Categories
ଅପରାଧ ଆଜିର ଖବର ରାଜ୍ୟ ଖବର

ବଏଲର ଫାର୍ମରୁ ଚୋରୀ ଅଭିଯୋଗରେ ଜଣେ ଗିରଫ, ଜଣେ ଫେରାର

କନ୍ଦର୍ପ ବେହେରା
ରେଢାଖୋଲ: ନାକଟିଦେଉଳ ଥାନା ବେଠିଆବେନି ଗ୍ରାମରେ ବଏଲର ଫାର୍ମରୁ ଚୋରି ଅଭିଯୋଗରେ ଗ୍ରାମବାସୀ ଜଣକୁ କାବୁ କରି ପୋଲିସ୍ ର ଜିମା ଦେଇଥିବା ବେଳେ ଆଉ ଜଣେ ଅଭିଯୁକ୍ତ ଫେରାର୍ ମାରିଥିବା ପୋଲିସ୍ ଏକ ପ୍ରେସ୍ ବିଜ୍ଞପ୍ତିରେ ପ୍ରକାଶ କରିଛି।

ପୋଲିସ୍ ସୂତରୁ ପ୍ରକାଶ ଯେ, ଗତ ତା ୨୧ /୪/୨୦୨୨ ରିଖ ରାତି ପ୍ରାୟ ୧ଘ. ୩୦ ମିନିଟ୍ ସମୟରେ ନାକଟିଦେଉଳ ଥାନା ବେଠେିଆବେନି ଗ୍ରାମର କେଦାର ଦେହୁରୀଙ୍କ ବଏଲର୍ ଫାର୍ମକୁ ଦୁଇ ଜଣ ଦୁର୍ବୃତ୍ତ ଆସି ତାଙ୍କ ଫାର୍ମରୁ ଦୁଇଟି ମୋବାଇଲ୍ ଫୋନ୍ ଏବଂ ୧୦ ହଜାର ଟଙ୍କା ଚୋରି କରି ନେଇଥିଲେ। ସେଇ ପାଖ ଆଉ ଏକ ଫାର୍ମରୁ ଅନୁରୁପ ଭାବରେ ଚୋର ଦୁଇଜଣ ପଶି ଶିବଶଙ୍କର ଦେହୁରୀଙ୍କ ଫାର୍ମରୁ ଗୋଟିଏ ମୋବାଇଲ୍ ଫୋନ୍ ଏବଂ କୈଳାସ ଦେହୁରୀଙ୍କ ବେକରୁ ଏକ ରୂପା ଚେନ୍ ଚୋରି କରି ଫେରାର୍ ହେବାକୁ ଉଦ୍ୟମ କରୁଥିବା ବେଳେ ଜଣଙ୍କୁ କାବୁ କରାଯାଇଥିଲା। ଏବଂ ଅନ୍ୟ ଅଭିଯୁକ୍ତଜଣଙ୍କ କୈଳାସ ଦେହୁରୀଙ୍କୁ କାମୁଡି ଦେଇ ପଳାଇବାରେ ସକ୍ଷମ ହୋଇଥିଲା।

ଖବର ପାଇ ଭୋରରୁ ପୋଲିସ୍‌ ଘଟଣା ସ୍ଥଳରେ ପହଂଚି ଅଭିଯୁକ୍ତ କାର୍ତ୍ତିକ ନାଏକଙ୍କୁ ଗିରଫ କରିଥିଲା। କାର୍ତ୍ତିକ ନାଏକଙ୍କ ଠାରୁ ତିନୋଟି ମୋବାଇଲ୍ , ରୂପା ଚେନ୍ ଏବଂ ଏକ କାଠ ବେଂଟ ଜବତ କରିଛି।

ନାକଟିଦେଉଳ ଥାନା କେସ୍ ନଂ ୮୫ତା ୨୨/୪/୨୦୨୨ ୟୁ/ଏସ୍ ୩୯୭/୩୯୪/୩୪ ଆଇପିସି ରେ ମାମଲା ରୁଜୁ କରି ଆଜି କାର୍ତ୍ତିକ ନାଏକକୁ କୋର୍ଟ ଚାଲାଣ କରିଛି। ଅନ୍ୟ ଅଭିଯୁକ୍ତକୁ ପୋଲିସ୍ ଖୋଜୁଥିବାର ଜଣା ପଡିଛି।

Categories
ଅପରାଧ ଆଜିର ଖବର ରାଜ୍ୟ ଖବର

ମାଙ୍ଗାନିଜ ପଥର ବୋଝେଇ ଟ୍ରାକ୍ଟର ଜବତ, ଜଣେ ଗିରଫ

କନ୍ଦର୍ପ ବେହେରା

ରେଢ଼ାଖୋଲ: ରେଢ଼ାଖୋଲ ଅଂଚଳରେ ଭରପୁର ରହିଛି ଜଙ୍ଗଲଜାତ ଦ୍ରବ୍ୟ। ବହୁ ସମୟରେ ଏହି ଜଙ୍ଗଲରୁ ବାହାର ରାଜ୍ୟର ଚୋରା ବେପାରିମାନେ ରତ୍ନ ପଥର ,କୋଇଲା ମାଙ୍ଗାନିଜ ଆଦି ବାହାରକୁ ଚାଲାଣ କରିଥାନ୍ତି। ଏଥିରେ ବନବିଭାଗର କର୍ମଚାରିମାନଙ୍କର ପ୍ରଚ୍ଛନ୍ନ ହାତ ରହିଥାଏ। ଯା’ ଫଳରେ ସେମାନେ ବନବିଭାଗର କର୍ମଚାରିମାନଙ୍କୁ ହାତମୁଠାରେ ରଖି କିଛି ଟଙ୍କା ପ୍ରଲୋଭନ ଦେଖାଇ ଚୋରା କାରବାର କରିଥାନ୍ତି।

ସମ୍ବଲପୁର ଜିଲ୍ଲା ରେଢ଼ାଖୋଲ ବନଖଣ୍ଡ ଚାରମାଳ ରେଞ୍ଜ ଅନ୍ତର୍ଗତ ଶାଗମୁଳିଆ ସଂରକ୍ଷିତ ଜଙ୍ଗଲରୁ ମଙ୍ଗଳବାର ଦିନ ଏକ ମାଙ୍ଗାନିଜ ପଥର ବୋଝେଇ ଟ୍ରାକ୍ଟରକୁ ଜବତ କରିବା ସହ ଜଣଙ୍କୁ ବନ ବିଭାଗ ଗିରଫ କରିଛି।

ବନବିଭାଗ ସୂତ୍ରରୁ ପ୍ରକାଶ ଯେ, ଚାରମାଳ ରେଞ୍ଜ ଶାଗମୂଳିଆ ସଂରକ୍ଷିତ ଜଙ୍ଗଲରେ ପଥର ବୋଝେଇ ହେବାର ଖବର ପାଇ ବନବିଭାଗ ସଦଳବଳେ ଚଢ଼ାଉ କରିଥିଲେ। ଏଥିରେ ଟ୍ରାକ୍ଟର ରେ ମାଙ୍ଗାନିଜ ପଥର ବୋଝେଇ କରୁଥିବା ସମୟରେ ଟ୍ରାକ୍ଟର ଡ୍ରାଇଭର ଅରୁଣ ମୁଣ୍ଡା (୨୨) ଙ୍କୁ ଗିରଫ କରିଛି ଓ ଜଣେ ଫେରାର ହୋଇଯାଇଛନ୍ତି। ଏଥିରେ ମାଙ୍ଗାନିଜ ପଥର ବୋଝେଇ ଥିବା ଟ୍ରାକ୍ଟର ( ଓଡ଼ି ୧୫ ଏନ ୬୨୫୦ )କୁ ଜବତ କରିଛି। ଏହି ଚଢଉରେେ ଫରେଷ୍ଟର ବିଜୟ ବିଶ୍ଵାଳ, ପ୍ରବୀଣ କୁମାର ସାହୁ, ଫରେଷ୍ଟ ଗାର୍ଡ ବଳରାମ ପ୍ରଧାନ ଓ ବନବିଭାଗ ସଦଳବଳ କର୍ମଚାରୀ ସାମିଲ ରହିଥିଲେ।

Categories
ଅପରାଧ ଆଞ୍ଚଳିକ

ଦେଶୀ ବନ୍ଧୁକ, ବାଇକ୍ ସହ ୨ କେଜି ବାରହା ମାଂସ ଜବତ, ଜଣେ ଗିରଫ

କନ୍ଦର୍ପ ବେହେରା
ରେଢାଖୋଲ: ଦିନକୁ ଦିନ କିସିଣ୍ଡା ଅଂଚଳରୁ ବନବିଭାଗ ଅବାଧରେ ଜନ୍ତୁ ଶିକାର କରୁଥିବା ଶିକାରୀମାନଙ୍କୁ ଧରିବାରେ ସଫଳ ହେଉଛି। ଗତକାଲି ସଂଧ୍ୟାରେ ଖଳାସୁଣି ବନ୍ୟପ୍ରାଣୀ ବନାଂଚଳ ର କଂଚନପୁର ଛକରୁ ଜଣେ ବ୍ୟକ୍ତିଙ୍କ ବାଇକ୍ ରୁ ୨ କେଜି ବାରହା ମାଂସ ଜବତ କରିଛି କିସିଣ୍ଡା ବନବିଭାଗ। ଏଥିରେ ସଂପୃକ୍ତ ଥିବା ଜଣେ ବ୍ୟକ୍ତିକୁ ଗିରଫ କରିବା ସହ ଆଜି କୋର୍ଟ ଚାଲାଣ କରିଛି।

ବନବିଭାଗ ସୂତ୍ରରୁ ପ୍ରକାଶ ଯେ, ଖଳାଶୁଣି ବନ୍ୟପ୍ରାଣୀ ବନାଂଚଳ ଅଧୀନସ୍ଥ କଂଚନପୁର ଗ୍ରାମର ଅନୀଲ ମିଲୁଆର ନିଜର ବାଇକରେ ବାରହା ମାଂସ ଧରି କଂଚନପୁର ଛକକୁ ଆସୁଥିବା ବେଳେ କିସିଣ୍ଡା ଫରେଷ୍ଟ ତଥା ଅନ୍ୟ କର୍ମଚାରୀମାନେ ଖବର ପାଇ ସଂଧ୍ୟା ୫ ଟାରେ ବାଇକକୁ କଂଚନପୁର ଛକ ଠାରେ ଅଟାକାଇ ଥିଲେ। ବାଇକରୁ ୨ କେଜି ବାରହା ମାଂସ ଜବତ କରିବା ସହ ସେ କେଉଁଠାରୁ ଏହି ମାଂସ ଆଣି ଥିଲା ବନବିଭାଗ ପଚାରିଥିଲା। ସେ ନିଜେ ବାରହାକୁ ମାରି ମାଂସ ଆଣିଥିବା ସ୍ୱୀକାର କରିଥିଲା। ଭରାଦେଇ ଜଙ୍ଗଲରେ ଲୁଚାଇ ରଖିଥିବା ବନ୍ଧୁକ ମଧ୍ୟ ବନବିଭାଗକୁ ଦେଖାଇଥିଲା।

