ଭୁବନେଶ୍ବର, ଅନ୍ତାର୍ଜାତୀୟ ବାଲୁକାଶିଳ୍ପୀଙ୍କ ସୁଦର୍ଶନ ପଟ୍ଟନାୟକଙ୍କ ଏକ ବାଲୁକା କଳା ଭୁବନେଶ୍ବର ବିମାନ ବନ୍ଦରରେ ଶୋଭା ପାଉଛି। ଏଥିରେ ସୁଦର୍ଶନ ଭଗବାନ ବୁଦ୍ଧ ଶୟନ ଅବସ୍ଥାର ଏକ ସ୍ଥାପତ୍ୟ ବେଶ୍ ଆକର୍ଷଣୀୟ ଭାବେ ନିର୍ମାଣ କରିଛନ୍ତି।
Tag: ସୁଦର୍ଶନ ପଟ୍ଟନାୟକ
ପୁରୀ, ନିଜ ବାଲୁକା କଳାରେ ଭାରତର ପୂବର୍ତନ ରାଷ୍ଟ୍ରପତି ପ୍ରଣବ ମୁଖାର୍ଜୀଙ୍କୁ ଶ୍ରଦ୍ଧାଞ୍ଜଳି ଜଣାଉଛନ୍ତି ଅନ୍ତର୍ଜାତୀୟ ବାଲୁକା ଶିଳ୍ପ ସୁଦର୍ଶନ ପଟ୍ଟନାୟକ
ପୁରୀ, ଆଜି ଗଣେଷ ପୂଜା। ହେଲେ କରୋନା ଯୋଗୁଁ ଯେପରି ଧୂମଧାମରେ ଏହି ପୂଜା ହେବା କଥା ତାହା ହୋଇପାରୁ ନାହିଁ। ତେବେ ଏପରି ପରିସ୍ଥିତରେ ଅନ୍ତର୍ଜାତୀୟ ବାଲୁକାଶିଳ୍ପୀ ସୁଦର୍ଶନ ପଟ୍ଟନାୟକଙ୍କ ବାଲୁକା କଳା ଏକ ଭିନ୍ନ ବାର୍ତ୍ତା ଦେଉଛି। ଗଣେଷ ପୂଜା ଅବସରରେ ସୁଦର୍ଶନ ପୁରୀ ବେଳାଭୂମିରେ କରିଛନ୍ତି ଏକ ଗଣେଷ ବାଲୁକା କଳା।
ସୁଦର୍ଶନ ଏହି ବିରାଟକାୟ ଗଣେଷ ସ୍ଥାପତ୍ୟ କରିବା ସହିତ କରୋନା ସଚେତନତାର ବାର୍ତ୍ତା ମଧ୍ୟ ଦେଇଛନ୍ତି। ସେ ପ୍ରଭୃ ଗଜାନନଙ୍କୁ ସାରା ବିଶ୍ବକୁ କରୋନାରୁ ମୁକ୍ତି ଦେବା ପାଇଁ ପ୍ରାର୍ଥନା କରିଛନ୍ତି। ଗଣେଷ ପ୍ରତିମୂର୍ତ୍ତିର ଶୁଣ୍ଢ ପାଖରେ ସୁଦର୍ଶନ ଏକ ଗୋଲାକାର ସ୍ଥାପତ୍ୟ କରି ସେଥିରେ ଏହି ବାର୍ତ୍ତା ଲେଖିଛନ୍ତି। ଇଂରାଜୀରେ ଲେଖିଥିବା ଏହି ବାର୍ତ୍ତାର ଓଡିଆରେ କୁହାଯାଇପାରେ ଯେ, କୋରନା ସହିତ ଯୁଦ୍ଧ କରିବା ପାଇଁ ପ୍ରଭୃ ଗଣେଷ ଆମକୁ ଶକ୍ତି ପ୍ରଦାନ କରନ୍ତୁ।
ତେବେ ଏହି ବାଲୁକାକଳାକୁ ଅନୁଧ୍ୟାନ କଲେ ପ୍ରଭୃ ଗଣେଷଙ୍କ ବାହନ ମୂଷା ବେଶ୍ ଆକର୍ଷଣୀୟ ହୋଇପାରିଛି।
