Categories
ଅପରାଧ ଆଜିର ଖବର ଜାତୀୟ ଖବର

ଗିରଫ ହେଲା କାନପୁର ହିଂସାର ମାଷ୍ଟରମାଇଣ୍ଡ: ୫୦୦ ରୁ ଅଧିକ ଲୋକଙ୍କ ବିରୋଧରେ ମାମଲା ରୁଜୁ

ଲକ୍ଷ୍ନୌ: କାନପୁରରେ ଶୁକ୍ରବାର ନମାଜ ବେଳେ ଆରମ୍ଭ ହୋଇଥିବା ହିଂସା ସଂପର୍କରେ ପୋଲିସକୁ ଏକ ବଡ଼ ସଫଳତା ମିଳିଛି। ମୁଖ୍ୟ ଅଭିଯୁକ୍ତ ତଥା ମାଷ୍ଟରମାଇଣ୍ଡ ଜାଫର ହାୟତଙ୍କୁ ପୋଲିସ ଗିରଫ କରିଛି। ହିଂସା ପୂର୍ବରୁ ଜାଫର ଉତ୍ତେଜକ ପୋଷ୍ଟର ଲଗାଇଥିବା ଅଭିଯୋଗ ହୋଇଛି। ଏହି ମାମଲାରେ ପୋଲିସ ଏପର୍ଯ୍ୟନ୍ତ ୩୫ ରୁ ଅଧିକ ଲୋକଙ୍କୁ ଗିରଫ କରିବା ସହିତ ୫୦୦ ରୁ ଅଧିକ ଲୋକଙ୍କ ନାମରେ ମାମଲା ରୁଜୁ କରାଯାଇଛି।

ପ୍ରକାଶ ଥାଉ କି ଜଫର ହାୟାତ୍ ପ୍ରଧାନମନ୍ତ୍ରୀ ମୋଦୀ ଏବଂ ରାଷ୍ଟ୍ରପତି କୋବିନ୍ଦଙ୍କ ଗସ୍ତ ସମ୍ପର୍କରେ ଏକ ବନ୍ଦ ପାଇଁ ଆହ୍ଵାନ ଦେଇଥିଲେ ଏବଂ ଏହାସହ ପୋଷ୍ଟର ମଧ୍ୟ ଲଗାଯାଇଥିଲା। ଏହା ପରେ ଲୋକଙ୍କ ଭିଡ଼ ଜମିବା ସହ ହିଂସା ବ୍ୟାପିବାରେ ଲାଗିଥିଲା। ତେବେ ପରିବାର ଲୋକେ ଏହି ଅଭିଯୋଗକୁ ଅସ୍ୱୀକାର କରିଛନ୍ତି। ପରିବାର ଲୋକ କହିଛନ୍ତି ଯେ, ପୋଲିସର ଉପସ୍ଥିତିରେ ହୟାତ୍ ତାଙ୍କ ବିବୃତ୍ତି ପ୍ରତ୍ୟାହାର କରିବାକୁ ଘୋଷଣା କରିଛନ୍ତି। ଆହ୍ଵାନ ଦିଆଯାଇଥିବା ବନ୍ଦ ପ୍ରତ୍ୟାହାର କରାଯାଇଥିଲା। ପରିବାର ପକ୍ଷରୁ କୁହାଯାଇଛି ଯେ, ଜାଫର ହାୟାତ୍ ଙ୍କୁ ଫସା ଯାଉଛି। ପୋଲିସ ସେମାନଙ୍କ ଦାୟିତ୍ଵକୁ ସଠିକ୍ ଭାବରେ ପାଳନ କରି ନାହିଁ।

