Categories
ଆଜିର ଖବର ଜାତୀୟ ଖବର

ବିହାର କ୍ୟାବିନେଟ ବୈଠକରେ ହଙ୍ଗମା: ମୁଖ୍ୟମନ୍ତ୍ରୀଙ୍କୁ ଇସ୍ତଫା ଦେବା ଲାଗି ଧମକ ଦେଲେ କୃଷି ମନ୍ତ୍ରୀ

ପାଟନା: ଆଜି ବିହାର କ୍ୟାବିନେଟ ବୈଠକରେ ଏକ ବଡ଼ ଧରଣର ହଙ୍ଗମା ଦେଖାଦେଇଛି। ମୁଖ୍ୟମନ୍ତ୍ରୀ ନୀତୀଶ କୁମାରଙ୍କୁ କୃଷି ମନ୍ତ୍ରୀ ସୁଧାକର ସିଂ ଇସ୍ତଫା ଦେବାକୁ ଧମକ ଦେଇଛନ୍ତି। ନିକଟରେ ଦେଇଥିବା ବିବୃତ୍ତି ବିଷୟରେ ମୁଖ୍ୟମନ୍ତ୍ରୀ ନୀତୀଶ କୁମାର କୃଷି ମନ୍ତ୍ରୀଙ୍କୁ କହିଥିଲେ ଯେ, ଏପରି ବିବୃତ୍ତି କରିବା ଠିକ ନୁହେଁ। ମୁଖ୍ୟମନ୍ତ୍ରୀ ନୀତୀଶ କୁମାର ଏହା କହିବା ମାତ୍ରେ କୃଷି ମନ୍ତ୍ରୀ ସୁଧାକର ସିଂ ପାଲଟା ଜବାବ ଦେଇ କହିଥିଲେ ଯେ, ଏହା ଭୁଲ୍, ଯଦି ତାହା ହୁଏ ତେବେ ମୁଁ ଇସ୍ତଫା ଦେବି। ସୁଧାକର ସିଂ ରବିବାର ଦିନ କୈମୁରରେ କହିଥିଲେ ଯେ, କୃଷି ବିଭାଗର ଲୋକମାନେ ଚୋର ଏବଂ ସେ ହେଉଛନ୍ତି ‘ଚୋରମାନଙ୍କର ମୁଖିଆ’।

ପ୍ରକୃତରେ କୃଷି ମନ୍ତ୍ରୀ ସୁଧାକର ସିଂ ରବିବାର ଦିନ କୈମୁରରେ ମଞ୍ଚରୁ ଚାଷୀଙ୍କୁ ସମ୍ବୋଧିତ କରିଥିଲେ। ତାଙ୍କ ବିବୃତ୍ତିର ଭିଡିଓ ବହୁତ ଭାଇରାଲ ହୋଇଛି। ପରେ ଯେତେବେଳେ କୃଷି ମନ୍ତ୍ରୀଙ୍କୁ ଏହି ବିବୃତ୍ତି ବିଷୟରେ ପଚରାଯାଇଥିଲା, ସେତେବେଳେ ସେ ଉତ୍ତର ଦେଇଥିଲେ ଯେ ତାଙ୍କର ଏ ବିଷୟରେ କିଛି କହିବାର ନାହିଁ। କିମ୍ବା ବିବୃତ୍ତିରେ କୌଣସି ସଂଶୋଧନ କରିବାର ଅଛି।

Categories
ଆଜିର ଖବର ଜାତୀୟ ଖବର

ରାଜଭରଙ୍କୁ ବଡ ଝଟକା, କିଷାନ ମୋର୍ଚ୍ଚାର ରାଜ୍ୟ ସଭାପତିଙ୍କ ସମେତ ଦଳରୁ ଇସ୍ତଫା ଦେଲେ ଦଶ ନେତା

ଲକ୍ଷ୍ନୌ: ସମାଜବାଦୀ ପାର୍ଟି ସହିତ ମିଳିତ ମେଣ୍ଟ ଭାଙ୍ଗିବା ପରେ ସୁଭାସପାର ସଭାପତି ଓମ ପ୍ରକାଶ ରାଜଭରଙ୍କ ଅସୁବିଧା କମ୍ ହେବାର ନାମ ନେଉନାହିଁ। ତାଙ୍କ ଦଳରେ କ୍ରମାଗତ ଇସ୍ତଫା ବଢିବାରେ ଲାଗିଛି। ସୋମବାର ପୁଣି ଥରେ ରାଜଭରଙ୍କୁ ଟିକେଟ୍ ନାମରେ ଟଙ୍କା ନେଉଥିବା ଅଭିଯୋଗ କରି ଡଜନ କାର୍ଯ୍ୟକର୍ତ୍ତା ଦଳରୁ ଇସ୍ତଫା ଦେଇଛନ୍ତି। ସୁଭାସପା କିଷାନ ମୋର୍ଚ୍ଚାର ରାଜ୍ୟ ସଭାପତି ମାଷ୍ଟର ରାଧେଶ୍ୟାମ ସିଂଙ୍କ ସମେତ କୁଶୀନଗରର ଜିଲ୍ଲା ସଭାପତି ଏବଂ ଜିଲ୍ଲା ପ୍ରଭାରୀ ସହିତ ଏକ ଡଜନ ଦଳର ନେତା ରାଜଭରଙ୍କ ଠାରୁ ବିଦାୟ ନେଇଛନ୍ତି।

ଯେଉଁମାନେ ଇସ୍ତଫା ଦେଇଛନ୍ତି ସେମାନଙ୍କ ମଧ୍ୟରେ କୁଶୀନଗର ଜିଲ୍ଲା ସଭାପତି, ଜିଲ୍ଲା ପ୍ରଭାରୀ ଏବଂ ଜିଲ୍ଲା ସଚିବଙ୍କ ନାମ ମଧ୍ୟ ଅନ୍ତର୍ଭୁକ୍ତ କରାଯାଇଛି। ରାଜ୍ୟ କାର୍ଯ୍ୟାଳୟକୁ ଇସ୍ତଫା ପଠାଇବା ପୂର୍ବରୁ ଦଳର ବରିଷ୍ଠ କର୍ମୀମାନେ ପୂର୍ବତନ ମନ୍ତ୍ରୀ ତଥା ସୁଭାସପା ମୁଖ୍ୟଙ୍କ ବିରୋଧରେ ଅତ୍ୟନ୍ତ ଗମ୍ଭୀର ଅଭିଯୋଗ ଆଣିଛନ୍ତି। ପ୍ରଥମ ଦିନରୁ ସୁଭାସପା ସହିତ ଜଡିତ ଥିବା ତଥା ବହୁ ଗୁରୁତ୍ୱପୂର୍ଣ୍ଣ ପଦବୀରେ ଅବସ୍ଥାପିତ ମାଷ୍ଟର ରାଧେଶ୍ୟାମ ସିଂ କହିଛନ୍ତି ଯେ, ଓମ ପ୍ରକାଶ ରାଜଭର ଦଳ ନୁହେଁ ଟଙ୍କା ସଂଗ୍ରହ ପାଇଁ ବଜାର ଖୋଲିଛନ୍ତି। ଏଥିସହ ସେ ନିଜ ଆକାଉଣ୍ଟକୁ ୨୦ ଲକ୍ଷ ଟଙ୍କା ଟ୍ରାନ୍ସଫର କରିଥିବା ଦାବି କରିଛନ୍ତି।

Categories
ଆଜିର ଖବର ଜାତୀୟ ଖବର

ଜେଡିୟୁ ମୁଖପାତ୍ର ନିଖିଲ ମଣ୍ଡଲଙ୍କ ଇସ୍ତଫା, ଆଉ ଦୁଇ ନେତାଙ୍କ ନାମ ନେଇ ପ୍ରତିକ୍ରିୟା ରଖିଲା ବିଜେପି

ପାଟନା: ଜେଡିୟୁ ମୁଖପାତ୍ର ନିଖିଲ ମଣ୍ଡଲ ତାଙ୍କ ପଦରୁ ଇସ୍ତଫା ଦେଇଛନ୍ତି। ଆଜି ସେ ଏକ ଚିଠି ଜାରି କରି ଏ ବିଷୟରେ ସୂଚନା ଦେଇଛନ୍ତି। ସେ ଏହି ଚିଠିକୁ ଟ୍ୱିଟରରେ ସେୟାର କରିଛନ୍ତି। ନିଖିଲ ମଣ୍ଡଳ ୨୦୧୫ ରେ ମାଧେପୁରାରୁ ଜେଡିୟୁ ପ୍ରାର୍ଥୀ ହୋଇଥିଲେ। ସେ ପରାସ୍ତ ହେବାର ପର ବର୍ଷ ଦଳର ମୁଖପାତ୍ର ହୋଇଥିଲେ। ସେ ଗତ ୬ ବର୍ଷ ଧରି ଜେଡିୟୁ ମୁଖପାତ୍ର ରହିଆସିଛନ୍ତି। ଏହି ଇସ୍ତଫା ପରେ ବିଜେପି ମଧ୍ୟ ଜେଡ଼ିୟୁକୁ ଟାର୍ଗେଟ କରିଛି।