ପୁରୀ, ଆଜି 74 ତମ ସ୍ବାଧୀନତା ଦିବସ ଉପଲକ୍ଷେ ପୁରୀ ବେଳାଭୂମିରେ ଏକ ବାଲୁକା କଳା କରିଛନ୍ତି ଅନ୍ତର୍ଜାତୀୟ ବାଲୁକାଶିଳ୍ପୀ ସୁଦର୍ଶନ ପଟ୍ଟନାୟକ। ତେବେ ଏଥର କୋରନା ମହାମାରୀରେ ସାରା ବିଶ୍ବ ଆକ୍ରାନ୍ତ ହୋଇପଡିଥିବାରୁ ଭାରତରେ ଅଗଷ୍ଟ 15 କାଣ୍ଟଛାଣ୍ଟ ଭାବେ କରାଯାଇଛି। ସେତେବେଳେ ଯେପରି ସ୍ବାଧୀନତା ସଂଗ୍ରାମୀମାନେ ଇଂରେଜ ବିରୋଧରେ ଯୁଦ୍ଧ କରୁଥିଲେ, ଏବେ ବି କରୋନା ବିରୋଧରେ ଯୁଦ୍ଧ ଚାଲିଛି। ସେହି ଯୁଦ୍ଧରେ ଯେଉଁମାନେ ଯୋଦ୍ଧା ତାଙ୍କୁ ସମ୍ମାନ ଜଣାଇ ସୁଦର୍ଶନ କରିଛନ୍ତି ଏହି ବାଲୁକା କଳା।
74 ତମ ସ୍ବାଧୀନତା ଦିବସ ସହିତ କରୋନା ଯୁଦ୍ଧର ଏକ ସମିଶ୍ରଣରେ ସୁଦର୍ଶନ ନିର୍ମାଣ କରିଛନ୍ତି ଏହି ସ୍ଥାପତ୍ୟ। ଏଥିରେ କୋଭିଡ ଯୋଦ୍ଧାମାନଙ୍କ ସହିତ ଶୀର୍ଷରେ ସେ ତିଆରି କରିଛନ୍ତି ତ୍ରୀରଙ୍ଗା। ଗୋଟିଏ ପଟେ ଡାକ୍ତର ନର୍ସ ସେବକମାନେ ଥିବା ବେଳେ ଅନ୍ୟ ପଟେ ସେ ସୁରକ୍ଷା ବାହିନୀଙ୍କୁ ରଖିଛନ୍ତି। ମଝିରେ ଏମାନଙ୍କୁ ସାଲୁଟ କରିବା ପାଇଁ ଇଂରାଜୀରେ ଉଲ୍ଲେଖ କରାଯାଇଛି।
ପୁରୀ, ଆଜି ପ୍ରଖ୍ୟାତ ଅଭିନେଚା ବିଜୟ ମହାନ୍ତିଙ୍କୁ ସମସ୍ତେ ଅଶ୍ରୁଳ ଶ୍ରଦ୍ଧାଞ୍ଜଳି ଦେଇ ବିଦାୟ ଦେଇଛନ୍ତି। ଏହି ସମୟରେ ବାଲୁକାଶିଳ୍ପୀ ସୁଦର୍ଶନ ପଟ୍ଟନାୟକ ମଧ୍ୟ ତାଙ୍କ କଳାରେ ବିଜୟଙ୍କୁ ଦେଇଛନ୍ତି ଶେଷ ସମ୍ମାନ
