Tag: ଗଙ୍ଗାଧରପୁର

ବାଲୁଗାଁ: ଚିଲିକା ଓକିଲ ସଂଘ ପକ୍ଷରୁ ଗଙ୍ଗାଧରପୁର ସ୍ଥିତ ଚିଲିକା ଜୁଡିସିଆଲ କୋର୍ଟ ପ୍ରତିଷ୍ଠା ର ୪ର୍ଥ ବାର୍ଷିକ ଉତ୍ସବ ଆଜି ଅନୁଷ୍ଠିତ ହୋଇଯାଇଛି। ଏହି ଅବସରରେ ସ°ଘର ସଭାପତି ପ୍ରଦୀପ୍ତ କୁମାର ନନ୍ଦ ଙ୍କ ଅଧ୍ୟକ୍ଷତାରେ ତଥା ପ୍ରାକ୍ତନ ସ°ପାଦକ ପ୍ରଦୋଷ କୁମାର ଦାସ ଙ୍କ ସ°ଚାଳନରେ ଅନୁଷ୍ଠିତ ସଭାରେ ମୁଖ୍ୟ ଅତିଥି ଭାବେ ବାଣପୁର କୋର୍ଟର ବରିଷ୍ଠ ଦେୱାନୀ ବିଚାରପତି ଅମରେଶ ମହାପାତ୍ର, ମୁଖ୍ୟ ବକ୍ତା ଭାବେ ଚିଲିକା କୋର୍ଟ ପ୍ରଥମ ଶ୍ରେଣୀ ବିଚାର ବିଭାଗୀୟ ବିଚାରପତି ଯୁଧିଷ୍ଠିର ଦଳେଇ, ସମ୍ମାନିତ ଅତିଥି ଭାବେ ବାଣପୁର କୋର୍ଟ ପ୍ରଥମ ଶ୍ରେଣୀ ବିଚାର ବିଭାଗୀୟ ବିଚାରପତି ସ୍ନାତକୀ ଦାଶ ଯୋଗ ଦେଇ ନିଜର ବକ୍ତବ୍ୟ ରଖିଥିଲେ।

ମଞ୍ଚାସୀନ ଅତିଥି ମାନେ ନିଜର ବକ୍ତବ୍ୟରେ ବାର ଓ ବେଞ୍ଚ ମଧ୍ୟରେ ସମନ୍ୱୟ ରକ୍ଷା କରି ଆଇନଜୀବୀ ପେଶାରେ ସାମାଜିକ କର୍ତ୍ତଵ୍ୟଵୋଧତା ଓ ନିଷ୍ଠାର ସହିତ କାର୍ଯ୍ୟ କରି ନିଜକୁ ସମୃଦ୍ଧି ହାସଲ ପାଇଁ ଆହ୍ଵାନ ଦେଇଥିଲେ। ସ°ଘର ସ°ପାଦକ ଅଶୋକ କୁମାର ଚମ୍ପତି ସ°ପାଦକୀୟ ବିବରଣୀ ପାଠ କରିଥିବା ବେଳେ ସଭାପତି ଶ୍ରୀ ନନ୍ଦ ସ୍ବାଗତ ଭାଷଣ ଦେଇଥିଲେ। ଏହି ଅବସରରେ ମଞ୍ଚାସୀନ ଅତିଥି ମାନେ ଶ୍ରୀ ଜଗନ୍ନାଥ ଙ୍କୁ ଧୁପପୁଷ୍ପ ଅର୍ପଣ କରି ପ୍ରଦୀପ ପ୍ରଜ୍ବଳନ କରିଥିଲେ। ଚିଲିକା ଓକିଲ ସଂଘ ପକ୍ଷରୁ ପ୍ରାକ୍ତନ ସଭାପତି ହରେକୃଷ୍ଣ ଜଗଦ୍ଦେବ, ଖଗେଶ୍ୱର ପାତ୍ର, କାର୍ଯ୍ୟ ନିର୍ବାହୀ ସଭ୍ୟ ମନୋରଞ୍ଜନ ପରିଡା, କିଶୋର ବେହେରା ଙ୍କ ଦ୍ଵାରା ମଞ୍ଚାସୀନ ଅତିଥି ମାନଙ୍କୁ ଉତ୍ତରୀୟ ଓ ପୁଷ୍ପଗୁଛ ଦେଇ ସ୍ବାଗତ ସମ୍ଭାଷଣ ପ୍ରଦାନ କରାଯାଇଥିଲା।

