗଣମାଧ୍ୟମମାନେ ତାଙ୍କ କଥାକୁ ବିଶ୍ବାସକୁ ନ ନେଇ ଏକପାଖିଆ ଭାବେ ବର୍ଷାଙ୍କ ମତକୁ ସତ ବୋଲି ପ୍ରଚାର କରିଦେଇଛନ୍ତି। ଯେଉଁଥି ପାଇଁ ସେ ଏହି ଭିଡିଓ ପ୍ରସ୍ତୁତ କରି ସମସ୍ତଙ୍କୁ ‘ସତ କ’ଣ’ ତାହା ଜଣାଇବାକୁ ଉଦ୍ୟମ କରିଛନ୍ତି।

ଏହି ଭିଡିଓଟି ଅପଲୋଡ ହେବା ପରେ ବର୍ତ୍ତମାନ ପ୍ରାୟ ଦେଢଲକ୍ଷ ଲୋକ ଦେଖିସାରିଲେଣି। ଏପରିକି ତାଙ୍କର ପ୍ରଶଂସକମାନେ ମଧ୍ୟ ତାଙ୍କୁ ଧର୍ଯ୍ୟ ଧରିବାକୁ ଅନୁରୋଧ ମଧ୍ୟ କରିଛନ୍ତି। ପୂର୍ବରୁ ମଧ୍ୟ ସେ ଏକ ଭିଡିଓ ଜାରି କରି ନ୍ୟାୟ ପ୍ରଦାନରେ ବିଳମ୍ବକୁ ଦୁଃଖର ସହ କହିଥିଲେ। ହେଲେ ଏଥର ସେ ବର୍ଷା ତାଙ୍କୁ ସ୍ବାମୀର ଅଧିକାରରୁ ବଞ୍ଚିତ କରିଛନ୍ତି ବୋଲି କହିଛନ୍ତି।

Categories
ଆଜିର ଖବର ରାଜ୍ୟ ଖବର

ଅନୁଭବଙ୍କ ଭିଡିଓ ପରେ ତାଙ୍କ ପତ୍ନୀ ବର୍ଷା କହିଲେ ଆପଣ ହାଇଡ୍ରାମା କରୁଛନ୍ତି

ଭୁବନେଶ୍ବର: ବିବାହ ବିଚ୍ଛେଦ ମାମଲାରେ ଛନ୍ଦି ହୋଇପଡିଥିବା ସାଂସଦ ଅନୁଭବନ ମହାନ୍ତିଙ୍କ ଦୁଃଖ ପ୍ରକାଶ ଭିଡିଓ ପରେ ଅଭିନେତ୍ରୀ ବର୍ଷା ତାହାର ଜବାବ ଦେଇଛନ୍ତି। ଅନୁଭବ ବର୍ଷାଙ୍କୁ ଛାଡପତ୍ର ଦେବେ ବୋଲି ନ୍ୟାୟଳୟର ଆଶ୍ରୟ ନେଇଛନ୍ତି। ହେଲେ ତାଙ୍କର ନ୍ୟାୟ ଏ ପର୍ଯ୍ୟନ୍ତ ସମାଧାନ ହୋଇ ପାରୁ ନ ଥିବାରୁ ସେ ବ୍ୟତିବ୍ୟସ୍ତ ହୋଇପଡିଛନ୍ତି। ହତାଶ ହୋଇ ସେ ଏକ ଭିଡିଓ ଜାରି କରିବା ପରେ ତାହାକୁ ନେଇ ବେଶ୍ ଚର୍ଚ୍ଚା ଚାଲିଛି।

ଏହି ଭିଡିଓ ଜାରି ପରେ ତାଙ୍କର ଧର୍ମପତ୍ନୀ ବର୍ଷା ପ୍ରିୟଦର୍ଶିନୀ ଜବାବ ଦେଇ କହିଛନ୍ତି ଯେ, ଆପଣ ହାଇଡ୍ରାମା କରୁଛନ୍ତି। ତାଙ୍କ ଟୁଇଟରେ ସେ ଲେଖିଛନ୍ତି ଯେ,

‘ମିଥ୍ୟାବାଦୀର ମିଥ୍ୟା ଆରୋପର ଗପ। ମିଛର ମହାଡ୍ରାମା, ସତ୍ୟ ଉପରେ ଅସତ୍ୟର ଚାଦର ଘୋଡାଇବା ପାଇଁ ମିଛ କାନ୍ଦ, ଡରେଇ ଧମକେଇ, ମିଥ୍ୟା ଆରୋପ ଲଗାଇ ଆପଣଙ୍କୁ ବରବାଦ କରିବାର ବଡ଼ ଷଡଯନ୍ତ୍ର। ଆପଣଙ୍କ କ୍ୟାରିୟର ନଷ୍ଟ କରିଛନ୍ତି, ଆପଣଙ୍କ ସାମାଜିକ ଜୀବନକୁ ପ୍ରଭାବିତ କରିଛନ୍ତି,  ଆଗକୁ ନ ବଢିବା ପାଇଁ ଯେତେ ଚେଷ୍ଟା କରିବା କଥା କରିଛନ୍ତି।’

Categories
ଆଜିର ଖବର ମନୋରଂଜନ ରାଜ୍ୟ ଖବର

ଚର୍ଚ୍ଚାରେ ଅନୁଭବଙ୍କ ନୂଆ ମେଗା ରିଅଲିଟି ସୋ “ଦାଦାଗିରି”