ଭୁବନେଶ୍ବର, ପ୍ରଖ୍ୟାତ ଅଭିନେତା ଅମିତାଭ ବଚନ କରୋନା ପଜେଟିଭ ଚିହ୍ନଟ ହେବା ପରେ ସେ ବର୍ତ୍ତମାନ ମୁମ୍ବାଇର ଲୀଲାବତି ହସପିଟାଲରେ ଚିକିତ୍ସିତ ହେଉଛନ୍ତି। ତାଙ୍କର ଆଶୁ ଆରୋଗ୍ୟ କାମନା କରିଛନ୍ତି ଅନ୍ତର୍ଜାତୀୟ ବାଲୁକାଶିଳ୍ପୀ ସୁଦର୍ଶନ ପଟ୍ଟନାୟକ। ସୁଦର୍ଶନ ପୁରୀ ବେଳାଭୂମିରେ ନିର୍ମାଣ କରିଛନ୍ତି ଅମିତାଭ ବଚନଙ୍କ ବାଲୁକା କଳା। ସୁଦର୍ଶନ ଅମିତାଭ ବଚନଙ୍କୁ ଏକ ନୀଳ ରଂଗର ବ୍ଲେଜର ସହିତ ସମାନ ରଂଗର ମାସ୍କ ପରିଧାନ କରାଇଛନ୍ତି। ଏଥି ସହିତ ଇଂରାଜୀରେ ଶିଘ୍ର ସୁସ୍ଥ୍ୟ ହେବେ ବୋଲି ସେହି କଳାରେ ସେ ଉଲ୍ଲେଖ କରିଛନ୍ତି।
ଅମିତାଭ ବଚନ ନିକଟରେ କୋଭିଡ ପଜେଟିଭ ବାହାରିବା ପରେ ସେ ହସପିଟାଲରେ ଭର୍ତ୍ତି ହୋଇଛନ୍ତି। ଏଥିସହିତ ତାଙ୍କର ପୁଅ ଅଭିଷେକ ବଚନ, ବୋହୂ ଐଶ୍ବର୍ଯ୍ୟା ରାୟ ବଚନ ଏବଂ ନାତୁଣୀ ଆରଧ୍ୟା ମଧ୍ୟ କୋଭିଡ ପଜେଟିଭ ଚିହ୍ନଟ ହୋଇଛନ୍ତି।
ପୁରୀ, ଆଜି ମହେନ୍ଦ୍ର ସିଂ ଧୋନିଙ୍କ ଜନ୍ମଦିନ, ସେଥିପାଇଁ ଅନ୍ତର୍ଜାତୀୟ ବାଲୁକା ଶିଳ୍ପୀ ସୁଦର୍ଶନ ପଟ୍ଟନାୟକ ପୁରୀ ବେଳାଭୂମିରେ କରିଛନ୍ତି ବାଲୁକା କଳା। ଧୋନିଙ୍କ ଜନ୍ମଦିନ ପାଇଁ ବିଭିନ୍ନ ସ୍ଥାନରୁ ଶୁଭେଚ୍ଛାର ବାର୍ତ୍ତା ଆସିବାରେ ଲାଗିଛି। ହେଲେ ସୁଦର୍ଶନଙ୍କ ଏହି ବାଲୁକା କଳା ସେ ମଧ୍ୟରୁ ଭିନ୍ନତା ରଖିଛି। ସୁଦର୍ଶନ ତାଙ୍କ କଳାରେ ଏକ ବାଲୁକା ବ୍ୟାଟ ତିଆରି କରିଛନ୍ତି। ସେହି ବ୍ୟାଟ ଭିତରେ ଧୋନିଙ୍କ ପ୍ରତିକୃତିକୁ ସ୍ଥାନିତ କରିଛନ୍ତି। ବ୍ୟାଟ ଶେଷରେ ଧୋନିଙ୍କୁ ଜନ୍ମଦିନର ଶୁଭେଚ୍ଛା ବୋଲି ଲେଖିଛନ୍ତି।