ବନବିଭାଗ ବନ୍ଧୁକକୁ ଜବତ କରିଥିଲା। ଆଜି ଶିକାରୀ ଅନୀଲ ମିଲୁଆର୍ କୁ ବନବିଭାଗ କୋର୍ଟଚାଲାଣ କରିଛି । ଏହି ଚଢଉରେ ଖଳାଶୁଣି ବନ୍ୟପ୍ରାଣୀ ବନାଂଚଳର କିସିଣ୍ଡା ଫରେଷ୍ଟର ଅନୁରାଧା ଖରସେଲ୍ ତଥା ବନବିଭାଗର କର୍ମଚାରୀ ସାମିଲ୍ ହୋଇଥିଲେ।

Categories
ଅପରାଧ ଆଜିର ଖବର ରାଜ୍ୟ ଖବର

ବିବାହ ପ୍ରତିଶୃତି ଦେଇ ୨ ନାବାଳିକା ଅପହରଣ ଘଟଣାରେ ଜଣେ ଗିରଫ

କନ୍ଦର୍ପ ବେହେରା

ରେଢାଖୋଲ: ନାକଟିଦେଉଳ ଥାନା ଅନ୍ତର୍ଗତ ସାହେବୀ ପଂଚାୟତର ଝାରବେଡା ଗ୍ରାମରେ ୨ ନାବାଳିକାକୁ ମିଥ୍ୟା ବିବାହର ପ୍ରତିଶୃତି ଦେଇ ଜଣେ ଯୁବକ ଅପହରଣ କରିଥିଲା। ସୂଚନା ଅନୁସାରେ ଝାରବେଡା ଗ୍ରାମର ସୁଶାନ୍ତ ନାଏକ (ଝାରୁ) ୨୮ ବର୍ଷ ମିଥ୍ୟା ବିବାହର ପ୍ରତିଶୃତି ଦେଇ ୨ ନାବାଳିକାକୁ ଗତ ୬ ତାରିଖରେ ଅପହରଣ କରି ନେଇଯାଇଥିଲା। ଏ ନେଇ ଗତ ୮ ତାରିଖ ସକାଳେ ସଂପୃକ୍ତା ନାବାଳିକାର ବାପା ଶଙ୍କର ମୁଣ୍ଡା ନାକଟିଦେଉଳ ଥାନାରେ ଅଭିଯୋଗ କରିଥିଲେ।

ଅଭିଯୋଗକୁ ଭିତି କରି ନାକଟିଦେଉଳ ପୋଲିସ ଅନୁସନ୍ଧାନ କରି ଦେବଗଡ ଜିଲ୍ଲାରୁ ଅଭିଯୁକ୍ତ ସୁଶାନ୍ତକୁ ଗିରଫ କରିବା ସହ ୨ ନାବାଳିକା ଝିଅକୁ ଉଦ୍ଧାର କରିଥିବା ଜଣା ପଡିଛି। ତେବେ ନାବାଳିକା ଦୁଇ ଜଣଙ୍କୁ ପରିବାର ବର୍ଗଙ୍କୁ ହସ୍ତାନ୍ତର କରିଥିବା ବେଳେ ନାକଟିଦେଉଳ ଥାନାରେ କେସ ନଂ ୫୧/୨୨ ରେ ୩୬୩ ,୩୬୬,୩୭୬ (୨) ଆଇପିସି ଧାରାରେ ମାମଲା ରୁଜୁ କରିଥିବା ବେଳେ ଆସନ୍ତା କାଲି ଅଭିଯୁକ୍ତର ଡାକ୍ତରୀ ମାଇନା କରି କୋର୍ଟ ଚାଲାଣ କରାଯିବ ବୋଲି ଥାନାଧିକାରୀ ବିଧୁଭୁଷଣ ଦଳେଇ ପ୍ରକାଶ କରିଅଛନ୍ତି।

Categories
ଅପରାଧ ଆଜିର ଖବର ରାଜ୍ୟ ଖବର

ଲଣ୍ଡାକୋଟ୍ ସଂରକ୍ଷିତ ଜଙ୍ଗଲରୁ ଶୁଆ ଚାଲାଣ: ୮ ଶୁଆ ଜବତ, ଅଭିଯୁକ୍ତ ଗିରଫ

କନ୍ଦର୍ପ ବେହେରା
ରେଢାଖୋଲ: ସମ୍ବଲପୁର ଜିଲ୍ଲା ନାକଟିଦେଉଳ ବ୍ଲକ୍ ଗିରିଶ୍ଚନ୍ଦ୍ରପୁର ରେଞ ଅଂଚଳରେ ଦିନକୁ ଦିନ ଅବାଧରେ ଜନ୍ତୁ ଶିକାର ସହ ବାହାର ରାଜ୍ୟକୁ ପକ୍ଷୀ ଚାଲାଣ ଚାଲିଥିବା ବେଳେ ବନବିଭାଗ ଶିକାରୀ ତଥା ଚାଲାଣ କାରୀକୁ ସଫଳତାର ସହ ଧରିବାରେ ସକ୍ଷମ ହୋଇଥିବା ଜଣା ପଡିଛି। ଗତକାଲି ନାକଟିଦେଉଳ ବ୍ଲକ୍ ଗିରିଶ୍ଚନ୍ଦ୍ରପୁର ସଂରକ୍ଷିତ ଜଙ୍ଗଲରେ ଜନୈକ ବ୍ୟକ୍ତି ବାହାର ରାଜ୍ୟକୁ ଶୁଆ ଚାଲାଣ କରୁଥିବା ସଂପର୍କରେ ବନବିଭାଗ ଖବରପାଇ ସେଇ ଜଙ୍ଗଲ ପାଖରେ ଚଢଉ କରି ୮ ଟି ଜୀବନ୍ତ ଶୁଆ ଉଦ୍ଧାର କରିବା ସହ ଜଣେ ଶୁଆ ଚାଲାଣ କାରୀ ବ୍ୟକ୍ତିକୁ ଧରିଥିବା ଜଣା ପଡିଛି । ବନବିଭାଗ ଗିରଫ କରିଥିବା ବ୍ୟକ୍ତିଜଣଙ୍କ କିସିଣ୍ଡା ଥାନା ଅନ୍ତର୍ଗତ ଗରିଆଖମଣ ଗ୍ରାମର ପ୍ରଦୀପ କୁମାର କୁଜୁର ବୋଲି ବନବିଭାଗ ପ୍ରକାଶ କରିଛି।

ବନବିଭାଗ ସୂତ୍ରରୁ ପ୍ରକାଶ ଯେ, ନାକଟିଦେଉଳ ବ୍ଲକ୍ ଗିରିଶ୍ଚନ୍ଦ୍ରପୁର ନିକଟସ୍ଥ ଲଣ୍ଡାକୋଟ୍ ସଂରକ୍ଷିତ ଜଙ୍ଗଲରୁ ଶୁଆ ଆଣି ବାହରା ରାଜ୍ୟକୁ ଚାଲାଣ କରାଯାଉଥିବା ଖବର ପାଇଥିଲା। ରେଞ ଅଧିକାରୀ ସୁଶାନ୍ତ କୁମାର ବନ୍ଧଙ୍କ ନିର୍ଦ୍ଦେଶ କ୍ରମେ ବିଭାଗୀୟ ବନକର୍ମଚାରୀମାନେ ସେଇ ଜଙ୍ଗଲକୁ ସକାଳେ ଯାଇଥିଲେ।

ଜଙ୍ଗଲରେ ଚଢଉ ସମୟରେ ଗରିଆଖମଣ ଗ୍ରାମର ପ୍ରଦୀପ କୁଜୁରଙ୍କ ପାଖରୁ ୮ ଟି ଜୀବନ୍ତ ଶୁଆୁ ଜବତ କରିଥିଲା ବନବିଭାଗ। ବନ୍ୟପ୍ରାଣୀ ସୁରକ୍ଷା ଆଇନ ୧୯୭୨ ଧାରାରେ ଚାଲାଣ କାରୀ ପ୍ରଦୀପକୁ ଗିରଫ କରି କୋର୍ଟ ଚାଲାଣ କରିଥିବା ଜଣା ପଡିଛି। ରେଢାଖୋଲ ଓ ନାକଟିଦେଉଳ ବ୍ଲକ୍ ରେ କାମ କରୁଥିବା ଗଣମାଧ୍ୟର ସମସ୍ତ ପ୍ରତିନିଧିମାନଙ୍କୁ ବନବିଭାଗ ସୂଚନା ନ ଦେଇ କେବଳ କିଛି ନିର୍ଦ୍ଦିଷ୍ଟ ଗଣ ମାଧ୍ୟମର ପ୍ରତିନିଧିଙ୍କୁ ସୂଚନା ଦେଉଥିବାରୁ ଗଣମାଧ୍ୟମ ପ୍ରତିନିଧିମାନଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି।

ସୂଚନାଯୋଗ୍ୟ ଯେ, ଗତ ୨୬ /୧/୨୦୨୨ରେ ଗିରଶ୍ଚନ୍ଦ୍ରପୁର ରେଞର ବନବିଭାଗ କର୍ମଚାରୀମାନେ ପେଟ୍ରୋଲିଙ୍ଗ କରୁଥିବା ସମୟରେ ଗିରିଶ୍ଚନ୍ଦ୍ରପୁର ବନାଂଚଳ ଅଧିନସ୍ଥ ବଡବାହାଳ ଗ୍ରାମ ନିକଟରେ ଅବାଧରେ ଜନ୍ତୁ ଶିକାର କରି ଫେରୁଥିବା ୨ ଜଣ ବେପାରୀ ସହ ୩ ଜଣ ଜନ୍ତୁ ଶିକାରୀକୁ ଧରିବାରେ ସଫଳ ହୋଇଥିଲା। ସେମାନଙ୍କ ନିକଟରୁ କୁଟୁରାମାଂସ ୫ କେଜି, ଜୀବନ୍ତ ଶୁଆ ୧୪ ଟି, ସମ୍ବର ମୁଣ୍ଡ ସହ ସିଙ୍ଗ, ଦେଶୀ ବନ୍ଧୁକ ୧ ଟି, ଅଫୁଟା ଗୁଳି ୩ ଟା, ଧନୁତୀର ୨ ଟା, ଶିକାର ପାଇଁ ବ୍ୟବହୃତ ଫାଶ ୧ ସେଟ୍, ଏବଂ ସେମାନେ ବ୍ୟବହାର କରୁଥିବା ଏକ ହୋଣ୍ଡା ଲିଭୋ ମୋଟର ସାଇକେଲ କୁ ଜବତ କରିଥିଲା ବନବିଭାଗ।

ଏହି କାରବାରରେ ସଂପୃକ୍ତି ଥିବା ବେପାରୀ କିସିଣ୍ଡା ଥାନା ପାରଧିଆମୁଣ୍ଡା ଗ୍ରାମର ଇନ୍ଦ୍ର ବେହେରା (୨୯) ଏବଂ ସୁରେନ୍ଦ୍ର ବେହେରା (୩୦) ଏବଂ ଶିକାରୀ ଧର୍ମୁ ଶବର (୫୩), କାର୍ତ୍ତିକ ଶବର (୫୮), ଏବଂ ରମାକାନ୍ତ ଶବର (୨୫) ଙ୍କୁ ବନବିଭାଗ ବନ୍ୟପ୍ରାଣୀ ସୁରକ୍ଷା ଆଇନ୍ ଅନୁଯାୟୀ ଗିରଫ କରିବା ସହ ସେମାନଙ୍କୁ କୋର୍ଟ ଚାଲାଣ ମଧ୍ୟ କରିଥିଲା ବନବିଭାଗ।