ନିଖିଲ ମଣ୍ଡଳ ଜାରି ହୋଇଥିବା ଚିଠିରେ ଲେଖିଛନ୍ତି ଯେ, “ଏହି ୬ ବର୍ଷ ୭ ମାସ ୧୨ ଦିନ ମଧ୍ୟରେ ମୁଁ ସମସ୍ତ ଗଣମାଧ୍ୟମ ସହକର୍ମୀଙ୍କ ଠାରୁ ଅପାର ପ୍ରେମ ଏବଂ ସମ୍ମାନ ପାଇଲି, ଯେଉଁଥିପାଇଁ ମୁଁ ଆପଣଙ୍କୁ ସମସ୍ତଙ୍କୁ ହୃଦୟରୁ ଧନ୍ୟବାଦ ଦେଉଛି।” ପ୍ରକାଶ ଯେ, ନିର୍ବାଚନରେ ​​ଆରଜେଡିର ଡକ୍ଟର ଚନ୍ଦ୍ରଶେଖରଙ୍କ ଠାରୁ ନିଖିଲ ମଣ୍ଡଳ ପରାସ୍ତ ହୋଇଥିଲେ।

ନିଖିଲ ମଣ୍ଡଳଙ୍କ ଇସ୍ତଫା ପରେ ବିଜେପିର ପ୍ରତିକ୍ରିୟା ମଧ୍ୟ ଆସିଛି। ଆଉ ଦୁଇଜଣ ନେତାଙ୍କ ନାମ ଟ୍ୱିଟ୍ କରି ଭାରତୀୟ ଜନତା ପାର୍ଟି ଓବିସି ମୋର୍ଚ୍ଚାର ରାଷ୍ଟ୍ରୀୟ ସାଧାରଣ ସମ୍ପାଦକ ନିଖିଲ ଆନନ୍ଦ ସରକାରଙ୍କ ଉପରେ ଆକ୍ରମଣ କରିଛନ୍ତି। ନିଖିଲ ଆନନ୍ଦ ଲେଖିଛନ୍ତି ଯେ, “ଯେକୌଣସି ଧାଡିରେ ଠିଆ ହୋଇ କାହାର ପତାକା ଉତ୍ତୋଳନ କରିବା ପରିବର୍ତ୍ତେ ରାଜନୈତିକ ସଫଳତା ପାଇଁ ସଂଗ୍ରାମ କରିବା ପ୍ରୟାସ। ପ୍ରଫେସର ସୁହେଲି ମେହେତା! ଡକ୍ଟର ଅଜୟ ଆଲୋକ !! ନିଖିଲ ମଣ୍ଡଳ !!! କ’ଣ ନୀତୀଶ କୁମାର, ତେଜସ୍ୱୀ ଯାଦବ ଏବଂ ମହାମେଣ୍ଟକୁ ରକ୍ଷା କରିବାରେ ଜେଡିୟୁର ସର୍ବୋତ୍ତମ ମୁଖପାତ୍ର ଅସହଜ ଅନୁଭବ କରିବା ଆରମ୍ଭ କରିଛନ୍ତି?

Categories
ଆଜିର ଖବର ଜାତୀୟ ଖବର

ନୀତୀଶ ସରକାରଙ୍କ ଫ୍ଲୋର ଟେଷ୍ଟ ପୂର୍ବରୁ ଇସ୍ତଫା ଦେଲେ ବିଧାନସଭା ବାଚସ୍ପତି ବିଜୟ ସିହ୍ନା

ପାଟନା: ବିହାରରେ ମହାମେଣ୍ଟ ସରକାର ଗଠନ ହୋଇଛି। କିନ୍ତୁ ଆଜି ସରକାରଙ୍କୁ ଫ୍ଲୋର ଟେଷ୍ଟରେ ସାମ୍ନା କରିବାକୁ ପଡ଼ିଛି। ପ୍ରକ୍ରିୟା ଆରମ୍ଭ ହେବା ମାତ୍ରେ ବାଚସ୍ପତି ବିଧାନସଭାକୁ ସମ୍ବୋଧିତ କରିବାବେଳେ ନିଜ ପଦବୀରୁ ଇସ୍ତଫା ଦେଇଛନ୍ତି। ସେ କହିଛନ୍ତି ଯେ, ମୋ ବିରୋଧରେ ଅନେକ ଅଭିଯୋଗ ହୋଇଛି, ଯାହା ପରେ ମୁଁ ଇସ୍ତଫା ଦେଉଛି। ଯେତେବେଳେ ଅଧିବେଶନ ଆରମ୍ଭ ହେଲା, ସେତେବେଳେ ବାଚସ୍ପତି ବିଜୟ ସିହ୍ନା କହିଛନ୍ତି ଯେ ମୁଁ ଉତ୍ତର ଦେବାକୁ ଚାହୁଁଥିଲୁ। ତେଣୁ ମୁଁ ଇସ୍ତଫା ଦେଇନଥିଲି। ସେ ନିୟମ ଅନୁଯାୟୀ କାର୍ଯ୍ୟ କରୁଛନ୍ତି ଏବଂ ସର୍ବଦା ନିୟମ ଅନୁଯାୟୀ କାର୍ଯ୍ୟ କରିଥିଲେ। ତାଙ୍କ ବିରୋଧରେ ଅବିଶ୍ୱାସ ପ୍ରସ୍ତାବ ଅସାମ୍ବିଧାନିକ ଅଟେ ବୋଲି ବିଜୟ ସିହ୍ନା କହିଛନ୍ତି।

Categories
ଆଜିର ଖବର ଜାତୀୟ ଖବର

ବିଧାନ ପରିଷଦର ନେତା ପଦରୁ ଇସ୍ତଫା ଦେଲେ ସ୍ଵତନ୍ତ୍ର ଦେବ ସିଂ, କେଶବ ମୌର୍ଯ୍ୟଙ୍କୁ ମିଳିଲା ଦାୟିତ୍ଵ

ଲକ୍ଷ୍ନୌ: ଉତ୍ତରପ୍ରଦେଶ ବିଜେପି ସହ ଜଡିତ ଏକ ବଡ ଖବର ଆସୁଛି। ୟୁପି ବିଧାନ ପରିଷଦରେ ଗୃହର ନେତା ସ୍ଵତନ୍ତ୍ର ଦେବ ସିଂ ଗୃହର ନେତା ପଦରୁ ଇସ୍ତଫା ଦେଇଛନ୍ତି। ବ୍ୟସ୍ତତା ତାଙ୍କ ଇସ୍ତଫା ପଛର କାରଣ ବୋଲି ସ୍ଵତନ୍ତ୍ର ଦେବ ଉଲ୍ଲେଖ କରିଛନ୍ତି। ନିକଟରେ ସେ କ୍ୟାବିନେଟ ମନ୍ତ୍ରୀ ତଥା ବିଧାନ ପରିଷଦର ନେତା ଭାବରେ ମନୋନୀତ ହୋଇଥିଲେ। ସ୍ଵତନ୍ତ୍ର ଦେବଙ୍କ ଇସ୍ତଫା ପରେ ଉପ-ମୁଖ୍ୟମନ୍ତ୍ରୀ କେଶବ ପ୍ରସାଦ ମୌର୍ଯ୍ୟଙ୍କୁ ଏହି ବଡ ଦାୟିତ୍ଵ ଦିଆଯାଇଛି।

ୟୁପି ବିଧାନ ପରିଷଦର ବାଚସ୍ପତି ସ୍ଵତନ୍ତ୍ର ଦେବ ସିଂଙ୍କ ଇସ୍ତଫା ସମ୍ପର୍କରେ ସୂଚନା ଦେଇ କେଏମ ସିଂ କହିଛନ୍ତି ଯେ, ସେ ୟୁପି ବିଧାନ ପରିଷଦରେ ଗୃହର ନେତା ପଦରୁ ଇସ୍ତଫା ଦେଇଛନ୍ତି। ତାଙ୍କର ବ୍ୟସ୍ତତା କାରଣରୁ ସେ ଇସ୍ତଫା ଦେଇଛନ୍ତି। ତାଙ୍କ ପରେ ଏହି ଦାୟିତ୍ୱ ବର୍ତ୍ତମାନ ଉପ-ମୁଖ୍ୟମନ୍ତ୍ରୀ କେଶବ ପ୍ରସାଦ ମୌର୍ଯ୍ୟଙ୍କୁ ଦିଆଯାଇଛି। କେଶବ ମୌର୍ଯ୍ୟଙ୍କୁ ବିଧାନ ପରିଷଦରେ ଗୃହର ନେତା କରାଯାଇଛି। ଅନ୍ୟପକ୍ଷରେ ସ୍ଵତନ୍ତ୍ର ଦେବ ସିଂଙ୍କ ହଠାତ୍ ଇସ୍ତଫା ଯୋଗୁଁ ରାଜନୈତିକ ମହଲରେ ଅନେକ କଳ୍ପନାଜଳ୍ପନା ଆରମ୍ଭ ହୋଇଛି।

ଅନ୍ୟପକ୍ଷରେ କେଶବ ପ୍ରସାଦ ମୌର୍ଯ୍ୟଙ୍କୁ ଏହି ଦାୟିତ୍ୱ ଦିଆଯିବା ପରେ ସ୍ଵତନ୍ତ୍ର ଦେବ ସିଂ ଖୁସି ବ୍ୟକ୍ତ କରି ତାଙ୍କୁ ଅଭିନନ୍ଦନ ଜଣାଇଛନ୍ତି। ସେ ଟ୍ୱିଟ୍ କରି ଲେଖିଛନ୍ତି ଯେ, ଉତ୍ତରପ୍ରଦେଶର ଉପମୁଖ୍ୟମନ୍ତ୍ରୀ ମାନ୍ୟବର କେଶବ ପ୍ରସାଦ ମୌର୍ଯ୍ୟ ଜୀଙ୍କୁ ବିଧାନ ପରିଷଦରେ ଗୃହର ନେତା ହେବାରୁ ହାର୍ଦ୍ଦିକ ଅଭିନନ୍ଦନ ଓ ଶୁଭେଚ୍ଛା।

