Tag: ଟିଆରଏଫ

ନୂଆଦିଲ୍ଲୀ: ପାକିସ୍ତାନ ଭିତ୍ତିକ ଆତଙ୍କବାଦୀ ଗୋଷ୍ଠୀ ଲଶ୍କର-ଏ-ତୋଇବା ସହ ଜଡିତ ଥିବା ‘ଦ ରେଜିଷ୍ଟାନ୍ସ ଫ୍ରଣ୍ଟ’ (ଟିଆରଏଫ) କୁ ସରକାର ପ୍ରତିବନ୍ଧକ ଲଗାଇଛନ୍ତି। କେନ୍ଦ୍ର ଗୃହ ମନ୍ତ୍ରଣାଳୟର ବିଜ୍ଞପ୍ତି ଅନୁଯାୟୀ, ଆତଙ୍କବାଦୀ କାର୍ଯ୍ୟକଳାପକୁ ଆଗକୁ ବଢାଇବା, ଆତଙ୍କବାଦୀରେ ଭର୍ତ୍ତି, ଆତଙ୍କବାଦୀଙ୍କ ଅନୁପ୍ରବେଶ ଏବଂ ପାକିସ୍ତାନରୁ ଜମ୍ମୁ କାଶ୍ମୀରରେ ଅସ୍ତ୍ରଶସ୍ତ୍ର ତଥା ଡ୍ରଗ୍ସ କାରବାର ପାଇଁ ଟିଆରଏଫ ଅନଲାଇନ୍ ମାଧ୍ୟମ ମାଧ୍ୟମରେ ଯୁବକମାନଙ୍କୁ ନିଯୁକ୍ତି ଦେଉଛି। ଏହି ଗୋଷ୍ଠୀ ୨୦୧୯ ରେ ପ୍ରତିବନ୍ଧିତ ସଂଗଠନ ଲଶ୍କରର ପ୍ରକ୍ସି ଭାବରେ ସୃଷ୍ଟି ହୋଇଥିଲା, ଯାହା ୨୬/୧୧ ମୁମ୍ବାଇ ଆତଙ୍କବାଦୀ ଆକ୍ରମଣ ସହିତ ଅନେକ ଆତଙ୍କବାଦୀ କାର୍ଯ୍ୟକଳାପରେ ଜଡିତ ଥିଲା।

ଜମ୍ମୁ କାଶ୍ମୀରର ଲୋକଙ୍କୁ ଭାରତ ସରକାରଙ୍କ ବିରୋଧରେ ଆତଙ୍କବାଦୀ ସଂଗଠନରେ ଯୋଗଦେବାକୁ TRF ସୋସିଆଲ ମିଡିଆ ପ୍ଲାଟଫର୍ମର ସାହାରା ନେଉଛି। ଗୃହ ମନ୍ତ୍ରଣାଳୟ କହିଛି ଯେ, ଶେଖ ସଜାଦ ଗୁଲ ଟିଆରଏଫର ଜଣେ କମାଣ୍ଡର ଏବଂ ଏହାକୁ ବେଆଇନ କାର୍ଯ୍ୟକଳାପ ନିବାରଣ ଆଇନ, ୧୯୬୭ ଅନୁଯାୟୀ ଆତଙ୍କବାଦୀ ଘୋଷିତ କରାଯାଇଛି।

ମନ୍ତ୍ରଣାଳୟ କହିଛି ଯେ, ଏହି ସଂଗଠନର କାର୍ଯ୍ୟକଳାପ ଭାରତର ଜାତୀୟ ସୁରକ୍ଷା ତଥା ସାର୍ବଭମୌତ୍ଵ ପ୍ରତି ବିପଦ ଅଟେ ଏବଂ ଏହାର ସଦସ୍ୟ ତଥା ସହଯୋଗୀଙ୍କ ବିରୋଧରେ ବହୁ ସଂଖ୍ୟକ ମାମଲା ରୁଜୁ ହୋଇଛି। ବିଜ୍ଞପ୍ତି ଅନୁଯାୟୀ ଲଶ୍କର-ଏ-ତୋଇବା ଜମ୍ମୁ କାଶ୍ମୀର ସହିତ ସମ୍ପର୍କ ରଖିଥିବା କମାଣ୍ଡର ମହମ୍ମଦ ଅମିନଙ୍କୁ ଆତଙ୍କବାଦୀ ଘୋଷିତ କରାଯାଇଛି, ଯିଏ ବର୍ତ୍ତମାନ ପାକିସ୍ତାନରେ ଅଛନ୍ତି। ସୀମା ଆରପାର୍ଶ୍ୱରୁ ଜମ୍ମୁ କାଶ୍ମୀରରେ ଆତଙ୍କବାଦୀ ଆକ୍ରମଣ କରିବା ବ୍ୟତୀତ ଖୁବ ଅସ୍ତ୍ରଶସ୍ତ୍ର ଏବଂ ଗୁଳିଗୋଳା ତଥା ଆତଙ୍କବାଦ ଯୋଗାଣରେ ସେ ଜଡିତ ଅଛି।