Categories
ଅପରାଧ ଆଜିର ଖବର ରାଜ୍ୟ ଖବର

ଖୋର୍ଦ୍ଧା: ରାଜ୍ୟ ଅବକାରୀ ଫ୍ଲାଇଙ୍ଗ୍ ସ୍କ୍ୱାଡ୍ ର ଚଢାଉ, ୨୭ ଲକ୍ଷର ବ୍ରାଉନ ସୁଗାର ଜବତ, ଜଣେ ଗିରଫ

ଖୋର୍ଦ୍ଧା: ଓଡିଶା ଅବକାରୀ କମିଶନର ଆଇପିଏସ ଆଶିଷ କୁମାର ସିଂଙ୍କ ନିର୍ଦ୍ଦେଶ ଅନୁଯାୟୀ ଆଜି କଟକସ୍ଥିତ ରାଜ୍ୟ ଅବକାରୀ ଫ୍ଲାଇଙ୍ଗ୍ ସ୍କ୍ୱାଡ୍, ଖୋର୍ଦ୍ଧା ଜିଲ୍ଲାରେ ଚଢ଼ାଉ କରି ଲକ୍ଷାଧିକ ଟଙ୍କାର ବ୍ରାଉନ ସୁଗାର ଜବତ କରିବା ସହ ଜଣେ ଅଭିଯୁକ୍ତଙ୍କୁ ଗିରଫ କରିଛି।

ଗିରଫ ଅଭିଯୁକ୍ତ ଜଣକ ହେଲେ ଖୋର୍ଦ୍ଧା ଟାଉନ ଥାନା ଅନ୍ତର୍ଗତ ସମନ୍ତରାପୁର ଅଞ୍ଚଳର ରାଜେନ୍ଦ୍ର ପୃଷ୍ଟି (୪୨)। ରାଜେନ୍ଦ୍ରଙ୍କ ନିକଟରୁ ଅବକାରୀ ଫ୍ଲାଇଙ୍ଗ୍ ସ୍କ୍ୱାଡ୍ ୨୭୦ ଗ୍ରାମ ବ୍ରାଉନ୍ ସୁଗାର ଯାହାର ମୂଲ୍ୟ ୨୭ ଲକ୍ଷ ଟଙ୍କା ହେବ ଏବଂ ନକଦ ୧ ଲକ୍ଷ ୧୩ ହଜାର ଟଙ୍କା ଜବତ କରିଛି। ରାଜେନ୍ଦ୍ର ଜିଲ୍ଲା ପ୍ରାଣୀ ଚିକିତ୍ସା କାର୍ଯ୍ୟାଳୟ ନିକଟରେ ଥିବା ତାଙ୍କ ପନିପରିବା ଦୋକାନରେ ବ୍ରାଉନ ସୁଗାର ବେପାର କରୁଥିଲେ। ସେ ବାଲେଶ୍ୱର ଜିଲ୍ଲା ଜଳେଶ୍ୱର ଅଞ୍ଚଳରୁ ବ୍ରାଉନ ସୁଗାର ଆଣି ସ୍ଥାନୀୟ ଅଞ୍ଚଳରେ ଛୋଟ ପାଉଚ ମାଧ୍ୟମରେ ବିକ୍ରି କରୁଥିଲେ।

ଏହି ପରିପ୍ରେକ୍ଷୀରେ, ଏନଡ଼ିପିଏସ ଆଇନ ଧାରା ୨୧ ଅନୁଯାୟୀ ପିଆର ନମ୍ବର ୨୩୭ ରେ ଏକ ମାମଲା ରୁଜୁ କରି ଅଭିଯୁକ୍ତଙ୍କୁ କୋର୍ଟଚାଲାଣ କରିଛି ଅବକାରୀ ବିଭାଗ।

ଅବକାରୀ ଅଧିକ୍ଷକ ଦେବାଶିଷ ପଟେଲଙ୍କ ନେତୃତ୍ୱରେ ଉକ୍ତ ଚଢ଼ାଉ କରାଯାଇଥିବାବେଳେ ଅବକାରୀ ଇନ୍ସପେକ୍ଟର ସରୋଜ କୁମାର ପରିଡ଼ା, ଉମାକାନ୍ତ ସ୍ୱାଇଁ, ଅବକାରୀ ସବ ଇନ୍ସପେକ୍ଟର ସଚିନ ବେହେରା ଏବଂ ଅନ୍ୟ ଅବକାରୀ ଅଧିକାରୀମାନେ ଉକ୍ତ ଚଢ଼ାଉରେ ସାମିଲ ଥିଲେ।

Categories
ଅପରାଧ ଆଜିର ଖବର ସ୍ବାସ୍ଥ୍ୟ

ଜଙ୍କିଆରେ ଅବକାରୀ ବିଭାଗର ଚଢ଼ାଉ: ଗଞ୍ଜେଇ ଜବତ, ଜଣେ ଗିରଫ

ସୀତାରାମ ଅଗ୍ରୱାଲ

ଟାଙ୍ଗୀ: ଆଜି ଖୋର୍ଦ୍ଧା ଜିଲ୍ଲା ଜଙ୍କିଆ ଥାନା ଅଞ୍ଚଳରେ ଅବକାରୀ ବିଭାଗ ଚଢ଼ାଉ କରି ଜଣେ ଗଞ୍ଜେଇ ବେପାରୀଙ୍କୁ ଗିରଫ କରିଛି। କମାଗୁରୁ ଗ୍ରାମରେ ଗଞ୍ଜେଇ କାରବାର ହେଉଥିବାର ପୂର୍ବରୁ ଟାଙ୍ଗୀ ଅବକାରୀ ବିଭାଗ ଖବର ପାଇଥିଲା। ଏହି ପରିପ୍ରେକ୍ଷୀରେ ଆଜି ଟାଙ୍ଗୀ ଅବକାରୀ ଅଧିକାରୀ ଆଲୋକ ପ୍ରଧାନଙ୍କ ନେତୃତ୍ୱରେ ଉକ୍ତ ଗ୍ରାମରେ ଚଢ଼ାଉ କରାଯାଇଥିଲା। ଏହି ଚଢାଉରେ ଜଣେ ଅଭିଯୁକ୍ତଙ୍କୁ ଅବକାରୀ ବିଭାଗ ଗିରଫ କରିବା ସହ ତାଙ୍କ ନିକଟରୁ ୧ କେଜି ୬୦୦ ଗ୍ରାମ ଗଞ୍ଜେଇ ଜବତ କରିଥିଲା। ଗିରଫ ଅଭିଯୁକ୍ତ ଜଣକ ହେଲେ କୃଷ୍ଣ ଚନ୍ଦ୍ର ମଙ୍ଗରାଜ (୪୯)।

ଅଭିଯୁକ୍ତଙ୍କ ବିରୋଧରେ ୨୯ ଏନଡ଼ିପିଏସ ଅଧିନିୟମ ଅନୁଯାୟୀ ପିଆର ନମ୍ବର ୫୯/୨୧-୨୨ ରେ ମାମଲା ରୁଜୁ କରାଯାଇ ଆଜି କୋର୍ଟଚାଲାଣ କରାଯାଇଥିବାର ଅବକାରୀ ଇନ୍ସପେକ୍ଟର ଆଲୋକ ପ୍ରଧାନ ସୂଚନା ଦେଇଛନ୍ତି।

Categories
ଅପରାଧ ଆଜିର ଖବର ରାଜ୍ୟ ଖବର

ଖୋର୍ଦ୍ଧା: ଲକ୍ଷାଧିକ ଟଙ୍କାର ବ୍ରାଉନ ସୁଗାର ଜବତ କଲା ଅବକାରୀ ବିଭାଗ, ଜଣେ ଗିରଫ

ଖୋର୍ଦ୍ଧା: ଆଜି ଖୋର୍ଦ୍ଧା ଅବକାରୀ ବିଭାଗକୁ ବଡ଼ ସଫଳତା ମିଳିଛି। ଜଣେ ବ୍ରାଉନସୁଗାର ବେପାରୀକୁ ଗିରଫ କରିବା ସହ ତାଙ୍କ ନିକଟରୁ ଲକ୍ଷାଧିକ ଟଙ୍କାର ଧଳା ଜହର ଜବତ କରିଛି ଅବକାରୀ ବିଭାଗ।

ସୂଚନା ମୁତାବକ ଖୋର୍ଦ୍ଧା ରେଞ୍ଜ ଅବକାରୀ ଅଧିକାରୀ ଭୈରବ ସାହୁଙ୍କ ନେତୃତ୍ୱରେ ଆଜି ଖୋର୍ଦ୍ଧା ବାଇପାସସ୍ଥିତ ମା’ ଢ଼ାବା ନିକଟରେ ଚଢ଼ାଉ କରାଯାଇ ଉକ୍ତ ଅଭିଯୁକ୍ତଙ୍କୁ ଗିରଫ କରାଯାଇଛି। ଅଭିଯୁକ୍ତ ଜଣକ ହେଲେ ଟାଉନ ଥାନା ଅନ୍ତର୍ଗତ ମୁକୁନ୍ଦପ୍ରସାଦ ଗ୍ରାମର ଆବିଦ ଖାନ (୩୨)। ତାଙ୍କ ନିକଟରୁ ଅବକାରୀ ବିଭାଗ ୨୨ ଗ୍ରାମ ବ୍ରାଉନ ସୁଗାର ସହ ଗୋଟେ ବାଇକ ଜବତ କରିଛି। ଜବତ ବ୍ରାଉନ ସୁଗାରର ମୂଲ୍ୟ ୨ ଲକ୍ଷ ୨୦ ହଜାର ଟଙ୍କା ହେବା ବୋଲି ଜଣାପଡିଛି।

ଅଭିଯୁକ୍ତ ଜଣକ ବ୍ରାଉନ ସୁଗାର ବିକ୍ରି ପାଇଁ ଗ୍ରାହକଙ୍କୁ ଅପେକ୍ଷା କରିଥିବାବେଳେ ଅବକାରୀ ବିଭାଗ ଗିରଫ କରିଥିଲା। ତେବେ ଗିରଫ ଅଭିଯୁକ୍ତଙ୍କ ବିରୋଧରେ ୨୯ ଏନଡ଼ିପିଏସ ଅଧିନିୟମ ଅନୁଯାୟୀ ପିଆର ନମ୍ବର ୪୮/୨୧ ରେ ମାମଲା ରୁଜୁ କରାଯାଇ ଆଜି କୋର୍ଟଚାଲାଣ କରାଯାଇଥିବାର ଅବକାରୀ ଇନ୍ସପେକ୍ଟର ଭୈରବ ସାହୁ ସୂଚନା ଦେଇଛନ୍ତି।