ଭୁବନେଶ୍ବର: କେବେ ଭାଇ, କେବେ ପ୍ରେମିକ, କେବେ ସ୍ବାମୀ, କେବେ ପୁଣି ବନ୍ଧୁ; ଏମିତି ଭିନ୍ନ ଭିନ୍ନ ଭୂମିକାରେ ଅବତୀର୍ଣ୍ଣ ହେଇଛନ୍ତି ଅଭିନେତା ଅନୁଭବ ମହାନ୍ତି। ଅନୁଭବ କହନ୍ତି ମୋତେ ଲାଗେ ଚଳଚ୍ଚିତ୍ର ଜଗତରେ ମୁଁ ଯେମିତି ଏଇ କିଛିଦିନ ହେବ ପ୍ରବେଶ କରିଛି, ହେଲେ ଓଡ଼ିଆ ଚଳଚ୍ଚିତ୍ରରେ ତାଙ୍କର ୧୮ ବର୍ଷର ଯାତ୍ରା। ଭିନ୍ନ ଭିନ୍ନ ଭୂମିକାରେ ଆସି ଦର୍ଶକଙ୍କୁ ମନୋରଂଜନ ଦେବାକୁ ସେ ପ୍ରୟାସ କରିଛନ୍ତି।

ଏବେ ଜି-ସାର୍ଥକ ଚ୍ୟାନେଲ ଏହାର ଅଗଣିତ ଦର୍ଶକଙ୍କୁ ଭେଟି ଦେବାକୁଯାଉଛି ରିୟଲିଟି ସୋ’ ‘ଦାଦାଗିରି’। ଏହି ସୋ’ରେ ଅଭିନେତା ଅନୁଭବଙ୍କ ୧୮ ବର୍ଷର ଅଭିନୟ କ୍ୟାରିୟର ସମ୍ପର୍କରେ ଦର୍ଶକ ସବୁ ଘଟଣା-ଦୁର୍ଘଟଣା ସମ୍ପର୍କରେ ଜାଣିପାରିବେ। ‘ଦାଦାଗିରି’ ସୋ’ର ଏକ ଟାଗ୍‌ଲାଇନ୍ ହେଉଛି ‘ହୃଦୟରୁ’। ତେଣୁ ସୋ’ର ନାଁ ହେଉଛି ‘ଦାଦାଗିରି ହୃଦୟରୁ’। ଏହି ସୋ’ର ମୂଳମନ୍ତ୍ର ହେଲା-ଦାଦାଗରି କରୁଥିବା ଲୋକଟି ସାଧାରଣ ଲୋକଙ୍କୁ ହୃଦୟରୁ ଭଲପାଇବା।

ସିନେମା ମାଧ୍ୟମରେ ଦର୍ଶକଙ୍କ ହୃଦୟରେ ଯେତିକି ଜାଗା ପାଇଛନ୍ତି, ଏହି ‌ଟେଲି ରିୟାଲିଟି ସୋ’ ମାଧ୍ୟମରେ ଦର୍ଶକଙ୍କ ହୃଦୟରେ ଅଭିନେତା ଅନୁଭବ ଆହୁରି ଅଧିକ ରାଜ କରିବେ ବୋଲି ଆଶା କରାଯାଉଛି। ଉକ୍ତ ଚ୍ୟାନେଲ ମୁଖ୍ୟ ଅର୍ଘ୍ୟ ରାୟ ଚୌଧୁରୀ ଅନୁଭବ ଏହି ସୋ‌’ରେ ଯୋଗ ଦେଉଥିବାରୁ ସ୍ବାଗତ କରିଛନ୍ତି। ସେ କହିଛନ୍ତି- ଅନୁଭବଙ୍କ ଅନୁଭବ୍ୟ ଭାବମୂର୍ତ୍ତି ଓଡ଼ିଆ ଚଳଚ୍ଚିତ୍ର ଜଗତରେ ଆଜକୁ ୧୮ ବର୍ଷ ହେଲା ପ୍ରଭାବିତ କରିଆସିଛି।

ଜି-ସାର୍ଥକ ସେମିତି ଜ‌ଣେ ଅଭିନେତାଙ୍କୁ ନିୟମିତ ଭାବେ ପ୍ରସାରିତ ହେବାକୁଥିବା ମେଗା ରିୟାଲିଟି ସୋ’ରେ ପାଇ ଗୌରବାନ୍ବିତ ମନେକରୁଛି। ଦାଦାଗିରି ଜାନୁଆରୀ ୧୫ ତାରିଖ ପ୍ରତ୍ୟେକ ଶନିବାର ଓ ରବିବାର ରାତି ୯ଟା ରୁ ପ୍ରସାରିତ ହେବ।

Categories
ଆଜିର ଖବର ମନୋରଂଜନ ରାଜ୍ୟ ଖବର

ଜୀ ସାର୍ଥକରେ ଅଭିନେତା ଅନୁଭବ ମହାନ୍ତିଙ୍କ ନୂଆ ଗେମ୍ ସୋ “ଦାଦାଗିରି”

ଭୁବନେଶ୍ବର: ଜୀବନର ଛୋଟରୁ ଛୋଟ କାମ ବି ନିଏ ବିଶାଳ ରୂପ। ଯଦି ସେଥିରେ ଥାଏ, ହୃଦୟର ସ୍ପର୍ଶ। ଛୋଟରୁ ଛୋଟ ସ୍ଵପ୍ନ ଦିନେ ଛୁଏଁ, ସଫଳତାର ଶିଖର। ଯଦି ତାହା ଦେଖାହୁଏ ହୃଦୟରୁ। ଏକଥା ଅନୁଭବଙ୍କର ନୁହଁ… ତାଙ୍କ ମାଆଙ୍କର। ତେଣୁ ଆଜି ଯାଏଁ ଅନୁଭବ ଯାହା କିଛି କରିଛନ୍ତି ତାଙ୍କ ହୃଦୟରୁ। ଆଉ ଓଡ଼ିଶାର ପ୍ରତିଟି ପ୍ରାନ୍ତରେ ତାଙ୍କ ଭଳି ଅନେକ ବ୍ୟକ୍ତି ଅଛନ୍ତି, ଯେଉଁମାନେ ଦିନରାତି କାମ କରନ୍ତି ହୃଦୟରୁ।

