Tag: thesamikhsya

ପୁଣି ଥରେ ଇତିହାସ ରଚିଛି ଭାରତୀୟ ମହାକାଶ ଗବେଷଣା ସଂସ୍ଥା(ଇସ୍ରୋ)। ଦେଶର ସଦ୍ୟତମ ପର୍ଯ୍ୟବେକ୍ଷଣ ଉପଗ୍ରହ ଏମିସାଟ୍‍କୁ ଇସ୍ରୋ ସୋମବାର ମହାକାଶକୁ ପଠାଇଛି। ଆନ୍ଧ୍ରପ୍ରଦେଶର ଶ୍ରୀହରିକୋଟାସ୍ଥିତ ସତୀଶ ଧୱନ୍‍ ମହାକାଶ କେନ୍ଦ୍ରରୁ ଠିକ୍‌ ସକାଳ ୯ଟା ୨୭ ମିନିଟ୍‍ରେ ବିଦେଶର ୨୮ଟି ଉପଗ୍ରହ ସହିତ ଏମିସାଟ୍‍କୁ ପିଏସଏଲଭି-ସି୪୫ ମହାକାଶ ଯାନରେ ଉତକ୍ଷେପଣ କରାଯାଇଥିଲା। ଇସ୍ରୋ ଆଜି ନୂଆ କୀର୍ତ୍ତିମାନ ସ୍ଥାପନ କରିଛି। ଆନ୍ଧ୍ରପ୍ରଦେଶର ଶ୍ରୀହରିକୋଟା ସତୀଶ ଧାୱନ ସ୍ପେଶ ସେଂଟରରୁ ଉତକ୍ଷେପଣ ହୋଇଛି ଇଲୋକ୍ଟ୍ରୋନିକ୍ସ ଇଂଟିଲିଜେନ୍ସ ଉପଗ୍ରହ ଏମିସାଟ। ଶତ୍ରୁପକ୍ଷ ଉପରେ ନଜର ରଖିବ ଏମିସାଟ୍। ଇସ୍ରୋ ଓ ଡିଆରଡିଓ ମିଳିତ ଭାବେ ଏହି ଉପଗ୍ରହକୁ ତିଆରି କରିଛନ୍ତି। ଏହାଦ୍ୱାରା ସୀମାରେ ପାକିସ୍ତାନ ଦ୍ୱାରା ଇଲେକ୍ଟ୍ରୋନିକ ଓ ମାନବିକ ଗତିବିଧି ଉପରେ ନଜର ରଖିବ। ଅର୍ଥାତ ସୀମାରେ ରାଡାର ଓ ସେନସର ଉପରେ ଏହି ଉପଗ୍ରହ ନଜର ରଖିବ। ଏମିସାଟ ମହାକାଶରେ ଶତ୍ରୁପକ୍ଷର ରାଡାର ଉପରେ ତୀକ୍ଷ୍ଣ ନଜର ରଖିବ। ଏମିସାଟ୍‌ ସହିତ ପିଏସ୍‌ଏଲଭି ରକେଟ ବିଦେଶର ୨୮ଟି ଉପଗ୍ରହକୁ ମହାକାଶ ନେଇ ଯାଇଛି। ମହାକାଶର ୩ଟି ଭିନ୍ନ ଭିନ୍ନ କକ୍ଷପଥରେ ଉପଗ୍ରହଗୁଡ଼ିକୁ ସ୍ଥାପନ କରିବ। ରକେଟ ପ୍ରଥମେ ୪୩୬ କିଲୋଗ୍ରାମ ଓଜନର ଏମିସାଟକୁ ୭୪୯ କିଲୋମିଟର ଦୂରତାରେ ଥିବା କକ୍ଷପଥରେ ସ୍ଥାପନ କରିବ। ଏହା ପରେ ୨୮ଟି ଉପଗ୍ରହକୁ ୫୦୪ କିଲୋମିଟର ଉଚ୍ଚ କକ୍ଷପଥରେ ସ୍ଥାପନ କରିବ। ବିଦେଶର ୨୮ଟି ଉପଗ୍ରହ ମଧ୍ୟରୁ ଆମେରିକାର ୨୪ଟି, ଲିଥୁଆନିଆର ୨ଟି ଏବଂ ସ୍ପେନ ଓ ସ୍ବିଜରଲାଣ୍ଡର ଗୋଟିଏ ଲେଖାଏ ଉପଗ୍ରହ ରହିଛି। ତେବେ ପ୍ରଥମ ଥର ପାଇଁ ସାଟେଲାଇଟ ଉତ୍‌କ୍ଷେପଣ ସମୟରେ ସାଧାରଣ​‌ ଲୋକଙ୍କୁ ଦେଖିବାର ସୁଯୋଗ ମିଳିଥିଲା। ପାଖାପାଖି ୧ ହଜାର ଲୋକ ସୋମବାର ଏମିସାଟ୍‌ ଲଞ୍ଚ କରାଯିବାର ଦୃଶ୍ୟ ଦେଖିଥିଲେ।