ପ୍ରାକ୍ତନ ସ°ପାଦକ ଦେବାଶିଷ ରଥ ଙ୍କ ସ°ଯୋଜନାରେ ଚିଲିକା ଓକିଲ ସଂଘ ର ସମସ୍ତ କର୍ମକର୍ତ୍ତା ଏଥିରେ ସହଯୋଗ ପ୍ରଦାନ କରିଥିଲେ। ଏଥିରେ ବାଣପୁର, ଟାଙ୍ଗୀ ଓ ଖୋର୍ଦ୍ଧା ଵାର ଆସୋସିଏସନ୍ ର ଆମନ୍ତ୍ରିତ ଆଇନଜୀବୀ, ନାଚୁଣୀ ଓ ବାଲୁଗାଁ ପୋଲିସ, ଚିଲିକା କୋର୍ଟ କର୍ମଚାରୀ, ଚିଲିକା ବ୍ଲକ ଓ ତହସିଲ କର୍ମଚାରୀ, ବୁଦ୍ଧିଜୀବୀ, ଜନପ୍ରତିନିଧି ମାନେ ବହୁ ସଂଖ୍ୟା ରେ ଯୋଗ ଦେଇଥିଲେ।

ନାଚୁଣୀ (ସୀତାରାମ ଅଗ୍ରୱାଲ): ଚିଲିକା ବ୍ଲକର ଗଙ୍ଗାଧରପୁର ଉପ ଡାକଘର ସମ୍ମୁଖରେ ଗ୍ରାମୀଣ ଶାଖା ଡାକ ଘର ଡାକପାଳଙ୍କ ପକ୍ଷରୁ ଆଜି ଠାରୁ ଅନିର୍ଦ୍ଦିଷ୍ଟ କାଳ ଯାଏ ଆନ୍ଦୋଳନ ଆରମ୍ଭ ହୋଇଛି। ଏଥିରେ ମୋଟ ୮ ଟି ଗ୍ରାମୀଣ ଶାଖା ଡାକ ଘର ଯଥା ନଇରୀ, ଵଉଳାବନ୍ଧ, ନାଚୁଣୀ, ସୁନାଖଳା, ସଲପଡିହ, କୁଲେଇ, ହରିକୁଣ୍ଡ ଵରଡିହ ସାମିଲ ହୋଇଛନ୍ତି। ଫଳରେ ଗଙ୍ଗାଧର ପୁର ଉପଡାକ ଘର ସମେତ ଉପରୋକ୍ତ ଶାଖା ଡାକ ଘରର ଡାକ ସେବା ବ୍ୟାହତ ହୋଇଯାଇଛି।

ସ°ପୃକ୍ତ ଗ୍ରାମୀଣ ଶାଖା ଡାକଘରର ଡାକପାଳ ଯଥା ଦୁର୍ଗା ପ୍ରସାଦ ଜେନା, ଲକ୍ଷ୍ମୀକାନ୍ତ ଘଡେ଼ଇ, ପ୍ରଶାନ୍ତ ବେହେରା, ହୁସନାରା ଵେଗମ, ଅପରାଜିତା କହଁର, ମୋହିନୀ ହେମ୍ବ୍ରମ, ସୈ।ମିତ୍ରୀ ରାଉତରାୟ, ଖଗେଶ୍ବର ବାରିକ, ରମେଶ ଚନ୍ଦ୍ର ସାମନ୍ତରାୟ, ଶୁଭଶ୍ରୀ ବେହେରା ସାମିଲ ହୋଇ ଆନ୍ଦୋଳନ ଓ ଧାରଣାରେ ବସିଥିବା ପ୍ରକାଶ।