ଏଭଳି ବ୍ୟକ୍ତିତ୍ଵଙ୍କୁ ନେଇ ପ୍ରଥମ ଥର ଓଲିଉଡ ସୁପର୍‌ଷ୍ଟାର୍ ଅନୁଭବ ଆସୁଛନ୍ତି। ଓଡ଼ିଶା ଟେଲିଭିଜନ ଇତିହାସରେ ସବୁଠୁ ବଡ଼ ମନୋରଞ୍ଜନ ଭରା ରିୟାଲିଟି ଶୋ’ ‘ଦାଦାଗିରି’ରେ। ଯେଉଁଠି ଅନୁଭବଙ୍କ ସହିତ ଭାଗନେବେ ଓଡ଼ିଶାର ୩୦ଟି ଜିଲ୍ଲା ଏବଂ ତାଙ୍କ ସହିତ କରିବେ ଦାଦାଗିରି ହୃଦୟରୁ।

ଜୀସାର୍ଥକ କେବଳ ମନୋରଞ୍ଜନର ମାଧ୍ୟମ ନୁହେଁ, ଦର୍ଶକମାନଙ୍କୁ ସାଥୀରେ ସବୁବେଳେ ଥାଏ। ଦର୍ଶକମାନଙ୍କ ପାଇଁ ଦର୍ଶକମାନଙ୍କ ସହ ମିଶି ଏହିପରି ଏକ ନୂଆ ମେଗା ରିଅଲିଟି ଶୋ’ ‘ଦାଦାଗିରି’ର ପରିକଳ୍ପନା କରିଛି।

ପ୍ରଥମ ଥର ପାଇଁ ଓଡ଼ିଆ ଚଳଚ୍ଚିତ୍ରର ସୁପର୍‌ଷ୍ଟାର୍ ଅନୁଭବ କରିବେ ଦାଦାଗିରି। ଆଉ କାହା ସହ ନୁହେଁ, ଜୀସାର୍ଥକର ଦର୍ଶକମାନଙ୍କ ସହ।

ଆସନ୍ତା ଜାନୁଆରୀ ୧୫ ତାରିଖ ରାତି ୯ଟା ରେ ଜୀସାର୍ଥକରେ ପ୍ରସାରିତ ହେବାକୁ ଯାଉଛି ଏହି ନିଆରା କାର୍ଯ୍ୟକ୍ରମ। ଯେଉଁଥିରେ ଦାଦାଗିରି ଦେଖାଇବେ ଦମଦାର ଅଭିନେତା ଅନୁଭବ। ସବୁରି ପ୍ରିୟ ମେଳାପି, ବନ୍ଧୁ ବତ୍ସଳ ଅନୁଭବ ଏଥର ଦର୍ଶକମାନଙ୍କ ହୃଦୟରେ କରିବେ ରାଜ୍। ସେଥିପାଇଁ ଉତ୍ସାହିତ ଅନୁଭବପ୍ରେମୀ।

ସବୁବେଳେ ବଡ଼ ପରଦାରେ ନିଜ ପ୍ରିୟ ଷ୍ଟାରଙ୍କୁ ଦେଖୁଥିବା ଦର୍ଶକ ଏବେ ଛୋଟ ପରଦାରେ ସେ ସୁଯୋଗ ପାଇବେ। ଚ୍ୟାନେଲ ମୁଖ୍ୟ ଅର୍ଘ୍ୟ ରାୟଚୌଧୂରୀ ଏହି କାଯ୍ୟକ୍ରମ ପ୍ରସାରଣ ସମ୍ପର୍କରେ ସୂଚନା ଦେଇ କହିଛନ୍ତି, ଯେ “ଏହି ନିଆରା ରିଆଲିଟି ଗେମ ଶୋ “ଦାଦାଗିରି” ହୃଦୟରୁ ଏହି କାର୍ଯ୍ୟକ୍ରମ ନିଶ୍ଚିତଭାବରେ ଦର୍ଶକଙ୍କମନକୁ ଛୁଇଁବ ଓ ପ୍ରଭାବିତ କରିବ। ଜୀ ସାର୍ଥକ ତାର ଅଗଣିତ ଦର୍ଶକଙ୍କ ମନୋରଞ୍ଜନ ସକାଶେ ନିରନ୍ତନ ଉଦ୍ୟମ କରିଆସିଛି ଏବଂ ଆଗମୀଦିନରେ ଏହି ପ୍ରୟାସ ଜାରୀ ରହିବ।

Categories
ଜାତୀୟ ଖବର ବିଶେଷ ଖବର ବ୍ୟକ୍ତିତ୍ୱ ରାଜ୍ୟ ଖବର

ଅଭିନେତ୍ରୀ ବର୍ଷା ପ୍ରିୟଦର୍ଶିନୀ କରିବେ ରାଜନୀତି, 2024 ନିର୍ବାଚନ ପାଇଁ ଆରମ୍ଭ କଲେଣି ପ୍ରସ୍ତୁତି