ସ୍ଵତନ୍ତ୍ର ଦେବ ସିଂ ବିଜେପିରେ ଅନେକ ଗୁରୁତ୍ୱପୂର୍ଣ୍ଣ ଦାୟିତ୍ଵ ପୂରଣ କରିଛନ୍ତି। ଯୋଗୀ ସରକାରଙ୍କ ପ୍ରଥମ କାର୍ଯ୍ୟକାଳରେ ତାଙ୍କୁ ପରିବହନ ବିଭାଗର ଦାୟିତ୍ୱ ଦିଆଯାଇଥିଲା, ଏହା ପରେ ତାଙ୍କୁ ବିଜେପି ରାଜ୍ୟ ସଭାପତି କରାଯାଇଥିଲା। ଯୋଗୀ ୨.୦ରେ ମଧ୍ୟ ତାଙ୍କୁ ଏକ ବଡ ଦାୟିତ୍ଵ ଦେଇ କ୍ୟାବିନେଟ ମନ୍ତ୍ରୀ କରାଯାଇଥିଲା। ସେ ଯୋଗୀ ସରକାରରେ ଜଳଶକ୍ତି ମନ୍ତ୍ରୀ ଦାୟିତ୍ଵ ଗ୍ରହଣ କରୁଛନ୍ତି।

Categories
ଆଜିର ଖବର ଜାତୀୟ ଖବର

ଇସ୍ତଫା ପରେ ନୀତୀଶ କୁମାରଙ୍କର ପ୍ରଥମ ପ୍ରତିକ୍ରିୟା, ଜାଣନ୍ତୁ କ’ଣ କହିଲେ

ପାଟନା: ବିହାର ରାଜ୍ୟପାଳ ଫଗୁ ଚୌହାନଙ୍କ ନିକଟରେ ଇସ୍ତଫା ଦାଖଲ କରିବା ପରେ ନୀତୀଶ କୁମାରଙ୍କ ପ୍ରଥମ ପ୍ରତିକ୍ରିୟା ସାମ୍ନାକୁ ଆସିଛି। ନୀତୀଶ କହିଛନ୍ତି ଯେ, ସମସ୍ତ ସାଂସଦ ଏବଂ ବିଧାୟକମାନେ ଏନଡିଏ ଛାଡିବା ଉଚିତ୍ ବୋଲି କହିଥିଲେ। ବିଜେପି ସହ କାମ କରିବା କଷ୍ଟକର ହୋଇପଡିଥିଲା। ସେ କହିଛନ୍ତି ଯେ ଆଜି ଆମ ଦଳର ସମସ୍ତ ସାଂସଦ, ବିଧାୟକ ଏବଂ କାଉନସିଲରଙ୍କ ସହ ଆଲୋଚନା କରିଥିଲୁ। ଏନଡିଏ ଛାଡିବା ପାଇଁ ସମସ୍ତେ ଇଚ୍ଛା ପ୍ରକାଶ କରିଥିଲେ। ସେଥିପାଇଁ ଆମେ ଆଜି ଇସ୍ତଫା ଦେଇଛୁ।

ବିଜେପିରେ ଅସୁବିଧା କ’ଣ ବୋଲି ପ୍ରଶ୍ନରେ ନୀତୀଶ କୁମାର କହିଛନ୍ତି ଯେ ‘ଆଗକୁ କହିବି’। ରାଜ୍ୟପାଳଙ୍କ ନିକଟରେ ଇସ୍ତଫା ଦେବା ପରେ ନୀତୀଶ କୁମାର ରାବଡି ଦେବୀଙ୍କ ବାସଭବନ ଆଡକୁ ଯାଇଥିଲେ।

ଏବେ କ’ଣ ହେବ?:

ବର୍ତ୍ତମାନ ନୀତୀଶ କୁମାର ଆରଜେଡି ସହିତ ବିହାରରେ ସରକାର ଗଠନ କରିପାରନ୍ତି। ସୂଚନାନୁସାରେ, ଉପ ମୁଖ୍ୟମନ୍ତ୍ରୀ ଏବଂ ବାଚସ୍ପତି ପଦ ଆରଜେଡି କୋଟାରୁ ହେବ। ତେଜସ୍ୱୀ ଯାଦବ ରାଜ୍ୟର ଉପ ମୁଖ୍ୟମନ୍ତ୍ରୀ ହେବେ। ଉଲ୍ଲେଖ ଯୋଗ୍ୟ ଯେ ୨୦୧୫ ମସିହାରେ ମଧ୍ୟ ମହା ମେଣ୍ଟ ସରକାର ଗଠନ ହୋଇଥିଲେ ମଧ୍ୟ ତେଜସ୍ୱୀ ଯାଦବ ରାଜ୍ୟର ଉପ ମୁଖ୍ୟମନ୍ତ୍ରୀ ହୋଇଥିଲେ। ଏବେ ସେ ପୁଣି ଉପ ମୁଖ୍ୟମନ୍ତ୍ରୀ ହେବେ। ବିଭାଗ ବଣ୍ଟନ ଉପରେ କୌଣସି ମତଭେଦ ରହିବ ନାହିଁ ବୋଲି ଆରଜେଡି ସୂତ୍ରରୁ ପ୍ରକାଶ। ତେଜସ୍ୱୀ ଯାଦବ କହିଛନ୍ତି ଯେ, ତାଙ୍କର ୧୬୦ ଶକ୍ତି ଅଛି। ଯଦି ବିଜେପି ଅସ୍ଥିରତା ସୃଷ୍ଟି କରିବାକୁ ଚେଷ୍ଟା କରେ କିମ୍ବା ରାଷ୍ଟ୍ରପତି ଶାସନ ଲାଗୁ କରିବାକୁ ଚେଷ୍ଟା କରେ, ତେବେ ଆମେ ସେମାନଙ୍କୁ ଉପଯୁକ୍ତ ଜବାବ ଦେବୁ।

Categories
ଆଜିର ଖବର ଜାତୀୟ ଖବର

ଆଜି ଆଉ ଜଣେ କେନ୍ଦ୍ରମନ୍ତ୍ରୀ ରାମଚନ୍ଦ୍ରା ପ୍ରସାଦ ସିଂ ଦେଲେ ଇସ୍ତଫା

ନୂଆଦିଲ୍ଲୀ: ଆଜି ଆଉ ଜଣେ କେନ୍ଦ୍ରମନ୍ତ୍ରୀ ମଧ୍ୟ ଇସ୍ତଫା ଦେଇଛନ୍ତି। କିଛି ସମୟ ପୂର୍ବରୁ କେନ୍ଦ୍ର ସଂଖ୍ୟାଲଘୁ ମନ୍ତ୍ରୀ ମୁକ୍ତାର ନକଭି ଇସ୍ତଫା ଦେଇଛନ୍ତି। ଏହାପରେ ଇସ୍ପାତ ମନ୍ତ୍ରୀ ରାମଚନ୍ଦ୍ର ପ୍ରସାଦ ସିଂ ମଧ୍ୟ ଇସ୍ତଫା ଦେଇଛନ୍ତି। ତେବେ ସିଂ ରାଜ୍ୟସଭା ସଦସ୍ୟ ଥିଲେ। ତାଙ୍କର ସଦସ୍ୟତା ସମୟ ପୁରଣ ହେଉଥିବାରୁ ସେ ଇସ୍ତଫା ଦେଇଛନ୍ତି।

ଆଜି କ୍ୟାବିନେଟ ବୈଠକରେ ଉଭୟ ନକଭି ଏବଂ ସିଂ ଉପସ୍ଥିତ ଥିଲେ। ସେମାନଙ୍କୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବେଶ ପ୍ରଶଂସା କରିଥିଲେ। ଏହି ବୈଠକ ପରେ ଉଭୟ ଇସ୍ତଫା ପ୍ରଦାନ କରିଛନ୍ତି। ତେବେ ବିଶେଷ ସୁତ୍ରରୁ ମିଳିଥିବା ସୂଚନା ଅନୁସାରେ ମୁକ୍ତାର ନକଭିଙ୍କୁ ମୋଦୀ ଏକ ବଡ ଦାୟିତ୍ବ ଦେଇପାରନ୍ତି।

Categories
ଆଜିର ଖବର ଜାତୀୟ ଖବର

ନୁପୁର ଶର୍ମାଙ୍କ ଆପତ୍ତିଜନକ ବିବୃତ୍ତିରେ କୋଟାର ବିଜେପି କାଉନସିଲରଙ୍କ ଇସ୍ତଫା

ନୂଆଦିଲ୍ଲୀ: ପୂର୍ବତନ ଭାରତୀୟ ଜନତା ପାର୍ଟି ମୁଖପାତ୍ର ନୁପୁର ଶର୍ମାଙ୍କ ଆପତ୍ତିଜନକ ବିବୃତ୍ତି ବିରୋଧରେ କୋଟାରେ ଜଣେ ବିଜେପି ମୁସଲିମ କାଉନସିଲର ଇସ୍ତଫା ଦେଇଛନ୍ତି। ସେ କହିଛନ୍ତି ଯେ କୌଣସି ପରିସ୍ଥିତିରେ ସେ ପେଗମ୍ବର ମହମ୍ମଦଙ୍କ ବିଷୟରେ କିଛି ଭୁଲ୍ ଶୁଣି ପାରିବେ ନାହିଁ। ଦଳ ତୁରନ୍ତ ନୁପୁର ଶର୍ମାଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବା ଉଚିତ ଏବଂ ସାମ୍ପ୍ରଦାୟିକ ସୌହାର୍ଦ୍ଦ୍ୟର ବାର୍ତ୍ତା ଦେବା ଉଚିତ୍।