ଶ୍ରୀନଗର: ଆଜି ସୁରକ୍ଷାବାହିନୀଙ୍କୁ ଜମ୍ମୁ କାଶ୍ମୀରରେ ଏକ ବଡ଼ ସଫଳତା ମିଳିଛି। ଦୁଇଟି ଭିନ୍ନ ଭିନ୍ନ ଏନକାଉଣ୍ଟରରେ ପାଞ୍ଚ ଜଣ ଆତଙ୍କବାଦୀଙ୍କୁ ସୁରକ୍ଷା ବାହିନୀ ହତ୍ୟା କରିଛନ୍ତି। ନିହତ ଆତଙ୍କବାଦୀଙ୍କ ମଧ୍ୟରୁ ଜଣେ ଆତଙ୍କବାଦୀ ସଂଗଠନ ଦି ରେଜିଷ୍ଟାନ୍ସ ଫ୍ରଣ୍ଟ (ଟିଆରଏଫ) ର କମାଣ୍ଡର ଆଫାକ ସିକନ୍ଦର ବୋଲି ଜଣାପଡିଛି। କୁଲଗାମର ପୁମ୍ବାଇ ଏବଂ ଗୋପାଳପୋରା ଗ୍ରାମରେ ହୋଇଥିବା ଏନକାଉଣ୍ଟରରେ ଦୁଇଜଣ ଆତଙ୍କବାଦୀ ମୃତ୍ୟୁବରଣ କରିଛନ୍ତି। ଉଭୟ ସ୍ଥାନରେ ଏପର୍ଯ୍ୟନ୍ତ ଏନକାଉଣ୍ଟର ଚାଲିଥିବା ଜଣେ ପୋଲିସ ଅଧିକାରୀ ସୂଚନା ଦେଇଛନ୍ତି।

ଏହାପୂର୍ବରୁ ନଭେମ୍ବର ୧୫ ତାରିଖରେ ଶ୍ରୀନଗରର ହାଇଦରପୋରାରେ ସୁରକ୍ଷା ବାହିନୀ ଦୁଇଜଣ ଆତଙ୍କବାଦୀଙ୍କୁ ହତ୍ୟା କରିଥିଲେ। ପୋଲିସ ଅଧିକାରୀଙ୍କ କହିବାନୁସାରେ, ବର୍ତ୍ତମାନ ପର୍ଯ୍ୟନ୍ତ ସୁରକ୍ଷା ବାହିନୀ ଦ୍ୱାରା ୧୩୫ ରୁ ଅଧିକ ଆତଙ୍କବାଦୀ ନିହତ ହୋଇଛନ୍ତି। ଉପତ୍ୟକାରେ ୩୮ ଜଣ ବିଦେଶୀଙ୍କ ସମେତ ୧୫୦-୨୦୦ ଆତଙ୍କବାଦୀ ସକ୍ରିୟ ଅଛନ୍ତି।

ଜାମ୍ମୁ କାଶ୍ମୀରରେ ସୁରକ୍ଷା ବାହିନୀ ଆତଙ୍କବାଦୀଙ୍କ ବିରୋଧରେ ଏକ ବିଶାଳ ଅଭିଯାନ ଚଳାଉଛନ୍ତି। ଆଜି ଦକ୍ଷିଣ କାଶ୍ମୀରର ପୁଲୱାମା ଜିଲ୍ଲାରେ ଲଶ୍କର-ଏ-ତାଇବା ର ଦୁଇ ଆତଙ୍କବାଦୀ ସହଯୋଗୀଙ୍କୁ ଗିରଫ କରାଯାଇଛି ଏବଂ ସେମାନଙ୍କ ନିକଟରୁ ଆଇଏଡି ମଧ୍ୟ ଉଦ୍ଧାର କରାଯାଇଛି। ଆତଙ୍କବାଦୀ ସଂଗଠନ ଲଶ୍କରର ଦୁଇଜଣ ସକ୍ରିୟ ସହଯୋଗୀ ଗିରଫ କରାଯାଇଛି। ଗିରଫ ଆତଙ୍କବାଦୀ ସହଯୋଗୀମାନେ ପୁଲୱାମା ନିବାସୀ ମୀର ବଶିର ଦାର ଏବଂ ଶୋପିଆର ନିବାସୀ ମୁଖତାର ଅହମ୍ମଦ ଭଟ ବୋଲି ଜଣାପଡିଛି।