ସୂଚନା ଅନୁସାରେ ଗ୍ରାମୀଣ ଶାଖା ଡାକ ଘରର ଡାକପାଳଙ୍କ ୧୦ ଦଫା ଦାବି ପୁରଣ ନହେଲେ ଆଗକୁ ଏହି ଆନ୍ଦୋଳନ ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ ଚାଲିବ ବୋଲି ଆନ୍ଦୋଳନ କାରୀଙ୍କ ସୂତ୍ରରୁ ପ୍ରକାଶ।

ସୀତାରାମ ଅଗ୍ରୱାଲ

ବାଲୁଗାଁ: ଖୋର୍ଦ୍ଧା ରୋଡ ରେଳ ଡିଭିଜନ ଅନ୍ତର୍ଗତ ଗଙ୍ଗାଧରପୁର ଷ୍ଟେସନ ଟ୍ରାକରେ ଠାବ ହୋଇଛି ଜଣେ ଅଜଣା ବ୍ୟକ୍ତିଙ୍କ ମୃତ ଦେହ। ବ୍ୟକ୍ତିଙ୍କ ପରିଚୟ ମିଳିନଥିବା ବେଳେ ଶବଟି ଜଣେ ପୁରୁଷଙ୍କ ବୋଲି ଜଣାପଡିଛି।

ତେବେ ପ୍ରତ୍ୟକ୍ଷଦର୍ଶୀଙ୍କ କହିବା ମୁତାବକ ଆଜି ସଂନ୍ଧ୍ୟାରେ ବ୍ୟକ୍ତି ଜଣକ ପୁରୀ ଚେନ୍ନାଇ ଏକ୍ସପ୍ରେସ ଗଙ୍ଗାଧରପୁର ଷ୍ଟେସନ ଅତିକ୍ରମ କରୁଥିବା ବେଳେ ଇଞ୍ଜିନ ସମ୍ମୁଖରେ ଡେଇଁ ଆତ୍ମହତ୍ୟା କରିଛନ୍ତି।

ଘଟଣାସ୍ଥଳରେ ବାଲୁଗାଁ ରେଳବାଇ ପୋଲିସ ପହଞ୍ଚି ତଦନ୍ତ ଆରମ୍ଭ କରିଦେଇ ଥିବା ଜଣାପଡିଛି।

ସୀତାରାମ ଅଗ୍ରୱାଲ

ବାଣପୁର: ବାଣପୁର ବ୍ଲକ ଅନ୍ତର୍ଗତ ଗଙ୍ଗାଧରପୁରର ବାବା ନୀଳକଣ୍ଠେଶ୍ଵର କ୍ରିକେଟ ଟିମ ଦ୍ଵାରା ଆୟୋଜିତ ଦିବାରାତ୍ରି କ୍ରିକେଟ ଟୁର୍ଣ୍ଣାମେଣ୍ଟ ଆଜି ସକାଳେ ଶେଷ ହୋଇଛି। ୮ ଟି ଟିମକୁ ନେଇ ଆୟୋଜିତ ଏହି ଟୁର୍ଣ୍ଣାମେଣ୍ଟରେ ସାହାସପୁର ଗ୍ରାମର ଜୟ ଜଗନ୍ନାଥ କ୍ରିକେଟ ଟିମ ବିଜେତା ହୋଇଛି। ସାହାସପୁର ଏବଂ ଦେଓଗାଁ କ୍ରିକେଟ ଟିମ ମଧ୍ୟରେ ଫାଇନାଲ ମ୍ୟାଚ ଅନୁଷ୍ଠିତ ହୋଇଥିଲା।