ଭୁବନେଶ୍ବର, ସାଂସଦ ଅନୁଭବ ମହାନ୍ତିଙ୍କ ଧର୍ମପତ୍ନୀ ତଥା ଅଭିନେତ୍ରୀ ବର୍ଷା ପ୍ରିୟଦର୍ଶିନୀ ଏବେ ରାଜନୀତି କରିବେ। ତେବେ ଏହା ବର୍ଷାଙ୍କର କୌଣସି ଘୋଷଣା ନୁହେଁ, ବରଂ ତାଙ୍କର ହାବଭାବ ଦେଖି ସ୍ପଷ୍ଟ ହୋଇଛି ଯେ, ବର୍ଷା କେଉଁ ମୂର୍ହୁତରେ ରାଜନୈତିକ ମଞ୍ଚକୁ ଲମ୍ପ ପ୍ରଦାନ କରିବେ। ତାଙ୍କର ନିକଟତମ ମହଲର କହିବା ଅନୁସାରେ ବର୍ଷା 2024 ନିର୍ବାଚନକୁ ଦୃଷ୍ଟିରେ ରଖି ବର୍ତ୍ତମାନଠାରୁ କାମ ଆରମ୍ଭ କରିଛନ୍ତି। ତେବେ ବର୍ଷା ରାଜନୀତି କରିବାର କେତେକ କାରଣ ଆମେ ଏଠାରେ ଉପସ୍ଥାପିତ କରୁଛୁ।

ପ୍ରଥମ କଥା ହେଲା ବର୍ଷାଙ୍କର ରାଜନୀତି କରିବାର ବାସ୍ନା ତାଙ୍କ ସୋସିଆଲ ମିଡିଆରୁ ସ୍ପଷ୍ଟ ବାରି ହୋଇପଡୁଛି। ନିକଟରେ ସେ ଏକ ପୋଷ୍ଟ କରିଛନ୍ତି ଯାହାକୁ ନେଇ ଚାଲିଛି ଚର୍ଚ୍ଚା। ତାହା ହେଲା ମୁଖ୍ୟମନ୍ତ୍ରୀଙ୍କ ଫଟୋ ଥିବା ଏକ ବ୍ୟାନର ଆଗରେ ଛିଡା ହୋଇଥିବା ଫଟୋ ସେ ସୋସିଆଲ ମିଡିରେ ସେୟାର କରିଛନ୍ତି।

ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କଳିଙ୍ଗ ଷ୍ଟାଣ୍ଡିୟମର ନବୀକରଣ କାର୍ଯ୍ୟ ଶିଳାନ୍ୟାସ କରିବା ସମୟର ହେଉଛି ସେହି ଫଟୋ। ନବୀନଙ୍କ ଫଟୋକୁ ବ୍ୟାକଗ୍ରାଉଣ୍ଡ କରି ଫଟୋ ନେବା ଏବଂ ସୋସିୟାଲ ମିଡିଆରେ ସେୟାର କରିବାର ଆଗ୍ରହକୁ ପ୍ରମାଣିତ କରିଛି ଯେ ‘ତମ ଭିତରେ କିଛି ଅଛି କି’ ?

ସେତିକି ନୁହେଁ, ଅନୁଭବଙ୍କ ସହିତ ବିବାଦ ଆରମ୍ଭ ହେବାର କିଛି ମାସ ପରେ ପରେ ସେ ବିଭିନ୍ନ ସାମାଜିକ କାର୍ଯ୍ୟରେ ମଧ୍ୟ ହାତ ଦେଇଛନ୍ତି। ପରିବାରର ଭିତରେ ଅଶାନ୍ତି ଥିଲେ ମଧ୍ୟ ସେ ଏହି ସାମାଜିକ କାର୍ଯ୍ୟ କରିବା ପଛରେ ରାଜନୈତିକ ବାସ୍ନା ବାରି ହୋଇପଡୁଛି। ପ୍ରଥମେ ବର୍ଷା କଟକର କେତେକ ସେଚ୍ଛାସେବୀ ତଥା ସାମ୍ବାଦିକଙ୍କ ସହଯୋଗରେ ବିଭିନ୍ନ ପାଠାଗାରକୁ ପୁସ୍ତକ ପ୍ରଦାନ କାର୍ଯ୍ୟ ଆରମ୍ଭ କଲେ। ଏହା ଦ୍ବାରା ବିଭିନ୍ନ ଅନୁଷ୍ଠାନ ତରଫରୁ ତାଙ୍କୁ ବହୁତ ସ୍ବାଗତ ମଧ୍ୟ କରାଗଲା।

ମାଗଣା ପୁସ୍ତକ ବଣ୍ଟନ ସହିତ ସେ କରୋନା ସମୟରେ ଗରିବ ଲୋକଙ୍କୁ ଖାଇବା ମଧ୍ୟ ପ୍ରଦାନ କରିବାରେ ଲାଗିଛନ୍ତି। ସେ ଯେଉଁ ସ୍ଥାନକୁ ଯାଉଛନ୍ତି ସେଠାକାର ଫଟୋକୁ ସୋସିଆଲ ମିଡିଆରେ ସେୟାର ମଧ୍ୟ କରୁଛନ୍ତି। ଯାହା ଫଳରେ ତାଙ୍କ ପ୍ରଶଂସକମାନେ ବର୍ଷାଙ୍କର ଏହି କାର୍ଯ୍ୟକୁ ବେଶ୍ ପ୍ରଶଂସା ମଧ୍ୟ କରୁଛନ୍ତି। ନିକଟରେ ବର୍ଷା ରେଳ ଷ୍ଟେସନରେ କୁଲି ତଥା ଚତୁର୍ଥ ଶ୍ରେଣୀ କର୍ମଚାରୀଙ୍କୁ ଖାଦ୍ୟ ପୁଡିଆ ବଣ୍ଟନ ମଧ୍ୟ କରିଥିଲେ। ଏହି କାର୍ଯ୍ୟ ପାଇଁ ସେ ସମ୍ମାନିତା ନାମିତ ଏକ ସଂସ୍ଥା ସହିତ ଜଡିତ ମଧ୍ୟ ହୋଇଛନ୍ତି।