Categories
ଅପରାଧ ଆଜିର ଖବର ରାଜ୍ୟ ଖବର

ଜୁଆଆଡ୍ଡା ଉପରେ ପୋଲିସର ଅତର୍କିତ ଚଢାଉ, ମାଷ୍ଟରମାଇଣ୍ଡ ସମେତ ୬ ଜଣ ଗିରଫ

ଦୁଷ୍ମନ୍ତ କୁମାର ପଣ୍ଡା

କଳାହାଣ୍ଡି: କଳାହାଣ୍ଡି ଜିଲ୍ଲାର ଗ୍ରାମାଞ୍ଚଳ ସମେତ ସହରାଞ୍ଚଳରେ ବେଧଡକ ଭାବେ ଚାଲିଛି ଜୁଆ ଖେଳ। ପୋଲିସ ଆଖିରେ ଧୂଳି ଦେଇ କଳାହାଣ୍ଡି ଜିଲ୍ଲାରେ ବେଆଇନ ଜୁଆ ଖେଳ ଚାଲିଥିବା ଅଭିଯୋଗ ରହିଥିଲା। ଏହାକୁ ନେଇ ସାଧାରଣରେ ଅସନ୍ତୋଷ ବୃଦ୍ଧିପାଇଥିଲା। ଗୋଳାମୁଣ୍ଡା ପୋଲିସ ଥାନା ଅଞ୍ଚଳରେ ଚାଲିଥିବା ଜୁଆଆଡ୍ଡା ଉପରେ ଅତର୍କିତ ଚଢାଉ କରି ପୋଲିସ ୬ ଜଣ ଜୁଆଡି କୁ ଗିରଫ କରିଛି। ସେମାନଙ୍କ ନିକଟରୁ ୮ ଟି ବାଇକ, ୬ ଟି ମୋବାଇଲ ଫୋନ, ନଗଦ ୯୫ ହଜାର ଟଙ୍କା, ୩ ସେଟ ତାସ ପତି, ତାରପାଉଲିନ ଇତ୍ୟାଦି ସମେତ ଜୁଆଖେଳରେ ବ୍ୟବହୃତ ଅନେକ କାଗଜପତ୍ର ଜବତ କରାଯାଇଥିବା ପୋଲିସ ସୂତ୍ରରୁ ପ୍ରକାଶ।

ସୁଚନା ଅନୁଯାୟୀ, ଗୋଳାମୁଣ୍ଡା ଥାନା ଅନ୍ତର୍ଗତ ଘୋଟିଆ ଗାଁ ଶେଷ ମୁଣ୍ଡରେ ଥିବା ଟିକେନ୍ ଜୋର ନାଳ ନିକଟରେ ଜୁଆ ଖେଳ ଚାଲୁଥିବାର ବିଶ୍ବସ୍ତ ସୂତ୍ରରୁ ଖବର ପାଇ ପୋଲିସର ଏକ ସ୍ବତନ୍ତ୍ର ଟିମ୍ ସେଠାରେ ଅତର୍କିତ ଚଢାଉ କରିଥିଲା। ଚଢାଉ ସମୟରେ ମାଷ୍ଟରମାଇଣ୍ଡ ସହ ୬ ଜଣ ଜୁଆ ଖେଳାଳିଙ୍କୁ ଗିରଫ କରିବାରେ ସଫଳ ହୋଇଥିଲା ପୋଲିସ। ଗୋଲାମୁଣ୍ଡା ଥାନା କେଶ ନଂ. ୯୦/୨୦୨୨ ୩ଓପିଜି ଆଇନ ରେ ଅଭିଯୁକ୍ତ ମାଷ୍ଟର ମାଇଣ୍ଡ ଚିଚୈଗୁଡା ର ପ୍ରକାଶ ଚନ୍ଦ୍ର ମେହେର(୫୬), ସାନଚେରଗାଁର ଅନନ୍ତ ସାହୁ (୩୯), କଗୋଁ ର ନବ ପୁଟେଲ (୪୨), ସିନାପାଲିର ଦେବେନ୍ଦ୍ର କଟା, ଲିମସେର ଗାଂର ନୃପରାଜ ମେହେର ଓ ଅରକ୍ଷିତ ମେହେର କୁ ପୋଲିସ ଗିରଫ କରି  ରେ ଏକ କେଶ ରୁଜ୍ଜୁ କରି ରୁଜ୍ଜୁ କରି କୋର୍ଟ ଚାଲାଣ କରିଥିବା ପୋଲିସ ସୂତ୍ରରୁ ଜଣାପଡିଛି।

Categories
ଅପରାଧ ଆଜିର ଖବର ରାଜ୍ୟ ଖବର

ଟାଙ୍ଗି ପାଣି ପାଇପ୍ ଲୁଟ୍ ଘଟଣା: ଏମବିଏ ଡିଗ୍ରୀ ଧାରୀ ଡକାୟତ ବାହାରିଲେ ଲୁଟ ଗ୍ୟାଙ୍ଗର ମାଷ୍ଟରମାଇଣ୍ଡ

ସୀତାରାମ ଅଗ୍ରୱାଲ

ଟାଙ୍ଗି: ଗ୍ରାମ୍ୟ ଜଳ ଯୋଗାଣରେ ବ୍ୟବହୃତ ପାଣି ପାଇପ୍ ଲୁଟ୍ ହେବାର ମାତ୍ର ୨୪ ଘଣ୍ଟା ମଧ୍ୟରେ ଟାଙ୍ଗି ପୋଲିସକୁ ବଡ ସଫଳତା ମିଳିଛି। ଏହି କାର୍ଯ୍ୟରେ ସମ୍ପୃକ୍ତ ଥିବା ଡକାୟତ ଦଳକୁ ଗିରଫ କରିବା ସହ ପାଣିପାଇପ ଉଦ୍ଧାର କରିଛି ପୋଲିସ। ଏଥିସହ କାଗଜପତ୍ର ଏବଂ ଅନେକ ସାମଗ୍ରୀ ଜବତ କରାଯାଇଛି।