ଏଥିରେ ସାହାସପୁର କ୍ରିକେଟ ଟିମର ଅଧିନାୟକ ଟସ୍ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲେ। ସାହାସପୁର ଟିମ ନିର୍ଦ୍ଧାରିତ ୮ ଓଭରରେ ୪ ୱିକେଟ ହରାଇ ୭୮ ରନ ସଂଗ୍ରହ କରିଥିଲା। ଜବାବରେ ଦେଓଗାଁ ଟିମ ମାତ୍ର ୪୧ ରନ କରିବାକୁ ସକ୍ଷମ ହୋଇପାରିଥିଲା। ଫଳରେ ସାହାସପୁର ଦଳ ୩୭ ରନରେ ବିଜୟ ଲାଭ କରି ଉକ୍ତ ଟୁର୍ଣ୍ଣାମେଣ୍ଟର ବିଜେତା ଘୋଷିତ ହୋଇଥିଲା।

ସାହାସପୁର ପକ୍ଷରୁ ଦୀପକ ମୁଦୁଲି ସର୍ବାଧିକ ୩୮ ରନ ସଂଗ୍ରହ କରିଥିଲେ। ତାଙ୍କୁ ଫାଇନାଲ ମ୍ୟାଚର ଶ୍ରେଷ୍ଠ ଖେଳାଳି ସହିତ ଟୁର୍ଣ୍ଣାମେଣ୍ଟର ଶ୍ରେଷ୍ଠ ଖେଳାଳି ଭାବେ ସମ୍ମାନିତ କରାଯାଇଥିଲା। ଶେଷରେ ଆୟୋଜକ ନୀଳକଣ୍ଠେଶ୍ଵର କ୍ରିକେଟ କ୍ଲବ ପକ୍ଷରୁ ବିଜେତା ଏବଂ ଉପ-ବିଜେତା ଦଳକୁ ଟ୍ରଫି ପ୍ରଦାନ କରାଯାଇଥିଲା।

ସୀତାରାମ ଅଗ୍ରୱାଲ

ବାଣପୁର: ଆଜି ଖୋର୍ଦ୍ଧା ଜିଲ୍ଲା ବାଣପୁର ବ୍ଲକ ଅନ୍ତର୍ଗତ ବୋରିଗାଁ ଗ୍ରାମରେ ୧୭ ତମ ସଞ୍ଜୟ ସ୍ମାରକୀ କ୍ରିକେଟ ଟୁର୍ଣ୍ଣାମେଣ୍ଟ ଉଦଯାପିତ ହୋଇଯାଇଛି। ୮ ଟି ଦଳକୁ ନେଇ ଏହି ସଞ୍ଜୟ ସ୍ମାରକୀ ଟୁର୍ଣ୍ଣାମେଣ୍ଟ ଆୟୋଜିତ ହୋଇଥିଲା। ଏହି ସ୍ମାରକୀ ଟୁର୍ଣ୍ଣାମେଣ୍ଟକୁ  କ୍ରମାଗତ ୧୭ ବର୍ଷ ଧରି ବୋରିଗାଁ ଗ୍ରାମର କ୍ରିକେଟ କ୍ଲବ ଆୟୋଜିତ କରିଆସୁଛି। ପ୍ରତ୍ୟେକ ବର୍ଷ ଏହି ଟୁର୍ଣ୍ଣାମେଣ୍ଟ ସଞ୍ଜୟ କୁମାର ପାଇକରାୟଙ୍କ ସ୍ମୃତ୍ତିରେ ଆୟୋଜନ କରାଯାଉଛି। ସଞ୍ଜୟ ଏହି ଦଳର ଜଣେ ସଦସ୍ୟ ଥିଲେ ଏବଂ ଗ୍ରାମରେ ଜଣେ ପରୋପକାରୀ ଯୁବକ ଥିଲେ। ଦୁର୍ଭାଗ୍ୟବଶତଃ ସେ ବିଦେଶର ଏକ କମ୍ପାନୀରେ କାର୍ଯ୍ୟ କରୁଥିବା ବେଳେ ତାଙ୍କର ପରଲୋକ ହୋଇଥିଲା। ସଞ୍ଜୟ ମେମୋରିଆଲ କ୍ରିକେଟ କ୍ଲବ ସେହି ଦିନଠାରୁ  ତାଙ୍କର ସ୍ମୃତ୍ତି ଉଦ୍ଦେଶ୍ୟରେ ଏହି ଟୁର୍ଣ୍ଣାମେଣ୍ଟ ଆୟୋଜନ କରି ଆସୁଛି।

