Tag: ପରଲୋକ

ହେମାଙ୍ଗ ପ୍ରସାଦ ରାଉଳ
ବ୍ରହ୍ମପୁର: ବରିଷ୍ଠ ଚିକିତ୍ସକ ତଥା ରାଜ୍ୟର ଜଣାଶୁଣା ସାହିତ୍ୟିକ, ନବୀନ ସାହିତ୍ୟ ପ୍ରତିଷ୍ଠାନର ସାଧାରଣ ସଂପାଦକ ଡ଼ା. ଚନ୍ଦ୍ରମଣି ସ୍ୱାଇଁଙ୍କ ୭୪ ବର୍ଷରେ ଆଜି ହୃଦ୍‌ଘାତରେ ପରଲୋକ ହୋଇଛି। ସ୍ୱର୍ଗତ ସ୍ୱାଇଁ ରାଜ୍ୟର ଏକ ଆଗଧାଡ଼ିର ସାହିତ୍ୟିକ, ଗବେଷକ ଓ ସୁବକ୍ତା ଭାବେ ସୁଖ୍ୟାତି ଅର୍ଜନ କରିଥିଲେ। ସେ ନବୀନ ପ୍ରତିଷ୍ଠାନ ସହିତ ବହୁ ସାହିତ୍ୟ ଅନୁଷ୍ଠାନ ସହିତ ସଂପୃକ୍ତ ଥିଲେ। ବ୍ରହ୍ମପୁର ବିଶ୍ୱବିଦ୍ୟାଳୟ, କଳିଙ୍ଗ ସାହିତ୍ୟ ସମାଜ ଭଳି ବହୁ ସାହିତ୍ୟ ଅନୁଷ୍ଠାନରୁ ସମ୍ବର୍ଦ୍ଧିତ ହୋଇଥିଲେ। ସେ ଏଗାରଟି ଗ୍ରନ୍ଥ ରଚନା କରି ପାଠକୀୟ ଆଦୃତ ଲାଭ କରିଥିଲେ।

ତାଙ୍କର ମୃତ୍ୟୁ ଖବର ପାଇବା ପରେ ବରିଷ୍ଠ ସାମ୍ବାଦିକ ତଥା ନବୀନର ସଂପାଦକ ରବି ରଥ, ଡା. ସଂକର୍ଷଣ ପାତ୍ର, ଡା. ଅମୂଲ୍ୟ ପଟ୍ଟନାୟକ, ଡା. ସାଗର ରଂଜନ ତ୍ରିପାଠୀ, ବହୁମୁଖୀ ଅନୁଷ୍ଠାନର ସଭାପତି କୃଷ୍ଣଚନ୍ଦ୍ର ଦାସ, ସଂପାଦକ ମହମ୍ମଦ ଆସଲାମ୍‌, ନୀବନ ସାହିତ୍ୟ ପ୍ରତିଷ୍ଠାନ ତରଫରୁ ପ୍ରକାଶିତ ମଂଜୁ ରଥ ସଂପାଦକ କପିଳଚନ୍ଦ୍ର ମହାନ୍ତି, ସୁଶାନ୍ତ କର, ପବିତ୍ର ଚୌଧୁରୀ, ସରୀତା ପଣ୍ଡା, ଜ୍ୟୋତ୍ସ୍ନାରାଣୀ ପଣ୍ଡା, ଶିକ୍ଷାବିତ୍ ଜିତେନ୍ଦ୍ର ପଟ୍ଟନାୟକ, ରବି ମହାରଣା ପ୍ରମୁଖ ଶତାଧିକ ସାହିତ୍ୟିକ ଉପସ୍ଥିତ ଥିଲେ। ମୃତ୍ୟୁବେଳକୁ ତାଙ୍କ ସହଧର୍ମିଣୀ ଜ୍ୟୋତ୍ସ୍ନରାଣୀ ସ୍ୱାଇଁ, ଦୁଇପୁତ୍ର, ପୁତ୍ରବଧୁ ଓ ପରିବାର ଆତ୍ମୀୟ ସ୍ୱଜନ ଉପସ୍ଥିତ ଥିଲେ। ଗୋକର୍ଣ୍ଣେଶ୍ୱର ମନ୍ଦିର ଶ୍ମଶାନରେ ତାଙ୍କର ଅନ୍ତେଷ୍ଟିକ୍ରିୟା ସମାପନ ହୋଇଥିଲା।