କୋଟା ମ୍ୟୁନିସିପାଲିଟି କର୍ପୋରେସନ୍ ସାଉଥ୍ ୱାର୍ଡ ନମ୍ବର ୧୪ ର କାଉନସିଲର, ତବସୁମ୍ ମିର୍ଜା ବିଜେପି ଦଳର ପ୍ରାଥମିକ ସଦସ୍ୟତାରୁ ଇସ୍ତଫା ଦେଇଛନ୍ତି। ସେ ତାଙ୍କ ଇସ୍ତଫାକୁ ବିଜେପି ନଗର ଜିଲ୍ଲା ସଭାପତି ତଥା ରାଜ୍ୟ ସ୍ତରକୁ ପଠାଇଛନ୍ତି।

ଟାବାସୁମ୍ ମିର୍ଜା କହିଛନ୍ତି ଯେ, ଗତ ୨୨ ବର୍ଷ ଧରି ୱାର୍ଡ ନମ୍ବର ୧୪ ରେ ବିଜେପି ଦଳ କେବେ ଜିତି ନାହିଁ। ବର୍ଷ ବର୍ଷ ଧରି ସେ ପାର୍ଟୀ ପାଇଁ କାମ କରିଛନ୍ତି ଏବଂ ଏଠାରୁ ପଦ୍ମ ଫୁଟିବାକୁ ଦେଇଛନ୍ତି। କିନ୍ତୁ ନୁପୁର ଶର୍ମା ଯେପରି ଆପତ୍ତିଜନକ ବିବୃତ୍ତି ଦେଇଛନ୍ତି ତାହା ସହ୍ୟଯୋଗ୍ୟ ନୁହେଁ। ତାଙ୍କ ବିବୃତ୍ତି ପରେ ଦଳ ତୁରନ୍ତ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରିନଥିଲା ଏବଂ ୧୦ ଦିନ ପରେ ତାଙ୍କୁ ଦଳରୁ ବାହାର କରିଦିଆଯାଇଥିଲା, ଯାହା ଠିକ ନୁହେଁ। ଆମେ ବର୍ତ୍ତମାନ ଦଳକୁ ତୀବ୍ର ବିରୋଧ କରିବୁ।

କୋଟା କାଉନସିଲର ତବାସୁମ୍ କହିଛନ୍ତି ଯେ ନୁପୁର ଶର୍ମାଙ୍କ ବିବୃତ୍ତି ପରେ ଆଜି ଦେଶରେ ସୃଷ୍ଟି ହେଉଥିବା ପରିସ୍ଥିତି ସମସ୍ତଙ୍କ ସାମ୍ନାରେ ରହିଛି। ସବୁଆଡେ ବିରୋଧ ପ୍ରଦର୍ଶନ କରାଯାଉଛି। ସେ କହିଛନ୍ତି ଯେ ଯେଉଁ ପାର୍ଟି ପାଇଁ ସେ ଏତେ ସମୟ ଦେଇଥିଲେ, ସେହି ପାର୍ଟି ଯୋଗୁଁ ଦେଶରେ ଅରାଜକତାର ପରିବେଶ ରହିଛି। ଏଥି ସହିତ, ସଂଖ୍ୟାଲଘୁ ସମ୍ପ୍ରଦାୟ ବିରୁଦ୍ଧରେ ନିରନ୍ତର ବୟାନବାଜି ହେଉଛି। ଏହି କାରଣରୁ ସେ ଦଳର ପ୍ରାଥମିକ ସଦସ୍ୟତାରୁ ଇସ୍ତଫା ଦେଇଛନ୍ତି।

ସେ କହିଛନ୍ତି ଯେ ସେ ମଧ୍ୟ ଏଥିପାଇଁ ଦୁଃଖିତ। କିନ୍ତୁ ଅନ୍ୟ କୌଣସି ଉପାୟ ନଥିଲା। ସେ କହିଛନ୍ତି ଯେ, ସେ ଅନ୍ୟ କୌଣସି ଦଳରେ ଯୋଗ ଦେଉନାହାଁନ୍ତି।

Categories
ବିଶେଷ ଖବର

ଗୁଜୁରାଟ ନିର୍ବାଚନ ପୂର୍ବରୁ କଂଗ୍ରେସକୁ ବଡ ଝଟକା, କାର୍ଯ୍ୟକାରୀ ସଭାପତି ପଦରୁ ଇସ୍ତଫା ଦେଲେ ହାର୍ଦ୍ଦିକ ପଟେଲ

ନୂଆଦିଲ୍ଲୀ: ଦୀର୍ଘ ଦିନ ଧରି କଂଗ୍ରେସର ହାଇ କମାଣ୍ଡଙ୍କ ଉପରେ ଅସନ୍ତୋଷ ଥିବା ଗୁଜରାଟ ରାଜ୍ୟ ସଭାପତି ହାର୍ଦ୍ଦିକ ପଟେଲ ଇସ୍ତଫା ଦେଇଛନ୍ତି। ଟ୍ୱିଟ୍ କରି ହାର୍ଦ୍ଦିକ ପଟେଲ ଏହି ସୂଚନା ଦେଇଛନ୍ତି। ସେ ଲେଖିଛନ୍ତି ଯେ, ମୁଁ କଂଗ୍ରେସ ଦଳର ପଦବୀ ଏବଂ ଦଳର ପ୍ରାଥମିକ ସଦସ୍ୟତା ପଦରୁ ଇସ୍ତଫା ଦେଉଛି। ମୁଁ ନିଶ୍ଚିତ ଯେ ମୋର ନିଷ୍ପତ୍ତିକୁ ମୋର ସମସ୍ତ ସହକର୍ମୀ ଏବଂ ଗୁଜୁରାଟର ଲୋକମାନେ ସ୍ୱାଗତ କରିବେ। ମୋର ବିଶ୍ୱାସ ଯେ ମୋର ଏହି ପଦକ୍ଷେପ ପରେ ମୁଁ ଭବିଷ୍ୟତରେ ଗୁଜୁରାଟ ପାଇଁ ସକାରାତ୍ମକ କାର୍ଯ୍ୟ କରିବାକୁ ସମର୍ଥ ହେବି।

ଚଳିତ ବର୍ଷ ଶେଷ ସୁଦ୍ଧା ଗୁଜୁରାଟରେ ନିର୍ବାଚନ ଅନୁଷ୍ଠିତ ହୋଇପାରେ। ଏଭଳି ପରିସ୍ଥିତିରେ ହାର୍ଦ୍ଦିକଙ୍କ ଇସ୍ତଫା କଂଗ୍ରେସ ପାଇଁ ଏକ ଖରାପ ଖବର। ଗୁଜୁରାଟ କଂଗ୍ରେସରେ ଚାଲିଥିବା ବିବାଦ ଥମିବାରେ ନାମ ନେଉନାହିଁ। ହାର୍ଦ୍ଦିକ ପଟେଲଙ୍କ ନିକଟରେ ଦେଇଥିବା ବିବୃତ୍ତିରେ ସେ ଦଳ ଉପରେ ଅସନ୍ତୁଷ୍ଟ ଥିଲେ ଏବଂ ଖୁବ୍ ଶୀଘ୍ର ବିଜେପିରେ ଯୋଗ ଦେଇପାରନ୍ତି ବୋଲି କଳ୍ପନାଜଳ୍ପନା କରାଯାଉଥିଲା। ଏହା ପରେ ଖବର ଆସିଥିଲା ​​ଯେ, ବର୍ତ୍ତମାନ ପାର୍ଟି ଭିତରେ ସବୁକିଛି ସମାଧାନ ହୋଇଛି ଏବଂ ହାର୍ଦ୍ଦିକଙ୍କ ଅସନ୍ତୋଷ ହଟାଯାଇଛି। କିନ୍ତୁ ଚିନ୍ତନ ଶିବରରେ ଅଂଶଗ୍ରହଣ ନକରି ହାର୍ଦ୍ଦିକ ଦଳ ପ୍ରତି ଅସନ୍ତୋଷ ପ୍ରକାଶ କରିଥିଲେ। ଏହା ପରେ ସେ ଆଜି ଏହି ପଦବୀ ତଥା ସଦସ୍ୟତା ପଦରୁ ଇସ୍ତଫା ଦେଇଛନ୍ତି। ପ୍ରକାଶ ଥାଉ କି ରାହୁଲ ଗାନ୍ଧୀଙ୍କ ଗୁଜରାଟ ଗସ୍ତ ସମୟରେ ମଧ୍ୟ ସେ ବ୍ୟକ୍ତିଗତ ଭାବେ ହାର୍ଦ୍ଦିକ ପଟେଲଙ୍କୁ ଭେଟିନାହାଁନ୍ତି।