ବର୍ତ୍ତମାନ ବର୍ଷାଙ୍କର ଅଭିନେତା ସ୍ବାମୀ ତଥା କେନ୍ଦ୍ରାପଡା ସାଂସଦ ଅନୁଭବ ମହାନ୍ତିଙ୍କ ସହିତ ବିବାହ ବିଚ୍ଛେଦ ମାମଲା ଚାଲିଛି। ଏଥିପାଇଁ ଅନୁଭବକୁ ବର୍ତ୍ତମାନ ବିଜେଡି ଏକ ଘରକିଆ କରିଦେଇଛି। ଏହି ଘଟଣା ପରେ ଅନୁଭବଙ୍କୁ ଦଳ କୌଣସି ଦଳୀୟ କାର୍ଯ୍ୟକ୍ରମରେ ସ୍ଥାନିତ କରୁ ନାହିଁ। ତିନୋଟି ଉପନିର୍ବାଚନରେ ବିଜେଡି ଅନୁଭବଙ୍କୁ ଷ୍ଟାର ପ୍ରଚାରକ ତାଲିକାରୁ ବାଦ ଦେଇଛନ୍ତି। ଏହାର ସୁଯୋଗ କୁଆଡେ ବର୍ଷାଙ୍କୁ ଦିଆଯିବ ବୋଲି ଚର୍ଚ୍ଚା ଚାଲିଛି।

Categories
ଆଜିର ଖବର ରାଜ୍ୟ ଖବର ସିନେମା

ପୁରୀଘାଟ ଥାନାରେ ଏତଲା ଦେଲେ ଅଭିନେତ୍ରୀ ବର୍ଷା ପ୍ରିୟଦର୍ଶିନୀ, ହେଲେ ଅନୁଭବଙ୍କ ନାଁରେ ନୁହେଁ

କଟକ,  ଅନୁଭବ ବର୍ଷା ଦମ୍ପତିଙ୍କ ବିବାଦ ଥମି ନଥିବା ବେଳେ ବର୍ତ୍ତମାନ ଆଉ ଏକ ବିବାଦ ସାମନାକୁ ଆସିଛି। ତାହା ହେଉଛି ଅଭିନେତ୍ରୀ ବର୍ଷା ପ୍ରିୟଦର୍ଶିନୀ ପୁରୀଘାଟ ଥାନାରେ ଏକ ଏତଲା ଦେଇଛନ୍ତି। ତେବେ ସେ ଅନୁଭବଙ୍କ ନାମରେ ନୁହେଁ। ବରଂ ଅନୁଭବଙ୍କ ନାମରେ  ଥିବା ଫେସବୁକ ଫ୍ୟାନ କ୍ଲବ ବିରୋଧରେ ଏତଲା ଦେଇଛନ୍ତି।

ବର୍ଷା ଏତଲାରେ ଦର୍ଶାଇଛନ୍ତି ଯେ, ସେ ଫେସବୁକ ଦେଖିଲା ବେଳେ ଅନୁଭବ ଫ୍ୟାନ କ୍ଲବ ନାମରେ ଏକ ପେଜ ରହିଛି। ସେଥିରେ ଅନୁଭବଙ୍କୁ ବହୁ ଲୋକ ପ୍ରଶଂସା କରି ଲେଖିଛନ୍ତି। ହେଲେ କେତେକ ମୋ ସଂପର୍କରେ ସମ୍ମାନ ହାନୀ ହେବା ପରି ଟିପ୍ପଣୀ ଦେଇଛନ୍ତି। ଏହା ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ ବୋଲି ବର୍ଷା ଏତଲାରେ ଉଲ୍ଲେଖ କରିଛନ୍ତି।

Categories
ଆଜିର ଖବର ମନୋରଂଜନ ରାଜ୍ୟ ଖବର

ଅଭିନେତ୍ରୀ ବର୍ଷା ପ୍ରିୟଦର୍ଶିନୀ ଟ୍ବଇଟରରେ ନିଜର ଫଟୋ ପୋଷ୍ଟିଂ କରି ଯାହା ଲେଖିଲେ ତାକୁ ନେଇ ଚର୍ଚ୍ଚା

କଟକ, ଆଜି ହଠାତ ଅଭିନେତ୍ରୀ ବର୍ଷା ପ୍ରିୟଦର୍ଶିନୀ ଟ୍ବଇଟର ଆକାଉଣ୍ଟରେ ନିଜର ଏକ ଆକର୍ଷଣୀୟ ଫଟୋ ପକାଇଛନ୍ତି । ଏଥିସହିତ ସେ ଇଂରାଜୀରେ ମାତ୍ର ଅଢେଇ ଧାଡି ଲେଖିଛନ୍ତି। ବର୍ତ୍ତମାନ ସ୍ବାମୀ ଅନୁଭବ ମହାନ୍ତି ଏବଂ ତାଙ୍କ ମଧ୍ୟରେ ଚାଲିଥିବା ବିବାଦରେ ଏହି ଲେଖାକୁ ନେଇ ବିଭିନ୍ନ ମହଲରେ ଚର୍ଚ୍ଚା ଚାଲିଛି। ବର୍ଷା ଲେଖିଛନ୍ତି ଯେ..