ତେବେ ଏହି ଡକାୟତ ଦଳର ମାଷ୍ଟର ମାଇଣ୍ଡ ଜଣେ ଏମବିଏ ଡିଗ୍ରୀ ଧାରୀ ବୋଲି ଜଣା ପଡିଛି। ତାର ନାମ ସତ୍ୟକାମ ଚିଦାନନ୍ଦ ମହାନ୍ତି। ଘର କଟକ ଜଗତପୁର ବୋଲି ଜଣା ପଡିଛି। ଏମବିଏ  ଡିଗ୍ରୀ ଧାରୀ ଜଣକ କୋଲକାତାର ରଶ୍ମି ମେଟାଲିକ ଲିମିଟେଡ଼ର ଓଡ଼ିଶା ଶାଖା ମୁଖ୍ୟ ଭାବରେ କାର୍ଯ୍ୟରତ ଥିବାର ତଦନ୍ତ ବେଳେ ଜଣା ପଡିଛି।

ଏହା ସହ ପୁରୀ ଜିଲ୍ଲାର ନିମାପଡା ବାମଦେଇପୁର ଗ୍ରାମରୁ ୪୦ ଟି ଚୋରା ପାଣି ପାଇପ୍ ଜବତ କରିଛି ଟାଙ୍ଗି ପୋଲିସ। ଏହି ସମୟରେ ଗୋଟିଏ ମାରୁତି ଡିଜାୟାର କାର୍, ୨ ଟି ରବର ଷ୍ଟାମ୍ପ, ୧୦ଟି ବନ୍ଦ ଲଫାପା, ଗୋଟିଏ ଟ୍ରାନସପୋର୍ଟ ସଂସ୍ଥାର କାଗଜ ପତ୍ର, ୫ ଟା  ମୋବାଇଲ ଫୋନ୍, ଗୋଟିଏ ଲାପଟପ୍ ଓ ଗୋଟିଏ ପେନ୍ ଡ୍ରାଇଭ୍ ଜବତ କରାଯାଇଛି।

ଗିରଫ ଡକାୟତଙ୍କ ମାଷ୍ଟର ମାଇଣ୍ଡ ସତ୍ୟକାମ ଚିଦାନନ୍ଦ ମହାନ୍ତି ହୋଇଥିବା ବେଳେ ଶୁସାନ୍ତ କୁମାର ମହାରଣା, ଘର ପୁରୀ ଜିଲ୍ଲାର କଣ୍ଠପୁରର ହୋଇଥିବା ସୂଚନା ମିଳିଛି। ବିରେନ୍ କୁମାର ମହାନ୍ତି, ଘର ହାସିନ୍ ପୁର ଜିଲ୍ଲା ପୁରୀ,  ଶ୍ରୀନିବାସ ମହାରଣା, ସୁର୍ଯ୍ୟକାନ୍ତ ମହାରଣା ଉଭୟଙ୍କ ଘର ପୁରୀ ଜିଲ୍ଲାର କଣାସ ବ୍ଲକ ଜଳିଆ ପଡା ବୋଲି ସୂଚନା ମିଳିଛି। ଟାଙ୍ଗୀ ଥାନା କେଶ୍ ନଂ ୨୦୭ /୨୨ ମାମଲା ରୁଜୁ କରାଯାଇଛି।

ଗତ ୨ ଦିନ ତଳେ ଟାଙ୍ଗୀ କଲେଜ୍ ପଡିଆରୁ ଓ ଦୀକ୍ଷିତପଡା ଗ୍ରାମରୁ ପାଣି ପାଇପ୍ ଲୁଟ୍ ହୋଇଥିଲା। ଗ୍ରାମ୍ୟ ଜଳ ଯୋଗାଣ ପାଇଁ ମୋଟା ଲୁହାର ପାଇପ୍ ବ୍ୟବହାର କରାଯାଉଛି। ଯାହାକୁ ଚୋରି କରିନେଇଥିଲେ ଏହି ଲୁଟେରା ମାନେ। ଆଜିକୁ ମିଶାଇ ମୋଟ ୧୩ଜଣଙ୍କୁ ଗିରଫ କରିଛି ପୋଲିସ। ଏ ନେଇ ଟାଙ୍ଗୀ ଥାନାରେ ବାଲୁଗାଁ  ଏସଡିପିଓ ମାନସ ରଞ୍ଜନ ବାରିକ ପ୍ରେସ୍ ମିଟ୍ କରି ଡକାୟତି ଘଟଣାର ଖୁଲାସା କରିଛନ୍ତି। ତତ ସହିତ ମୁଖ୍ୟ ଆସାମୀର ବ୍ୟାଙ୍କ ଆକାଉଣ୍ଟରେ ଥିବା ପାଖାପାଖି ୩ ଲକ୍ଷ ଟଙ୍କାକୁ ପୋଲିସ ବ୍ଲକ କରିଥିବା ଜଣାପଡିଛି।