ସୀତାରାମ ଅଗ୍ରୱାଲ

ବାଣପୁର: ଗତକାଲି ବାଣପୁର ବ୍ଲକ ଅନ୍ତର୍ଗତ କୁମାରଙ୍ଗ ପଞ୍ଚାୟତ ନୀଳକଣ୍ଠେଶ୍ୱର ବିଦ୍ୟାପୀଠର ପୂର୍ବତନ ପ୍ରଧାନଶିକ୍ଷକ ଶ୍ରୀ ନବଘନ ଦଳାଇଙ୍କ ପରଲୋକ ହୋଇଯାଇଛି। ମାତ୍ର ୬୭ ବର୍ଷ ବୟସରେ ଶ୍ରୀ ନବଘନ ଶେଷ ନିଶ୍ଵାସ ତ୍ୟାଗ କରିଛନ୍ତି। ସୂଚନା ଅନୁସାରେ କିଛି ଦିନ ତଳେ ଏକ ମୋଟର ସାଇକଲ ଦୁର୍ଘଟଣାରେ ଗୋଡ ଭାଙ୍ଗି ଯାଇଥିଲା। ପ୍ରଧାନ ଶିକ୍ଷକ ସ୍ୱାସ୍ଥ୍ୟ ଅବସ୍ଥାକୁ ନେଇ ସେହି ଦିନଠାରୁ ଚିନ୍ତିତ ହୋଇପଡିଥିଲେ।

ଗତ ଶନିବାର ଦିନ କିଡନି ଯନ୍ତ୍ରଣା ଅନୁଭବ କରିବାରୁ ଭୁବନେଶ୍ୱର ସ୍ଥିତ କ୍ୟାପିଟାଲ ହସ୍ପିଟାଲ ଠାରେ ଚିକିତ୍ସ। ପାଇଁ ଭର୍ତ୍ତି କରାଇଥିଲେ ପରିବାର ଲୋକେ। କିନ୍ତୁ ଗତ କାଲି ରାତ୍ର ସମୟରେ ସ୍ୱାସ୍ଥ୍ୟବସ୍ଥା ଗୁରୁତର ହେବାରୁ ଏକ ନିର୍ଦ୍ଧିଷ୍ଠ ଘରୋଇ ଡାକ୍ତର ଖାନାକୁ ସ୍ଥାନାନ୍ତରିତ କରାଯାଇଥିଲେ ମଧ୍ୟ ଶେଷ ନିଶ୍ୱାସ ତ୍ୟାଗ କରିଥିଲେ।

ନବଘନ ଦଳାଇ ପ୍ରଧାନ ଶିକ୍ଷକ ଥିବା ସମୟରେ ନିଜ ଛାତ୍ରଙ୍କ ସଠିକ ରାସ୍ତା ଦେଖାଇ ଆଇ ପି ଏସ, ଆଇନିଜୀବୀ, ବର୍ତ୍ତମାନ ନାମୀ ଦାମୀ ସାମ୍ବାଦିକଙ୍କୁ ମଧ୍ୟ ନିଜ ହାତରେ ଗଢିଛନ୍ତି। ଶିକ୍ଷକତା ଅବସର ପରେ ମଧ୍ୟ ଶିକ୍ଷକତା ପ୍ରତି ଏତେ ଦୁର୍ବଳ ରଖିଥିଲେ ଯେ ଏକ ଘରୋଇ ଶିକ୍ଷାନୁଷ୍ଠାନ ସହିତ ଯୋଡି ହୋଇ ରହିଥିଲେ।

ନବଘନ ନିଜ ତୁମ୍ବୁରାପୁଟ ପଞ୍ଚାୟତର ରାଣୀପଡା ଗ୍ରାମରେ ହେଉ କିମ୍ବା ଆଖ ପାଖ ଅଞ୍ଚଳରେ ବେସ ଜଣା ଶୁଣା ବ୍ୟକ୍ତିତ୍ୱ ଥିଲେ। ସଭା ସମିତି ନିଷ୍ପତ୍ତିରେ ସଠିକ ପରିଚାଳନା କରିବାରେ ବେଶ ଚର୍ଚ୍ଚିତ ମଣିଷ ମଧ୍ୟ ଥିଲେ। ବର୍ତ୍ତମାନ ଶୋକାକୁଳ ପରିବାର ଏଭଳି ମଣିଷକୁ ପୁଣି ଥରେ ପାଇବା ଅସମ୍ଭବ ବୋଲି ପୂର୍ବରେ ଘଟିଯାଇଥିବା କଥାକୁ ମନେ ପକାଇ ବାହୁନି ବାହୁନି କାନ୍ଦୁଥିବାର ନଜର ଆସିଛି। ଏନେଇ ସାରା ତୁମ୍ବୁରାପୁଟ ପଞ୍ଚାୟତରେ ଶୋକର ଛାୟା ଖେଳି ଯାଇଛି।