Categories
ଅପରାଧ ଆଜିର ଖବର ରାଜ୍ୟ ଖବର

ଖଲାଶୁଣି ସଂରକ୍ଷିତ ହିକପାଲି ଗାଁରୁ ୩ କେଜି ଶୁଖା ବାରହା ମାଂସ ସହ ଜଣେ ଗିରଫ

କନ୍ଦର୍ପ ବେହେରା
ରେଢାଖୋଲ: ବାମରା ବନ୍ୟପ୍ରାଣୀ ବନଖଣ୍ଡର କିସିଣ୍ଡା ଥାନା ଅଂଚଳର ବିଭିନ୍ନ ଗ୍ରାମ ଜଙ୍ଗଲ ମାନଙ୍କରେ ଅବାଧରେ ଜନ୍ତୁ ଶିକାର ହେଉଥିବା ବେଳେ ଜଣେ ପରେ ଜଣେ ଶିକାରୀ ବନବିଭାଗ ହାତରେ ଧରାପଡି ଜେଲ୍ ଯାଉଥିବା ଜଣା ପଡିଛି। ଦିନକୁ ଦିନ ଶିକାରୀ ମାନଙ୍କର ପ୍ରାଦୁର୍ଭାବରେ ବନବିଭାଗର କର୍ମଚାରୀମାନେ ନାକେଦମ୍ ହୋଇପଡୁଛନ୍ତି। ତଥାପି ଶିକାରୀମାନଙ୍କୁୁ ସଫଳତାର ସହ ଧରି କୋର୍ଟ ଚାଲାଣ କରୁଛନ୍ତି ବନବିଭାଗର କର୍ମଚାରୀମାନେ। ଏହା ସତ୍ତ୍ୱେ ବାମରା ବନ୍ୟପ୍ରାଣୀ ବନଖଣ୍ଡରେ ଶିକାରୀମାନେ ନିର୍ଭୟରେ ବୁଲୁଛନ୍ତି ଓ ବାରହା, ହରିଣ ଓ କୁଟୁରା ଭଳି ବନ୍ୟଜନ୍ତୁଙ୍କୁ ଶିକାର କରୁଛନ୍ତି। ବାରହା ମାଂସ ରଖିଥିବା ଅଭିଯୋଗରେ କିସିଣ୍ଡା ବନ୍ୟପ୍ରାଣୀ ବିଭାଗର ହିକପାଲିରୁ ବାରହା ମାଂସ ଜବତ କରିବା ସହ ଜଣଙ୍କୁ ଗିରଫ କରିବାରେ ସଫଳ ହୋଇଛି ବନବିଭାଗ।

ବନବିଭାଗ ସୂତ୍ରରୁ ପ୍ରକାଶ ଯେ କିସିଣ୍ଡା ଥାନା ହିକପାଲି ଗ୍ରାମର ଜନୈକ ବ୍ୟକ୍ତି ବାରହା ମାଂସ ଶିକାର କରି ତାକୁ ଶୁଖାଇ ରଖିଥିବା ବନବିଭାଗ କୌଣସି ସୂତ୍ରରୁ ଖବର ପାଇଥିଲା। ବନବିଭାଗର ଏକ ଟିମ୍ ସେଇ ଗ୍ରାମକୁ ଯାଇ ଡିଲେଶ୍ୱର ବେହେରାଙ୍କ ଘରେ ଚଢଉ କରିଥିଲା। ଚଢଉ ସମୟରେ ତା ଘରୁ ୩ କେଜି ଶୁଖିଲା ବାରହା ମାଂସ ଜବତ କରିବା ସହ ଏକ ଟାଙ୍ଗିଆକୁ ମଧ୍ୟ ଜବତ କରିଥିଲା। ବାରହା ମାଂସ ରଖିବା ଅଭିଯୋଗରେ ଡିଲେଶ୍ୱର ବେହେରାକୁ ବନବିଭାଗ ଗିରଫ କରି ଆଣିଥିଲା। ଆଜି ଅଭିଯୁକ୍ତ ଡିଲେଶ୍ୱର ବେହେରାକୁ କୋର୍ଟ ଚାଲାଣ କରାଯାଇଥିବା ବନବିଭାଗ କହିଛି।

ଏହି ଚଢଉରେ କିସିଣ୍ଡା ରେଞ୍ଜ ଅଧିକାରୀ ରବିନ୍ କିସ୍‌କୋ, ଫରେଷ୍ଟର ଭୁବନେଶ୍ୱର ପାଣି, ହିକପାକି ବିଟ୍ ର ଫରେଷ୍ଟ ଗାର୍ଡ ନିହାର ରଞନ ବଡପଣ୍ଡା ତଥା ଅନ୍ୟ କର୍ମଚାରୀମାନେ ସାମିଲ୍ ହୋଇଥିଲେ।

ସୂଚନା ଥାଉକି ଗତ ନଭେମ୍ବର ମାସ ୧୧ ତାରିଖରେ, ଖଲାଶୁଣି ଅଭୟାରଣ୍ୟର ହିକପାଲି ବିଟ୍ ଅନ୍ତର୍ଗତ କେନ୍ଦୁମୁଣ୍ଡା ସଂରକ୍ଷିତ ଜଙ୍ଗଲରେ ଗୁଳା ପକାଇ ବାରହା ମାରି ତାର ମାଂସକୁ କାଟୁ ଥିବା ସମୟରେ ବନବିଭାଗ କୌଣସି ସୂତ୍ରରୁ ଖବର ପାଇ ସେଇ ଜଙ୍ଗଲକୁ ଯାଇ ଚଢଉ କରିଥିଲା। ଚଢଉ କରି ସେମାନଙ୍କ ପାଖରୁ ୨୧ କେଜି ବାରହା ମାଂସ ସହ ଟାଙ୍ଗିଆ , କଟୁରୀ ଆଦି ଜବତ କରିଥିଲା। କିସିଣ୍ଡା ଥାନା ଜେମାଯୁରୀ ଗ୍ରାମର ସୁରେଶ ଖାଲକୋ (୪୨) ଏବଂ ଭଗବାନ କିସାନ (୨୬) ଙ୍କୁ କୋର୍ଟଚାଲାଣ କରିଥିଲା ବନବିଭାଗ।

Categories
ଅପରାଧ ଆଜିର ଖବର ରାଜ୍ୟ ଖବର

ଚିଲିକାରେ ପୁଣି ମାତିଲେ ପକ୍ଷୀ ଶୀକାରୀ, ୬ ମୃତ ବିଦେଶୀ ପକ୍ଷୀ ସହ ଜଣେ ଗିରଫ

ସୀତାରାମ ଅଗ୍ରୱାଲ

ଟାଙ୍ଗୀ: ଚିଲିକାରେ ପକ୍ଷୀମାନଙ୍କ ଭୀଡ ଜମିବା ଆରମ୍ଭ ନହେଉଣୁ ଚିଲିକାରେ ପକ୍ଷୀ ଶୀକାର ଆରମ୍ଭ ହୋଇ ଗଲାଣି। ବନ୍ୟପ୍ରାଣୀ ବିଭାଗକୁ ଖାତିର ନକରି ଦିନ ବେଳେ ମଧ୍ୟ ପକ୍ଷୀ ଶୀକାର କରିବାକୁ ସେମାନେ ପଛଘୁଞ୍ଚା ଦେଉ ନାହାଁନ୍ତି। କିନ୍ତୁ ଆଜି ଜଣେ ଶୀକାରୀ ପକ୍ଷୀ ଶୀକାର କରିବା ବେଳେ ବନ୍ୟପ୍ରାଣୀ ବିଭାଗ ହାତରେ ଧରାପଡିଛି।

ଟାଙ୍ଗୀ ରେଞ୍ଜ ଅଭିମାନପୁର ପକ୍ଷୀ ସୁରକ୍ଷା କ୍ୟାମ୍ପ ନିକଟରୁ ଜଣେ ପକ୍ଷୀ ଶୀକାରୀଙ୍କୁ ଗିରଫ କରିଛି ବନ୍ୟପ୍ରାଣୀ ବିଭାଗ। ଶୀକାରୀ ନିକଟରୁ ଗୋଟିଏ ଗଡୱାଲ, ଗୋଟିଏ ପିନଟେଲ, ୨ ଟି କମନ୍ କୁଟ୍ ଓ ୨ ଟି ଲାର୍ଜ୍ ହୁଇସଲିଙ୍ଗ ଡକ୍ ସହ ୬ ଟି ମୃତ ବିଦେଶୀ ପକ୍ଷୀ ଜବତ କରିଛି ବନ୍ୟପ୍ରାଣୀ ବିଭାଗ।

ଗିରଫ ଶୀକାରୀ ଜଣକ ହେଲେ ଟାଙ୍ଗୀ ଥାନା ସୁନ୍ଦରପୁର ଚାରିଘରିଆପାଟଣା ଗ୍ରାମର ବିଦ୍ୟାଧର ରାଉତ (୪୪)। ଶୀକାରୀମାନେ ନୀରୀହ ପକ୍ଷୀମାନଙ୍କୁ କଇଁ ଫୁଲ କେଶରରେ ଫୁରାଡନ୍ ଭଳି ମାରାତ୍ମକ ବିଷ ଦେଇ ଶୀକାର କରୁଥିବା ଜଣା ପଡିଛି। ଗିରଫ ଶୀକାରିଙ୍କୁ ଆଜି କୋର୍ଟ ଚାଲାଣ କରାଯିବ। ବନ୍ୟ ପ୍ରାଣୀ ବିଭାଗ ପେଟ୍ରୋଲିଂ କରୁନଥିବା ଯୋଗୁଁ ଏଭଳି ଶୀକାର ବୃଦ୍ଧି ପାଉଥିବା ଜନ ସାଧାରଣ ମତ ପ୍ରକାଶ କରିଛନ୍ତି।

Categories
ଅପରାଧ ଆଜିର ଖବର ରାଜ୍ୟ ଖବର

ଟାଙ୍ଗି: ଇଣ୍ଡିଗୋ କାରରୁ ଲକ୍ଷାଧିକ ଟଙ୍କାର ଗଞ୍ଜେଇ ଜବତ, ଜଣେ ଗିରଫ

ସୀତାରାମ ଅଗ୍ରୱାଲ

ଟାଙ୍ଗୀ: ଆଜି ଆନ୍ତରାଜ୍ୟ ଗଞ୍ଜେଇ ଚାଲାଣ ଗ୍ୟାଙ୍ଗର ପର୍ଦ୍ଦାଫାଶ କରିଛି ଟାଙ୍ଗୀ ପୋଲିସ। ଲକ୍ଷାଧିକ ଟଙ୍କାର ଗଞ୍ଜେଇ ଜବତ କରିବା ସହ ଜଣଙ୍କୁ ଗିରଫ କରିଛି ଟାଙ୍ଗୀ ପୋଲିସ। ଏ ନେଇ ଆଜି ସଂଧ୍ୟାରେ ଖୋର୍ଦ୍ଧା ଜିଲ୍ଲା ଟାଙ୍ଗୀ ଥାନା ପରିସରରେ ଏକ ସାମ୍ବାଦିକ ସମ୍ମିଳନୀ ଜରିଆରେ ସୂଚନା ଦେଇଛନ୍ତି ବାଲୁଗାଁ ଏସଡ଼ିପିଓ ମାନସ ରଞ୍ଜନ ବାରିକ।

