ସୀତାରାମ ଅଗ୍ରୱାଲ
ବାଲୁଗାଁ: ବାଲୁଗାଁ ମହାବିଦ୍ୟାଳୟର ୪୨ ତମ ବାର୍ଷିକ ଉତ୍ସବ ଆଜି ମହାବିଦ୍ୟାଳୟ ପରିଚାଳନା ପରିଷଦ ସଭାପତି ଇଂ ପ୍ରବାସ କୁମାର ସୁନ୍ଦରାୟଙ୍କ ସଭାପତିତ୍ୱରେ ଅନୁଷ୍ଠିତ ହୋଇଯାଇଛି। ପ୍ରାରମ୍ଭରେ ମହାବିଦ୍ୟାଳୟ ପରିସରରେ ଉତ୍କଳମଣି ଗୋପବନ୍ଧୁ ଦାସଙ୍କ ପ୍ରତିମୂର୍ତ୍ତିରେ ପୁଷ୍ପମାଲ୍ୟ ଅର୍ପଣ କରିବାପରେ ସେମାନଙ୍କୁ ମଞ୍ଚରେ ଉତ୍ତରୀୟ ଓ ଉପଢୌକନ ପ୍ରଦାନ କରାଯାଇ ଥିଲା।
ଛାତ୍ରୀମାନେ ଉଦବୋଧନୀ ସଂଗୀତ ଗାନ କରିବା ପରେ ଅଧ୍ୟକ୍ଷl ବିନତି ମଞ୍ଜରୀ ରାଉତ ସ୍ୱାଗତ ଅଭିଭାଷଣ ଓ ବିବରଣୀ ଉପସ୍ଥାପନ କରିଥିଲେ ଓ ଯୁକ୍ତ ଦୁଇ ଅଧ୍ୟକ୍ଷ ଡକ୍ଟର କଳ୍ପନା ଦାଶ ଅତିଥି ପରିଚୟ ପ୍ରଦାନ କରିଥିଲେ।
ଉତ୍ସବର ମୁଖ୍ୟ ଅତିଥି ବିଶିଷ୍ଟ ସମାଜସେବୀ ସ୍ଵାଗତିକା ଜଗଦେବ, ମୁଖ୍ୟ ବକ୍ତା ତଥା ଶତାଧିକ ଓଡ଼ିଆ ଚଳଚ୍ଚିତ୍ରର ସଂଳାପ ଲେଖକ ଓ ପ୍ରାକ୍ତନ ଅଧ୍ୟକ୍ଷ ପ୍ରଫେସର ଡକ୍ଟର ରଜନୀ ରଞ୍ଜନ, ସମ୍ମାନିତ ଅତିଥି ପ୍ରଖ୍ୟାତ ନାଟ୍ୟକାର ବିଜୟ ଦାସ ଯୋଗଦେଇ ଛାତ୍ର ଛାତ୍ରୀ ମାନଙ୍କର ବ୍ୟକ୍ତିତ୍ୱ, ନେତୃତ୍ୱ,ମାନବିକତା ଓ ମାତୃଭାଷା ପ୍ରତି ଅନୁରାଗ ବିକଶିତ କରିବା ପାଇଁ ପରାମର୍ଶ ଦେଇଥିଲେ। ଏହାପରେ ମହାବିଦ୍ୟାଳୟ ପକ୍ଷରୁ ଚଳିତ ବର୍ଷ ଅଧ୍ୟାପକ ଶାନ୍ତନୁ ଦାଶ ନାଟ୍ୟ ସମ୍ମାନ ବିଶିଷ୍ଟ ବାଦ୍ୟ ଶିଳ୍ପୀ ଓ ନାଟ୍ୟ ନିର୍ଦ୍ଦେଶକ ଅର୍ଜୁନ ସାହୁଙ୍କୁ ପ୍ରଦାନ କରାଯାଇଥିଲା ଓ ଏହି ସମ୍ମାନକୁ ତାଙ୍କ ଭାଇ କବି ପ୍ରଶାନ୍ତ ସାହୁ ଗ୍ରହଣ କରି ଥିଲେ।
ଏଥିସହ କ୍ରୀଡ଼ା ସଂସଦ ପକ୍ଷରୁ ତିରିଶ ବର୍ଷ ରେକର୍ଡ କିପର ଭାବେ ଦାୟିତ୍ୱ ନିର୍ବାହ କରିଥିବା ଗ୍ରନ୍ଥଗା ରିକ ଶଶାଙ୍କ ଶେଖର ବିଶ୍ୱାଳଙ୍କୁ ସମ୍ମାନିତ କରାଯାଇଥିଲା। ଚଳିତ ବର୍ଷ ଛାତ୍ର ପରିଷଦ, ସାଂସ୍କୃତିକ ପରିଷଦ, ନାଟ୍ୟ ସଂସଦ, କ୍ରୀଡ଼ା ସଂସଦ, ସାହିତ୍ୟ ପରିଷଦ ଓ ବିଜ୍ଞାନ ପରିଷଦ ଦ୍ୱାରା ଅନୁଷ୍ଠିତ ବିଭିନ୍ନ ପ୍ରତିଯୋଗିତାର କୃତୀ ପ୍ରତିଯୋଗୀ ମାନଙ୍କୁ ପୁରସ୍କୃତ କରାଯାଇଥିଲା। ଧନ୍ୟବାଦ ପ୍ରଦାନ କରିଥିଲେ ଇଂରାଜୀ ବିଭାଗର ପ୍ରାଧ୍ୟାପିକା ଡକ୍ଟର ଜୟନ୍ତୀ ସାମଲ।
କାର୍ଯ୍ୟକ୍ରମକୁ ସଂଯୋଜନା କରିଥିଲେ ଅଧ୍ୟାପକ ଡକ୍ଟର କୈଳାଶ ଚନ୍ଦ୍ର ମହାରଣା ଓ ବିଜୟ କୁମାର ରାଉତ। ଉତ୍ସବ ପରିଚାଳନା କରିଥିଲେ ଅଧ୍ୟାପକ ବିଦ୍ୟା ଧର ଜୁଝାରସିଂହ,ମୃଦାନୀ ଶଙ୍କର ପ୍ରସାଦ ମିଶ୍ର, ପ୍ରବୀଣ କୁମାର ଜେନା, ରୀନା ରାଉତ, ମନସ୍ବିନୀ ପଟ୍ଟନାୟକ ଓ ଧୋବୀ ଚରଣ ପରିଡା।
ଶେଷରେ ଛାତ୍ର ଛାତ୍ରୀ ମାନଙ୍କ ଦ୍ୱାରା ଚିତ୍ତାକର୍ଷକ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।
