ବାଣପୁର ମାରଣାସ୍ତ୍ର ଆକ୍ରମଣ ଘଟଣାରେ ଜଣେ ଅଭିଯୁକ୍ତଙ୍କୁ ବାନ୍ଧିଲା ପୋଲିସ

Published: Jun 9, 2023, 3:44 pm IST

ସୀତାରାମ ଅଗ୍ରୱାଲ

ବାଣପୁର: ଗତକାଲି ଅପରାହ୍ନରେ ଖୋର୍ଦ୍ଧା ଜିଲ୍ଲା ବାଣପୁର ଥାନା ଅଞ୍ଚଳରେ ଦୁଇ ଜଣ ଯୁବକଙ୍କୁ ମାରଣାସ୍ତ୍ରରେ ଆକ୍ରମଣ ଘଟଣାରେ ଜଣେ ଅଭିଯୁକ୍ତଙ୍କୁ ଆଜି ପୋଲିସ ଗିରଫ କରି କୋର୍ଟଚାଲାଣ କରିଛି। ଅଭିଯୁକ୍ତ ଜଣକ ସାନ ହନ୍ତୁଆଡ଼ ଗ୍ରାମ ତପନ କୁମାର ପାଇକରାୟ (୧୯) ବୋଲି ଜଣାପଡିଛି।

ତେବେ ଅନ୍ୟ ଅଭିଯୁକ୍ତ ମାନେ ଅଦ୍ୟାବଧି ଫେରାର ଅଛନ୍ତି। ଗତକାଲି ପୋଲିସ ଘଟଣାସ୍ଥଳରୁ ଏକ କାତି ଏବଂ ଠେଙ୍ଗା ଜବତ କରିଥିବା ବେଳେ ଆଜି ଗିରଫ ଅଭିଯୁକ୍ତଙ୍କ ନିକଟରୁ ଏକ ବାଇକ ଜବତ କରିଛି।

ଅଭିଯୁକ୍ତମାନଙ୍କ ବିରୁଦ୍ଧରେ କେସ ନମ୍ବର ୨୨୫/୨୩ ରେ ଏକ ମାମଲା ରୁଜୁ ହୋଇଥିବା ବେଳେ ସେମାନଙ୍କ ବିରୁଦ୍ଧରେ ଆଇପିସି ଦଫା ୩୦୭ ସହ ଏକାଧିକ ସଙ୍ଗୀନ ଦଫା ଲାଗିଛି।

ସୂଚନା ଥାଉ କି ଗତକାଲି ଅପରାହ୍ନରେ ସ୍ପଷ୍ଟ ଦିବାଲୋକରେ ବାଣପୁର ପଲଟନ ପଡିଆ ନିକଟରେ ଭୀମପୁର ଗ୍ରାମର ଦୁଇ ଯୁବକଙ୍କୁ ଦୁର୍ବୁତ୍ତ ମାନେ ମରଣାସ୍ତ୍ରରେ ଆକ୍ରମଣ କରିଥିଲେ। ବାଣପୁର ପରି ଶାନ୍ତିପ୍ରିୟ ଅଞ୍ଚଳରେ କଦାପି ଅସାମାଜିକ ଏବଂ ଅପରାଧିକ କାର୍ଯ୍ୟକଳାପକୁ ପ୍ରଶ୍ରୟ ଦିଆଯିବନାହିଁ ବୋଲି ବାଲୁଗାଁ ଏସଡ଼ିପିଓ ଶୁଭ୍ରାଂଶୁ ଶେଖର ମିଶ୍ର କହିଛନ୍ତି।

ତେବେ ଖୁବଶୀଘ୍ର ଅନ୍ୟ ସମସ୍ତ ଆକ୍ରମଣକାରୀମାନେ ଗିରଫ ହେବେ ବୋଲି ଶ୍ରୀ ମିଶ୍ର କହିଛନ୍ତି।

Related posts