ସୂଚନା ମୁତାବକ ଗତକାଲି ଏକ ଇଣ୍ଡିଗୋ କାର ଦ୍ୱାରା କନ୍ଧମାଳରୁ ସୁଦୂର ରାଜସ୍ଥାନକୁ ଗଞ୍ଜେଇ  ଚୋରା ଚାଲାଣ ହେଉଥିବାର ବାଲୁଗାଁ ଏସଡ଼ିପିଓଙ୍କୁ ଖବର ମିଳିଥିଲା। ଏ ନେଇ ଏସଡ଼ିପିଓ ସଙ୍ଗେସଙ୍ଗେ ଏକ ବ୍ଲୁ ପ୍ରିଣ୍ଟ ପ୍ରସ୍ତୁତ କରି ଟାଙ୍ଗୀ ପୋଲିସ ଓ ନାଚୁଣୀ ଫାଣ୍ଡି ପୋଲିସର ତିନି ଗୋଟି ଟିମକୁ ୧୬ ନମ୍ବର ଜାତୀୟ ରାଜପଥରେ ନିୟୋଜିତ କରିଥିଏଲ।  ଟାଙ୍ଗୀ ଠାରୁ ନାଚୁଣୀ ପର୍ଯ୍ୟନ୍ତ ଉକ୍ତ ଟିମ ପୃଥକ ପୃଥକ ସ୍ଥାନରେ ଛପି ରହିଥିବା ବେଳେ ଏସଡ଼ିପିଓ ଶ୍ରୀ ବାରିକ ମଧ୍ୟ ରାତିତମାମ ଘଟଣାସ୍ଥଳରେ ଉପସ୍ଥିତ ଥିଲେ।

ତେବେ ରାତି ପାଖାପାଖି ୩ ଘଟିକା ସମୟରେ ଦୀକ୍ଷୀତପଡ଼ା ଚଣ୍ଡେଶ୍ୱର ରୋଡ଼ ନିକଟରେ ଉକ୍ତ ନିର୍ଦ୍ଦିଷ୍ଟ କାରଟି ପୋଲିସ ଗାଡିକୁ ଦେଖିବା ମାତ୍ରେ ପଛକୁ ବୁଲାଇ ପଳେଇଯିବାକୁ ଚେଷ୍ଟା କରିଥିଲା। କିନ୍ତୁ ପରେ କାରରୁ ହଠାତ ଦୁଇ ଜଣ ବ୍ୟକ୍ତି ଡେଇଁ ଫେରାର ହୋଇଯାଇଥିବା ବେଳେ ପୋଲିସ ଉକ୍ତ ଗାଡିକୁ ପିଛା କରିଥିଲା। ପରିଶେଷରେ ଶେଖ ମୁବାରକ (୩୨) ନାମକ ଅଭିଯୁକ୍ତଙ୍କୁ କାବୁ କରିଥିଲା। ମୁବାରକଙ୍କ ଘର ଟାଙ୍ଗୀ ଥାନା ଦୀକ୍ଷୀତପଡ଼ା ଅଞ୍ଚଳରେ।

ତେବେ ପୋଲିସ ତଲାସୀ କରିବା ସମୟରେ ଗାଡ଼ି ମଧ୍ୟରୁ ୩୧ କେଜି ୪୦୦ ଗ୍ରାମ ଗଞ୍ଜେଇ ଜବତ କରିଛି ଯାହାର ଆନୁମାନିକ ମୂଲ୍ୟ ଦେଢ଼ ଲକ୍ଷ ଟଙ୍କା ହେବ ବୋଲି ଜଣାପଡିଛି। ଉକ୍ତ ଗଞ୍ଜେଇ କନ୍ଧମାଳରୁ ଭାୟା ନୟାଗଡ ହୋଇ ଦୀକ୍ଷୀତପଡ଼ା ଆସିଥିଲା ଏବଂ ଖୋର୍ଦ୍ଧା ରୋଡ଼ ଷ୍ଟେସନରୁ ଏକ ନିର୍ଦ୍ଦିଷ୍ଟ ଟ୍ରେନ ଯୋଗେ ରାଜସ୍ଥାନ ଯାଇଥାନ୍ତା।

ଏ ନେଇ ଟାଙ୍ଗୀ ଥାନାରେ ଏନଡ଼ିପିଏସ ଅଧିନିୟମ ଅନୁଯାୟୀ କେସ ନମ୍ବର ୪୧୧/୨୧ ରେ ଏକ ମାମଲା ରୁଜୁ ହେବା ସହ ଗିରଫ ଅଭିଯୁକ୍ତଙ୍କୁ ଆଜି କୋର୍ଟ ଚାଲାଣ କରାଯାଇଛି।  ତେବେ ଉକ୍ତ ଘଟଣାରେ ଆଉ କିଏ କିଏ ସାମିଲ ଅଛନ୍ତି ତାହାର ତଦନ୍ତ ଜାରିରହିଛି ଏବଂ ଖୁବ ଶୀଘ୍ର ଅନ୍ୟ ଅଭିଯୁକ୍ତ ମାନେ ଧରାପଡ଼ିବେ ବୋଲି ଏସଡିପିଓ ଶ୍ରୀ ବାରିକ ସୂଚନା ଦେଇଛନ୍ତି। ଉକ୍ତ ଚଢ଼ାଉରେ ଟାଙ୍ଗୀ ଥାନା ଏସଆଇ କୁମାର ମୁଦୁଲି, ଏଏସଆଇ ଭଗବାନ ସ୍ୱାଇଁ, ନାଚୁଣୀ ଫାଣ୍ଡି ଅଧିକାରୀ ମୁକେଶ ବେହେରା ଏବଂ ଅନ୍ୟ ପୋଲିସ କର୍ମଚାରୀମାନେ ସାମିଲ ଥିଲେ।

Categories
ଅପରାଧ ଆଜିର ଖବର ରାଜ୍ୟ ଖବର

୧୬ ନମ୍ବର ଜାତୀୟ ରାଜପଥରୁ ଚୋରା ଡିଜେଲ ଜବତ, ଜଣେ ଗିରଫ

ନିରାକରପୁର: ଖୋର୍ଦ୍ଧା ନିରାକାରପୁର ଥାନା ୧୬ ନମ୍ବର ଜାତୀୟ ରାଜପଥ ବଡ ପୋଖରିଆ ଛକରେ ଆଜି ବାଲୁଗାଁ ଏସଡିପିଓ ମାନସ ରଂଜନ ବାରିକଙ୍କ ନେତୃତ୍ୱରେ ଚଢାଉ କରାଯାଇଛି। ଏହି ଚଢାଉ ସମୟରେ ୫୨୦ ଲିଟର ଚୋରା ଡିଜେଲ ଜବତ କରାଯାଇଥିବା ବେଳେ ଜଣେ ଅଭିଯୁକ୍ତଙ୍କୁ ଗିରଫ କରାଯାଇଛି। ଗିରଫ ଅଭିଯୁକ୍ତ ଜଣକ ହେଉଛନ୍ତି ବଡ ପୋଖରିଆ ଗ୍ରାମର ପ୍ରକାଶ ଚନ୍ଦ୍ର ଚମ୍ପତ୍ତି ବୋଲି ଜଣାପଡିଛି।

ସୂଚନା ଅନୁଯାୟୀ, ପୂର୍ବରୁ ଜାତୀୟ ରାଜପଥରେ ଟ୍ରକ ଗୁଡିକରୁ ଡିଜେଲ ଚୋରୀ ହେଉଥିବା ପୋଲିସ ନିକଟରେ ଅଭିଯୋଗ ହୋଇଆସୁଥିଲା। ତେଣୁ ଏହି ଅଭିଯୋଗ ପରେ ଚୋରକୁ ଧରିବା ପାଇଁ ବାଲୁଗାଁ ଏସଡିପିଓ ମାନସ ରଞ୍ଜନ ବାରିକ ତତ୍ପରତା ଦେଖାଇଥିଲେ। ସୁଯୋଗ ଦେଖି ଆଜି ଚଢାଉ କରାଯାଇଥିଲା। ଫଳରେ ଜାତୀୟ ରାଜପଥରୁ ୫୨୦ ଲିଟର ଚୋରା ଡିଜେଲ ଜବତ କରାଯାଇଥିଲା। ଯାହାର ମୂଲ୍ୟ ପ୍ରାୟ ୫୫ ହଜାର ଟଙ୍କା ହେବ ବୋଲି ଅନୁମାନ କରାଯାଉଛି। ଏହି ଘଟଣାରେ ସମ୍ପୃକ୍ତ ଥିବା ଅଭିଯୁକ୍ତଙ୍କୁ ମଧ୍ୟ ଗିରଫ କରାଯାଇଥିଲା।

ତେବେ ତେଲ ଚୋରି ଅଭିଯୋଗରେ ନିରାକାରପୁର ପୋଲିସ ଥାନାରେ ୧୬୫/୨୧ରେ ଏକ ମାମଲା ରୁଜୁ କରି ଅଭିଯୁକ୍ତଙ୍କୁ କୋର୍ଟ ଚାଲାଣ କରିଛି। ଉକ୍ତ ଚଢାଉରେ ନିରାକାରପୁର ଆଇଆଇସି ଗୀତାଞ୍ଜଳି ନାୟକ ଏବଂ ଅନ୍ୟ ପୋଲିସ କର୍ମଚାରୀ ମାନେ ମଧ୍ୟ ଉପସ୍ଥିତ ଥିଲେ।

Categories
ଅପରାଧ ଆଜିର ଖବର ରାଜ୍ୟ ଖବର

ଜବତ ହେଲା ବାରହା ମାଂସ, ଜଣେ ଗିରଫ

କନ୍ଦର୍ପ ବେହେରା
ରେଢାଖୋଲ: ଆଜି ଗିରିଶ୍ଚନ୍ଦ୍ରପୁର ରେଞ୍ଜ ଅଧିନସ୍ଥ ପିଠଉଗୁଡା ଗ୍ରାମ ନିକଟରୁ ଜଣେ ବ୍ୟକ୍ତିଙ୍କ ଠାରୁ ୨ କେଜି ବାରହା ମାଂସ ଜବତ କରିଛି ବନବିଭାଗ।

ପ୍ରକାଶ ଯେ, ପିଠଉଗୁଡା ଗ୍ରାମର କୁମର ରଣା ବାରହା ମାଂସ ଧରି ଆସୁଥିବା ବେଳେ ବନବିଭାଗ କୌଣସି ସୂତ୍ରରୁ ଖବର ପାଇ ଚଢଉ କରିଥିଲା। ବାରହା ମାଂସ ଧରି ଫେରୁଥିବା ବ୍ୟକ୍ତିଙ୍କ ପାଖରୁ ୨ କେଜି ବାରହା ମାଂସ ସହ ତାକୁ ଗିରଫ କରିଥିଲା ବନବିଭାଗ। ଅଭିଯୁକ୍ତ କୁମାର ରଣାକୁ ଆଜି କୋର୍ଟ ଚାଲାଣ କରିଥିବା ଫରେଷ୍ଟର ସୁଜିତ ପ୍ରଧାନ ପ୍ରକାଶ କରିଛନ୍ତି।

Categories
ଅପରାଧ ଆଜିର ଖବର ରାଜ୍ୟ ଖବର

୧୦ ଲକ୍ଷରୁ ଉର୍ଦ୍ଧ୍ଵ ଟଙ୍କାର ଗଞ୍ଜେଇ ଜବତ କଲା ଖୋର୍ଦ୍ଧା ଟାଉନ ଥାନା ପୋଲିସ: ଜଣେ ଗିରଫ

ଖୋର୍ଦ୍ଧା: ଖୋର୍ଦ୍ଧା ଟାଉନ ଥାନା ପୋଲିସକୁ ବଡ଼ ସଫଳତା ମିଳିଛି। ଏକ ବଡ ଧରଣର ଗଞ୍ଜେଇ ଚାଲାଣକୁ ରୋକିବାରେ ପୋଲିସ ସଫଳ ହୋଇଛି। ଏ ନେଇ ଆଜି ମଧ୍ୟାହ୍ନରେ ଖୋର୍ଦ୍ଧା ଏସପି ରାଜକିଶୋର ଦୋରା ଏକ ସାମ୍ବାଦିକ ସମ୍ମିଳନୀ ଜରିଆରେ ସୂଚନା ଦେଇଛନ୍ତି।