ପ୍ରକୃତରେ କଥା ହେଉଛି କଂଗ୍ରେସ ହାର୍ଦ୍ଦିକଙ୍କୁ ଏହାର କାର୍ଯ୍ୟକାରୀ ସଭାପତି କରିପାରିଛି, କିନ୍ତୁ ତାଙ୍କୁ କୌଣସି ଦାୟିତ୍ଵ ଦିଆଯାଇନଥିଲା। ନିର୍ବାଚନକୁ ଦୃଷ୍ଟିରେ ରଖି ତାଙ୍କୁ କଣ କରିବାକୁ ପଡିବ, ସେକଥା ମଧ୍ୟ କୁହାଯାଇ ନଥିଲା। ଏହା ବ୍ୟତୀତ ହାର୍ଦ୍ଦିକ କହିଛନ୍ତି ଯେ, କିଛି କଂଗ୍ରେସ ନେତା ତାଙ୍କୁ କାମ କରିବାକୁ ଦେଉନାହାଁନ୍ତି। ରାଜ୍ୟରେ ଦଳର କେଉଁ କାର୍ଯ୍ୟକ୍ରମ ଚାଲିଛି ସେନେଇ ତାଙ୍କୁ ଅବଗତ କରାଯାଉ ନାହିଁ। ଏହା ବ୍ୟତୀତ ତାଙ୍କୁ କଂଗ୍ରେସର ଅନେକ ପୋଷ୍ଟରରେ ସ୍ଥାନ ଦିଆଯାଇ ନାହିଁ। ଏଗୁଡ଼ିକ ହେଉଛି ହାର୍ଦ୍ଦିକଙ୍କୁ ବ୍ୟଥିତ କରୁଥିବା ବିଷୟ।

Categories
ଆଜିର ଖବର ଜାତୀୟ ଖବର

ତ୍ରିପୁରାରେ ବଡ ପରିବର୍ତ୍ତନ: ଇସ୍ତଫା ଦେଲେ ମୁଖ୍ୟମନ୍ତ୍ରୀ ବିପ୍ଲବ ଦେବ

ନୂଆଦିଲ୍ଲୀ: ତ୍ରିପୁରାରେ ଏକ ବଡ ପରିବର୍ତ୍ତନ ଦେଖାଯାଉଛି। ବର୍ତ୍ତମାନର ମୁଖ୍ୟମନ୍ତ୍ରୀ ବିପ୍ଲବ୍ ଦେବଙ୍କୁ ବିଜେପି ହଟାଇବା ପାଇଁ ନିଷ୍ପତ୍ତି ନେଇଛି। ଏହା ପରେ ବିପ୍ଲବ ଦେବ ମଧ୍ୟ ତାଙ୍କ ଇସ୍ତଫା ରାଜ୍ୟପାଳଙ୍କ ନିକଟରେ ଦାଖଲ କରିଛନ୍ତି। ବର୍ତ୍ତମାନ ତାଙ୍କ ସ୍ଥାନରେ ଜଣେ ନୂତନ ମୁଖ୍ୟମନ୍ତ୍ରୀ ନିଯୁକ୍ତ ହେବେ। ପ୍ରକାଶ ଯୋଗ୍ୟ ଯେ, ପୂର୍ବରୁ ମୁଖ୍ୟମନ୍ତ୍ରୀ ଦେବ ଦିଲ୍ଲୀରେ ଗୃହମନ୍ତ୍ରୀ ଅମିତ ଶାହାଙ୍କୁ ଭେଟିଥିଲେ। ଯେଉଁଥିରେ ତାଙ୍କୁ ହଟାଇବା ଲାଗି ବିଜେପି ନିଷ୍ପତ୍ତି ନେଇଥିଲା।

ଇସ୍ତଫା ଦେବା ପରେ ବିପ୍ଲବ ଦେବ କହିଛନ୍ତି ଯେ, ମୋ ପାଇଁ ଶୀର୍ଷରେ ପାର୍ଟି। ସଂଗଠନର ସ୍ୱାର୍ଥରେ ମୁଁ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଇଛି। ଦଳ ଯାହା ବି ଦାୟିତ୍ଵ ଦେବ, ମୁଁ ତାହା ପୂରଣ କରିବି। ଏହି ସମୟରେ ସେ କହିଛନ୍ତି ଯେ, ସେ ପ୍ରଧାନମନ୍ତ୍ରୀ ମୋଦୀଙ୍କ ସହ ମଧ୍ୟ କଥା ହୋଇଛନ୍ତି। ଦଳର ଶୀର୍ଷ ନେତୃତ୍ୱ କହିବା ପରେ ସେ ଇସ୍ତଫା ଦେଇଛନ୍ତି ବୋଲି ବିପ୍ଲବ କହିଛନ୍ତି। ତେବେ ସେ ନୂତନ ମୁଖ୍ୟମନ୍ତ୍ରୀଙ୍କ ସମ୍ପର୍କରେ କୌଣସି ଉତ୍ତର ଦେଇ ନାହାଁନ୍ତି।

ଏହାପରେ ଆଜି ଅପରାହ୍ନ ୫ ଟାରେ ବିଜେପି ବିଧାନସଭା ଦଳର ଏକ ବୈଠକ ଡାକିଛି। ଏଥିପାଇଁ କେନ୍ଦ୍ର ମନ୍ତ୍ରୀ ଭୁପେନ୍ଦ୍ର ଯାଦବ ଏବଂ ପାର୍ଟି ଜେନେରାଲ ସେକ୍ ବିନୋଦ ତାୱଡେଙ୍କୁ କେନ୍ଦ୍ରୀୟ ପର୍ଯ୍ୟବେକ୍ଷକ ଭାବେ ନିଯୁକ୍ତ କରାଯାଇଛି। ଉଭୟ ଅଗରତାଲାରେ ପହଞ୍ଚିଛନ୍ତି। ଏହି ବୈଠକରେ ଦଳ ଏକ ନୂତନ ମୁଖ୍ୟମନ୍ତ୍ରୀ ଚୟନ କରିପାରନ୍ତି।

Categories
ଅନ୍ତରାଷ୍ଟ୍ରୀୟ ଆଜିର ଖବର

ବିରୋଧୀ ବିହୀନ ହେଲା ପାକିସ୍ତାନ ସଂସଦ: ଇମ୍ରାନ ଖାନଙ୍କ ଦଳର ସମସ୍ତ ସାଂସଦ ଦେଲେ ଇସ୍ତଫା

ନୂଆଦିଲ୍ଲୀ: ଅବିଶ୍ୱାସ ଭୋଟରେ ପରାଜୟର ସମ୍ମୁଖୀନ ହେବା ପରେ ଇମ୍ରାନ ଖାନଙ୍କୁ କ୍ଷମତାରୁ ବହିଷ୍କୃତ କରାଯାଇଛି। କିନ୍ତୁ ସେ ପୁଣି ଥରେ ଏହି ଚେୟାର ପାଇବା ପାଇଁ ସମସ୍ତ କୌଶଳ କରୁଛନ୍ତି। ବର୍ତ୍ତମାନ ତାଙ୍କ ଦଳର ୧୨୩ ସାଂସଦ ସଂସଦରୁ ଇସ୍ତଫା ଦେଇଛନ୍ତି। ଏହା ପରେ ବର୍ତ୍ତମାନ ସଂସଦ ବିରୋଧୀ ଶୂନ୍ୟ ହୋଇପଡିଛି। ପାକିସ୍ତାନ ତେହେରିକ-ଇ-ଇନସାଫ ନେତା ତଥା ପୂର୍ବତନ ମନ୍ତ୍ରୀ ଫାରୁକ ହବିବ ଗୁରୁବାର କହିଛନ୍ତି ଯେ, ରାଷ୍ଟ୍ରୀୟ ସଂସଦ କାର୍ଯ୍ୟକାରୀ ବାଚସ୍ପତି କାସୀମ ସୁରୀ ଆମ ଦଳର ୧୨୩ ସାଂସଦଙ୍କ ଇସ୍ତଫା ଗ୍ରହଣ କରିଛନ୍ତି। ଏଭଳି ପରିସ୍ଥିତିରେ ବର୍ତ୍ତମାନ ପାକିସ୍ତାନରେ ସାଧାରଣ ନିର୍ବାଚନ ଜରୁରୀ ହୋଇପଡିଛି।

ଅନ୍ୟପକ୍ଷରେ, ଇମ୍ରାନ ଖାନ ପାକିସ୍ତାନର ନିର୍ବାଚନ ଆୟୋଗକୁ ଏକ ଚିଠି ପଠାଇ କିଛି ସଂସଦୀୟ କମିଟିର ସଦସ୍ୟ ଥିବା ତାଙ୍କର ସମସ୍ତ ସାଂସଦଙ୍କ ନାମ ପ୍ରତ୍ୟାହାର କରିଛନ୍ତି। ତାଙ୍କ ଦଳର ସଦସ୍ୟମାନଙ୍କୁ ସଂସଦର କୌଣସି କମିଟିରେ ଅନ୍ତର୍ଭୁକ୍ତ କରାଯିବା ଉଚିତ ନୁହେଁ ବୋଲି ସେ ଆୟୋଗକୁ ନିବେଦନ କରିଛନ୍ତି। କାରଣ ସେମାନଙ୍କର ସାଂସଦମାନେ ଇସ୍ତଫା ଦେଇଛନ୍ତି, ଏହା କରିବା ଠିକ୍ ହେବ ନାହିଁ। ସେ କହିଛନ୍ତି ଯେ, ସେ ଏବଂ ତାଙ୍କ ଦଳ କୌଣସି ପ୍ରକାରେ ନୂତନ ସରକାରରେ ଜଡିତ ହେବାକୁ ଚାହୁଁନାହାଁନ୍ତି।