ଲୋକଙ୍କୁ ଗୋଡ଼ାନ୍ତୁ ନାହିଁ, ଆପଣ ଆପଣଙ୍କର କାର୍ଯ୍ୟ କରନ୍ତୁ ଏବଂ କଠିନ ପରିଶ୍ରମ କରନ୍ତୁ। ଆପଣଙ୍କ ଜୀବନରେ ସଠିକ୍ ବ୍ୟକ୍ତିମାନେ ଆପଣଙ୍କ ନିକଟକୁ ଆସିବେ ଏବଂ ରହିବେ।” ହଠାତ ବର୍ଷା ଏପରି ଉପଦେଶ କଣ ପାଇଁ ଦେଲେ ସେ ନେଇ ବିଭିନ୍ନ ମହଲରେ ସମୀକ୍ଷା ଆରମ୍ଭ ହୋଇଛି। ବିଶେଷ କରି ଶେଷ ଦୁଇ ଧାଡିକୁ ନେଇ ଅଧିକ ଆଲୋଚନା ଚାଲିଛି।

Categories
ଆଜିର ଖବର ମନୋରଂଜନ ରାଜ୍ୟ ଖବର

ଅନୁଭବ ମହାନ୍ତି କହିଲେ, ମୁଁ ବର୍ଷାକୁ କେଉଁ ଜନ୍ମରେ ମଧ୍ୟ ଗ୍ରହଣ କରିବି ନାହିଁ

ଭୁବନେଶ୍ବର, ଅନୁଭବ ମହାନ୍ତି ଏବଂ ବର୍ଷା ମଧ୍ୟରେ ବିବାଦ ଛିଡିବା ବଦଳେ ବଢିବାରେ ଲାଗିଛି। ଏ ନେଇ ଅନୁଭବ ମହାନ୍ତି ବାରମ୍ବାର ଟୁଇଟ୍ କରି ତାଙ୍କର କ୍ଷୋଭ ଗାଳିବାରେ ଲାଗିଛନ୍ତି। ବର୍ତ୍ତମାନ ଅନୁଭବ ଏକ ଟୁଇଟ କରି କହିଛନ୍ତି ଯେ, ମୁଁ ବର୍ଷାକୁ ଏ ଜନ୍ମରେ ନୁହଁ, କେଉଁ ଜନ୍ମରେ ମଧ୍ୟ ଗ୍ରହଣ କରିବି ନାହିଁ। ସେତିକି ନୁହେଁ ଅନୁଭବ ବର୍ଷାଙ୍କ ବିରୋଧରେ ମଧ୍ୟ ଏକ ସାଂଘାତିକ ଅଭିଯୋଗ କରିଛନ୍ତି। ତାହା ହେଲା ବର୍ଷା କୁଆଡେ ଅନୁଭବଙ୍କ ବାପାମାଙ୍କୁ ମାରିଦେବାକୁ ଧମକ ଦେଇଥିଲେ।

ସେହିପରି ଯେଉଁ ମାନବିକ ଅଧିକାର କର୍ମି ଅନୁଭବଙ୍କ ଘରକୁ ଯାଇଥିଲେ ସେମାନଙ୍କ ବିରୋଧରେ ମଧ୍ୟ ତିବ୍ର ପ୍ରତିକ୍ରିୟା ରଖିଛନ୍ତି ଅନୁଭବ। ତାଙ୍କର କହିବା କଥା ଯେ ଏହି କର୍ମିମାନେ ତାଙ୍କୁ ପ୍ରତାରଣ କରିଛନ୍ତି। ଘରେ କହିଲେ ଯେ ମିଡିଆରେ କୌଣସି କଥା କହିବେ ନାହିଁ, ହେଲେ ସେମାନେ ଘର ବାହାରକୁ ଯାଇ ଓଲଟା କଥା କହିଲେ। ସେମାନଙ୍କୁ ସବୁ ପ୍ରକାରର ସାହର୍ଯ୍ୟ କରିବା ମୋର ଭୁଲ ଥିଲା ବୋଲି ଅନୁଭବ କହିଛନ୍ତି।

Categories
ବିଶେଷ ଖବର ସିନେମା

ପଦାକୁ ଆସିଲା ଅନୁଭବଙ୍କର ବର୍ଷାଙ୍କୁ ଲେଖିଥିବା ଭାବପୂର୍ଣ୍ଣ ଇ-ମେଲ, ବର୍ଷା ମଧ୍ୟ ଦେଇଥିଲେ ଜବାବ

କଟକ, ଦିନକୁ ଦିନ ଅନୁଭବ ବର୍ଷା ମଧ୍ୟରେ ଚାଲିଥିବା ବିବାଦର ନୂଆ ଖିଅ ବାହାରିବାରେ ଲାଗିଛି। ଏହିପରି ପରିସ୍ଥିତିରେ ବର୍ତ୍ତମାନ ପଦାକୁ ଆସିଛି ଅନୁଭବ ମହାନ୍ତି ବର୍ଷାଙ୍କ ପାଖକୁ ଲେଖିଥିବା ଏକ ଭାବପୂର୍ଣ୍ଣ ଇ-ମେଲ। ଗତ ମେ 8 ତାରିଖରେ ଅନୁଭବ ବର୍ଷାଙ୍କ ପାଖକୁ ଏହି ମେଲ ପଠାଇଥିଲେ। ପାଞ୍ଚ ପୃଷ୍ଠାର ଏହି ମେଲରେ ଅନୁଭବ ତାଙ୍କର ବିଗତ ଦିନରେ ବର୍ଷା ସହିତ କିପରି ସଂପର୍କ ଗଢି ଉଠିଲା ସେ ସଂପର୍କରେ ଅବଗତ କରାଇଛନ୍ତି।