ସୂଚନା ମୁତାବକ ଗତକାଲି ଅପରାହ୍ନରେ ବାଲିଗୁଡାରୁ ଭାୟା ନୟାଗଡ଼ ଦେଇ ଭୁବନେଶ୍ୱର ଅଭିମୁଖେ ଏକ ନିର୍ଦ୍ଦିଷ୍ଟ କାରରେ ପ୍ରବଳ ମାତ୍ରାରେ ଗଞ୍ଜେଇ ଚାଲାଣ ହେଉଥିବାର ବିଶେଷ ସୂତ୍ରରୁ ଖବର ଖୋର୍ଦ୍ଧା ଏସପିଙ୍କୁ ମିଳିଥିଲା। ଏସପିଙ୍କ ନିର୍ଦ୍ଦେଶକ୍ରମେ ଏବଂ ଖୋର୍ଦ୍ଧା ଏସଡ଼ିପିଓ ସୁଶୀଲ କୁମାର ମିଶ୍ର ଓ ଟାଉନ ଥାନା ଆଇଆଇସି ସଞ୍ଜୟ କୁମାର ପଟ୍ଟନାୟକଙ୍କ ତତ୍ୱାବଧାନରେ ଏକ ଟିମ ଗଠନ କରାଯାଇ ବିଭିନ୍ନ ସ୍ଥାନରେ ଚଢ଼ାଉ କରାଯାଇଥିଲା।

ତେବେ ଖୋର୍ଦ୍ଧା ୧୬ ନମ୍ବର ଜାତୀୟ ରାଜପଥ ରିଲିଆନ୍ସ ପେଟ୍ରୋଲ ପମ୍ପ ସମ୍ମୁଖରୁ ଓଡି ୦୨-ଏଏଲ-୫୧୬୦ ନମ୍ବର ବିଶିଷ୍ଟ ଏକ ହୋଣ୍ଡା ଆମେଜ କାରକୁ ପୋଲିସ ସନ୍ଦେହ କରି ତଲାସୀ ନେଇଥିଲା। ଉକ୍ତ କାରରୁ ୫ ଟି ଗଞ୍ଜେଇ ବସ୍ତା ଜବତ ହୋଇଥବା ବେଳେ ମୋଟ ଗଞ୍ଜେଇର ପରିମାଣ ଏକ କ୍ୟୁଇଣ୍ଟାଲ ବୋଲି ଏସପି ଶ୍ରୀ ଦୋରା ସୂଚନା ଦେଇଛନ୍ତି। ଯାହାର ମୂଲ୍ୟ ୧୦ ଲକ୍ଷ ଟଙ୍କା ହେବ ବୋଲି ଜଣାପଡିଛି।

ଅନୁରୂପ ଭାବେ କାରରୁ ଜଣେ ଅଭିଯୁକ୍ତଙ୍କୁ ପୋଲିସ ଗିରଫ କରିଥିବାବେଳେ ଅନ୍ୟ ଜଣେ ଅଭିଯୁକ୍ତ ଫେରାର ହୋଇଯାଇଛନ୍ତି। ଗିରଫ ଅଭିଯୁକ୍ତ ଜଣକ ହେଲେ ନୟାଗଡ଼ ଜିଲ୍ଲା ଫତେଗଡ଼ ଥାନା ଅନ୍ତର୍ଗତ ଜାମୁସାହିର ଆକାଶ ସାହୁ (୨୫)। ଉକ୍ତ ଚଢ଼ାଉରେ ଏସଆଇ ବିଜୟ କେତେନ ବେହେରା, ଏସଆଇ ପଦ୍ମଲୋଚନ ବେହେରା ଏବଂ ଅନ୍ୟ କର୍ମଚାରୀମାନେ ସାମିଲ ଥିଲେ। ଏ ସଂକ୍ରାନ୍ତରେ ଟାଉନ ଥାନା ପୋଲିସ ୨୯ ଏନଡ଼ିପିଏସ ଅଧିନିୟମ ଅନୁଯାୟୀ କେସ ନମ୍ବର ୩୮୩/୨୧ ରେ ଏକ ମାମଲା ରୁଜୁକରି ଅଭିଯୁକ୍ତଙ୍କୁ କୋର୍ଟ ଚଲାଣ କରିଛି।

Categories
ଅପରାଧ ଆଜିର ଖବର ରାଜ୍ୟ ଖବର

ଚାନ୍ଦପୁରରୁ ଜବତ ହେଲା ବ୍ରାଉନ ସୁଗାର, ଜଣେ ଗିରଫ

ଚାନ୍ଦପୁର: ସହର ଛାଡି ଏବେ ଧଳା ଜହର ମାଫିଆ ଗ୍ରାମାଂଚଳ ମୁହାଁ ହୋଇଛନ୍ତି। ସହରରେ ପୋଲିସର ବ୍ୟାପକ ଧରପଗଡ ଜାରି ରହିଥିବାରୁ ଧଳା ଜହର ଵେପାରୀ ଭୟରେ ଗ୍ରାମାଂଚଳ ମୁହାଁ ହେଉଛନ୍ତି। ସେଥିପାଇଁ ଗ୍ରାମାଂଚଳର ଯୁବକଙ୍କୁ ଟାର୍ଗେଟ୍ କରୁଛନ୍ତି। ଆଜି ଜଣେ ଧଳା ଜହର ବେପାରୀକୁ ପୋଲିସ ଗିରଫ କରିବା ସହ ବ୍ରାଉନ ସୁଗାର ଜବତ କରିଛି। ନୟାଗଡ ଜିଲ୍ଲା ଚାନ୍ଦପୁର ଥାନା ଅଂଚଳରେ ଏଭଳି ଘଟଣା ସାମ୍ନାକୁ ଆସିଛି।

ସୂଚନା ଅନୁଯାୟୀ, ଖୋର୍ଦ୍ଧା ଅଂଚଳର ଜଣେ ଯୁବକ ଏକ ସ୍କୁଟିରେ ବ୍ରାଉନ ସୁଗାର ବିକ୍ରି କରୁଥିବା ଚାନ୍ଦପୁର ପୋଲିସ୍ ଜାଣିବାକୁ ପାଇବା ପରେ ତାଙ୍କୁ ଧରିବା ପାଇଁ ପୋଲିସ ପ୍ରସ୍ତୁତି ଆରମ୍ଭ କରିଥିଲା। ଚାନ୍ଦପୁର ଥାନା ଆଇଆଇସି ରଶ୍ମି ରଂଜନ ଦାସଙ୍କ ନେତୃତ୍ଵରେ ମହିଳା ସବ ଇନସପେକ୍ଟର ଅଂଜଳୀ ଶା,ଏ ଏସ୍ ଆଇ ରମେଶ ବେହେରା ପ୍ରମୁଖ ନାକିଠଣ‍ା ଫରେଷ୍ଟ ଚେକ୍ ଗେଟ୍ ନିକଟରେ ଛକି ରହିଥିଲେ।

ଅଭିଯୁକ୍ତ ଆସିବା ମାତ୍ରେ ପୋଲିସ୍ କାବୁ କରୁଥିଲା। ତାଙ୍କ ନିକଟରୁ ୭ ଗ୍ରାମ ବ୍ରାଉନ ସୁଗାର ଜବତ କରିଵା ସହ ସ୍କୁଟିକୁ ମଧ୍ୟ ଜବତ କରିଥିଲା। ଜବତ ଧଳାଜହରର ମୂଲ୍ୟ ୭୦ ହଜାର ଟଙ୍କା ବୋଲି ଜଣା ପଡିଛି। ଗିରଫ ଅଭିଯୁକ୍ତ ପ୍ରକାଶ ନାୟକଙ୍କୁ ଗିରଫ କରି ପୋଲିସ ଅଧିକ ତଦନ୍ତ ଚଳାଇଛି।

Categories
ଅପରାଧ ଆଜିର ଖବର ରାଜ୍ୟ ଖବର

ବାଲୁଗାଁ ରେଳ ଷ୍ଟେସନରେ ସ୍ଵତନ୍ତ୍ର ସତର୍କ ଯାଞ୍ଚ ଅଭିଯାନ: ୫ କେଜିରୁ ଊର୍ଦ୍ଧ୍ଵ ଗଞ୍ଜେଇ ଜବତ, ଜଣେ ଗିରଫ

ସୀତାରାମ ଅଗ୍ରୱାଲ

ବାଲୁଗାଁ: ଗତକାଲି ଖୋର୍ଦ୍ଧା ରୋଡ଼ ରେଳ ଡିଭିଜନ ଅନ୍ତର୍ଗତ ବାଲୁଗାଁ ଆରପିଏଫ ଥାନା ଅଧିକାରୀ ମହେଶ୍ଵର ଚଣ୍ଡରାୟଙ୍କ ତତ୍ଵାବଧାନରେ ବାଲୁଗାଁ ରେଳ ଷ୍ଟେସନରେ ନିଶାଦ୍ରବ୍ୟର ଚୋରା ଚାଲାଣ, ଅସାମାଜିକ କାର୍ଯକଳାପ ଏବଂ କୋଭିଡ଼ ନିୟମ ଉଲଂଘନ ବିରୁଦ୍ଧରେ ଏକ ସ୍ଵତନ୍ତ୍ର ସତର୍କ ଯାଞ୍ଚ ଅଭିଯାନ କରାଯାଇଥିଲା। ଉପନିରୀକ୍ଷକ ପ୍ରଫୁଲ୍ଲ ଚନ୍ଦ୍ର ପଣ୍ଡାଙ୍କ ଅଧ୍ୟକ୍ଷତାରେ ଏଏସଆଇ ଜୟକୁମାର ସିକେ, ପ୍ରଧାନ ଆରକ୍ଷୀ ଲୋକନାଥ ବେହେରା, ଆରକ୍ଷୀ ଡି॰ ଇଂ ରାଓ, ଆରକ୍ଷୀ ଅଲେଖ ବେହେରା ଆଦି ବାଲୁଗାଁ ରେଳ ଷ୍ଟେସନ ଏବଂ ସମସ୍ତ ଯାତ୍ରୀବାହୀ ଗାଡିର ଖାନତଲାସି କରିଥିଲେ।

ଯାଞ୍ଚ ସମୟରେ ଆରପିଏଫ ଟିମ ଷ୍ଟେସନର ଦକ୍ଷିଣ ଭାଗରେ ଜଣେ ଯୁବକଙ୍କୁ ସନ୍ଦେହଜନକ ଅବସ୍ଥାରେ ଗୋଟାଏ କଳା ରଙ୍ଗର ବ୍ୟାଗ ସହ ବୁଲୁଥିବାର ଦେଖି ତାଙ୍କୁ ପଚରାଉଚରା କରିଥିଲା। ହଠାତ ଯୁବକ ଜଣକ ଏଥିରେ ବିଚଳିତ ହୋଇ ଉକ୍ତ ସ୍ଥାନରୁ ଖସି ପଳାଇବାକୁ ଚେଷ୍ଟା କରିଥିବା ବେଳେ ଆରପିଏଫ ଟିମ ଉକ୍ତ ଯୁବକଙ୍କୁ କାବୁ କରିନେଇଥିଲା।