ପୁରୀ, ଗୋଟିଏ ପଟେ ଘଡଘଡ ନାଦ କରି ପୁରୀ ବଡଦାଣ୍ଡରେ ରଥ ଗଡୁଥିବା ବେଳେ ଅନ୍ୟପଟେ ସମୁଦ୍ର ଗର୍ଜନ ଭକ୍ତଙ୍କୁ ବିମୋହିତ କରିବା କଥା। ହେଲେ କୋଭିଡ19 କଟକଣା ଯୋଗୁଁ ଏଥର ଭକ୍ତଶୂନ୍ୟ ହୋଇ ପଡିଥିଲା ପୁରୀ ବଡଦାଣ୍ଡ ଓ ସମୁଦ୍ରକୂଳ। ତେବେ ଭକ୍ତ ଥାଆନ୍ତୁ କି ନାହିଁ ଗଡିଲା ରଥ। ସେହିପରି ବିନା ଦର୍ଶକରେ ମଧ୍ୟ ବାଲୁକାଶିଳ୍ପୀ ସୁଦର୍ଶନ ପଟ୍ଟନାୟକ ଜଗନ୍ନାଥଙ୍କୁ ପ୍ରଦାନ କରିଛନ୍ତି ଭକ୍ତିପୂତ ଅର୍ଘ୍ୟ।
ବିଭିନ୍ନ ଘଟଣାକୁ ନେଇ ବାଲୁକା କଳା ନିର୍ମାଣ କରିବାରେ ସୁଦର୍ଶନ ପଟ୍ଟନାୟକଙ୍କ ବେଶ୍ ଖ୍ୟାତ ଅଛନ୍ତି। ସେହିପରି ଏଥର ରଥଯାତ୍ରାରେ ମଧ୍ୟ ସେ ନିର୍ମାଣ କରିଛନ୍ତି ଏକ ଆକର୍ଷଣୀୟ ବାଲୁକା କଳା। ପୁରୀ ବେଳାଭୂମିରେ ସେ ଜଗନ୍ନାଥ, ବଳଭଦ୍ର ଏବଂ ମା ସୁଭଦ୍ରାଙ୍କ ବାଲୁକାରେ ରଂଗୀନ କଳା ନିର୍ମାଣ କରିଛନ୍ତି। ଏଥିସହିତ ଶ୍ରୀମନ୍ଦିରକୁ ମଧ୍ୟ ସେ ତାଙ୍କ କଳାରେ ସ୍ଥାନିତ କରିଛନ୍ତି। ଏହା ଦେଖିବା ପାଇଁ ଦର୍ଶକ ନ ଥିଲେ ମଧ୍ୟ ବର୍ତ୍ତମାନ ରଥଯାତ୍ରା ପାଇଁ ଏହା ବେଶ୍ ଆକର୍ଷଣୀୟ ହୋଇପାରିଛି।
ପୁରୀ: କରୋନା ଭାଇରସ ଉପରେ ସିରିଜ ବାଲୁକା କଳା କରି ଏକ ରେକର୍ଡ ସୃଷ୍ଟି କରିବାକୁ ଯାଉଛନ୍ତି ଆନ୍ତର୍ଜାତୀୟ ବାଲୁକାଶିଳ୍ପୀ ସୁଦର୍ଶନ ପଟ୍ଟନାୟକ। ଘରେ ରହନ୍ତୁ ହେଉ କିମ୍ବା କରୋନା ମୁକାବିଲା, ଡାକ୍ତର ଓ ସ୍ବାସ୍ଥ୍ୟକର୍ମୀଙ୍କୁ ସମ୍ମାନ ହେଉ କିମ୍ବା ହାତ ଧୋଇବା। ଏହିପରି ବିଭିନ୍ନ ସମୟରେ ଭିନ୍ନ ଭିନ୍ନ ସଚେତନତା ବାଲୁକା ସ୍ଥାପତ୍ୟ କରିବାରେ ଲାଗିଛନ୍ତି ଏହି ଶିଳ୍ପୀ। ଏଥିପାଇଁ ବିଶ୍ବସ୍ତରରେ ତାଙ୍କୁ ବେଶ୍ ପ୍ରସଂଶା ମଧ୍ୟ ମିଳିବାରେ ଲାଗିଛି।