ଏଥିରେ ଅନୁଭବ କେବେ ବର୍ଷାଙ୍କୁ ଦେଖିଲେ, ବର୍ଷା କିପରି ତାଙ୍କୁ ଡାକି ନେଇ ତାଙ୍କ ଘର ବୁଲାଇ ଦେଖାଇଲେ ଏବଂ ପରେ କିପରି ଏକାଠି ସିନେମା କଲେ ତାହା ଉଲ୍ଲେଖ କରିଛନ୍ତି।ସେହିପରି କେଉଁ କେଉଁ ସିନେମାରେ ସେମାନେ ଏକାଠି କାମ କରିବା ପରେ ବାହା ହେଲା ତାହା ମଧ୍ୟ ଲେଖିଛନ୍ତି। ତେବେ ବାହାଘର ପରେ ବର୍ଷା ଶାରୀରିକ ସଂପର୍କ ରଖିବା ପାଇଁ ମନା କରିଥିଲେ ବୋଲି କହିଛନ୍ତି। ତେବେ ଏଥିପାଇଁ ସେ କେତୋଟି ଦିନ ମାଗିଥିଲେ, ହେଲେ ଦିନ ପରେ ଦିନ ବିତିଯାଇଥିଲେ ମଧ୍ୟ ତାହା ସମ୍ଭବ ହେଲା ନାହିଁ ବୋଲି ଅନୁଭବ ଲେଖିଛନ୍ତି।

ସେହିପରି ଦିଲ୍ଲୀ ଘର ପୂଜା ପାଇଁ ମେ 8 ତାରିଖରେ ଟିକେଟ କରାଯାଇଥିଲେ ମଧ୍ୟ ସେ ଗଲେ ନାହିଁ ବୋଲି କହିଛନ୍ତି। ମଦ ପିଇବା ବିଷୟରେ ମଧ୍ୟ ଅନୁଭବ ଉଲ୍ଲେଖ କରିଛନ୍ତି। ସେ କହିଛନ୍ତି ଯେ, ମୁଁ ସବୁବେଳ ମଦ ପିଏ ନାହିଁ। କେବଳ ଶୋଇବା ପାଇଁ ମଦ ପିଏ ବୋଲି ଅନୁଭବ କହିଛନ୍ତି।

ଶେଷରେ ଅନୁଭବ ବର୍ଷାଙ୍କୁ ଦୁଇ ପଦ ଲେଖିଛନ୍ତି। ତାହା ହେଲା ଯେ, ତୁମେ ମୋତେ ଛାଡି ଭଲରେ ରୁହ, ସାଇ ବାବା ତୁମର ମଙ୍ଗଳ କରନ୍ତୁ।

ତେବେ ସେହି ମେଲର ଜବାବ ବର୍ଷା ମଧ୍ୟ ଦେଇଛନ୍ତି। ସେ ଲେଖିଥିଲେ ଯେ, ମୋ ଜୀବନ ସହିତ ତୁମେ ବହୁତ ଖେଳ ଖେଳିଛ। ତୁମର ପରକୀୟା ପ୍ରତି ଏବଂ ମଦ ପିଇବା ହିଁ ମୋତେ ହନ୍ତସନ୍ତ କରିଦେଲା। ତୁମର ଶାରୀରିକ ସଂପର୍କ ରଖିବାର ଯଦି ଅଛି ମୋତେ କାହିଁକି କଲବଲ କରୁଛ ବୋଲି ବର୍ଷା ଉଲ୍ଲେଖ କରିଛନ୍ତି।

ଶେଷରେ ବର୍ଷା ମଧ୍ୟ ଲେଖିଛନ୍ତି ଯେ, ଏହି ବାହାଘରକୁ ଅତୁଟ ରଖିବା ପାଇଁ ମୁଁ ଶେଷ ପର୍ଯ୍ୟନ୍ତ ଚେଷ୍ଠା କରିବି।

Categories
ଆଜିର ଖବର ଆଞ୍ଚଳିକ ରାଜ୍ୟ ଖବର

ଶେଷରେ ମୁହଁ ଖୋଲିଲେ ଅଭିନେତା ତଥା ସାଂସଦ ଅନୁଭବ ମହାନ୍ତି

ଭୁବନେଶ୍ବର, ବର୍ଷା ଏବଂ ଅନୁଭବ ମହାନ୍ତିଙ୍କ ମଧ୍ୟରେ ବିବାହ ବିଚ୍ଛେଦ ପ୍ରସଂଗରେ ଶେଷରେ ମୁଁହ ଖୋଲିଲେ ଅନୁଭବ। ସେ କହିଛନ୍ତି ଯେ, ବର୍ଷାକୁ ମୁଁ ବହୁତ ଭଲ ପାଉଥିବାରୁ ବିବାହ କରିଥିଲି। ହେଲେ ବିବାହର ବହୁ ବର୍ଷ ପରେ ବର୍ଷାର ବ୍ୟବହାରିକ ପରିବର୍ତ୍ତନ ଘଟିଥିଲା। ଉଭୟଙ୍କ ମଧ୍ୟରେ ବୈବାହିକ ସୁଖକୁ ନେଇ ସବୁବେଳେ ମତାନ୍ତର ରହୁଥିଲା। ପରିଶେଷରେ ଏହା ଏକ ଚରମ ସୀମାରେ ପହଁଞ୍ଚିଲା।ଯେତେ ବୁଝାଇବାକୁ ଚେଷ୍ଠା କଲେ ମଧ୍ୟ ତାହା ହୋଇପାରିଲା ନାହିଁ। ଏହି ପାରିବାରିକ ଘଟଣା ବାହାରକୁ ନ ଆସୁ ଭାବି ମୁଁ ବହୁ ବର୍ଷ ଧରି ଚୁପ ରହିଥିଲି। ବର୍ତ୍ତମାନ ଗଣମାଧ୍ୟମରେ ମନଗଢା କାହାଣୀ କୁହାଯାଉଥିବାରୁ ମୁଁ ମୁହଁ ଖୋଲିବାକୁ ବାଧ୍ୟ ହେଲି ବୋଲି ଅନୁଭବ ଏକ ପ୍ରେସ ବିଜ୍ଞପ୍ତିରେ କହିଛନ୍ତି।