Categories
ଆଜିର ଖବର ଜାତୀୟ ଖବର

ସମାଜବାଦୀ ପାର୍ଟି ସଭାପତି ଅଖିଳେଶ ଯାଦବ ଏବଂ ଆଜମ ଖାନ ଲୋକସଭାରୁ ଦେଲେ ଇସ୍ତଫା

ନୂଆଦିଲ୍ଲୀ: ଲୋକସଭା ବାଚସ୍ପତି ଓମ ବିର୍ଲାଙ୍କ ସହ ସାକ୍ଷାତ କରି ସମାଜବାଦୀ ପାର୍ଟିର ସଭାପତି ଅଖିଳେଶ ଯାଦବ ଆଜି ସଂସଦ ସଦସ୍ୟତାରୁ ଇସ୍ତଫା ଦେଇଛନ୍ତି। ସେ ଆଜମଗଡରୁ ୨୦୧୯ ରେ ଲୋକସଭା ନିର୍ବାଚନରେ ​​ଜିତି ସଂସଦରେ ପହଞ୍ଚିଥିଲେ। ଏହା ସହିତ ଦଳର ନେତା ଆଜାମ ଖାନ ମଧ୍ୟ ସଂସଦର ସଦସ୍ୟତାରୁ ଇସ୍ତଫା ଦେଇଛନ୍ତି। ଅଖିଳେଶ ଯାଦବ ପ୍ରଥମ ଥର ପାଇଁ କରହଲ ଆସନରୁ ୟୁପି ବିଧାନସଭା ନିର୍ବାଚନରେ ​​ଭାଗ୍ୟ ପରୀକ୍ଷା କରିଥିଲେ। ବର୍ତ୍ତମାନ ସେ ଲୋକସଭା ସଦସ୍ୟତା ପଦରୁ ଇସ୍ତଫା ଦେଇ ବିଧାନସଭାରେ ବିରୋଧୀଙ୍କ ଭୂମିକା ଗ୍ରହଣ କରିବାକୁ ନିଷ୍ପତ୍ତି ନେଇଛନ୍ତି।

ଉଲ୍ଲେଖନୀୟ କଥା ହେଉଛି, ଅଖିଳେଶ ଯାଦବ ତାଙ୍କ ପ୍ରତିଦ୍ୱନ୍ଦ୍ୱୀ ଭାରତୀୟ ଜନତା ପାର୍ଟି ପ୍ରାର୍ଥୀଙ୍କୁ କରହଲ ଆସନରେ ୬୭ ହଜାର ୫୦୪ ଭୋଟରେ ପରାସ୍ତ କରିଛନ୍ତି। ଅଖିଳେଶଙ୍କ ବିରୋଧରେ ବିଜେପି କରହଲ ଆସନରୁ କେନ୍ଦ୍ର ମନ୍ତ୍ରୀ ଏସପି ବଘେଲଙ୍କୁ ମୈଦାନକୁ ଓହ୍ଲାଇଥିଲା। ତାଙ୍କୁ ୮୦ ହଜାର ୬୯୨ ଭୋଟ୍ ମିଳିଥିଲା। କରହଲ ଆସନ ସମାଜବାଦୀ ପାର୍ଟିର ଏକ ଦୁର୍ଗ ବୋଲି ବିବେଚନା କରାଯାଏ।

Categories
ଆଜିର ଖବର ଜାତୀୟ ଖବର

ଲୋକସଭାର ସଦସ୍ୟତାରୁ ଇସ୍ତଫା ଦେଲେ ବାବୁଲ ସୁପ୍ରିଓ, ପ୍ରଧାନମନ୍ତ୍ରୀ ମୋଦୀଙ୍କ ବିଷୟରେ କହିଲେ ଏଭଳି କଥା

ନୂଆଦିଲ୍ଲୀ: ପୂର୍ବତନ ବିଜେପି ନେତା ବାବୁଲ ସୁପ୍ରିଓ ଆଜି ଲୋକସଭା ସଦସ୍ୟତାରୁ ଇସ୍ତଫା ଦେଇଛନ୍ତି। ବାବୁଲ ସୁପ୍ରିଓ ଏକ ମାସ ପୂର୍ବରୁ ବିଜେପି ଛାଡି ତୃଣମୂଳ କଂଗ୍ରେସରେ ଯୋଗ ଦେଇଥିଲେ। ତାଙ୍କ ଉପରେ ବିଶ୍ୱାସ କରିଥିବାରୁ ପୂର୍ବତନ ଦଳ ବିଜେପିକୁ ସୁପ୍ରିଓ ଧନ୍ୟବାଦ ଜଣାଇଛନ୍ତି।

ଲୋକସଭା ବାଚସ୍ପତି ଓମ ବିର୍ଲାଙ୍କୁ ଭେଟିବା ପରେ ବାବୁଲ ସୁପ୍ରିୟୋ ଇସ୍ତଫା ଦେଇଛନ୍ତି। ବାବୁଲ ସୁପ୍ରିୟୋ କହିଛନ୍ତି ଯେ, ମୋର ହୃଦୟ ଭାରୀ କାରଣ ମୁଁ ବିଜେପି ସହିତ ମୋର ରାଜନୈତିକ କ୍ୟାରିୟର ଆରମ୍ଭ କରିଛି। ମୁଁ ପ୍ରଧାନମନ୍ତ୍ରୀ, ଦଳର ସଭାପତି ଏବଂ ଅମିତ ଶାହାଙ୍କୁ ଧନ୍ୟବାଦ ଦେଉଛି। ସେ ମୋ ଉପରେ ବିଶ୍ୱାସ ପ୍ରଦର୍ଶନ କରିଥିଲେ। ସେ କହିଛନ୍ତି ମୁଁ ରାଜନୀତିକୁ ସମ୍ପୂର୍ଣ୍ଣ ଛାଡି ଦେଇଥିଲି। ମୁଁ ଭାବିଲି ଯଦି ମୁଁ ଦଳର ଅଂଶ ନୁହେଁ ତେବେ ମୁଁ ଆସନ ରଖିବା ଉଚିତ୍ ନୁହେଁ। ”

ସୂଚନାଯୋଗ୍ୟ ଯେ, ୨୦୧୪ ମସିହାରୁ ବିଜେପି ସହିତ ନିଜର ରାଜନୈତିକ କ୍ୟାରିୟର ଆରମ୍ଭ କରିଥିବା ବାବୁଲ ସୁପ୍ରିଓ ସେପ୍ଟେମ୍ବର ୧୮ ତାରିଖରେ ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ନେତୃତ୍ୱରେ ତୃଣମୂଳ କଂଗ୍ରେସରେ ଯୋଗ ଦେଇଥିଲେ। ଟିଏସସିରେ ଯୋଗ ଦେଇ ସେ କହିଥିଲେ ଯେ, “ମୋତେ ଏକ ବଡ଼ ସୁଯୋଗ ଦିଆଯାଇଛି। ଯେତେବେଳେ ମୁଁ ଟିଏମସିରେ ଯୋଗ ଦେଇଥିଲି, ଆସାନସୋଲ ଆସନରୁ ସାଂସଦ ଭାବରେ ଜାରି ରଖିବାର କୌଣସି ଅର୍ଥ ନାହିଁ। ଆସାନସୋଲ ହେତୁ ମୁଁ ରାଜନୀତିରେ ପ୍ରବେଶ କଲି। ଯେତେ ସମ୍ଭବ ମୁଁ ମୋର ସଂସଦୀୟ ନିର୍ବାଚନମଣ୍ଡଳୀ ପାଇଁ ଏହା କରିବି। ଏହାପୂର୍ବରୁ ଆସାନସୋଲର ଦୁଇଥର ସାଂସଦ ବାବୁଲ ସୁପ୍ରିଓ ଚଳିତ ବର୍ଷ ଜୁଲାଇ ୭ ତାରିଖରେ କ୍ୟାବିନେଟରୁ ବହିଷ୍କୃତ ହୋଇଥିଲେ। ସେ ଜଙ୍ଗଲ, ପରିବେଶ ମନ୍ତ୍ରୀ ଥିଲେ। ଏହା ପରେ ସେ ଫେସବୁକ ପୋଷ୍ଟ ମାଧ୍ୟମରେ ରାଜନୀତିରୁ ଅବସର ଘୋଷଣା କରିଥିଲେ। ତେବେ ପରେ ସେ କହିଥିଲେ ଯେ, ସେ ରାଜନୀତିରେ ରହିବେ କିନ୍ତୁ ଅନ୍ୟ କୌଣସି ଦଳରେ ଯୋଗଦେବେ ନାହିଁ।

Categories
ଆଜିର ଖବର ଜାତୀୟ ଖବର

ପଞ୍ଜାବ କଂଗ୍ରେସ ସଭାପତି ପଦରୁ ନବଜୋତ ସିଂ ସିଦ୍ଧୁଙ୍କ ଇସ୍ତଫା: ଟାର୍ଗେଟ କଲା ଆମ୍ ଆଦମୀ ପାର୍ଟି

ନୂଆଦିଲ୍ଲୀ: ପଞ୍ଜାବ କଂଗ୍ରେସ ସଭାପତି ପଦରୁ ନବଜୋତ ସିଂ ସିଦ୍ଧୁଙ୍କ ଇସ୍ତଫା ପରେ ଆମ୍ ଆଦମୀ ପାର୍ଟି ଟାର୍ଗେଟ କରିଦେଇଛି।