ଆରପିଏଫ ସହାୟକ ସୁରକ୍ଷା ଅଧିକ୍ଷକ ସଞ୍ଜୟ କୁମାର ସିଂହଙ୍କ ନିର୍ଦ୍ଦେଶ କ୍ରମେ ସଂନ୍ଦିଗ୍ଧ ବ୍ୟାଗଟିର ତଲାସି କରାଯାଇଥିଲା ଏବଂ ଉକ୍ତ ଯୁବକଙ୍କ ଠାରୁ ୫ କେଜି ୧୦୦ ଗ୍ରାମ ଗଞ୍ଜେଇ ଜବତ କରାଯାଇଥିଲା।

ତଦନ୍ତ ପରେ ଯୁବକ ଜଣକ ବାଣପୁର ଥାନା ଅନ୍ତର୍ଗତ ଦକ୍ଷପ୍ରଜାପତି (ମାଳିସାହି) ର ରୀତିକ ରୋଶନ ମହାପାତ୍ର ବୋଲି ଜଣାପଡ଼ିଛି। ଜେରା ସମୟରେ ସେ ସ୍ଥାନୀୟ ଅଞ୍ଚଳର କିଛି ଅସମାଜିକ ଯୁବକ ମାନଙ୍କ ସହଯୋଗରେ ବିଜୟୱାଡା ଦେଇ ସୁରାଟକୁ ରେଳ ଯୋଗେ ନିଶାଦ୍ରବ୍ୟ ଚୋରାଚାଲାଣ କରୁଥିବାର ସ୍ୱୀକାର କରିଥିଲେ।

ଆରପିଏଫ ଥାନା ଅଧିକାରୀମାନେ ଏହି ଗଞ୍ଜେଇ ଜବତ କରିବାସହ ସମ୍ପୃକ୍ତ ଯୁବକଙ୍କ ବିରୁଦ୍ଧରେ ଖୋର୍ଦ୍ଧା ରୋଡ଼ ଜିଆରପିରେ ଆଜି ଏନଡିପିଏସ ଅଧିନିୟମ ଅନୁଯାୟୀ କେସ ନମ୍ବର ୬୦/୨୧ ରେ ଏକ ମାମଲା ରୁଜୁକରୀ ତଦନ୍ତ ଜାରିରଖିଥିବାର ବାଲୁଗାଁ ଆରପିଏଫ ଥାନା ଅଧିକାରୀ ମହେଶ୍ଵର ଚଣ୍ଡରାୟ ସୂଚନା ଦେଇଛନ୍ତି।

Categories
ଅପରାଧ ଆଜିର ଖବର ରାଜ୍ୟ ଖବର

ତେରବେଡାରୁ ୪ କେଜି ଗଞ୍ଜେଇ ଜବତ ଜଣେ ଗିରଫ

କନ୍ଦର୍ପ ବେହେରା

ରେଢାଖୋଲ: ଆଜି ରେଢାଖୋଲ ଥାନା ତେରବେଡା ଗ୍ରାମରୁ ଜନୈକ ବ୍ୟକ୍ତିଙ୍କ ଘରୁ ୪ କେଜି ଗଞେଇ ଜବତ କରିଛି ଅବକାରୀ ବିଭାଗ।

ପ୍ରକାଶ ,ଯେ, ରେଢାଖୋଲ ଥାନା ଡଇଁଚା ପଂଚାୟତର ତେରବେଡା ଗ୍ରାମର ପୂର୍ଣ ନାଗ (୫୮)ଙ୍କ ଘରୁ ୪ କେଜି ଗେଞଇ ଅବକାରୀ ବିଭାଗର ଅବକାରୀ ବାବୁ ବିଷ୍ନୁ ଚରଣ ମଲ୍ଲିକ ଜବତ କରିବାରେ ସଫଳ ହୋଇଛନ୍ତି। ଏହି ଚଢଉରେ ସହ ଉପ ନିରୀକ୍ଷକ ବିନୋଦିନୀ ବେହେରା, ସିପାହୀ ମୋହନ ବେହେରା, ଶ୍ୟାମ ଭୋଇ, ଦେବରଞନ ବେହେରା, ଦିଲ୍ଲୀପ କୁମାର ସ୍ୱାଇଁ ପ୍ରମୁଖ ସାମିଲ୍ ହୋଇଥିଲେ। ରେଢାଖୋଲ ଓ ନାକଟିଦେଉଳ ବ୍ଲକ୍ ଅଂଚଳରୁ ପ୍ରତ୍ୟେକ ଦିନ ବେଆଇନ ଗଞେଇ କାରବାର ଚାଲିଛି। ବହୁ ଚୋରା ବେପାରୀ ଅନାୟାସରେ ଏହି କାରବାର କରୁଥିଲେ ମଧ୍ୟ ଅବକାରୀ ବିଭାଗ ହେଉ ବା ପୋଲିସ୍ ବିଭାଗ ହେଉ ଧରିବାରେ ବିଫଳ ହେଉଛନ୍ତି। ଯା ଫଳରେ ଅନାୟାସରେ ଚୋରାରେ ଗଞେଇ କାରବାର ନିୟମିତ ଚାଲିଛି। ଅବକାରୀ ବିଭାଗ ଓ ପୋଲିସ୍ ବିଭାଗ ପେଟ୍ରୋଲିଙ୍ଗ କରିବାର ଆବଶ୍ୟକତା ରହିଛି। ଗିରଫ ବ୍ୟକ୍ତିକୁ କୋର୍ଟ ଚାଲାଣ କରାଯାଇଥିବା ସୂଚନା ମିଳିଛି।

Categories
ଅପରାଧ ଆଜିର ଖବର ରାଜ୍ୟ ଖବର

ଧଳା ଜହର କବ୍ଜାରେ ଚିଲିକା!: ବାଲୁଗାଁରୁ ଲକ୍ଷାଧିକ ଟଙ୍କାର ବ୍ରାଉନ ସୁଗାର ଜବତ, ଜଣେ ଗିରଫ

ସୀତାରାମ ଅଗ୍ରୱାଲ

ବାଲୁଗାଁ: ଖୋର୍ଦ୍ଧା ଜିଲ୍ଲାରେ କିଛି ଦିନ ହେବ ବ୍ରାଉନ ସୁଗାର କାରବାର ଥମିଥିବା ବେଳେ ଆଜି ପୁଣି ଧଳା ଜହର ବେପାରୀ ସକ୍ରିୟ ହୋଇଉଠିଛନ୍ତି। ଆଜି ସକାଳୁ ଅବକାରୀ ବିଭାଗ ଖୋର୍ଦ୍ଧା ଜିଲ୍ଲା ଅନ୍ତର୍ଗତ ବାଲୁଗାଁ ସହରରୁ ଜଣେ ବ୍ରାଉନସୁଗାର ବେପାରୀକୁ ଗିରଫ କରିଛି।

ସୂଚନା ମୁତାବକ ଆଜି ସକାଳ ୭ ଟାରେ ଟାଙ୍ଗୀ ଅବକାରୀ ଇନ୍ସପେକ୍ଟର ଆଲୋକ ପ୍ରଧାନ ଏବଂ ବାଲୁଗାଁ ଅବକାରୀ ବିଭାଗ ଏସଆଇ ମନୋଜ ବାରିକ ବାଲୁଗାଁ ଚକ୍ରଧରପୁର ସାହି ନିକଟରେ ଚଢ଼ାଉ କରି ଅଭିଯୁକ୍ତ ଜଣଙ୍କୁ ଗିରଫ କରିଛନ୍ତି। ତାଙ୍କ ନିକଟରୁ ପାଖାପାଖି ୧୦ ଗ୍ରାମ ବ୍ରାଉନସୁଗାର ଜବତ କରିଛି ଅବକାରୀ ବିଭାଗ। ଯାହାର ମୂଲ୍ୟ ଲକ୍ଷାଧିକ ଟଙ୍କା ହେବ। ଗିରଫ ଅଭିଯୁକ୍ତଜଣଙ୍କ ପାଣ୍ଡଵ ବେହେରା (୨୮) ବୋଲି ଜଣାପଡିଛି। ଅବକାରୀ ସୂତ୍ରରୁ ପ୍ରକାଶ ଯେ ଦୀର୍ଘଦିନ ହେବ ବାଲୁଗାଁରେ ପାଉଡର ବେପାର ଚାଲିଥିବାର ଖବର ସେମାନଙ୍କ ପାଖରେ ଥିଲା। ତେବେ ବହୁ ଦିନର ପ୍ରଚେଷ୍ଟା ପରେ ଆଜି ଅବକାରୀ ପଞ୍ଝାରେ ଉକ୍ତ ପାଉଡର ବେପାରୀ ଧରା ପଡିଛି। ଅଭିଯୁକ୍ତଙ୍କ ନାମରେ ପିଆର ନଂ ୩୭ ରେ ଏନଡିପିଏସ ଅଧିନିୟମ ଅନୁଯାୟୀ ମାମଲା ରୁଜ୍ଜୁ କରାଯାଇଛି।

ବାଲୁଗାଁରେ ପାଉଡର କାରବାର ଚାଲିଥିବା ଖବର ପ୍ରଚାର ହେବାପରେ ଜନସାଧାରଣ ଚିନ୍ତାରେ ପଡିଯାଇଛନ୍ତି। ଅନୁରୂପ ଭାବେ ବାଣପୁର ସହରରେ ମଧ୍ୟ ପାଉଡର ବେପାର ଚାଲିଥାଇପାରେ ବୋଲି ଜନସାଧାରଣ ମାନେ ସନ୍ଦେହ କରୁଛନ୍ତି। ପୋଲିସ ଏବଂ ଅବକାରୀ ବିଭାଗ ଏ ଦିଗରେ ଯଥାଶୀଘ୍ର ତଦନ୍ତ କରି କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ସାଧାରଣରେ ଦାବି ହେଉଛି। ନଚେତ ଉକ୍ତ ଅଞ୍ଚଳର ଯୁବ ପିଢୀମାନଙ୍କ ଭବିଷ୍ୟତ ବିପଦଗାମୀ ଆଡକୁ ଗତି କରିବ ବୋଲି ବୁଦ୍ଧିଜୀବୀ ମହଲରେ ମତ ପ୍ରକାଶ ପାଇଛି।

Categories
ଅପରାଧ ଆଜିର ଖବର ରାଜ୍ୟ ଖବର

ଖୋର୍ଦ୍ଧା ଟାଉନ ଥାନା ପୋଲିସକୁ ବଡ ସଫଳତା: ୨ ଲକ୍ଷର ବ୍ରାଉନ ସୁଗାର ଜବତ, ଜଣେ ଗିରଫ

ଖୋର୍ଦ୍ଧା: ଖୋର୍ଦ୍ଧା ଟାଉନ ଥାନା ପୋଲିସକୁ ବଡ ସଫଳତା ମିଳିଛି। ବରୁଣେଇ ପିଠ ପଛପଟେ ଚଢ଼ାଉ କରି ୨ ଲକ୍ଷ ଟଙ୍କାର ବ୍ରାଉନ ସୁଗାର ଜବତ କରିବା ସହ ଜଣେ ଅଭିଯୁକ୍ତଙ୍କୁ ଗିରଫ କରିଛି ପୋଲିସ।