ଏହି କରୋନା ସଚେତନତା ସିରିଜରେ ଏଥର ସୁଦର୍ଶନ ମାସ୍କ ବିଷୟକୁ ନେଇ ବାଲୁକା କଳଛନ୍ତି। ସେଥିପାଇଁ ସେ ପୁରୀ ବେଳାଭୂମିରେ ଦୁଇଟି ଭିନ୍ନ ଭିନ୍ନ ବାଲୁକା କଳା ନିର୍ମାଣ କରିଛନ୍ତି। ଗୋଟିଏରେ ସେ ମାସ୍କ ପିନ୍ଧିବା ପାଇଁ ସଚେତନତା କରିଥିବା ବେଳେ ଅନ୍ୟଟିରେ ନିଜଘରେ ମାସ୍କ ତିଆରି କରନ୍ତୁ ବୋଲି କଳା ମାଧ୍ୟମରେ କହିଛନ୍ତି।
ନିଜ ଘରେ ମାସ୍କ ତିଆରି କରିବା ପାଇଁ ହୋଇଥିବା ସ୍ଥାପତ୍ୟରେ ଜଣେ ପୁରୁଷ ଓ ଜଣେ ସ୍ତ୍ରୀ ମୁହଁରେ ମାସ୍କ ପିନ୍ଧି ମୁହାଁମୁହିଁ ହୋଇ ରହିଛନ୍ତି। ତେବେ ସେମାନଙ୍କ ମୁହଁରେ କୌଣସି କଂପାନୀ ପ୍ରସ୍ତୁତ ନୁହେଁ ଘରେ ତିଆରି ଚିରା ପିନ୍ଧା ଲୁଗାରେ ହୋଇଥିବା ମାସ୍କ ପିନ୍ଧିଛନ୍ତି। ଏହି ମାସ୍କ ଏବଂ ସ୍ଥାପତ୍ୟର ପୋଷାକ ପରିଧାନକୁ ଲକ୍ଷ୍ୟ କଲେ ସୁଦର୍ଶନଙ୍କ କଲାଚାତୁରୀ ବାରି ହୋଇପଡେ। ଏହାକୁ ବାଲିରେ ସୁଦର୍ଶନ ଏପରି ନିର୍ମାଣ କରିଛନ୍ତି ଯାହା ଅବିକଳ ଲୁଗାର ମାସ୍କ ପରି ଲାଗୁଛି। ଦୁଇ ମୁହଁ ମଝିରେ ଆସ ମାସ୍କ ତିଆରି କରିବା ବୋଲି ଇଂରାଜୀରେ ଲେଖାଯାଇଛି।
ସେହିପରି ଆଉ ଏକ ସ୍ଥାପତ୍ୟରେ ସୁଦର୍ଶନ ଜଣେ ମହିଳାଙ୍କ ମୁହଁରେ ମାସ୍କ ପିନ୍ଧାଥିବା ବାଲୁକାକଳା ମଧ୍ୟ କରିଛନ୍ତି। ଏଥିରେ ମହିଳା ଜଣଙ୍କ ମୁହଁର ଭାବଭଙ୍ଗି ଯାହା ତାହା ପ୍ରମାଣତି କରୁଛି ଯେ ସେ କଡା ନଜରରେ ସମସ୍ତଙ୍କୁ ମାସ୍କ ପିନ୍ଧିବା ପାଇଁ କହୁଛନ୍ତି। ସେଥିପାଇଁ ସୁଦର୍ଶନ ସେହି ପ୍ରତିମୂର୍ତ୍ତିର ଆଖିକୁ ବଡବଡ କରିଛନ୍ତି। ଦେଖିଲେ ଲାଗୁଛି ପ୍ରତିମୂର୍ତ୍ତିଟି ଆଖି ତରାଟି ଆଶ୍ଚର୍ଯ୍ୟ ଭାବେ ଚାହିଁ ରହିଛି।
ସୁଦର୍ଶନ ପ୍ରତିଦିନ କରୋନା ଭାଇରସ ଉପରେ କରୁଥିବା ଏହି ସିରିଜ ବାଲୁକା କଳା ବିଶ୍ବ ବାସୀଙ୍କୁ ଏପରି ବିଶ୍ବ ସ୍ବସ୍ଥ୍ୟ ସଂଗଠନ ମଧ୍ୟ ପ୍ରସଂଶା କରିଛି।