ପଞ୍ଜାବ କଂଗ୍ରେସରେ ସମ୍ପୂର୍ଣ୍ଣ ବିଶୃଙ୍ଖଳା ପରିସ୍ଥିତି ସୃଷ୍ଟି ହୋଇଛି ବୋଲି ଆପ ନେତା ରାଘବ ଚଢା ଟ୍ୱିଟ କରିଛନ୍ତି। ପଞ୍ଜାବର ଲୋକମାନେ କିପରି ଏହି ସ୍ୱାର୍ଥପର ନେତାମାନଙ୍କୁ ଏକ ସ୍ଥିର, ପ୍ରଗତିଶୀଳ ଏବଂ ସମାବେଶି ପ୍ରଶାସନ ପ୍ରଦାନ କରିବେ ବୋଲି ଆଶା କରିପାରନ୍ତି? ପାକିସ୍ତାନଠାରୁ ୫୫୦ କିଲୋମିଟର ଦୂରରେ ଥିବା ଏକ ରାଜ୍ୟରେ ଏହି ଲୋକମାନଙ୍କୁ କିପରି ବିଶ୍ୱାସ କରାଯାଇପାରିବ? ଏଥି ସହିତ ଆମ୍ ଆଦମୀ ଦଳର ନେତା ସୌରଭ ଭରଦ୍ୱାଜ କହିଛନ୍ତି ଯେ, ସିଦ୍ଧୁ ଦଳିତ ବିରୋଧୀ, ଜଣେ ଗରିବ ମା’ର ପୁଅକୁ ମୁଖ୍ୟମନ୍ତ୍ରୀ ହେବାକୁ ସହ୍ୟ କରିପାରିଲେ ନାହିଁ।

ଉଲ୍ଲେଖନୀୟ କଥା ହେଉଛି, ନବଜୋତ ସିଂ ସିଦ୍ଧୁ ଏକ ଆଶ୍ଚର୍ଯ୍ୟଜନକ ନିଷ୍ପତ୍ତି ନେଇ ପଞ୍ଜାବ କଂଗ୍ରେସ ସଭାପତି ପଦରୁ ଇସ୍ତଫା ଦେଇଥିଲେ। ସେ ତାଙ୍କ ଇସ୍ତଫା ପତ୍ର କଂଗ୍ରେସ ସଭାପତି ସୋନିଆ ଗାନ୍ଧୀଙ୍କ ନିକଟକୁ ପଠାଇଛନ୍ତି। ଏଥିରେ ସିଦ୍ଧୁ କହିଛନ୍ତି, “ମଣିଷର ପତନ ଆପୋଷ ବୁଝାମଣାରୁ ଆସିଥାଏ। ମୁଁ କଂଗ୍ରେସର ଭବିଷ୍ୟତ ତଥା ପଞ୍ଜାବର କଲ୍ୟାଣ ସହ କଦାପି ଆପୋଷ ବୁଝାମଣା କରିପାରିବି ନାହିଁ। ସେଥିପାଇଁ ମୁଁ ପ୍ରଦେଶ କଂଗ୍ରେସ କମିଟି ସଭାପତି ପଦରୁ ଇସ୍ତଫା ଦେଉଛି। କିନ୍ତୁ ପାର୍ଟି ପାଇଁ କାମ କରିବି।”

ପଞ୍ଜାବ କଂଗ୍ରେସ ସଭାପତି ପଦରୁ ନବଜୋତ ସିଂ ସିଦ୍ଧୁଙ୍କ ଇସ୍ତଫା ସମ୍ପର୍କରେ ମୁଖ୍ୟମନ୍ତ୍ରୀ ଚରଣଜିତ ସିଂ ଚାନ୍ନି କହିଛନ୍ତି ଯେ, ସେ ଏପର୍ଯ୍ୟନ୍ତ ଏବିଷୟରେ ଜାଣି ନାହାଁନ୍ତି। ଯଦି ସିଦ୍ଧୁ ରାଗିଛନ୍ତି, ତେବେ ତାଙ୍କ ସହ କଥା ହେବି। ମୁଖ୍ୟମନ୍ତ୍ରୀ କହିଛନ୍ତି ଯେ, “ସିଦ୍ଧୁ ଆମର ସଭାପତି ଏବଂ ସେ ଜଣେ ଭଲ ନେତା। ତାଙ୍କ ସହ ମୋର କୌଣସି ମତଭେଦ ନାହିଁ।

Categories
ଆଜିର ଖବର ଜାତୀୟ ଖବର ବିଶେଷ ଖବର

ବିଧାନସଭା ନିର୍ବାଚନର ଏକ ବର୍ଷ ପୂର୍ବରୁ ଗୁଜୁରାଟର ମୁଖ୍ୟମନ୍ତ୍ରୀ ବିଜୟ ରୂପାନି କାହିଁକି ଦେଲେ ଇସ୍ତଫା?

ନୂଆଦିଲ୍ଲୀ: ଗୁଜୁରାଟରେ ଏକ ଅପ୍ରତ୍ୟାଶିତ ରାଜନୈତିକ ଘଟଣାକ୍ରମରେ ଆଜି ମୁଖ୍ୟମନ୍ତ୍ରୀ ବିଜୟ ରୂପାନି ଇସ୍ତଫା ପ୍ରଦାନ କରିଛନ୍ତି। ସେ ରାଜଭବନରେ ପହଞ୍ଚି ରାଜ୍ୟପାଳ ଦେବବ୍ରତ ଆଚାର୍ଯ୍ୟଙ୍କୁ ଇସ୍ତଫା ପ୍ରଦାନ କରିଛନ୍ତି। ଇସ୍ତଫା ଦେବା ପରେ ବିଜୟ ରୂପାନି ଗଣମାଧ୍ୟମକୁ କହିଛନ୍ତି ଯେ, ତାଙ୍କୁ ମୁଖ୍ୟମନ୍ତ୍ରୀ ଭାବରେ କାର୍ଯ୍ୟ କରିବାର ସୁଯୋଗ ଦେଇଥିବାରୁ ସେ ଭାରତୀୟ ଜନତା ପାର୍ଟି ନେତୃତ୍ୱକୁ ଧନ୍ୟବାଦ ଜଣାଉଛି।

ସେ ହଠାତ୍ ଇସ୍ତଫା ଦେବା ପ୍ରଶ୍ନକୁ ଏଡ଼ାଇ କହିଥିଲେ ଯେ ସେ ପାଞ୍ଚ ବର୍ଷ ଧରି ମୁଖ୍ୟମନ୍ତ୍ରୀ ଭାବରେ କାର୍ଯ୍ୟ କରିଥିଲେ, ଯାହାକି ବହୁତ ସମୟ ଅଟେ। ସେ ଆହୁରି ମଧ୍ୟ କହିଛନ୍ତି ଯେ ବିଜେପିରେ ଏହା ଏକ ସାଧାରଣ କଥା। ସେ ବିଜେପିର ରାଷ୍ଟ୍ରୀୟ ସଭାପତିଙ୍କ ନେତୃତ୍ୱରେ କାର୍ଯ୍ୟ ଜାରି ରଖିବେ। ଗତ ପାଞ୍ଚ ବର୍ଷ ମଧ୍ୟରେ ବିଜେପି ଉପରେ ଲୋକଙ୍କ ନିରନ୍ତର ବିଶ୍ୱାସ ରହିଛି।

ଉଲ୍ଲେଖନୀୟ କଥା ହେଉଛି, ଆନନ୍ଦିବେନ ପଟେଲଙ୍କ ସ୍ଥାନରେ ବିଜୟ ରୂପାନୀଙ୍କୁ ୨୦୧୬ ରେ ଗୁଜରାଟର ମୁଖ୍ୟମନ୍ତ୍ରୀ କରାଯାଇଥିଲା। ତାଙ୍କ କାର୍ଯ୍ୟକାଳର ପାଞ୍ଚ ବର୍ଷ ଗତ ମାସରେ ଶେଷ ହୋଇଥିଲା। ତେବେ ରାଜ୍ୟର ପରବର୍ତ୍ତୀ ମୁଖ୍ୟମନ୍ତ୍ରୀ କିଏ ହେବେ ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ। ମୁଖ୍ୟମନ୍ତ୍ରୀ ଦୌଡରେ ପୁରୁଷୋତ୍ତମ ରୁପାଲା, ମାନସୁଖ ମାଣ୍ଡଭିଆଙ୍କ ସମେତ ଅନେକ ନାମ ଦେଖାଯାଉଛି।

ରୁପାନି କାହିଁକି ଇସ୍ତଫା ଦେଲେ?

ବାସ୍ତବରେ ବିଜୟ ରୂପାନୀଙ୍କ ଇସ୍ତଫା ନେଇ ଦୀର୍ଘ ଦିନ ଧରି କଳ୍ପନା ଜଳ୍ପନା ଲାଗିରହିଥିଲା। ବିଜୟ ରୂପାନୀଙ୍କ ମୁଖ୍ୟମନ୍ତ୍ରୀ ଭାବରେ ପାଞ୍ଚ ବର୍ଷ ପୂରଣ ହେବାପରେ ମଧ୍ୟ କାର୍ଯ୍ୟକ୍ରମ ମଧ୍ୟ କରାଯାଇଥିଲା। କିନ୍ତୁ ସୂଚନାନୁସାରେ, ରାଜ୍ୟ ସଂଗଠନର ରିପୋର୍ଟ ବିଜୟ ରୂପାନୀଙ୍କ ବିରୋଧରେ ଥିଲା। ଆସନ୍ତା ବର୍ଷ ରାଜ୍ୟରେ ବିଧାନସଭା ନିର୍ବାଚନ ଅନୁଷ୍ଠିତ ହେବ। କିନ୍ତୁ, ରିପୋର୍ଟରେ କୁହାଯାଇଛି ଯେ, ବିଜୟ ରୂପାନୀଙ୍କ ନେତୃତ୍ୱରେ ନିର୍ବାଚନରେ ​​ବିଜୟ ସମ୍ଭବ ନୁହେଁ।

Categories
ଆଜିର ଖବର ଜାତୀୟ ଖବର

ବିଜେପିରୁ ପ୍ରାର୍ଥୀ ହେବା ପରେ ସାଂସଦ ସ୍ବପନ ଦାସଗୁପ୍ତାଙ୍କୁ ଘେରିଲା ଟିଏମସି: ରାଜ୍ୟସଭାରୁ ଦେଲେ ଇସ୍ତଫା