Categories
ବିଶେଷ ଖବର ମନୋରଂଜନ ରାଜ୍ୟ ଖବର ସିନେମା

କୋର୍ଟ ଗଲେ ଅଭିନେତ୍ରୀ ବର୍ଷା ପ୍ରିୟଦର୍ଶିନୀ : ଅନୁଭବ – ବର୍ଷାଙ୍କ ମଧ୍ୟରେ ଫାଟ

ଭୁବନେଶ୍ବର :  ଓଲିଉଡ୍‌ର ଲୋକପ୍ରିୟ କଳାକାର ଅନୁଭବ-ବର୍ଷାଙ୍କ ମଧ୍ୟରେ ଫାଟ ସୃଷ୍ଟି ହୋଇଥିବାର ସୂଚନା ରହିଛି । ଓଲିଉଡ୍‌ର ଲୋକପ୍ରିୟ ଯୋଡ଼ି ଭାବେ ଦୁହେଁ ଦର୍ଶକଙ୍କୁ ଅନେକ ସୁପରହିଟ୍‌ ଫିଲ୍ମ ଭେଟି ଦେଇଛନ୍ତି। ତେବେ ଦୁହିଁଙ୍କ ମଧ୍ୟରେ ସବୁକିଛି ଠିକ୍‌ ଚାଲିନଥିବାର ସୂଚନା ରହିଛି।  ସାଂସଦ ସ୍ବାମୀ ଅନୁଭବ ମହାନ୍ତିଙ୍କ ବିରୋଧରେ କୋର୍ଟଙ୍କ ଦ୍ବାରସ୍ଥ ହୋଇଛନ୍ତି ବର୍ଷା ପ୍ରିୟଦର୍ଶିନୀ।  କଟକ ଏସ୍‌ଡିଜେଏମ୍‌ କୋର୍ଟରେ ମାମଲା ଦାୟର କରିଛନ୍ତି ବର୍ଷା ପ୍ରିୟଦର୍ଶିନୀ । ପାରିବାରିକ ହିଂସା ନିରୋଧ ଆଇନ୍‌ ଧାରା-୧୨ ଅନୁଯାୟୀ ମାମଲା ରୁଜୁ ହୋଇଥିବାର ସୂଚନା ରହିଛି । ଆସନ୍ତା  ୭ ତାରିଖ ଦିନ ମାମଲାର ପ୍ରଥମ ଶୁଣାଣି ପାଇଁ ଦିନ ଧାର୍ଯ୍ୟ ହୋଇଥିବାର ସୂଚନା ରହିଛି । ମାମଲା ନେଇ ଜିଲ୍ଲା କୋର୍ଟର ଅଫିସିଆଲ୍‌ ଓ୍ବେବସାଇଟ୍‌ରେ ସୂଚନା ରହିଛି ।

ସଦ୍ୟତମ ଖବର ଅନୁଯାୟୀ ଉଭୟଙ୍କ ମଧ୍ୟରେ ବିବାହ ବିଚ୍ଛେଦ ହେବାକୁ ଯାଉଛି । ବର୍ଷା ମାନସିକ- ଶାରିରୀକ ନିର୍ଯାତନାର ଶିକାର ହୋଇଥିବାର ସୂଚନା ରହିଛି । ଭରଣପୋଷଣ ପାଇଁ କୋର୍ଟରେ ଆବେଦନ କରିଛନ୍ତି ବର୍ଷା ପ୍ରିୟଦର୍ଶିନୀ  । ବର୍ଷା ସିଆରଏଲଏମସି ନମ୍ବର ୯୪/୨୦୨୦ରେ ପ୍ରୋଟେକ୍ସନ ଅଫ ୱମେନ ଫ୍ରମ ଡୋମେଷ୍ଟିକ ଭାଓଲେନ୍ସ ଆକ୍ଟ ୨୦୦୫ର ଦଫା ୧୨, ୧୭, ୧୮, ୧୯, ୨୦ ଓ ୨୨ରେ ମକବ୍ଦମା ଦାଏର କରିଛନ୍ତି । ମକଦ୍ଦମାଟି ମାନ୍ୟବର ଅଦାଲତ ପ୍ରୋଟେକ୍ସନ ଅଫିସରଙ୍କ ନିକଟକୁ ପଠାଇଥିବା ନେଇ ଗଣମାଧ୍ୟମରେ ଖବର ପ୍ରକାଶ ପାଇଛି ।

ତେବେ ଏହି ଘଟଣା ସମ୍ପର୍କରେ ବିଜେଡି ସାଂସଦ ଅନୁଭବ ମହାନ୍ତି ପ୍ରତିକ୍ରିୟା ଦେଇ କହିଛନ୍ତି ଯେ,  ବର୍ତ୍ତମାନ ସୁଦ୍ଧା କିଛି ଲିଗାଲ୍‌ ନୋଟିସ୍‌ ଆସିନି, ଆସିଲେ ଏହା ସମ୍ପର୍କରେ ଜଣାଇବେ ବୋଲି କହିଛନ୍ତି ।