ରଞ୍ଜିତ ପଣ୍ଡା

କୁଜଙ୍ଗ: କୁଜଙ୍ଗ ବ୍ଲକ୍ ବାଗୋଇ ଗ୍ରାମପଞ୍ଚାୟତର ସରପଞ୍ଚ ତଥା କଂଗ୍ରେସର ବରିଷ୍ଠ ନେତା ଶ୍ରୀ ଅଧିର୍ କୁମାର ପ୍ରଧାନ ଆଜି ତାଙ୍କ ଜନ୍ମମାଟି ବାଗୋଇ ସ୍ଥିତ ବାସଭବନରେ ପରଲୋକ ହୋଇଯାଇଛନ୍ତି। ମୃତ୍ୟୁବେଳକୁ ତାଙ୍କୁ ୪୫ ବର୍ଷ ବୟସ ହୋଇଥିଲା ବୋଲି ସୂଚନା ରହିଛି। ସେ ଅନେକ ଦିନ ହେବ କ୍ୟାନ୍ସର ରୋଗରେ ପୀଡିତ ଥିଲେ।  ତାଙ୍କର ମୃତ୍ୟୁ ଖବର ପାଇ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳି ଯାଇଛି।  ତାଙ୍କ ମୃତ୍ୟୁରେ  ସ୍ଥାନୀୟ ବିଧାୟକ ସମ୍ବିତ ରାଉତରାୟ, କଂଗ୍ରେସ ନେତା ଅରିନ୍ଦମ ସର୍ଖେଲ୍, ବିଜେପି ନେତା ସମ୍ପଦ ସ୍ୱାଇଁ, ଶ୍ରମିକ ନେତା ପ୍ରକାଶ ଚନ୍ଦ୍ର ତ୍ରିପାଠୀ, ପ୍ରେସ କ୍ଲବ ସଭାପତି ରଘୁନାଥ ସାହୁ, ସମ୍ପାଦକ ଦୁଷ୍ମନ୍ତ ମାଝି, ବ୍ଲକର ସମସ୍ତ ସରପଞ୍ଚ ଓ ସମିତି ମେମ୍ବର, କୁଜଙ୍ଗ ବ୍ଲକ୍‌ର ବିଜେଡିର ଆସିଷ୍ଟାଣ୍ଟ ରିଟର୍ଣ୍ଣିଂ ଅଫିସର୍‌ ତପନ କୁମାର ସାମନ୍ତରାୟ, କଂଗ୍ରେସର ବରିଷ୍ଠ ନେତା ଏନ୍‌ଡି ଯାଦବ, ପଞ୍ଚାୟତ ସମିତି ଅଧ୍ୟକ୍ଷ ସ୍ମୃତି ରଞ୍ଜନ ବେହେରା,  ବିଧାୟକଙ୍କ କୁଜଙ୍ଗ ବ୍ଲକ ପ୍ରତିନିଧି ନିରଞ୍ଜନ ପ୍ରଧାନ, ବ୍ଲକ କଂଗ୍ରେସ ସଭାପତି ରମେଶ ଦାସ ପ୍ରମୁଖ ତାଙ୍କର ମୃତ୍ୟୁରେ ଗଭୀର ଶୋକ ବ୍ୟକ୍ତ କରିବା ସହିତ ଅଧୀରଙ୍କ ଶେଷଦର୍ଶନ କରି ପରିବାରବର୍ଗଙ୍କୁ ସମବେଦନା ଜଣାଇଛନ୍ତି।

ବୟସର ମଧ୍ୟାହ୍ନରେ ଅସ୍ତମିତ ହୋଇଥିବା ସରପଞ୍ଚ ଜଣକ ରାଜନୀତି ସହ ସମାଜସେବାକୁ ନିଜ ଜୀବନର ବ୍ରତ ବୋଲି ବାଛିଥିଲେ। ଗ୍ରାମର ଉନ୍ନତୀକରଣରେ ବେଶ୍‌ ଅବଦାନ ରଖିଛନ୍ତି ଅଧୀର। ତାଙ୍କ ଅବର୍ତ୍ତମାନରେ ଗ୍ରାମ ତାଙ୍କୁ ଝୁରି ହେବ ଏହା ନିଃସନ୍ଦେହ।