ତେବେ ଏହି ଟୁର୍ଣ୍ଣାମେଣ୍ଟର ଅନ୍ତିମ ଦିନରେ ସଞ୍ଜୟ ମେମୋରିଆଲ କ୍ରିକେଟ ଟୁର୍ଣ୍ଣାମେଣ୍ଟ(ବୋରିଗାଁ) ସହିତ ଗଙ୍ଗାଧରପୁର ଦଳ ମଧ୍ୟରେ ଫାଇନାଲ ମ୍ୟାଚ ଅନୁଷ୍ଠିତ ହୋଇଥିଲା। ବୋରିଗାଁ ଦଳ ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ଓଭରରେ ମାତ୍ର ୪ ଟି ୱିକେଟ ହରାଇ ୫୦ ରନ ସଂଗ୍ରହ କରିଥିଲା। କିନ୍ତୁ ଗଙ୍ଗାଧରପୁର ଦଳ ନିର୍ଦ୍ଧାରିତ ଓଭରରେ ମାତ୍ର ୪୪ ରନ କରିବାରେ ସକ୍ଷମ ହୋଇପାରିଥିଲା। ବୋରିଗାଁ ୬ ରନରେ ବିଜୟ ଲାଭ କରି ୧୭ ତମ ସଞ୍ଜୟ ସ୍ମାରକୀ ଟୁର୍ଣ୍ଣାମେଣ୍ଟର ଚମ୍ପିୟାନ ଘୋଷିତ ହୋଇଛି। ଆଜିର ଏହି ଫାଇନାଲ ମ୍ୟାଚରେ ଖୋର୍ଦ୍ଧା ଜିଲ୍ଲା ବିଜେପି ସମ୍ପାଦକ ବିଦ୍ୟୁତ କୁମାର କାଣ୍ଡି ଏବଂ ସମାଜସେବୀ ପ୍ରଭାକର ଦଳାଇ ମୁଖ୍ୟ ଅତିଥି ଭାବେ ଯୋଗ ଦେଇ ଖେଳାଳିଙ୍କୁ ଉତ୍ସାହିତ କରିଥିଲେ।

ଶେଷରେ ବୋରିଗାଁ ଦଳକୁ ବିଜେତା ଏବଂ ଗଙ୍ଗାଧରପୁର ଦଳକୁ ଉପବିଜେତା ଭାବେ ସମାଜସେବୀ ଶ୍ରୀ ଦଳାଇ ଟ୍ରଫି ପ୍ରଦାନ କରିବା ସହ ଫାଇନାଲ ମ୍ୟାଚର ଶ୍ରେଷ୍ଠ ଖେଳାଳି ଭାବେ ବିପିନ କୁମାର ବିଶ୍ଵାଳ ଏବଂ ଟୁର୍ଣ୍ଣାମେଣ୍ଟର ଶ୍ରେଷ୍ଠ ଖେଳାଳି ଭାବେ ପ୍ରଶାନ୍ତ ବିଶ୍ଵାଳ(ବାପି)ଙ୍କୁ ପୁରଷ୍କୃତ କରିଥିଲେ।