କଲିକତା: ପଶ୍ଚିମବଙ୍ଗ ବିଧାନସଭା ନିର୍ବାଚନ ଲାଗି ସାଂସଦ ସ୍ବପନ ଦାସଗୁପ୍ତାଙ୍କୁ ଭାରତୀୟ ଜନତା ପାର୍ଟି ପ୍ରାର୍ଥୀ ଘୋଷଣା କରିଛି। ଏହାକୁ ନେଇ ଟିଏମସି ସମାଲୋଚନା କରିଛି। ଯାହାଫଳରେ ସ୍ବପନ ଦାସଗୁପ୍ତା ରାଜ୍ୟସଭା ସାଂସଦ ପଦବୀରୁ ଇସ୍ତଫା ଦେଇଛନ୍ତି।

ଉଲ୍ଲେଖ ଯୋଗ୍ୟ ଯେ, ବିଜେପିରୁ ବିଧାନସଭା ପାଇଁ ପ୍ରାର୍ଥୀ ହୋଇଥିବା ସ୍ବପନ ଦାସଗୁପ୍ତା ରାଜ୍ୟସଭାର ସାଂସଦ ଭାବେ କାର୍ଯ୍ୟ କରୁଥିଲେ। ରାଜ୍ୟସଭାର ମନୋନୀତ ସାଂସଦ ହୋଇଥିବାରୁ ନିୟମ ମୁତାବକ ସେ କୌଣସି ଦଳୀୟ ଟିକେଟରୁ ନିର୍ବାଚନ ଲଢି ପାରିବେ ନାହିଁ। ତେଣୁ ଏନେଇ ଟିଏମସି ପକ୍ଷରୁ ବିରୋଧ କରାଯାଇଥିଲା।

ତେବେ ଆଜି ସ୍ବପନ ଇସ୍ତଫା ପତ୍ର ଉପ-ରାଷ୍ଟ୍ରପତି ଭେଙ୍କେୟା ନାୟଡୁଙ୍କୁ ପ୍ରଦାନ କରିଛନ୍ତି। ଯାହା ଫଳରେ ନିର୍ବାଚନ ଲଢିବା ପାଇଁ ଏବେ ସ୍ବପନ ଦାସଗୁପ୍ତାଙ୍କ ରାସ୍ତା ସଫା ହୋଇଛି। ପଶ୍ଚିମବଙ୍ଗ ରାଜନୀତିରେ ବଡ ଚେହେରା ଭାବେ ସ୍ବପନ ଦାସଗୁପ୍ତାଙ୍କୁ ହୁଗୁଳି ଜିଲ୍ଲାର ତାରକେଶ୍ଵର ବିଧାନସଭା ଆସନ ପାଇଁ ବିଜେପି ପ୍ରାର୍ଥୀ କରିଛି।

Categories
ଆଜିର ଖବର ଜାତୀୟ ଖବର

ପିଡିପି ମୁଖ୍ୟ ମେହବୁବା ମୁଫତିଙ୍କ ବୟାନକୁ ବିରୋଧ: ଇସ୍ତଫା ଦେଲେ ତିନିଜଣ ବରିଷ୍ଠ ନେତା

ଜାମ୍ମୁ: ଆଜି ପିପୁଲ୍ସ ଡେମୋକ୍ରାଟିକ୍ ପାର୍ଟି (ପିଡିପି) ର ତିନିଜଣ ବରିଷ୍ଠ ନେତା ଇସ୍ତଫା ଦେଇଛନ୍ତି। ଟି.ଏସ୍ ବାଜୱା, ବେଦ ମହାଜନ ଏବଂ ହୁସେନ୍ ୱାଫା ପିଡିପିରୁ ଇସ୍ତଫା ଦେଇଛନ୍ତି। ଏହି ତିନି ବରିଷ୍ଠ ନେତା ତାଙ୍କ ଇସ୍ତଫା ପତ୍ର ପିଡିପି ମୁଖ୍ୟ ମେହବୁବା ମୁଫତିଙ୍କ ନିକଟକୁ ପଠାଇଛନ୍ତି।

ସେମାନେ ଏହି  ଚିଠିରେ ଉଲ୍ଲେଖ କରିଛନ୍ତି ଯେ, ମେହବୁବାଙ୍କ କିଛି କାର୍ଯ୍ୟ ତଥା ବୟାନକୁ ନେଇ ସେମାନେ ଅସହଜ ଅନୁଭବ କରୁଛନ୍ତି। ଯାହା ସେମାନଙ୍କ ଦେଶପ୍ରେମ ଭାବନାକୁ ଆଘାତ ଦେଇଛି। ମେହବୁବାଙ୍କ ପିତା ସ୍ୱର୍ଗତ ମୁଫତି ମହମ୍ମଦ ସୟିଦଙ୍କ ସମୟରୁ ଏହି ନେତାମାନେ ପିଡିପି ସହ ଜଡ଼ିତ ଥିଲେ।

ସୂଚନା ଯୋଗ୍ୟ ଯେ, ମେହବୁବା ମୁଫତି ୧୪ ମାସର ଗୃହବନ୍ଦିରୁ ମୁକ୍ତ ହେବା ପରେ ଶୁକ୍ରବାର ଦିନ ତାଙ୍କର ପ୍ରଥମ ସାମ୍ବାଦିକ ସମ୍ମିଳନୀରେ କହିଥିଲେ ଯେ, ଜାମ୍ମୁ କାଶ୍ମୀରର ପତାକା ଉତ୍ତୋଳନ କରିବାକୁ ଅନୁମତି ନଦେଲେ ତାଙ୍କ ଦଳ ଭାରତୀୟ ତ୍ରିରଙ୍ଗା ଉଠାଇବ ନାହିଁ। ଏହି ବୟାନକୁ ନେଇ ସେମାନେ ବିରୋଧ କରିଛନ୍ତି ଏବଂ ଦଳରୁ ଇସ୍ତଫା ଦେଇଛନ୍ତି।

ଗତ ବର୍ଷ ଅଗଷ୍ଟ ୫ ରେ ସମ୍ବିଧାନର ଧାରା ୩୭୦ ରଦ୍ଦ ହେବା ପୂର୍ବରୁ ଜାମ୍ମୁ କାଶ୍ମୀରରେ ଏକ ପୃଥକ ପତାକା ଏବଂ ଦେଶର ସମ୍ବିଧାନ ସହିତ ଏକ ପୃଥକ ସମ୍ବିଧାନ ଥିଲା।

 

Categories
ଆଜିର ଖବର ଜାତୀୟ ଖବର

ବବିତା ଫୋଗାଟ ହରିୟାଣାର କ୍ରୀଡା ବିଭାଗର ଡେପୁଟି ଡାଇରେକ୍ଟର ପଦରୁ ଇସ୍ତଫା: ଉପନିର୍ବାଚନରେ ପ୍ରାର୍ଥୀ ହେବା ସମ୍ଭାବନା

ଚଣ୍ଡିଗଡ଼: ଆଜି ଆନ୍ତର୍ଜାତୀୟ ରେସଲର ବବିତା ଫୋଗାଟ ହରିୟାଣାର କ୍ରୀଡା ବିଭାଗର ଡେପୁଟି ଡାଇରେକ୍ଟର ପଦରୁ ଇସ୍ତଫା ଦେଇଛନ୍ତି।

ଗତ ୨୦୧୯ ବିଧାନସଭା ନିର୍ବାଚନରେ ସେ ଭାରତୀୟ ଜନତା ପାର୍ଟି (ବିଜେପି) ପକ୍ଷରୁ  ପ୍ରତିଦ୍ୱନ୍ଦିତା କରି ପରାଜିତ ହୋଇଥିଲେ। ​​ରାଜ୍ୟରେ ହେବାକୁ ଥିବା ଆସନ୍ତା ଉପନିର୍ବାଚନରେ ପ୍ରାର୍ଥୀ ଭାବରେ ପ୍ରତିଦ୍ୱନ୍ଦ୍ୱିତା କରିବାର ସମ୍ଭାବନା ରହିଛି।

ସେ ଇସ୍ତଫା ଦେବା ପରେ ଗଣମାଧ୍ୟମକୁ କହିଛନ୍ତି ଯେ ମୁଁ ବିହାରରେ ବିଧାନସଭା ନିର୍ବାଚନ ବ୍ୟତୀତ ବରୋଦା ବିଧାନସଭା ଉପନିର୍ବାଚନରେ (ରାଜ୍ୟରେ) ରାଜନୀତିରେ ସକ୍ରିୟ ଅଭିଯାନ କରିବାକୁ ଯାଉଛି। ତାଙ୍କୁ  ଏବଂ କବାଡି ଖେଳାଳି କବିତା ଦେବୀଙ୍କୁ ଜୁଲାଇ ୩୦ ରେ କ୍ରୀଡ଼ା ବିଭାଗରେ ଡେପୁଟି ଡାଇରେକ୍ଟର ଭାବେ ନିଯୁକ୍ତି ଦିଆଯାଇଥିଲା। ଏହାପୂର୍ବରୁ ସେ ବିଜେପିରେ ଯୋଗଦେବାର ଗୋଟିଏ ଦିନ ପରେ ସେ ଅଗଷ୍ଟ ୧୩, ୨୦୧୯ ରେ ପୋଲିସ ସବ-ଇନ୍ସପେକ୍ଟର ପଦରୁ ଇସ୍ତଫା ଦେଇଥିଲେ।