ସୂଚନା ମୁତାବକ ଗତକାଲି ବରୁଣେଇ ପୀଠରେ ବ୍ରାଉନ ସୁଗାର କାରବାର ଚାଲୁଥିବାର ଖବର ଖୋର୍ଦ୍ଧା ଏସପି ରାଜକିଶୋର ଦୋରା ଜାଣିବାକୁ ପାଇଥିଲେ। ଏହାପରେ ଏସପିଙ୍କ ନିର୍ଦ୍ଦେଶକ୍ରମେ ଖୋର୍ଦ୍ଧା ଏସଡ଼ିପିଓ ସୁଶୀଲ କୁମାର ମିଶ୍ର ଏବଂ ଟାଉନ ଥାନା ଆଇଆଇସି ସଞ୍ଜୟ କୁମାର ପଟ୍ଟନାୟକଙ୍କ ନେତୃତ୍ୱରେ ଏସଆଇ ବିଜୟ କେତନ ବେହେରା, ଦିଗବିଜୟ ବିଶ୍ୱାଳ ଏବଂ ପଦ୍ମଲୋଚନ ବେହେରାଙ୍କୁ ନେଇ ତୁରନ୍ତ ଏକ ଟିମ ଗଠନ କରାଯାଇଥିଲା।

ଗତକାଲି ଅପରାହ୍ନରେ ମା’ ବରୁଣେଇ ପୀଠ ଏବଂ ଏହାର ଆଖପାଖ ଅଞ୍ଚଳରେ ଚଢ଼ାଉ ଜାରି ରହିଥିଲା। ପରିସରରେ ବରୁଣେଇ ହୋଟେଲ ପଛପଟୁ ପାଖପାଖି ୪ ଘଟିକାରେ ଜଣେ ଯୁବକ ବ୍ରାଉନ ସୁଗାର ସହ ପୋଲିସ ହାତରେ ଧରାପଡିଥିଲା। ଯୁବକ ଜଣକ ବୌଦ୍ଧ ଜିଲ୍ଲା ରାଜନାପଲି ଅଞ୍ଚଳର ଆକାଶ ସେଠି (୧୮) ବୋଲି ଜଣାପଡିଛି।  ପୋଲିସ ତାଙ୍କ ନିକଟରୁ ୫୦.୧୯ ଗ୍ରାମ ବ୍ରାଉନ ସୁଗାର ଜବତ କରିଛି ଯାହାର ମୂଲ୍ୟ ୨ ଲକ୍ଷ ଟଙ୍କା ହେବ ବୋଲି ଆଇଆଇସି ଶ୍ରୀ ପଟ୍ଟନାୟକ ସୂଚନା ଦେଇଛନ୍ତି।

ଆକାଶଙ୍କ ବିରୁଦ୍ଧରେ ଟାଉନ ଥାନା ଏନଡ଼ିପିଏସ ଆଇନ ଧାରା ୨୧(ଖ) ଅନୁଯାୟୀ କେସ ନମ୍ବର ୨୧୫/୨୧ ରେ ମାମଲା ୠଜୁକରି କୋର୍ଟ ଚାଲାଣ କରିଛି।

Categories
ଆଜିର ଖବର ଆଞ୍ଚଳିକ

ମାଛଗାଁ ବଜାରରେ ଅବକାରୀ ବିଭାଗର ଚଢାଉ: ମଦ ଜବତ, ଜଣେ ଗିରଫ

ରମେଶ ମହାନ୍ତି
ଜଗତସିଂହପୁର: କରୋନାର ଦ୍ୱିତୀୟ ଲହରୀ ହୁ ହୁ ହୋଇ ବଢୁଥିବା ବେଳେ ଲକଡାଉନକୁ ବେଖାତିର କରି ବାଲିକୁଦା ବ୍ଲକ ଅନ୍ତର୍ଗତ ମାଛଗାଁ ବଜାରରେ ଚାଲୁଥିବା ଚୋରା ମଦବେପାର।

ଖବର ପାଇ ବାଲିକୁଦା ଅବକାରୀ ବିଭାଗ ପକ୍ଷରୁ ଆଜି ଦିନ ୧୧ଟା ବେଳେ ମାଛଗାଁ ବଜାରରେ ଅଚାନକ ଚଢାଉ କରାଯାଇ ଶ୍ରୀକୃଷ୍ଣ ହୋଟେଲ ପଛପଟୁ ୨୫ ଲିଟରରୁ ଉର୍ଦ୍ଧ୍ଵ ବିଦେଶୀ ମଦ ଜବତ କରାଯିବା ସହିତ ଜଣେ ଚୋରା ମଦ ବେପାରୀକୁ ଗିରଫ କରାଯାଇଛି। ଗିରଫ୍ ହୋଇଥିବା ଅଭିଯୁକ୍ତର ନାମ ରମେଶ ସ୍ୱାଇଁ ଓ ତାଙ୍କ ଘର ମାଛଗାଁ ସୁକିଦା ଗ୍ରାମରେ ବୋଲି ଅବକାରୀ ବିଭାଗ ପକ୍ଷରୁ ସୂଚନା ମିଳିଛି।

ଅବକାରୀ ବିଭାଗ ଜିଲ୍ଲା ସୁପରିଟେଣ୍ଡେଣ୍ଟଙ୍କ ନିର୍ଦ୍ଦେଶରେ ହୋଇଥିବା ଏହି ଚଢାଉରେ ବାଲିକୁଦା ଅବକାରୀ ଅଫିସ୍ ଇନଚାର୍ଜ ସସ୍ମିତା ହୋତାଙ୍କ ସହିତ ଚିତ୍ତ ରଞ୍ଜନ ଦାସ, ପ୍ରକାଶ ରାଉତ, ହିମାଂଶୁ ମାରାଣ୍ଡି, ବିଶ୍ୱନାଥ ମୁଣ୍ଡା, ସବିତା ନାୟକ, କଲ୍ୟାଣୀ ସେଠୀ, ବର୍ଷାରାଣୀ ଖୁଣ୍ଟିଆ, ମହେନ୍ଦ୍ର ରାଉତ ପ୍ରମୁଖ ସାମିଲ୍ ଥିଲେ।

Categories
ଆଜିର ଖବର ଆଞ୍ଚଳିକ ରାଜ୍ୟ ଖବର

ବାଣପୁର ପୋଲିସ ଏବଂ ଅବକାରୀ ବିଭାଗ ପକ୍ଷରୁ ଚଢାଉ: ୪ ହଜାର ଲିଟର ପୋଚ ଜବତ, ଜଣେ ଗିରଫ

ସୀତାରାମ ଅଗ୍ରୱାଲ

ବାଣପୁର: ଆଜି ଖୋର୍ଦ୍ଧା ଜିଲ୍ଲା ଅନ୍ତର୍ଗତ ବାଣପୁର ଶାଳିଆ ଡ୍ୟାମ ଏବଂ ପୋଡାସାହି ଅଞ୍ଚଳରେ ପୋଲିସ ଏବଂ ଅବକାରୀ ବିଭାଗ ପକ୍ଷରୁ ଦେଶୀ ମଦ ଭାଟି ଏବଂ ଦେଶୀ ମଦ ବିକ୍ରି ଆଡ୍ଡା ଉପରେ ମିଳିତ ଚଢ଼ାଉ କରାଯାଇଥିଲା। ଆଜି ସକାଳ ୬ ଘଟିକାରୁ ମଧ୍ୟାହ୍ନ ୧୨ ଘଟିକା ଯାଏଁ ଉକ୍ତ ଚଢ଼ାଉ କାର୍ଯ୍ୟ ଜାରି ରହିଥିଲା।

ବାଲୁଗାଁ ଏସଡ଼ିପିଓ ମାନସ ରଞ୍ଜନ ବାରିକ ଏବଂ ଖୋର୍ଦ୍ଧା ଜିଲ୍ଲା ଅବକାରୀ ଉପ ଅଧିକ୍ଷିକା ସୁମିତ୍ରା ଓରାମଙ୍କ ନେତୃତ୍ବରେ ଉକ୍ତ ଚଢାଉ କାର୍ଯ୍ୟ ଆରମ୍ଭ ହୋଇଥିଲା। ଚଢାଉ ସମୟରେ ଶାଳିଆ ଡ୍ୟାମ ଆଖପାଖ ସମସ୍ତ ଅଞ୍ଚଳରୁ ୩୦ ରୁ ଊର୍ଦ୍ଧ୍ଵ ଭାଟିରୁ ପାଖାପାଖି ୪ ହଜାର ଲିଟର ଦେଶୀ ମଦ ପୋଚ ଜବତ କରି ନଷ୍ଟ କରାଯାଇଛି। କିନ୍ତୁ ଘଟଣାସ୍ଥଳରୁ ମଦ ବେପାରୀ ଫେରାର ହେବାରେ ସଫଳ ହୋଇଛନ୍ତି।

ଅନୁରୂପ ଭାବେ ପୋଡା ସାହିରୁ ୧୮୩ ଲିଟର ଦେଶୀ ମଦ ଜବତ କରାଯାଇଥିବା ବେଳେ ସଉରୀ ଘଡେଇ ନାମକ ମଦ ବେପାରୀକୁ ଗିରଫ କରାଯାଇଛି। ତେବେ ଅନ୍ୟ ଜଣେ ଅଭିଯୁକ୍ତ ଦୁନିଆ ନାୟକ ଘଟଣାସ୍ଥଳରୁ ଖସି ପଳାଇବାକୁ ସକ୍ଷମ ହୋଇଛନ୍ତି। ଅବକାରୀ ବିଭାଗ କେସ ନମ୍ବର ୮୧, ୮୨ ରେ ଦୁଇ ଗୋଟି ମାମଲା ରୁଜ୍ଜୁ କରି ଗିରଫ ଅଭିଯୁକ୍ତକୁ ଆଜି କୋର୍ଟ ଚାଲାଣ କରିବ ବୋଲି ସୂଚନା ମିଳିଛି।

ଉକ୍ତ ଚଢାଉରେ ଚିଲିକା ଅତିରିକ୍ତ ତହସିଲଦାର ଅପର୍ଣ୍ଣା ଡାଙ୍ଗୁଆ, ବାଣପୁର ଥାନା ଏସଆଇ ରାଜକିଶୋର ବେହେରା, ବାଲୁଗାଁ ଅବକାରୀ ଅଧିକାରୀ ମନୋଜ କୁମାର ବାରିକ, ଟାଙ୍ଗୀ ଅବକାରୀ ନିରୀକ୍ଷକ ଆଲୋକ କୁମାର ପ୍ରଧାନ, ଖୋର୍ଦ୍ଧା ଅବକାରୀ ଭ୍ରାମ୍ୟମାଣ ନିରୀକ୍ଷକ ଜୟଦେବ ପ୍ରଧାନ, ଖୋର୍ଦ୍ଧା ଅବକାରୀ ଭ୍ରାମ୍ୟମାଣ ଉପ ନିରୀକ୍ଷିକା ମାନସୀ ନାୟକ, ଭୁବନେଶ୍ୱର(୨) ଅବକାରୀ ଅଧିକାରୀ ଅଂଶୁମାନ ଜେନାଙ୍କ ସମେତ ଦୁଇ ପ୍ଲାଟୁନ ଫୋର୍ସ ସାମିଲ ଥିଲେ।